PDA المساعد الشخصي الرقمي

عرض كامل الموضوع : أف لا نقرى شي.



@Levanna@
02-07-2008, 14:02
تفضلو ملطوشه
( [خش ومش حتندم دنا كتبت موزوع إنما أيه خربوطي أوي ] ) <

--------------------------------------------------------------------------------


السلام عليكم ورحمة الله وبركاته

صباح & مساء الفل ع الكل

طبعاً الفل للمسجلين رسمياً في المنتدى

أما الزوار نص فل ويخب عليهم

يستاهلون لأنهم ماسجلوا في المنتدى


قود مورننق هاو الد اريو فاين ثانكيو فوت بول سكول بوي

يعني

أسعد الله مسائكم أيها الذي لقد أعضاء في هذه التي صفحة << قابلوني إذا فهمتوا شي



أعضاائي الدشييير ( أمحق مقدمة )

الصرااحة المقدمة ماتحضرني

وماراح أكتب أي مقدمة مادام إبن خلدون سبقني وكتبهااا

بخش بالزبدة ع طوول أو ع عرض اللي تبون

حبيت أسولف عليكم عن هوشتي مع الأسد اللي كسرت قرونه وطار بالحفرة وشغلت عليه الشكمان

وأشتغل الدش والراديو فيه خمس مكالمات لم يرد عليها وبعد مارحت للدوام لقيت زقارة بالحديقة

وأتصلت على إدارة مكافحة المتسولين لأسباب هندسية

ياليت ماتقولون لي عيد القصه لأني ما أقدر أعيدها لأسباب أمنية بحته



أبي أقولكم أول مغامرة وياليت ماتقولون إن هذا الفتى كذوب

لأني ما أحب إلي يكذبون لأنهم يروحون للنار


مرة من المرات كنت ذاهب إلى مقر عملي ألا وهو السوق

لغرض فعل الخير

ألا وهو الترقيم للفتيات والمغازلة والنحشة عن رجال الهيئة

فاليكم القصة بالتفصيل






مرة من المرات رحت الإستراحه ولقيت الشباب كلهم جالسين طقيت الشباك ودخلت
<< طرزان ماشاء الله عليه


المهم دخلت الإستراحة وكلي رجولة وكشخه وركوب الخيل

<< ركوب الخيل مالها داعي بس إندمجت مع مدح نفسي

المهم جلسنا وأخذت شوي ألا كل دقيقة يدق تلفون واحد من الشباب ويروح لزاوية بالإستراحة ويكلم بصوت منخفض

أنا على نياتي أحسبهم يكلمون حريمهم

إلي مرته تبي خبز وإلي تبيه يجيب عشاء لها ست الهانم توها صاحية

قلت ماشي خلهم يأخذون راحتهم

فجأة بقيت لحالي أنا والهندي وحاطين التلفزيون على قناة إم بي سي << يسوي دعاية للقناة

قالي الهندي : إنتا معلوم ليش شباب كلو روح بعيد وفيه كلام شوي شوي

قلت : والله يابن الحلال ياكومار مادري بس أكيد طال عمرك يكلمون حريمهم

قالي الهندي : وآعزي لك والله إنك بابا على نيات مال إنتا هذا نفر كلو يكلم هويه << أبو هنود ويقول وآعزي لك

قلت : الحمد لله والشكر أحد يكلم هويته ( بطاقته الشخصية )

قال : مو بطاقة هويه يعني صاهبه مال هو

قلت : لا يالداشر وش دراك

قال : كل شوي يجي نفر كلام ميه ميه أنا غازل كويس وأسلوب رودنسي ( رومنسي )

قلت : أهب حتى حمد أبو راس يكلم خويته

عز الله ضعنا إذا حمد هو وراسه إلي تقول هضبة نجد أيام الدولة العثمانية يكلم خويته من بقى ماكلم

قال : همد هذا فيه سبع بنات يموت عليه

قلت : الله يديم النعمة حمد أبو راس مربع تقول صك زواج ضفادع لا تقولي شافوه البنات بعد وللحين يحبونه

قال : اوه إنتا مرة مسكين همد هزا يطيح بنات كثير

قلت : أوكيه إصبر شوي

وأنا أنقز نقزت الذيب أبو جناحين وأطيح بحضن حمد

وأقول : أنت هيه بذمتك أنت ووجهك إلي تقول ضرس افغاني مسوس تكلم بنات ويعرفون إنك خبل ووجهك يجيب الهم

قال حمد : إلي مايعرف للبنات يشرب زقارة

( حمد= خبل ومايعرف يسولف حتى المثل خبصه )


قلت : دامك أنت تكلم بنات عز الله إني أبي أغازل شكل البنات خبلات بسرعة يعطون وجه

قال حمد : إستريح بس والله مايعطونك وجه أنت لا أسلوب ولا شي وتبي البنات يعطونك وحه

قلت : إنثبر بس مصدق نفسك أنت وخبالك إنك أسلوب

قال : أتحداك تضبط بنت لك إلي تبي ومعك إسبوعين

قلت : هين


وأنا أنقز للسوق نقزةً قوية سمع صداها جميع من في ذلك الحي

والقى لي ثلاث بنات جالسات لحالهم

قلت : بس فرصتك ياولد

وأنا أجيهم طاير من الفرحه طاير قلبي على نار حاير وحشتي شوف الكويت << دخل جو مع راشد

سمعت وحده تقول لصديقاتها : شوفي هذا إلي جانا يازينه يهبل هديت السرعه ولفيت يمين

وقالت الثانية : يازين خدوده الحمر يهبل

اسرعت مرة ثانية وأجيهم

وأقول : مرحبا ألا ماحد رد علي

قلت : شدعوة القمر مو سامعني << يعني أسلوب أنا ووجهي

قالوا : سامعينك يابن الحلال بس مو مصدقين واحد مثل حلاتك يعطينا وجه

قلت : أفا عليكم صدقوا أنا صحيح إني مزيون بس متواضع

فجأة وأنا التفت وراي ألا لقيت خمسة وثمانين بنت لقوا حتفهم لأني ماعطيتهم وجه

ومية وأربعة وأربعين بنت رافعين شعارات مكتوب عليها لا لــ ملحم زين ووائل كفوري

وعشر طعش بنت يترجوني أعطيهم الرقم

أنا قلت : بس تورطنا ياولد

البنات طق عصي يبوني وكل وحدة تقول هذا لي أنا شفته قبلك

وأنا أحط رجلي أبي البيت << طبعاً أحط رجلي يعني أنحاش مو أحط رجلي عندهم وأروح بدون رجل

والبنات ركض وراي ويقولون وقف تكفى عطنا وجه


وأنا أركض وفجأه طحت من التعب

ألا فيه بنت الظاهر كبيرة العصابه

قالت : وقفوا يابنات هذا لي أخيراً مسكتك وتحقق حلم عمري

أخيراً لقيتك

قلت : حرام عليك ماعندك إخوان تخافين عليهم

ترضين بنت تكلم أخوك

قالت : إسكت بس وهي تقرب لي وأنا أغطي وجهي وهي تقرب أكثر


فجأة طال عمركم لقيت أمي تصحيني

وتقولي : قم للدوام لا أنقز على بطنك


وطلعت كل هالسالفه حلم اخخخ يالقهر



<< يتحلم انه يصير مزيون وماحصل له


تشاااااوووو << يعني كنت عند صديقي

نسمة دلع
02-07-2008, 15:31
هههههههههههههههههههههههههههههههههههههههههههههههههه هههههه



يلا ان شاء الله يتحقق الحلم وتوقع في ورطة مع البنات مشكورة على الموضوع الرائع





ملاحضة

يسعدني اكون اول وحدة ترد عليك