( ياعيون الكون غضي بالنظر )

[مجروحة برمشك]

السلام عليكم ورحمة الله وبركاته
هذه اول مشاركة لي في هذا المنتدى اتمنى قصصي تعجبكم وتحوز على رضاكم
( ياعيون الكون غضي بالنظر ) رواية روماااااانسية خياليه مواقفها يمتزج فيها الواقع مع الخيال ولكن الخيال يطغى على مواقفها
ماراح اطول عليكم نبدأ بسم الله

ياعيون الكون غضي بالنظر الجزء الاول
ياعيون الكون غضي بالنظر
واقفه قدام المرايا ومحتارة :
غرام : ياربي وش ألبس محتارة من جد , اليوم أول يوم دوام , أف أخير بفتك من الكلية الخايسه قال أيش صارت جامعه أشوف , يؤيؤيؤ نسيت اللحين السواق بيجي وانا إلى أللحين مالبست وحطيت ميك أب يووه والشنطة والجزمة وش اسوي.
فتحت الأم الباب :
الأم : غرام بعدك مالبستي وبعدين معاك , نقولك عندنا سواق روحي فيه , تقولين لا مابي أبي صديقاتي وتخلين السواق المسكين ينتظرك ألين ماتخلصين كشخه يالله اخلصي , ترى ابوك طاح وجهه من كثر ما أبو هاشم يكلمه ويقول لا تخلي بنتك تأخر السواق وراه مشوار .
غرام: جات وباست راس امها يما وش دعوى كل هذا انا مسويته؟
الأم : لا بسم الله عليك , يالله البسي وتعالي افطري معاي مافي احد كلهم راحوا دواماتهم.
غرام : لبست تنورة الدوام ( سوداء ) وبلوزة تركوازي وحطت المكياج البيج الناعم وخذت شنظة شانيل ولبست الصندل التركوازي وحركت شعرها بيدها وألقت نظرة أخيرة على شكلها وقالت اموووه فديتك ( ترسل بوسه لنفسها ) , نزلت عند امها وافطرت معها وتناظر في ساعتها
غرام: يما ما كأن تأخر السواق علي اليوم
الأم : معليه تدرين أول يوم أكيد في بنات جديدات صاروا مع السواق .
غرام : بدق عليه أشوفه وين , تدور بجوالها امممممممم السواق السواق وين رقمه وناظرت يماااااااااا
الأم : بسم الله عليك وش فيك
غرام : توني انتبه جبت جوالي أبو كاميرا بروح اجيب الجوال الثاني , جابت الجوال اللي بدون كاميرا ودقت
لما دقت طلع لها خدمة رنان مادري صدى المهم تسمع أغنية ( أثلجت صدري باتصالك واطفيت نار الشوق ياشوق كلمة حبيبي كيف حالك حلقت بي فوق ...... طبعا أغنية حسن عبدلله )
غرام: تناظر امها وتضحك تقول يما أسمعي , حركات هنود آخر زمن يحطون أغاني بعد.
رد السواق : ألو
غرام : ألو أنت تشوف ساعه كم يالله بسرعه أنا في اتأخر على هذا كلية وطرخ سكرة السماعه.
وصل السواق طاط وطلعت غرام وهي لابسه العبايه اللي على الراس وحاطة النقاب , وماسكه الشنطة والصندل الكعب اللي يطق طق شافها السواق وفتح فمه وطاحت سعابيله من اللي شافه كان شكلها بالعبايه يجنن
المهم أول ما ركبت الباص كالعادة تتكلم بصوتها العالي سلام عليكم هاي شلة كيفكون ,
البنات اللي في الباص مايردون
جلست جنب صديقتها اريج : أروجه شفيك ماتردين
أريج : أصصصصصصصص الله يفشلك السواق وتأشر عليه أسكتي.
غرام : وش فيه السواق , وتبعد أريج شوي وتقول بيسان وش فيكم؟
أريج : ماعاد هو الهندي اللي تجننينه , هذا واحد جديد سعودي
غرام : يؤيؤيؤيؤ أيش سعودي !!!!!!!!!!!!!
وصلوا وقبل ماينزلون قال بصوته الرقيق لو سمحتوا أنا راح أجي الساعه 12 بالضبط وراح انتظر ربع ساعه لو ماحد طلع بمشي وأن شاء الله ارجع لكم الساعه 2
دخلوا الكلية وراحت غرام وأريج وبيسان وجلسوا في الكافتريا لما شافوها صديقتها . واااااااو غرام التركوازي عليك يعقد = يجنن
سميرة : طالعه لبنانيه
غرام : بكل غرور يخسون اللبنانيات عندي أنا أحلى يكفي اني سعودية وأفتخر
بيسان : حدك على خوالنا هاه لا تتكليمن عنهم
غرام : وش خوالك أمك سوريه وش جاب السوريات ل للبنانيات السوريات دببه يجون خخخخخخخخ
بيسان : بسم الله عليكم يالسعوديات , على الأقل السوريات دببه بس بيض وركبهم بيضاء , مو انتو سوووود وركبكم سوده.
غرام : أقول ماتستحين على وجهك هذا وأنتي سعوديه تقولين كذا
بيسان : لا ياعمري شوفي شكلي ماخذه بياض وحلى أهل أمي ماخذيت شي من جهة أبوي أصلا ماحد يصدق أني سعوديه الكل يحسبني سوريه
أريج : أيه لانك بيضاء وشعرك أشقر بس ملامحك مو حلوة وتمد لسانها عليها
بيسان : انا ملامحي مو حلوة , أحلى منك
غرام : لا أنتي ولاهي أنا الحلى كله
كانت احساس جالسة مع الشلة وبس تناظر في عيونها وحاسه بالغيرة من غرام لأن كل البنات يحبونها ويحترمونها والكل حاسب لها ألف حساب.
أريج : بدت المحاضرة يالله نروح

[مجروحة برمشك]

طبعا المحاضرة شبكة دكتور وإذا في شبكة ياحظ البنات سوالف وأكل ولا أحد ينتبه مع الدكتور أبدا المشرفة من ازعاج البنات تسكر الباب عليهم وتقول اللي تبي تسمع الدكتور تسمع واللي ماتبي تسمع براحتها .
أريج وبيسان وغرام جالسات جنب بعض ويسولفون :
غرام : ألا ماقلتي لنا يا أريج وش اخبار حبيب قلبك الأفغاني
أريج : تضرب غرام على كتفها وجع ماهو أفغاني تراه سعودي وعنده الجنسية ويتكلم سعودي احسن منك
بيسان : طيب قولي كيف عرفتيه ؟
أريج : قلت لكم كيف عرفته ولا لازم كل مره تذكرووووووووني في اول يوم قابلته آه على ذاك اليوم
غرام : قلتي لي أنا بس الكلام هذا بالصيف يوم جيتي بيتنا وشفتي نايف ولد عمي تذكررين يومها كانت بيسان مسافرة في سوريا
أريج : أيه صح , طيب يا بيسان هو رجال سعودي
غرام : قاطعتها تضحك رجال سعودي كثري منها سعودي خخخخخخخخخخ
أريج : ووجع , بيسان شوفي غرام تتريق علي
بيسان : غرو أسكتي خليني أسمع قصة الحب أنا امووت في قصص الحب ياحظك يا أريج تحبين وفي من يحبك مو أنا وغرو يا مالت على حظنا
غرو : تكلمي عن نفسك انا كثير الي يحبوووووني بس انا مابي الا فارس احلامي
أريج : غرو اسكتي خلينا أقولها عن أحلى قصة حب في الكون
بيسان : متحمسة قوووووووولي
أريج : دخلت مره محل جوالات اللي بالفناتير مووول أسمه فضائيات
بيسان : أيه أيه عرفته
أريج : المهم كان فيها واحد مزيووووووووون رجال لابس ثوب ويبيع المهم اختي دانة شرت جهاز وماكان عندها فلوس ولا انا بعد ماكان عندي فلوووس والبطاقة ماجبتها معاي , المهم قلت له نبي ناخذ الجهاز اليوم لأن احنا ماشين الدمام بكرة ممكن تعطيني الجهاز بروح البيت وأجيب فلوس وأرجع وعشان تضمن الرجعه هذي بطاقة المستشفى بخليها عندك وبرجع أجيب الفلوس , الولد ماقال شي قال أوكي خذي الجهاز وهاتي البطاقة , أعطيته البطاقة على استعجال وطلعت بسرعة ركبت التاكسي ورحت البيت أخذنا فلوس ورجعنا
بيسان : لحظة لحظة وين ابوك واخوانك عنك رايحة وجاية بتاكسي ؟
أريج : اسكتي كانوا طالعين البر وأمي طالعه عزيمة واغتنمنا الفرصة انا ودانة وطلعنا من غير مايدرون , المهم رجعت ولما رجعت أعطاني البطاقة ويوم أشوفها ألا يؤيؤيؤيؤيؤ أعطيته بطاقة الأحوال بدل بطاقة المستشفى اعطيته الفلوس واعطاني البطاقة وملزق ورقة على وجهي أنا وقتها انحرجت قلت ياويلي عزى الله تروع الرجال شافني بالحجاب كأني خدامة استغفر الله
بيسان وغرام : ههههههههههههههه
غرام : أصلا أنتي من الأساس خدامة مو كأنك خدامة وأن شاء الله تتزوجين السواق حقنا الي هو فادي ههههههههههههه
أريج : ووجع وبعدين معاك
بيسان : لحظة لحظة أسم حبيبك فادي خير مو هو افغاني شلوون قلب سوري
غرام : هي بيسان بس السوريين يسمون فادي حتى اللبنانيين بعد مالت
بيسان : وجع وبعدين معاك أقول أريج قومي قومي نروح بزاوية نسولف وخليها لحالها مثل السعدانة ( القردة )
غرام : روحوا أنا أبي أتابع الدكتور لأني شاطرة مو مثلكم أستغفر الله سوالفكم كلها شباب وقلة ادب
بيسان : أنظر من يتكلم تعالي أريج ,
راحو بعيد شوي عن غرام وجلسوا يسولفون ,
بيسان : ياالله كملي قول لي ليه أسمه فادي
أريج : ترى هو سعودي واهله سعودين ومولد هنا وكل شي لكن أصلهم يرجع أفغاني لكن عمره ماشاف افغانسان ولا يعرف شكلها حتى مايتكلم ألا سعودي احسن منك بعد هههههههه يتكلم مثل أهل الرياض أما عن أسمه كان صديق أبوه لبناني ويعزه كثير ومن كثر معزته سمى ولده عليه
بيسان : أها يعني السالفة فيها لبناني المهم كملي بعد مااخذتي البطاقة
أريج : رجعت البيت وانا مصدومه يالله كيف غلطت وأعطيته بطاقة الأحوال بدل بطاقة المستشفى المهم لما قلبت البطاقة لقيت ملزق ورقة فتحتها وقريت ( أحلى عيون العيون السود 0500569705 )
بيسان : يؤؤيؤيؤيؤ حاط لك رقمه
اريج : تهز راسها يس
بيسان : وبعدين
أريج : أنا الشيطان لعب براسي وكنت أبي ادق لكن تعوذت من ابليس ولا اتصلت واحتفظت بالرقم , سكتت أريج وسرحت
بيسان : هزت كتفها هي أريج وين وصلتي كملي
اريج : هاه وش اكمل كنت كل مااروح المجمع أروح له بس اشوفه لو نظره بس ولما ادخل كان يترك كل الناس ويجيني
بيسان : يلبألك عم يدللك
أريج : ابتسمت المهم وبيوم رحت المحل ومالقيته وبعد كم يوم رحت ومالقيته مر شهر شهرين كل مااروح مااشوفه من جد حسيت أن في شي صار ناقص بحياتي حسيت اني حبيته مع ان ماصار بينه وبيني اي شي الا لغة العيون وبيوم زاد الشوق فيني دقيت دقة ورجع دق ومن يومها وانا غرقانه في بحر هووووواه حبينا بعض وصرنا نكلم بعض
بيسان : شلون واهلك
أريج : لما يطلعون من البيت ما كنت اكلمه كثير أكثر شي مسجات.
بيسان : طيب ليه ماعاد شفتيه بالمحل وين رااااح ؟
أريج : أها سالتيني انا اول سؤال سألته وين رحت قال أنه تهاوشت مع راعي المحل
بيسان : والسبب ؟
أريج : يقول ماتصدقين وش سوى فيني بهذلني تخيلي يا بيسان يقول سبب هواشي مع راعي المحل على بنت تخيلي
بيسان : بنت !!!!!!!!!!!
أريج : تخيلي يقول ان هذا البنت دايم تجي المحل تشتري اجهزة تركب نغمات كذا ويقول تتحرش والله ان حتى الرقم اعطتني اياه يقول وانا اصدها ولما صديتها راحت تشتكي ل راعي المحل وطبعا زبونه هي وتهاوشت معه وطلعت منه
بيسان : يؤيؤيؤ قلة ادب بنات آخر زمن ,
أريج : انا حسيت بغيــــــــــرة يوم قال لي من جد @ أممممممم ودك تشوفين صورته ؟
بيسان : متحمسة ايه
أريج : لاااا أغار
بيسان : ووجع هاتي الجوال خليني اشوف لا تخافين ماراح آخذه منك
يوم شفاته واااااااااااااااااااو يجنن ماشاء الله سبحان اللي خالقه , أريج سحبت الجوال خلاص عاد ترى من جد أغاااااار
بيسان : طيب ونهاية القصة الحلوة هذي؟
أريج : أنا وهو نفس الأمنية الزواج
بيسان : وااااااااااو ياحظك يارب يجمع بينكم
أريج : آآآآآآآآآآآآآآآمين
بيسان : يالله تعالي نروح لغرووووو
أريج : شوفيها جالسه مع باقي الشلة تعالي نجلس معهم.

[مجروحة برمشك]

خلصت المحاضرات وجات الساعه 2 وقت الطلعه لبسوا العبايات وطلعوا وهم يمشون بالطريق
أريج : اسمعي غرو مو تفشلينا تكلمي بشويش هذا سعودي
غرام : ايه ذكرتيني وش يجبيه يشتغل سواق مافي وظايف
بيسان : حرام عليك أكيد محتاج ولا ما توظف الوظيفة هذي بعدين على الأقل يجيب فلوسه من عرق جبينه مو يجلس بالبيت وأهله يصرفون عليه أو يجيب فلوسه بالحرام
غرام : طيب ماتعرفون وش اسمه
اريج وبيسان : لا
غرام : أها طيب , هو حلو
بيسان: كيكه مو آدمي يجنن على قولتك يا غرو يعقد
غرام و أريج : ههههههههه كيكه عاد
غرام : طيب تتحدون أسأله عن اسمه
أريج وبيسان : نتحداك
بيسان : بس هاه تسألينه قدام كل البنات مو إذا نزلنا كلنا تتوحدين فيه
أريج : يووووه صح أنتي آخر وحده يا غرو تنزلين ماتخافين
غرام : وش يخوفني خلاص لانه سعودي صار يخوووووف
ماعليك أنا صحيح شكلي نعوم وكتكوته بس وقت الشدايد أعجبك
بيسان : بهذي صدقتي
ركبوا كل البنات
السواق : بصوته الرقيق كلكم موجودات
غرام : يس أفكورس اول ذا قيرل هير اين ذا بص
السواق : عفوا أختي
غرام قامت تضحك هههههههههههاي ماتعرف انجليزي طيب اترجمها لك ولا يهمك انا قلت لك طبعا كل البنات هنا في الباص
السواق : حس بغيض او حس بأحراج مايدري وش يسوي مع أنه فهم وش قالت بس يمكن استغرب ا وانصدم كيف تتكلم بالجرأة هذي ؟
وغرام ماغيرت عادتها تضحك وتسولف بأعلى صوت البنات اللي معها تأدبوا شوي يمكن مستحيين من السواق أما غرام ماعندها أي مشكله ,
أريج : هاه وين التحدي ولا نسيتي
احساس : غرام لو مو قد التحدي انتي انا اروح اسأله ؟
غرام : خير اخت احساس اوكي يا أريج وبيسان شووفو , وقامت من مكانها ووصلت عنده وقالت : احم لو سمحت يا اخ
السواق : مايرد
غرام : هي انت يالسواق
السواق : مايرد
بيسان وأريج وكل البنات ضحك هاه فشلوووووك
وغنوا لها فشلوووووله كان ملقوف وسألته مادريت انه صفطني قالت عيونه حبيبك فشوله خخخخخخخ وبعدها سكتوا تذكروا السواق
احساس : انبسطت وحست بانتصار.
السواق ماقدر يمسك نفسه فرط ضحك هههههههههههههه حاس أنه أخذ حقه منها
غرام : أنقهرت وقالت لازم أرد اعتباري , أريج وبيسان انا اقبل التحدي ومااستسلمت
بيسان : بعد التفشيله مافي فايده
غرام : شوفوا , راحت وصلت عنده وحطيت يدها الناعمة وحاطه مناكير تركوازي وقالت له لوسمحت
السواق : لما حطيت يدها زين ماصدم فيهم التفت عيلها وجات عينه بعينها وححححححححححححح صرخوا البنات ولف الباص على الرصيف من جد بغى يدعم وقف الباص وقال آمري
غرام : تزيد من رمشة عينها وقالت ما يآمر عليك عدو ممكن اعرف وش اسمك
السواق : فاتح فمه هاه
غرام : انا والبنات نبي نعرف أسمك , ورجعت مكانها
السواق وقف السيارة وكلم البنات قال : انا آسف نسيت أعرفكم بنفسي انا راكان الفلاني خريج ثانوية عامة العمر25 ربيعا والوظيفه مثل مانتوا شايفين وشغل الباص ومشى.
كل البنات جلسوا يفكرووووون في كل الجمال هذا ويشتغل سوااااق ؟؟؟؟

[مجروحة برمشك]

ان شاء الله مااطول عليكم بالتكملة بس اتمنى تنورون قصتي بردودكم الحلووووووووة

[مجروحة برمشك]

وطبعا غرام آخر بنت تنزل لأن بيتها بعيد شوي
قبل ماتنزل قالت : راكان
راكان : سمي
غرام : ابتسمت من تحت النقاب وقالت انا آآآآسفه على الكلام اللي صدر مني اليوم واوعدك مااعيدها
راكان : ولايهمك أختي حصل خير
غرام : لا من جد حسيت أني زودتها شوي آآآسفه لو في شي تبي تطلبه مني عشان اصلح الغلطه أنا حاضره
راكان : ايه فيه
غرام : أيش هو
راكان : هذا رقمي طلع الكرت كلميني عليه
غرام : عصبت نعم
راكان : ابتسم ابتسامه ساااحرة قال امزح معاك يؤ شكلك ماتتحملين المزح ورجع كرته وقال : طبعا رقمي رقم الهندي ماتغير.
غرام : قالت يعني انت راضي عني
راكان : وجات عينه بعينها قال بعد تنهيدة صغيرة راضي
غرام : اوكي مع السلامة ونزلت وسكرت الباب
راكان : مع ألف سلامة وشغل الباص ومشى وطووول الطريق وهو يفكر ويشوف صورة عيون غرام .
جاء اليوم الثاني دخلت وكا عادتها سلام عليكن كيفكون صبايا , مافي فايده ماتأدبت ولما سلمت مشت شوي وتعثرت في العباية وطاحت , البنات ماتحملوا ضحكوا ألا أريج وبيسان فزعوا من مكانهم وراحو لها والسواق من ربكته نزل ودخل الباص على البنات يبي يساعدها الا البنات صرخوا ياااااااااااااااااااااااا , مسكين من صرخة البنات تفشل ونزل وركب وقال سلامات ماتشوفين شر
غرام : من الفشيله مو قادرة تتكلم او تطالع في وجه أي أحد ساكته طول الوقت , لكن قررت تنتقم من البنات ,
ركبوا البنات الباص وقالت له بكل دلع راكان
راكان : لف وجهه وناظر فيها بابتسامة ناعمة
غرام : اليوم اذا سمحت أبيك توصلني انا أول وحده وبعدها صديقاتي وبعدين وصل الباقي
البنات اللي بالباص : خير وش تقولين أخت غرام
راكان : في نفسه احيه أسمها غرام أسم على مسمى فديت الاسم وراعيته
وفعلا راكان ماقصر سوى مثل ماتبي غرام هو كان عارف أنها تبي تاخذ حقها وخلاها تاخذ حقها.
مرت الأيام وغرام ماتركت عادتها تسولف وتضحك بأعلى صوت وماغيرت طبعها, وراكان كل ماله ويتعلق براعية الصوت الناعم. أم هي لاهية ولا تدري عن هواه ,وكل يوم يتذكر صورة عيونها ويزيد نبض قلبه لها وهو انجذب لها مايدري ليه هل السبب رقة أسلوبها أو عفويتها او جمال عيونها او نعومة صوتها؟
البنات مع الهندي المسكين كانوا متعودين يعطونه اشرطه ويحط لهم أغاني بس اللحين سعودي ممكن يطلبون الطلب هذا منه ؟
بيسان : غرو مااشتقتي للأشرطة والرقص والأستهبال؟
غرام : يووووه ذكريتني أيام راجوا الله يذكره بالخير ههههههههه
أريج : تذكرون لما كان يغني مع اغنية بلغ حبيبك
غرام : هههههههههههههه أيه بلغ هبيب مال انا وقول هزا هو ههههههوب
أريج وبيسان وغرام يضحكووووووون
أريج : تضحك كان ينطرب طرب على الأغنية , غرو قولي حق راكان يحط لنا حسين الجسمي أبي أغنية أنا صابر على باكر
غرام : لا أستحي مالقيتوا غيري
بيسان : الله واكبر على الدنيا غرو تستحي وبعدين مافي غيرك يمون عليه
غرام : يؤيؤيؤيؤ على صوتها وش شايفني هاااااااااه مااعرف الحياء يعني
أريج : قصري صوتك خلاص مانبي شي
سمعتهم احساس وقالت شفيكم تبون راكان يحط شريط ولا يهمكم أنا أللحين أروح أقوله
غرام حست بغيره كانت تظن أن ماحد يقدر يكلمه غيرها قالت هي أنتي ارجعي انا أروح أكلمه , البنت مارضت راحت عنده وتوها تبي تتكلم , ألا غرام من وراها سحبتها ورجعتها وراها وقالت لو سمحت راكان , التفت ورجع راسه وبسرعه رجع ألتفت وجات عينه بعينها وححححححح بعد بغى يصدم وصفط على جنب قال آمري
غرام : ماتآمر عليك بنت مثل البنت اللي جات من شوي
راكان : ضحك قال آمين وكل البنات ضحكوا ,
غرام : نبي تحط لنا شريط أغاني ,
راكان : من عيوني بس أنا ماجبت أشرطتي الخاصه
غرام : لالالا شوف شريط حسين الجسمي هذا هو
حط راكان الشريط وحل الهدوء على الباص كل البنات مايقدرون يستهبلون مثل قبل يسمعون ويرددون الأغاني بينهم وبين نفسهم.

[مجروحة برمشك]

في يوم من الأيام مر الباص على بيت بيسان وماطلعت دقت غرام عليها ماردت قالت ل راكان خلاص حرك شكلها بتغيب
في المحاضرة وهم جالسين شوي ألا دخلت بيسان عليهم ووجها مخطووووووف جلست وقالت : بنات صار لي موقف يالله مو طبيعي حسبي الله عليه الله لا يوفقه الهندي الخااااايس
غرام وأريج بصوت واحد وش فيك وجهك مخطووف قولي وش صار
بيسان : طيب بقولكم السالفه من الأول مو الباص مر علي ولا طلعت
أريج : أيه صح وش فيك ماطلعتي وانتي امس ماقلتي لا تمرون علي
بيسان : نزلت دمعة من عينها وقالت تخيلوا يا بنات امي وابوي على هالصبح يتهاوشون وقامت تبكي
غرام : قربت من بيسان ومسحت على ظهرها وطلبت من المشرفة انها تسمح لها تطلع مع بيسان
طلعواااااا برى القاعة وراحوا الكافتريا وجلسوا ,
أريج : حياتي بيسان لا تبكين خلاص قطعتي قلبي
غرام : تمسح دموع بيسان ماعاش من يبكي العيون الخضرة هذي
بيسان : ابتسمت
اريج : بيسان تذكرين يوم كانت غرام منقهره من لون عيونك وكل يوم تروح تشتري عدسات لون تبي نفس درجة لون عيونك
بيسان : ضحكت
غرام : أيه يا بيسان نبي نشوف الضحكة الحلوة هذي , قولي لنا وش سالفة الهندي الخااااايس
بيسان : المهم شفت رقمك وماقدرت أرد لأن وقت ماكنتي تدقين كانت الهوشه في قمتها أنا وأخواني كنا نفكك بين امي وأبوي ونهديهم ولما شفت مافي فايده دقيت على رقم أحد سواويق أبو عشرة وجاني , وأحنا بالطريق
قال الهندي الحقير : ماما شيل هذا غطى عن وجه انتا
بيسان : أنا قلت يمكن ماسمعت كلامه عدل او مافهمت قلت أيش
الهندي عاد كلامه رديت بعصبية قلت له وش تقول انت
الهندي : أنت ماما ليه في عصب هذا نفر كثير بنت سعودي يركب مع انا يشيل غطى يسولف مع أنا ممكن يجي بيت انا يسوي ( ..... )
بيسان : أنا قلت وجع قلة أدب نزلني وقف هنا
الهندي : ماما مافي خوف خلاص انا يوصل كلية لكن هزا رقم مال انا عندك انت يبي أي خدمات أنا موجود
انا طول الطريق لازقه بالباب وخاايفه يسوي فيني شي طول الوقت استغفر ربي ماصدقت وقف عند باب الكلية وعلى طووووول حذفت العشره عليها وحطيت رجلي وجيت الله لا يوفقه
أريج : وجع قلة أدب من جد معقول في بنات كذا قال يكشفون وجههم ماقلنا شي بس يطلعون معاه معقوووول
غرام : لا تستغربين فيه ليه لا ولا نسيتي البلوتوث االلي شفناه بنت سعودية ملثمة وكان معها هندي نسيتي
أريج : أيه صح ذاك البلوتوث الله ياخذها هي وياه مالقت الا الهندي في خمسين ألف سعودي مستعد يروح معها ويعطيها فلوووووس بعد
بيسان : قولوا الحمد لله والشكر ويارب لا تبلانا
غرام : استغفر الله اذا بغيت اخربها بخربها مع واحد اولا سعودي ثانيا مزيووووووون
أريج : مزيون مثل مين يعني؟
غرام : أممممممم مثل مثل ماجد المهندس مثلا
أريج : ماجد المهندس ولااااا راعي الباص
غرام : بكل برأة أي راعي باص
أريج : علينا راكان فيه غيره
غرام: أريج وش تقولين أنتي
بيسان : شوفي ترى أحنا ملاحظين شي علي راكان نشوفه يهتم فيك كثير ولا نسيتي يوم طحتي وش سوى نزل بطوله من الباص ودخل يبي يساعدك مو انا يوم طحت قال سلامات حتى من غير مايرفع عينه
غرام : أنتوا تتخيلوون شكلكم والله اذا يبي يحبني يحبني لكن أنا ألى الحين مادق قلبي له
بيسان : والله لايقين على بعض
أريج : أيه لايقين على بعض عشان أنتي تصيرين زوجة السواق مو أنا
بيسان وغرام وأريج : يضحكون ههههههههه
بيسان : ألا على طاري المزايين ذاك اليوم وانا انتظر اخوي يجي ياخذني لما طلعت الساعه 12 جات سيارة بسرررعة ووقفت ونزلت منها بنت وركبت في باص انا شفت الولد اللي في السيارة بغيت اطيح من طولي ايش جمال مو طبيعي المهم بعد كم يوم شفت نفس السيارة ونفس الولد ونزلت من سيارته بنت لكن وحده ثانية ( تقولها وهي زعلانه )
أريج : وكيف عرفتي انها وحده ثانية
غرام : لا تقولين الشنطة ولا الصندل غير تدرين كل البنات كل يوم يغيرون لبسهم
بيسان : عاد وش شايفيني انا عرفت انها غير لان اول مره البنت اللي انزلت كانت نحيفة عصله والمره الثانية دبة
أريج وغرام : ههههههههههههههههههههه
بيسان : لكن ياويل حالي عليه يعقد يعقد على قولتك يا غرو , تصدقون احس اني حبيته كل يوم انتظر اشوفه لو نظره بس
غرام : أها أريج وتحب الافغاني وانتي تحبين راعي البنات هذا و
قاطعتها أريج : وانتي تحيبن سواق باصنا راكان
بيسان : ايه صح لا تتريقين على زوجي وزوج أريج اوكي
غرام : بعد صاروا أزواجكم
أريج وبيسان : طبعا

[مجروحة برمشك]

في يوم من الأيام كانت غرام بالباص ودقت جوالها ردت ألا أمها تقول لها وين وصلتي
غرام : شوي قريبه أنا
الأم : أقول غرام ماتقدرين تخلين السواق يوديك باسكن روبنز
غرام : ليه يما
الأم : أختك شوق جات عندنا
غرام : وااااااااااو أخيرا
الأم : أيه أخيرا وودها في باسكن مري جيبي لها وجيبي ل اختك حنين بعد ولاتنسين طلبي وطلبك أوكي.
غرام : أشوف إذا وافق
غرام : تسوي نفسها منحرجة كيف تطلب الطلب هذا منه لكن عارفه أنه ماراح يخجلها , احم راكان
راكان : ياعيون راكان
غرام : ترد وهي تشد على أسنانها تسلم العين , اممم ممكن طلب يا اخ راكان
راكان : أنتي ماتطلبين أنتي تآمرين امر قولي
غرام : والله منحرجه منك
راكان : لا احراج ولا شي قولي
غرام : ممكن توصلني باسكن روبنز
راكان : بس ماطلبتي شي اوديك باسكن وأوديك كل مكان كم غرام عندنا ؟
غرام : حبت توضح له أنها مش بتعت الكلام ده قالت : عفوا وش قلت؟ بعدين من وين عرفت أسمي ؟
راكان : حس بنبرة الأنزعاج قال آسف , أسمك سمعت البنات ينادون عليك وبس , وصلها باسكن ونزلت شوي وهو يطالع ألا دخلوا شباب ويشوف من الزجاج يتحرشون ب غرام
نزل وجاء وقف جنبها قال لها خلصتي
هي خافت جاء وهي ماشفته التفت وقالت هاه وهي مفزوعه
راكان : بكل رقه خلصتي
غرام : حست باللحظة هذي كأنه زوجها وجاي يتطمن عليها أيه خلاص خلصت وناظرت فيه ومشت
ركبت الباص وقبل مايوصل بيتهم بشوي طلعت علبة آيس كريم ولما وقف عند الباب قالت راكان ممكن ماتخجلني وتآخذ مني هذي
التفت قال : يؤيؤيؤيؤ لا مااقدر
غرام : بكل دلع , ترد يدي
راكان وعينه بعينها وبنظرات الأعجاب قال لها أخسي أردك عطته العلبة وحاول يلمس يدها لكن ماعطته الفرصه , المهم شالت ملفها و كيس الآيس كريم والشنطة ونزلت مستعجلة لما نزلت زلقت من درج (سلم) الباص سمع صوتها وهي تقول آآآآآه ونزل راكان وجاها بنظرات الخوف عليها سلامتك ومد يده ومسكت يده وقامت ونفظت العبايه ونزل أخذ ملفها والشنطة وأعطاها الأغراض ومسك يدها وقفت ووقف ويده بيدها وعيونه بعيونها ( حسوا بأن مافي الكون كله غيرهم وكأن أغنية : ياعيون الكون غضي من النظر وأتركينا أثنين عين تحكي العين ) توصف حالتهم .
المهم انتهبت بعد دقيقه يمكن مرت وسحبت يدها وقالت شكرا ودخلت البيت , راكان ركب الباص والمشهد مو راضي يروح من قدام عيونه ونفس الشي غرام دخلت البيت بكل هدووء والمشهد مو راضي يروح من قدام عيونها , دخلت البيت وهي سرحانه
شوق : يااااهوووووووووه وين الناس
غرام : أنتبهت للصوت ولفت هلاااااااااا شوق شخبارك وحشتيني وضمتها بقوووووة
شوق : أنتي أكثر بس اشوف , كأنك نحفتي
حنين : أيه أكيد بتنحف ومن الحب ماقتل
غرام : وجع أي حب
حنين : ولد عمك نايف
غرام : وععععععععععع لو يخلصون الرجال من الدنيا ماحبيت نايف
حنين : علينا
غرام : يووووه أقول أسكتي , شوق زين تذكرتي أن عندك أهل وجينا على بالك
شوق : حرام عليك يا غرو والله من زمااااان وانا اقول ل أحمد أبي أشوف أهلي أشتقت لهم بس تدرين مشوار الرياض وحوسه وهو دايم مشغول , نصيحة لاتفكرون تتزوجون واحد برى الشرقية ولا برى الجبيل بعد ترى متعذبه مو قادرة أتأقلم مع جو الرياض .
حنين : ودك تعيشين هنا
شوق : أكيد ودي
غرام : حنين وهذا سؤال أكيد مافي مثل الجبيل مافي
الأم : على طاري الزواج والجبيل والرياض , تناظر الأم ب حنين وقالت : أختكم حنين أنخطبت
غرام وشوق : لااااااااااااا مبروووووووك
حنين : استحت وش مبروكه تو ماوافقت أنا
غرام : لا تكفين واافقي أبي أفتك منك ومن غثتك روحي يابنت الناس وخلي يجي دوري
حنين : تبين الفكه هاه أصلا راح تموتين من غيري ماحد راح يجلس معاك ويسولف ولا أحد يرقص معاك ولا أحد يستهبل معاك معليه معليه.
الأم : خلاص خلونا مبسوطين بدينا
غرام جات عند حنين وضمتها وباستها وقالت مبروك ياقلبي والله مادري وش بسوي بعدك.

[مجروحة برمشك]

ماااااافي ولا احد حتى حط نص رد ؟؟؟؟؟؟؟؟؟؟؟؟؟؟؟ :( :(

[مجروحة برمشك]

في يوم من الأيام بيسان دخلت الشات وبدت تسولف لقت واحد لقبه الشاعر دخلت معه خاص وماطولت شوي جات بنت جيرانهم وقفلت هو قبل ماتقفل قال لها اضيفيني عندك خذت ايميله وطلعت ولما جاء بالليل دخلت مره ثانية وسوت اضافة للولد اول ماسوت الاضافه شوي الا هو موجود
بيسان : نكها(إذا تفارق شخص عادي مصيبة وشلون لا فارقت اللي تحبه)
الولد : نكه (مأشفته بالعين ولا اهتنيت بقربه 00لكن قلبي ظلاله في المحبه طويل )

بيسان : السلام عليكم
الولد : عليكم السلام
بيسان : اممممممممم شخبارك
الود : بخير
بيسان : ماعرفتني
الولد : لا معليه ذكريني
بيسان : مو انت نكك بالشات الشاعر
الولد : الا بس مو دايم
بيسان : طيب اليوم انت مادخلت فترة العشى
الولد : الا
بيسان : طيب ماسولفت مع وحده نكها قمر
الولد : الا يالله انتي قمر تو مانور الماسنجر من جد أسم على مسمى
بيسان : وش اسمك
الولد : نواف
بيسان : عاشت الاسامي
الولد : عاشت ايامك وانتي
بيسان : بكل طيبة بيسان
نواف : بيسان وااااااو اسم غريب وحلوووووو ومميز مثل راعيته
بيسان : بدينا بالحركات
نواف : أي حركات
بيسان : مميز ومثل راعيته ترى انا ماحب الكلام هذا اتفقنا
نواف : اوكي اتفقنا.
جات بيسان اليوم الثاني وهي مبسوووطه وقالت لصديقاتها أنها سولفت مع ولد وكذا كذا وانه شاعر وهي تحب الشعر ومبسوطه البنت يوم عن يوم بدتت تتعلق بالولد لكن الولد كان مو مهتم نقدر نقول انه راعي بنات وكل يوم مع وحده , بيسان كانت تتكلم معه بكل صدق مشاعر واحساس وكانت تخاف عليه وتنبهه له وتنصحه وتذكره بالصلاة والخ .... اما هو عادي مايهتم من كلامها كل همه يتعرف على البنات ويلعب عليهم وبعدها يطلع معهم وياخذ اللي يبيه منهم وبعدها يترك البنت ويشوووف غيرها ...........

[مجروحة برمشك]

في آخر يوم بالترم الأول كان راكان زعلان لانه عارف ماعاد بيشوف عيون غرام وكان سرحان ويفكر طول الوقت وطبعا غرام آخر وحده ومع سرحان راكان ماحس بنفسه ألا على صراخ غرام وهي تقول راكان انتبه
راكان صدم سيارة ومن قوة الضربه ضرب راسه ب دركسون الباص .
وقف الباص ونزل يشوف ألا شايب اللي بالسيارة ومثل اللي اغمى عليه أو شي البنت نزلت من الباص وهي خايفه وتشوف الشايب خافت أكثر
راكان : معليه غرام روحي الباص آسف خوفتك
غرام : لا عادي بس الرجال صار فيه شي مايتحرك
راكان : لا ان شاء الله مافيه الا العافية
غرام : وانت صار فيك شي وتناظر بعيونه اول مره تشوف عيونه عيونه حلوة كثير سوده ورموشه طويله وكثيرة وانتبهت له ونزلت عينها
راكان : لا مافيني شي انا بخير وعيونه مو قادر يشيلها عنها
جات الشرطة وكذا قال بروح اوصل البنات وارجع والاسعاف جات وشالت الرجال طبعا الرجال اغمى عليه وبس ماصار فيه شي
وهم بالطريق
راكان : آسف أخرتك أدري اليوم خلصتوا اختبارات وودك تنبسطين وانا خربت عليك يومك
غرام : بعفويتها لا وش دعوة ماصار الا الخير اهم شي ماصارت اي اصابات الحمد لله
قبل ماتنزل غرام راكان : غرام أشوفك على خير
غرام : وانت بخير وفتحت الباب وتنزل الا راكان
راكان : كان يبي يفتح اي موضوع بس عشان يرتوي من صوتها, احم غرام ان شاء الله الترم الثاني مكملة معنا
غرام : استغربت مكملة معكم شلون يعني
راكان : يعني أأوصلك للكلية
غرام : أها اي طبعا طبعا وانا اقدر استغنى عن خدمات أبو هاشم
راكان : كان يتوقع انها تقول وانا اقدر استغنى عنك كان يتمنى هذي الكلمة تطلع منها مو خدمات ابوهاشم.
انتهى الترم الاول وفي الاجازة بين النصفين كان زواج حنين أخت غرام على خالد لان خالد كان عنده دورة في المانيا وكان مستعجل على الزواج.

[مجروحة برمشك]

اليوم يوم زواج حنين غرام , وغرام طالعه مثل الباربي تجنن
المهم كانت غرام مبسوطة كثير فرحانه بزواج أختها رقصت وانبسطت كثير لكن بلحظة كذا حست انها ودها تكلم أحد تسولف له وتوصف له شعورها باللحظة هذي طلعت برى القاعه , ومالقت نفسها ألا وهي تدق على راكان .
توها دقت ماأمدها أثلجت صدري ألا رد راكان
راكان : ألو
غرام : ألو
راكان : هلا بالهصوت
غرام : أحم السلام عليكم
راكان : وعليكم السلام , أنا أحلم ولا من جد أممممممم مين غرام
غرام : استحت اممممم شخبارك
راكان : من بعد ماسمعت صوتك أنا بألف خير
غرام : سكتت
راكان : ليه تحرميني من الصوت تكلمي قولي أي شي أن شاء الله تسبيني
غرام : حست وجهها صار مثل الطماطة قالت لا مافي شي بس اليوم زواج أختي وانا مبسووووووطه كثير وبدت توصف شعورها ل راكان , وراكان يسمع لها وهو متلذذ بنبرة صوتها وسوالفها شوي سكتت
راكان : القمر وش فيه سكت
غرام : القمر مين القمر؟
راكان : انتي زعلتي خلاص أنا آسف
غرام : أوكي راكان انا لازم اقفل انا آسفه نسيت نفسي
راكان : لا عادي خذي راحتك متى مااحجتي لاي شي انا موجود وحاضر
غرام : تسلم اوكي مع السلامة
راكان : أوكي اوكي حياتي بس قبل ماتقفلين إذا قفلتي أرجعي دقي علي
غرام : في نفسها ( حياتي وش عنده الاخ)
راكان : اسمعي الأغنية أهداء لك وصدقيني ماراح أرد بخليك تسمعين الأغنية
غرام : اوكي , غرام ردت ودقت وسمعت الاغنية وحست ان الاغنية تعبر عن شعور راكان اتجاهها وهي ماتعرف كيف تواجه هذا الشعور هل تبادله ولا تتجاهله؟؟؟؟؟؟؟
بعد زواج حنين بيسان وأريج قرروا يزورون غرام عشان يباركون لها بزواج اختها ويقدمون هدايا الزواج
غرام : ماما اليوم صديقاتي بيجون يزورني طيب
الأم : يالله يا غرام وهذا وقته اليوم عمك ومرت عمك وعيالهم راح يزورونا
غرام : ياااااااااااااااااااربي وش يبون هذولا ومين عياله , سارة وراحت حنين عنها تزوجت البنت ونايف وش يجيبه ماعندنا اولاد
الأم : يمكن جاي يخطبك
غرام : وععععععع وبعدين انا قلت لسارة من زماااااااان ترى انا اخوك هذا خليه يشلني من راسه
الأم : وش فيه نايف ماتبنه جمال ومال واخلاق و
غرام : قاطعتها ومنك وفيك وولد عمك والخ من اكلامك هذا انا مابيه وخلهم يغيرون يوم زيارتهم اوكي
الأم : اسمعي يبجون العصر وبعدها بنمشي الدمام المزرعة
غرام : طيب يما بستقبلهم واذا رحتوا المزرعة بجلس فشيلة ياماما البنات مواعدتهم من اسبوع
الأم : طيب
وصل العم مع ولده وبنته وزجته وفعلا كانوا جاين يخطبون غرام
الأب : قال البنت تدرس ولازم اول اسألها بعدين ارد , وأهل نايف كانوا مخططين انهم يخطبونها على انها توافق ويرحون المزرعه عشان غرام ونايف يجلسون مع بعض لكن طبعا غرام ماراحت معهم.
طن طن
فتحت الخدامة ( الشغالة ) الباب اهلا وسهلا ( طبعا الشغاله عندهم من زمان ووتكلم عربي كويس )
بيسان : شخبارك دنتلا ان شاء الله بخير
دنتلا : بخير ولله الحمد تفضلي
دخلوا البنات
غرام : هلا وغلا تو مانور البيت
أريج : ألا وين اهلك ماأشوف ولا سيارة في الكراج
غرام : وزعتهم , حياكم حياكم
دخلوا وجلسوا في غرفة الضيوف : غرام : ألا ماقلت لكم اليوم جاء عمي وقالوا نبي نروح المزرعة
وانا رفضت لانكم جاين تخيلوا جاين ليه
بيسان : ليه
غرام : عمي اليوم خطبني ل نايف ولده
أريج : جد والله ألف مبروك
غرام : هي انتي وش الف مبروك مستحيل اواافق
أريج : حرام عليك يجنن
غرام : وش فايدة جماله وانا ماحبه , على فكرة اليوم بتكون جلسة مصارحة
بيسان : مافهمت

[مجروحة برمشك]

غرام : كل وحده بتقول عن اخبار قلبها
أريج : نبدأ فيك دام فتحتي الموضوع
غرام : انا وش فيني انا
بيسان : ايه صح انتي اول وحده تفتح قلبها وتقول مين دخله
غرام : لا ياقلبي مو علي انا تدرون لا حبيب ولاصديق ماعندي الخرابيط هذي انتو اللي بتتكلمون اليوم
أريج : يماااااا منك اقول بيسان خليها خليها يجيها يوم وهي من نفسها تجي وتتكلم
غرام : ايه صح كلامك اذا صار ودخل واحد قلبي انتوا اول ناس راح تعرف تطمنوووووووا ياللله نبدأ بيسان وش اخبار قلبك الصغير؟
بيسان : اسكتوووووووووا يابنات انا وش صار فيني بغيت اموووووت
أريج : بعيد الشر عنك وش فيك
بيسان : أنا ذاك اليوم رحت مجمع الفناتير مول كانوا اهل امي جاين عندنا وقلنا نمشيهم
غرام : ياسلام اجل انتي ويوسف صارت حركات بينكم هاه
بيسان : يؤيؤيؤيؤ لاتذكريني ترى شوي وارجع وعععع
أريج : عاد مالك حق يوسف وع انتي الي وع
بيسان : على قولة غرام وش الفايده جماله وانا مااحبه اكرهه تخيلوا بنات جاني الغرفه ودخل وجلس , اقوله يوسف عيب مايصير تدخل غرفتي مايجوز يرد علي ويقول كلها كم شهر ونصير في بيت واحد وننام بغرفه وحده
أريج : يؤيؤيؤيؤ جريء
غرام : الا اسمها قلة ادب
بيسان : ماعليكم منه ماصدقت ذلفواااااا عاد خالتي تلمح تقول لازم تجون الصيفيه هذي بدري سوريا قصدها عشان اتزوج لكن مستحيل قلبي ماعاد هو بيدي
غرام : أجل وينه عند نواف هاه
أريج : ماعلينا انتي كنتي بتقولين سالفة يوم رحتي المجمع
بيسان : أيه رحت والا توقعوا من اشوف
غرام : احساس صح
بيسان : وععععع من زينها لا تخيلوا شفت الولد المزيون اللي قلت لكم شفته بالكلية
أريج : راعي البنات الدبة والنحيفة
بيسان : أيه تخيلي لما شفته ماقدرت اتحرك من مكاني انشليت معقوووووولة هو ومااشوف نفسي الا والله يابنات الحقه حتى هوانتبه اني اتابعه ومسوي فيها ثقيل يجنن يجنن من قريب احلى واحلى , المهم تخيلوا كان يمشي مع وحده وماسك يدها اوكي انا قلت ماراح اظلمه يمكن اخته وانا طول الوقت بس الاحقه
غرام : والله انك مو صاحيه مخليه السوق وتلاحقين فيه
بيسان : اسمعي جايتك بالسالفه المهم بس مشيتهم وحركاتهم ماكانه اخو واخته قلت شكلها صديقته المهم والله يابنات اني بعيني شفته ودعته البنت وطلعت قدامه دقايق الا وتجي بنت ثانية ويبتسم لها ويمسك يدها ويروح يتمشى معها من جد شي يقهرررررر
اريج وغرام بصوت واحد : اووووووووف لهدرجة
بيسان : ايه والله كان ودي اروح امسك يده واقول له انا جاهزة
غرام : ايه قولي كذا طيـــــــــب تشوفين بعلم نواف عليك
بيسان : آه لاتذكريني بس ياحلو اسمه ولا شعره يا غرام يجنن تخيلي ماعاد صرت اقدر لازم كل يوم اشوفه على النت
أريج : ماطلب رقمك؟
بيسان : الا طبعا بس انا رفضت قدم لي عروض قال بجيب لك شريحة وجهاز بس انا رفضت تماما حتى مثل اللي زعل بعد مارفضت وجلس كم يوم مادخل وبعدين رجع دخل عاد انا ماناقشته بالموضوع ورجع عادي يسولف بس كل يوم يلمح لي على الجوال.
شوي دق جوال أريج هلا معليه حبيبي ماقدر اكلمك الحين بكرة اشوفك ونتفاهم
غرام وبيسان وعلى وجههم علامة استفهام ؟؟؟ مين هذا

[مجروحة برمشك]

أريج : بنات انا وفادي قررنا قرار واتفقنا عليه ومافي رجعه
غرام وبيسان : وش القرار هذا
أريج : ان احنا نتزوج
غرام : ابتسمت وااااااااااااااو يالله احلى خبر , بس شلون وأهلك
أريج : اهلي رافضين فكرة اني اتزوج من قبيلة ثانية تبي يوافقون اتزوج حضري انسي يا بنت
بيسان : أجل كيف تقولين راح تتزوجون
أريج : مسيار
غرام : أيــــــــــــــــــش مسيار مجنونه انتي ولا صاحية
أريج : خلاص مو قادرين نتحمل تدرين كم سنة لنا واحنا نعرف بعض لنا سبع سنوات ابتسمت يقول لو تزوجنا امدانا جبنا خمس عيال
بيسان : هههه مايضحك انتي وش فيك تتكلمين من كل عقلك
أريج : لا من نصه طبعا من كل عقلي
غرام : شلون فهمينا
أريج : انا أقولكم تذكرون خالتي اللي قلت لكم أنها كبيرة بالسن وتزوجت مسيار وماحد يدري عنها ,
غرام : ايه بس كيف تزوجت
أريج : هي موظفة في بنك تدرين يسون البنك اجتماع مع الرجال والمدير اعجب بخالتي وتزوجها مسيار وماقدر يشهر زواجهم لانه متزوج وعنده عيال ومن عائلة معروفة ومايبي يخسر مكانته الاجتماعية وتزوجوا وهي عندها عمارة بانيتها وساكنه في شقه من الشقق والباقي مأجرتها
بيسان : طيب كيف يجي ويروح عليها والناس وش يقولون
أريج : هي واهمه الناس ان الرجال اللي يتردد عليها هو اللي يجمع الاجارات ووهامه الناس انها عندها ولد اخوها معاق ( مشلول ) انه محرمها في الشقة , طبعا هو يجيها بس اربعاء وخميس وجمعه وانا بسوي مثلها
بيسان : يؤيؤيؤيؤ كيف طيب بتسوين مثلها ودراستك
أريج : لما فكرنا أنا وفادي نتزوج وصارحت خالتي صارت تقول لاهلي خلوها تجي عندي في الويك اند لاني اطفش لحالي تسليني فا انا صار لي فترة اروح لها وبعدين فادي يجي ياخذني ونطلع البحر وتنمشى
غرام : تطلعون البحر ولا تروحون فندق اعترفي
أريج : ووجع وش فندقه لو نبي نسوي شي سويناه عند خالتي اضمن لا كاميرات ولا هيئة ,
بيسان : اوكي كملي وش بتسون
أريج : بنتزوج مسيار وبصير كل ويك اند اروح على اني عند خالتي واروح مع فادي في شقه راح تعطينا اياها خالتي وببلاش بعد
غرام : أريج أنتي مرتاحه من اللي بتسوينه
أريج : غرام فادي خلاص تعب من بعدي عنه وانا تعبت اكثر واكثر وعشان مايصير شي بيننا بالحرام شفنا ان الزواج المسيار افضل حل
بيسان : طيب خالتك هذي ماحملت
أريج : لا ياعمري عليها خالتي طلعت ماتجيب عيال عقيم ولا هي تموت بالاطفال وكان ودها تجيب عيال لكن الله ماكتب.
غرام : طيب اشوفك تقولين بكره اشوفك
أريج : ايه عند خالتي وراح نتفاهم وكل شي والخميس الجاي زواجنا ترى معزومات انتوا
غرام : بعد تعزمينا
أريج : أجل انتوا صديقاتي بالسراء والضراء وودي تشاركوني فرحتي واتمنى ماحد يعرف بالموضوع لان ماحد يعرفه الا انا وخالتي وزوجها وانتوا بس.
انتهت الزيارة وبيسان وغرام مو مصدقين كلام أريج او مو متخيلين كيف يصير, أما أريج فعلا سوت اللي خططت له لكن مااحد قدر يشاركها الفرحة من صديقاتها لان خالتها رفضت احد يجي وكان كل عذر خالتها غيرتها على زوجها.

[مجروحة برمشك]

راكان قلبه كان يتقطع وده يشوف او يسمع صوت غرام لكن مافيه فايده كان اذا خلاص وصلت معاه يدق من جوال اخوه او جوال احد من اخوياه وغرام كانت على حسب المزاج ساعات ترد وترد الروح في راكان وساعات تطنش الرقم ويحز في نفس راكان انه ماراح يسمع صوتها واللي كان مصبره انها كلها كم يوم ويبدأ الترم الثاني ويرجع يشوف عيونها الحلوة ويسمع صوتها العذب.
بدأ الترم الثاني وبدت معاناة راكان مع قلبه , كان في بنت اسمها احساس من بين شلتهم اللي كانت تغار من غرام كان راكان عاجبها طبعا هو عاجب كل بنات الباص لكن احساس هذي تحب كل شي يكون لها الا راكان ماقدرت عليه وكانت تنقهر اكثر وهي تشوف اهتمام راكان في غرام ,
بدأ اليوم الدراسي ودخلوا البنات القاعة وجلسوا الا غرام قالت شوفوا يا أريج وبيسان اليوم انا عازمتكم على المطعم راح نطلع الساعه 12 نروح مطعم اليخت بمناسبة زواج أختنا أريج
أريج : تسحب غرام من بلوزتها وتجلسها ووجع لا احد يسمع اسكتي
غرام : يؤ يؤيؤ ماتكلمت بصوت عالي
بيسان : لاااااااا اقول انثبري ويصير خير
أريج : من راح يودينا؟
غرام : سواقنا
أريج : سواق الباص
غرام : لاااااااااااااااا سواقنا سواق بيتنا
بيسان : اها اوكي وانا مستعده للعزيمة
دقت الساعه 12 وطلعوا البنات وراحو المطعم وجلسوا وطلبوا الطب وقربت بيسان وغرام كثير من أريج :
غرام : اليوم يا أريج مافي فكة مني راح تقولين لي كل شي صار بينكم مفهوم
أريج : بين مين ومين
غرام : أريج لا تستهبلين بينك أنتي وزوجك
بيسان : مو مصدقه يا أريج عيني عليكم باردة الحمد لله ربي جمع بينكم
غرام : اي صح جمع بينهم بس كان ودي ان الزواج هذا يكون وسكتت
أريج : ووالله عارفة وش بتقولين يا غرام لكن صدقيني ماراح تطول السالفة بس يعدي الترم هذا وبعدها ان شاء الله ان شاء الله كل شي يتصلح
غرام : أن شاء الله طيب يالله قووووووولي وش سويتوا ؟؟؟؟
أريج : طبعا اول شي انا آسفه لاني عزمتكم وبعدها اعتذرت منكم لكن صدقوني غصب عني هذي خالتي تموت في زوجها وتموت غيره عليه
غرام : اوكي تموت غيره وهي مو واثقه منه احنا هي عارفتنا ماراح نحط العين عليه من زينه الشايب
بيسان : هههههههه صح من زينه اذا هي مو وااثقه من زوجها مو مشكلتنا احنا والله كان ودي اشوفك وانتي عروس
غرام : خلاص ولا يهمك ان شاء الله تشوفيني وانا عروس
بيسان : ان شاء الله عروس راكان يارب
غرام : اي راكان
أريج : يماااا منك ماغيره السواق
غرام : بنت انت وهي ووجع اقول خلينا فيك واسفك مقبول قوووولي وش صار
أريج : اوكي المهم جيت انا وبعد عمري خالتي شرت لي فستان ناعم وحجزت لي كوافير وتخيلي حجزت لي مصورة بعد
بيسان : الله كل هذا ماشاء الله عليها من جد
أريج : لا شوفي لان انا سويت لها كذا يوم زوجها لما تزوجت ماحد درى غيري انا كنت معها وبعدين هي تبي تفرحني فديتها ماتوقعت ابد تسوي لي كذا
غرام : ليه مو انتي بديتي معها بالشي هذا
اريج : لا مو انتي ماتدرين هي مو موافقه اتزوج مسيار
بيسان : وهو حلال عليها وحرام عليك ماهي مسويه نفس الشي
اريج : ايه صح تقول حرام انتي توك بعز شبابك وش اللي يحدك على المسيار انا لاسويت كذا الا كبيرة في السن وراحت علي وماعندي لا ام ولا اب
غرا م : ياعمري مسكينه خالتك ترى معها حق
اريج : المهم ماعلينا تبوني اكمل ولااااا
بيسان : لا لالا تكفين قووووولي
أريج : المهم بعد ماتضبطت وخلصنا موضوع كتب الكتاب خالتي عطتني مفتاح الشقه وقالت روحي
مسكت المفتاح واعطيته فادي راح وفتح الشقة ودخل توني بدخل الا يقول لي ونزلت راسها مستحيه
غرام : وش يقول تكملي
أريج : يقول لالالا لاتدخلين خليني اشيلك
بيسان : احلى فيلم مصري
اريج : ابتسمت قلت له انت مجنون وش تشيل خلني ادخل الشقه وبعدها يصير خير مو من برى الشقه قال ايه صح المهم دخلت الشقة وجلست على الكنب وجلس جنبي
غرام : اول مره يجلس جنبك
اريج : ووجع لا مو اول مره بس صدقيني كان احساسنا غريب وجديد وكأننا اول مره نشوف بعض المهم مسك يدي وقال مبروك
رديت عليه الله يبارك فيك وبعدها قال وين غرفة النوم
انا تروعت قلت ايش على طول
فادي : اي على طول مو احنا لنا سبع سنوات ننتظر اليوم اللي يجمعنا تحت سقف واحد وغرفه وحده وسرير واحد
اريج : ضربت فادي على كتفه ووجع استحي ترى
فادي : امووت انا بالحيا المهم كلمة من هنا من هنا وشالني ودخلني الغرفة وحطني على السرير وبعدها
الا يدق جوالها مسج
بيسان : هذا وقت جوالك اقول اتركي الجوال وكملي
اريج : اصبري وتفتح المسج فديته يصبح علي
غرام : وهو مابغى يصبح الا الحين
اريج : خير انتي وهي يصبح اي وقت كيفه وبعدين انا اصلا ناويه مااكمل لكم والحمد لله ربي انقذني وجاني مسج منه وه فديته بس
غرام : لا عاد لا تصيرين تلفزيون السعوديه يقطع الفيلم كله من اول لاخره
بيسان واريج يضحكون هههههههه
غرام : يالله كملي
اريج : وش اكمل اذا تزوجتوا اعلمكم
بيسان : واذا ماتزوجنا
اريج : لا ان شاء الله انتي يابيسان تتزوجين يوسف وانتي يا غرام تتزوجين نايف
غرام : لااااااا وانتي يا اريج تتزوجيين واحد من عيال عمك
اريج : لا حبيبتي انا الحين متزوجه مااحد له علي كلمة
بيسان : المهم الله يوفقكم ويسعدكم
غرام : الا اقول اريج فادي هذا ماعنده اخو يتزوجني
بيسان واريج يضحكون هههههههههههه
غرام التفت على بيسان هاه بيسان نواف بعده رافض يخليك تشوفين صورته
بيسان : ايه راااافض يقول اذا حطيتي لي انتي صورتك انا احط مسوي لي تعجيز هالولد
غرام : ماعليك منه اتركيه ولاعاد تفكرين فيه ومالك الا يوسف
بيسان : لا تكفين لا تقولينها تو امس امي وابوي متهاوشين على السالفه هذي
اريج : اي سالفة
بيسان : سالفة زواجي من يوسف انا اقول لابوي اني ماابيه وابوي يقول دام البنت رافضة خلاص وامي تقول مو على كيفها تتزوجه غصب عنها وتهاااااااوشوا وتعالي شوووووفي انواع الصراخ
اريج : الله يعينكم
خلصوا اكل وقالت غرام وش رايكم نروح نشوف فناتير مول
بيسان : بلا استهبال المحلات مسكره
غرام : أردي مانسيت خلينا نروح نتمشى شوي علىماتصير الساعه 2 ومنها نروح السوبر ماركت نشتري شوكلاته
أريج وبيسان : اوكي يالله راحوا المجمع ودخلوا الوسر ماركت .
يمشون جنب بعض اول ماادخلو
بيسان : غرام تشوفين اللي انا شايفته
أريج : وش تشوفون هاه
غرام : أقول المتزوجات على جنب لا تناظرين في احد
بيسان : وش الحلوين هذولا
غرام : هذول عيال كلية الصناعية ماتشوفين لبسهم ياحرام كل الجمال هذا وآخر شي لابسين لبس كأنهم سباكين
أريج : صدقتي حرام عليهم المفروض يايخلونهم يبلسون ثياب يا بنطلون وقميص مو فرهول كأنه سباكين ولا يشتغلون في كراج
غرام : شوفي أنا عجبني أبو سكسوكه
بيسان : وانا عجبني اللي ماله شنب
أريج : ههههههههه تضحك ومااعجبك الا اللي ماله شنب وع عليك شوف هذاك
غرام : تحط يدها على عيون أريج انتي لاتناظرين احد لا اعلم زوجك
أريج : وخري فضحتينا
الشباب يناظرون فيهم ويضحكون المهم تمشوا وشروا الا ابو سكسوكه يقول ترى احنا بنروح الكلية الحين
رد عليه الي ماله شنب ايه صح تذكرت كتابي ناسيه طيب ناسيه ويعلي صوته
طلعوا البنات وركبوا السواق
غرام : بيسان وش رايك نلحقهم
بيسان : شلون؟
غرام : نروح كليتهم
بيسان : ياليت
أريج : لا حول ولا قوة الا بالله أان اخبر الشباب يلحقون البنات مو العكس
غرام : مانبي شي بس نبي نشوفهم وهم رايحين الكلية أشكالهم تجنن
بيسان : يالله خليه يشغل السيارة
أريج : اقول انتي وهي اثقلواا يامال الوجع ماصدقتوا احد يغازلكم
بيسان : وش نسوي محرومين وش عليك انتي اخذتي اللي تحبينه
أريج : اقول اعقلوا وودوني الكلية بعدين روحوا دجووووووووو على كيفكم انا زوجي مايرضى اطلع
غرام : اقول على جنب حرام فادي ال ......
راحوا الكلية ولما وصلوا الا البواب قال خواتي شكلكم غلطانين هذي كلية الاولاد مو كلية البنات
غرام : لو سمحت الله يخليك خل السواق يدخل السيارة في شباب لاحقينا واحنا خايفات خل بس يدخل السيارة عشان الشباب مايدورن وين راحت سيارتنا
البواب قال اوكي دقايق وبعدها تمشون
دخلوا وصفطوا السيارة وشوي الا يشوفون سيارة الشباب داخله وينزلون الشباب ويدخلون الكلية
أرريج : بذمتكم بنات وش استفدتوا الحين غير حرقة قلب تشوفون هالمزايين وهم مادرو عنكم
بيسان : يكفي شفت الزول
غرام : صدقتي بيسان يكفي شفت الزول وه بس , حرك حرك
وطلعوا ورجعوا الكلية وهم مبسوووووطين كثير بالمغامرة هذي.

[مجروحة برمشك]

في يوم من الايام غرام شافت احساس وهي نازله من سيارة ولما جاء وقت الطلعة ركبت سيارة ثانية لكن غرام اماهتمت من الموضوع , لكن في بنات يحبون غرام ويخافون على سمعتها قالوا ل غرام أن احساس بنت مو مضبوطه وعشان سمعتك أتركيها , غرام بكل طيبة نفس ونية واجهت احساس بالكلام وصارت هوشة كبيرة بينهم ومن بعدها ماعاد كلموا بعض, احساس حبت تنتقم من غرام خصوصا ان احساس اعجبت كثير ب راكان لكن كانت تشوف ان راكان مايعطيها وجه ولا يلتفت لها وان كل اهتمامه ب غرام لكن انتقامها كان قاسي ومرير وماحد يتحمله هي هددتها وقالت لها وربي لاخليك تندمين على اللي سويتيه فيني, عشان تنفذ تهديدها , جات مره وقالت سامحيني ياغرام أنا أخطأت عليك ومن الكلام هذا وغرام قالت أنا عن نفسي الحمد لله ما أشيل بقلبي على أحد , ورجعوا لكن مارجعوا مثل قبل لأن غرام حبت تأخذ الحذر من احساس اما احساس شايلة بقلبها الين تنفذ الأنتقام وبعدها تتركها .

في يوم من الأيام جات الساعه ( 12 ) وكانت غرام تبي تطلع وقبل ما تطلع جات احساس وقالت ل غرام أن راكان اليوم ماراح يقدر يجي الا على الساعه ( 2 )
غرام : يالله والله مالي خلق اجلس بالكلية ألى الساعه ( 2 ) اجل بدق على سواقنا يجي ياخذني
احساس : لالالا وش دعوة انا سواقي واقف عند الباب تعالي معاي لو دقيتي على سواقكم على مايطلع من البيت و على ما يوصل , أنا تحت الخدمه
غرام : بكل حسن نية اوكي ومشكورة مقدما
طلعوا وركبوا السواق , أحساس وغرام بالطريق
احساس : معليه بس نبي ناخذ بنت من بيتهم ونوصلك
غرام : اوكي مافي مشكله
وقف السواق عند باب بيت ألا جوال السواق يدق
السواق : ألو أيوه اللحين يجي أنا مع بنت مال أنتا
شوي وقفت سيارة جنبهم فيها واحد سعودي ونزلت بنت من السيارة وركبت السيارة
السواق : انت ليه في يتأخر هزا بابا مال أنت يقول وين هزا بنت
البنت : يوووووووه أنت بعد اسكت عني تراني رايقه وعلى الآخر لا تعكر مزاجي روح البيت
احساس : هاه انبسطتي اليوم
البنت : يس المره هذي اخذنا راحتنا أكثر فديته
غرام : شوي وتبكي وش هذا عصابه وتناظر ألا البنت لابسه مريول بني يعني بنت بالثانوي انصدمت وش السالفه , خافت ماعرفت وش تسوي
نزلوا البنت عند بيتهم ونزلت ولا كأن في شي
غرام : تبلع ريقها , احساس وش السالفه؟
احساس : انتي وين عايشه هذا يا حلوة السواق متعاون وش يسوي ياخذ البنت اللي مثلا ودها تطلع مع خويها ويوصلها له برسم الخدمة شلون يوقف عند باب البيت اللي وقفنا عنده من شوي تنزل البنت وتركب مع البوي فريند وتروح معه ولما يخلص وقت الدوام يجي ياخذها من قدام اليبت ويرجعها بس طبعا له نسبه ياخذ فلووووس كثير
ويوصل بنات كلية وثانوي واذا تبين متوسط بعد
غرام : وجع وش هذا وانتي وش مركبك معه بعدين انتي قلتي هذا سواقكم الخاص
احساس : امممممممم تتكلم بكل نذاله لا مو سواقنا الخاص , ووقف السواق ونزل وفتح الباب من جهة غرام وقال يالله انزل ونزلت احساس والسواق سحب غرام وحط ايده على فمها وشالها وهي كانت ترفس برجلها وتحاول تسوي أي شي لكن مافي فايده وطلع فيها ودخلوا شقة فيها شباب وفيها بنات وصوت الدي جي والخمر المصفف والحشيش والسجائر في كل مكان وبنت بالوسط ترقص وبنات جالسين يشربون وقفت وبدت تصرخ وتبكي ياحيوانااااااااااااااات اتركني , طبعا ماحد حولها جاء واحد مزيون وقال هلااااااااا احساس وين الغيبه ؟
احساس لا غيبه ولا شي اليوم جايتك وجايبه لك صيده قمر
السواق نزل غرام وجاء الولد ومسكها طبعا السواق اخذ حسابه ومشى واحساس جاء واحد ومسكها وراحت معاه غرفه , والولد الحلو هذا مسك غرام ودخلها غرفه وقفلها وهي تقاوم وتحاول تفلت منه لكن بدون اي فائدة
غرام تبكي الله يخليك خلني اروح بيتنا الله يخليك لا تسوي فيني شي الله يخليك أنت ماعندك خوات أعتبرني أختك
بدر : ههاي انتي ماتدرين انا احساس أختي وأختي الحلوة في احد الغرف جالسه تشوف شغلها
غرام : بكل حسرة ياحقيـــــــــــــــــــــــــــــــــــر اتركني الله يخليك حرام عليك اللي تسويه فيني
بدر : يؤيؤيؤيؤ ياحلو تونا مابدينا وين اصبري قرب منها ويبي يكشف وجهها
غرام : صرخت ابعد عني
بدر : مسكها ونزل العبايه والنقاب ووقف يمكن خمس دقايق يناظر مو مستوعب وش الجمال هذا مو طبيعي
غرام : كانت لازم تفكر بسرعه عشان تتخلص من الموقف هذا قبل لا يسوي فيها شي وجاتها بسرعه فكرة
والاخ يفتح ازرار القميص ألا هي قامت تدلع وقالت ممكن اطلب طلب لو سمحت
بدر : لو سمحت شكلك مؤدبه على الآخر انا أسمي بدر يعني قمر هههه واسمح آمري
غرام : أبي أروح الحمام
بدر : بدينا بحركات البنات
غرام : محتاجه اتضبط لك واتعدل
بدر : يعض على شفته ويناظر بنظرات الذيب وهز راسه اوكي مافيه مشكله
وقبل ماتدخل باب الحمام قال بدر : هاه يا حلوة ترى ماراح تقدرين تهربين من الشباك أوكي ياقمر مافي شباك بالحمام
غرام هزت راسها ودخلت الحمام وأول مادخلت : مسكت الجوال وجلست تفكر بمن ممكن تتصل عشان يجي يساعدها وهي تدور بالاسماء طاحت عينها على اسم راكان ودقت
غرام : راكان الله يخليك محتاجه لك مووووووت انا في شقه , احساس الحقيرة سوت فيني شي مايسويه الجن ارجوك ابيك تجي تطلعين من الشقه بأي طريقة الله يخليك مو قادرة اتحمل لا تأخر علي لو تأخرت راح أكون ضحية واعطته العنوان وسكرت وجلست خاايفه
بدر : يدق الباب يا قمر ترى انا تعبت وأنا أنتظر أطلعي شوفي المفاجاة , لو ماطلعتي راح اكسر الباب
غرام طلعت وهي مررعوووووووووووبه
بدر : وين التضبط افا بس المهم شوفي هذا قميص أبيك تلبسينه لي يا حلوة طيب بروح انا اجيب المشروووووووووب وبجي عشان امخمخ عليك
غرام : تبكي وش تسوي وراكان تأخر
بدر : دخل هاه ياقمر وبعدين معااااااك شكلك من النوع العنيد واللي يبي له الغصب بس خلاص ماتبين تلبسين أنا ألبسك
غرام تبكي
قرب بدر وحاول وهو يحاول مزع قميصها شوي الا انفتح الباب المباحث معاك
بدر تروع وابتعد
راكان سحب غرام وكانت راح تطلع من غير عبايه ولا شي اهم شي تطلع وبس لكن راكان خاف على سمعتها ولبسها العبايه وغطى وجهها وطلع
طبعا ماكان في مباحث ولا شي راكان قال المباحث معاك بس عشان يخوف بدر ويترك البنت وفعلا نجحت الخطة
ركبوا السيارة وغرام تبكي وجلست تحلف له مية يمين انها مو راعية لحركات هذي وان هذا كمين سوته لها احساس وتذكرت كلامها وتهديدها لها
راكان : شوي يفكر بالجمالها االلي فتنه وشوي يفكر انها يمكن برضاها راحت وطول الوقت كان ساكت ويسمع ل غرام وبس
أما غرام ماقدر تتحمل شي كانت مصدومه كيف يصير لها كذا وهي اللي طول عمرها تسمع عن بنت راحت شقه وشرف وحوسه واليوم هي بهذا الموقف شلون, قبل ماتنزل قالت مشكوووووووووووور يا راكان وربي ما أنسى لك المعروف هذي ولا زم يجي يوم وارده لك وسكرت الباب.
دخلت غرام البيت وارتمت بحضن أمها وجلست تبكي وفهمت أمها السالفه كلها
الأم كانت واقفة من بنتها وكانت مصدقتها لكن الخوف من الأب وقرورا أنهم ما يعلمونه

[عازفه الدموع]

السلام عليكم اختي

ننتظر منك الجديد

لا طولين علينا ^_^

[§Šāᵭ Ǧịʀl §]

مشكـــ(حلوة مرة)ـــــــــــورة...:d