PDA المساعد الشخصي الرقمي

عرض كامل الموضوع : حكاية يابعدهم و......



Lord Sale7
09-08-2008, 21:15
.:.:سلام عليهم ورحمة الله وبركاته:.:.

كيف حالكم؟عساكم بخير؟
الي بيسأل عني(من الي بيسأل)..أنا كفتهhttp://www.x333x.com/smiles/data/13/108.gif(يقصد الكاتب بجيد)
أول شي خلونا عن الموضوع بعدين ناخذ كم حبة سويليفةhttp://www.x333x.com/smiles/data/13/089.gif..
في مشكلة هاليومين عويصة>>اخذته من الوالدةhttp://www.x333x.com/smiles/data/13/164.gif..
هالحر ذبحنا!! حنا أهل الرياض ننطبخ:بكاء:..من هالشموس!! على طول الواحد يطلع تصير خديداته غدي حمر:محبط:..!!
المشكلة هوا حار وشمس حارة!!:نوم:
عالعموم في طلعة لـأبها البهية ان شاء اللهhttp://www.x333x.com/smiles/data/13/088.gif!! الي بيطلع معنا يجيب قطية>شغل ابتدائية< مبلغ ثلاثمية ريال (لا يتضمن تكاليف الطعام)
خلونا نجي للامبورتمنت http://www.x333x.com/smiles/data/13/079.gif..!


يا بعدهم اسمه الحقيقي صالح.. شاب فرفور يبلغ من العمر 25 سنة ومعاها أربع شهور مجّانيه .. يعني حولي وحوالي والأعمار بيدِ الله ..
تخرّج من الثانوية الليلية بعد ماتعب وكدّ ولعبت فيه القوايل من ملاحق " المعيز " طول النهار ، وبالليل يحط الدفاتر على ظهره ويروح يدرس .
بعد تخرّجه اشتغل بمحل خُضار بِحُكم أن الوظائف مُتاحه على طول لِكُل شاب وشابّه متشبشبين ، والحكومة أبخص ووزير العمل دايم يقول " أنتم بس تخرّجوا وماعليكم

ماكان - وقسم بالله - يتتن أو يغشّ في بيع الطماط أو أنه ياخذ ريلين من زبون المحل إذا شال أغراضه وركّبها في سيارته ..

صالح كان مِثال وتِمثال لِكُل شاب " مزبوط " على وجه الأرض .
طبعاً بعد ماهبّلت به ريحة البصل في محل الخُضار قرر يصير زي ولد عمّه " تركي ولد المنـــــــــطلتز " عسكري برتبة جنــدي حااااافّ بس عليه شويّ كتشب

ركبت براسه الفكرة .. وراح شرى جريدة الرياض بريالين متسلّفها .. قرطش أبو القراطيش وبدا من أوّل صفحة وحتى نهايتها .. قرى كل شي .. قرى حتى الأخبار الإقتصادية عشان يحلل الريالين .. مع أنه مايعرف وش معنى إقتصاد بس يسمع دايــــم أن " نصف الشعب عايش على أقساط البنوك

طبعاً .. أهم شي في الجريدة أنه عرف " موعد التقديم العسكري على رُتبة جندي " ووش المطلوب ووين الموعد وهل لازم تشوف لك واسطة " مُقدماً " أو " مؤخراً " .. طبعاً صالح ماعنده لامؤخر والا مُقدام .. بس عنده ربّه العالم بكل الخلايق !

شرا ملف أخضر .. وصوّر ست صور شمسية مكشوف الرأس والعقل .. مافيه ملحن أبد - سُبحان الله - .. بس العسكرية ماتبي ملح .. تبي رجّالن يتحمّل دعك الرمل بظهره الاشهب .. خذ شهادته الثانوية الليلي وشهادة حسن السيرة والسلوك ( أما شهادة حسن السيرة والسلوك فانا اشهد له بهالشي .. واكبر دليل أنه مايطلع بعد الساعة عشر من بيتهم ويروح يسرسر في الشوارع المظلمة ) .. ركـــب موتره وودع أمه وابوه ثم مرّ عمّه ناصر ( جندي حااااااافّ ) بنفس الكُلية ، طبـــــعاً الجماعة كلها جنود والرزق على الله

مسك سرا من الصباح إلى الساعة عشر وربع بالليل ، اختبروا نظره وطوله ووزنه وعقله ! .. إكتشفوا أن النظر " منتاز المنتاز " وعيونه تلاقط كنّه عيون قطو.. طوله راسي ووزنه يمشّي الحال ، العقل دقّروا فيه شوي ويوم سألوه عن عاصمة السودان تخربط وقال عاصمتها الدار البيضا ، قال له الضابط ياخي أنا ماقلت لك وش عكس السواد يومـــك تقول الدار البيضا .. سألوه سؤال ثاني : كم عدد الشعب السعودي ، يوم هنّق وقــــــام يعدّ عيال عمّه بس لخمه الضابط وقال له ( خالد ولد عمي تراه ميّت ) رد سالم وقال : طيب أنا ماعرفه !! .. الضابط أحتار في صالح.. عيونه وشوفه منتاااز والطول زين ووزنه رهيب بس العقل مهناش والرجّال خريج ليلي واحتمال بُكره يكبّ العفش وينكب أبو الدورية اللي معه ويطلع برّا الحدود

رفعوا أوراق صالح كقبول مبدئي ، عاد الضابط راحمه وشفقن عليه مرّه فقال له بصوتن مبحوح : يا صالح ترى فيه قبول نهائي ، لازم تعرف وش معنى " الديموقراطية " لأنهم إحتمال يسألونك عنها ، واحفظ بعد واجبات الصلاة لأنهم يمكن ينوّعون في الأسئلة فلازم تصير مُلِمّ بكل شي .. دنّق راسه صالح ثم قال له : يعني تهقا ياسعادة الجندي أني باتعيّن عسكري ، قفلت مع الضابط وقال أنا ضابط ياخوي طبعاً صالح مايعرف إلا الجنود لأن جماعته كلّهم جنود
طلع صالح وهو منتهي وتعبان وحالته يُرثى لها .. رقد له يومين ويوم قام دق تحيّه عسكرية لامّه .. ياويح قلبي يا صالح.. مشكلتك أن عندك أمل كبير ياحبني لك ( وجه يستفزّه

بعد اسبوع راح عشان القبول النهائي .. طبعاً حافظ واجبات الصلاة وعرف معنى الديموقراطية .. اختبروه مرّه ثانية وصار النظر نظر ذيب في شعيبن خضر ... خذ سته على سته ويوم جوا في الاسئلة مير يسألونه عن الديموقراطية ويجيب الجواب صح .. سألوه عن واجبات الصلاة ويطقّها مرّتن وحده ويهذّها هذّ من أوّل واجب إلى آخر واجب .. استانسوا الضبّاط عليه وقالوا شكلك جيّد بس أهلك هضموا حقّك وخلوك تدرس ليلي .. رد صالح: أنا أكدح ليلي نهاري ومأمّل إن شالله أني أقسّم راتبي إلى أقسام .. نصفه قسط للبنك وربعه باخليه مصروف والربع الباقي باجمعه عشان أبني لي بيت بعد ثلاثه واربعين سنة

إنتظر صالح شهر ونصف وهو يحسب ويطق أخماس على أخماس ويأمّل مُستقبله الأسود
إتصل فيه عمّه ناصر بضحى يوم الجمعه ويوم ردّ صالح وهو مبسوط .. قال له عمّه ناصر : ياولدي لاتحرص وتتعب عقلك ، ترى الديموقراطية تعدّتك وخذت غيرك

تعيش الديموقراطية .. وتسقط مدارس الليلي!!
تحياتي.

البطة السودة
09-08-2008, 21:52
هلو

كيف الحال

انشالله تمام


شو هل الابداع

والله يازين من كتب

لكن القصه تخلي الواحد حزين


عسى الله يفرجها

تقبل مروري سلامز

a7la-SoSo
09-08-2008, 22:17
اهلييين ..

ماشاءالله وش ذا الابدااع ..

قصه خطيييييره ههههه ..

بس عندي كم تعليق ..


يتتن

هل انت قصيمي ؟!..:D



صالح كان مِثال وتِمثال لِكُل شاب " مزبوط " على وجه الأرض .

ما اعتقد :لقافة:

<<< امزح:p

ههه من جد خطييره القصه مشكووور عليها ..::جيد::

Lord Sale7
09-08-2008, 23:12
::أنسة بطة::
مثل ما قلت كفتة الكفتاتhttp://www.x333x.com/smiles/data/13/230.gif!!
كيفك أنتِ؟
عفوك أختيhttp://www.x333x.com/smiles/data/13/010.gif

أنسة a7la-soso
و أهليييناااات...

بس عندي كم تعليق ..
وقتي متاحhttp://www.x333x.com/smiles/data/13/190.gif


هل انت قصيمي ؟!.
ايه:D
و
http://www.x333x.com/smiles/data/23/004.gif