PDA المساعد الشخصي الرقمي

عرض كامل الموضوع : مواقف مضحكه^_^



cat^_^
13-07-2008, 12:40
السلام عليكم ورحمة الله و بركاته

كيــــفكم ياحــلوين؟؟

اليوم جبت لكم مواقف مضحكه يلا نبدأ مابي أطول عليكم


1- ولا الضالين...
موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس

2- كله من الثلج
تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب (ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج (تبرد) يدين خواتي المهم خواتي سحبوا إحرامه (السفلي) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك ..

3- عسى ما نست
مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..( والله الذكاء)

4- الشغالـة
اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك ..


5- وش اللي صار
فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحتكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع تدفعه وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار …

6- مطر مفاجئ
وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض (الحمرة) في يدها دخلت تغسل يدها وفتحت الحنفية .. ومـادرت الا والدش يصب على راسها !!

7- تحريك جو
فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف ..

8-تطبيق واقعي
وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!

9- نتيجة اللقااااافه
فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!

10-دايماً تصيــــر
وهذي سالفة أمي قامت تلبس شرشف الصلاة تبي تصلي وفجأه رن التلفون ورفعت السماعه وبدل ماتقول ألو قالت الله أكبر هههههههههه وبصراحه عجزت تتكلم ورمت السماعه وطاحت من الضحك ........

>و بــس<

cat^_^
13-07-2008, 12:41
انتظر ردودكم

للفردوس مُشتاقة
13-07-2008, 13:49
هههههههههههههه

من جد مضحكه

spyx-94
13-07-2008, 14:13
خخخخخخخخخخخخ
مشكورة...

ثلاث مشاركات بأقل من ساعة،شكلك حالفة تترسين عداد المشاركات.

مشكورة مرةً أخرى

ساسكي العاشق
13-07-2008, 14:28
ماني قادر اكتب خليني اضحك تـــــــــــــــــــــــــــحـــــــــــــــــــــ ــياتـــــــــــــــــــــــــــي

cat^_^
13-07-2008, 14:51
مشكورين

snow white7
14-07-2008, 12:08
ههههههههههههههههههههههههههه

جميلة اوي

ثانكس

miss_e
14-07-2008, 13:28
ههه هههه ههههه

فعلا مواقف مضحكه

شكرا على الموضوع

cat^_^
14-07-2008, 20:48
هلا والله

تسلمون على الردود
باي^_^

بنوته سويت
15-07-2008, 02:07
لاتعليييييييييييييييييييييييييييييييييييييق

cat^_^
15-07-2008, 14:51
ok

خيال إمرأة
15-07-2008, 14:55
خخخخخخخخخخخخخخخخخخخخخخخ و الله تسلمين أختي ع الموضوع الرووعة

حبوبة ماما
15-07-2008, 14:58
ههههههههههه
صح مواقف مضحكه

teen queen
15-07-2008, 15:39
ههههههههههههههههههههههههههههه
وااااااااااااااااااااااااااااااااو
فطست من الضحك الله يعطيك العافيه
ههههههههههههههههههههههههههههه

E m i k o
15-07-2008, 20:19
في غير مكانه الصحيح

يغلق