PDA المساعد الشخصي الرقمي

عرض كامل الموضوع : قصتي مع منيرة



dezil queen
18-08-2008, 18:08
هاي كيفكم موضوعي هالمرة ايشي جديد و مختلف تماما عن الأول قصة عن شب مسكين قصته بضحك

(بس مش حقيقية لا تصدقوا قصة وكتبتها)


هذا في يوم من الأيام كان الينا جارة اسمها منيرة عايشة جنبنا مع جدتها و جدها لانه اهلها ماتوا كلهم في حادث( يا حرام مساكين يمكن ماتوا فعص او دعس الله هو العليم)

المهم كانت منيرة بنت كويسة و حلوة كنت دايما الحقها و اشوفها من البلكونة (صايع شو أعمل)
كنت أحبها و الله ما قصرت ورحت خطبتها بس أهلها ما قبلوا قال محجوزة لابن خالتها ناصر
كان جدها شخص حبوب ونغش ليوم النغاشة ولا جدتها من الأخر غير انهاكانت صاحبة أمي .

في يوم من الأيام كانت أمي ومنيرة وجدتها في مطبخ بيتهم بيعلمو منيرة طبخ الملفوف المهم أمي أعطتهم المقادير وروحت على الدار( عشان تكمل الطبخة اللي على النار) وضلت منيرة لحالها مع جدتها في المطبخ نعست جدتها وقالت لمنيرة : انا ريحة ارتاح بس انتبهي للغاز يا منيرة الله يرضى عليك لا تبلينا.:o

وراحت الجدة تنام وضلت منيرة تحوص بالمطبخ لحالها ( وشو فكركو عملت؟؟؟؟!!!!) صح ياعيني عليكم نسيت الغاز مفتوح وصار اللي صار !!!!!!!!!!!!!!!!!


"انفجار وحريق"

ما علينا كنت انا بتمشى بشوارع الحارة لقيت صاحبي سعيد بيركض ( فكرتو داخل مسابقة ركض )
قلتلوه : مالك يا زلمة؟ :مندهش:
ليش طاير كانك بتسابق طيارة؟
قال لي : الحقني شب حريقة في بيت منيرة تعال نتفرج.

اييييييييييييييييش بيت منيرة شب و ولع!!!:eek:
مو معقول!!!!!!!!!!

وأروح طاير لبيتها والقى الناس مجتمعين و المطافي و العجقة العجقة.
لا لا لا مستحيل منيرة جوا النار و انا واقف زي اللوح لازم أعمل ايشي لازم .
وقررت أدخل البيت وأنقذهم وأعمل حالي سوبر مان .

المهم لبست الاواعي ودخلت البيت والنار الله لا يفرجيكو بتلدع لدع ( كتير ساخنة)
وأول مكان دخلت عليه غرفة ( لا مش منيرة برضوا لسا عندي زوق وبعرف اني لازم اساعد الجد أول)
وما قصرت و دخلت و يا حرام كانت حالته حالة كشته منكوشة ونص راسه قابع ومولع :confused:المهم طلعتوا و رجعت أدور على حبيبتي منيرة و انا في الطريق لغرفتها لقيت في البستان الجاج (من الحم راح فيها و صاير دجاج كنتاكي) ما علينا أدخل نص النار وانا كل ما أدخل كمان لجوا النار تزيد ( وانا ميت من الشوب) المهم دخلت على الغرفة و لقيت منيرة و جدتها متخبين وخايفين وانا أشوف انه منيرة بترج و انجن و أدخل أخذها وأخلي جدتها وطلعنا من البيت و الناس بيستنونا برة و أول ما طلعنا شافت منيرة ابن خالتها ناصر و بدات تصيح
ناااااااااااااااااااااااااصر ناااااااااااااااااااااصر نااااااااااااااااااااااااااااااصر وحلقتلي ولا كأني واقف و راحت تركض عنده.

وانا حاط ايدي على خدي مقهور و مفزور رجعت لي بتبكي و قالت : ليش تركت جدتي؟ روح ساعدها.
وقلتلها : ولا يهمك هسة بروح أجيبها .
أروح و القى جدتها مطلعة رجليها من الشباك بدها تنط و الناس تقوللها طولي بالك هلا بيساعدوك وهي معندة وراسها وألف سيف الا تنط واطلع و أسحبها من رجليها وأخذها و اوديها عند منيرة و اقولها : هاي جدتك بخير
و شافتها و تركض عليها و ضمها و حلقتلي مرة تانية .
وانا فقعت معي لانها طلعت بلا زوق أنقذ كل العلية وحتى ما تقول شكرا!!!!!
أروح زعلان لمكان بعيد وأبكي و أصيح : هيك أخرتها يا منيرة ماشي بسيطة انا اصلا الحق علي.:mad:

شوي ولا أسمع صوت منيرة بتقولي : أحمد بس ما تكون زعلت ؟؟؟؟؟؟؟؟؟؟!!!!!!!!!!!
انا عاد جلّست و قلت فرصة أدلع . لا لا ما صار اشي. المهم قالتلي انها وجدها و جدتها قرروا ايشي
قلت: ايش ؟! قالت : انت اللي أنقذتنا لما كان البيت بنحرق وناصر كان بتفرج عشان هيك ازا لسه بدك تتزوجني احنا موافقين طرت من الفرحة وانا لسه مش مستوعب الموضوع .

المهم ما اجى اخر الأسبوع الا انا و منيرة دخلنا القفص الذهبي و عقبالكوا.::جيد::

lovly boy
18-08-2008, 18:20
ههههههههه

روعه القصه

لا لا مستحيل منيرة جوا النار و انا واقف زي اللوح لازم أعمل ايشي لازم .
وقررت أدخل البيت وأنقذهم وأعمل حالي سوبر مان .

^
^
^

عجبني سوبرمان مشكوره dezil queen

ليناااااااااا
18-08-2008, 21:09
ههههههههههههه

يسلموووووووووووو

@rose@
18-08-2008, 21:26
خخخخخخخخخخخخخخخ..
القصه مره حلوه..

يسلموووووووو..

M7ASHSHE
19-08-2008, 15:44
يختي عليكي يا :Ddezil queen

والله انك على راسي فوق :rolleyes:

الموضوع روعة وجنان ويا حرام احمد

قد ما نحلق له بسببها:محبط:

بعدين هي تجوزته بس عشان انقذها( صحيح ما بتستحي)::مغتاظ::

المهم لما قلتي بالاخير (عقبالكم) :نوم:

قلت ان شا الله يارب :p:)

يسلمووووووووو :D:Dqueenoooo

خدود مشوية
19-08-2008, 15:56
ههههه
يسلمو عالقصهـ الحلوهـ زيك