PDA المساعد الشخصي الرقمي

عرض كامل الموضوع : علّموها لو تطول في الغياب وفـي جفاهـا



&%اسير الشوق%&
06-06-2008, 13:14
علّموها لو تطول في الغياب وفـي جفاهـا
إنّي اللـي مايمـلّ ومـا تغيّـره الليالـي
علّموها واحلفوا باللي رفـع سبـع وبناهـا
إنّها أغلى من حياةٍ جوّهـا ماقـد صفالـي
قولوا إنّ الصبر هيّن ، دامها تعرف غلاها
الغلا هي الغلا ، هي الحـلا وأم الدلالـي
قولوا إنّه لاوصلني صوتهـا كنّـي معاهـا
علّموها إنّه يكفي حسّهـا قربـي وجالـي
علّموها ليه حالـي عقبهـا عسـرٍ داواهـا
وعلّموها إنّ الغياب أشدّ من ضرب السلالي
جعل يفداها خفوقٍ ما نهيتـه عـن هواهـا
وجعل تفداها عيونٍ دمعهـا يسبـق مقالـي
قولوا العينين عيّت ماتشوف أحـدٍ سواهـا
والفكر محدٍ سرى به غيرها يابريّ حالـي
قولوا العينين كنْهـا مزنتيـنٍ جـاد ماهـا
أمطرت فوق الضلوع ودمرت ماكان عالي
والهموم اللي حوت صدر الجنوبي واحتواها
والله إنْها دهورتني ، ليت لي صدرٍ شمالي
والبلا لاقلت هانـت ، زاد بالدنيـا قساهـا
والبطا زاد البلا يوم البطا من عنـد غالـي
والفرح يا قلّ جوده يوعد النفـس ونساهـا
لين ملت من وعوده وارحلت قبل ارتحالي
كل هذا يوم غابت ،، واتركتني في حراهـا
شفت شي ٍ مايشاف وشلت ما فاق احتمالـي
ورغم هذا ما تعبت وما رقبـت إلاّ سماهـا
علّها تمطر سحايب وصلها ويْطيـب فالـي

goooren
06-06-2008, 13:21
يسلموووووووووووو على الكلمات الاجمل من رائعة


ننتظر جديدك

Memoяίes
06-06-2008, 15:50
××.. السلام عليكم..××

جميل جدا وكلمات رائعة
واحاسيس صادقة
ارجو رؤية مما يخطه قلمك في قسم الشعر والخواطر :)


اظن ان الموضوع منقول بما انك لم تنسبه لك :)
وهناك موضوع خاص للمواضيع المنقولة ::جيد::

إيمي حبي
06-06-2008, 16:14
تسلم على الكلمات الاكثر من رائعه

تقبل تحياتي