PDA المساعد الشخصي الرقمي

عرض كامل الموضوع : وش قمه القهر برايكم



المدينة
16-02-2002, 12:09
وش قمه القهر برايكم..؟
قمة القهر هي اذا قعدت في حلاق هندي وتقعد تحلق بين الهنود وهم يحشون فيك ؟؟ وانت داري انهم يحشون فيك ؟ بس ماتدري وشيقولون ؟؟

...........................................

قمة القهر هي ... لما تغسل سيارتك وتزركشها وتعلق فيها ريحة السفينه (قديييم) وتسفطها عند باب بيتكم ويجي بزر من بزارين الشارع ويشخطها بسيم من الرفرف الى الرفرف ان خليته بتموت ماراحت حرتك وان جلدته قالوا ايا الهبيل تحط راسك براس بزر ؟؟

...........................................

قمة القهر هي .... لما تشوف برنامج افراح وتهاني وانت توك عزوبي .....................؟

.........................................قمة القهر هي ... لما تشوف لك مزيونه تفطر التسبد وتفقع القلب في سوبر ماركت وتقعد تخطط انك ترقمها وتقعد تشتري اغراض واجد مالها داعي .. حجارات .. وقفل؟ ... وصلصه ؟ .. وتفلس ويوم تجي البنت تاخذ الرقم تكبس عليها امها وتخلي رقمك طايح على الرف ؟؟

............................................

قمة القهر هي ... لما تطيح من طياره وتطيح لك على باص بنات ولاتطيح الا في حضن السايق ؟؟؟

...........................................

قمة القهر هي .... لما تكون في تاسع نومه (كيفي بغير سابع) ومتجود في اللحاف وتوها غافية عينك ويجيك واحد عله ويقومك من النوم ويقولك : انت نايم ؟؟؟؟

..........................................

قمة القهر هي ... لما تكون باز في موترك وكاشخ به وهو دين وعمى عين ويجيك شايب غشيم متعافي ويدعمك لا وتسامحه وهو المخطي وينشب في حلقك ويقول صلح موتري ؟ خصوصا عاد اذا كان موتره دتسن 84 ورفرفها الايمن مصبوغ بمعجون ؟؟

ابو الوليد الجداوي
16-02-2002, 13:31
جميع الحقوق محفوظة للدون كورليوني 2002 :D :D :D :D


::جيد:: ::جيد:: ::جيد:: ::جيد:: ::جيد::

المدينة
16-02-2002, 13:48
سلام ممكن اعرف ايش المشكله اختي
مافهمت ياررررررريت تفهميني

ابو الوليد الجداوي
16-02-2002, 16:56
اختي

معليش كلنا نغلط في هذه الاشياء

ابد ما في مشكلة ولا حاجة بس هذا الموضوع نشر قبل يومين بإسم " آآآه يالقهر والله قهر "

__________________________________________________ __

ومشكور يالمدينه والى الامام ::جيد:: ;) ;) ::جيد::