PDA المساعد الشخصي الرقمي

عرض كامل الموضوع : طلبات الينات من أ الى ي



aamqz
31-05-2008, 19:56
بسم الله الرحمن الرحيم
السلام عليكم ورحمة الله وبركاته,,

+-+-+-+-+-+-+-++-+-+-+-+-+-+-+

طلبات البنات من الألف إلى الياء

الالف : ابي فلوس بروح معزومة

الباء : بكرا ابيك تودين لبيت اهلي عندهم عزيمة

التاء : ترى اليوم انا ماني مسويه عشاء روح للمطعم جيب عشاء

الثاء : ثلاث اسابيع ما طلعنا للملاهي يالله ودنا اليوم

الجيم : جيب خدامه تساعدني بشغل البيت.....(والبيت نص شقة)

الحاء : حبيبى..ودى بساعة جديدة, مليت من ساعتي القديمة .....(والساعة ما صار لها شهرين)

الخاء : خل الشله اليوم..انا عازمتك نتعشى بره, بس على حسابك

الدال : دور لنا فله على 3 شوارع وفيها سرداب ....(الراتب 150 دينار من وين ياحسرة )

الذال : ذيك السنة (قبل 10 سنوات) قلت لك اشتر لنا سيارة Van أوسع وما شريت

الراء : روح قدم على اجازة خلنا نسافر ,,اووف حر

الزاء : زيد مصروف البيت هذا ما يكفي اغراض البيت (ومعظم البيزات عليها وعلى خرابيطها)

السين :سجاد البيت صار قديم ....غيره يا اخي (السجاد ما كمل له سنتين )

الشين : شيل ولدك شفته يصيح هناك,انا تعبت من العيال

الصاد : صف الملابس هناك منثرة, مليت وانا القط وراك

الضاد : ضبط اوضاعك..ترى كبرت المسؤولية

الطاء : طالع السيارة سكراب تفشل قديمة, نبي شبح

الظاء:الظاهر انك ما تحبنى..ليش ما شريت لى العقد الالماس اللى بغيته

العين: عيوني..اليوم شفت نفنوف عند زوجة اخوي يجنن...خاطري بواحد مثله

الغين: غير يا اخي اسلوبك معاي...كله برود..حسسني بحبك شوي

الفاء : فديتك حبيبي وين تبينا نسافر هالصيف؟

القاف : قدر يا اخي شوي...كل شغل البيت على راسي...تكرم وساعدني شوي

الكاف : كفاية ملينا من هالبيت متى راح تسوى لنا بيت اكبر من هذا

اللام : ليمتى بنتم محبوسني في هالبيت لا نطلع مثل الخلق ولا غيره

الميم : متى بتوديني لبنان مثل ما وعدتني قبل؟؟؟؟ ..... ( وهو ما وعدها ولا شيء)

النون : نبى نحجز شاليه شرم الشيخ طول الصيف ..لا تنسى ؟ .... ( وهي حدها البلاج)

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو : ورني شطارتك رح عند اخوك خذ منه الورث

الياء : يالله ايدك على 14000 ريال عشان تراضيني ..لانك زعلتني وكسرت خاطري ( والمشكلة اهي الغلطانة)

:D :p ;) :) :o:مكر: :لقافة: ::مغتاظ:: :نوم::محبط: :مذنب: :eek: :رامبو: :تدخين: :ميت:

الظافري
31-05-2008, 20:21
هههههههههههههههههههههههههههههههههههههه بصراحة قوية هذي

وين البنات يدخلون ويشوفون ....مشكووووووووووور اخوي تراك نشرت غسيلهم زين

aamqz
31-05-2008, 21:17
هههههههههههههههههههههههههههههههههههههه بصراحة قوية هذي

وين البنات يدخلون ويشوفون ....مشكووووووووووور اخوي تراك نشرت غسيلهم زين

مشكور على مرورك

المنـحوسة
04-06-2008, 13:15
ههههههههههههههههههههههههههههـ

بجد هادي طلباتنا اصلا يعورنا قلبنا اد ماطلبنا

اصلا حتى لو مانبي بس عناد فيكم نبي هههههههههـ

من جد الموضوووع ابدااااااااع لانة ينطبق علينا 100% وكلامك كلا صحيح

اختكـ المرجوجة .. اسمها المذكور اعلاه

*miley*
04-06-2008, 13:53
هههههههههههههههههههههههههههههههههههههههههههههههههه ههههههه

&*cool girl*&
04-06-2008, 18:34
أنا هذا ردي

راح أرد على كل تعليق


الالف : ملزوم عليك تدفع (ليش انت مو ريال البيت

الباء : ملزوم توديني (ليش مو من حقي أروح بيت اهلي)

التاء : لازم تشتري أصلا شرعا مو ملزومين نحن نطبخ ومافي دليل يثبت عكس كلامي وإلي عنده إعتراض يواجهني

الثاء : لازم تطلعنا شو يعني أنحبس بالبيت إذا انت وما تتحمل جعدت البيت

الجيم : لازم تجيب خدامه نفس رد حرف (التاء)

الحاء : ملزوم عليك تصرف علينا سواءا كان أسبوع ولا شهر من قالك تتزوج

الخاء : أكيد على حسابك شو يعني على حسابي مو إنت الريال كيف ترضى الحرمه هي إلي تدفع

الدال : والله إذا الراتب ما يزيدعن 150 دينار هذي مو مشكلتي مشكلتك إنت

الذال : لازم تشتري شو يعني ناوي تفشلني جدام خلق الله

الراء : أكيد بتسفرنا شو تبينا نتفحم إهني انت الريال ولازم تسفرنا

الزاء : بتصرف على خرابيطي والبيت بعد شو نسيت إنك ريال

السين :لازم نغير فيشن البيت ولا تبي يبقى كذي نبي نغير جو البيت

الشين : حس شويه بقيمتي لما أهتم بعيالك

الصاد : تستاهل شو انا زباله جاعده ألقط وراق دامك رميت البس بروحك تاخذه

الضاد : مره ثانيه أقولها نسيت إنك ريال البيت لازم تضبط

الطاء : الله وكبر عليك تبي تفشلنا طلع السياره يلا

الظاء:لازم تشتريلي العقد شو انت مو زوجي

العين: غصب تشتريلي النفنوف ليش زوجها أحسن من زوجي

الغين: لازم تحسسني لأن الشرع طالب كذي ولا عندك مانع


الفاء : أكيد تبيني اموت حر

القاف : بعده نقولهم تكرم وما يعجبهم والله حاله

الكاف : لازم بيت كبير ولا تبي يضضيق خلقي بهالبيت الصغير

اللام : لا والله بتطلعني أبي أشم هوا ما يصير تحبسني

الميم : عاد بهاذي معك حق بس مو كلنا بهالحركات دير بالك

النون : لازم توديني

الهاء :صح هالكلام ليش تخطب إذا مو قد الزواج

الواو : هالورث من حقي وحقك وحق عيالك تبي تخلي عند أخوك بعد

الياء : بكلمتين حلوه بترضى بس إنت ماعندك أسلوب





التوقيع





هاهاهاي

وهذا ردي يا حلوين

الريم البيضاء
04-06-2008, 18:51
انت ما شاء الله عنك

انت بتعجبيني


وانت يا اخ (الظافري ) ان شاء الله احنا حننشر غسيلكم

ورقصكم 5 بلدي



هههههههههههههههههه

ثانكس