قصة حب حلوة واااايد

[نــ الخليج ــور]

قصة حب حلوة واااايد .

نورة صالح بنت كويتية عمرها 22 سنة حلوة وايد , كل من شافها انبهر من جمالها. شعرها اشقر و طويل و ثخين ,نورة تدرس بالجامعة سنة ثالثة بكلية طب الأسنان . نورة كانت من عايلة على قد حالها .
عندها اخو واحد عبدالله 26سنة متزوج من ريم ( 26 سنة ) وعايش في بيت بروحه مع مرته و يشتغل عبد الله مهندس في شركة نفط . أمها وأبوها تزوجوا بعد قصة حب جميلة جدا .
في يوم من الأيام كانت تتمشى مع رفيجتها فاطمة .
فاطمة ارفيجة نورة من أيام الثانوية و تجمعهم صداقة كبيرة و قوية ونورة تحب فاطمة مثل اختها وهم فاطمة تحب نورة وايييييييد بعد .
نورة : فطوم شرايج بهالبدلة .
فاطمة : و الله حلوة .
نورة :خل أدش أجربها.
فاطمة : يللا آنا انطرج هني .
نورة : اوكي .
و بعد خمس دقايق ...
فاطمة : ها شلون البدلة .
نورة : حلوة زينة .
فاطمة: انزين شوفي هذا الحزام .. حلو ؟؟؟
نورة : أي اينن .
فاطمة : صج ؟
نورة : أي و الله .
فاطمة : يللا عيل خنحاسب و نطلع ..
وعقب ما حاسبوا و طلعوا كان في شاب قاعد يراقب نورة لأنه اعجبته من أول ما شافها في الجامعة و هذا الشاب اسمه محمد و محمد مع نورة بالجامعة واهو من زمان يراقبها بس نورة ما تدري .
محمد يدرس مع نورة بنفس الكلية و عمره 24 سنة وهو وحيد امه و ابوه وكان من عايلة غنية شوي .
محمد حب نورة حب مو طبيعي . حبها واييييد او وده ان يكلمها و يقولها عن شعوره .
حسبن : يللا حمود أنت ما مليت ...
محمد : لا ما مليت و راح أظل ألاحقها لين اكلمها و أقولها عن شعوري .
حسين : ومتى بالله .
محمد : بالوقت المناسب ...
وعقب ماخلصت نورة و فاطمة من السوق طلعوا من المجمع و ظل محمد يلاحق نورة لي بيتها .
نورة قطت فاطمة بيتها وردت البيت .
سلمت على أمها و وأبوها و قعدت معاهم بالصالة تسولف وأخوها عبد الله و مرته ريم كانوا موجودين .
نورة: شلونك عبد الله .
عبدالله : تمام الحمد لله .
نورة : وريم اشلونج .
ريم : الحمدلله انتي شلونج .
نورة : آنا و الله زينة .
ريم : دوم إن شاء الله .
نورة : تسلمين .
بدلت هدومها و نامت .
قامت نورة الصبح بتروح الجامعة ونزلت تسلم على أمها و أبوها .
أمها : يللا بنتي قعدي اكليلج لقمة و بعدين روحي الجامعة .
نورة : لا يما متأخرة و ما اقدر إن شاء الله أمر فاطمة ارفيجتي ونتريق مع بعض بالجامعة.
أمها : يللا بحفظ الله يا بنيتي .
نورة : يللا مع السلامة يبا . مع السلام يما .
أمها و أبوها : مع السلامة .
نورة مرت فاطمة و راحوا مع بعض الجامعة .
و بكفتيريا الجامعة ....
فاطمة : نورة آنا بروح شوي و برد اوكي .. نطريني هني .. ماراح أطول .
نورة : اوكي ..
و محمد ظل مع رفيجه يراقب نورة ..
حسين : يللا روح شتنطر بعد قاعدة بروحها ..
محمد : أي الحين بروحلها ..
وراح محمد حق نورة ..
محمد : السلام عليكم .
نورة : وعليكم السلام ..نعم اخوي..
محمد: نورة آنا اسمي محمد ... و آنا صارلي مدة اراقبج ... و آسف على هالكلام بس و الله تأكدي اني ما سويت هالشي إلا لأني احبج و الله احبج ..
نورة (و اهي منصدمة ) : .......
محمد : آنا ادري انج تقولين من وين طلعلي هالصبي بس و الله تأكدي إني احبج . و آنا عرفت وين بيتكم و عرفت رقم موبايلج.. بس و الله تأكدي إني ماراح اضرج و لا أسوي اللي يزعلج .
نورة : بس ...
محمد : نورة انا آسف بس و الله لاني حبيتج . و راح اظل احبج طول عمري .
نورة : انزين من وين عرفتني انت .
محمد : انا سالت عنج بالجامعة و الكل قاللي انج بنت زينة و اخلاقج تهبل .
نورة : ........
محمد : نورة و الله اني احبج و الله ..
نورة : بس يا اخ محمد ..
نورة : لا بس و لا شي فكري بالموضوع و انا مو ياي علشان العب عليج ...
نورة : ......
محمد : يللا انا استاذن الحين . . مع السلامة .
نورة : مع السلامة .
طبعا نورة كانت منحرجة حدها و ما قدرت تتكلم و لا كلمة . وعقب ماراح محمد ..يت فاطمة ..
فاطمة : نورة سوري لاني طولت ؟
نورة : .....
فاطمة : نورة ... نورة ...
فاطمة : ها هلا فطوم متى ييتي .
فاطمة : من زمان ياية وكنت احاجيج و انتي ما تردين .
نورة : فاطمة لما رحتي ياني صبي اسمه محمد و قالي ان يحبني .. و وكان يراقبني وين ما اروح .. و يعرف وين بيتنا و رقم موبايلي .
فاطمة : منو هذا محمد .
نورة : ما ادري آنا أول مرة أشوفه .
فاطمة : نورة ديري بالج ...
نورة : ادري فطوم ..
فاطمة: انزين يللا خروح المحاضرة لا نتأخر.
نورة : يللا.
و لما خلصت محاضرات نورة و فاطمة ارجعوا البيت .
نورة : السلام عليكم .
ام نورة : عليكم السلام . هلا بنتي شلونج .
نورة : الحمد لله تمام .
ام نورة : ها بنتي تبين غدى .
نورة : لا يما مشكورة تعبانة حدي و أبي أنام .
وصعدت نورة دارها تبي تنام و لا يرن تلفونها .
نورة : الو .
محمد : الو هلا نورة .
نورة : هلا و الله منو معاي .
محمد : آنا محمد اللي اليوم بالجامعة .
نورة ( و اهي مستغربة ) : ايي هلا و الله محمد .
محمد : نورة آنا و الله داق بس بقولج إني من يوم ما شفتج عجبتيني و حسيت انج غير عن باجي البنات
و آنا طول الليل قعدت أفكر فيج .
نورة ( و اهي مستانسة ) :......
محمد : نورة ادري ان ماعندج هالسوالف بس و الله إني أبي اتزوجج لأني احبج .
نورة : إن شاء الله الله يقدم اللي فيه الخير و بعدين اذا تبيني انا عندي بيت و عندي اهل تيي تخطبني منهم ...
محمد : إن شاء الله ... نورة ..
نورة : نعم محمد ...
محمد : احبج ..
نورة : محمد بس عاد ..
محمد : ان شاء الله يللا مع السلامة .
نورة : مع السلامة .

[نــ الخليج ــور]

نورة دقت على فاطمة وقالتلها اللي صار .
فاطمة : نورة هذا شكله يحبج و يموت فيج .
نورة : فطوم و الله ما ادري شسوي .
فاطمة : نورة انا قتلج ديري بالج .
نورة : ان شاء الله .
و قعدت نورة و فاطمة يسولفون مع بعض .. و بعدين نورة نامت .
و بليل ..
ام نورة : نورة اشرايج اليوم نروح بيت اخوج عبد الله .
نورة : أي يما خوش فكرة .
ام نورة : ها يا بو عبد الله ما تبي تروح معانا .
بو نورة : لا يا ام نورة روحو انتو انا اليوم معزوم على عرس ولد رفيجي .
ام نورة : خلاص عيل نورة عطيني التلفون خل ادق على ريم اقولها ان بنيي .
نورة : ان شاء الله يما .
و راحت نورة و امها حق بيت عبدالله و قعدو ساعتين و ردوا عقبها البيت .
و في اليوم الثاني .
كانت نورة و فاطمة مارين على الكفتيريا .
نورة : فطوم شوفي هذا الصبي اللي قاعد ... هذا محمد .
فاطمة : ممممم .
نورة : فطوم حلو صح .
فاطمة : اي ... و ليش ؟
نورة : ها لا بس جذي .
فاطمة : اها ... أصلا من أمس كان أمبين انج حبيتيه .
نورة : ها .. لا يعني مو حب حب .. تقدرين تقولين إعجاب.
فاطمة : إعجاب ها .. انزين يالمعجبة خلينا نروح لا نتأخر على المحاضرة.
نورة : ههههه انزين .
محمد شاف نورة واهي مارة .. و دزلها مسج .. " قمر و الله قمر" و نورة قرت المسج و ابتسمت ..
و عقب ما خلصوا نورة و فاطمة من محاضراتهم راحو يتغدون بمطعم . و دقت نورة على أمها علشان تقولها إنها بتتغدى برة مع رفيجتها فاطمة و إن لا تنطرها على الغدى .
بهالاثناء محمد كان يكلم رفيجه حسين .
حسين : حمود شفيك ترى أنت من أمس متغير .
محمد : و الله قاعد أفكر بنورة . و الله حسون أحبها .
حسين : من صجك .
محمد : أي و الله شفيك مستغرب .
حسين : لا و لا شي بس أنت مالك بالهسوالف و أول مرة تحب بنية .
محمد : أي و الله بس هذي غير من أول ما شفتها حسيت أنها غير .... تينن تهبل و أخلاقها زينة .. قعدت طول الليل أفكر فيها .
و ردت نورة البيت عقب تغدت مع فاطمة في المطعم .
قعدت مع أمها و أبوها شوي و صعدت دارها . و لما كانت اترتب كتبها فجأة رن موبايلها .
نورة : الو ..
محمد : الو هلا نورة .
نورة : هلا محمد .
محمد : نورة فكرتي بالموضوع .
نورة : أي محمد بس آنا خايفة .
محمد : خايفة من شنو ؟
نورة : خايفة لا تكون مثل باجي الشباب اللي ياخذون من البنت اللي يبونه و يهدونها .
محمد : لا يا نورة لا و إن شاء الله مع الأيام راح اثبتلج إني غير عنهم .
نورة : إن شاء الله .
محمد: نورة ..
نورة : نعم محمد ..
محمد : احبج ...
نورة : و آنا بعد ... ( وصكرت التلفون على طول )
محمد تأكد إن نورة بدت تحبه و كان مستانس من هالشي وايد .
نورة كانت مستانسة وايد وايد و حبت محمد .
محمد حس براحة عقب ما اتصل على نورة و تطمن منها .
محمد كان كل يوم يفكر بنورة و يتمنى انه يتزوج نورة وتكون من نصيبه..
و صار بليل ويا عبدالله اخو نورة وقرروا انهم يتعشون بمطعم كلهم .
و بالمطعم ... .
ريم : نورة باجر معزومة على استقبال رفيجتي تيين معاي ؟
نورة : أي ليش لأ باجر مريني نروح الصالون مع بعض و بعدين نروح الاستقبال .
ريم : خلاص اوكي .
عقب ما خلصوا ريم و عبدالله قطو نورة البيت و راحو بيتهم .
نورة قعدت على الفراش تتذكر مكالمة محمد .
و لا تدق عليها فاطمة..
فاطمة : هلا نورة وينج .
نورة : سوري فطوم و الله كنت طالعة مع عبدالله اخوي و مرته بالمطعم و لوية و إزعاج و ما سمعته لما رن .
فاطمة : انزين خلاص سامحتج .
نورة :ههههه .
فاطمة : انزين دق عليج محمد ؟
نورة : أي دق .
فاطمة : و شقال .
نورة : قال انه كل يوم يفكر فيني و انه يحبني .
فاطمة : و انتي شقلتيله .
نورة : قتله حتى آنا احبك وصكيت التلفون .
فاطمة : شفتي شلون انج تحبينه و تقولين إعجاب ها .
نورة : هههههه .
و قعدت نورة و فاطمة يسولفون لما داخت نورة و بقت تنام ..
نورة : يللا فطوم انا بروح أنام لأني دخت حدي و اكلمج باجر .
فاطمة : اوكي يللا باي .
نورة : باي .

[نــ الخليج ــور]

و في الصبح ... قامت نورة مبجر و تريقت مع أمها و أبوها .
ابوها : نورة انشاء الله اليوم انا بروح مع امج سوق السمج بنشتري ماجلة حق البيت لا تنطرينا على الغدى .
نورة : انشاء الله يبا .
امها : يللا يا نورة شربي حليبج .
نورة : لا يما خلاص بسي أخاف أتأخر .
امها : بس ما يصير جذي يا نورة كل يوم ما تاكلين .
نورة : يما شسوي بعد وراي محاضرات .. يللا مع السلامة .
أمها و أبوها : مع السلامة .
و في السيارة سمعت التلفون يرن و لما شافت الرقم و لا محمد ..
نورة : الو .
محمد : هلا و الله حبيبتي .
نورة : هلا و الله محمد .
محمد : احبج .
نورة : هههههه .. داق علي عشان تقولي احبج .
محمد : أي كيفي حبيبتي .
نورة :وصلت الجامعة.؟
محمد : لا كاني بالطريج .
نورة : دير بالك بالطريج ..
محمد : ان شاء الله حبيبتي .
نورة : حبيبي انا وصلت عند فاطمة اكلمك بعدين اوكي .
محمد : شنو .... شنو قلتي .
نورة : شنو قلت .. قلت و صلت عند فاطمة أكلمك بعدين .
محمد : لا اللي قبلها .
نورة : اوو محمد بس عاد ترى استحي .
محمد : فديت اللي تستحي .
نورة :مينون .
محمد : من يوم ما عرفتج ينيت .
نورة : يللا حبيبي أكلمك بعدين .
محمد : اوكي حبي يللا باي .
نورة : باي .
ونورة دقت على فاطمة علشان تنزلها بالسيارة .
وراحو الجامعة . وعقب ماخلصوا محاضرات ردو البيت .
نورة دقت على ريم على شان تسألها متى بتيي و يروحون الصالون . وريم قالتلها ان راح تمرها عقب ساعة .
ونورة دقت على محمد : الو .
محمد : هلا بحبيبتي .
نورة : هلا فيك .. وينك ؟
محمد : مع رفيجي حسين بروح المرينا .
نورة : لااا و شتسوي بالمرينا .
محمد : ليش تخافين أطالع بنية غيرج .. تغارييييين ها .
نورة : ها لا ليش أغار أصلا انا داقة عشان أقولك إني بروح مع مرت اخوي استقبال ارفيجتها توها متزوجة فسوت استقبال .
محمد :اوكي ..الفال لنا انشاء الله .
نورة ( و اهي مستحية ) : انشاء الله يللا.
محمد : استحيتي .
نورة : أي استحيت .
محمد : عيل انا احبج و أموت عليج و انتي عمري وحياتي و قلبي و عقلي و كل شي .
نورة : أوله أوله كل هذول مرة وحدة .
محمد : أي مرة وحدة .
نورة : يللا عيل أكلمك بعدين حبيبي اوكي .
محمد: اوكي يللا باي .
نورة : باي .
محمد قال حق رفيجه حسين عن نورة و عن علاقته فيها و اهو يحبها و يموت عليها .
نورة انزلت الصالة تشوف إذا أبوها و أمها يو و لا لا .. لقت انهم ما يو قعدت تطالع تلفزيون و لين الحين ما يو بدت نورة تحاتي . دقت عليهم تلفون مايردون .
دقت على عبدالله تسأله اذا يو عنده بعد الجمعية . و قالها انهم ما يو ولا تحاتي شوي و يون .
شوي و لا يدق ريال و يقول حق نورة ان أبوها و أمها سوو حادث و اتوفوا . نورة قعدت تبجي من قلب و دقت على عبد الله اخوها وقالتله عن الخبر ..
عبدالله : نورة انا ربع ساعة و يايج خليج جاهزة .
نورة و اهية تبجي : انشاء الله .
راحت نورة تبدل بسرعة قبل لا يوصل عبدالله .
و بعد ربع ساعة وصل . وراحو المستشفى .
و لما نورة شافت امها و ابوها طاحت عليهم غشيانة .
و نامت بالمستشفى يومين .
و لما رجعت البيت . لقت محمد داق عليها 15 مرة دقت عليه .
نورة : الو .
محمد : نورة وينج .
نورة بدت تبجي .
محمد : نورة شفيج .
نورة :محمد أمي و أبوي ماتوا .
محمد : عظم الله اجرج نورة و أنا آسف .
نورة : أجرنا و أجرك .
محمد : عيل اكلمج بعدين اكيد انتي تعبانة الحين .
نورة : لا حبيبي عادي ..
محمد : لا عمري روحي ارتاحي ..
نورة :انشاء الله حياتي ..
محمد : يللا باي ..
نورة :باي
و بعد شوي دق عبدالله على نورة :
نورة : هلا عبد الله .
عبد الله: هلا نورة .. اشلونج؟
نورة :تمام الحمدلله .
عبدالله : حبيبتي جهزي كل أغراضج لأن بمرج انا و ريم و باخذج تقعدين عندنا على طول ما يصير تقعدين بروحج بالبيت.
نورة : انشاء الله .
عبدالله : اوكي اذا خلصتي دقي علي يللا باي .
نورة :باي .
قعدت نورة تلم اغراضها و اهيا زعلانة لان بتفارق بيتها اللي تربت فيه .

[نــ الخليج ــور]

دقت فاطمة على نورة تعزيها ...
نورة :الو .
فاطمة: الو هلا نورة .. حبيبتي شلونج ..
نورة : هلا و الله فاطمة .... تمام الحمدلله
فاطمة : عظم الله اجرج حبيبتي ..
نورة : اجرنا و اجرج ...
فاطمة : ميخالف حبيبتي شدي حيلج ...
نورة : ان شاء الله حبيبتي
و قعدو يسولفون .. و كملت نورة لم أغراضها . دقت على عبدالله اخوها عقب ما خلصت ..
ووصل عبدالله بعد ساعة .
عبدالله : نورة اشلونج .
نورة : تمام الحمدلله .
عبدالله : نورة أنا يبتج تعيشين معانا علشان تغيرين جو و تردين نورة اللي نعرفها .
نورة : إن شاء الله .
ريم : يللا عاد نورة بسج زعل كلنا بروح وراهم ..
نورة : .....
وقعدت نورة تتذكر أحلى الأيام مع أمها و أبوها .
لما وصلو بيت عبد الله راحت نورة دارها اللي بتقعد فيها تعدل اغراضها .
و بعد اسبوع ...
محمد : حسون نورة امها و ابوها توفوا .
حسين : لا و الله ..
محمد : أي و الله دقيت عليها كانت تبجي .
حسين : المسكينة ...
محمد : خل أدق عليها أشوف وينها .. من زمان ما دقيت عليها .
و اتصل محمد على نورة :
نورة : هلا حبيبي .
محمد : هلا فيج نورة .. اشلوج ؟
نورة : تمام الحمدلله .
محمد : بس عاد حبيبتي و الله ما يهون علي زعلج .
نورة : انشاء الله .
محمد : نورة ...
نورة : نعم محمد ..
محمد : احبج و أبي اخطبج شلون .
نورة : ها ...
محمد : اشفيها اللي استحت
نورة : ما فيها شي . بس محمد تو الناس نسيت ان أمي و أبوي صارلهم اسبوع ميتين
محمد : أي صح حبيبتي .
نورة : خل ننطر جم شهر بعدين يصير خير .
محمد: أي ان شاء الله .
نورة : حبيبي وين بتروح اليوم .
محمد : و الله يمكن ما اطلع لان باجر عندي امتحان بدرس .
نورة : يللا روح ادرس .
محمد : ان شاء الله يما .
نورة : هههههه يللا باي .
محمد : باي .
و بعد شهرين..
محمد : اوكي يللا باي .
نورة : باي .
وراحت نورة حق ريم تبي تقولها .
نورة : ريم في موضوع أبي اقولج اياه .
ريم : قولي حبيبتي .
نورة : ريم ... اكو واحد معانا بالجامعة قالي يبي يخطبني .
ريم : من وين عرفتيه ؟
نورة : ها قتلج اهو ويانا بالجامعة .
ريم : خلاص حبيبتي انا راح أقول حق عبد الله و يصير خير بعدين .
نورة : مشكورة ريم و الله انج مثل اختي و اكثر بعد .. لولاج ماكنت عرفت شسوي .
ريم : ههههه اشدعوة اشدعوة ..
نورة : هههههه
وصل عبد الله وريم قعدت تقوله .
ريم : حبيبي في موضوع يخص نورة أبي أقولك إياه .
عبد الله : خير اشفيها نورة .
ريم : لا ما فيها شي بس في واحد وياها في الجامعة شافها عجبته و يبي يخطبها .
عبد الله : و هي من وين تعرفه .
ريم :معاها بالجامعة .
عبدالله : بس تو الناس عليه ...
ريم : حبيبي اهو يبي يتزوج و بعدين أنت اسأل عنه و شوفه زين مو زين بعدين يصير خير ...
عبدالله : خلاص خل تعطيني رقمه اكلمه .
ريم : خلاص إن شاء لله راح أقولها و أخليها تعطيك الرقم .
عبد الله: اوكي .

[نــ الخليج ــور]

محمد قعد مع أمه يبي يقولها عن نورة .
محمد : يما ابي أتزوج .
ام محمد : هذي الساعة المباركة يا ولدي عاد انا شايفتلك بنت حلوة وايد . .
محمد : لا يما لا انا ابي وحدة معانا بالجامعة . احبها احبها بس و الله تينن و حلوة و أخلاقها زينة .
ام محمد : خلاص عيل ان شاء الله نروحلهم الأسبوع الياي .
محمد : انشاء الله يما. وباس محمد راس أمه .
وراح على طول يدق على نورة يبشرها.
محمد : هلا بمرتي هلا بحبيبتي.
نورة : هههههه هلا محمد شفيك تو الناس على هالكلام ..
محمد : كيفي .. المهم قلتي حق مرت اخوج .
نورة : أي قلت حق مرت اخوي وقالت حق اخوي و يبي رقك .
محمد : و انا هم قلت حق أمي . و قالت الأسبوع الياي راح تييكم .
نورة: إن شاء الله حبيبي .
محمد : الله يجمعنا مع بعض إن شاء الله .
نورة : إن شاء الله .
محمد : نورة اشرايج اشوفج الليلة بالسوق .
نورة : لا ما قدر حبيبي اليوم .
محمد : ليش شعندج ؟
نورة : حبيبي اشتقت حق فطوم رفيجتي و بروحلها البيت اليوم .
محمد : اوكي .. بس لا تتأخرين
نورة : ههههه انزين
محمد : يللا باي .
نورة :باي .
راحت نورة حق عبد الله و عطته رقم محمد . و قال راح يدق عليه باجر . قالتله انها بتروح حق رفيجتها فاطمة .
و بعدين دقت على فاطمة على شان تقولها انها بتيي.. و لما راحت نورة حق فاطمة ...
نورة : هلا و الله فطوم .
فاطمة : هلا فيج .
فاطمة : بشريني شصار مع محمد .
نورة : أي ما قتلج انا قلت حق ريم مرت اخوي وقالت حق عبدالله و عبد الله خذا رقم محمد بدق عليه و محمد قال حق أمه عني و بيون الاسبوع الياي يخطبوني .
فاطمة : صج مبروك مبروك . . و الله و بتزوجين يا نورو..
نورة: الفال لج إن شاء الله .
فاطمة : إن شاء الله .
بعد ساعة ..
نورة : يللا حبيبتي انا بروح الحين لأني طولت .
فاطمة : قعدي تو الناس نورة .
نورة : لا حبيبتي بروح انشاء الله يوم ثاني يللا مع السلامة .
فاطمة : مع السلامة .
و لما راحت نورة البيت دقت على محمد ..
محمد : احبج ..
نورة : وانا بعد ...
محمد : متى يصير الاسبوع الياي .
نورة : واااي لهالدرجة مستعيل .
محمد : و أكثر بعد .. متى نقعد بروحنا و محد معانا .
نورة : ههههههه .
و بعد ربع ساعة من السوالف نامت نورة و اهي تحلم بيوم عرسها .
و في الصبح قامت نورة و اهي مستانسة .
ومرت نورة فاطمة . وصلوا الجامعة .
نورة دقت على محمد.
نورة : الو.
محمد : الو هلا نورة .
نورة : هلا حبيبي اشفيك ليش صوتك متغير .
محمد : لا حبيبتي مافيني شي بس تعبان شوي .
نورة : سلامتك حبيبي ما تشوف شر .
محمد : الشر ما ييج .
نورة : حبيبي انا دقيت عليك عشان اقولك ان اليوم اخوي عبدالله بدق عليك .. اوكي لا تنسى .
محمد : إن شاء الله .
نورة : يللا عيل انا بروح لان الحين بدخل المحاضرة.
محمد : اوكي حبيبتي .. يللا باي.
نورة : باي .
دخلت نورة المحاضرة و عقب ما خلصت نورة من محاضرتها ..
و بعد ساعة ..
عبد الله : الو السلام عليكم .
محمد : و عليكم السلام منو معاي .
عبد الله : انا عبد الله اخو نورة .
محمد : أي ياهلا اخوي و الله انا شفت نورة بالجامعة و سألت عنها و لقيت اخلاقها وايد طيبة وودي ان أتزوجها و آنا قلت حق أمي عن نورة بس انا ناطر تعطوني موعد علشان نيي آنا و أمي و أبوي .
عبد الله : اوكي اخوي اليوم الثلاثة الخميس زين ؟
محمد : أي اخوي وايد زين .
عبد الله : ياللا عيل انشوفك الخميس ان شاء الله .
محمد : إن شاء الله مع السلامة .
عبدالله : مع السلامة .
دق محمد على نورة يقولها شنو صار و استانسوا اهم الاثنين وايد.

[نــ الخليج ــور]

و صار يوم الخميس موعد الخطبة .
فاطمة : واي نورو تهبلين ما شاالله .
نورة :تسلمين حبيبتي و الفال لج انشاء الله انشوفج فبيت ريلج .
فاطمة : يصير خير خنخلص منج بعدين يصير خير .
نورة : هههههههه
ريم : ها خلصتوا ترى يو الناس .
نورة : أي خلصنا . ريوم شلون شكلي .
ريم : زين و الله زين بس يللا .
نورة : واي خايفة حدي .
فاطمة :لاتخافين سمي بسم الله و دخلي .
نورة : إن شاء الله .
ريم : يللا نورة .
نورة : كاني ياية وراج .
و دخلت نورة عند أم محمد الأم أول ما شافتها سمت بسم الله عليها من جمالها .
ام محمد :اسم الله عليج يا بنتي يامرت ولدي تعالي عندي تعالي .
نورة : تسلمين خالتي .
و قعدوا يسولفون و أم محمد اعجبتها نورة .
اما الرياييل :
عبد الله : ان شاء الله بس عطونا جم يوم نسأل عن محمد و ما يصير إلا الخير .
بو محمد : خلاص انشاء الله لنا يية ثانية .
عبد الله : أي اكيد انشاء الله .
بو محمد : يللا عيل نستأذن احنا .
عبد الله : لا يا عمي تو الناس خلكم قاعدين .
بو محمد : لا ياولدي ورانا شغل باجر اليايات اكثر من الرايحات . يللا مع السلامة .
عبد الله : مع السلامة انشوفكم على خير .
بومحمد : انشاء الله .
محمد طبعا كان يستحي فما تكلم وايد .
نورة كانت طايرة من الفرح و فاطمة كانت فرحانة حق نورة وايد .
طبعا محمد أول ما وصل البيت دق على نورة ....
نورة ما ردت كانت قاعدة مع اخوها و مرته بالصالة عقب ما راحت فاطمة .
فدق محمد على رفيجه حسين يقوله شصار .
حسين : اشعليك اشعليك . و الله وبتتزوج يا حمود .
محمد : أي عيل اشعبالك .
حسين : لي كون تنسانا عاد .
محمد : لا شدعوة عاد . عيل اخليك الحين لان بدق على نورة .
حسين : اوكي عيل يللا باي
محمد : باي .
ودق محمد على نورة .
نورة :هلا حبيبي .
محمد: ها حبيبتي وينج .
نورة : حبيبي كنت قاعدة بالصالة مع اخوي و مرته .
محمد: اها تدرين اني مستانس حدي .
نورة :هههه و انا بعد .
محمد : اوريج لما نتزوج .
نورة : حمود بس عاد .
محمد : عيديها عيديها ههه.
نورة ( و اهي مستحية ) : اوو محمد بس عاد .
محمد : انزين انزين . عيل اخليج انا الحين لاني تعبان حدي .
نورة : سلامتك حبيبي .
محمد : الله يسلمج .. يللا حبي باي .
نورة : باي .
و في اليوم الثاني راح عبد الله يسأل عن محمد و لقاه خوش صبي و الكل يحبه . ووافق عليه . و دق على محمد عشان يحدد موعد يتجمعون فيه و يحددون موعد للملجة .
وتم تحديد موعد الملجة بعد اسبوعين .
نورة كانت رايحة السوق مع ريم و فاطمة السوق تشتري نفنوف حق الملجة ..
نورة : ها حلو ...
فاطمة : أي يهبل .. و الله حلو ..
ريم : أي وايد حلو ...
نورة : خلاص عيل ناخذ هذا ..
ريم : يللا عيل .
و بنفس الوقت ...
حسين : الحين باقي اسبوع وتتزوج .. ليكون تغيرك مرتك علينا ..
محمد : لا حبيبي نورة طيبة مو مثل باقي الحريم . ياللا يالشاطر انت ليش ما تتزوج .
حسين : و الله تبي الصج .. انا حاط عيني على فاطمة رفيجة نورة ..
محمد : لا و الله و كل هالوقت ساكت ما تتحجى ..
حسين : ها لا انا كنت ناطر انت تتزوج بعدين انا يصير خير علي ..
محمد : اها ...
و عقب ماردت نورة و ريم البيت ..
نورة دقت على محمد ..
نورة : حبيبي توني رادة رحت شريت نفنوف الملجة ..
محمد : صج ... و الله ماني قادر انطر ..
نورة : ههههه
محمد : تعالي ماقتلج ..
نورة : شنو .
محمد : حسين رفيجي حاط عينه على رفيجتج .
نورة : منو فاطمة .
محمد: أي .
نورة : صج ؟؟؟ و الله انها خوش بنية و الكل يحبها .
محمد : أي اهو قال بس اخلص و اتزوج انا اهو بعدين يصير خير .
نورة : أي و الله يصير خير .
محمد : ما تبين تنامين .
نورة : امبلا عاد و الله دايخة حدي اليوم ما خلينا مكان بالكويت الا و رحناله .
محمد : الله يعطيج العافية حبيبتي .
نورة : الله يعافيك .
محمد : يللا حبيبتي مع السلامة.
نورة : مع السلامة.

[نــ الخليج ــور]

ووصل موعد الملجة .
ريم : و الله تذكرت يوم زواجي . كنت حدي خايفة ..
نورة : وهذا شعوري الحين .
ريم : لاتخافين كلشي راح يعدي بخير ان شاء الله .
نورة : ان شاء الله .
و بالملجة الكل كان مستانس حق نورة و و البنات كانوا يتمنون ان يكونون مثلها و فاطمة كانت حدها مستانسة حق نورة ...
و وصل الملاج ..
نورة : موافقة .
و دخل عقبها محمد مع عبدالله و عم نورة و دخلوا عقبهم الرياييل عشان يسلمون و يباركون حق محمد ...
و بعد ما انتهت الملجة محمد اخذ نورة و راحوا يتعشون برة .
نورة : .....
محمد : نورة اشفيج ساكتة .
نورة : ها مافيني شي ..
محمد : اخيرا صرتي مرتي ...
نورة : هههه
محمد : نورة اشفيج احسج زعلانة و متضايقة ..
نورة : لاحبيبي مافيني شي بس تمنيت امي تكون معاي بهاليوم .
محمد : يللا عاد حبيبتي ... احنا ما صدقنا على الله نكون مع بعض الحين تزعلين .
نورة : ......
محمد : انزين احنا الحين ملجنا مو الا نسوي عرس .
نورة : كيفك حبيبي الي تشوفه .
محمد : كيفج حبيبتي تبين و لا لا .
نورة : و الله عادي .
محمد : انزين يللا قومي خل اقطج البيت لا تتاخرين ..
نورة : يللا .
و في البيت ..
نورة قعدت مع ريم و عبدالله .
نورة : محمد قال ماله داعي نسوي عرس .. بس نسوي حفله صغيره بين الأهل و بعدها نكون تخرجنا و نسافر مع بعض .
عبد الله : أي صح و الله خوش فكرة .
ريم : أي صح احسن .
نورة : يعني اقوله اني موافقة .
عبد الله : كيفج بس انا اقولج احسن شلج بالمصاريف و التعب .
نورة : اوكي خلاص .
و في اليوم الثاني محمد مر نورة البيت وراحوا تغدوا مع بعض ..
نورة : حبيبي انا فكرت بالموضوع و قلت احسن شلنا بالمصاريف نسوي حفلة صغيرة و بس
محمد : اوكي خلاص شوفي متى يناسبج و انا حاضر.
نورة : حبيبي احنا ما بقالنا الا جم شهر و نتخرج ان شاء الله عقب ما تتخرج خنقدم على شغل و ناسفر على طول .
محمد : اوكي .
و العصر ........
فاطمة : هلا بالعروس.
نورة : هلا فيج حبيبتي .
فاطمة : اشلونج ؟
نورة :تمام الحمدلله .
فاطمة : بتداومين الأحد ؟
نورة :أي لا ماباقي شي على الامتحانات و راح نتخرج و عقبها راح نسوي حفلة صغيرة و نسافر على طول.
فاطمة : يللا الله يوفقج .
نورة : فطوم بقولج شي .
فاطمة : شنو قولي .
نورة : ترى محمد قالي ان حسين ارفيجه حاط عينه عليج و يبي يتزوج ..
فاطمة : من صجج ؟
نورة : أي و الله ...
فاطمة : يصير خير بعدين .
نورة : ان شاء الله يللا عيل اكلمج بعدين لان ببدل الحين و بطلع مع محمد.
فاطمة : اوكي حبيبتي باي.
نورة : باي .
فاطمة صكرت التلفون و اهي مستانسة من اللي سمعته .
و بعد شوي ..
محمد : الو هلا نورة .
نورة: هلا محمد تعال انزل البيت شوي لان ما خلصت .
محمد : اوكي حبيبتي باي .
نورة : باي .
محمد نزل البيت و قعد مع عبد الله يسولفون شوي و لا تنزل نورة .
محمد : ها نورة خلصتي .
نورة : أي بس اعدل حجابي هني عند المنظرة و اخلص .
محمد : ييلا عيل عبد الله نشوفك بعدين .
عبدالله : ان شاء الله . مع السلامة .
محمد : مع السلامة .. نورة انا ناطرج بالسيارة ..
نورة : اوكي ماني مطولة .
و عقب ما طلعت نورة للسيارة ...
نورة : حبيبي تدري ان الامتحانات قربت فما اقدر اطول معاك اوكي خل نرد البيت مبجر عشان ندرس مع بعض اوكي ..
محمد : ان شاء الله . بس بنروح بيتنا و عقبها نرد مع بعض.
نورة : اوكي ..
ووصلوا نورة و وعبد الله بيت اهل عبد الله و كان الكل ينطرهم بالبيت لان بو محمد كان مسوي عزيمة عودة حق ولده ..
ام محمد : هلا بحبيبتي هلا ببنتي تعالي تعالي قعدي يما .
نورة : ان شاء الله خالتي .
محمد: شنو يما نسيتيني .
ام محمد : شنو بعد تغار من مرتك ...
نورة : هههههه
و بعد ساعتين من السوالف و الضحك مع الكل .
نورة : اهمست باذن محمد : حمود حبيبي ما تبي تروح .
محمد : يللا حبيبتي الحين .
نورة : اوكي
و بعدها راحو لبيت نورة و قعدوا نورة و محمد يدرسون مع بعض .
و عقب جم شهر تخرجوا محمد و نورة....
و عقب الحفلة و بالمطار ..
ريم : ديري بالج حبيبتي على نفسج .
نورة : انشاء الله .
ام محمد : يما حبيبي اول ما توصل دق علي طمني .
محمد : ان انشاء الله يما لا تحاتين .
عبد الله : يللا بو جاسم تروحون و تردون بالسلامة .
محمد : الله يسلمك . يللا مع السلامة .
الكل : مع السلامة .. تروحون و تردون بالسلامة .. ديروا بالكم على نفسكم ..
ووصل موعد الإقلاع و صعدت نورة ومحمد الطيارة و بالطيارة ..
نورة : حمود حدي خايفة .
محمد : تخافين و انتي معاي .
نورة : كل ما اركب من الطيارة اييني شعور غريب ما ا دري شلون .
محمد : لاتخافين حبيبتي حطي راسج و نامي و على ما تقومين نكون و صلنا .
وحطت نورة راسها على جتف محمد و حضنت ايده .
محمد كان يطالع نورة و يبتسم .
و بعد 16 ساعة بالجو عشان يوصلون لفرنسا و مع التعب
محمد : نورة حبيبتي يللا وصلنا .
نورة : ان شاء الله يللا .
و عقب ما ختموا جوازاتهم ..
قعدوا ينطرون سيارة تكسي ..
محمد : كا سيارة خل اوقفها .
ووقف محمد التكسي و وصلهم الفدق اللي بيقعدون فيه .
محمد : نورة مو تعبانة .
نورة : امبلا حبيبي تعبانة حدي .
محمد : يللا عيل خنام .
نورة ( و اهي مستحية ) : انشاء الله .
محمد : هههههههه

[نــ الخليج ــور]

و بالكويت ....
ريم : حبيبي خندق على نورة و محمد و معقولة لي الحين ما و صلوا ...
عبدالله : اخاف الحين نايمين خلينا ننطر شوي...
ريم : ان شاء الله حبيبي ...
عبد الله : ريم .. تعالي شوي ابيج .
ريم : نعم حبيبي ..
عبد الله : تفضلي ... هذي هدية عيد زواجنا ..
ريم : مشكور حبيبي و الله لا يحرمني منك ان شاء الله بس ترى انا مو ناسية انا عازمتك على مطعم اليوم بليل .
و فرنسا ....
نورة : حبيبي .
محمد : .....
نورة : محمد يللا قوم ..
محمد :صباح الخير يا أحلى عروس بالدنيا ...
نورة : صباح النور يا احلى زوج بالدنيا ..
نورة : حبيبي يوعان ..
محمد : أي و الله حدي يوعان .. امس ما كليت و لا شي ..
نورة : انزين يللا حبيبي قوم غسل على ما اطلب الاكل .
محمد : اوكي .
نورة : احبك ..
محمد : و انا أكثر .
و بعد ربع ساعة ...
نورة : نعيما حبيبي ..
محمد : ينعم بحالج .
نورة : حبيبي دقيت على خالتي .
محمد : اووووه حبيبتي و الله نسيت .
نورة : انزين يللا حبيبي اخذ التلفون و دق لا تحاتي و انا بدق على عبد الله و ريم .
محمد : اوكي .
محمد : الو ... هلا يبا اشلونك شخبارك
بو محمد : بخير يا ولدي بخير و انتو شلونكم وشلون نورة ..
محمد : بخير يبا كاهي يمي ...
بومحمد: عطني اياها .
محمد : ان شاء الله يبا .
نورة : الو هلا عمي اشلونك .. شخبارك .. عساك بخير
بومحمد : الحمد لله كلنا زينين و ننطركم .
نورة : الحمد لله عمي .. عمي وين خالتي .
بو محمد : لحظة يابنتي الحين اناديها .
و بهالوقت كان محمد يطفر نورة ..
نورة : محمد بس ...
محمد : ههههههه
نورة : الو هلا خالتي
ام محمد : هلا بنتي هلا بحبيبتي اشلونكم شخباركم . ان شاء الله زينين .
نورة: الحمد لله خالتي كلنا زينين .
ام محمد : الحمد لله ... نورة حبيبتي وين محمد ؟
نورة : كاهو خالتي .. حمود خالتي تبيك .
محمد : الو هلا يما هلا حبيبتي .
ام محمد : هلا بولدي شلونك ؟
محمد : تمام الحمدلله .
ام محمد : يللا يا ولدي عاد الحين انت تزوجت تشطر انت و مرتك و ييبولنا جم ياهل ... ها
محمد ( يطالع نورة و يضحك ) : ان شاء الله يما .
ام محمد : يللا يا ولدي اخليك انا الحين .
محمد : يللا مع السلامة .
ام محمد : مع السلامة .
محمد : نورة وين رايحة .
نورة : ها لا بشرب ماي .
محمد : بتشربين ماي هاا ..
نورة : هههههه
محمد : تعالي يللا تعالي الحين .
نورة : ......
و بالكويت ....
ام فاطمة : فاطمة يما شلون رفيجتج نورة ؟
فاطمة : يما و الله امس سافرت ؟
ام فاطمة : يللا ترد بالسلامة ان شاء .
فاطمة : ان شاء الله خل ادزلها مسج " هاي شلونج شخبارج ترى اشتقنالج "
ام فاطمة : فاطمة يما قومي دقي على اخوج خل ايي مع مرته و عياله ..
فاطمة ان شاء الله يما الحين أدق .
و دقت فاطمة على اخوها خالد :
فاطمة : الو هلا خالد .
خالد : الو هلا فاطمة .
فاطمة : خالد امي تقول ليش ما تيي اليوم غدى مع مرتك و عيالك .
خالد : خلاص ان شاء الله نصلي الظهر و نيي.
فاطمة : اوكي يللا باي .
خالد : باي .
و عقب اسبوع ...

[نــ الخليج ــور]

و بفرنسا ...
نورة : حبيبي خل نطلع .
محمد : يا حبكم يالحريم للسوق . صارلج اسبوع و انتي تطلعين .. اليوم ما في طلعة ها ههههه
نورة ( مستحية ) : ها لا مابي مابي بطلع .
محمد : هيهي ماكو طلعة .
نورة : انزين ..
و بالكويت ...
عبد الله : ريم يللا حبيبتي تاخرنا .
ريم : حبيبي روح انت مالي خلق تعبانة . روح انت .
عبد الله : ريم اشفيج ..
ريم : ما ادري راسي يعورني و دايخة .
عبد الله : انزين قومي خل اوديج الطبيب .
ريم : لا الحين اخذ بندول و يصير زين .
عبد الله : لا يللا الحين قومي لبسي و ادق على عمي اتاسف منه .
ريم : ان شاء الله .
و عقب مالبست ريم و راحوا الطبيب .
الدكتور : مبروك يا اخ عبد الله مرتك حامل .
عبد الله : من صجك دكتور ..
الدكتور :أي و الله .
ريم : ههههههه
و طلعت ريم مع عبدالله من المستشفى .
و بالسيارة ..
عبد الله : مبروك حبيبتي .
ريم : الله يبارك فيك .
عبد الله : يللا عاد الحين على طول بيت عمي عشان نبشرهم .
ريم : هههه ان شاء الله .
عبد الله : خل ادق على نورة ابشرها .
عبد الله : الو هلا نورة .
نورة : هلا عبد الله اشلونك و شلون ريم .
عبدالله : بخير الحمدلله.
نورة : الحمد لله .
عبد الله : نورة ابشرج ريم حامل .
نورة :صج ؟؟ مبروك مبروك .... وينها عطني اياها.
عبد الله : اوكي .
ريم : الو هلا نورة شلونج شخبارج .
نورة : الحمدلله مبروك يا ريم ؟
ريم : الله يبارك فيج . متى بتيون ترى طولتوا ؟
نورة : احنا ماراح نقولكم متى بنيي مفاجئة ههههه.
ريم : ههههه يللا تردون بالسلامة ان شاء الله .. يللا مع السلامة .
نورة : مع السلامة .
نورة : حبيبي يحليلها ريم مرت اخوي حامل .
محمد : صج مبروك .
نورة : الله يبارك فيك .. اخيرا بصير عمة .
محمد : وماتبين تصيرين ام .
نورة : ههههه لا تو الناس .
محمد : هههههه .
و عقب يومين ...
محمد : يللا حبيبي ترى بنتاخر على الطيارة .
نورة : ان شاء الله حبيبي كاني ياية .
محمد : يللا .
و عقب ماراحوا المطار و بالطيارة ...
نورة : اخيرا بنرجع ...
محمد : ليش مليتي ...
نورة : لا ما مليت معقولة امل منك انت حبيبي و حياتي و كل شي بس اشتقت حق الكويت .
محمد: أي و الله .
و بعد وصالهم الكويت .. كان الوقت العصر ...
راحوا لبيت اهل محمد ....
رن الجرس .
بو محمد : منو اللي ياينة هالحزة ؟
ام محمد : ما ادري الله يستر ..
بومحمد فتح الباب .
بومحمد : هلااااااااااااااا هلا بولدي هلا بحبيبي الحمدلله على السلامة .
محمد : الله بسلمك يبا .
بومحمد : اشلونج يا نورة . تمام بخير عمي الله يسلمك .
ام محمد : هلاااااااااا هلا بحبيايبي هلا بالعرسان هلا ببنتي هلا بولدي .
محمد : هلا فيج يما .
نورة : هلا فيج خالتي .
و قعدوا نورة ومحمد يسولفون مع ام محمد و بو محمد و صعدوا دارهم يرتاحون و عقب ما ارتاحوا راحوا حق بيت عبد الله وقعدوا ساعتين و ردوا البيت ...
محمد : الو هلا و الله بحسون القاطع اللي ما يسأل
حسين: هلا فيك الحمد لله على السلامة .
محمد : ها لين الحين حاط عينك على فاطمة .
حسين : أي ياخوي ولي باجر.
محمد : هههههه خلاص انا راح اخلي نورة تكلمها و تقولها.
حسين : اوكي عيل انشوفك ها ..
محمد: ان شاء الله ... يللا مع السلامة.
حسين : مع السلامة .
محمد : يحليله حسون لي الحين حاط عينه على فاطمة .
نورة : صج خل ادق على فطوم اشوف شلونها شخبارها و اقولها مرة وحدة .
محمد: اوكي عيل انا نزل عند امي و ابوي و ارجع اوكي حياتي .
نورة : اوكي .
و دقت نورة على فاطمة ...
فاطمة : الو هلا بنورة هلا حبيبتي اشلونج شخبارج الحمدلله على السلامة .
نورة : هلا فيج فطوم ..
فاطمة : استانستي ..
نورة : أي الحمدلله حمود مو مخلي علي قاصر .. المهم بقولج شي
فاطمة : قولي .
نورة :فطوم توة محمد دق على حسين رفيجه و ترى حسين قال انه يبيج .
فاطمة : أي حسين .
نورة :حسين اللي قتلج انه يحبج .
فاطمة : ها ....
نورة : ههههههه
و عقب ما خلصوا نورة قالت حق فاطمة انها بتعطي رقمها حق محمد عشان يعطيه حق حسين عشان يدق عليها و يتفقون مع بعض و فاطمة وافقت . وعقبها نزلت نورة تحت حق ريلها ..
و لصقت نورة بريها لأنها مازالت تستحي من اهل ريلها ...
نورة : حبيبي اخذ رقم نورة عطه حق حسين علشان يدق على فاطمة و يتفقون مع بعض ..
محمد :اوكي حبيبتي .
بنت عم محمد : نورة اشلونج شخبارج ..
نورة : تمام الحمدلله
بنت عم محمد : دوم ان شاء الله .
نورة : تسلمين حبيبتي .
و عقب السوالف راح الكل بيته و صعدوا نورة و محمد دارهم .

[نــ الخليج ــور]

و عقب ستة اشهر...
عبد الله : حبيبتي تعبانة .
ريم : لا حبيبي مافيني شي .
عبدالله : انزين شرايج نعزم نورة و محمد على مطعم .؟
ريم : خوش فكرة دق على محمد و قوله .
عبد الله : اوكي.
ودق عبد الله على محمد ..
محمد : اوكي ان شاء الله كلها نص ساعة و نيي ..
عبد الله : اوكي يللا عيل مع السلامة .
محمد: مع السلامة .
محمد: حبيبتي عبد الله اخوج عازمنا على العشا برة .
نورة :اوكي متى ؟
محمد: الحين .. انا قتله نص ساعة ونيي .
نورة : اوكي عيل اصلي و البس ان شاء الله .
محمد : اوكي .
و لما وصلوا محمد و نورة عند بيت عبد الله راحوا مع بعض المطعم ...
و بالمطعم ..
نورة : ريوم جم صارلج الحين .
ريم : انا الحين بالسابع .
نورة : شعليك يا عبد الله كلها شهرين و بتصير ابو ..
عبد الله : الفال لكم ان شاء الله .
نورة (بخجل ) : ان شاء الله .
و محمد يطالع نورة و يضحك .
و عقب ما خلصوا من المطعم كلمن رجع بيته ..
و فبيت ريم و عبد الله ..
ريم : حبيبي شفت نورة و محمد لا يقين على بعض صح .
عبد الله : أي و الله الله يتمم عليهم .
ريم ان شاء الله .
اما عند فاطمة ..
فاطمة : الو ..
حسين : الو هلا فاطمة .
فاطمة : هلا و الله منو ...
حسين : فاطمة انا حسين ..
فاطمة ( وهي مرتبكة ) : هلا حسين هلا و الله.
حسين : هلا فيج .. انا بقيت اقولج اني حبيتج من اول ما شفتج ..
فاطمة : .....
حسين : فاطمة ..
فاطمة: نعم حسين ..
حسين : شقلتي ..
فاطمة : و الله ياحسين انا مالي بهالسوالف و انا عمري ما كلمت شباب و لاراح أسوي هالشي ...
حسين : لا يافاطمة فهمتيني غلط انا مو هذا قصدي . وانا ....
فاطمة : انت شنو ..
حسين : انا .. انا ابيج كزوجة ..
فاطمة (و اهي مستانسة ) : ......
حسين : فاطمة انا ابي رقم ابوج او اخوج او أي احد اخطبج منه ..
فاطمة : انا ابوي مات من زمان راح اعطيك رقم اخوي خالد ...
حسين : الله يرحمه ...
فاطمة : اخذ الرقم *******
حسين : اوكي يللا باي .
و بعدين فاطمة بقت تدق على نورة تبشرها بس تذكرت انه الحين الوقت تاخر فبتقولها باجر.
اما عند نورة ...
محمد : حياتي شرايج باجر نروح السينما .
نورة :كيفك حبيبي .
محمد : نورة ..
نورة: نعم حبيبي.
محمد : احبج .
نورة :ههههه و انا بعد .
و في اليوم الثاني ...
ام محمد : يللا يا محمد يللا يا نور قعدوا تغدوا معانا .
محمد : لا يما انا عازم نورة على الغدى اليوم .
ام محمد : يللا عيل بالعافية .
نورة :الله يعافيج خالتي ..

حسين راح يقول حق امه عن فاطمة و انه راح يخطبها ...
ام حسين : مبروك ياولدي مبروك .
حسين : الله يبارك فيج يما ..
ام حسين : يللا ان شاء الله نشوف عيالك يارب .
حسين : ان شاء الله يما ...

و بعد شهرين ...
حسين تقدم حق فاطمة ..
خالد : مبروك اخوي حسين ..
حسين : الله يبارك فيك .
محمد : مبروك مبروك .
حسين الله يبارك فيك .
محمد : يللا كلها جم اسبوع و تملجون و خلاص .
حسين : أي و الله انتم السابقون و نحن اللاحقون .
محمد : هههههه .
اما في بيت عبد الله .
عبد الله : ريم حبيبتي اشفيج ..
ريم : لاحبيبي مافيني شي .
عبدالله : شنو مافيج شي طالعي ويهج اصفر .
ريم : آآيي..
عبد الله : ريييم قومي بدلي خل اوديج المستشفى يللا بسرعة .
ريم : ان شاء الله .
و عقب ماراحوا المستشفى ..
عبد الله دق على نورة يقوللها تروح معاه المستشفى ..
نورة : ان شاء الله خمس دقايق و انزل ..
و عقب ماراحوا المستشفى ...
نورة : الو هلا حبيبي .
محمد: هلا فيج .. وينج ..
نورة : اووه آسفة حبيبي بس ريم بالمستشفى و قاعدة تولد و عبدالله اخوي مرني و نسيت ادق عليك .
محمد: صج مبروك مبروك حبيبتي .
نورة: الله يبارك فيك .
محمد : يللا كلها ربع ساعة ويايكم .
نورة :اوكي. يللا باي .
محمد: باي .
ونورة دقت على فاطمة تبارك لها و تبشرها عن ريم ..
فاطمة : مبروك يانور .
نورة : الله يبارك فيج حياتي . و انتي هم مبروك .
فاطمة : الله يبارك فيج .
نورة : لحظة شوي نورة ... هلا حبيبي شلونك ؟
محمد : تمام الحمدلله ..
نورة : اي فاطمة .... بعد الحين خلاص بتزوجين و بنفرح فيج .
فاطمة : ههههه
و بعد ما خلصوا سوالف .
نورة : الله يقومها بالسلامة ان شاء الله عبدالله لاتحاتي .
عبد الله ( كان خايف حده على مرته ) : ان شاء الله .
محمد ( يساسر نورة ) : الفال لج ان شاء الله .
و طلع الدكتور من الغرفة : منو زوجها .
عبد الله : انا يا دكتور ها بشر .
الدكتور : مبروك يالك ولد ..
عبد الله : الله يبارك فيك يا دكتور .
نورة :مبروك يا خوي.
محمد : مبروك عبدالله .
عبدالله : الله يبارك فيكم ..
و عقب ما طلعت ريم من غرفة الولادة .. و راحت على الغرفة الخاصة ... الكل راح معاها .
عبدالله : محمد ليش ماتاخذ نورة وتروحون شوفها شلون تعبانة .
محمد : لا يا خوي اشلون نهدك بروحك .
عبد الله : مشكور و ما قصرت يامحمد بس و الله نورة شكلها تعبانة
محمد : اوكي ... نورة ..نورة.. يللا حبيبتي ما تبين تروحين البيت .
نورة : يللا حبيبي ان شاء الله .
و ردوا محمد و نورة البيت .

[نــ الخليج ــور]

وفي اليوم الثاني ...
فاطمة : حبيبي اليوم بروح اشتريلي بدلة حق الملجة مع نورة .
حسين : هههه تبيني ايي معاكم .
فاطمة : لا و الله شتبي تيي معانا .
حسين : لا يعني اعرض خدماتي عليكم .
فاطمة : مشكور مانبي خدماتك ... ههههه خلها عقب الزواج
حسين : هههههه
و في يوم الملجة ...
نورة : ما شاء اله عليج يا فاطمة .. مثل القمر .
فاطمة: تسلمين حياتي.
و بالملجة نورة كانت فرحانة حيل حق فاطمة و ماهدت فاطمة و لا لحظة ...
و بعد الملجة و فبيت نورة .
محمد : يحليلهم و الله و تزوجوا.
نورة :أي و الله الله يهنيهم .

و بعد شهرين .
نورة : حمود تكفة وخر عني .
محمد : نورة اشفيج .
نورة : ما اقدر اقعد يمك وخر تكفة وخر .
محمد : نورو ليكون حامل .
نورة : ها لا ما اعتقد .
محمد : ما تعتقدين ها انزين قومي خلنروح الطبيب نتاكد .
نورة : لا خلها باجر مالي خلق .
محمد : لا يللا الحين .
نورة : انزين واااي
و بالطبيب .
الدكتور : مبروك اخت نورة انتي حامل .
محمد : شنو... حامل.... مبروك مبروك يا ام جاسم .
نورة : الله يبارك فيك حبيبي.
ونورة دقت على فاطمة تبشرها ...
فاطمة : مبروك نورة.
نورة : الله يبارك فيج حبيبتي الفال لج ان شاء الله .
فاطمة : ههههه تو الناس خل أتزوج أول
نورة : ان شاء الله
و بعدها وصلوا بيتهم ..
نورة : قوة خالتي .
ام محمد : هلا بنتي شلونج شخبارج
نورة : تمام الحمدلله.
محمد : يما وين ابوي.
ام محمد : و الله يما ابوك طالع
نورة :خالتي عندي لج خبر حلو.
محمد : أي يما سمعي سمعي .
ام محمد : قوللوا اشفيكم .
نورة : خالتي انا.... انا حامل .
ام محمد : صج يا بنتي و الله فرحتيتني الله يبشرج بالخير مبروك مبروك ياولدي .
محمد : الله يبارك فيج يما .
نورة : هههههه
و دخل عليهم بو محمد ...
بومحمد : ها شعندكم مستانسين عسى دوم ان شاء الله .
محمد : يبا نورة حامل .
بو محمد : صج ... مبروك ياولدي ... مبروك يا بنتي .
و كان الكل فرحان للخبر .
و بعدين دقت نورة على ريم تقولها الخبر .
ريم : مبروك حبيبتي .
نورة : الله يبارك فيج .
نورة : تعالي شلون حمني
ريم : و الله بخير مو مخليني انام بليل .
نورة : يما انا بصير فيني جذي.
ريم : ههههه كل اليهال جذي.
نورة : الله كريم .
و بعد السوالف .
نورة : يللا ريم نشوفج على خير .
ريم : ان شاء الله يللا مع السلامة . و قولي حق محمد مبروك .
نورة : ههههه ان شاء الله ..
ريم : يحليلها نورة حامل .
عبدالله : صج .... يحليلها.
ريم : أي و الله .
اما عند فاطمة ...
حسين : ها حبيبتي وينج .
فاطمة : و الله في البيت .
حسين : انزين اشرايج اليوم نطلع مع نورة و محمد .
فاطمة :خوش فكرة حبيبي. بس اخاف نورة تعبانة و حبيبي تدري انها باول شهور الحمل و لازم ترتاح .
حسين : أي صح خلاص ناجلها بس نطلع انا معاج اوكي.
فاطمة : هههه أي اوكي خلاص .
و فبيت عبدالله ..
عبدالله : ريم ...ريم .... وينج ريم .
ريم : نعم عبدالله كاني كنت اسبح حمني.
عبدالله : انزين اليوم شرايج نروح بيت محمد ريل نورة ... نقعد معاهم .
ريم : اوكي خلاص .
و بليل ..
نورة : هلا و الله اشلونكم شخباركم ..
عبدالله و ريم : تمام الحمد لله .
محمد : هللااااااا هلا و الله شلونك عبد الله شخبارك .
عبد الله : والله بخير الحمد لله .
نورة : وين حمني عطيني اياه .
ريم : كاهو اخذيه ..
نورة :وايييي بعد عمري ..
ام محمد : يحليله و الله ... جم عمره يا بنتي .
ريم :عمره 5 شهور .
ام محمد : الله يخليه لكم ان شاء الله .
ريم : تسلمين خالتي .
اما عند فاطمة و حسين ..
حسين : حياتي شرايج بهالبلوزة ..
فاطمة : حلوة حبيبي .
حسين : يعني اخذها .
فاطمة : ما ادري كيفك ..
و عقب ماتسوقوا راحوا تعشوا مع بعض و ردوا البيت ...
فاطمة : تصبح على خير حبيبي .
حسين : و انتي من أهله حياتي .
فاطمة: يللا باي .
حسين : باي.
و بعد جم شهر ...
يوم عرس حسين و فاطمة ...
فاطمة كانت حدها مستحية ... و يوم دشوا الرياييل ...
حسين كان حاس ان الطريج وايد طويل ... و ما يدري متى يوصل و فاطمة كانت مع كل ثانية يزداد خوفها اكثر ..
و عقب ما وصل حسين لي فاطمة ...
حسين : مبروك حياتي .
فاطمة (بخجل ) : الله يبارك فيك .
محمد سلم على رفيجه حسين و باركله و راح عند مرته نورة ...
محمد : حبيبتي مو تعبانة .
نورة : لا حبيبي لا تخاف .
محمد : تذكرين يوم ملجتنا .
نورة : أي حبيبي يومها كنت حدي خايفة .
محمد : هههههه.. حبيبتي شنو تبين بنت و لا ولد .
نورة :اللي ايي من الله حياه الله .
محمد : انا ابي بنت عشان كل ما اشوفها اتذكرج .
نورة ( مسكت ايد محمد ) : احبك .
و في اليوم الثاني ...
ريم : الو هلا نورة ..
نورة : هلا ريم شلونج ..
ريم : تمام الحمد لله .
ريم : و اشلون الحمال معاج ...
نورة : هههه و الله زين .
ريم : تعالي انتي جم لج الحين .
نورة : و الله الحين انا بالسادس .
ريم : يللا تو الناس عليج .
نورة : أي و الله .
ريم : عرفتي شنو فيج بنت و لا ولد .
نورة : لا و الله انا ما ابي اعرف ... مفاجئة ... و حتى محمد قالي احسن ...
لابم : شفتي امس فاطمة ما شاء الله عليها كانت وايد حلوة ..
و عقب ما سولفوا ....
نزلت نورة تتغدى مع محمد و أمه و أبوه .
ام محمد : ها نورة شلونج اليوم .
نورة : بخير خالتي .
بو محمد : و الله و بتصير ابو يا حمود .
محمد : ههههههه .
نورة : ههههههه.
محمد : حبيبتي ترى ويهج اصفر .
نورة : محمد عادي حبيبي لا تخاف .
محمد : انزين تبين اوديج المستشفى ..
نورة : لا حبيبي ماله داعي .
ام محمد : تعالي شخبار حسين و فاطمة .
نورة : و الله خالتي ما ادري عنهم من اول ما سافروا مادقيت عليهم ..
محمد: خل ادز لهم مسج ...
نورة :يللا .....
محمد : " قوة شلونكم شخباركم ترى اشتقنالكم متى بتيون " ..
و فبيت عبد الله ...
و بعد جم يوم ....
حسين : فطوم يللا ...
فاطمة : وااااي كاني شكثر تحن ..
حسين : يللا ..
فاطمة : كاني ييت ...
حسين : ......
فاطمة : حسين حبيبي دزيت حق محمد مسج قتله متى بنيي ..
حسين : أي عمري و قتله بنيي بعد يومين.
فاطمة : وااي شكثر مشتاقة حق نورة و أمي و اخوي و كل أهلي ..
حسين : و انا بعد .

[نــ الخليج ــور]

و بالكويت ....
و بيوم موعد وصول حسين و فاطمة .
و بالمطار الكل كان موجود .. و ناطرين حسين و فاطمة ...
ام فاطمة : كاهم كاهم يو ..
خالد : هلا هلا و الله الحمد لله على السلامة .
حسين : الله يسلمك .
أم فاطمة : هلا يما هلا حبيبتي .
فاطمة : تمام الحمد لله انتي شلونج .
فاطمة : الحمد لله تمام . نووووووووووووووورةةة
نورة : هلا و الله بحبيبتي .
فاطمة : هلا فيج .
ام حسين و أبوه : هلا بولدي هلا بحبيبي .
حسين : هلا فيكم شلونكم و الله ان اشتقتلكم .
محمد : هلا و الله هلا بالمعرس .
حسين : هههه هلا فيك.
و راح الكل بيته ....
محمد كان يقرا الجريدة و لا يلقا أسامي المطلوبين للوظايف و لا يقرا اسمه ..
محمد : حبيبتي تعالي بسرعة شوفي ...
نورة : نعم حبيبي .
محمد : نورة حبيبتي باركيلي طلع اسمي راح اشتغل ..
نورة :صج ؟؟ مبروك مبروك حبيبي..
محمد : الله يبارك فيج . شرايج باجر نعزم فاطمة و حسين و عبد الله و ريم على العشا .
نورة :اوكي حبيبي ..
محمد : خلاص اوكي ... يللا هديتي مالت الشغل ( و أشر على خده ) ههههههه ...
نورة : اووه حبيبي خلاص . هديتك شي ثاني .... ( و حطت ايدها على بطنها )
و في اليوم الثاني ...
حسين : ييلااا فطوم و الله راح نتأخر و السبة مكياجج .
فاطمة : كاني حبيبي ييت .
حسين : يللا .
فاطمة : يللا .
حسين : تعالي تعالي شنو هالكشخة و الله اني ما غلطت يوم اخترتج .
فاطمة : عيل شعبالك هههههه .
حسين باس فاطمة على خدها .
فاطمة : حبيبييي يللا مو وقته .
حسين: هههه يللا .
و لما وصل الكل المطعم .
نورة : هلا و الله شلونكم شخباركم .
ريم و فاطمة : تمام الحمد لله .
نورة : ريم وين حمني .
ريم : حبيبتي خليته عند أمي . عشان لا يزعجنا .
نورة :هههههه
حسين : عبد الله شلونك .
عبد الله : تمام الحمدلله انت شلونك .
حسين : و الله بخير الحمدلله .
و عقب ماخلصوا من المطعم نورة حست بتعب ...
محمد : نورة حياتي تعبانة ؟
نورة : لاحبيبي ما فيني شي ؟
محمد : انزين اوديج الطبيب ؟
نورة : آآآآآآآيييييييي؟
محمد : نورة ...نورة حبيبتي شفيج .
محمد ما عرف شسوي وراح على طول ينادي امه و ابوه عشان يودون نورة المستشفى.
و بالمستشفى ....
الدكتور : مرتك يا أخ محمد قاعدة تولد و أول ما تولد راح نقولك ان شاء الله .
محمد : ان شاء الله
محمد كان وايد خايف على نورة نورة اللي أول ما شافها حبها نورة اللي خلاها تحبه غصب نورة اللي سوى المستحيل علشان يتزوجها .....
ام محمد : يما حبيبي لا تخاف كلها ساعتين و تطلع .
محمد : ان شاء الله يما .
و دق محمد على عبدالله و حسين يقولهم ...
وبعد ساعة كان الكل موجود ..
و طلع الدكتور من الغرفة ...
الدكتور :مبروك أخ محمد يتلك بنوتة حلوة ...
محمد : الله يبارك فيك دكتور ... الحمد لله
ريم : مبروك يا خالتي مبروك ...
ام محمد : الله يبارك فيج يا بنتي .
و الكل بارك حق محمد على البنوتة و و دوا نورة غرفتها.... نورة كانت نايمة و ماتحس باللي حوالينها .. عقب ماراح الكل محمد قعد يمها و ماهدها و لا لحظة.... قاعد يفكر بحياته اليديدة مع مرته و بنته . محمد قام الصبح و صلى الفير و شاف ان نورة قامت من النوم ...
محمد : هلا حياتي صباح الخير ...
نورة : صباح النور .
محمد : مبروك حبيبتي يتلنا بنت تهبل مثلج حياتي ..
نورة : الله يبارك فيك عمري ...
محمد : شنو تبين تسمينها .
نورة : ما ادري حياتي كيفك .
محمد : شرايج باسم داليا...
نورة : حلو حياتي ...
محمد : خلاص عيل نسميها داليا ...
نورة : اوكي .
و في العصر الكل كان موجود و مستانس على داليا.
ام محمد : مبروك يا بنتي مبروك .
نورة :الله يبارك فيج خالتي .
محمد : كان قاعد يم نورة على طرف السرير و ماسك ايدها .
محمد : يللا الفال لكم يا حسين .
حسين : ان شاء الله ( و يطالع فاطمة و يبتسم و فاطمة شافته و استحت )
عبد الله : يللا عاد احنا حاجزينها حق حمني .
محمد و نورة : هههههه ان شاء الله
ام محمد : هذي البنت صغيرة و بدوا خطابها عيل لوكبرت شبتسوي .
الكل ضحك ....
و بليل عقب ماراح الكل .
محمد : حبيبتي انا وايد مستانس لأني صرت أبو .
نورة : و انا بعد ... احبك ..
محمد : و انا أموت عليج ( و باس راس نورة )
نورة : الله يخليك لي ان شاء الله .
محمد : ان شاء الله . حبيبتي انا بروح الحين لان باجر اول يوم دوام و اييج عقب ما اخلص من الدوام .
نورة : اوكي حبيبي الله معاك و باجر اول ما توصل دق علي .
محمد :اوكي عمري يللا مع السلامة .
نورة : مع السلامة .
و الصبح ... محمد قام من النوم و صلى و بدل بروح الدوام .
محمد : يما تكفين روحي عند نورة لاتخلينها بروحها .
ام محمد : ان شاء الله يا ولدي راح اروحلها ان شاء الله .
محمد : يللا يما ادعيلي .
ام محمد : الله يوفقك يا ولدي .
و بالسيارة محمد دق على نورة ....
نورة : صباح الخير حبيبي .
محمد : صباح النور عمري قعدتي .
نورة :أي عمري من زمان قاعدة .
محمد : عمري انا توني طالع بروح الدوام .
نورة : توصل بالسلامة عمري و دير بالك بالطريج لا تسرع .
محمد : ان شاء الله عمري يللا مع السلامة .
نورة : مع السلامة .
ووصل محمد المستشفى قسم الأسنان و تعرف على زملائه في المستشفى ...
و بعد انتهائه من الدوام و علاجه لبعض المرضى ...
راح على طول حق نورة لان نورة كانت تبي تطلع من المستشفى .
نورة : حبيبي شلون الشغل .
محمد : زين حبيبتي كنت خايف بأول مريضين بس بعدين صار عادي .
نورة : يللا الحمد لله حبيبي . و ان شاء الله تفتح عيادتك و اشتغل معاك فيها .
محمد : ان شاء الله .
و عقب ما طلعت نورة من المستشفى الكل كان متيمع عندهم بالبيت مستانسين حق نورة ومحمد .
و عقب ما راحوا ... أم محمد كانت مجهزة حق نورة غرفة تحت عشان لاتتعب.
راحوا و ناموا ..
و في اليوم الثاني .
نورة : حبيبي يللا قوم .... محمد .
محمد : صباح الخير حبيبتي .
نورة : صباح النور . يللا قوم لا تتأخر .
محمد : ان شاء الله .
و عقب ما صلى محمد الصبح قام بدل ..
نورة : حبيبي أول ما توصل دق علي طمني .
محمد : اوكي .. يللا مع السلامة . ( و باس نورة )
نورة : مع السلامة حبيبي الله معاك .
و راح محمد الدوام . و لما وصل دق على نورة و قالها ان وصل .
و بالبيت ...
ام محمد : يما اشلونج .
نورة : تمام الحمدلله خالتي .
ام محمد : امس اذتج بنتج؟
نورة : أي و الله خالتي اسم الله عليها ما خلتني أنام .

و بعد ساعتين قعدت داليا و راحت نورة ترضعها .
و عقب ما خلصت راحت و يا داليا الصالة .
بو محمد : هلا هلا و الله ببنتي وحفيدتي عطيني إياها خل العب معاها شوي .
نورة : هلا فيك عمي تفضل .
بو محمد : اسم الله عليها .
ولما رجع محمد البيت ....
نورة :هلا حبيبي شلون الدوام ..
محمد : وين داليا حبيبتي .
نورة : جبيبي توها نايمة ..
محمد : انزين عيل انا بنام لأني تعبان حدي .
نورة : حبيبي ماتبي تتغدى .
محمد : لا عمري .
نورة : اوكي حبيبي .
و فبيت عبدالله .
ريم : حبيبي اليوم بروح عند نورة من زمان ما رحتلها .
عبد الله : اوكي حبيبتي . انا بيي معاج .
ريم خلاص اوكي انا الحين بروح اسبح حمني و أنومه و بليل ان شاء الله نروح .
عبدالله : اوكي.
و بليل ....
كان الكل موجود فبيت بو محمد و مستانسين .
ام محمد : الفال لج ان شاء الله يا بنتي يا فاطمة .
فاطمة : مشكورة خالتي .
ريم : نورة ما تاذيج بليل .
نورة : اوف اسم الله عليها امس ما خلتني انام كل شوي قاعدة .
ريم : هههههههه عادي كلنا صار فينا هالشي .
و بليل عقب ماراح الكل .
نورة : حبيبي انا تعبانة و بروح أنام لأني من أمس مو نايمة .
محمد : اوكي حبيبتي تصبحين على خير .
نورة : و انت من اهله حبيبي .

[نــ الخليج ــور]

و بعد خمس شهور .....
فبيت حسين .
فاطمة : حبيبي بقولك شي .
حسين : قولي حياتي .
فاطمة : حبيبي اليوم رحت الطبيب و سويت تحاليل و طلعت حامل .
حسين : حامل من صجج اخيرا اخيرا انا بصير أبو .
فاطمة : ههه أي .
حسين : احبج احبج احبج يا ام علي .
فاطمة : ههههههه و انا بعد احبك .
و دق حسين على أمه و بشرها .
ام حسين : صج يا ولدي اخيرا بشوف عيالك ( و قعدت تبجي )
حسين : يما بس لاتبجين انا داق ابشرج و لا ابجيج .
ام حسين : ان شاء الله ياولدي .... وين فاطمة خل ابارك لها .
حسين : كاهي يما .
فاطمة : الو هلا خالتي .
ام حسين : هلا يابنتي مبروك مبروك يا بنتي .
فاطمة : الله يبارك فيج خالتي .
ام حسين : يللا عاد يا بنتي ما ابيج تشتغلين و لا تسوين و لا شي بالبيت .
فاطمة : هههههه ان شاء الله خالتي .
و عقب ما خلصو من السوالف محمد دق على محمد و بشره . و محمد باركله . و فاطمة دقت على امها و قالتلها و امها فرحت وايد .
محمد : فاطمة حامل .
نورة : صج يحليلها حبيبتي . خل ادزلها مسج أبارك لها .
و ريم درت عن فاطمة و دقت عليها تبارك لها .
و باليوم الثاني ... ( يوم عيد ميلاد محمد نورة سوت روحها ناسية )
محمد : يللا حبيبتي مع السلامة .
نورة : مع السامة .
ونزل محمد بروح الدوام و نزلت نورة بتسوي حليب حق داليا. و على الدري قعد محمد يتحرش في نورة ..
نورة : محمد بس عاد لحد يشوفنا .
محمد : كيفي مو مرتي .
نورة : ههههههه روح لا تتأخر .
محمد : انا بروح الحين بس بردلج بعدين .
نورة :هههه يللا روح الحين .
محمد : (همس باذن نورة و قالها) احبج ( وباس نورة )
نورة : و انا أموت فيك .
محمد : يللا حبيبتي مع السلامة .
نورة : مع السلامة .
و راح محمد الدوام ....
و بالدوام ...
الدكتور مبارك : محمد انت متزوج .
محمد : أي و الله و عندي بنت عمرها ست شهور .
مبارك : صج الله يخليها لك ان شاء الله .
محمد : الله يسلمك .. و انت .
مبارك : لا و الله لين الحين ماتزوجت .
محمد : يللا ان شاء الله تلقا بنت الحلال اللي تسعدك .
مبارك : تسلم .

و فبيت حسين ...
فاطمة دقت على امها و قالتلها ان اليوم بتيي على الغدا مع حسين .
ام فاطمة : حياكم الله يا بنتي .
فاطمة : الله يحييج يما .
ام فاطمة : ها يا بنتي شلون الحمال معاج
فاطمة : و الله يما تمام الحمدلله مرات احس اني دايخة و ابي انام .
ام فاطمة : أي عادي يا بنتي عادي .
و بعد السوالف وصل حسين من الدوام .
و صلى العصر و بدل و راحوا بيت ام فاطمة ...
خالد : حسين شلون الشغل معاك.
حسين : و الله تمام الحمد لله .
خالد : الله يوفقك ان شاء الله .
حسين : تسلم ....
ام فاطمة : يما حسين كمل صحنك ترى ما كليت .
حسين : لا عمتي و الله كليت لين قلت بس .
ام فاطمة : عليك بالعافية .
حسين : الله يعافيج عمتي ....
ايمان مرت خالد : فاطمة شلون الحمال معاج .
فاطمة: و الله زين الحمد لله.
و فبيت محمد ....
ام محمد : نورة يللا نادي محمد خل يتغدى .
نورة : ان شاء الله خالتي .
و صعدت نورة تنادي محمد ....
نورة : حمود ... حمود ... يللا تعال تغدى .
محمد : الحين ايي .
و نزلوا تغدوا مع بعض كلهم .

و بليل ....
عقب ما رجع محمد البيت ...
نورة كانت مسويتله مفاجئة في الغرفة ... الغرفة كانت متروسة تفافيخ و شموع .. و قلوب حب .
نورة : كل عام و انت بخير حبيبي ..
محمد : و انت بخير يا اغلى نورة بهالكون .
نورة : تفضل .
محمد : انا عبالي ناسية .
نورة : معقولة انسى يوم مثل هذا .
محمد : احبج و اموت فيج ...
تعالي و لصقت نورة بمحمد و قعد يمسك شعرها و و يطالعها .
نورة : شفيك .
محمد : شفيني و اللي يطالع القمر يسئلونه شفيه .
نورة : احبك .
و حضن محمد نورة .
و فبيت حسين ...
حسين : فطوم .. فطوم ....حبيبتي وينج .
فاطمة : حسين ... حبيبي تعبانة حدي .
حسين : اشفيج .
فاطمة : ما ادري من الصبح بطني يعورني . يعورني عوار مو طبيعي .
حسين : قومي يللا قومي خل اوديج الطبيب .
فاطمة : مو الا ان شاء الله اصير زينة .
حسين : شنو مو الا يللا قومي ...

[نــ الخليج ــور]

و راحو الطبيب ..
الدكتور : انا آسف يا اخ حسين بس الياهل مات .
حسين : شلون شلون يا دكتور .
الدكتور : و الله يا اخ حسين هذا قضاء و قدر .
حسين : لا حول و لاقوة الا بالله .. ووين فاطمة دكتور .؟
الدكتور : وديناها الغرفة و لازم تنام عندنا لان سوينالها عملية تنظيف .
حسين : اوكي شكرا دكتور .
الدكتور : العفو
و راح حسين حق فاطمة و لما دش لقاها تبجي .
حسين : فاطمة مابيج تبجين هذا قضاء و قدر.
فاطمة : ان شاء الله .
حسين : انا بدق على اخوج خالد و اقوله .
و دق على خالد .
خالد : هلا و الله هلا بالنسيب .
حسين : هلا فيك خالد شلونك .
خالد : و الله بخير الحمدلله . و اشلون فطوم
حسين : و الله يا خالد فاطمة بالمستشفى و طرحت ...
خالد : لااا خطاكم السو .
حسين : خطاك اللاش .
خالد : خلاص انا الحين راح اييكم المستشفى ويا امي .
حسين : اوكي .
حسين دخل على فاطمة لقاها سرحانة ...
حسين : فطوم . فطوم يللا عاد بسج زعل .
فاطمة ( عيونها دمعت ) : انا آسفة حسين .
حسين : على شنو تتاسفين على شي لا بايدج و لا بايدي
و عقب نص ساعة ام فاطمة كانت موجودة و اخوها خالد و مرته ايمان .
ام فاطمة : ميخالف يا بنتي ميخالف .
حسين : و الله ياعمتي من الصبح و انا اقولها مو راضية تسمع الكلام .
محمد اتصل على حسين لان من زمان ما اتصل عليه ..
محمد : الو هلا و الله شلونك ..
حسين طلع برة الغرفة ...
حسين : هلا فيك و الله بخير الحمدلله .
محمد : وينك من زمان ما شفناك ؟
حسين : و الله حمود انا بالمستشفى الحين فاطمة طرحت .
محمد : لاا و الله ما تستاهلون من متى .
حسين : اليوم الصبح .
محمد : يللا عيل احنا اليوم راح نييكم .
حسين : حياكم الله .
محمد : يللا مع السلامة .
حسين : مع السلامة .
محمد نادى نورة عشان يقولها .
محمد : نورة حبيبتي فاطمة بالمستشفى .
نورة ( مخترعة ) : شفيها .
محمد : طرحت .
نورة : وي مسكينة حبيبتي ما تستاهل .
محمد : متى تبين تروحين لها .
نورة : حبيبي اليوم بليل .
محمد : اوكي خلاص .
و بليل ...
نورة : شلونج ريم .
ريم : تمام الحمدلله .. انتي شلونج و اشلون داليا
نورة : تمام حبيبتي بخير .. ريم انا دقيت عشان اقولج ان فاطمة مسكينة طرحت و انا الحين رايحتلها المستشفى .
ريم : وييي مسكينة ..
و عقب ما قالت نورة حق ريم اسم المستشفى و الجناح و الغرفة ...
بعد ساعة الكل كان موجود ..
نورة حست ان فاطمة زعلانة ..
نورة : ماعليه حبيبتي لا تزعلين قدر الله و ما شاء فعل .
فاطمة : ان شاء الله حبيبتي ...
و عقب ما راح الكل ...
و ردوا نورة و محمد البيت ...
محمد : حبيبتي شرايج نروح نتغدى باجر برة .
نورة : حبيبي لا ما اقدر وين اخلي داليا و بعدين خالتي مرة عودة و ماتتحمل . خلها وقت ثاني .
محمد ( وهو متضايق ) : ان شاء الله .
نورة : يللا حبيبي انا بنام تبي شي .
محمد : لا تصبحين على خير .
نورة : و انت من اهله .
و في اليوم الثاني ....
محمد قام راح الدوام و نسى يدق على نورة يطمنها ....
نورة دقت على محمد ما يرد ....
قامت تحاتي ... صارله ساعة و مادق علي .
و بالمستشفى وبوقت البريك ...
الدكتورة هنادي : شلونك محمد .
محمد : تمام الحمد لله انتي شلونج .
هنادي : الحمدلله ماشي الحال .
محمد : شرايج نروح ننادي الدكتور مبارك و نروح نتغدى مع بعض ..
هنادي : يللا .

و راحوا تغدوا ...
ونورة كانت لين الحين تحاتي ..
و لما وصل محمد البيت ... و لما شافته نورة ارتاحت و اسألته اذا يبي غدى و لا لأ
محمد : لا مابي تغديت برة..
و زعلت على محمد لان تغدى برة و ما قالها .
محمد حس ان نورة فيها شي ..
محمد : نورة فيج شي .
نورة : لا ما فيني شي ... ( و قامت من يمه )
محمد راح وراها ..
محمد : نورة شفيج .
نورة : قتلك ما فيني شي .
محمد : ما راح اهدج لما تقولين .
نورة : كيفك قتلك مافيني شي .
محمد : ( و هو معصب ) اووووه كيفج ...
نورة : قعدت تبجي بصوت خفيف .
محمد راح انسدح على الفراش .. و قعد يفكر شفيها نورة .
و العصر قام محمد من النوم .. و دور نورة لقاها تحت مع داليا و امه ...
محمد : نورة ييبي داليا شوي .
نورة : ان شاء الله .. وودتها ... خالتي انا بروح فوق تبين شي ..
ام محمد ( حست ان في شي بينهم ) : لا حبيبتي سلامتج .
نورة : الله يسلمج خالتي ..
محمد تضايق و حس ان نورة قامت لان قعد معاهم .
ام محمد : محمد شفيها نورة .؟
محمد : ها مافيها شي شفيها يعني .
ام محمد : ما ادري بس حسيت ان في شي صاير بينك و بينها .
محمد : لا يما لاتخافين مافينا شي .
و لعب محمد مع داليا و عقب صعد فوق ... نورة حست ان محمد صعد و سوت روحها نايمة .
محمد ما اهتم و راح قعد بصالتهم يطالع التلفزيون ..
نورة كانت تبجي بصمت . هذي اول مرة تتهاوش مع محمد من يوم ما تزوجوا .
و بليل راحت بيت عبد الله لان من زمان ما راحت و كانت خالتها معاها ...
ريم : وين خطيبة ولدي وينها .
نورة :هههههه كاهي
ريم : نورة شلونها فاطمة . ما دقيتي عليها .
نورة : لا و الله حبيبتي ما دقيت عليها .
ام محمد : مسكينة يا بعد عمري ما تستاهل .
ريم : أي و الله يا خالتي .
نورة : شرايكم باجر نروح لها .. اهي طلعت من المستشفى .
ريم : خلاص اوكي باجر أمركم و نروح العصر ان شاء الله .
و بعد ما خلصوا رجعوا البيت .

و بليل ...
محمد : نورو لين الحين زعلانة .
نورة : .....
محمد : نورة ..
نورة : اليوم رحت الدوام و لا دقيت علي و ما قلت عندي مرة تحاتي و لا تنزلت حتى تدق علي يتروالي شفت تلفونك جم مرة دقيت عليك .. و عقب ما رجعت البيت الاقيك متغدى برة و و انا ناطرتك هني و وتعصب علي بعد .
محمد : آسف حبيبتي و الله آسف نسيت بس كنا قاعدين مع بعض انا و الدكتورة هنادي و الدكتور مبارك و طلعنا نتغدى مع بعض ..
نورة : لا و الله و معاكم وحدة بعد .
محمد : لا يروح بالج بعيد ترى كنا قاعدين عادي .
نورة : لو انا قاعدة مع واحد كنت راح ترضى .
محمد : يللا عاد نورة شدعوة .... تغارين هههههه
نورة : .......
محمد : انزين انا اعرف شلون اراضيج .
نورة : .....
و اليوم الثاني .
راح محمد الدوام و أول ما وصل دق على نورة بس ما ردت عليه ..
دزلها مسج " حبيبتي انا وصلت و دقيت عليج مو تقولين بعد .... احبج "
نورة : رضت شوي على محمد لما قرت المسج ..
و راحت نورة تشوف داليا لانها قعدت من النوم .
وقعدت وكلتها و لعبت معاها و قعدت مع ام محمد و يا بو محمد و وصل محمد من الدوام .
محمد : السلام عليكم .
كلهم : و عليكم السلام .
محمد : نورة تعالي ابيج شوي فوق .
نورة : ان شاء الله .
وصعدوا فوق .
محمد : حبيبتي لين الحين زعلانة .
نورة : .....
محمد : نورة
نورة : يعني .
محمد : لين الحين .
نورة : و لي باجر بعد ..
محمد : يللا عاد قاتلج آسف شدعوة لي الحين زعلانة مني ..
نورة : خلاص رضيت هههههه .
محمد : قتلج ما تقدرين تزعلين علي ...ههههه
نورة : لا و الله ..
محمد : ههههه
نورة : انزين يللا قوم انزل .
محمد : يللا .
و نزلوا تحت تغدوا كلهم مع بعض .

[نــ الخليج ــور]

و فبيت حسين ...
حسين : فطوم شرايج نسافر لنا جم يوم نستانس و نرد ..
فاطمة : خوش فكرة حبيبي .
حسين : وين تبين .
فاطمة : ما ادري كيفك .
حسين : شرايج نروح تركيا .
فاطمة : اوكي حلوة .
حسين كان وده انه ينسي فاطمة اللي صار باي طريقة ...
اما فبيت عبد الله ..
ريم : حبيبي اليوم بروح بيت فاطمة انا و نورة و ام محمد ..
عبدالله : اوكي .. ووين بتخلين حمني
ريم : راح اوديه بيت امي و لما اخلص اييبه .
عبد الله : اوكي . بس لا تتاخرين عشان نطلع بليل مع بعض .
ريم : ان شاء الله
و عند محمد و نورة ...
نورة : حبيبي انا بروح مع ريم و خالتي بيت فاطمة اليوم .
محمد : اوكي متى .
نورة : يعني جذي عقب الصلاة .
محمد : اوكي عيل بدام اكم بتطلعون كلكم مع بعض انا بدق على عبدالله و حسين و نطلع مع بعض .
نورة : كيفكم .
ودق محمد عليهم و اتفقوا انهم يروحون القهوة مع بعض .
و بليل ...
راحوا الحريم عند فاطمة ....
فاطمة : حي الله من يانه .
نورة : الله يحييج .
ام فاطمة : شلونج يا ام محمد .
ام محمد : و الله بخير يا ام خالد .
ايمان مرت اخو فاطمة : نورة شلون بنتج ؟
نورة : و الله بخير الحمد الله .
و اليوم الثاني . وبدوام محمد
محمد : ها مبارك لين الحين ماودك تتزوج .
مبارك : لا يا معود تو الناس .
محمد : ليش ترى و الله الزواج حلو .
مبارك : يمكن عندك انت بس عندي انا لا .
محمد : هههههه على راحتك يا خوي .

اما بدوام حسين ..
حسين اتصل على فاطمة يتطمن عليها ....
حسين : قوة حبيبتي.
فاطمة : هلا و الله .
حسين : شلونج ..
فاطمة : تمام الحمدلله .
حسين : انزين شرايج اليوم نروح السينما.
فاطمة : كيفك .
حسين : تبين تروحين و لا مالج خلق .
فاطمة : لا بروح .
حسين : خلاص اصلي المغرب و ايي آخذج و نروح مع بعض .
فاطمة : اوكي .
و العصر ..
نورة : حبيبي انا بروح الجمعية لان ابي شوية اغراض .
محمد : اوكي ... تبين ايي معاج ..
نورة : كيفك .
محمد : خلاص راح ايي .
نورة : اوكي .
و فبيت ام فاطمة ...
ام فاطمة : ها يما لميتي هدومج
فاطمة : أي يما لميت خلاص ان شاء الله اليوم راح اروح البيت .
ام فاطمة : ان شاء الله ....
رن تلفون فاطمة ...
فاطمة : الو هلا حبيبي .
حسين : هلا فيج ها خلصتي .
فاطمة : أي الحين اطلع .
حسين : يللا انا انزل انطرج بالصالة .
فاطمة : اوكي حبيبي الحين انزل .
حسيين : اوكي .
و بليل ...
محمد : يللا نورة .. انا ناطرج بالسيارة .
نورة : ان شاء الله كاني ياية .
و راحوا الجمعية ...
محمد : نورة شوفي هذا باخذه حق داليا .
نورة : شنو هذا محمد داليا توها صغيرة شفهمها .
محمد : ههههه شدراني .
نورة : هههه
و بعد شوي ..
هنادي : شلونك محمد ..
محمد : هلا و الله هنادي شلونج .
هنادي : و الله الحمدلله بخير .
محمد : ما عرفتج مرتي نورة .
هنادي : فرصة سعيدة .
نورة : و انا اسعد .
هنادي : يللا انشوفك على خير .
محمد : ان شاء الله يللا مع السلامة .
هنادي : مع السلامة .
وعقب ماراحت ...
نورة : محمد منو هذي .
محمد : حبيبتي هذي دكتورة معانا بالمستشفى .
نورة : اها .. مو هذي اللي كانت تتغدى معاكم هذيج المرة ...
محمد : أي اهي .... ردينا ... شنو تغارين .
نورة : لا ليش اغار عادي .
محمد : علينا .
نورة : هههههه
و لما ردوا البيت .
محمد : نورة ييبي داليا بلعب معاها شوي .
نورة : ان شاء الله .
محمد : يحليلها و الله بنتي تشبهني .
نورة : لا تشبهني انا شتبي فيك .
محمد : ههههه
نورة : ههههه
و في اليوم الثاني ...
محمد : حبيبتي بدام ان اليوم خميس و عطلة شرايج نروح انا معاج السينما .
نورة : اوكي .
محمد : خلاص نروح بليل نحجز و دش و مرة وحدة نتعشى .
نورة : اوكي ... انزين محمد بقولك شي بس لاتعصب .
محمد : شنو ..
نورة : محمد انا هذي البنية اللي شفناها امس بالجمعية
محمد : شفيها ...
نورة : محمد انا ما ابيك تكلمها
محمد : ليش يعني .
نورة : بس جذي ما ارتحت حق هالبنية من اول ماشفتها .
محمد : و الله يانورة ما ادري شقولج يعني هذي زميلة معاي بالدوام يت تسلم علي .
نورة : يعني انت ترضى اني انا اكلم واحد و اسلم عليه و اتغشمر معاه .
محمد : ..........

حسين : فطوم انا بروح شوي عندي شغل و برد ...
فاطمة : وين بتروح ...
حسين : عندي شوي شغل ماراح اطول .
فاطمة : انزين الله معاك بس لا تسوق بسرعة ..
حسين : ان شاء الله .. يللا مع السلامة .
فاطمة : مع السلامة .

ام محمد : بو محمد ترى شكلك مو عاجبني انت تعبان تبي تروح المستشفى ..
بو محمد : لا يا ام محمد خليني انام و ارتاح بعدها ان شاء الله اكون احسن .
ام محمد : بس يا بو محمد شوف شكلك شلون صاير من التعب .
بو محمد : خلاص يا ام محمد قتلج انام و اصير زين ان شاء الله .
ام محمد : ان شاء الله ...
ام محمد طلعت للصالة و بعدين يو نورة و محمد من فوق ,
محمد: يما شفيج .
ام محمد : ابوك ياولدي ابوك مو راضي يروح الطبيب و شوف شكله شلون صاير ..
نورة : خالتي لاتحاتين ان شاء الله مافيه الا العافية .
نورة سمعت داليا تبجي راحتلها ...
ام محمد : تعال ياولدي شلونك انت و نورة
محمد : يما الحمدلله كلشي تمام بس كان بينا سوء تفاهم و انحل ..
ام محمد : الحمد لله يا ولدي الله يوفقكم بحياتم ان شاء الله .
محمد : تسلمين يما

ريم : حبيبي انا اليوم معزومة على عرس رفيجتي .
عبد الله : ريم ترى طلعاتج كثرت هالايام .
ريم : شدعوة حبيبي وين قاعدة اروح مو قاعة اطلع الا اذا وحدة من رفيجاتي عزمتني او وياك لما نطلع ...
عبد الله : ريم حبيبتي انزين روحي اليوم بس لا تطوين .
ريم : ان شاء الله .

فاطمة دقت على حسين لانه تاخر و ما دق عليها و قامت تحاتيه ..
فاطمة : الو حسين .. وينك تاخرت .
حسين : كاني ياي بالطريج .
فاطمة : قمت احاتيك .
حسين : حياتي و الله كاني بالطريج ياي بس زحمة شوي الطريج .
فاطمة : انزين يللا مع السلامة .
حسين : مع السلامة .


ام محمد راحت بتقعد بو محمد حق الغدا ..
ام محمد : بو محمد .. بو محمد .. ماتبي غدا .
بو محمد : .....
ام محمد خافت لانه ما قام يرد عليها ...
ام محمد راحت بسرعة نادت محمد عشان يروح يودي ابوه المستشفى ...
ام محمد : يما ولدي ابوك ابوك ما يرد علي .
محمد : يما شفيه ..
ام محمد : ما ادري يا ولدي ما ادري روح بسرعة .
محمد : ان شاء الله ان شاء الله رايح .
نورة : محمد انطرني انا ياية معاك .
محمد : لا حبيبتي قعدي انتي مع امي و داليا و بعدين ان شاء يصير خير .
نورة : ان شاء الله .
و راح محمد مع ابوه للمستشفى ...
الدكتور : انا آسف اني اقولك هالحجي بس يا اخ محمد ابوك حالته خطرة جدا و فرصة نجاته ضعيفة جدا .
محمد انصدم لما سمع هالحجي ..
محمد : دكتور تكفى سو اللي تقدر عليه .. تكفى .
الدكتور : ان شاء الله و لاتحاتي يا اخ محمد ان شاء الله راح نسوي كل اللي نقدر عليه .
محمد : مشكور يا دكتور ..
الدكتور : العفو ..

[نــ الخليج ــور]

نورة دقت على محمد تطمن عليهم .
نورة : ها حبيبي شقال الدكتور .
محمد : نورة شقولج و الله ابوي حالته خطرة و الدكتور قال ان فرصة نجاته ضعيفة حيل .
نورة : ما عليه حبيبي ماعليه ان شاء الله يقوم و يرد و مايكون فيه شي .
محمد : ان شاء الله بس نورة حبيبتي لاتقولين حق امي عشان لا تتضايق كافي اللي فيها .
نورة : ان شاء الله حبيبي لا تحاتي ... يللا مع السلامة .
محمد : مع السلامة .
محمد قعد بالمستشفى و هو قاعد دق عليه حسين .
حسين : الو هلا و الله .
محمد : هلا فيك .
حسين : وينك يالقاطع .
محمد : و الله ياخوي انا بالمستشفى ابوي تعبان و يبته المستشفى .
حسين : لاااا ما تشوفون شر يا خوي .
محمد : الشر ما ييك .
حسين : انا ساعة و اكون عندك .
محمد : لا تعب روحك خلك عادي .
حسين : لا خوي تعبك راحة .
محمد : تسلم ماتقصر
حسين : الله يسلمك .. يللا مع السلامة .
محمد : مع السلامة ..
وراح حسين قط فاطمة عند نورة و راح المستشفى .
حسين : خلك قوي ياخوي مافيه الا العافية ان شاء الله .
محمد : حسين ما سمعت الدكتور شقول حالته خطرة.
حسين : خل ايمانك بالله قوي .
محمد : و نعم بالله .
و طلع الدكتور من الغرفة ...
محمد : ها يا دكتور بشر شصار ..
الدكتور : انا آ سف يا محمد بس ابوك عطاك عمره .
محمد انصدم من الخبر اللي سمعه من الدكتور...
اما حسين فكان يدعيله بالرحمة و المغفرة ...
نورة : عظم الله اجرك حبيبي .
محمد : اجرنا و اجرج ... نورة شلون امي ..
نورة : و الله شقولك يا محمد من يوم ما سمعت الخبر و هي حالتها حالة ..
محمد : لا حول و لا قوة الا بالله ...
و بعد انتهاء ايام العزا ...
نورة : حبيبي كلنا بنروح بالطريج .
محمد : ........
نورة : حبيبي انت لاتسوي جذي بعمرك لان اذا خالتي شافتك جذي اهي هم راح تتعب ..
محمد : ان شاء الله حبيبتي ..
ام محمد كانت زعلانة حيل على وفاة زوجها و حبيبها و اللي قضت معاه أحلى ايام عمرها و حالتها كانت كلمالها و للأسوأ .
محمد : يما بسج زعل طالعي حالتج شصاير فيها ...
ام محمد : يا و لدي لا تلومني هذا ريلي اللي مات .
محمد : ما عليه يما ما عليه الله يرحمه .
ام محمد قعدت تبجي ...
و من زعل ام محمد على بو محمد و الحالة اللي كانت فيها ... توفت بعد 3 اشهر من وفاة بو محمد ...
محمد : الحين ما بقالي احد يا نورة ما بقالي احد ...
نورة : ( و اهي تبجي ) لا يا محمد لا تقول جذي انا لك و بنتك لك ... و اخوي و حسين و عمامك كلهم لك ...
محمد : .........

محمد كان متعلق بامه و ابوه وايد كان زعلان وايد على وفاتهم و طبعا و لا شي يقدر ينسيه وفاتهم ... لان كان متعلق فيهم وايد خصوصا انه كان وحيد امه و ابوه و ماله غيرهم في الدنيا عقب الله سبحانه و تعالى ..

فاطمة : حبيبي شلون محمد .
حسين : و الله يا فاطمة الله يعلم بحاله مسكين ابو مات و عقب 3 اشهر امه الله يساعده ان شاء الله .
فاطمة : مسكين و الله ما يستاهل ..
حسين : أي و الله ..
فاطمة : حبيبي شرايك اليوم نروح عندهم بليل .
حسين : اوكي .. احسن بعد عشان لا يقعدون بروحهم ..
فاطمة : أي حبيبي و دق على عبد الله عشان هم اييب ريم و يروحون معانا ..
حسين : ان شاء الله ...
و بليل كان الكل متيمع عند محمد و نورة في البيت ....
و كان الكل ملاحظ الحزن على ويه محمد ...
عبد الله : محمد شلونك ..
محمد : و الله بخير الحمد الله ..
عبد الله : الحمد لله ..
حسين : انت شلونك عبد الله و شلون حمني ..
عبد الله : تمام الحمد لله ...
حسين : الله يخليه لكم ان شاء الله .
عبد الله : تسلم ..
حسين : الله يسلمك ....

فاطمة : شرايكم باجر كل وحدة تاخذ ريلها و نروح السينما ..
ريم : خوش فكرة ..
نورة : أي و الله احنا نعزمهم كل مرة اهم يعزمونا ..
فاطمة : ههههه أي و الله ....

و عقب السوالف و القعدة و الضحك راح الكل بيته ...
حسين : عمري شفتي حمود لي الحين مبين عليه انه زعلان .
فاطمة : أي و مسكين بعد شنسوي امه و ابوه اللي ماتوا مو أي احد .....
حسين : أي و الله ..
فاطمة : تعال ما قتلك احنا اتفقنا ان باجر كلنا نتيمع و كل وحدة تعزم ريلها على السينما ...
حسين : هههههه أشوف قمتوا تتفقون من ورانا ...
فاطمة : شعبالك احنا مو أي شي ....

اما في بيت محمد ...
نورة : تعال حبيبي باجر بنروح السينما كلنا انا عازمتك ..
محمد : ان شاء الله ...

والصبح ...
نورة : حبيبي يللا قوم ما تبي تروح الدوام ..
محمد : نورة تعبان حدي مالي خلق اروح ..
نورة : حبيبي شفيك ..
محمد : عطيني النلفون شوي ..
نورة : شتبي تسوي .
محمد : بدز حق مبارك مسج بقوله اني ماراح ايي الدوام ..
نورة : ان شاء الله ..

[نــ الخليج ــور]

و بالطريج مبارك دق على محمد يتطمن عليه ..
محمد : هلا و الله ..
مبارك : هلا فيك شلونك .
محمد : و الله بخير الحمد لله .
مبارك : ها خير شفيك ..
محمد :و الله ماادري صايرة تييني دوخة مو طبيعية وراسي يعورني ...
مبارك : ما تشوف شر ياخوي .
محمد : الشر ما ييك تسلم .
مبارك : الله يسلمك ...نشوفك عيل ..
محمد : ان شاء الله اكيد
مبارك : يللا مع السلامة ..
محمد : مع السلامة ..

ووصل محمد البيت ..
نورة : ها حبيبي شقالك الدكتور ....
محمد : ما رحت الطبيب
نورة : ليش حبيبي ما رحت ..
محمد : نورة حبيبتي عادي راح آخذ حبة بندول و ان شاء الله اصير احسن ....
نورة : ان شاء الله حبيبي ..

و بعد ساعة ..
محمد : حبيبتي انا كان عندي موعد مهم و تاخرت عليه كلها ساعة وراد و تجهزي لاني عازمج انتي و داليا على العشا.
نورة : بس حبيبي انت تعبان شلون تطلع ...
محمد : عادي حبيبتي كلها ساعة و راجع ماراح اطول ...
نورة : بس اخاف تدوخ و انت تسوق ... محمد تكفى لا تروح اليوم روح باجر لما تصير احسن ...
محمد : لا تخافين حبيبتي قتلج كلها ساعة و راد ...
نورة : اوكي....
محمد : يللا مع السلامة ..
نورة : مع السلامة ..
و باس نورة ...
محمد : احبج ..
نورة : و انا اموت فيك ..

فاطمة : حبيبي عندي لك خبر حلو ...
حسين : شنو ..
فاطمة : انا .....
حسين : انتي شنو ...
فاطمة : انا حامل .
حسين : من صجج ..
فاطمة : أي و الله اليوم رحت الطبيب و سويت تحليل و قالولي اني حامل .
حسين : هذا احلى خبر سمعته ..
فاطمة : هههههه
حسين : أي عاد انتي الحين ماتتحركين من مكانج .. عشان لا يصير اللي صار من قبل ..
فاطمة : ان شاء الله .
حسين : خلاص انا اليوم عازمج على العشا بهالمناسبة .
فاطمة : اوكي ...

و بعد ربع ساعة ...
نورة سمعت تلفونها يرن ...
شافت الرقم و ماعرفته ما ردت ..

الدكتور : دقيتو على اهله ..
السستر : دكتور ما يردون ..
الدكتور : دوروا أي رقم ثاني بموبايله و دقوا عليه .
السستر : اوكي .
ودوروا بالتلفون لقوا رقم عبدالله بالارقام الصادرة ....
السستر : الو .
عبد الله : الو هلا و الله .. منو معاي .
السستر : معاك المستشفى بقينا نسألك عن واحد اسمه محمد تعرفه .
عبد الله : أي شفيه .
السستر : تصير له .
عبدالله : أي .
السستر : انا آسفة اني اقولك الخبر بس محمد سوا حادث و هو الحين عندنا و عطاك عمره ...
عبدالله : لا حول و لا قوة الا بالله .
السستر : عظم الله اجرك .. مع السلامة .
عبدالله : أجرنا و أجرج مع السلامة ..
ريم: عبد الله شفيك
عبدالله : ريم محمد مات ..
ريم : ليشششش و شلون ..
عبد الله : سوا حادث ..
ريم : الله يرحمه ان شاء الله و الله ماتستاهل نورة الحين شراح نسوي ...
عبدالله : ماكو الا نروحلها و نقولها ..
ريم : دق على حسين قوله ...
عبدالله : يللا و احنا بالطريج اقوله ..
ريم : اوكي دقيقتين ماراح اطول ..

عبدالله : الو هلا حسين ..
حسين : هلا والله عبدالله شلونك شخبارك ..
عبد الله : بخير الحمدلله .. حسين .... توة دقوا علي المستشفى و قالولي ان محمد سوا حادث و مات ..
حسين : شنو شقلت ..
عبدالله : حسين محمد مات ..
حسين : لااااا متى ..
عبدالله : قبل ساعتين ...
حسين : الله يرحمه و نورة درت ...
عبدالله : لا و الله انا الحين رايح عندها مع ريم و بنقولها ...
حسين : لا حول و لاقوة الا بالله .. خلص ودق علي عشان نروح المستشفى مع بعض
عبد الله ان شاء الله ..
حسين : يللا مع السلامة ..
عبدالله : مع السلامة ..

[نــ الخليج ــور]

فاطمة دقت على نورة تبشرها بحملها ...
نورة : هلا و الله فطوم شلونج ..
فاطمة : تمام الحمدلله .. باركيلي نورو ..
نورة : مبروك بس على شنو ...
فاطمة : نورو انا حامل .
نورة : صج .. مبروك حبيبتي مبروك .
فاطمة: الله يبارك فيج ...
( نورة سمعت صوت الجرس)
نورة : حبيبتي ما ادري منو قاعد يطق الجرس اكلمج بعدين ..
فاطمة : اوكي .. يللا باي .
نورة : باي ..
وراحت نورة تشوف منو بالباب ..
نورة : هلا و الله ... شعندكم يايين هالحزة ..
ريم : نورة احنا يايين بنقولج موضوع ...
نورة : لا مو قصدي جذي بس اول مرة تيون هالحزة ..
عبدالله : نورة خلينا دش داخل ونتكلم ..
نورة : اوكي يللا ..
و دخلوا داخل ...
عبدالله : نورة بقولج شي ..
نورة : قول شنو ..
عبدالله : نورة ... محمد ...
نورة : شفيه محمد فيه شي ...
عبدالله : نورة محمد سوا حادث و مات ...
نورة : شنو انت شقاعد تقول محمد قالي بروح و برد ..
عبدالله : نورة محمد مات...
نورة : لأأأأأأأأأأ
و طاحت غشيانة و ودوها المستشفى ...
فاطمة : حسين وين بتروح ..
حسين : حبيبتي ما راح اطول ..
فاطمة : انزين وين بتروح ..
حسين : حبيبتي محمد سوا حادث و..
فاطمة : و شنو ..
حسين : مات ...
فاطمة : لا حول و لا قوة الا بالله و نورة شلونها ..
حسين : نورة بالمستشفى ...
فاطمة : انزين انطرني انا راح ايي معاك ..
حسين : لا فاطمة قعدي انتي حامل و راح تتعبين ..
فاطمة : لا حسين ان شاء الله ما يصير شي ..
حسين : يللا بسرعة ....
فاطمة : اوكي ... يا بعد عمري يا نورة ترملتي و انتي صغيرة .

و عقب ما وصلوا المستشفى ...
حسين : فاطمة انا انطرج برة ..
فاطمة : اوكي ..
و الصبح ....
وعقب ما دفنوا محمد ...
و بدا العزا ...
و كان الكل موجود يعزي بوفاة محمد ....
نورة كانت حالتها حالة عقب وفاة محمد ...
كانت كل ما تطالع داليا تبجي بجي ...

و بعد انتهاء ايام العزا ....
ريم : حبيبتي نورة شرايج تيين تقعدين عندنا ...
نورة : لا ريم انا ما راح اطلع من بيتنا .. ( قامت تبجي نورة ) هذا البيت اللي تزوجت محمد فيه و اللي عشت مع محمد فيه و اللي يبت بنتنا فيه شلون تبيني اهده ..
ريم : ماعليه حبيبتي ماعليه خلي ايمانج بالله قوي ..
نورة : ......
فاطمة : نورة تبين ايي اقعد عندج ..
نورة : لا حبيبتي انتي حامل ما ابي اتعبج ..

كانت اجواء الحزن مسيطرة على البيت ...
من يوم ما مات محمد و نورة مانامت و لا ذاقت طعم النوم ...
زعلانة على وفاة ريلها اللي حبته و ما حبت احد كثره ,,, تذكرت امها و ابوها اللي ماتو بنفس الطريقة ....
الله يصبرها ...
( داليا الحين عمرها 9 اشهر... نورة كل ما تسمعها تقول بابا تموت من البجي عليها .... )

و بعد 21 سنة ...
عبد الرحمن تخرج من كلية الحقوق و صار محامي ..
و ريم توفت .... عبد الله خطب داليا حق ولده عبد الرحمن ...
داليا تخرجت من كلية طب الاسنان مثل ابوها محمد ...
فاطمة لما كانت حامل ولدت و يابت ولد سمته محمد لان حسين بقا يسميه محمد على رفيجه ...
و هو الحين باقيله سنة و يتخرج من الجامعة ... و يابت بنت سمتها جمانة ...

نورة : اخيرا يا بنتي بشوفج عروس بنفنوف العرس ...
داليا : ههههه
نورة : من ونتو صغار ريم كانت تقول داليا حق عبد الرحمن و الحمدلله الحين صار اللي تبيه ... الله يرحمها ...
داليا : الله يرحمها ...
نورة : يللا يا بنتي خلصي عشان نروح الصالة قبل لا ايون الناس ..
داليا : ان شاء الله يما ...
نورة زوجت بنتها و داليا ما رضت تخلي أمها بروحها فقالت حق عبد الله الرحمن أنهم يروحون يعيشون في بيت ابوها ...
داليا : حبيبي عبد الرحمن شرايك نروح نعيش عند أمي لا نخليها تعيش بروحها..
عبد الرحمن : ان شاء الله حياتي ...
داليا : احبك احبك احبك ...
عبدالرحمن : هههههه و انا أموت عليج ...
و كان الكل عايش بسعادة ...
بس طبعا نورة لا يمكن انها تنسى ريلها و حبيبها و دنيتها ... محمد ..

[نــ الخليج ــور]

اتمنى تعطوني رايكم بالقصة اللي الفتها
:)

[ميرا 123]

وااااااااااااااااااااااو قصه رووووووعه يلا نبي التكمله

[نــ الخليج ــور]

شكرا اختي ميرا على رايج و ان شاء الله تعطيني رايج بالبارت اليديد

[نــ الخليج ــور]

بس تعديل بسيط
عقب ما مر شهر على وفاة محمد ...

نورة كانت تحس بعوار فبطنها بس عبالها ان عوار عادي و يروح بس لما زاد العوار راحت الطبيب مع فاطمة سوت تحاليل و طلعت حامل و صارلها شهرين ...
نورة قعدت تبجي بجي يعور القلب تذكرت محمد و كان ودها ان يكون معاها ...

[نــ الخليج ــور]

بعد شهر ..
داليا : يما قررنا انا و عبد الرحمن ان نيي نعيش معاج ..
نورة : لا يبنتي روحي بيتج انا كافي علي جاسم ..
داليا : لا شنو يما ما تبيني ايي عندج ..
نورة : لا يا بنتي بس انتي تزوجتي خلاص مالج الا بيت ريلج..

فاطمة : يما جمانة انا بروح مع خالتج نورة بيت بنتها داليا نبارك لها تبين تروحين ..
جمانة : أي يما متى ..
فاطمة : بعد الصلاة ان شاء الله ..
جمانة : خلاص اوكي ..

داليا : حبيبي ترى اليوم بيون امي و خالتي بيتنا ..
عبد الرحمن : خلاص حبيبتي اصلا انا كنت بطلع عندي شغل ..
داليا : اوكي حبيبي ... أي تذكرت حبيبيي انا عازمتك باجر على الغدا ..
عبد الرحمن : شالمناسبة ..
داليا : بسكيفي ريلي و حبيبي حرام اعزمه .
عبد الرحمن : ههههههههه لا مو حرام خلاص اوكي ... شرايج ناخذ ابوي و عمتي و جاسم معانا ..
داليا : اوكي خلاص .. اقولها .. و انت قول حق خالي ..
عبد الرحمن : ان شاء الله حبيبتي ..
داليا : انزين عمري شرايك توديني الصالون ..
عبد الرحمن : يللا قومي
داليا : مو تعبان حبيبي .
عبد الرحمن : لا حبيبتي و اله مو تعبان يللا قومي .
داليا : اوكي خمس دقايق ابدل و نروح ..
عبد الرحمن : اوكي عيل انا اروح اشغل السيارة على ما تيين مو تطولين ..
داليا : ان شاء الله عمري..

و بعد ساعة رجعوا البيت ...
عبد الرحمن : شنو هالحلاة ..
داليا : هههه تسلم حبيبي عيونك الحلوة .
عبد الرحمن : تعالي عاد وين رايحة .
داليا : شنو وين بروح بروح احط مكياج بروح البس ..
عبد الرحمن : خلاص انا بلبس و بطلع الحين تبين شي ..
داليا : لا حبيبي سلامتك ..
عبد الرحمن : الله يسلمج .

محمد ولد حسين مثل ما قلنا اخر سنة و يتخرج يوم من الايام كان قاعد مع رفيجه صلاح في كوفي شوب ..
صلاح : تعال انت الحيت تزوجت ولد خالها شتبي فيها بعد ..
محمد : حتى لو تزوجت راح اظل احبها ..
صلاح : يا معود هدها خلاص تزوجت و راحت بيت ريلها ..
محمد : مالي شغل احبها يا اخي احبها ..
صلاح : كيفك بس بعدين لي قالت حق ريلها و سوالك مشكلة قول احبها ..
محمد : .......

محمد كان رفيج جاسم حيل ...

محمد كان يحب داليا وااايد ..
بس محد يدري بحبه لها الا رفيجه صلاح ..

و بليل راح الكل بيت داليا يبارك لها ..
فاطمة : مبروك يا بنتي مبروك ..
داليا : الله يبارك فيج خالتي ..
جمانة : مبروك حبيبتي ..
داليا : الله يابرك فيج .. و الفال لج ان شاء الله ..
فاطمة : لا حبيبتي تو الناس عليها تخلص الثانوية و تدش الجامعة بعدين يصير خير ..
نورة : ان شاء الله يا رب تشوفينها عروس و بعدين تشوفين عيالها و عيال عيالها يا رب ..
فاطمة : تسلمين ...
نورة : أي عاد احنا حاجزينها حق جسوم ..
جمانة ( كانت مستحية حدها ) : .......
فاطمة : وي هذي الساعة المباركة ..
نورة : ساعتج ابرك ..

و بعد السوالف و القعدة راح الكل على بيته ..
و رد عبد الرحمن البيت ..

داليا: ها حبيبي شلونك ..
عبد الرحمن : تمام ...
داليا : يللا حبيبي روح ارتاح على ما الم الصالة و ايي ..
عبد الرحمن : داليا شرايج نروح نييب خدامة ..
داليا : كيفك حبيبي ..
عبد الرحمن : على الاقل تساعدج بشغل البيت ..
داليا : خلاص حبيبي نروح الاسبوع الياي ...
عبد الرحمن : اوكي ...

و اليوم الثاني ..
و عقب ما تغدى الكل برا و رجعوا البيت ..
داليا دقت على اخوها تساله ليش ما يا معاهم الغدى ..
داليا : الو قوة جسوم ..
جاسم : هلا داليا شلونج ..
داليا : تمام بخير ..
جاسم : و عبد الرحمن شلونه ..
داليا : الحمد لله تمام .. تعال انت وينك اليوم ليش ماييت ..
جاسم : و الله رجعت من الكلية تعبان حدي و نمت ..
داليا : أي ... انزين انا بس بقيت اسال عنك خفت فيك شي ..
جاسم : لا يبا شفيني يعني .. لا تحاتين ..
داليا : اوكي يللا عيل باي .
جاسم باي ..

نورة : يما جاسم شوف عاد انت الحين اخر سنة جامعة و بتتخرج ان شاء الله و بتشتغل مع عبد الرحمن ..
جاسم : أي شورا هالحجي يما ..
نورة : لا يعني انا اقول شرايك نخطبلك بنت عمك حسين جمانة ..
جاسم : يما انا جم مرة قتلج اني ما راح اتزوج بالهطريقة ..
نورة : يا ولدي و الله البنت حلوة و اخر سنة بالثانوية انت شوفها بس ..
جاسم : خلاص يصير خير يما بعدين ..
نورة : ان شاء الله ..

محمد : الو هلا و الله .
جاسم : هلا فيك حمود شلونك ..
محمد : و الله بخير الحمد لله .
جاسم : و الله بخير الحمد لله ... تعال شرايك نطلع اليوم نتعشى برة مع صلوح رفيجي ...
محمد : خلاص اوكي ...

و بعد جم شهر ..

فاطمة دقت على نورة تعزمهم باجر على الغدا بمناسبة نخرج بنتها جمانة من الثانوية ...
و صار موعد الغدى و راح الكل ...
داليا دقت عليها رفيجتها و طلعت برة عن الازعاج ..
و شافها محمد و طلع وراها ..
و عقب ما خلصت شافت محمد ..

محمد : داليا شلونج ..
داليا : بخير الحمد لله انت شلونك محمد ..
محمد : تمام الحمد لله ... داليا بقيت اقولج شي ..
داليا : قول تفضل ...
محمد : داليا انا من زمان احبج .. احبج حب مو طبيعي و ما حبيت احد كثرج ..
داليا : محمد شالكلام تدري ان انا متزوجة ..
محمد : و هذا اللي مضيق خلقي ..
داليا : عن اذنك محمد ...
محمد ( و اهو ماسك ايدها ) : داليا لا تروحين تكفين ..
و باللهحظة طلع عبد الرحمن و شاف محمد و هو ماسك داليا ..
داليا ما عرفت شتسوي ..
داليا : عبد الرحمن ..
عبد الرحمن : داليا انا رايح ..
داليا : لا عبد الرحمن انطر شوي عبد الرحمن ...
دشت داليا داخل و كان مبين عليها الضيق ..
نورة : يما داليا شفيج ..
داليا : ها ... لا يما ما فيني شي يما امشي يللا خلنروح دخت ..
نورة : يللا يما ..
و عقب ما سلموا على الكل راحوا البيت و جاسم قط داليا بيتها و راحوا البيت ...

داليا : حبيبي اسمعني ..
عبد الرحمن : لا تقولين حبيبي انا لو صج حبيبج جان ما سويت اللي سويتيه ..
داليا قعدت تبجي ...
عبد الرحمن : لمي اغراضج و روحي بيت امج انا مو مسعد ان اعيش مع وحدة تخوني ..
داليا : عبد الرحمن لأ انت شقاعد تقول ..
عبد الرحمن : انا طالع و لما ارد بليل ما ابي اشوفج ...

و راحت داليا بيت امها و اهي تبجي و حالتها حالة ...
نورة : داليا يما بنتي شفيج ..
داليا : يما لحقي علي ..
نورة : داليا شفيج ..
داليا و اهي تبجي : تهاوشت مع عبد الرحمن ..
نورة : ليش شصار ..
داليا ما قالت حق امها عن اللي صار بينها و بين محمد ...
نورة : قومي يما قومي نامي و ارتاحي و يصير خير بعدين ..

داليا كانت كل يوم تدق على عبد الرحمن و هو ما يرد و كانت تدزله مسجات و ما كان يرد عليها ...
و بعد شهر من الزعل ..

الدكتورة : مبروك اخت داليا انتي حامل ...
نورة : مبروك يما مبروك ..
داليا : الله يبارك فيج يما
نورة : يللا يما دقي على عبد الرحمن و قوليله اكيد بيفرح بالهخبر..
داليا : لا يما لأ ما راح اقوله اني حامل الحين خليها بعدين ..
نور: ليش يا يما خلينا نقوله يمكن يطيح الحطب اللي بينكم ..
داليا : لا يما بعدين يصير خير ..

نورة : شرايج يا بنتي نروح بيت خالتج فاطمة شوي نتطمن عليها ..
داليا : ان شاء الله يما ..
عبد الله : يا ولدي لي متى بظل جذي ليش ما تروح و ترد مرتك ..
عبد الرحمن : يبا مالي خلق اسولف بهالموضوع ..
عبد الله : مو ما يصير ياولدي هاد البنت جذي
عبد الرحمن : يصير خير يبا ..

صلاح : شفت شسويت بالبنت .
محمد : يا اخي شسوي احبها ...
صلاح : بالله شتسوى عليك اذا جاسم عرف
محمد : انا مالي شغل باحد ..
صلاح : حمود انت صاحي و لا مينون شنو مالك شغل باحد هذا اخوها ..
محمد : ....
صلاح : شوف انا قتلك و انت كيفك ..

محمد حس بغلطته و بقا يروح بيت داليا و يتاسف لها ..
و بالوقت اللي راح فيه محمد و عقب ما دش البيت وصل عبد الرحمن بقا يراضي داليا ..
داليا انصدمت لنا شافت الاثنين مع بعض ..
عبد الرحمن عصب ...
عبد الرحمن : الشرهة مو عليج علي انا اللي ياي اردج ..
داليا : عبد الرحمن تكفى انطر و الله ما كنت ادري انه بيي..
محمد : عبد الرحمن ..
عبد الرحمن : انت وخر عني لو سمحت ..
محمد : عبد الرحمن انطر انا كنت ياي اتاسف على اللي صار ..
عبد الرحمن : على شنو تعتذر على اللي شفته و لا اللي ما شفته...
داليا اسمعت كلام عبد الرحمن و داخت و طاحت ..
نورة : يما بنتي عبد الرحمن الحق عليها داليا حامل ..
عبد الرحمن : شنو ... حامل ..

و راحوا على طول المستشفى ..
عبد الرحمن : ها دكتور بشر ..
الدكتور : و الله يا اخ عبد الرحمن احنا سوينا اللي علينا و الباقي عليكم لازم تبتعد المريضة عن الزعل و التعب ..
عبد الرحمن : ان شاء الله دكتور ..
محمد : انا آسف عبد الرحمن ..
عبد الرحمن : خلا ص يا خوي صار اللي صار و اهم شي انك عرفت غلطك ..
محمد : أي و الله عرفت غلطي ..
عبد الرحمن : خلاص أنسى السالفة ..
محمد : عمري ما كنت متخيل انك راح ترضى علي ..
عبد الرحمن : اللي راح راح ..

جاسم : الحقير متى سوا اللي سواه .
نورة : يا ولدي هدي هدي شوي ..
جاسم : يما شهدي الله يهداج اشوف اختي ريلها متزاعل معاها بسبته و اسكت عنه ... ليش ما قلتولي من زمان .
نورة : يا و لدي انا بروحي ما دريت بالسالفة الا اليوم ..
جاسم : انا اوريه الحقير النذل .. و تبيني اتزوج اخته يما ها ..
نورة : يما البنت مالها شغل البنت طيبة و محترمة و مأدبة ..
جاسم : لا يما عقب اللي صار انا مالي شغل فيه لا اهو و لا اخته .و لو ما عمي حسين جان رحت ذبحته من زمان .
نورة : الله يهداك يا ولدي الله يهداك ..

[نــ الخليج ــور]

حسين : انت شاللي سويته بالبنية ... زين جذي فشلتنا معاهم ..
محمد : ....
حسين : ما تتكلم ما تقول شي ..
محمد : يبا انا رحت و تاسفت حق نورة و عبد الرحمن ..
حسين : غصبا عليك مو طيب منك .. الله لا يبارك فيك فشلتنا .. وين اودي ويهي من عبد الله الحين وين ..
محمد ( قام باس راس ابوه ) : انا آسف يبا و اذا تبي اروح و ياك و اتاسف له ..
حسين : لا حول و لا قوة الا بالله .
فاطمة : يا بوم محمد لا تسوي بنفسك جذي راح تتعب ..
حسين : ...

عبد الرحمن : حبيبتي انا آسف ..
داليا : لا تتاسف عبد الرحمن انت مالك ذنب لو انا كنت شايفتك جذي كنت راح اسوي نفس الشي ..
عبد الرحمن : و انت تعتقدين اني ممكن اسوي هالشي ..
داليا : بس انت اعتقدت اني انا سويت ..
عبد الرحمن : شسوي حبيبتي انا شفته ما سك ايدج حسيت ان ضغطي ارتفع ..
داليا : تغار علي ..
عبد الرحمن : بالله اذا ما اغار عليج اغار على منو .
داليا : احبك ..
عبد الرحمن : و انا اموت عليج يا بعد عمري و الله ..
داليا : محمد : شقال .
عبد الرحمن : تاسف عن اللي صار ..
داليا : و انت شقتله ..
عبد الرحمن : قتله انسى اللي صار و طاح الحطب ... و أنتي بعد انسي اللي صار .
داليا : ان شاء الله حبيبي ..
عبد الرحمن : و بعدين ليش ما قلتيلي انج حامل ..
داليا : و انت ليش ما كنت ترد على تلفونك لما أدق عليك ..
عبد الرحمن : انزين خلاص خلاص الحين بنتهاوش مرة ثانية ... خلينا انفكر باللي ياي مو اللي راح ..
داليا : عبد الرحمن شنو تبي بنت و لا ولد ..
عبد الرحمن : حبيبتي اللي ايي من الله حياه الله ..

نورة : يما جاسم ما تبي تروح حق اختك بالمستشفى ...
جاسم : امبلا يما ان شاء الله بليل بروحلها ..
نورة : خلاص يما مرني و اخذني معاك ...
جاسم : ان شاء الله يما من عيوني الثنتين ..
نورة : تسلم عيونك يا ولدي .
جاسم : الله يسلمج يما يللا مع السلامة ...
نورة : مع السلامة ..

فاطمة : جمانة روحي قوللي حق اخوج يودينا اليوم حق داليا ..
جمانة : ان شاء الله يما

جمانة : حمود امي تقول ودنا اليوم حق داليا ..
محمد : انزين ..

فاطمة : ها يما قلتيله ..
جمانة : أي يما و قال انزين ..
فاطمة : خلاص يما نصلي المغرب و نروح ...
جمانة : ان شاء الله ..

و بليل ...
كان جاسم و امه بالمستشفى ...
جاسم ( و اهو يتغشمر ) : اشوفج قمتي تتدلعين علينا ...
داليا : لا و الله شتبي انت مالك شغل ..
جاسم : هههههههه
و بعد شوي و لا تدش فاطمة و جمانة و محمد ..
جاسم تضايق اول ما شاف محمد و طلع برة الغرفة ..
جاسم : عن اذنكم انا بروح ..
نورة : وين يما اقعد شوي ..
جاسم : لا يما عندي شغل اخلصه و ارد ..
نورة : خلاص يما الله معاك ..
و طلع برة ..

محمد حس ان جاسم تضايق منه ..
وراح وراه ..
محمد : جاسم .. جاسم ..
جاسم : نعم شتبي لاحقني ..
محمد : جاسم انا ييت علشان اقولك اني آسف على اللي صار ..
جاسم : تتاسف .. هه شعقبه ..
محمد : انا تاسفت حق داليا وعبد الرحمن و هو سامحني ..
جاسم : اذا عبد الرحمن سامحك لا يمكن اني اسامحك ..
محمد : جاسم تكفى انا عرفت غلطتي و لا يمكن ان اعيدها .. انا قاعد اتحجى من صجي مو غشمرة و ارد اعتذر و اقول آسف على اللي سويته ..
جاسم ( و هو حاس بندم محمد ) : خلاص و انا قبلت اسفك
و حضنوا بعض و رجعت الصداقة مثل ما كانت ..

ورجعوا الغرفة مع بعض .....
نورة لما شافت ولدها مع محمد استانست وايد ..
نورة : خلاص عيل بدام ان رجعت المياه الى مجاريها .. انا راح اخطب جمانة حق جاسم .. ها شقلتي يا فاطمة ..
فاطمة : و الله شقول اكيد موافقة ..
نورة : و انتي يا جمانة .
جمانة ( و اهي ميتة من الحيا ) : موافقة .
جاسم كان يطالع جمانة و يضحك ..
محمد : مبروك يا خوي ..
جاسم : الله يبارك فيك .. الفال لك ان شاء الله ..
محمد : ههههه .
داليا : مبروك جمانة .
جمانة : الله يبارك فيج .
عبد الرحمن : مبروك بو حمود .
جاسم : الله يبارك فيك و الفال حق عيالك .
عبد الرحمن : هههه خل ايون ازل و بعدين يصير خير.
جاسم : ههههههه
نورة : خلاص اول ما تطلع داليا من المستشفى راح تيون عندنا العشا .
فاطمة : ان شاء الله .. خلاص اخنا نستاذن الحين .
نورة : وين وين تو الناس
فاطمة : لا حبيبتي وين تو الناس بروح بعد الحين يرد حسين البيت و ما يلاقي و لا احد .
نورة : خلاص عيل بس لا تنسين .
فاطمة : لا ان شاء الله ما انسى .. يللا مع السلامة .
نورة : مع السلامة ..
جاسم ما شال عينه من جمانة . و جمانة كل ماتشوفه تنزل ويها بالارض ..

و بعدها رجعت المياه الى مجاريها و محمد حس بغلطته و حس بتانيب الظمير بس انتهت السالفة و الكل نساها ..

و بعد خمس اشهر ..
يوم عرس جمانة و جاسم ...
فاطمة : مبروك يا بنتي مبروك ..
جمانة : الله يبارك فيج يما ..
داليا : مبروك حبيبتي ..
جمانة : الله يبارك فيج
و بعد وصول الرياييل و و عقب ما خلص العرس راح الكل بيته ..
داليا : حبيبي اليوم تذكرت يوم عرسنا .. و لما ييت مع الرياييل كان احلى يوم بحياتي ..
عبد الرحمن : و انا بعد عمري ..
داليا : حبيبي باجر بروح المطار نودي جاسم و جمانة .
عبد الرحمن : أي ان شاء الله .
عبد الله : يحلياه جسوم و الله و تزوج .
داليا : ههههه
عبد الرحمن : أي يبا شفته شلون كان مستانس ..
عبد الله : أي الله يتمم عليه ..
عبد الرحمن : ان شاء الله ..
داليا : انا ضايق خلقي على أمي راح تقعد بروحها ..
عبد الرحمن: تبين نروح نقعد عندها على ما يردون ..
داليا : لا حبيبي و خالي ..
عبد الله : لا يا بنتي روحوا و ما لكم شغل فيني و انا كل يوم راح اييكم ..
عبد الرحمن : أي حبيبتي و بعدين انتي حامل فراح تهتم فيج اكثر اذا رحنا عندها ..
داليا: خلاص كيفك حبيبي.
عبد الرحمن : خلاص باجر جهزي الاغراض.
دليا : ان شاء الله .
عبد الرحمن : يللا يبا تصبح على خير انا بروح انام .
عبد الله : و انت من اهله .
داليا : عبد الرحمن انطرني انا ياية معاك .
عبد الرحمن : يللا .
داليا : تصبح على خير خالي .
عبد الله : وانت من اهله .
و الصبح كان الكل متيمع في المطار يودع المعاريس ..
فاطمة : ديري بالج على نفسج و على ريلج حبيبتي ..
جمانة : ان شاء الله يما ..
نورة : يللا يا ولدي تروح و ترد بالسلامة .
جاسم : الله يسلمج يما
نورة : الفال لك يا محمد ..
محمد : لا خالتي انا تو الناس علي ...
نورة : شنو تو الناس بعد تخرجت و اشتغل الحمد لله متى بعدين ..
فاطمة : و الله يا نورة كل يوم احن عليه مو راضي ...
نورة : لا بيرضى بيرضى ان شاء الله بس خليه علي انتي ..
فاطمة : ههههه
داليا : يللا خلنروح الحين بتقعدون تسولفون بالمطار ..
نورة : يللا يا بنتي يللا من يوم ما حملتي صرتي حنانة ... الله يعين عبد الرحمن عليج ...
داليا : هههههههه

و انتهت القصة و عاش الكل مرتاح و مستانس ....
داليا يابت بنت و سمتها جنى .. و اهي عايشة سعيدة مع ريلها و بنتها ..
و محمد تزوج و يعاني من بعض المشاكل البسيطة في زواجه لكن بشكل عام مستانس ..
و جاسم هم عاش بسعادة مع مرته و عياله اللي يابهم ..
و نورة توفت بعد معاناة مع المرض ..
و حسين و فاطمة و عبد الله مستانسين بوجود عيالهم و احفادهم حواليهم ..

[نــ الخليج ــور]

انتظر ردودكم ....
بليز ردوا ....

[Devil forgotten]

حلوه واجد مشكوره

[Devil forgotten]

هلا
القصه مره كول
حلوه


مشكوره

[مالكني احساسي]

حلوووه

اممم فيها حزن بس لو توصفين الاحداث اكثر احسن

و لازم يكون فيها شوية مشاكل اتكون طويله و نتهي بالنهايه يلي تبينها

بس مبدئيا حلوووه و تابعي الكتابه