عرض كامل الموضوع : سلطان الحب روايه روووماااانسيه سعوديه
يلاااااااا نزلي الباارت
بلييييييييييييز
انتظرك..
فرح وضحكتها مرح
04-09-2009, 04:08
البارت روووووعه
ننتظر التكملة
ثبــ شعلة ـات
08-09-2009, 10:20
السلام عليكم
معك شعلة ثبات
اشكرك اختي وديعه على القصه الأكثر من رااااااااااااااااااااااااااااااااااائعه
اتمنىتنزلي الباقي لاني انتظره على احررررررررررررررررررررررررررر من الجمر
بليييييييييييييييييييييييييييييييييييي:confused::c onfused:ييييييييييييييييييييييييييييييييييز
مع خاااالص تحياتي
سفاحة الامارات
10-09-2009, 22:24
السموحه ع تدخلي ..
انا شفت التكمله ..وماحبيت انكم ماتقرونها ..
بنزلها لكم ..هذا بارت من الجزء الاخير ^^
....
الجزء الواحد والخمسون
العنود بدت بعلاج وجهها وكان محدد لها تنتهي من علاجها بعد شهر ونص واتفقت هي وبدر يكون زواجهم بعد شهرين لأ نها ما تدري عن الوقت اللي تحتاجه عقب العمليه ,, أما سلطان وساره كانوا سمن على عسل ومافيه أحلى منهم الا أن سلطان كان متضايق شوي لأن فيونا بين كل فتره والثانيه تطلع له او تتصل عليه وتحاول تصلح اللي بينهم والمشكله مايدري وش اللي منعه وخلاه يتغاضى عن تصرفاتها.. كل مره يحاول يفهمها ويهاوشها بس يتراجع في آخر لحظه !!
سوت العنود العمليه و بالعافيه قدرت تتكتم على موضوع التجميل وحلفت ابوها انه ما يقول شي لبدر أو يعلمه وأهلها ما كان عاجبهم أنها تدخل المستشفى وتسوي عمليه وزوجها ما يدري بس آخر شي رضخوا لرغبتها ..
أول ما طلعت من غرفة العمليات كان أبوها وأمها وأصايل ينتظرونها في غرفتها ومتوترين لأن العمليه لو ما تنجح بتنهار العنود وبنات عمها وساره كلهم قلقانين عليها وكل شوي يتصلون يسألون عنها ..
طبعا العنود كانت مخدره ومابعد صحت من البنج راح أبوها للدكتور وسأله عنها وطمنه أن العمليه نجحت وأن وجهها رجع مثل أول وأحسن .
بدر مايدري ليش قلبه قابضه عالعنود من الصبح يتصل عليها وجوالها مقفل مع انه مو من عادتها تقفله حتى وهي نايمه كانت تخلي جوالها مفتوح .. اتصل اكثر من مره ونفس الشي !! بدى يقلق عليها قام اتصل عالبيت وردت عليه الخدامه وقالت أن العنود من أمس طالعه من البيت استغرب بدر لأنه أمس يوم يكلم العنود في الليل ماقلت له انها بتنام برى البيت اتصل على أصايل ونفس الشي جوالها مقفل وهالشي خلاه يخاف زود آخر شي أتصل على خاله ..
أبو أصايل كان قاعد مع أم اصايل وأصايل بالصاله اللي في جناح العنود أول ما شاف الرقم قام يناظر أصايل : هذا بدر يتصل وش أقوله ألحين أكيد يسأل عن العنود
أصايل : قل له في السوق والا طالعه أي مكان
أبو أصايل : مدري وش خلاني اطاوعكم واحلف اني ما اعلمه وش بأقول للرجال ألحين بتخلوني اكذب جعلكم منيب قايل
أصايل : يبه علشان عنوده تحمل اعتبرها كذبه بيضاء
أبو اصايل : الكذب كذب مافيه ابيض واخضر
أم أصايل : زين رد قبل ما يفصل
رد أبو بدر : آلو
بدر : هلا خالي وشلونك ؟ وش اخبارك ؟ بشرني عنك ؟
أبو أصايل : ياهلا والله ببدر حي الله النسيب والله أنا بخير أنت وشلونك ووشلون الوالد الأخوان والاهل عساهم بخير
بدر : كلنا بخير عساك بخير
أبو أصايل : الله يديم عليكم النعمه يارب
بدر : الا يا خالي بسألك عن العنود أتصل عليها هي واصايل وجوالاتهم مقفله واتصلت عالبيت وقالت لي الخدامه أن العنود من أمس وهي طالعه وما نامت في البيت عسى المانع خير يا خال ؟
أبو أصايل : يناظر أصايل وأمها وهو معصب لأنه كان ناوي يقول انهم في السوق مايدري ان بدر اتصل عالبيت وفضحتهم الخدامه
بدر : خالي فيكم شي ؟ العنود فيها شي أنا حاس ان فيها شي طمني تكفى
أبو أصايل وهو يحاول يضحك : لا مافينا الا العافيه تطمن وانا خالك
بدر : اجل العنود وينها ؟!
أبو أصايل : لحظه أسأل خالتك أم اصايل أنا كنت في المزرعه من أمس وتوني جاي ومابعد شفتها
ابو اصايل مسك الجوال بيده علشان يكتم الصوت والتفت على زوجته وبنته : وش اقوله الخدامه فضحتنا وقالت له ان العنود مانامت أمس في البيت
أصايل : قل راحت تنام في بيت ابوي سعود أمس ومابعد جت وإذا جت بتقولها تكلمه
أبو اصايل هز راسه وهو موب راضي ثمن رفع الجوال وكلم بدر : أم أصايل تقول ان العنود راحت تنام مع بنات عمها في بيت الوالد وبعد شوي بتجي إذا جت بأقولها تكلمك
بدر مايدري ليه قلبه ما ارتاح يمكن لأن العنود ما تطلع من البيت لأي مكان الا وهي قايله له سكت وكمل : زين طمنتني يا خالي الله يعطيك العافيه
أصايل : ماسويت شي وأنا خالك
بدر : ماقصرت الله لا يقصر بعمرك , يلله أجل ما أطول عليك توصيني بشي ياخال ؟
أبو أصايل : سلامتك سلم على الوالد والاخوان
بدر : يبلغ إن شاء الله , سلم على خالتي
أبو أصايل : يوصل يا ولدي
بدر : فمان الله
أبو أصايل : الله معك
أبو أصايل عقب ما صك الجوال حس انه ارتاح
أم أصايل : غلطتنا ما حرصنا الخدامه
أبو أصايل : سبحان الله كأن أحد معلمه
أصايل في نفسها أيه من حبه له الله يسعدهم ويخليهم لبعض
بعد ساعتين صحت العنود وكان جزء من وجهها مغطى بقطن وشاش فتحت عيونها ببطء وانسل اسم بدر من شفايفها وهي شبه صاحيه أبوها وأمها التفتوا على بعض مستغربين أنها قالت اسم بدر اول واحد
أصايل مسكت نفسها لا تضحك
أبو أصايل مسك يد العنود وقرب منها : الحمدلله عالسلامه
العنود كانت دايخه وماتكلمت
العنود كانت دايخه وماتكلمت
أم أصايل : توها دايخه
اصايل : شوي وتصحصح
بعد ربع ساعه كانت العنود صاحيه
أبو أصايل : الحمدلله عالسلامه وانا أبوك
العنود : الله يسلمك
أم أصايل : الحمدلله عالسلامه يمه
العنود : الله يسلمكم كلكم
أصايل: هاه إن شاء الله أحسن ألحين ؟
العنود : مدري والله العلم عند الدكتور
أبو أصايل :لا ابشرك الدكتور طمني وقال أن العمليه نجحت
العنود بفرح : صدق يبه ؟
أبو أصايل : أيه صدق
العنود وهي تتلمس وجهها : طيب وراهم مغطين نص وجهي
أبو أصايل : عاد توك طالعه من العمليات اصبري لك كم يوم طيب
العنود : ابغى اشوف وجهي خايفه مدري وشلون بيصير شكلي
أصايل : يعني بيزيد لك خشم والا فم مثلا ؟ تعوذي من الشيطان بس وماله داعي الخوف بكره والا بعده بتشوفين وجهك وبتملين من كثر ما تقابلين المرايه
أم أصايل : ترى بدر اتصل على ابوك و كان خايف عليك
العنود : وش قلتوا له
أبو أصايل قال للعنود عن المكالمه
العنود : ذا الخدامه فضيحه
أبو أصايل : خلاص المفروض نعلمه الحين العمليه وسويتيها ووجهك بيرجع مثل أول إن شاء الله وشو له نسكت ؟؟
العنود : يبه تكفى لا تقول له الله يخليك اللي صبرنا نسكت هالشهر بيصبرنا اسبوعين بعد
أبو أصايل : وش اللي يمنع ؟
العنود : يبه علشان خاطري لا تعلمه وبس
أبو أصايل : أنتي عنيده على من ؟ الله يعين بدر عليك
أم أصايل : كلميه يمه لا يقول مطنشتني
أبوها مد لها جوالها : خذي تراه قلقان مره
العنود خذت الجوال واتصلت عليه
بدر رد بسرعه : هلا بالغلا هلا بروحي وعمري وحياتي وكلي
العنود استحت : يا هلا
بدر : وينك يالغلا اتصل عليك من الصبح وجوالك مقفل ؟ موب عادتك تقفلينه حتى وأنت نايمه تخلينه مفتوح خوفتيني عليك
العنود : كنت في بيت ابوي سعود
بدر : اشتقت لك يا قلبي
العنود مستحيه اهلها واقفين فوق راسها وما تدري وش تسوي
بدر : عنوده حبي وش فيك ؟؟
العنود : مافيني شي
بدر : حاسك مو على بعضك
العنود بإحراج : لا مافيني شي
بدر : ما اشتقتي لي ؟؟
العنود بحياء : الا والله
أبو أصايل شاف العنود مرتبكه وضحك وهو يكلم أم أصايل وأصايل : تعالوا نجلس خلها تأخذ راحتها وتغازله على راحتها
أصايل : يبه !!
أبو أصايل : وأنا صادق شوفوها من كلمته ما ترد الا بكلمه والا كلمتين
أم أصايل : لا تحرجها عاد
أبو اصايل وهو يجلس في الصاله اللي في جناح العنود ووراه حرمته وبنته
العنود كانت منحرجه مره
بدر سمع حس ابو اصايل عند العنود وضحك : بعذرك ساكته الهيئه عندك ؟
العنود : ههههههههههههههههه
بدر : ماشاء الله كنه برج مراقبه قال لي مشاري عنه بس ما صدقته
العنود وهي تسوي نفسها معصبه : بدور ماارضى عليه تراه ابوي
بدر : لبى قلبك انت وابوك واهلك كلهم
العنود : الله لا يحرمني منك
بدر : ولا يحرمني منك يا خلفهم , آه بس
العنود : سلامتك من الآه فيني ولا فيك
بدر : حرام عليك ياالغلا وش قاعده تسوين فيني أنتِ
العنود : وش سويت ؟
بدر : حبك ذبحني والله قلبي معد يتحمل
العنود : هانت يا غناتي
تغير صوت بدر وصار أكثر حراره وصوته اقرب للهمس: اشتقت لك ما عاد فيني صبر .. الشوق بيذبحني وربي
العنود كانت حاسه فيه لأنها تحس بنفس الاحساس : بدور حبي هانت كلها اسبوعين وبتمر مثل البرق إن شاء الله
بدر: والله انها اصعب اسبوعين تمر علي بس وش اسوي فيك
العنود وهي تضحك : حبيبي بأسكر أنا ألحين لأن ابوي يناظرني من بعيد وشكله حاقد
بدر : يا ابوك هالحسود
العنود : وش قلنا
بدر : خلاص يابعدي روحي له ألحين بس بأكلمك في الليل زين ؟
العنود : هذا إذا ما سبقتك انا وكلمتك أول ما يطلع الوالد
بدر : المشكله تحسين باللي احس به بس مأخرتنا ليه ما أدري !!
العنود : يالله يا بعدهم انتبه لنفسك , فمان الله
بدر : فمان الكريم وما اوصيك انتبهي لنفسك
العنود : مع السلامه
بدر : مع السلامه , استودعتك الله
**************************************
سفاحة الامارات
10-09-2009, 22:26
بعد اسبوع في ألمانيا
متعب وسلطان جالسين في شقتهم يتعشون
سلطان : اليوم شفت فيونا
متعب : وين
سلطان : عند الشركه
متعب : وش تبي ؟
سلطان : كالعاده تقول فيه كلام لازم اسمعه منها
متعب : وأنت ليش ما تقولها انك نسيت الماضي باللي فيه وترتاح
سلطان : مدري
متعب يتمسخر : لا تقول أنك ودك ترجع لها بعد ؟؟
سلطان سكت ومارد
متعب : ليش سكت ؟
سلطان : وش تبيني أقول ؟
متعب : ابيك ترد على سؤالي , سلطان أنت تبي ترجع لفيونا ؟
سلطان : لا
متعب : أجل ليش ماتقولها هالكلام وتريح عمرك
سلطان : مدري
متعب : سلطان قلت لساره أنك شفت فيونا هنا ؟
سلطان : لالا صاحي انت ؟ وش تبيني أقول ؟ انا ما صدقت ان الامور صارت زينه بيننا
متعب : وافرض انها درت
سلطان : وش يدريها ؟
متعب : افرض انها عرفت , وش تتوقع ردة فعلها
سلطان : اكيد بتزعل
متعب : طيب ليش ما تقولها بنفسك؟؟ الا إذا كان في بالك شي
سلطان : وش قصدك ؟
متعب : اللي يشوف تعاملك مع فيونا يقول أن ودك بها
سلطان سكت ومارد
متعب : شفت
سلطان : مو مسألة أني أبيها بس مدري ليش كل مره احاول فيها اصدها اتراجع
متعب تنهد : اسمعني يا سلطان أنت مو متأكد من مشاعرك تجاه فيونا
سلطان سكت شوي بعدين تكلم : اللي متاكد منه أني خايف تخرب علاقتي بساره
متعب : وخايف تصد فيونا بعدين تتحسف عقب !!
سلطان : فيونا عذبتني قبل ومستحيل اسامحها
متعب : ومع ذلك ما قدرت تصدها , اسمعني أنت لازم تروح وتتكلم معها علشان تحدد موقفك من اللي قاعد يصير لازم تخلص من هالسالفه
سلطان : لا مابي اتكلم معها ولا ابي اسمع شي منها
متعب : هذا لأنك خايف ان قلبك يخونك ويميل لها مثل قبل
سلطان هز راسه ومايدري وش يقول
متعب : اسمعني يا سلطان انت تدري اني اكره فيونا ولو بكيفي ذبحتها وارتحت بس عقب اللي شفته صرت محتار انا ودي ابعدك عنها بس قلبك مو على كيفي ولا على كيفك ,, عقلك مع ساره بس قلبك ما ندري مع من ؟
سلطان : مع ساره
متعب : لو هو مع ساره كان صديت فيونا من اول يوم وما انتظرت ولا لحظه
سلطان بيأس : وافرض اني رحت وتكلمت معها و ... سكت سلطان وما كمل
متعب كمل : وعذرتها ونسيت اللي سوته فيك ؟
سلطان هز راسه بالايجاب
متعب : معناها أن حياتك بتتغير وبتخسر ساره لأنك مستحيل تبقى مع الثنتين بنفس الوقت ضميرك مو مخليك تخون ساره وقلبك مو مخليك تستمر معها
سلطان انعصر قلبه يوم سمع كلمة تخسر ساره وصار صدى هالكلمه يتردد في راسه وقام وراح لغرفته وهو متضايق
*************************************
في بيت أبو فيصل :
نزلت منى من غرفتها ولقت أهلها جالسين يسولفون ويتقهوون
أبو فيصل يوم شافها جايه : يا هلا حي الله شمعة البيت ونوره
منى ابتسمت لأبوها : الله يخليك يبه
طارق : أحلى يالشمعه التي تحترق من أجل الأخرين
منى : من دوني أنت تعيش في ظلام دامس و رفعت حواجبها في حركه إستفزازيه
منى حست انها مبسوطه ما تدري ليه يمكن بسبب الحلم اللي حلمته براكان
جلست تسولف مع أهلها بعدين ناظرت أبوها وهي مستحيه لأن ودها تطلب منه طلب
منى : يبه ممكن اطلب منك طلب ؟
أبو فيصل : أنت تأمرين مو بس تطلبين
منى : يبه ودي اروح لمكه
أبو فيصل : مكه !!
منى : ودي أروح آخذ عمره لراكان ولي
أبو فيصل : في هالوقت ؟ كلها شهر وشوي وتجي العطله ونروح كلنا
منى : لا يبه ودي اروح هالاسبوع, الواحد ما يضمن عمره
أبوها : يا يبه الاعمار بيد الله أنت من بعد ما توفى راكان وأنت تطرين الموت اذكري الله وأنا أبوك
منى : طيب يبه وش قلت ؟ توديني ؟
أبو فيصل : والله وأنا أبوك ودي بس هالايام عندي شغل واجد ومقدر اخليه
منى : يومين بس يبه
أبو فيصل : والله وانا أبوك مقدر , لك مني وعد إذا بدت العطله اوديك واخليك تجلسين شهر موب يومين
منى ضاق صدرها وسكتت
طارق : أنا أوديك
منى بفرح : صدق !
طارق : أيه
أبو فيصل : وجامعتك ؟
طارق : الله وكبر والجامعه اللي يدرون عني أخلي احد من الطلاب يحضرني كلها يومين وراجعين
منى : ايه نروح الأربعاء ونرجع الجمعه
أبو فيصل اللي تشوفونه أجل
أم فيصل : أجل خذوني معكم
منى : لا يمه خلك في البيت عند أبوي وأروى
أم فيصل : دامه خميس وجمعه بأخذ اروى معي
طارق: لا يمه أنا ومنى خفيفين بنلاقي حجز بسرعه بس إذا أنت وأروى يمكن ما نلاقي حجوزات
أم فيصل : أجل بسلامتكم
طارق : أجل العصر إن شاء الله بروح أدور حجز للأربعاء الجاي
منى : الله يخليكم لي ولا يحرمني منكم كلكم,, يالله أنا بروح لبيت عمي بأشوف العنود اتصلت علي اليوم وقالت تبيني
أبو فيصل : الله يحفظك يا يبه
بعد ما طلعت منى تكلم أبو فيصل : من راح راكان والموت على لسانها
أم فيصل : لا تلومها راح منها في لحظه
طارق : كل يوم قبل ما تنام تصيح
أبو فيصل : وش دراك ؟؟
أروى : كل يوم أنا وطارق ندخل عليها في الليل نسولف معها وكل ما دخلنا لقينا عيونها حمر وصوتها واضح عليه انها تصيح
أم فيصل : الله يثبتها ياليتها ما اعتذرت ذا الترم وكملت دراستها لعلها تلهيها شوي
أبو فيصل : إن شاء الله تكمل السنه الجايه
أروى : مسكينه بنات عمي كلهم بيتزوجون وكلهم فرحانات ويجهزون وهي ترملت قبل لا تتزوج
أبو فيصل : الله يعوضها خير
أروى : أمس اقولها هالكلام وتقول منيب متزوجه عقب راكان
أبو فيصل : توها ما أمداها تنساه ولا تروح حرته من قلبها , الدنيا قدامها يمديها تسلى
أم فيصل : الله يسمع منك ويهدي سرها ويريح قلبها ويفرج همومها
**************************************************
بعد اسبوع في الرياض
زاوج العنود وبدر
طبعا عقب ما نجحت عملية العنود ورجع وجهها مثل أول قالت لبدر انها غيرت رايها وتبي حفل زواجها يكون كبير
طبعا بدر استغرب وحاول يقنعها أنه ما يمدي بس هي اصرت على رايها وخلت ابوها يتكفل بموضوع حجز القاعه وباقي الحجوزرات تكفلوا فيها عمانها وبدر واخوانه ويالله قدروا يلحقون يخلصون كل الامور في أقل من الشهر
في غرفة العروس
بعد ما خلصت العنود دخلوا عليها البنات
العنود : ما جت منى ؟
ريم : لا شوي وتجي
ساره : تأخرت
ريم : رحلتهم تأخرت ماوصلوا الا الظهر
هيفاء : وش طرى عليها تروح هالوقت
ريم : والله مدري خالتي تقول قالت لعمي وكان مشغول وطارق رحمها ووداها
دخلت منى عليهم والبنات فرحوا وقاموا يسلمون عليها ويتحمدون لها بالسلامه ويسولفون
أصايل : عنوده لا تغطين وجهك بالطرحه هالحركه قديمه خلي الطرحه نازله من ورى أحسن
العنود : ما ابي
بدور : مسويه رومانسيه وبتفاجأه
العنود : مالكم دخل ابي اشوف ردة فعله وتعابير وجهه إذا شافني
ريم : ارفقي علينا يا جولييت والله مع الخوف والربكه بتنسين وجهه وتعابيره وتقعدين تتنافضين من الحياء
ساره : وش دخلكم فيها خلوها على راحتها
العنود وهي تضحك لساره : يسلم لي الناس الفاهمين
هيفاء : ياوالله القهر تنخطب عقبي وتعرس قبلي
العنود : اذكري الله ووجعه ترى عرسك بعد خمسه وعشرين يوم اللي يسمعك يقول بعد25 سنه
هيفاء : ماشاء الله
ريم : انتوا لو بتجيكم عين بتجيكم من فهيدان
طقت ووجود الباب وهي مستحيه وفتحت لها اصايل
وجود : خالتي ام اصايل تقول شوفي خلصت العنود والا لا
العنود وهي تطل على وجود : وجيد تعالي شوفيني حلو شكلي والا لا
سحبتها اصايل للغرفه
وجود : قمر ماشاء الله
البنات كلهم ملاحظين ان وجود متغيره وصايره اركد من قبل واعقل بس منطويه على نفسها وصاروا يرحمونها ويحاولون يدخلونها معهم في السوالف
العنود بثقه : أدري
منى : ماشاء الله يالعنود أول مره اشوف عروس تسولف وتهذر عادي مثلك
هيفاء : توقعتك بتستحين وترتبكين
العنود : هي هي وش قالوا لكم ما احس صحيح خايفه شوي بس كل ماتذكرت اني بعد كم ساعه بأكون مع بدور احس اني اسعد وحده بالدنيا
أصايل : الله يشغلك انت وبدر هو هناك مشغلنا وأنت هنا
ساره : على طاري بدر اهله يدرون عن عملية العنود ؟
أصايل : لا وهالشي مسبب قلق لخالتي ومخوفها , خايفه من كلام الناس ومن ردة فعل بدر إذا شاف العنود مشوهه
العنود : كلهم بينصدمون
أصايل : وبيعصبون علي ليش اني ماقلت لهم
أم أصايل دخلت عليهم وهي معصبه : انتوا قاعدين تهذرون والعالم يسألون عنكم وابوكم محرق جوالي بالإتصالات
أصايل : نوسع صدر العنود
أم أصايل : خلاص ألحين بنزفها
العنود : ألحين !! ما كنه بدري ؟ حنا قايلين بأطلع الساعه 1 باقي ساعه
أم أصايل : انا أدري عن بدر ابوك يقول اقلقنا كل شوي يقول وين حرمتي
البنات قاموا يضحكون والعنود حمر وجهها
ام أصايل: يالله قومي قبل لا يجي هالمطيور ويطيرنا معه
سفاحة الامارات
10-09-2009, 22:28
طلعوا البنات وأم أصايل ومابقي الا العنود وأصايل اللي وقفت علشان تساعد اختها
كالعاده ظلمت القاعه وبدت الزفه وطلعت العنود بفستانها اللي كان فخم على انه كان ناعم ومو متكلف فيه الا أن الفخامه مبينه عليه
الحريم كانوا متحمسين يبون يشوفون العنود خصوصا عقب ما عرفوا ان جمالها اللي كلا يتكلم عنه تشوه بس خاب املهم لأن العنود كانت حاطهه الطرحه نازله على وجهها ومغطيه ملامحها ,,, العنود كنت غير عن باقي العرايس ما تكلفت كثير في مكياجها لأن وجهها كان يشع وعيونها تلمع والسعاده والفرحه مبينه على وجهها حتى الكوافيره قالت لها أنها من العرايس اللي قليل ما يكون تألقهم طبيعي وماحبت تخرب تألقها بكثرة الألوان والمكياج , اما شعرها الطويل كان يزين راسها تاج صغير من الالماس أهداه إياه بدر يوم اصرت تحط عرس كبير كانت رافعه جزء من شعرها ومنزله خصل خفيفه على وجهها زادتها نعومه وباقي شعرها خلته متموج بنعومه ومغطي جزء كبير من ظهرها و فستانها كان أبيض ناصع كاشف عن ظهرها وكتوفها والصدر كان فيه كريستالات منثوره عليه بشكل ناعم متداخله معه شرايط حرير والتنوره كانت نافشه بشكل خفيف وفيها كريستالات وشرايط مثل اللي في الصدر , مكياجها لونه وردي ومسكتها بيضاء معها كريستال ونازل منها شرايط وقفت عند أعلى الدرج بهيبة العروس ومع بداية شريط الزفه نزلت بشموخ وثقه مع انها كانت مرتبكه لأن الطرحه اللي مغطيه وجهها كانت طويله وخافت تطيح فيها بس مع تحركها بحذر نزلت من الدرج بسلام مشت العنود في الممر ومع كل خطوه كانت تحمد ربي عالنعمه اللي هي فيها
ساره من بعيد : ماشاء الله , الله يحفظها
ريم : على أنها يوم قالت بحط مكياج خفيف وتسريحه ناعمه عصبت لأني توقعت يصير شكلها عادي بس ماشاء الله شكلها يهبل
هيفاء : ايه والله انها صارت احسن مني موب مثلي مالت عليي متكلفه في فستاني مره
منى : فستانك حلو مافيه كلام , بعدين جمال العنود اليوم طبيعي العنود فرحتها وسعادتها انعكست على وجهها وخلتها متألقه بهالصوره وأكبر دليل لمعان عيونها اليوم
التفتوا البنات كلهم على منى
ساره : أيوه يا بتاعة علم النفس
ريم : اخس من متى صايره مثقفه وتقولين كلام كبير ؟
هيفاء لمست جبهة منى : لا حرارتها طبيعيه
منى : خير إن شاء الله
ريم : يلله عاد منوه من متى صايره تقولين كلام كبير مثل اللي تو والتفتت على ساره وكملت : وش قالت لمعه ومرايه وانعكاس
منى : انطمي انطمي عاد لا اروح اغتال فيرانك
ريوم : كلي تراب واحترمي نفسك ولا تقولين على توأمي فيران
ساره : خلاص عاد تغطوا بيدخلون الرجاجيل
دخل أبو أصايل وأخوانه وكان حاط يده بيد بدر وأبوه
بدر كان في آخر الممر ويشوف العنود جالسه بكل شموخ على المنصه شاف المسافه اللي بينهم وحس انها طويله وكان وده يقطعها ركض بس المكان والموقف ما يتحملون أي جنون وهو يمشي كان يفكر بسرعه يوم شاف العنود حاطه الطرحه على وجهها خاف من ردة فعله إذا شاف وجهها واللي صار فيه ,, خاف انه ما يسيطر عالموقف ويجرحها
أول ما طلع عالمنصه وقفت العنود وقلبها يدق بقوه وهو من جهته حس ان قلبه بينفجر من الخوف والفرحه في نفس الوقت ابوه اللي ماسكه مع يده الثانيه حس فيه وضغط على اصابعه وكانه يطمنه
البنات قربوا من المنصه ووقفوا على جنب علشان يشوفون زين ..
بدر من الربكه ماقدر يشوف وجه العنود من ورى الطرحه الشفافه مد اصابعه المرتجفه ورفع الطرحه ببطء وهو يدعي ربي بالثبات أول مارفع الطرحه وبان له وجهها اللي كان بجمال القمر يوم 15 من الشهر وإبتسامتها اللي نابعه من قلبها وزايدتها جمال على جمالها في هاللحظه صدح في القاعه صوت محمد عبده مذهلـــــــه.. وهالشي كانت اصايل مرتبته مع مشرفات القاعه ..
الصدمه كانت قويه على بدر مايدري هو كان يتوهم!! والا يتمنى والا عيونه خانته؟!
ابتسمت العنود يوم شافت ردة فعله و إبتسامتها زادتها سحر تحرك بدر بدون وعي بس ابوه نغزه علشان يركد ولا يتهور ومسك نفسه في آخر لحظه حركة بدر انتبهوا لها البنات لأنهم دقيقات وجلسوا يضحكون عليه
قرب بدر من العنود وباسها على راسها بعدين مسك يدها ورفعها لشفايفه وباسها أبو أصايل بصوت واطي : خلاص عاد وفر باقي الحركات لباقي حياتكم
العنود استحت واحمر وجهها وحمدت ربها ان عمانها ما سمعوا ابوها وان واللي موقفين قدامها منعوا الحريم اللي تحت انهم يشوفون حركة بدر
البنات من جهتهم يعلقون
هيفاء : ماشاء الله هالبدر يهبل بعذر العنود بغت تموت عليه
ساره : أيه ماشاء الله وهي بعد قمر
ريم : ماشاء الله هيبه ورزه موب مثل مشاري
منى : اسكتي لا تسمعك أصايل
ريم : وأنا صادقه ذا طويل وعريض ووسيم شوفي وجهه ماشاء الله ملامحه تخقق
هيفاء : جسمه مثل جسم سلطان ماشاء الله طول بعرض اللي يشوفهم يقول لاعبين كمال اجسام
ساره : بس سلطان أملح
منى : ايه عاد القرد في عين أمه غزال
ساره : انطمي والله ان سلطان يهبل
بدور : كلهم يهبلون اسكتوا عاد , بس نواف احسن منهم
منى : بدت حركات البزران
ريم : شوفوا بدر كنه موب مصدق
هيفاء : الا العنود اللي شوي وتخق عسى ما تنسى نفسها بس
ريم : الله لا يضرهم وفي كل البنات يناظرونهم
هيفاء : قصدك يناظرون بدر
سلموا عمان العنود على المعاريس وباركوا لهم وطلعوا وسلم عليهم ابو بدر وبارك لهم وقبل ما يطلع غمز لولده وهو يقول عرفت ليش كنت مصمم تأخذها وضحك له بدر آخر الرجاجيل كان ابواصايل اللي بارك لبنته وكان ضايق صدره لأنه بيفارق بنته
أبو أصايل : ما أوصيك عليها يا بدر إذا مشاري اخذ عيوني تراك أنت أخذت قلبي
بدر : ما يحتاج توصيني ياخالي محد يوصي أحد على روحه وعمره
أبو أصايل : الله يوفقكم ويسعدكم وأنت يالعنود انتبهي لزوجك وحطيه في عيونك
العنود : تأمر يبه
بعد ما طلعوا الرجاجيل جلس بدر والعنود عالكرسي وبدر ماسك يد العنود وكأنها كنز خايف عليه جت ام بدر وخواته وانصدموابمنظر العنود وسلموا وباركوا لهم وهم فرحانين باللي شافوه
بدر همس للعنود : ليش ما علمتيني ؟
العنود وهي تبتسم : فرحان ؟؟
بدر : أنا فرحان لأنك زوجتي وبس , أيأ كان شكلك
العنود طفت إبتسامتها من رده
بدر انتبه لها وكمل وهو يضحك : بس زادت فرحتي باللي سويتيه مع ان فيه اشياء كثيره لازم تشرحينها لي يا مدام
العنود ابتسمت له
بدر زادت سرعة تنفسه وقلبه صار ينبض بشكل جنوني وعيونه ما نزلت من عيون العنود وحس انه ضايع في سحرها وجمالها .. العنود كانت في حاله مثل حالته غرقانه في بحر من المشاعر .. بدر اللي كانت تحلم به في لياليها واقف قدامها و يبتسم لها مع أن عيونه ابتسمت لها قبل شفايفه زادت عيونه سواد وغموض وهمس بأسمها : آه يا العنود
همست له تنبهه بالمكان اللي هم جالسين فيه وكان صوتها فيه بحه خفيفه : بدر
بدر تنهد : يالله خلينا نمشي
العنود: تونا خلنا نجلس شوي
بدر : العنود خلينا نقوم احسن والا ماراح اكون مسؤول عن اللي بأسويه
حمرت خدودها من الحياء
بدر : قومي يابنت وربي ماباقي فيني صبر
ووقف ومسك العنود ووقفت معه ونزل من المنصه وهو ماسكها وخايف عليها تطيح بسبب فستانها الطويل وطرحتها.. مشوا مع الممر ووراهم المصوره و امه وخواته وأم اصايل واصايل ومن وراهم البنات وهم متغطين وأول ما طلعوا الدرج وصاروا في أعلى الدرج وقفت العنود والتفتت على الحضور ورمت مسكتها وكانت موجهتها لهيفاء اللي خذتها بسهوله رفعت العنود يدها وودعت المعازيم بعدين ارسلت بوسه في الهواء للبنات بدر كان يناظرها ومفتون بحركاتها العفويه
مشوا مع بعض للباب و بدر ماسكها و مارضى يفكها ولا خلا احد يقرب منها لبستها امها عبايتها وسلمت عليها وطلعت هي وزوجها للفندق ...
***********************************************
في ألمانيا :
سلطان كان لابس بيطلع عنده شغل سمع صوت الباب وراح وفتحه ولقى فيونا
سلطان : فيونا !!
فيونا : ممكن ادخل سلطان فيه كلام كثير وضروري اقوله لك
سلطان : لا أنا طالع ألحين عندي شغل مهم
فيونا : سلطان حبيبي اللي بأقوله أهم من كل شي
سلطان : فيونا قلت لك انا مشغول خلاص بعدين أكلمك
فيونا : كل مره تقول نفس الكلام وما تكلمني
سلطان : خلاص عاد قلت بعدين يعني بعدين
فيونا : وعد ؟؟
سلطان : أيه
فيونا : متى ؟؟
سلطان : في أقرب فرصه
فيونا بإحباط : طيب لا تتاخر انتظرك انا
سلطان : يصير خير
نزلت فيونا ودخل سلطان الشقه و خذ اوراقه ولاب توبه ونزل لشغله وهو متضايق
*******************************************
في القاعه
منى : يمه منه هالبدر حتى السلام ما خلانا نسلم عالعنود
ساره : لا تلومينه اللي شافوه موب سهل من كان يصدق ان ربي بيجمعهم عقب اللي صار
هيفاء : أي والله صدقتي وربي يستاهلون بعض الله يوفقهم ويسعدهم
ريم : قوموا خلونا نرقص
هيفاء : روحي قولي للطقاقات يطقون في فهود واقوم معك
ريم : انقلعي بس لو بأقولهم بأقولهم يطقون في فصولي والا في توأمي فديتهم
هيفاء : يا كلبه نسيتي أن فهود أخوك
ريم : وإذا صار
ساره : خلاص هيوف اسفهيها بعد شوي بأقول للطقاقه تغني في خالي وعياله سلطان وفهود
وجود بحماس : وناصر بعد
هيفاء وهي تناظر ريم : وارقص انا وسويره وخالتي وبس
وجود : وأنا بعد برقص معكم
ريم : هين يا سويره يوم جت هييف بتقومين معها
ساره : ومن قال بأقوم علشان هييف أنا بأقوم علشان سلطان
ريم : كلي تراب أنت وهي الشرهه علي اللي قاعده اترجاكم بأروح اتطمن على عيالي اصرف من مقابل خششكم
سفاحة الامارات
10-09-2009, 22:31
منى التفتت على ساره وسألتها بهمس : كيفك مع سلطان ؟
ساره ابتسمت : انا مبسوطه وأتمنى هو بعد يكون مبسوط
منى : دام ابتسمتِ معناها صار شي جديد
ساره هزت راسها وهي تضحك
منى : علميني وش صار ؟
ساره سولفت على منى وقالت لها عن كل شي
منى : الله يسخر لك يارب ويسعدكم
ساره : آمين ويرده لي بالسلامه
منى : متى بيرجع ؟
ساره : بعد شهر إن شاء الله
منى : بيحضر عرس فهد ؟؟
ساره : مدري ما اتوقع
منى : يوه كلها 5 أيام لو يقدم سفرته أمداه يالله إن شاء الله يرجع قبل
ساره : إن شاء الله , بس خايفه تصدقين
منى بإستغراب : وشو منه؟!
ساره : مدري ماقد قال انه يحبني او يبيني ..
منى : ساره شوي شوي ويقولها شوفي وين كنتوا ووين صرتوا بعدين لا تلومينه هو كان عايش تجربه من قبل وصعب عليه يطلع منها بسهوله ,, لا تخافين ولا شي دام هو مبسوط لأنك تحبينه هذا معناها أنه يحبك , بس هذا حنا يالحريم طماعات
ساره : لا والله منيب طماعه مابي من الدنيا شي الا قلب سلطان
منى : قلبه لك وقولي منى ما قالت
ساره : الله يسمع منك , ويسعدك أنتِ بعد ويرزقك باللي يسعدك
منى بحزن : سعادتي ماتت بموت الغالي
ساره : استغفرالله هالكلام ما يجوز يا قلبي , بكره ربي يرزقك بالرجل الصالح اللي يفرحك ويسعدك
منى هزت راسها : ما راح يصير هالشي
ساره التفتت وناظرتها بإستغراب : وش قاعده تقولين أنتِ
منى : ماراح اتزوج عقب راكان
ساره : منى راكان توفى وحقه عليك الدعاء و اللي قاعده تسوينه ما يجوز حرام تحرمين نفسك من الزواج علشانه انسي اللي راح يا منى وفكري في مستقبلك
منى : وشلون ما افكر فيه وهو في قلبي وعقلي وفي كل مكان اشوفه قدامي .. ونزلت دموعها وهي تقول غرفته قبال غرفتي شباكه مقابل شباكي امه وخواته وبسام حولي صوته وضحكته ترن في أذني صورته ما فارقت خيالي ولا لحظه كل اللي اقوله ان ربي يجمعني به في جنات النعيم ودي الحقه وارتاح ,, حتى أحلامي ما خلت منه
ساره : منى استغفري حرام اللي تقولينه
منى سحبت منديل من العلبه ومسحت دموعها وذكرت حلمها وابتسمت بحزن : كم مره شفته في منامي
ساره : علشانك تفكرين فيه يا بعدي
منى : راكان ينتظرني
ساره بتعجب : ايش ؟
منى : شفته كم مره في منامي وكل مره كان يناظرني ويقول متى تجين يا منى تأخرتِ أنا أنتظرك
ساره عورها قلبها من كلام منى : تعوذي من أبليس واقري اذكارك وصلي ركعتين قبل ما تنامين وما عليك الا العافيه هالاحلام من كثر ما تفكرين فيه
منى عرفت وش اللي يدور في بال ساره : ما خفت يا ساره , بالعكس أحس أني مرتاحه
ساره : لا حول ولا قوة الا بالله وش هالكلام غيري الموضوع تكفين
منى ابتسمت : طيب قومي نشوف ريم وعيالها فديتهم لبى قلوبهم يجنون
******************************************
في الفندق
دخل بدر جناح العرسان وهو ماسك العنود وكانت مستحيه شوي أخذ بدر عبايتها وبشته وعلقها
العنود جلست عالكنب وهي مرتبكه بدر جاء وجلس جنبها وآخذ يديها بين يديه وابتسم : عنوده
العنود : سم
بدر : عدوك يسم ,, ارفعي راسك يالغلا
العنود رفعت راسها وكان وجهها احمر شوي
بدر : مستحيه مني !!
العنود بإرتباك : شوي
بدر ابتسم ورفع يده ولمس خدها ورفع وجهها : عنوده ناظريني
رفعت العنود عيونها وتلاقت بعيونه وقلبها ينبض بقوه وريقها نشف كانت مفتونه فيه وفي وسامته في هيبته وطوله ورزته كانت غرقانه في حبه لحد الجنون
بدر قرب يدها من فمه وباسها وهي مسكت يده اللي على خدها وباستها
بدر قرب منها وتوه بيأخذها في حضنه الا سمع باب الجناح ينطق وجلس يسب في نفسه وقام وهو معصب وفتح الباب ولقى باقة ورد عند الباب آخذها ودخل عند العنود وقرى الكرت : مبروك ياقيس ليله سعيده والتوقيع مشاري ,, حط الورد على الطاوله ورمى الكرت جنبها وتوه بيرجع يجلس الا الباب ينطق مره ثانيه وراح يفتح ولقى باقة ورد ثانيه خذها مثل المره الاولى وفتح الكرت ولقى مكتوب فيه مبروك روميو ليلتك كوحلي يا قميل والتوقيع عبدالرحمن العنود ضحكت
بدر : يا بثرهم وتوه بيجلس الا وسمعوا صوت الباب مره ثالثه وضحكت العنود بصوت عالي هالمره
راح بدر وفتح ونفس المرتين اللي قبل لقى ورد آخذه ودخل
العنود : من مين ؟
بدر وهو يقرى : ليلتك سوداء يالحبيب التوقيع مشاري وعبدالرحمن وكمل بعصبيه : ذولي موب معدينها على خير
وسمع صوت الباب مره رابعه وراح يركض ووفتح الباب بسرعه وشاف ورد هالمره سحبه بسرعه للغرفه وماصك الباب خلاه شبه مسكر ووقف عنده وبعد دقيقتين بالضبط لمح عبدالرحمن يحط شي عند الباب وقبل ما يطق الباب فتح بدر بسرعه ومسكه مع جيبه
عبدالرحمن جلس يضحك وبدر معصب
بدر : بأذبحك ياللي ما تستحي
عبدالرحمن وهو يضحك : والله موب أنا فكرة مشاري
مشاري يوم شاف عبدالرحمن تأخر وسمع الاصوات فتح الباب اللي مقابل باب جناح بدر
بدر يوم شاف مشاري طالع من الغرفه فك عبدالرحمن وهو مستغرب : وش دخلكم هالغرفه
مشاري وعبدالرحمن التفتوا على بعض وهم يضحكون
بدر مسك الاثنين في نفس الوقت وهو معصب : انتوا صاحين
مشاري وهو يضحك ويحاول يفك نفسه من بدر : خلاص خلاص بنروح بس خلنا
بدر : حشى بزران استحوا على وجيهكم
مشاري : خلاص فضحتنا عند الناس اسكت تراها مزحه
بدر وهو يفكهم : إن شاء الله مستأجرين هالغرفه
عبدالرحمن بضحك : أيه
بدر : كنتوا ناوين تزعجوني طول الليل ؟؟
مشاري : لا عاد نكد عليك حنا قلنا اول شي نحط له ورد بعدين نقضي الوقت إستهبال
عبدالرحمن : هماني كاتب لك ليلتك سوداء كنا ناوين نسودها لك بس كشفتنا الله يقلع ابليسك
بدر بعصبيه : ياثقل دمكم, اقسم بالله ان ما نزلت أنت وهو الحين مايردني الا حراس الامن
عبدالرحمن : خلاص يبوي روق تراه يوم عرسك اضحك عاد
بدر : وأنتوا خليتوا فيها ضحك والا وناسه
مشاري : خلاص عاد آسفين بس لا تعصب وغمز له ألحين إذا شفت الدلال بتدعي لنا وتعرف أن معنا حق ومسكه ودفه داخل جناحه ومسك الباب وقبل لا يسكره نادى بصوت عالي : العنود انتبهي لبدر زين وخليه يروق لا يرتفع سكره وصك الباب وهو يضحك
العنود قامت وراحت لبدر ولقته واقف عند الباب ويهز راسه مايدري يضحك على تصرفات أخوانه والا يعصب
العنود بخوف : وش فيك بدور ؟
بدر مسوي معصب : مافيني شي , بس رفعوا سكري بحركاتهم
العنود مسكت يدينه : خلاص يا قلبي روق السالفه ما تسوى كانوا يمزحون يالغلا
بدر : لعنبوا ابليسهم تقل بزران ماكأن الواحد منهم وش كبره
العنود : حبيبي والله ماتستاهل السالفه تعال اجلس واشرب كأس مويه لا يرتفع سكرك ياخلفهم
بدر : خايفه علي ؟
العنود وهي تبتسم : إذا ما خفت عليك من أخاف عليه ؟ كم بدر عندي
بدر : آه بس يا جعلي فدوه لك وتوه بيقرب منها وهي رجعت وهي مستحيه وتلكمت: بدور خذت أبرتك ؟
بدر : جعل ابرتي في النار
العنود ابتسمت بحياء
بدر حس انها مرتبكه : يا لبى هالابتسامه , حبيبتي روحي غيري ملابسك وأنا بأطلب العشاء
العنود: إن شاء الله وراحت علشان تغير واحتارت ما تدري وش تلبس ووقفت ساعه تتفرج على ملابسها آخر شي اتصلت على اصايل اللي كانت جالسه مع البنات
أصايل اول ماشافت رقم العنود ردت بسرعه : هلا عنوده
العنود : اصايلوه وش ألبس ؟!
أصايل : نعم !!
العنود : اصايل بأغير فستاني ومدري احترت وش ألبس ؟
اصايل : ضحكت بصوت عالي والتفتت على البنات وقالت لهم وهم يضحكون
العنود بعصبيه : اصايل كلي تراب وقولي لي وش البس تكفين
أصايل بإستفزاز : البسي قميص نوم
ريم سحبت الجوال من أصايل
ريم : عنوده اسمعيني
العنود : هلا
ريم : روحي نادي بدر وخليه يختار أحسن
العنود : ضفي وجهك
هيفاء : اللي سحبت الجوال من ريم وهي تضحك : عنوده ما عليك منهم أحسن شي لا تغيرين وإذا قال بدر شي قولي ما اعرف افصخ الفستان لحالي ساعدني تؤبر ألبي
العنود عصبت وقفلت الجوال في وجيههم
ساره : حرام عليكم يا ويلكم من الله
أصايل : هههههههههههههه خلينا نرفع ضغطها شوي
هيفاء : الا صدق أنتوا يوم كنتوا عرايس وش لبستوا ؟
ريم : وش دخلك
هيفاء : أبي تعلموني عرسي بعد كم يوم
ساره وهي تضحك : أحسن شي لا تغيرين وإذا قال فهد شي قولي ما اعرف افصخ الفستان لحالي ساعدني تؤبر ألبي
هيفاء بتكشيره : انطمي
العنود آخر شي اختارت قميص نوم ابيض قطعتين محتشم نوعا ما ,, كأنه فستان أما شعرها فكت منه الطرحه والتاج وخلته مثل ما هو متموج ومغطي ظهرها والخصل القصيره على وجهها وبعد ما خلصت طلعت ولقت بدر مغير ملابسه وجالس عالكنب يوم وصلت عنده وقف لها بدر ومسك يدها ومشى معها للطاوله اللي عليها العشاء في الغرفه الثانيه وقف بدر ورى العنود وسحب لها الكرسي وقبل لا تجلس مسكها مع خصرها ولفها علشان تواجهه ,, العنود كانت مستحيه .. بدر رفع وحده من يديه وبعد الخصل اللي على وجهها وهمس لها : احبك ... وضمها لصدره العنود استكانت لصدره وهي مغمضه وحاسه براحه ما عمرها حستها وكانت حاسه بخد بدر على شعرها ويديه ضامتها لجسمه .. بعدها بدر شوي عنه علشان يشوف وجهها وابتسمت له وهي تتنهد نزل راسه لها وباسها قبل ما يضيعون في بعض وينتهي الكلام بينهم ومايبقى لهم الا الاحاسيس ....
*****************************************
سفاحة الامارات
10-09-2009, 22:34
البنات طلعوا من القاعه بعد الفجر وراحوا لبيت أبو سلطان
بعد ما صلوا الفجر وغيروا ملابسهم وقاموا يسولفون عن العرس
أم سلطان : ما ودكم تنامون ؟
ريم : شوي يمه نبي نحش شوي
منى : حشي لحالك خلاص أنا خدرت بروح انام
هيفاء : وأنا بعد
ريم : سارونه تعالي معي لغرفتي نسولف شوي قبل لا ننام
ساره : لا بروح لغرفة سلطان بنام
ريم : الله يقلعكم يالسخيفات اجلسوا نسولف شوي
ساره : أيه أنتِ نايمه لين العصر وحنا ندهر من الصبح
منى : وأنا متى جيت من مكه
هيفاء : لا حقين عالسوالف الساعه 8 ألحين معد الا خير
ساره : يلله تمسون على خير وراحت لغرفة سلطان دخلت وفرشت أسنانها وجلست عالسرير وكان ودها تكلم سلكان قبل لا تنام لأنها أمس يوم كلمها سكرت بسرعه علشانها مشغوله في العرس ترددت شوي بعدين اتصلت عليه
رن الجوال 3 مرات وجت تسكر بس سلطان رد قبل لا تسكر
ساره : آلو
سلطان : هلا والله وغلا
ساره : قومتك ؟
سلطان ابتسم : لا قايم صليت الفجر وما نمت
ساره : زين خفت أني أزعجتك
سلطان : وحتى لو كنت نايم خذي راحتك
ساره بحياء : قلت اسمع صوتك قبل لا أنام
سلطان : مابعد نمتي !!
ساره : ماجينا من القاعه الا من شوي
سلطان : شلون المعاريس ؟
ساره : ماعليهم مبسوطين الله يتمم عليهم
سلطان : بدر والعنود يستاهلون كل خير
ساره حست ان سلطان فيه شي مو طبيعي
ساره : سلطان
سلطان : سمي
ساره : فيك شي ؟
سلطان : لا وش فيني
ساره : مدري حاسه ان فيك شي , متضايق من شي ؟ تعبان ؟؟
سلطان : لا مافيني الا العافيه
ساره : صوتك فيه شي حاسه فيك
سلطان تنهد ماكان متوقع ان ساره بتحس فيه من صوته : سارونه قلت لك توني مصلي الفجر ومنسدح كنت بأنام يمكن صوتي متغير علشاني منسدح
ساره : إن شاء الله يكون كلامك صحيح
سلطان : المهم أخبارك ؟
ساره : دامك بخير فأنا بألف خير
سلطان : دايم يا بعدي
ساره : يدوم لك الخير وما تدري وش اللي جاها وخلاها تقول له اشتقت لك سلطان
سلطان : صدق ؟
ساره : مكانك خالي الله لا يخليني منك
سلطان غمض عيونه وحس أن متعب معه حق في اللي قاله وانه لازم يتكلم من فيونا علشان يريح عمره
ساره : وينك ؟
سلطان : معك بس تفاجأت
ساره ابتسمت وكملت بمزح علشان تطير الحياء : يا أنك ذكي
سلطان : كيف !!
ساره : يعني تدري اني احبك أكيد بأشتاق لك يالذهين
سلطان مايدري هو مبسوط من كلامها والا من راسها اللي لان أخيرا واعترفت له أنها تحبه
سلطان : هههههههههههههههههههههههه
ساره : وش يضحكك ؟
سلطان : آخيرا قلتيها
ساره استحت وماردت
سلطان وهو يضحك: لاحول كملي وش بعد
ساره : خلاص عاد
سلطان : بس اشتقتي لي
ساره بحياء : سلطان شوي شوي علي والله منيب متعوده اقول مثل هالكلام لو ماهو يطلع من نفسه بالغصب والا ما كان فكرت اقوله
سلطان ضحك على تفسيرها الغبي
ساره : إذا كل شوي بتضحك علي بطس اخمد اصرف
سلطان: لا والله ما اتمسخر وش احلى من صوتك والا سوالفك علشان يتصبح بها الواحد
ساره حست انها قاعده تتوهم او تهلوس من النوم : شكلك مروق وأنا خلاص طافي شحني معد قمت اجمع
سلطان: خلاص يمي روحي نامي ألحين وإذا قمتي نكمل سوالفنا
ساره : انتبه لنفسك ياخلفهم
سلطان : وأنتِ بعد, مع السلامه
ساره : فمان الله
**********************************
قبل الظهر في الفندق
حست العنود أن فيه أحد يشدها فتحت عيونها وشافت نفسها نايمه وبدر نايم جنبها و يده مطوقتها وتشدها لجسمه الدافي ابتسمت ورفعت يدها من تحت يده ومررت أطراف أصابعها على ملامح وجهه ببطء
بدر حس بلمستها وفتح عيونه
العنود استحت واحمر وجهها
بدر ابتسم لها : وش فيك ؟
العنود بحياء : بتأكد إذا أنا أحلم والا لا
بدر : إذا فيه أحد يحلم فهو أنا وابتسم لها : صباح الخير
العنود : صباحك عسل
بدر : نمتي زين ؟
العنود استحت وهزت راسها بالإيجاب وبعد شوي تكلمت : وأنت ؟
بدر رفع نفسه وتسند على يده الثانيه وانحنى عليها وعيونه تلمع وتبتسم لها بحب : أحلى ليله وأحلى نومه مروا علي في حياتي
العنود حست ان وجهها بيحترق من الحياء
بدر حس فيها وكان وده يحرجها زياده بس ما معه وقت لأن وراهم سفر
تحرك بدر : يلله حبي ورانا سفر لازم نقوم نتجهز بسرعه ولو انه بكيفي أجلت السفره لبكره
العنود قامت بسرعه قبل لا يشوف دموعها اللي ماتدري ليه نزلت !!
متعب : صباح الخير
سلطان كان واقف في المطبخ : صباح النور
متعب اليوم إجازه أشوفك لابس !!
سلطان : عندي مشوار
متعب : وين ؟؟
سلطان : إذا جيت قلت لك , شف القهوه صلحتها وطلعت زينه اليوم : يلله فمان الله وطلع وصك الباب وأول مانزل اتصل على فيونا وخذ عنوانها
وصل سلطان لفندق فيونا أول مادخل جلس في اللوبي واتصل عليها
سلطان : فيونا أنا تحت أنزلي
فيونا : تعال لي في جناحي الدور 3 رقمه 312
سلطان : تبين تكلميني أنزلي نتكلم تحت في اللوبي أو نروح أي مكان نتكلم فيه
فيونا : سلطان ما اقدر انزل أمس التوى كاحلي ورجلي تألمني وما أقدر احركها او امشي الا كم متر بس
سطان لوى شفايفه بتكشير : طيب دقايق وأنا عندك
طلع سلطان لجناح فيونا أول ما طق الباب فتحت له فيونا وهي مسويه روحها ما تقدر تمشي وكانت لابسه فستان أقل ما ينقال عنه أنه بقايا قماش لأنه مشقق من كل جهه وأجزاء جسمها اللي مكشوفه أكثر من اللي مغطيها الفستان
سلطان أول ماشاف شكلها انصدم من لبسها و نزل عيونه للأرض
فيونا مشت خطوتين بعدين مالت على سلطان وسوت نفسها انها بتطيح ومسكته مع يدينه سلطان رجع على وراه ودفها عنه وهو يناظرها بإستغراب
فيونا وهي مسويه زعلانه : اسندني سلطان
سلطان : إذا تبين احد تستندين عليه استندي على الجدار بعدين روحي البسي شي محتشم إذا تبيني أجلس واسمعك
فيونا ناظرته بتكشير : حبيبي نسيت أني كنت عايشه معك في نفس الشقه ؟
سلطان : صحيح كنا عايشين في شقه وحده بس أنت عارفه أني ماقد حطيت يدي عليك أو لمستك وما كنت أسمح لك تتمشين في الشقه بمثل هالملابس
فيونا قربت منه وما كان يفصلها عنه الا خطوه وقالت بدلال : اشتقت لك
سلطان بصوت عالي : فيونا إذا كنت مشغلتني طول الفتره اللي راحت علشان تقولين لي هالكلمه فأنا آسف أني ضيعت وقتي
فيونا : سلطان لا, فيه كلام كثير بأقوله لك
سلطان وهو معطيها ظهره ومتجه للباب : ياليت تقولينه الحين وقبل ما تقولينه روحي غيري ملابسك
فيونا بعصبيه : Ok شوي وراجعه
بعد دقايق رجعت وهي لا بسه جينز وتيشيرت وأشرت عالجلسه : تفضل
سلطان شاف ان فيه كرسي لشخصين وجنبه كرسي لشخص واحد اختار الكرسي اللي لشخص واحد وجلس عليه
جت فيونا وجلست في الكرسي اللي جنبه
سلطان : قولي اللي عندك
فيونا : حبيبي تشرب شي ؟
سلطان : لا شكرا , أبي اسمع وش عندك بس
فيونا ناظرته بعدين تكلمت : حبيبي أنا آسفه عاللي صار في الماضي , أنا كنت مضطره أتركك ظروفي كانت صعبه كنت محتاجه للفلوس كنت في وضع يخليني اسوي أي شي علشان الفلوس
سلطان : وأنا ما كنت أبخل عليك بشي سكن وأمنت لك مصروف وعطيتك ومستقبلك مضمون معي لأني قلت لك بنتزوج
فيونا : سلطان أنت كنت تعطيني اللي يكفي إحتياجاتي وبس فيه أشياء غير الاكل والشرب واللبس والحاجات الضروريه كنت في سن صغيره ومحتاجه ارفه عن نفسي واعيش حياتي واتمتع بكل لحظه فيها فيه اشياء ضروريه لي بس أنت كنت تشوفها تافهه ,, مثل ما قلت لك كنت صغيره وعرفت حمدان وبهرني بكلامه ووعوده لي والفلوس اللي كان يصرفها علي بدون حساب أو تفكير وطلباتي اللي كان يلبيها لي أول ما أطلبها ومرات قبل لا أطلب وفر لي كل شي أبيه خلاني اتمتع بكل لحظه عشتها معه
سلطان : تتمتعين بالتدخين والسهر والرقص في النوادي الليليه ؟؟ بعدين عمر 24 مو صغيره ولا مراهقه
فيونا كملت : لما عرض علي الزواج ماقدرت أرفضه خصوصا ان الزواج منه كان حلم بالنسبه لي وافقت عليه وصار اللي صار بس بعد ما تزوجت تغيرت معاملته لي صار يمنعني السهر والتدخين وحرمني من صداقاتي واجبرني أقطع علاقاتي مع اصدقاي الشباب واخذني معه للإمارات والعيشه هناك ما كانت بنفس عيشتي هنا بس أنا ما رضخت له ولا سمعت كلامه هو من جهته استخدم اقوى سلاح عنده وحرمني من المصروف والفلوس ماقدرت اتحمل وهربت مع صديقه اللي قال بيساعدني علشان اتطلق منه وفعلا بعد فتره تطلقت ورجعت هنا واشتغلت
سلطان : وش ثمن المساعده اللي قدمها صديقه ؟؟
فيونا ارتبكت واحمر وجهها وردت بعصبيه : مساعده بدون ثمن حب يسوي خير
سلطان : طيب وأنا وش وضعي كله من قلتيه ما اشوف أن اللي قلتيه يهمني في شيء ولا له صله فيني
فيونا : بس انا تربطني فيك أقوى صله
سلطان : رفع حواجبه بإستغراب
فيونا قامت من مكانها وجلست على مسند كرسي سلطان: صدقني سلطان بعد ما رجعت عرفت أني كنت غلطانه في حقك واني لو ألف الدنيا ماراح القى رجال يحبني مثلك وكملت بدموع سلطان أنا أحبك وأنت تحبني سامحني حبيبي أدري أني غلطانه بس الحبيب يغفر زلات وغلطات حبيبه صح
سلطان : وبعدين ؟؟ غفرت لك زلاتك وش يصير يعني
فيونا : نرجع لبعض حبيبي
سلطان رافع حواجبه : نسيتي أن متزوج
فيونا بثقه : طلق زوجتك
سلطان : وبعدين ؟
فيونا : نتزوج ونعيش حياتنا مثل ماكنا مخططين لها
سلطان : وتعيشين معي للسعوديه وتقطعين كل علاقاتك وتنسين السهر والشراب
فيونا قربت منه : سلطان حبيبي أنت تحبني وأكيد ما راح تجبرني على اشياء او تفرض علي شي غصب عني وقربت منه وكانت ناويه تبوسه بس هو فز من مكانه ووقف بنص الغرفه والتفت عليها : آسف فيونا ضيعت وقتي ووقتك عالفاضي
فيونا بخوف : وش قصدك ؟؟
سلطان : أنا مستحيل أرجع لوحده حقيره مثلك وحده تخلت عني بنفس طريقتك وكانت تواعد واحد غيري في النفس الوقت اللي كانت عايشه فيه من خيري كنت تغافليني وتوعديني بالزواج مع انك كنت تخططين تتزوجين من واحد غيري
فيونا ودموعها تنزل : سلطان انا قلت لك كنت غلطانه وأنا آسفه
سلطان : انا اللي آسف اني عرفت وحده منك آسف على الوقت اللي ضيعته عليك وعلى الوهم اللي كنت عايش فيه كنت مغفل سمعت منك كلمتين حلوه ولقيت وحده تسمع لي إذا تكلمت وتفهم علي وصدقت اني أحبك وللأسف اوهمت نفسي بهالشي وضيعت سنين من عمري عالفاضي
فيونا : وحبك لي ؟
سلطان : كان وهم
فيونا قربت منه وتعلقت فيه بس هو ابعدها عنه : سلطان وحبي لك
سلطان بإستحقار : قصدك حبك لفلوسي
فيونا : حبيبي خلنا نتفاهم
سلطان : مافيه مجال للتفاهم أنا واحد متزوج وأحب زوجتي تفهمين والالا أحب زوجتي وحس براحه كبيره عقب هالاعتراف اللي اول مره ينطق به قلبه قبل عقله
فيونا قاطعته : مستحيل أنت كنت تحبني وبتظل طول عمرك تحبني
سلطان : غلطانه أنا ما عمري حبيت ولا راح احب احد غير زوجتي ومستحيل أطلقها او اتخلى عنها
فيونا : سلطان أنا مستعده اعيش معك في الظل
سلطان بإستحقار : أيش ؟؟
فيونا : أنا مستعده اسوي أي شي علشانك وأنا راضيه اني اعيش معك حتى لو ما طلقت زوجتي
سلطان بعصبيه : وانا مابي اعيش معك ولا ابي اعيش معك من الاصل تفهمين والا لا وراح عند الباب وفتحه قبل ما يطلع التفت : اتمنى تنسيني مثل ما انا نسيتك وتنين ان فيه واحد اسمه سلطان كنت تعرفينه ورجاء مابي اشوفك تعترضين طريقي او تحاولين تتصلين فيني وصك الباب بقوه وحس انه ان جبل من الهموم أنزاح من على صدره و راحه أول مره يحس بها ..
********************************************
سفاحة الامارات
10-09-2009, 22:37
بعد 20 يوم في أحد جزر الكاريبي
طلعت العنود من الكوخ اللي مستأجرينه ولقت بدر طالع من البحر ووقفت تتأمله من بعيد كان لابس شورت السباحه وصدره العريض والمليان عضلات عاري وشعره الاسود يلمع من المويه وكان مسمر بزياده بسبب الايام اللي قضوها تحت الشمس رجع بعض الخصل من شعره على ورى وهو يمشي لناحيتها ويبتسم لها
العنود كانت مبسوطه لدرجة انها تحس انها في حلم وخايفه تصحى منه في أي وقت كانت واقفه تنتظره ومعها المنشفه ولا بسه برمودا بيضاء وتوب أبيض ورابطه شعرها الطويل بإيشارب ملون ورافعه الخصل اللي على وجهها بالنظاره الشمسيه
قرب منها بدر وباسها على خدها وسحب المنشفه وجلس على الارض ومسك يدها وخلاها تجلس جنبه
العنود : نعيما
بدر : الله ينعم عليك , بعد شوي بأسبح معك
العنود : لا مستحيل اسبح هنا
بدر : يابنت الحلال الجزيره شبه فاضيه من بيشوفك ؟؟ بعدين خلاص كلها يوم ونرجع للرياض والا لو بكيفي كان مددنا شهر ثاني بس أنتِ الله يهديك الا تبين ترجعينا
العنود : إذا ما حضرت عرس هيوف بتزعل حرام البنيه أجلت عرسها علشان منو تبيني اخليها بعد , يكفي أن مالها خوات
بدر : يالبى قلبه الحنون , الا تعالي حطيتي واقي على وجهك ؟ انت بشرتك بيضاء وما تتحمل الحراره بكره تطلع حروق في وجهك
العنود ابتسمت : قبل فتره كنت راضي فيني وفي تشوهي
بدر : أنا راضي فيك بكل الاحوال وكمل بمزح : بس اخاف بكره ابوك إذا شافك وفي وجهك حروق يمسكني مع رقبتي ويقول سدد لي فلوس العلميات اللي سوتها بنتي
العنود : هههههههههههه لا مو لها لدرجه كلها عمليه ووحده وما كلفت
بدر : وليش ما قلتي لي عنها
العنود : كنت أبيها لك مفاجأه
بدر : وشلون طاوعك قلبك ودخلتِ المستشفى وسويتِ عمليه ولا قلتِ لي عنها
العنود : قلت لك السبب
بدر : بعد الملكه سويتيها ؟؟
العنود : أيه
بدر : ليش خاطرتِ بعمرك ؟؟ لو جاك شي بسبب هالعمليه ما كنت بأسامحك أبد
العنود ابتسمت : الحمدلله سويتها ونجحت والسالفه عدت على خير
بدر: شلون سويتيها وأنا ما وقعت مو انا زوجك ؟؟
العنود : سويتها قبل ما انحذف من دفتر العايله حق الوالد ووقع هو على أساس أنه ولي أمري
بدر : وأبوك ما قال لي !!
العنود بإستغراب : وش فيك بدر ؟؟ السالفه أنتهت بخيرها وشرها
بدر : لا تسوين شي من وراي. أنا زوجك ولا زم أعرف كل شي عنك
العنود : هاو !! لا يكون زعلت
بدر وهو مطمن راسه ويلعب بالرمل : ما يحق لي أزعل ؟
العنود استغربت وسكتت وبعد فتره مسكت يده : بدور آسفه ما توقعت انك بتزعل
بدر سكت وماقال شي
العنود وصدرها ضايق : بدوري حبيبي هذاني اعتذرت لك وكل يوم بأقولك آسفه وبأعتذر لك لين ما ترضى
بدر رفع راسه ونظراته كلها خبث وتحدي : الا عتذار لحاله ما يكفي خصوصاً منك انتِ
العنود ابتسمت وقربت منه وباسته على خده
بدر ابتسم لها وتوه بيمسكها الا قامت بسرعه وهي تقول : ما ودك نسبح ؟
بدر : توك ما تبين ؟
العنود بعناد وهي تبتسم : غيرت رايي
بدر : وأنا بعد غيرت رايي وماابغى اسبح
العنود : ليه !!
بدر وهو يضحك ونظراته كلها توعد : في راسي مشاريع أهم من السباحه
العنود احمر وجهها ومشت بسرعه لجهة البحر تبي تطب تسبح
بس بدر كان اسرع منها وقدر يمنعها وهو يضحك : فيه أشياء اهم يا مدام .....
************************************************** **
قبل زواج هيفاء وفهد بيوم :
في الرياض الساعه 4 الفجر
ريم : يلله سارونه قومي نويصر بيطلع في راسه نخل
ساره وهي تناظر الساعه : تونا الساعه 4
ريم : وش نسوي الشباب كلهم يبون يروحون مبكرين يبون يوصولون للمزرعه قبل ما تحتر الشمس علشان يسبحون
ساره وهي تقوم : يا عليكم مزاج أحد عنده بكره عرس ويطلع قبل بيوم للمزرعه
ريم : نبي نستانس من زمان ما انبسطنا
ساره : توكم تنبسطون اليوم !!
ريم : وش نسوي هذا راي المعاريس على قول فيصل بيسوون حفله للفهود توديع العزوبيه
ساره : زين اطلعي خليني اغير ملابسي واصلي
ريم : يلله ننتظرك تحت لا تتأخرين
ساره : طيب ربع ساعه وأنا تحت
نزلت ساره وهي ماسكه شنطتها وركبت في السياره مع ريم وناصر
ناصر : بدري يا مرة أخوي كان قعدتي شوي بعد
ساره : الله من العجله اللي فيك , خالتي تو لاقتني مسكينه ضاق صدرها تقول وش يوديكم اليوم
ناصر : ياذا الاهل هم ونظامهم نظام شياب
ساره : وهي صادقه توكم تتذكرون تطلعون للمزرعه قبل العرس بيوم
ناصر : كل شي جاهز للعرس مابقي شي ما جهزناه خلنا نطلع نوسع صدورنا وخلي هالمعاريس يريحون شوي وبكره الظهر إن شاء الله نرجع للرياض كلها يوم نريح فيه ونستانس موب ضار إن شاء الله
ريم : أي والله صادق , نسيتي يا سويره قبل عرسي وعرسك أشين يوم هو اللي قبل العرس يجيب المرض من نصبح لين نمسي وحنا متوترين
ساره : هههههههههههه ولاتنسين كلمة هونت معد ابي اعرس
ريم : ههههههههههههههههه قلت لك اشين يوم
ناصر : بلاكم مريضات الله يشفيكم
ريم : الله وكبر يالصاحي , الا تعال وين بتودينا ؟ موب هذا طريق المزرعه !
ناصر : أيه ذا طريق بيت عمتي حنان
ريم : عماتي موب رايحين محد رايح من الكبار كلهم اليوم بيجتمعون في بيت أبوي سعود
ناصر : أدري بس أمس كلمت عمتي وقالت مروا خذوا وجود
ريم : ناقصين بزران !!
ناصر التفت على ريم وهو مكشر وساره لاحظت وابتسمت
ساره : الا هي في أي صف ألحين ؟
ناصر : راحت ثالث ثانوي
ساره : ماشاء الله صارت حرمه أذكر أول مره شفتها وهي في ثالث متوسط
ناصر : كل صغير يكبر هذي رويمه صارت أم من يصدق ؟
ريم : والله اني مخليه عيالي وأنا ضايق صدري ودي أني جايبتهم معي
ساره : وش عليهم خالتي وأم فيصل والخدامات عندهم خلك ترتاحين شوي من صياحهم
وصلوا لبيت حنان ونزل ناصر وطق الباب وفتحت الباب وجود أخذ ناصر منها شنطة ملابسها وحطها ورى مع الشنط وركب وركبت وجود وهي مستحيه
وجود : السلام عليكم
الكل : وعليكم السلام
ساره : وشلونك وجود ؟ وش أخبار الوالده والوالد ؟ واخوانك عساهم بخير ؟
وجود : الحمدلله كلهم بخير
ريم : أخبارك وجيد ؟ اخبار الاهل
وجود : يسلمون عليكم
ناصر : كيفك وجود ؟
وجود : طيبه الحمدلله
ساره : الباقيين راحوا ؟
ريم : أيه كلهم سبقونا فيصل وطارق ومنى راحوا مع بعض
ناصر : وفهد بيلحقنا بعدين , وهيفاء راحت مع نواف وحرمته
ساره : وأصايل والعنود ؟؟
ريم : بيجون مع رجاجيلهم مع ان خالتي أم أصايل معصبه تقول توهم قبل أمس واصلين من شهر العسل وشوله تطلع معكم خلها تقر في بيتها
ناصر : ياذا الحريم . ألحين رجلها راضي وهو اللي بيجيبها
ساره : وفهد وراه تأخر
ناصر ابتسم : بيلحقنا بعدين
ساره حاسه أن فيه شي : ليه ؟ عسى ماشر
ناصر : ياحبك للقافه يا مرة أخوي , حاشره نفسك في كل شي
ريم : نويصر ووجع كلمها زين تراها مرة سلطان موب واحد من أخوياك
ناصر : سلطان يالبى قلبه له وحشه الخبيث
ساره : الله يرده بالسلامه
ناصر ابتسم وماقال شي
ساره : خالد أخوي بيجي ؟
ناصر : أكيد بيجي وأنا أقدر أطلع من دونه
ساره : الله يمليكم بركة بعض
ناصر : أيه يالدنيا الله يرحمنا برحمته يا عيال عبدالعزيز الصغير متعلق في خالد والكبير في أخت خالد
ساره ضحكت هي ووجود
ريم : استح على وجهك وش ذا الكلام
ناصر : وأنا صادق أنا وطروق وخلود ما نقدر نطلع الا مع بعض
ساره : لا تخربون أخوي بس
ناصر : نخربه !! أخوك يخرب ديره
ساره : الله وكبر يالبريء
ناصر ومسوي على نياته : أي والله أني حبيب وطيب وحليو وقلبي كبير ومؤدب واحب كل الناس وماعندي خرابيط والا حركات
ساره لمحت ناصر وهو يناظر المرايه وهزت راسها وسكتت
ريم : زين صدعتنا بحسناتك سق وأنت ساكت وقسم بالله مدري شلون طاوعتكم وجيت معكم هالحزه
ناصر: محد طقك على يدك وقالك تعالي
ريم : واخلي هالجمعه والوناسه !!
ناصر : انطمي طيب محد صدعنا الا أنتِ وحنتك
ساره : رجعها تكفى للبيت توها تقول أحد يطلع معكم ثمن تقول وناسه !!
ريم : انا معترضه عالتوقيت أحد يطلع الساعه 4 الفجر !
ناصر : طيب كريمنا بسكوتك لو سمحتي ولا تخربين علينا منظر شروق الشمس وفتح درايش السياره
ريم : أخس يالشاعري من متى ؟
ناصر : من زمان بس محد حس فيني محد فاهمني والهواء عكسي
ساره : طيب انتبه للطريق لا نسوي حادث والتفتت على وجود : وش فيك ساكته ؟
وجود : مافيني شي ؟
ريم : صدعنا بها ما تعودت عالصيحه
ساره : مسكينه البنيه تستحي وحنا ما يحتاج ألسنتنا وش طولها
ناصر وهو يتمسخر : الله المستعان صدعنا بها أجل !! محد كسر روسنا من أول الا هي ولسانها اللي وش طوله ووقف عند المحطه يعبي بنزين بعدين وقف عند البقاله : وش تبون أجيب لكم ؟
ريم : جب لي كروسان جبن وعصير برتقال
ناصر : وأنتِ ساره ؟
ريم :أكيد كت كات وحليب جالكسي
ساره : هههههههه ايه
ريم : عاداتك مستحيل تغيرنها
ساره : وأنتِ وجود ؟
ناصر : ما يحتاج حلاو مصاص
وجود : مابي شي
ريم : جب لها مثلي
صك ناصر الباب ودخل البقاله
وريم وساره يضحكون
ساره : هالناصر هو وخلود نفس الطينه لا تزعلين وجود ولا تحطين في بالك هذا أسلوبهم
وجود : منهو نويصر علشان أزعل والا أحط في بالي واحد مايسوى
ريم : هههههههههههههههههه لا يسمعك
وجود : يضف وجهه
ريم : ورى ما رديتي عليه أجل , من خبرتكم وأنتِ وإياه مناقر أشوفك هجدتي ماصرتي مثل أول
ساره : منتب صاحيه ريوم , البنت كبرت معدهيب صغيره علشان تناقره
رجع ناصر ومعه كيس ركب السياره وعطى ريم أغراضها بعدين عطى ساره وآخر شي ناول وجود عصير وكروسان مثل ريم بعدين رمى عليها كرتون بنادول وهو يضحك ويقول : هديه من الهندي
ريم وساره يضحكون
وجود عصبت ورمت الكرتون عليه : اشبع به
ناصر : شكرا
وجود : لاشكر على واجب
سفاحة الامارات
10-09-2009, 22:39
وصلو للمزرعه بعد ساعه والشباب راحوا يسبحون والبنات دخلوا المطبخ يجهزون الفطور
ريم وساره وبدور ومنى ووجود وهيفاء ,, منى وساره يشتغلون والباقين يسولفون
دخلت عليهم أصايل
أصايل : السلام عليكم
البنات : وعليكم السلام يا هلا
أصايل : وش تسوون ؟
ساره : نصلح الفطور ألحين الرجاجيل بيطلعون من المسبح ويبون فطورهم
منى : انا وساره اللي نشتغل ورجاجيلهم اللي يزطون
ريم : ترى اخوانك معهم
ساره : اخوي مابعد جاء ورجلي موب فيه
هيفاء تطل من ورى ظهر اصايل
اصايل التفتت على ورى : وش تناظرين ؟
هيفاء : وين عنيده ؟
أصايل : مابعد جت
هيفاء : لا تقولين ميب جايه ؟
أصايل : لا بتجي بس موب ألحين على الظهر خبرك معاريس ما بعد قاموا
منى : الله يهنيهم
ريم : ما ملوا من بعض !!
بدور : اذكري ربك ترى ما كملوا الشهر توهم
ساره : وريم صادقه
ريم : انطمي عاد أنتِ قاعده شهرين عسل بدال الواحد
ساره : اعوذ بالله يمه منك
أصايل بخبث : أقولكم شي
البنات : كلهم وشو ؟؟
أصايل: لا خلاص أخاف تذبحني عنيده
ريم : قولي تكفين
أصايل : لا خلاص بعدين موب اليوم
بدور : تكفين قولي
أصايل : أمزح اعوذ بالله طرتوا في العجه مخفات
ساره : إذا جت العنود بتقول لنا
أصايل بتصريف :ايه طيب
بدور: أمس كلمت اتحمدلها بالسلامه و خالتي تقول هالخبله سمرت مره من القعده في الشمس
هيفاء : بلاه من خبالها أحد يروح لشهر العسل لمكان كله شموس ؟ علينا قل يعني ؟ لو تجلس في شمسنا يومين يمديها تصير سوداء موب سمراء وبس
منى : رجلك جاء يا أصايل ؟
أصايل : أيه وبدر بعد بيجي , يوه من زمان ما اجتمعنا لحالنا من دون الحريم
وجود : كلكم الحين حريم
ساره : من قال ؟ على بالك يوم تزوجنا عقلنا ؟ الا احس ان عقلي صار اخف من أول
بدور : تكلمي عن نفسك بس
هيفاء بقلق : ماتدرون وش فيه فهود ماجاء ؟؟
بدور : كلن على همه
هيفاء : انثبري بس بكره عرسي ولا تبيني أقلق
أصايل : لا حول لا تقلقين إن شاء الله بيجي
ريم : ماسألتيه ؟
هيفاء : الا سألته قال عنده كم مشوار بيخلصهم بعدين بيجي
ساره : انتي المفروض اليوم ترتاحين وما تفكرين في شي أبد
ريم وهي تتمسخر : شوفوا من ينصح !! ذكرتيني بوحده متصله علي ليلة عرسها تقول هونت معد أبي اعرس
ساره وكأن السالفه ما همتها : مخفه ذي
ريم بإستفزاز : وبزر
ساره : طالعه عليك , الله يصلحها ويصلح كل مسلم
البنات يضحكون على ساره وبرود أعصابها وريم اللي عصبت
أصايل : أنتوا الثنتين مدري متى تركدون !!
ساره : مافيه أمل
منى : خلوا عنكم المناقر وتعالوا نفطر بس
طلعوا البنات وأفطروا بعدين ناموا ... قاموا العصر و نزلوا للصاله وجلسوا يتقهوون ودخلت عليهم العنود والبنات كلهم تناقزوا وهم فرحانين
ريم : الحمدلله عالسلامه
العنود : الله يسلمك
ساره : تو مانور المكان
العنود : وه بس استحيت
منى : من متى !!
العنود : انطمي عاد وجامليني لا تفشليني
مشت العنود وسلمت عالبنات وجلست والبنات يسألونها عن احوالها وهي مبسوطه
ساره : ماشاء الله وش هالزين محلوه وسامنه يالدوبا
العنود : صدق ؟
ريم : ايه عسى فستانك يدخل عليك بكره
العنود بخوف : ما قسته تصدقون , إذا ما دخل علي بأذبح بدور كل ما جلسنا مع بعض قعدنا نأكل
هيفاء : تسلفيني , راح نص وزني
العنود : أنتِ وراك نحفتي ؟
هيفاء : مدرييختي , ضايق صدري كل مارحت اقيس فستاني الا هو صاير اوسع علي من قبل
ساره : مثلي يوم عرسي
منى : كل ذا من خوفك اللي ماله سنع والهموم اللي لها أول ومالها آخر
العنود : يلله عاد وش يخوفك فهد يحبك وكلنا عارفين هالشي وإن شاء الله ربي بيوفقكم وتنبسطون وسعي صدرك بس ولا تشيلين هم
ريم : هييف على طاري فهود ماجاء ؟
هيفاء : لا توني متصله عليه يقول في الطريق
أصايل : ما صلحنا غداء للرجاجيل
منى : إذا جاعوا يأكلون لهم أي شي والعشاء اليوم بنحطه مبكرعلشان ننام بدري بكره ورانا قومه من الصبح
ريم : نصور يقول ماراح نمشي الا الظهر , كل شي جاهز
منى : والكوافيرات ؟؟
هيفاء : أنا متفقه معهم يجون للقاعه العصر
أصايل : حجزتوا لنا كلنا ؟
ريم : أيه
بدور : وكم عامله بتجي ؟
هيفاء : اربع
العنود : بس !! ما يمديهم يخلصونا نسيتوا عماتي وأمي وأمهاتكم ؟؟
بدور : أي والله صادقه أبد ما يمديهم يخلصونا
ساره : خلاص انا أهلي حاجزين ثلاث وشغلهم حلو أحد يبي يجي معنا
ريم : خلاص بأجي معكم أنا وأمي
ساره : أجل بأقول لنجوى تخليهم يجون في بيتنا علشان الزحمه
ريم : خلاص زين ونشوف إذا احد من عماتي بيجي معنا يكفونا ثلاث ؟
ساره : أيه بيجون من العصر بعد ويبدون فينا بعدين خواتي
رن جوال ريم وشافت رقم ناصر وردت : هلا نصور
ناصر : ريم ساره عندك ؟
ريم : أيه
ناصر : خليها تروح للصاله الثانيه
ريم : ليه ؟
ناصر : لا حول وش دخلك
ريم : أجل منيب قايله لها
ناصر : رويمه ووجعه
ريم : أول قل لي ليه ؟
ناصر : كلي تراب وسوي اللي قلت لك وصك السماعه في وجهها
البنات : وش فيك ؟
ريم : مدري عنه نويصر يخربط
منى : وش يبي ؟
ريم : يقول خلي ساره تروح للصاله الثانيه
ساره : انا !!
ريم : أيه
ساره : ليه ؟
ريم : مدري
ساره : يمه لا يكون سلطان فيه شي
منى : لو فيه شي بيقول تروح للصاله الثانيه
هيفاء : يمكن مقلب
وجود : أكيد اخوك بيسلم عليك
ساره : مالقيتي الا خلود يسأل علي عند الرجاجيل
العنود : طيب قومي شوفي
قامت ساره والبنات طبعا لحقوها من اللقافه
سارده دخلت الصاله ومالقت شي والبنات واقفين ورى القزاز العاكس
ساره بإستغراب : مافيه شي
ساره بإستغراب : مافيه شي
وتوها بتروح عند البنات الا باب الصاله اللي يفتح على جهة الرجاجيل ينفتح وتسمرت ساره مكانها
.... بعدين صرخت وهي مو مصدقه سلطان !!!
وقف سلطان وهو يبتسم
ساره بدون ما تحس راحت عنده بسرعه وضمته وتعلقت في رقبته سلطان على طول خذها في حضنه وشد يديه عليها وهو مغمض
ساره كانت تصيح وتضحك في نفس الوقت تعلقت فيه وما تبي تتركه حست انها تحلم
البنات يناظرون من ورى القزاز ومبسوطات أول مره يشوفون مشهد رومانسي مثل الافلام قدامهم ومباشر بعد !!
بعد عشر دقايق تقريبا بعدت ساره وهي تناظر وجهه وموب مستوعبه وعيون سلطان مافارقت عيونها جلسوا يتأملون بعض ومر الوقت وكأنه دهر عيون ساره الواسعه كانت تتكلم بدال شفايفها كان باين فيها الشوق واللهفه والحب والفرحه.. كل المشاعر الحلوه شافها سلطان في عيونها ورموشها كانت رطبه بسبب دموعها,, قلوبهم كانت تدق وكأنها تدق بلحن واحد سريع كان حاس بقلبها يدق على صدره وهي حاسه بدقات قلبه على صدرها كانوا ضامين بعض وكأنهم شخص واحد ونبضهم واحد والاهم أن احساسهم واحد ..
سلطان بهمس : اشتقت لك
ساره وهي تبعد عنه حست انها فوق السحاب ومسحت دموعها وهي تضحك : حتى انا اشتقت لك الحمدلله على سلامتك ,, كانت تلهث ما تدري ليه ؟ يمكن من دقات قلبها المجنونه والا من الفرحه اللي ما توقعتها والا من كلمة سلطان اللي تمنت تسمعها
سلطان مد يده ومسح دموعها بأطراف اصابعه وكانت عيونه مثل عيونها الا انه قدر يسيطر على نفسه قبل لا تنزل دموعه,, ماكان متخيل هالاستقبال من ساره صحيح قالت تحبه ومشتاقه له بس إستقبالها كان اروع مما تخيله الفرحه في عيونها أول مره يشوفها ما كان متخيل أن أحد بيشتاق له كل هالشوق وعلى كثر سفراته بس ماعمر احد استقبله هالاستقبال ..
ساره حست ان لسانها انربط ما تدري وش تسوي ووش تقول
سلطان وهو ماسكها وفمه قريب من اذنها : هاه وين الوعد ؟
ابتسمت ساره بحياء و بصوت واطي يرتجف : أحبك
سلطان تنهد والابتسامه شقت وجهه و قرب وجهه منها وهي تراجعت وهمست بحياء وهي تضحك : البنات واقفين ورى القزاز
سلطان رجع على ورى وأشر على البنات : السلام عليكم
البنات كانوا مبهورين بالموقف اللي قدامهم
هيفاء : ليش علمته إن حنا نشوفهم كان كملوا
العنود : ما قد تخيلت اشوف سلطان في هالموقف
ريم : أموت واعرف وش همس لها ؟
أصايل : ما يبي لها ذكاء أكيد قال احبك والا من هالكلام
منى : الله يسخرهم لبعض
التفتت العنود لمنى ورفعت حاجبها وهي تستفسر لأنها من تزوجت معد تدري عن اوضاع ساره وسلطان ومنى هزت راسها وهي تبتسم
سفاحة الامارات
10-09-2009, 22:41
بدور : ماشاء الله شكله يحبها
هيفاء : الا قولي سويره اللي ميته عليه
وجود: الله يسعدهم يستاهلون
منى : غطوا على رومانسية بدر والعنود
ريم : الظاهر الرومانسيه وراثه في هالعايله ,, بروح اسلم عليه
بدور : خليهم مع بعض شوي
ريم : بأسلم عليه بعدين بأخليهم مع بعض , ونادت هيفاء : تعالي معي
دخلت ريم وهيفاء وسلموا على سلطان وتحمدوا له بالسلامه وبنات عمه سلموا عليه من ورى القزاز وراحوا للصاله الثانيه
ريم : اجلسوا عاد والا بتقعدون طول اليوم واقفين
جلس سلطان وسحب ساره جنبه
هيفاء : زين انك جيت يا سلطان علشان تحضر العرس
سلطان : آفا عليك كم هيوف وفهود عندي ؟
هيفاء : لا عيوني أبيك بكره إن شاء الله تصير أخوي موب أخوه فاهم
سلطان : أخوك وأخوه كله واحد
هيفاء : لا أبيك انت اللي تزفني له بكره مع ابوي سعود ونواف
سلطان : عيب اتقدم على عماني
هيفاء : مالي دخل دامك جيت أبيك تزفني أنت والا مابي
سلطان : وإن شاء الله تبيني أدخل عالحريم !!
هيفاء : أكيد
سلطان : لا وأنا أخوك آسف كلش الا أني ادخل عالحريم
ريم : وش بيضرك عاد ؟
سلطان : دخول عالحريم مستحيل
هيفاء : أجل منيب طالعه
سلطان : هيوف انا يوم عرسي ما طلعت تبيني أطلع ألحين
هيفاء : يوم عرسك غير وألحين غير بعدين أنا مالي أحد الا نوافوه لا أبو ولا أم ولا خوات مستكثر علي تطلع معي
سلطان : وين راح أبوي سعود وعماني وأبوي
هيفاء : ولو أنت غير أنت ونصور احسكم خواني مثلكم مثل نواف وابيكم كلكم معي بكره
سلطان : ساره قولي لك شي
ساره ابتسمت : صحيح أني أغار عليك وما ودي تطلع عند الحريم بس علشان هيوف كل شي يهون
هيوف : يسلمون لي الناس الفاهمين
سلطان التفت على ساره : أبيك عون
ساره : علشان هيوف سلطان تكفى لا تكسر بخاطرها
هيفاء : ايه ترى اول مره اتزوج
سلطان : خلاص طيب يصير خير
هيفاء : يالبى قلبك ويلوموني فيك
ريم : ورى ماقلت لنا أنك بتجي ؟
سلطان :قلت اخليها مفاجأه
ريم وهي تمزح : أمحق مفاجأه
ساره : انطمي انتي بعدين المفاجأه موب لك
هيفاء : رحت للبيت
سلطان : لا والله من المطار لهنا على طول
ريم : بيزعلون أهلي
سلطان : فهد كلمهم وقال لهم وأنا بأكلمهم بعد شوي
هيفاء : يلله ريوم قومي عاد خله يجلس مع حرمته شوي
ريم : يلله نخليكم بس لا تأخذون راحتكم مره ترانا في الجوار وكل شوي بنطل عليكم
سلطان : طيب انتِ اذلفي اول بعدين طلي
طلعت ريم وهيفاء والتفت سلطان على ساره وهي التفتت عليه وجلسوا يناظرون بعض وهم ما يدرون وش يقولون آخر شي ابتسمت ساره
سلطان : وش فيك ؟
ساره : مابعد استوعبت
سلطان رفع يده ولمس خدها : هاه استوعبي تراني حقيقه مو خيال
ساره : وأحلى حقيقه والله
سلطان : شلونك ؟
ساره : مافيه أحلى مني هالوقت , وأنت
سلطان : مثل ما انتي شايفه
ساره : ليش ماقلت لي أنك بتجي ؟
سلطان : حبيت اسويها لك مفاجأه كنت أبي اشوف ردة فعلك
ساره ابتسمت : مامر علي ولا راح يمر علي أحلى من هالمفاجأه
تنحنح خالد ودخل عليهم وقامت ساره وسلمت على أخوها
خالد : هاه ارتحتي ألحين ؟ والتفت على سلطان : من رحت وهي مشغلتنا لا تأكل ولا تشرب حد ما تمشي وتصارخ علينا وكله بسبب حضرتك
ساره : بلا نصب عاد
خالد : بالله يا سلطان موب صايره كنها جني
التفت سلطان عليها وجلس يتأملها من فوق لتحت ونظراته كانت مركزه عليها
ساره استحت من ملابسها ومن خالد وسلطان كانت لابسه جينز ضيق وقميص ابيض خفيف سحبت الخداديه وحطتها عليها ولا عاد تحركت
سلطان : الا والله ناحفه ووجهك شاحب
خالد : البركه في سيادتك
ساره تبي تصرف نظرهم عنها: حتى انت سلطان ناحف
سلطان : من طبخ متعب
خالد : أنت بسبب الطبخ هذي لا مسويه مثل المسلسلات وذاك اليوم عيت تروح مع اهلي للعزيمه أثرها تحتري مكالمتك طال عمرك
ساره عصبت واستحت : خويلد ووجع
خالد بإبتسامه عريضه : فيه علوم واجده بأعلمك عنها بعدين إذا خمدت هالسكنيه
ساره بتهديد : خويلد بأذبحك
خالد : حلالك أهم شي ابرد قلبي منك
ساره : ماودك تقلب وجهك وتجلس مع الرجاجيل ؟
خالد : خلاص بأذلف بس الرجاجيل يسألون عن سلطان مشتاقين له
سلطان : لاحول خلاص شوي وألحقك
خالد بمصاله: وش رايك أحتريك ؟
سلطان : يارجال طس أنت وأنا بأجي وراك فكني بس
خالد : خلاص خلاص لا يطق فيك عرق بس لا تطول
طلع خالد والتفت سلطان على ساره : متى بنخلص ؟
ساره : خلصنا
سلطان : احلف لك أن احد بينط بعد شوي
ساره : هههههههههههه طبايعهم ما يخلونها
سلطان : قومي نروح البيت ؟
ساره : ألحين ؟
سلطان : أيه
ساره : لا وهيوف مسكينه ألحين فرحانه فيك وفهد ضارب مشوار من المطار لهنا ونروح ونخليهم
سلطان : عاد ليتهم يكملون معروفهم
ساره : خلاص يا قلبي هانت كلها يوم ونرجع للبيت
سلطان : متى بس ؟
ساره قامت ومسكها سلطان : وين ؟
ساره : بروح أجيب لك شي تأكله
سلطان : لا لا مابي شي خليك جنبي بس
ساره : المطبخ قريب
سلطان : والله مابي شي يكفيني الجلسه معك
ساره : اسمع لاحقين عالكلام والسوالف انت رح تسبح وغير ملابسك وأنا بأجيب لك شي تأكله علشان تنام لك شوي مفهوم ؟
سلطان : وش دعوه طرده ذي !!
ساره : آفا عليك انا أطردك , أنا ابيك تريح وربي
سلطان : لا تخافين أنا كذا مرتاح
ساره : زين كل لك شي على الاقل علشاني سلطان تكفى
سلطان : طيب جيبي لي أي شي وترى علشانك بس
ساره : يابعد هلي وناسي دقايق بس
راحت ساره وجابت القهوه والحلا وجلست تقهوي سلطان وكل شوي ريم داخله عليهم والا فهد والا ناصر يبونه يجلس معهم لين آخر شي طفش منهم وراح معهم وهو مغصوب
في الليل جلسوا البنات يصلحون العشاء واتصلت ساره على سلطان ومارد بعدين اتصلت على خالد
خالد : هلا
ساره : سلطان وينه مايرد ؟
خالد : سلطان نايم
ساره : ما تعشى طيب !!
خالد : كان شكله تعبان ودايخ لقيناه نايم في المجلس وخليناه
ساره : أنتوا عنده ؟
خالد : لا حنا جالسين برى عند الملعب
ساره : لو طلعت تشوفوني ؟
خالد : لا ليه ؟
ساره : بروح اودي لحاف ومخده لسلطان واشوف محتاج شي
خالد : خذي راحتك محد لمك
ساره : يلله أجل مع السلامه
خالد : مع السلامه
راحت ساره ولقت سلطان نايم على الارض ومتوسد يده حطت المخده تحت راسه وغطته باللحاف وجلست تتأمله وهي مبسوطه باسته على خده وقامت طفت عليه الانوار وصكت الباب وهي تدعي ان الله يحفظه ويخليه لها
سفاحة الامارات
10-09-2009, 22:44
اليوم الثاني زواج هيفاء وفهد :
قبل العصر وصلوا العوايل للرياض
ساره وسلطان وصلهم خالد للبيت وسلطان ركب سيارته وراح يسلم على أهله وجده ,, ساره دخلت غرفتها وراحت تتسبح قبل ما يجون الكوافيرات .. طلعت من الحمام وكانت لا بسه الروب والمنشفه على كتفها وشعرها الرطب حول وجهها وقفت عند المرايه تجهز طقمها واغراضها وسمعت صوت الباب رفعت راسها وشافت صورة سلطان منعكسه في المرايه وابتسمت له
سلطان : نعيما
ساره : الله ينعم عليك , واستحت وشدت الروب على جسمها
راح سلطان وقرب منها وشاف وجهها أحمر وعرف انها مستحيه
سلطان : مرحبا
ساره ابتسمت : مرحبتين
سلطان : آه ما بغينا نصير لحالنا
ساره سكتت وماردت رفعت عيونها وشافت عيون سلطان اللي كانت تلمع وتتوعدها بأشياء كانت تحلم بها ...
سلطان كان يناظرها وهو يبتسم واقفه قدامه بالروب القصير ووجها احمر وريحتها مثل ريحة الورد وجذبها لناحيته وخلى يديه على خصرها وهي من الحياء والخوف تتنفس بسرعه وحاسه ان دمها يغلي من الحياء وقلبها يدق مثل الطبل مع أن حالة سلطان مثل حالتها , و توه سلطان مطمن راسه بيقرب منها الا سمع صوت الباب وتصلب في مكانه ومسك لسانه قبل لا يشتم
فاطمه بصوت عالي وهي تطق الباب : ساره
ساره ارتبكت وبعدت عن سلطان : كلمها انت , أنا ما اقدر
سلطان حاول يسيطر على نفسه وترك ساره وهو كاره وراح عند الباب وساره دخلت لغرفة الملابس تغير ملابسها
سلطان وهو كاتم عصبيته فتح الباب ولقى فاطمه اللي سلمت عليه وجلست تسولف
طلعت ساره وهي لابسه تنوره جينز قصيره وتيشيرت اسود ربع كم
فاطمه : خالتي أم سلطان وريم وحنان ووجود تحت
سلطان : تحت ؟!
ساره : أيه ينتظرون الكوافير بعد شوي بتجي
سلطان : وأنا تو أسأل ابوي اقول وين امي قال طلعت للقاعه
ساره : لا كنا بنروح للقاعه بس بتصير زحمه
سلطان : زين أجل خلني اغير ملابسي و أنزل اسلم على أمي
فاطمه : يلله أجل انا بأسبقكم
نزلت فاطمه ووراها ساره وقبل ما تطلع مسكها سلطان قبل ما تطلع من الغرفه : ترى فيه كلام كثير ودي أقوله بس الله اللي يعلم متى بينقال
ساره بارتباك : أنا بنزل مع خالتي ومرت بسرعه من جنبه ونزلت
سلمت ساره على خالتها وحنان وهي مرتبكه ومشوشه من اللي صار لها قبل شوي جلست شوي بعدين شافت سلطان لابس ثوبه وشماغه ونازل مع الدرج
وجود قامت وطلعت للمجلس دخل سلطان وسلم على أمه وعمته وساره حبست أنفاسها كان شكله وسيم ويطير العقل رجال بمعنى الكلمه كانت لحيته باديه تطلع ومابعد حلق وهالشي زاد من سماره ورجولته جلست تناظره وكأنها أول مره تشوفه بطوله ورزته وهيبته وبنيته العريضه وكان واضح انه مسيطر على نفسه اما ساره كانت تفكر وهي تكلم نفسها من يتخيل أن هاللي واقف قدامنا واللي الرجوله تنبض بكل عرق من عروقه قبل خمس دقايق بس كان ضام زوجته لحضنه وضايع في حبها ويعاملها بأرق معامله ممكن يعامل فيها الزوج لزوجته !!
سلطان قطع افكاره بصوته : توصون شي ؟
ساره وهي تجلي حنجرتها : بتطلع ؟؟
سلطان : أيه بأمر على فهد في بيته بأشوف إذا يبي شي والا محتاج شي بعدين بأمر على القاعه وأشوف كان فيه شي ناقص والا لا
أم سلطان : كل شي جاهز ومرتب ناصر وطارق وفيصل كلهم هناك
سلطان : أجل بأقابلهم هناك وبعد المغرب بأجي اغير ملابسي مره وحده بخري ثوبي ياساره
ساره : إن شاء الله من عيوني
سلطان : أنا بأمشي ألحين تبون شي ؟
أم سلطان وحنان : سلامتك
ساره مشت معه ووصلته للباب وطلعت معه عند الحديقه علشان توصله لسيارته فتح سلطان السياره ووقف : متى بتخلصين ؟
ساره : مدري ليه ؟
سلطان : ودي أشوفك قبل ما تروحين للقاعه إذا بتخلصين بدري بأوصلك معي
ساره : مدري بس إن شاء الله أخلص بدري
سلطان : توصين شي ؟
ساره : انتبه لنفسك وشافت سيارة خالد داخله البوابه ومعه اهلها
سلطان : يلله فمان الله وقرب منها وباسها قبل لا يدخل لسيارته
وحرك سيارته ومشى
نزلوا خوات ساره وأمها
وسلمت عليهم
أم عبدالله : الحمدلله على سلامة سلطان
ساره : الله يسلمك
نجوى : هناك العقلان
ساره : هناك طيب الفال
سوسن : كني شفت سلطان تو مسوي حركه رومانسيه والا أتوهم ؟؟
ساره : وش دخلك عاد ؟
هند : أخس أثره رومانسي وحنا ما ندري
ساره : ادخلوا وخلوا عنكم البربره خالتي وريم وحنان داخل ينتظرونا
نجوى : تو الكوافير متصله تقول قريبه
وصلوا الكوافيرات وبدوا يشتغلون في الحريم و خلصوا أم سلطان وحنان وريم أول
أم سلطان : ساره حنا بنسبقكم للقاعه إذا خلصتي أنت ووجود ألحقينا
ساره : إن شاء الله خالتي
أم سلطان : لا تتأخرين علشان تكونين معنا في الإستقبال
ساره : بس نخلص ونلحقكم
لبست ساره ملابسها قبل ما تبدأ الكوافير تشتغل فيها وبعد ما بدت تستشور شعرها سمعت صوت الباب وتوقعت أن سطان رجع وجلست تستعجل العامله علشان تخلص بسرعه
أول ما خلصت ساره ووقفت صفرت هند بصوت عالي : ماشاء الله وش هالزين ؟
سوسن : بتغطين عالعروس
ساره : امااا , بلا نصب أنتِ وهي
أم عبدالله : وهم صادقين ماشاء الله قمر
ساره كانت لابسه فستان اسود ضيق كت والظهر كان كله مفتوح ومغطى بدانتيل وعلى طول الظهر أزرار صغيره وعلى الجوانب خيوط كريستال من عند الاكتاف لين أسفل الظهر مثل الاطار للدانتيل والصدر كانت فتحته كبيره شوي والكريستال على طول الفتحه والا كتاف ومن تحت الصدر من قدام مثل الربطه بالكريستال مترخيه شوي واطرافها طويله توصل للركبه ووالفستان من عند الركبه كان وسيع وكله قصات مبطنه بالدانتيل أما مكياجها حطته احمر وشعرها الاسود كان كله خصل متداخله في بعض ومثبته في اسفل الراس
نجوى : حطي في شعرك ورده حمراء على جنب
ساره : ما عندي
سوسن : بسيطه وطلعت عند باب البيت وقطعت ورده من احد الاحواض وجت تعطيها ساره
ساره : خربتي الحوض
هند : وحده ما تضر
ثبتت العامله الورده فوق أذن ساره وطلع شكلها روعه صايره تفتن بالعاده يكون شكلها ناعم وكيوت بس هالمره صايره حرمه على قول أمها ,, و شكلها يخطف الانفاس
وجود : ماشاء الله ياساره قمر
ساره : حتى أنتِ بعد
أم عبدالله : يلله عاد لا تتأخرين خالتك حرصت تروحين بدري
ساره : وأنتوا ؟
أم عبدالله : إذا خلصنا بنجي بس انتوا روحوا ألحين
ساره : طيب بروح ألبس طقمي وساعتي وأشوف سلطان كني سمعت حسه من شوي
طلعت ساره لغرفتها مع المبخره ومالقت سلطان في الغرفه ولا سمعت صوت في الحمام اما غرفة الملابس كان الباب شبه مسكر والنور فيه ضعيف
وقفت عند المرايه وحطت عليها المبخره ولبست ساعتها وسمعت صوت في غرفة الملابس وراحت تفتح الباب و في نفس اللحظه انفتح الباب وخبطت في سلطان رفعت راسها وشافته واقف مسكت نفسها لا تتهور ..كان باين عليه انه توه محلق ومحدد السكسوكه وفكه العريض ناعم بعد الحلاقه وريحته ميزتها ساره عطر شانيل بس شمت ساره ريحة الرجوله فيه أكثر من ريحة العطر!! كان لابس غتره بيضاء منشيه وبشته على ذراعه أما سلطان من ناحيته أول ماشاف ساره خطر في باله ما يروح للعرس أبد ويجلس طول اليوم يتأمل القمر اللي قدامه دارت عيونه على كل جزء منها من راسها لأطراف رجولها , جمالها وفتنتها وجسمها اللي كأنه منحوت واستداراتها الانثويه خلته يتسمر في مكانه وساره شافت انبهاره بمظهرها في عيونه وابتسمت بحياء
سلطان بلع ريقه وتنفس بقوه وهو يحاول يمسك نفسه
سلطان : محد قد قالك انك فتنه ؟
ساره : ومحد قد قالك انك وسيم ؟
سلطان ابتسم وما تحرك من مكانه أما ساره رجعت لورى وهي تقول : توقعتك رحت
سلطان وعيونها مافارقتها : قلت انتظرك شوي
ساره : أنا خلصت بس بألبس طقمي قبل
وراحت عند المرايه تكمل لبس بس سلطان ناداها : لحظه
ساره : وش فيك ؟
سلطان : لا تلبسينه دقيقه ودخل غرفة الملابس وطلع ومعه علبه واضح انها علبة طقم : البسي هذا اليوم
ساره : فتحت العلبه وهي تبتسم وانبهرت بالطقم اللي شافته .. طقم ألماس العقد كان شرايط مخمل في وسطها فراشه من الالماس حجمها متوسط لمعتها تنشاف على بعد كم متر ومعها حلق نفس الشكل بس بحجم أصغر والاسواره شرايط مخمل تلتف على اليد وفيها فراشتين بنفس حجم الحلق والخاتم فيه فراشه بحجم أصغر
ساره : سلطان روعه شكله
سلطان : عجبك ؟
ساره : يجنن
سلطان : جمعته لك قطعه قطعه والا هو مو طقم , تذكرت أني شفت عليك أكثر من مره بروش مدري وش اسمه يشابهه قلت خلني اسوي لها مجموعه وتصير طقم مع البروش
ساره وهي تناظره : مشكور سلطان ذوقك روعه والله مدري وش اقول
سلطان : البسيه اليوم
ساره : اخاف عليه يضيع والا يطيح مني
سلطان : يفداك
ساره مدت يدها للحلق علشان تلبسها وسلطان كان يتأملها وهو يبتسم وهالشي اربكها وخلى الحلق يطيح من يدها رفع سلطان الحلق وهو يقول : خليني أساعدك
لبسها سلطان العقد والحلق وبعد ما خلص التفتت عليه ساره لا شعوريا وباسته على خده وهي تقول بصوت ناعم : مشكور ياقلبي الله لا يحرمني منك
سلطان ابتسم لها وهو حاط يدينه على خصرها وتكلم بنبره واضح فيها الحيره : لو خطر لك ما تروحين العرس وتقضين طول الليل هنا وش تسوين ؟
ساره ضحكت بصوت عالي وبنبره إستفزازيه : معقوله سلطان اللي يتكلم !! ما اصدق
سلطان : لو ماكان عرس فهيدان كان خليتك تصدقين بالغصب
ساره : وش غيرك يا سلطان ماكان هذا حالك ؟!
سلطان : أنتِ اللي وش سويتي فيني ؟
ساره حست بثقه أول مره تحس فيها وتجرأت وسألته : تحبني ؟
سلطان بشوق : ومجنون بحبك
ساره حست ان قلبها بيوقف أخيراُ سلطان قال لها الكلمه اللي تمنت تسمعها من زمان .. أيام وشهور مرت عليها تعذبت وتعبت فيها أكثر مما فرحت صبرت على اسلوبه وتعامله وتحملت أطباعه ومزاجه السيء وكرهه لها , بس في الاخير ربي ماخيب أملها ولا ضيع صبرها
سلطان مايدري ليش سكتت وكمل : أيه ياساره أحبك وهالشي واضح ومايبي له سؤال يا دنيتي وكلَي
ساره كالعاده عيونها بدت تلمع من الدموع وبالعافيه قدرت تسيطر على نفسها علشان ما تنزل دموعها وتخرب مكياجها
ساره وصوتها واضح فيه عبراتها : سلطان وربي مو مصدقه !! تمنيت اسمعها منك من زمان ..
ناظرت فوق في السقف علشان تمنع دموعها وكملت : من وفاة أمي ساره وأنا أحاول ابعدك عن قلبي وعقلي بس كنت توصل لأفكاري وتسيطر علي بدون ما احس .. في شهر العسل توهمت اني اكرهك وقلت بأطلب الطلاق إذا وصلت للرياض , بس قلبي ماطاوعني وقلبي تعلق فيك أكثر قلت اقضي معه سنه امتع عيونه بشوفته على الاقل , وأكون قريبه منه لو احتاجني ووتوعدت عمري اني اضبط مشاعري وما ابين اني احبك علشان ما تستغل نقطة ضعفي بس ما خليتني لين ما سيطرت علي وملكت قلبي وعقلي وروحي وآخر شي ماقدرت امسك عمري وفضحت نفسي ذاك اليوم
سلطان وهو يبوسها على جبتها : وكان احلى يوم في عمري
ساره وهي تتشره : بس ماقلت أنك تحبني الا يوم سألتك
سلطان : كنت ناوي بعد عرس فهد آخذك ونسافر شهر عسل ثاني واقولك كل شي هناك بس شفاحتك و سؤالك اللي مدري وش يبي خرب السالفه
ساره ضحكت : حرام عليك يكفي أني ماسألتك. كنت أقول أدفع نص عمري واسمعك تقول هالكلمه
سلطان : لالا , خلي نص عمرك أبيه وكل شوي بأقولك أحبك لين ما تصدعين وتقولين لي اسكت ,, بس خلينا نسافر ونخلص من هالعلل اللي ما خلونا لحالنا والله لوما عرس فهد كان اخذتك امس ورحنا مكان مافيه احد غيرنا بس لاحقين بعد كم يوم إن شاء الله
ساره : يا حركات وش هالرومانسيه !!
سلطان : أي رومانسيه والسالفه خربت وهذا أنتِ دريتي
ساره : خلاص بأسوي نفسي ما أدري
سلطان : باللهِ , عالعموم أنا حجزت بعد 4 أيام
ساره : وين ؟
سلطان : بعد !! لك عين تسألين
ساره وهي تضحك : وش قلت قبل شوي كأنك جبت طاري ما نحضر عرس فهد
سلطان : آآآه منك شكلك بتخربيني وتخليني أتهور وما نروح
ساره ابتسمت : لا خلاص أمش تأخرنا بتعصب علي خالتي
سلطان : أحس أن اليوم عرسي موب عرس فهود !!
ساره : عادي تخيل نفسك معرس
سلطان بخبث : وليش أتخيل وهالشي حقيقي .. آه بس ياطول هالساعات اللي بتجي متى يخلص العرس !!
ساره استحت واحمر وجهها
سلطان : يالله يابنت خلينا نمشي قبل ما اغير رايي ومانحضر
سفاحة الامارات
10-09-2009, 22:47
نزلت ساره مع سلطان ودخلت على أهلها ولقت نجوى ووجود وأمها مخلصين
ساره : يلله البسوا عباياتكم
هند : خلاص اصبروا لنا مابقي الا أنا وسوسن
ساره : لا تأخرنا تعالوا أنتوا مع السواق
نجوى : ليش وحنا من بيودينا ؟
ساره : سلطان
نجوى : لا أجل روحي أنت مع رجلك وحنا بنجي مع الباقيين
ساره : وش بلاكم أمشوا معنا
أم عبدالله : لا بأجي مع البنات أصلا تونا وش يودينا ألحين بدري
ساره : كيفكم أجل , يلله وجود امشي
وجود : لا أنا بأجي مع أهلك
ساره : وجود أهلي بيتأخرون
وجود : ما يخالف
ساره : أمك قالت لي اجيبك معي
وجود : لا أنت ورجلك وش يحشرني معكم
ساره : يلله عاد وش ذا الكلام سلطان مثل اخوك
وجود : لا تحاولين
ساره : خلاص اجل بروح أنا وأنت مع السواق
وجود : لا والله ما تخلين رجلك علشاني انا بأجي مع اهلك
أم عبدالله : خلاص يا ساره روحي انت تأخرتِ وحنا بنجيب وجود معنا
ساره : على راحتكم
راحت ساره وركبت السياره
سلطان : تأخرتِ ؟
ساره : وش اسوي ساعه اقنع وجود تجي وهي معانده
سلطان : ليه ؟
ساره : مستحيه وتقول والله ما احشر نفسي بينك وبين رجلك
سلطان : والله وكبرنا وصرنا حريم ميب سهله وجيد
ساره : حرام عليكم كلكم تعلقون عليها البنيه كبرت وركدت
سلطان : خلينا من وجود ألحين عندي شي أهم
ساره : وشهي ؟
سلطان : يومك تحبيني من ذاك الوقت ورى ما قلتِ لي ؟؟ حرام عليك تعذبت لين كرهت نفسي والدنيا
ساره : لا يا شيخ تبيني أقولك سلطان أحبك وأنت كارهني ذيك الفتره وعازلني عنك وراميني في غرفه لحالي وأنا توني عروس !!
سلطان : لا تذكريني وقسم بالله كل ما تذكرت أسلوبي معك أكره نفسي أحس اني حقير في تصرفاتي معك لو تدرين وش كثر ندمت على حركاتي وتصرفاتي بس ربي عاقبني بطيحتي وكنت استاهل اكثر
ساره : سلطان خلاص انسى اللي راح تكفى
سلطان : لا الماضي يبي له جلسه مفصله ويا كثر الاعتذارات اللي بأعتذرها لك
ساره : مابي منك اعتذرات يكفي أني عرفت مكانتي عندك
سلطان مسك يدها وجاء بيرفعها لفمه بس ساره سحبتها على طول : سلطان ترانا في الشارع عيب
سلطان : وش علي من الناس واحد وزوجته
ساره : هههههههههههههههههههه
سلطان : وش يضحكك ؟
ساره : سبحان اللي يغير ولا يتغير ارفق علي سلطان والله احس اني احلم ما ااصدق أنك انت سلطان نفسه اللي كنت اتهاوش معه الليل والنهار
سلطان : حرام عليك من قبل ما اسافر وأنا أحاول أمهد لك الموضوع غيرت معاملتي لك على أساس تتقبليني بس كل مره اكون فيها قريب منك أحسك رافضتني وخايفه مني
ساره : لأني ما كنت أعرف أنك تحبني توقعت ان أي تصرف منك بيكون بس رغبه أو تهور أو طيش
سلطان : تهور وطيش ؟؟ عمري وصل 30 وأعصابي قاعده تحترق كل ذيك الشهور وتقولين طيش يا ويلك من ربي
ساره : محد قالك تسكت كان قلت لي انك تحبني
سلطان : كرامتي ما سمحت لي أقولك وأنا اشوف تصرفاتك معي غريبه خفت تصديني وما تصدقيني او تتمسخرين علي حتى أنا نفسي كل مره احاول ابعد نفسي عنك واقول ما نصلح لبعض وأني ما احبك حتى أني بديت اقتنع بهالفكره
ساره : ههههههههههههههه تصرفاتي غريبه !! والله أنت اللي جننتني كنت أقول لنفسي لو أعيش مليون سنه معك مستحيل أفهمك
سلطان : ما يحتاج من يفهمني والله اني على وجهي بس اول مره احب صدق وهالشي خلاني مثل المجنون
ساره : وفيونا ؟؟
سلطان : وذاك اسمه حب ؟ صدقيني ساره مشاعري ناحيتك أول مره احس فيها والتفت عليها وهو يبتسم والاشياء اللي تصير لي وأنا قريب منك ما عمري جربتها
ساره انبسطت وكانت تتنمى لو الطريق للفندق كان أطول
سلطان بإحباط : وصلنا
ساره : لا حقين عالسوالف وتوها بتفتح الباب علشان تنزل الا ومسكها سلطان
ساره : وش فيك ؟
سلطان : قريتي أذكارك اليوم ؟
ساره : أوه نسيت
سلطان لبق على جنب : يلله أجل اقريها
ساره إذا نزلت بأقراها
سلطان : لا اقريها هنا اخاف تنسين وأنا منيب مستعد اخسرك بسبب عين وحده ما تخاف الله
ساره : وش فيك وش ينضلوني عليه ؟
سلطان : كل هالجمال وهالزين وتقولين وش ينضلوني علي ؟ لا حبيبتي مافيه نزله من السياره الا بعد ما تقرين اذكارك
قرت ساره اذكارها وبعد ما خلصت التفتت : خلصت انزل ؟
سلطان : زين متى بتطلعين ؟
ساره : إذا خلص العرس
سلطان : طيب اتصلي علي علشان اجي آخذك
ساره : لا تتعب نفسك بأطلع مع السواق
سلطان : لا أنا بأجي آخذك
ساره : على راحتك أجل
دخلت ساره القاعه وماكان فيه الا حمولتها بس وراحت فوق عند البنات وكلهم انهبلوا على شكلها
هيفاء : الله يقطع ابليسك يا سويره بتأكلين الجو علي
ساره : يلله عاد عن المدح الزايد محد يقدر يأكل الجو عليك
أم سلطان : ماشاء الله كلكم تهبلون بيحسدوني الناس على حريم عيالي
ريم : وبنتك يمه
العنود : يا شين التميلح
ساره : العنود , منى تعالوا ننزل تحت نسولف شوي ونتفقد القاعه
هيفاء : وتخلوني ؟
ساره : معك البنات
ريم ما ملينا عينها
بدور : الشرهه علينا اللي معطينها وجه
منى : يلله بس امشوا
نزلت ساره مع العنود ومنى جلسوا البنات يسولفون وقالت لهم ساره عن اللي صار وهم ما سكينها تعليقات ومسخره بس ربي رحمها ونادتهم ام سلطان علشان يجلسون مع الحريم في الاستقبال لأن الضيوف بدوا يشرفون..
انزفت هيفاء وجاء وقت دخول الرجاجيل ودخل فهد مع نواف وجده وعمانه وسلطان وناصر,, سلمواالرجاجيل على هيفاء وفهد وطلعوا ومابقي الا سلطان اللي ما حب يترك هيفاء الا لما يوصي فهد عليها
سلطان : ما اوصيك فهود حط هيفاء بعيونك
فهد : سلامات !! بدال ما توصيها علي ؟
سلطان : ما يحتاج أوصيها
فهد : تراك اخوي
سلطان : وهيفاء اختي
فهد : زين فارقنا بس
سلطان : هيوف إذا ضايقك بشي علميني طيب
هيفاء : لا توصي
سلطان : يلله أنا بأطلع الله يعينك يا فهد على هالحريم اللي يقزونك قز
فهد : الحين إذا مشيت كلهم بيناظرونك
سلطان : رفع راسه والتفت : وين ساره تمشي معي تجسرني
هيفاء :ههههههههههههههه موب لهالدرجه
جتهم ريم وعماتها وأمها يسلمون عليهم
سلطان : ريوم وين ساره ؟
ريم وهي تأشر على ساره تحت المنصه شفها ذي
العنود وهي واقفه : احلى ياحركات
ساره : فديته يا جعل عيني ما تبكيه
منى : روحي له
ساره : استحي
بدور : وش تستحين منه ؟
اصايل : روحي وصليه عند الباب فهد موب شايفك لاهي مع هيفاء وعماتي
منى : أنتِ يالخبله روحي له شوفي كل البنات يناظرونه
العنود : شوفوا هناء شلون تناظره عمى يعميها
منى : لها عين تجي بعد ؟؟
أصايل : أنتوا ما تدرون أن لها فتره هي وزوجها في شيل وحط وقاعده عند أهلها لها شهر يمكن
العنود : صدق ؟
أصايل: أيه قبل كم يوم امها مكلمه امي وتقوله لها
منى : لا يكون تطلقت ؟
سفاحة الامارات
10-09-2009, 22:49
أصايل: والله مدري ما قالت بس تقول أن هناء عندهم وهي وزوجها موب مرتاحين
منى : سويره روحي لرجلك بس شكله يدورك
ساره وهي حاطه الطرحه على راسها راحت عند سلطان
سلطان وهو يبتسم : يا هلا
ساره : بتطلع ؟؟
سلطان : أيه وصليني هالحريم يروعون , وتسوين خير لو توصليني للبيت وتجلسين معي لين ما أنام
ساره : ههههههههههههههه قل كذا من الاول
مشت هي وإياه في الممر وكل العيون عليهم والتعليقات يسمعونها من كل جهه لين ما وصلوا الباب وقبل لا يطلع وقف وهمس في أذن ساره كم كلمه حلوه بس قاطعه صوت يناديه ويوم رفع راسه لقى وحده واقفه قدامه وكاشفه وكأن ما قدامها رجال غريب سلطان التفت على ساروه وفي وجهه عشر علامات إستفهام
تكلمت البنت بدلع : وش دعوه ما عرفتني ؟
ساره عرفت ان البنت هي هناء وسكتت وهي مقهوره وودها تغتالها
هناء : شلونك سلطان من زمان عنك . ما عرفتني ؟ أنا هناء
سلطان لف وجهه من الجهه الثانيه وتكلم بصوت واطي وحاد في نفس الوقت : تستري الله يستر علينا وعليك
هناء : من عرفتك وأنت جاف وبارد بس ما شفت هالبرود عليك قبل شوي
سلطان في نفسه أنا منيب ناقص مشاكل مع زوجتي مشى وعطاها ظهره وهو يكلم ساره : أنا طالع
ساره : الله معك
طلع سلطان بسرعه وساره واقفه مكانها وتناظر في هناء وهي مستغربه حركتها
هناء بكل برود : بس حبيت أسلم على خطيبي
ساره بقهر : سابقاً
هناء ناظرتها بحقد ومشت وساره واقفه ونظراتها كلها إستحقار
راحت ساره عند البنات عقب ما طلعوا المعاريس وعلمتهم عن سالفة هناء
العنود : فكوني عليها خلوني اروح امسح بكشتها البلاط
أصايل : صدق حقيره وش تبي ذي ؟؟
ساره : اللي قاهرني أنها واقفه تحاكيه وهو استحى وهي ولا همها
منى : من خبرناها وهي ما تتغطى عن أحد تبينها تتغطى ألحين ؟
ساره : حقيررره قهرتني وتقلدها حبيت أسلم على خطيبي
وجود : تبوني اروح اكسر كعبي على راسها ؟؟
ساره : اسفهوها الله يقلعها وقسم بالله خربت وناستي
العنود : وسعي صدرك يا بعدي وما عليك منها
رن جوال ساره وكان رقم سلطان وخذت جوالها ووراحت لآخر القاعه علشان الازعاج
ساره : يا هلا
سلطان اشوى ردت : اشتقت لك
ساره : هههههههههه أمداك ؟
سلطان : اشتاق لك لو كنتِ أقرب من أنفاسي لي
ساره : ههههههههههه وش هالحكي الحلو ماقدر عليه ترى
سلطان : لا تلوميني بعد هالحرمان
ساره : له لهمعقوله سلطان يتكلم ؟ وربي إلى الأن أحس أني بحلم
سلطان : زين اطلعي معي وأنا بعلمك إن كان حلم والا لا
ساره تبي تقهره : لا اخاف اصير احلم
سلطان بجديه : ساره تكفين اطلعي والله ما فيني صبر
ساره : سلطان : والله عيب في حقي أني اطلع هالوقت وش بيقولون عني الناس
سلطان : وش علي من الناس هيفاء وفهد راحوا وش تحترين بعد ؟
ساره : وش بأقول لخالتي واهلك والله فشيله
سلطان : أنا بأكلم أمي
ساره : وش بتقول لها ؟
سلطان : بأقولها مشتاااااق
ساره : يلا عاد وش هالكلام
سلطان : لا جد بأقولها تعبان من تغير الجو معي حراره ابي احد يكمدني
ساره : ههههههههههههههههههه ماشاء الله ما تعوق الكذب على طرف لسانك
سلطان : وش اسوي بنفسي طيب عرس الرجاجيل وخلص
ساره : انتظرني في البيت طيب
سلطان وكنه بزر : مابي
ساره : سلطان الحريم قاموا يناظروني خلاص عاد
سلطان : ياذا الحريم ما يكفي انك جالسه معهم يا حظهم فيك ,, المهم اسمعيني بعد نص ساعه بالضبط بتلاقيني عند الباب وإذا ما طلعتي بأجي انا أطلعك ومابي أي نقاش مفهوم
ساره : سلطان !!
سلطان : مثل ما سمعتي يلله مع السلامه ,, وسكر بسرعه
ساره تحاكي نفسها : من جده ذا ؟؟
مرت العنود من عند ساره وشافتها واقفه ومحتاره
العنود : خير وش فيك ؟
ساره علمتها عن اللي صار بسرعه
العنود : هههههههههههههههههههههههههه يا حليلك يا سلطان , بس والله منتب سهله يا سويره اللي قدرتي تخققينه معك
ساره : وش اسوي معه الحين ؟
العنود : اطلعي معه
ساره : فشيله ؟ والحريم إذا سألوا؟
العنود : وش عليك منهم اهم شي رجلك ومثل ما قال قولي لخالتي انه مصخن
منى جتهم : وش تسوون انتوا ما تجتمعون الا ووراكم شي
العنود قالت لها عن السالفه
منى : وبس ؟ خلاص اطلعي معه يختي انت اليوم عروس ثانيه
العنود : والله لو يتصل بدر ألحين ويقول اطلعي والله لأطلع
ساره : اجل اسويها واطلع ؟
منى : ما يبي لها كلام لا تزعلينه على شي ما يسوى الا إذا انت ودك تجلسين توسعين صدرك
ساره : لا والله سعة صدري معه
العنود : هههههههههههههههههههه خلاص اجل روحي علمي خالتي ولو اني عارفه انها ميب مصدقه العذر
ساره : ليه ؟
العنود : مع كل هالزين بتدري أن سلطان مافيه الا العافيه واصح مني ومنك بس ميب لايمته حتى لو سوى نفسه يحتضر
ساره : عمى بعين العدو بسم الله عليه
منى : خلاص راح الوقت وانت تهذرين تلحلحي
ساره : طيب بروح اقولها مع اني داريه ا نامي لو درت بتعصب
منى : لا تقولين لأحد شي بس خالتي علشان ما تزعل والباقيين إذا سألوا بنصرفهم حتى لو هي امك
ساره : يلله أجل مع السلامه
العنود : مع السلامه وليلتك كوحلي يا حوبي
منى : هههههههههههههههههههههههههه
ساره وهي تبعد عنهم : انقلعي
راحت ساره لأم سلطان وكان عندها ريم وقالت لها
أم سلطان وهي تضحك : مسموحه ومعذوره خابرته ولدي قلق تو كسر جوالي من كثر ما يتصل ولو ما تطلعين له بيدخل يطلعك بالغصب
ريم : تهكون علينا ؟ مصخن وهو من ساعه مافيه ال العافيه
ساره استحت واحمر وجهها
أم سلطان : أجل فيه حراره ؟ الا فيه قل صبر بس ما ينلام وغمزت لساره و راحت وهي تضحك
ريم : ودي اتصل عليه واستهبل
ساره : تراه معصب
ريم : اما معصب من شوي اشوفه وهو يناظرك وواضح انه مروق
ساره : ياكثر بربرتك أنا بطلع بس ....
وبس هذا اللي شفته ..
واذا كملوا الجزء بنزله لكم ..
والسموحه ع تدخلي مره 2 :d
عطره بكفوفي
11-09-2009, 11:16
يالله
من جد روووووووووووعه الروآيه
ياقلبي بــس~__~
بس تكفون جيبو الجزء اللي بعدهـ بسرررعهـ
هديل الطير
11-09-2009, 21:47
مشكوره ننتظر التكمله
احر من الجمر
ثبــ شعلة ـات
12-09-2009, 18:37
ياهووووووووووووووووووو
يسلمووووووووووووووووووووووووويا قلبي والله ما اعرف كيف اشكرك
الف الف الف الف شكر لك والله مووووووو مصدقه
بلييييييييييييييييييييييييييييييييييييييي;););)ييي ييييييييييييييييييييييييييييز كملي الباقي
عشقت نارتو
14-09-2009, 00:05
روآآآآآآآيهـ
روووووووووووووووووووووووووووووووووووووعهـ
يآآآآآليت تكملينهـ بآآسرعـ واقت
بــــــــــــــلــــــــــــــيـــــــــــــزززززز ززززززززززززز
تـــــحــــــيــــــآآآآآآآآآتــــــــيــــ...~
ثبــ شعلة ـات
15-09-2009, 22:46
الله يخلييييييك كملي
والله خلاص وصلت حدي
بلييييييييييي:o:(:oيييز كملي
ღ MOOON ღ
18-09-2009, 04:34
يييياااااااااااااااااااااااااااااااااااااااااااااا اااااااااااااااااااي..
ونـــــــــــــاسه البارت..
يعطيك الف عافيه ياقلبي..::سعادة::..
وننتظر التكمله بليززززز لا تطولين وربي اروح شوووووووووربه لو ماكملتي..:(
تحياتي..~
واااااااااااااااااااااو رووووووووووعهـ مرررررره
بس تكفيييييييين كمليهااااا وبسرررعهـ بليييييز
ومشكووووووووووره ع البات الحلوو..
:قاطع::تدخين:
..~الدلع كله~..
23-09-2009, 08:15
تسلمين اختي ع اروايه الروووعه
وبليز كمليها ^^..
yoyo-2009
23-09-2009, 19:16
يلا اختي كملي والله انا من المتابعين بليييز
عشقت نارتو
26-09-2009, 07:44
وين
البآآآآآآآآآآآآرت
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
yoyo-2009
26-09-2009, 20:46
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
نبي
بارت
نبي
بارت
نبي
بارت
نبي
ღ MOOON ღ
27-09-2009, 03:19
جاري الانتظــــــــــــــــــــــ:(:(:(:(ــــــآآآر..:(
..~الدلع كله~..
28-09-2009, 02:48
بليييييييييييييييييييييييز كملو البااارت
تعبت من كثر ما اتريه خخخخخخخخخ
yoyo-2009
28-09-2009, 12:30
يلا كملي..
|والله تعبت من كثر ما ارد:mad:
وردةالنرجس
30-09-2009, 05:28
يلااااااااااااااااااااااااااااااااااااااااااااا
ويييييين التكمله بلييييييييييييييييز كمليها
الي يقدر يحكي مع الكاتبه اسمها ملكة النور يرد عشان تكمل القصه
جاااااااااااااااريييييييييييييييي الانتظااااااااااااااااار;) :) :rolleyes:
..~الدلع كله~..
30-09-2009, 12:27
يلا بعدنه ترياه الروايه
يلا كملو الروايه
وييييين
البارت
يلا
كملوووها
بليز..
:بكاء::mad::ميت:
جنني غرامك
01-10-2009, 19:30
يادي القهر بصراحه الروايه مره خطيره وجلست عليها ايام وايام
وبالاخير طلعت مافي نهايه اهئ
دورت عليها بكل المنتديات جلست 4 ساعات ادور
اوف كان ودي اعرف نهايتهااااااااااااااااااااااااااااااااااااااا
بلييززز قمراء كمليهاااا:mad::confused: والله سجلت بالمنتدى عشان الرواايه
ღ MOOON ღ
09-10-2009, 18:17
:تعجب:
والنهايه..:غول:..
يعني الي يقدر ينزل روايات كامله الله يعطيه العافيه والي بينزلها كذا على الفاضي فـ يرتاح ويريحنا معاهـ..:تعجب:
تحياتي..~
الكاتبه ماتنزل
البارت بسرعه بسب ظروفها
ربي يساعدها
مانقول الف شكر علي روايه
لملكه النور وتسلم يديك علي روايه الجميله
ومالنااللي الا نتظار
لو سمحتو وشلون ادري انه نزلت بارت جديد ارجوالرد تحياااااتي الفواااحه
بلييييييييييييز باقرب وقت اي واحد ينزل البااااارت مو مشكله
ياااا نااااس اي احد بس يقولي وين القاها واااااااااااااي منقهرررررررررررره مررررررررره
ღ نبـ الأمل ـعღ
25-11-2009, 09:48
والله حراااااااااااااااااااااااااااااااااااااااااااااااا ااااااااام ... فين التكملة
ابغي التكملة والله ماقدرت انام وانا دورت عليها ومالقيتها ...
بليييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييز
التكملة:بكاء::بكاء::بكاء::بكاء::بكاء::بكاء::بكاء:: بكاء::بكاء::بكاء::بكاء:
لو سمحتو وشلون ادري انها نزلت جزء جديد
اولا يسلمووو ع الرواايهــ صرااحـهـ اروع من الروعــهــ
&
يااااااااااريت ينزل الباارت الجدييد باسرع وقت ::جيد::
ahmed al dosky
20-01-2010, 02:35
مشكورررررررررررررررررررررررررررررررررررررررررررررر ررررررررة
تــكفوووووووووووووووووون نزلووووو الباااارت الجدييييييييييييييييييييييييييييييد >>
بليييييييييييييز اذا احد يعرف ويين نلقى باارت جديييد >> تكفووون قولوا لنا >> قصم اني سجلت بالمنتدى بس عشاان الروااية >>
وان بعد دورتها بس مالقيتها
الله يهديهم مايكملوها والله قهر
بس تعرفون اتوقع منى تموووت لانها شافت راكان في منامها هو يقلها وينك تاخرتي
والله اعلم *-^
السلام عليكم ورحمه الله وبركاته
الي الحين ملكه النور مانزلت بارت جديد
مدري وش السبب مالنا الا الانتظار
دمتوا بحب
احد يععررف شئ عن ملكة النووووووووووور ؟؟؟؟؟؟؟ >>
وان بعد دورتها بس مالقيتها
الله يهديهم مايكملوها والله قهر
بس تعرفون اتوقع منى تموووت لانها شافت راكان في منامها هو يقلها وينك تاخرتي
والله اعلم *-^
آي والله آنه بعد آتوقع منى تموت ::مغتاظ::
آوه هــلآآ
الروآية جونــآإن بالحييييل
يــلآآ عــآإد نبي البــآإرت الجــآإي بسرررررررعة عــآإد
تحـيـآإتي
تصدقوووون الي تنزل الروايه سخسسسسسسسسيفه مرررره لاتنزلينه ابد سخييييييييييييييييييييفه قولي مانب مكملته وخلاص لاتحرقين اعصابنا
عاشقة كاجومي
23-05-2010, 13:17
اولا اكيد الغيب عذروا معوا
ثانيا ارجو ان بينزل البارت
مشاعر الصادقه
25-05-2010, 12:22
وااااااااااااااااااااااااااااو روايه روعه تسلمين قلبي عالهيك روايه مررررررررررررررررررررررررررررررررررره روعه
سيآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآ
Fantasy Soul
03-06-2010, 16:31
مشكور قصه قمه في الروعه
vBulletin v4.2.3, Copyright ©2000-2024, Jelsoft Enterprises Ltd.