" يومياتي مع Gon405 "

[fuy-chan]

السلام عليكم و رحمة الله و بركاته

فديتكم و الله وحشتوني واااايد ::سعادة::

طبعا أنا و ربيعتي العضوة Gon405
ما دخلنا المنتدى ما يقارب الثلاث أسابيع و كله من امتحاناتنا النهائيه و على هالمذاكرة كلها
امتحاناتنا كلها كانت صعبه هالسنة و بما أنكم أكيييد أشتقتوا لطلتي المبهرة و وجودي الساحر
و مواضيعي الشيقة >> حشا الأميرة ديانا :eek:
قررت أكتب لكم يومياتي في الأمتحانات و أكييد مع ربيعتي العزيزة في المدرسه Gon405
طبعا نحن كان عندنا أسبوع إجازة للمذاكرة و أنا المذاكرة عندي ما تشتغل إلا بالليل و جون العكس
الموووووووووووووووووووووووووووووووووووووووووووهم
أول امتحان كان الفيزياء و شوفو أشكال البنات أول يوم طبعا أنا جيت المدرسه قبلGon405 و دخلت القاعة
و عيوني كلها مغمضة و ما أعرف أنا وين و شو أسمي و من أي دولة و الحاله صعبه و الشكل عال العال
جودزيلا و أول ما شفتGon405 بطلت عيني أطالعها دشت البنية القاعه عيون مبطلة و عيون مغمضة و بدل
ما تقلي ذاكرتي ؟ قالت لي : ( طبعا باللهجة الجداوية ) فلانة نووومتي ؟. يلست أطالعها بعيني و قلت لها
حياتي أنتي شو رايج أنا نوومت و لا ؟ راحت بطلت عيونها و قالت : أنا و الله نوومت شوي و راسي يوجعني
مررررررة . أنا هني تغصصت و ارتفع ضغطي ع الأخير ع الأقل هي نامت و خمدت و ارتاحت أنا و الله سهرانه لين الحين المووهم قلت لها يلا نراجع لين يكتملن البنات و ناخذ الأوراق و فعلا دجوا الجرس يعني كل بنت
تنزرع بقاعتهاراحتGon405 قاعتها اللي حذالنا و أنا يلست أنطر الأبله توصلي و تعطيني الورقه و يا ريتها
ما عطتني فتحت اول ورقه و مرت على خير الثانيه الثالثه لين وصلنا العذاب الأكبر ورقه تقريبا فيها مسألتين عليهم ستين درجه أنا بطلت حلجي شبرين و يلست أقرا السؤال مرة مرتين ثلاث مافي فايدة ما اكتشفت قانون المسأله حاولت و حاولت مافي فايدة آخر شي أطلقت العنان لتفكيري و ما وصلني تفكيري إلا لحل واحد و هو :rolleyes:
الدعاء ع اللي سوا الأمتحان و طبعا يلست ادعي عليه و فجأة تذكرت أن في بنات معاي في القاعة تراني طوول الوقت كنت شبه نايمة مثل ما قلت لكم الموهم رفعت راسي أشوف البنات و ياريتني ما رفعت شفت الووووويل
جميع أنواع الأنهيارات العصبية لدينا في القاعة و في بنيه نعتبرها زعيمة الأنهيارات العصبيه معاي في القاعة
و أنا إذا شخص بكى و الله أبكي معاه فما بالكم بأمة لا إله ألا الله يبكين و ما بقى إلا شق الملابس و تدخل المنقذة :مكر:
دشت أبله غريبة قالت عندكم أسئله يا بنات و أسمعوا الصوت قوم اللي يتكلمن مو بنات و انا يحليلي ساكته مستمعه طبعا ما كنت أعرف بأحوال الطقس عند جون بس أكيد أحسن منا و راح أقولكم بصراحه و الله في جانب فرح مني يوم شفت هالصياح لأن لو كانوا عاديين راح أحس نفسي الغبيه الوحيدة مع أني مذاكرة
و في ذاك الوقت كنت بصيح بس ما دام الكل يصيحن عااااااااااااااادي المووهم طلعت من الامتحان و لقيت جون توها تطلع من قاعتها يلست المسكينه : الله يسامح اللي حط الأمتحان >> ههه ما سمعت دعائي كيف كان برىء :D
و يلسنا ننتظر ربيعتنا الثالثة بسميها نيله المووهم انتظرناها لين تطلع من قاعتها و شوفوا شو صاااااار من طلعت نطت في ويهي و يلست تصارخ : ايش هذا و الله حرام عليكم نحن ما عندنا كذا امتحانات تبهدل بالسعوديه .
و هزئتني كأني أنا وزير التربيه و التعليم و طبعا أنا عرفت أتصرف عشان أسكتها قلت لها شو رايج نروح المقصف أنا ميته من اليوع و ع طوول طرنا أنا و جون و نيله هناك و شرينا و ناكل ونشوف حالات من الأنهيار
الموهم جاء الباص و رحنا ع بيوتنا و اليوم الثاني كان علينا جيولوجيا و طبعا أنا من وصلت على طووول رحت
مسكت بنت أخووي عمرها سنه و خمس شهور كفختها كم من كفخة و شديت شعرها عشان ارتاح و ركضت طيراااااااان بسرعه خمس صورايخ لغرفتي عشان أخمد بس قلت ليش ما أصلي الظهر عقب أنام و نمت عقب ما صليت و طبعا جون غير من رجعت مسكت كتابها و لا تيلسون تقولون شاطرة أنا بعد شطورة بس بالليل يتفتح مخي :cool:
المووهم بكمل لكم شو صارلي نمت و صحيت الساعه سته طبعا أنا صحيت من قبل لصلاة العصر و رديت نمت لين صحيت الساعة سته و طبعا صحيت يوعاااانة فرحت طلبت من كافتريا و لين ما جاء خلصت صلاة المغرب و بس وصل دج هرن من سيكله و انا طيران نازله و فجأة يطلع أخووي من الميلس و يصارخ
على وين شو نسيتي نفسك يا مدام أنا وقفت أدلع عليه عشان يدفع عني الحساب و هو ما كان يدري أن الهندي ينطر بره و عقب ما قلت له راح دفع و أنا ما صدقت مسكت الكيس و طواالي ع الغرفه و هو يصارخ :
الحين صايرة غزاله بس يوم حد يطلب منج شي تيلسين تترنحين يا ...... و صلت غرفتي بالسلامه و كليت لين ما لاعت جبدي و عقب اتصلت حق جون و يلست أتفلسف عليها و فجأة حسيت مخي بدأ يتبطل رحت سكرت السماعه بسرعه و مسكت كتاب الجيولوجيا ::مغتاظ::

بقولكم شو صااار في امتحان الجيولوجيا بعد ردودكم ( و الله وحشتوووووووووووووني ) ::سعادة::::سعادة::

[همس العذاب]

اكملي ارجوكي

تقبلي مرووري :تدخين:

[بقآيآ كبريآء]

ها اكتشفتج انتي من الامارات ولا بعد صف ثاني علمي ..يالدبة .هههههههه

بس ناقص اعرف المدرسة ..

[fuy-chan]

اكملي ارجوكي

تقبلي مرووري :تدخين:


أكيييد حياتي بكمل ::سعادة::
بس انتظر ربيعتي Gon405
لأنها قالت تبي ترد ع الموضوع :rolleyes:
و شكرا ع مرورج الجميل :)

[fuy-chan]

ها اكتشفتج انتي من الامارات ولا بعد صف ثاني علمي


أعوذ بالله جنيه أنتي و لا شوو ؟ :موسوس:


..يالدبة .هههههههه

أفااااااااااااااااااااا :eek:
بس ناقص اعرف المدرسة ..

ليش ما تعرفين أسمي بالمرة و مكان أقامتي :D


مشكورة ع مرورج حيااااااااااتو ::سعادة::

[Gon405]

http://www.mexat.com/vb/attachment.php?attachmentid=442005&stc=1&d=1209197305

هلا بحبيبتي الدبدووووبة ^^ ،،
اشحااالج يالغلا :cool:
إن شاء الله تمااام ^.^ ،،

والله انك خطيــــرة ::سعادة:: ::سعادة:: ،،
طريقة سردك فظيــــعة ^o^ ،،
و مررررررررررة حبيــــتـــهــــا ::سعادة:: ،،

ذكرتيني بأيااام الإمتحانات التعجيزية :ميت: ،،

على فكرة انا و فيو مررررة صديقاات - على مااعتقد :rolleyes::مرتبك::D:D:D - هههههههه ،،
و معانا نيلة و زعيمة الانهيارات العصبية ^.^ ..

و الله احنا شــلــــة كــشـــخــــة ::سعادة::::سعادة:: ،،

حبيت هذي اليومية ،،


أول ما شفتGon405 بطلت عيني أطالعها دشت البنية القاعه عيون مبطلة و عيون مغمضة و بدل
ما تقلي ذاكرتي ؟ قالت لي : ( طبعا باللهجة الجداوية ) فلانة نووومتي ؟.


أنا بطلت حلجي شبرين


حاولت و حاولت مافي فايدة آخر شي أطلقت العنان لتفكيري و ما وصلني تفكيري إلا لحل واحد و هو
الدعاء ع اللي سوا الأمتحان و طبعا يلست ادعي عليه و فجأة تذكرت أن في بنات معاي في القاعة تراني طوول الوقت كنت شبه نايمة مثل ما قلت لكم الموهم رفعت راسي أشوف البنات و ياريتني ما رفعت شفت الووووويل
جميع أنواع الأنهيارات العصبية لدينا في القاعة و في بنيه نعتبرها زعيمة الأنهيارات العصبيه معاي في القاعة
و أنا إذا شخص بكى و الله أبكي معاه فما بالكم بأمة لا إله ألا الله يبكين و ما بقى إلا شق الملابس و تدخل المنقذة

هههههههههههههههههههههههههه
هههههههههههههههههههههههههه

طووووووول عمرك دمـــك خفيــف ::جيد:: ،،

يسلموووو حياتي ^.^ ..

و انا في انتظاااار الجيولوجيا ،،

و تقبلي فااائق احترامي و تقديري ...

تحياتي ... :رامبو:

[fuy-chan]

هلا بحبيبتي الدبدووووبة ^^ ،،
اشحااالج يالغلا :cool:
إن شاء الله تمااام ^.^ ،،

أوووب أوووب شو السالفه أشوفج صرتي
ترمسين اماراتي و الله و طلعتي خطيررة ;)B]


والله انك خطيــــرة ::سعادة:: ::سعادة:: ،،
طريقة سردك فظيــــعة ^o^ ،،
و مررررررررررة حبيــــتـــهــــا ::سعادة:: ،،
[B]
أشكرج >> أعتقد فهمتي منو أقلد :rolleyes:



على فكرة انا و فيو مررررة صديقاات - على مااعتقد :rolleyes::مرتبك::D:D:D - هههههههه ،،
و معانا نيلة و زعيمة الانهيارات العصبية ^.^ ..

و الله احنا شــلــــة كــشـــخــــة ::سعادة::::سعادة:: ،،

حبيت هذي اليومية ،،

و الله أحسن شلة بالمدرسة كلها
مافي حد شراتنا :تدخين:


هههههههههههههههههههههههههه
هههههههههههههههههههههههههه

طووووووول عمرك دمـــك خفيــف ::جيد:: ،،

يسلموووو حياتي ^.^ ..

الله يسلمج قلبوووووووووو :)


و انا في انتظاااار الجيولوجيا ،،

هههه هذا حالة ثانية :D


مشكورةعلى أحلى مرور يا قلبوووووو
نورتي الموضوع مررررررررررررررررررررررة ::سعادة::

[ابو فارس]

السلام عليكم

بالأول ألف مبروك لك وللأخت جون على الإجازة .. :)

باقي علي أسبوعين غير هذا وينتهي الهم :D أحب أيام المدارس كانت الإختبارات لها طعم خاص ^^
وبخصوص إختباركم للفيزياء أنا يوم افتح كتاب الفيزياء على طول كذا شكلي :eek: بعدها :ميت:
يعني بالعربي مخي مو راضي يفهم قانون واحد

الجيولوجيا .. اممم ذي المادة ما مرت علي والسبب الفيزياء طبعا :مرتبك: لأني ما افهم بالفيزياء
خفت أدخل نفسي في دوامة يوم أدخل علمي ليت عندي منهجين رياضيات بس يحذفوا هالمادة >.<

صراحة يومياتكن خطيرة .. خصوصا الصياح في القاعة ههههههههه أكيد المدرسات فقدن السيطرة :ضحكة:
تسلمي أختي على اليوميات الحلوة بجد ما شاء الله عليكن ناطرك تكملي لأني أعرف جون
ويوم شفت موضوعك عنك وعنها قلت ادخل واوسع صدري الصبح .. :D

تحياتي وسلامي .. خطيب هيناتا ابو فارس :رامبو:

[قالب ثلج]

وعليكم السلام ورحمه الله وبركاته
كيف حالكن ياعسولات انتِ وهي
وماهي احوال الطقس لديكم؟؟:p
شكلها مغيمه وامطار وفيضانات اعانكم الله فأنت السابقون ونحن اللاحقون>>>مابعد بدينا الازمه::مغتاظ::
المهم موضوعك بجد خطير ويومياتكم جميله رغم مافيها من صعوبه مامررتم به
ولكنها ستبقى ذكرى لاتمحى ,,:rolleyes:
كم جميل صياغتك للموضوع وشيقه هي احدثها;)
متابعه لكم وباصرار:مكر:
ياهيا يافتاه افصحي عن ماده الجيولوجيا>>من اسمها شكلها شينه::مغتاظ::
بالتوفيق لكن في اختباراتكن::جيد::
هيا نحن بانتظار التكلمه:)

[Gon405]

مرحباااا جماااااعة ^^ ،،،

يسررررررناااا مرووووركم ^.^ ..

الله يبارك فيك أخي ابو فااارس ،،
والله صح كلامك الفيزياء هـــم كبيـــــر >< ،،
شكرااا لك اخي على المرور ،،

عزيزتي قالب ثلج ،،
الأجواااء حالياً مشمسة و الجووو جميـــل لاننا في الاجااازة ::سعادة:: ::سعادة::
يسلمووو حبيبتي على الرد ،،

و انتظرووووا رد العسووولة فيو ^.^ ..

اممممممم
حبيت اضيف لكم إضااافة بسيطة للموضوع و هي جدولــنـــا ^o^ :

http://www.mexat.com/vb/attachment.php?attachmentid=450809&d=1210412756

تحياتي .... :رامبو:

[fuy-chan]

السلام عليكم

و عليكم السلام يا هلا بخطيب هيناتا ::سعادة::
كنت عارفه أن النور نورك >> أسكتي احسن :D
بالأول ألف مبروك لك وللأخت جون على الإجازة .. :)

الله يبارك فيك ::جيد::


باقي علي أسبوعين غير هذا وينتهي الهم :D أحب أيام المدارس كانت الإختبارات لها طعم خاص ^^
وبخصوص إختباركم للفيزياء أنا يوم افتح كتاب الفيزياء على طول كذا شكلي :eek: بعدها :ميت:
يعني بالعربي مخي مو راضي يفهم قانون واحد

و الله حالتي من حالتك و مع ذلك ما أعرف شو اللي رماني ع علمي:confused:
الجيولوجيا .. اممم ذي المادة ما مرت علي والسبب الفيزياء طبعا :مرتبك: لأني ما افهم بالفيزياء
خفت أدخل نفسي في دوامة يوم أدخل علمي ليت عندي منهجين رياضيات بس يحذفوا هالمادة >.<

و الله لازم تحمد ربك ما تعرف مادة الجيولوجيا و أمنيتي الوحيدة
يحذفوا رياضيات تراه جنني :ميت:

صراحة يومياتكن خطيرة .. خصوصا الصياح في القاعة ههههههههه أكيد المدرسات فقدن السيطرة :ضحكة:
تسلمي أختي على اليوميات الحلوة بجد ما شاء الله عليكن ناطرك تكملي لأني أعرف جون
ويوم شفت موضوعك عنك وعنها قلت ادخل واوسع صدري الصبح .. :D


الله يسلمك و ياريت تشرفنا دوووووم :)
تحياتي وسلامي .. خطيب هيناتا ابو فارس
شكرا ع مرورك أخ أبو فارس :)

[fuy-chan]

كيف حالكن ياعسولات انتِ وهي

الحمدلله تماام ::سعادة::
وماهي احوال الطقس لديكم؟؟:p

و الله أحلى طقس عندنا يسمونه موسم الإجازات و عقبالكم :cool:

شكلها مغيمه وامطار وفيضانات اعانكم الله فأنت السابقون ونحن اللاحقون>>>مابعد بدينا الازمه::مغتاظ::

لا حياتي طلعنا من جو الفيضانات و الزلازل الدور عليكم الحين :نظارة:

المهم موضوعك بجد خطير ويومياتكم جميله رغم مافيها من صعوبه مامررتم به
ولكنها ستبقى ذكرى لاتمحى ,,:rolleyes:

صدقتي و الله ذكريات حلوة وااايد:rolleyes:

كم جميل صياغتك للموضوع وشيقه هي احدثها;)

احم احم >>كبر راسها :D
متابعه لكم وباصرار:مكر:

يا ريت والله نتشرف ;)

ياهيا يافتاه افصحي عن ماده الجيولوجيا>>من اسمها شكلها شينه::مغتاظ::
بالتوفيق لكن في اختباراتكن::جيد::

شينه وبس إلا لوعه جبد و الله يوفق الجميع :نوم:

هيا نحن بانتظار التكلمه:)

و التكملة جاية
و شكرا ع المرور الرائع ::جيد::

[برونولا]

بصراحة موضوع جميل جدا ويوميات أجمل والأحداث رائعة..
وأنا منتظرة التكملة بفارغ الصبر...تقبلوا مروري.

[fuy-chan]

مرحبا جميعا اليوم راح أقولكم شو صار في امتحان الجيولوجيا لكن أولا أحب أشكر كل من نور موضوعي برده الجميل و خالص حبي و احترامي لكم و أتمنى أن تمرونا و تنورون الموضوع دوووووووووم ::سعادة::
آخر مرة وقفت يوم مسكت كتاب الجيولوجيا ( علم الأرض) الساعه سبع و عشر و ذاكرت تقريبا لين الساعه 2:50 و عقب رحت أنام و أول ماحطيت راسي ع السرير مرت لحظة و أحس بيد تخض راسي خض بطلت عيني شفت أختي تصارخ علي : شوو ما تقومين إلا بعد طلعه الروح قومي صلي أذن الفجر أنا هني أنصدمت
كيف أنا توني حاطة راسي المووهم قمت صليت و عقب قلت في خاطري ليش ما أنام ساعه بعد في وقت تسللت لداخل حجرتي عشان أخمد إلا تكشفني أمي قالت لي : تبين ترتاحين برايج بس أحسن ذاكرين الحين لأن مافي وقت لمراجعه الدروس أحسن من هذا الوقت و بصراحة تذكرت كلام أبله الكيمياء لأنها مرة قالت لنا نفس الكلام قلت في خاطري أراجع عشان ما أتوهق شراة وهقه امتحان الفيزياء و طلعت من حجرتي لقيت حرمة أخوي ماسكة بنتها اممم استانست نيأهاهاهاهاها الحين بشد شعر حد بس ما راح أسويها إلا قبل ما أطلع عشان لوشديت شعر بنت أخوي الحين أمها بتدفني و بصراحه بدل ما أذاكر يلست أطالع أم بي سي 3 مع أخوي الصغير و الله جنون البقر يوم يشتغل مشكله :D المووهم
رحت المدرسة و أنا عادة أروح بالباص مع جون بس هاذي الفترة رحت بسيارة و طبعا دووم أوصل قبل جون و الشله دخلت القاعه و كانت باردة و في بنيه ما أعرفها يالسه تبرشم و الله حاله علمي و يبرشمن المووهم يلست أطالعها عشان تستحي ع ويها بس و الله و لا سوتلي أعتبار حسيت نفسي ما اسوى ريال رحت و قعدت بمكاني و أنا ساكته بكرامتي أنتظر جون يلست يمكن خمس دقايق طلعت البنت اللي كانت تبرشم و فجأة دخلت جون القاعه و يلست تنط لين ما وصلت حذالي أنا قلت :لااااااااا مادام جون تنط يعني نامت كعادتها و جون ع فكرة أسميها دجاجتي الصغيرة لأنها دايما بعد صلاة العشا تلاقونها نايمه و تحلم بعد المووهم قلت لها : خير يا حلوة شو السالفه من صباح ربي تنطين ؟ >> أسوي روحي ما أعرف :D
و قبل ما ترد جون ع طول سألتها الساعه كم خمدتي ؟ قالت : لااا أنا أمس نومت كويس و ما سهرت أذاكر .
أنا يلست أعض حلجي و أفرك أيدي و قلت لها حياتي خلينا نذاكر قبل ما أرتكب فيج جريمة قالت : ليش :مندهش:
أكيد سهرتي صح ؟ أنا : هيه صح و قاطعتنا زعيمه الأنهيارات العصبية دشت القاعه كيفكن بناااااااااااات ::سعادة::
أنا صارخت أنتي اسكتي و الله لو صحتي اليوم بأكل ويهج و جون يلست تضحك و شوي شوي البنات بدوا يتوافدون للمدرسة و دج الجرس و طارت جون ع قاعتها و دخلت القاعه البنت اللي كانت تبرشم و المسكينه مسوية روحها بريئه عطونا الأوراق و الله العظيم أن من أول ورقه ضعت أسئلة و مصطلحات و رسمة عن قشرة الأرض و فيها زلازل و صدوع قلت لازم أفكر هالمرة ما يصير جذي و يلست أفكر و خليت الدعاء على اللي سوا الأمتحان لبعدين و الحمدلله بعد ما عصرت مخي عصااااااااار طلعت المعلومات و مالت ع المعلومات اللي طلعت المووهم رفعت راسي أشوف أحوال الرعية و الكل مرتبك و أشتغلت الزعيمة بالتدريج يلست أول شي تضرب رجلها بالأرض و عقب يلست تطلع صوت غير معروف أعتقد الصوت ما قبل الأنهيار:rolleyes:
و البنات طايحين في المراقبة أسئلة و ع فكرة المراقبه كانت أبلتي اللي درس فيزياء و الأبله مخيفه عطت البنات بنضرة كلهم سكتوا أنا يلست أضحك في داخلي مو أنا الغبية الوحيدة هني بس الأبلة لو شو ما سوت محد يقدر ع الزعيمة طبعا زعيمة قاعتنا قلبتها حزن و يلست تصيح و توترت الأبلة و توتروا البنات عقب وحدة ذكية في صفنا قالت أبله خلها تقول السؤال و اللي فاهمة من البنات تفهمها اللي ما فهمته
و طاعت الأبله الزعيمه سألت السؤال و ردوا عليها البنات و طبعا زعيمتنا عندها مليوووون سؤال فالأبله حست أن البنات مصخوها و قالت خلااص مافي أسئلة هني زاد معدل الأنهيارات :rolleyes: و طبعا مافي أحسن من قاعه جون صح أنهم يصيحن بس ع وضعية الصامت يعني مافي صوت مو نفس قاعتي أنا حليت اللي حليته و توكلت ع الله و سلمت الورقه المكونه من ثمان أوراق حسبي الله عليهم طلعت من القاعه لقيت جون تنطرني و طلعت وراي نيله سألتني جون شو الأمتحان قلت لها أحسن من أمس بوااايد و نطت نيله تقول اللي يشوف امتحاناتكم يبغي يرجع وطنه أناهني خلاااص وصلت لين خشمي قلت حق جون شوتيها من ويهي و لا بيصير دم قبايل في المدرسة و جون كل اللي فالحه فيه تضحك المووهم قعدنا نتريا الزعيمه بس تأخرت فنزلنا نشتري من المقصف و قعدنا في استراحة ساحة المدرسه و يلسنا سوالف على حش على خرابيط بنات و فجأة أسمع صوت من بعيد فلاااااااااااانه لفيت ويهي لقيت نص بنات صفنا جايين صارووووخ عندنا أنا مت من الزيغه قلت هذا الركض ما وراه خير المووهم وصلوا و نحن خير شو السالفه ؟ :confused:
قالت وحدة تدرين منو حط امتحان الفيزياء ؟ قالت نيله منو يعني أكيد أستاذ اماراتي أنا طالعت جون بنضرة صاعقة عشان تسكتها و بدل ما يخافون و يسكتن يلسوا هم و بنات الصف يضحكن و أنا الضغط عندي ضرب الرقم القياسي في موسوعه جينيس راحت قالت بنيه لا لا تدرون أن أبلتنا حق الفيزياء هي اللي حطت الأمتحان :eek::eek::eek:
انا بطلت حلجي عشر أمتاار و يلسنا أنا و نيلة و البنات ندعي و نسب و نشتم و جون : حرام عليها المفروض
أنها عارفه مستوى بناتها ليش تصعبه .. يلسوا بنات الصف يطالعونها و أنا ونيله سحبناها عشان ما تتعرض للقتل و رجعت البيت و أنا تعبااانه و مو قادرة أصلب طوولي :ميت:


الباقي بعد الردود و تحياتي :رامبو:

[fuy-chan]

شكرا ع المرور برونولا
و التكملة وصلت بعد ردج
الجميل ;)

تحياتي :رامبو:

[برونولا]

مشكورتين وبانتظار التكملة وياريت تسرعوا في اكمالها لأن لدي امتحان ...
ولكن لدي طلب : في أي سنة أنتم ..هل أنتم في الثانوية ولكن في 1.2.3.
وأتمنى عدم ازعاجكم بسؤالي.ههه.

[fuy-chan]

مشكورتين وبانتظار التكملة وياريت تسرعوا في اكمالها لأن لدي امتحان ...
ولكن لدي طلب : في أي سنة أنتم ..هل أنتم في الثانوية ولكن في 1.2.3.
وأتمنى عدم ازعاجكم بسؤالي.ههه.

أكيد راح نسرع بوضع التكملة إن شاء الله
و بالتوفيق في امتحانج إن شاء الله ::جيد::
أما عنا فنحن في ثاني ثانوي قسم علمي :rolleyes:
و ما في ازعاج ابدا منورة موضوعي أختي الكريمة
و شكرا :)

[fuy-chan]

وين الردوووووووود ؟؟؟؟؟؟

لهاذي الدرجه موضوعي ممل ؟؟

أنا زعلت

[Gon405]

http://www.mexat.com/vb/attachment.php?attachmentid=442005&stc=1&d=1209197305

ياهلا و مرحبا ^^ ،،

كيف الحااااال فيووو ؟؟
لا لا لا لاتزعلي ،،
انا ماقدر على زعلك ياالدبدووبة :rolleyes: ،،

بعدين اليوم يوم ميلادك ،،
مين قدك ;) ؟؟
كل عام وانتي بخير حبيبتي ^.^ ..

يمكن الأعضااء أمس ناموا بدري زيي :D :D ،،
هههههه

الصراااحة هذي اليومية حلووووة ^.^ ..
وكالعادة أسلوووب كتااابتك مرررررة مميز و كوميدي :D ::جيد:: ::جيد:: ::جيد:: ،،

الصرااااحة إمتحان الجيولوجيا ماكان كثيـــر حلوو ،،
لكنه قدام الفيزياء يــجـــنــــن :D :D ،،
ههههههههههه

× × × × ×


طلعت من حجرتي لقيت حرمة أخوي ماسكة بنتها اممم استانست نيأهاهاهاهاها الحين بشد شعر حد بس ما راح أسويها إلا قبل ما أطلع عشان لوشديت شعر بنت أخوي الحين أمها بتدفني و بصراحه بدل ما أذاكر يلست أطالع أم بي سي 3 مع أخوي الصغير و الله جنون البقر يوم يشتغل مشكله

هههههههههههههه
الله يعينها بنت أخوكي :D ،،

و بعدين انتي ماتحبي ام بي سي 3 ،،
ليش تشوفيها ؟؟
و الله صح كلامك جنون البقر لما يشتغل حكاااية :D :D ،،
هههههههههههه


و في بنيه ما أعرفها يالسه تبرشم و الله حاله علمي و يبرشمن المووهم يلست أطالعها عشان تستحي ع ويها بس و الله و لا سوتلي أعتبار حسيت نفسي ما اسوى ريال رحت و قعدت بمكاني و أنا ساكته بكرامتي أنتظر جون

هههههههههههههههههه
هههههههههههههههههههههههههه
ضحكتيني يخرب عقلك ،،،
ههههههههههههههههههههههههه
و الله موقف فظيــــع :D :D ،،
ههههههههههههههههههه


دخلت جون القاعه و يلست تنط لين ما وصلت حذالي أنا قلت :لااااااااا مادام جون تنط يعني نامت كعادتها و جون ع فكرة أسميها دجاجتي الصغيرة لأنها دايما بعد صلاة العشا تلاقونها نايمه و تحلم بعد المووهم قلت لها : خير يا حلوة شو السالفه من صباح ربي تنطين ؟ >> أسوي روحي ما أعرف

له له له له :eek:
هذا كله جواكي و انا قاعدة أنط ببراءة :مندهش: :D :D :D


يلسنا أنا و نيلة و البنات ندعي و نسب و نشتم و جون : حرام عليها المفروض أنها عارفه مستوى بناتها ليش تصعبه

و الله الصراحة كلامي كله حكم :D :D ،،
ليش تصعبه مادام هي عارفة انه بناتها حالتهم صعبة في الفيزياء !!!!

× × × × ×

أوكي حياتي ^^ ،،،
أنا في انتظاااار اليومية الثالثة مع مادة الرياضيات ::جيد:: ::سعادة:: ::سعادة:: ..

و تقبلي فااائق احترامي و تقديري ..

تحياتي ... :رامبو:

[kazomi]

السلام عليكم ورحمة الله وبركاته

ههههه
والله ضحكتيني من كل قلبي


أول امتحان كان الفيزياء
أم بداية تفتح النفس:D:D

ورقه تقريبا فيها مسألتين عليهم ستين درجه
:eek::eek::eek:
ستيت درحة
هو الامتحان كم درحة عليه?


ما وصلني تفكيري إلا لحل واحد و هو
الدعاء ع اللي سوا الأمتحان

إن شاء الله افاد؟؟:D:D


و هزئتني كأني أنا وزير التربيه و التعليم و طبعا أنا عرفت أتصرف عشان أسكتها قلت لها شو رايج نروح المقصف
تفذت الطاقة كلها في الإنهيارات


مسكت بنت أخووي عمرها سنه و خمس شهور كفختها كم من كفخة و شديت شعرها عشان ارتاح

حرام عليكي كرهتيها في حاجة اسمها فيزياء
انا لو كنت مكانك اروح الغرفة واهداء
:cool::cool::cool::cool::cool:
.
..
.
.
.
.
..
.
.
.
.





بصراحة لو كنت مكانك اعمل الي مايتعمل في اخواني
يعني عاملة نفسي بريئة:D:D:D:D


على وين شو نسيتي نفسك يا مدام أنا وقفت أدلع عليه عشان يدفع عني الحساب و هو ما كان يدري أن الهندي ينطر بره و عقب ما قلت له راح دفع و أنا ما صدقت مسكت الكيس و طواالي ع الغرفه و هو يصارخ :
الحين صايرة غزاله بس يوم حد يطلب منج شي تيلسين تترنحين يا
ما يفاح الى مع الاكل
المخ


عقب رحت أنام و أول ماحطيت راسي ع السرير مرت لحظة و أحس بيد تخض راسي خض بطلت عيني شفت أختي تصارخ علي : شوو ما تقومين إلا بعد طلعه الروح قومي صلي أذن الفجر أنا هني أنصدمت
كيف أنا توني حاطة راسي


لما نذاكر الوقت يمشي ولا كانه سلحافه نايمه
اما لما نام ولا نلعب
الله اكبر ارنب رشيق:p


و بصراحه بدل ما أذاكر يلست أطالع أم بي سي 3

اكيد ناطره سندس والعلوم على الله يساعد:D:D:D


جنون البقر يوم يشتغل مشكله
هههههههههه
استني تشوفي جنون البقر بتاعي
حتقولي ( دانا صفر ع الشمال):D:D:D


لااااااااا مادام جون تنط يعني نامت كعادتها و جون ع فكرة أسميها دجاجتي الصغيرة لأنها دايما بعد صلاة العشا تلاقونها نايمه و تحلم بعد
اذا جون دجاجه اجل انا شنو ؟؟؟؟
انا ولا دب في حالة السبات عند الشتاء:D:D:D

اللي حليته و توكلت ع الله و سلمت الورقه المكونه من ثمان أوراق


٨ اوراق! كم سؤال عندكم؟؟
والله انا ما اذكر كم ورقه كان امتحان الفيزياء بس اذكر انه كان ٣٠ سؤال اول ١٠ كانوا اختياري وال٢٠ الباقية كل سؤال ياخذ صفحه
وعلى فكرة ممنوع الاجابه ي ورقة الاسئلة:بكاء::بكاء::بكاء::بكاء:


انا بطلت حلجي عشر أمتاار و يلسنا أنا و نيلة و البنات ندعي و نسب و نشتم و جون : حرام عليها المفروض
أنها عارفه مستوى بناتها ليش تصعبه .. يلسوا بنات الصف يطالعونها و أنا ونيله سحبناها عشان ما تتعرض للقتل

:D:p:D::جيد:::D::جيد::
الجميع للفرد والفرد للجميع


رجعت البيت و أنا تعبااانه و مو قادرة أصلب طوولي

ان شاء الله لما تشوفي نسبتك العاليه حتقولي فداك ياالتعب


الباقي بعد الردود و تحياتي


شوقتيني لتكمله

عايزه اشوف حالتكم في الرياضيات

موفقين جميعا بإذن الله
تحياتي::جيد::

[قالب ثلج]

الســلام عليكم ورحمه الله وبركاته

اهلا بكن ياعسولات وبي ايضا معكن:D
يومياتكن رائعه وشيقه مليئه بالمواقف الطريفه
واخرى محزنه لعدم تمكنكن من الاجابه على ثمان اسئله:D
اسئله او اوراق:p
بصراحه ايام اختبارتكم بجد صواعق وعواصف
خاصه لمن تكون الماده دسمه وتزيد الدسومه الاسئله الغبيه
اللي مدري ومن وين جايه:mad:
والمقلب الاغبى لمن الاسئله توضع من غير معلم الماده:mad:
>>>بجد هنا اطلع من طوري انا:mad::mad:
والاغرب منه كله انك ماتعرفي تجاوبي مع انك ذاكرتي::مغتاظ::
انا ربما يصادفني مثل هالاسئله اذا ماعجبني منها شيئ اسجل اسمي
واسلم الورقه:p
واخاوي الماده في السنه اللي بعدها:D
نصير ربع واحباب بس ياشينها لو تعلقت برقبتك ماراح تفكك ابد
لازم تخرجي من سجنها بكفاله:D
واظن انكم راح تكونوا مثلي :eek:
المهم انكم تخرجوا من القفص الاسود بدون اصابات خطيره
المعنى تنجوا ::سعادة::
يلا نترياكم في باقي المواد امتعونا بيومياتكم::جيد::

[اسيرة جارا]

اغلى سلام على البنت اللي من مسقط راسي..انا اصلا مولوده بدبي وكنت عايشة بالشارجة واحين انا في بلدي مصر ام الدنيا بس ماعرف منو عيالها بالضبط..ههههه..المهم يومياتكم صدج تهبل وانامن زمان ماضحكت..وانتي صدجتي يوم قلتي ان جون مو فالحة غير في الضحك بس ضحكتها تهبل وهي نفسها تهبل واناكنت واايد استانس يوم اضحكها في شي..على فكرة جون اصلا رفيقة عمري واحنا من زمان مع بعض بس الايام والدراسة فرقونا وكانت شلتنا احلى شلة كان اسمها 3d1rجون هي اللي اخترعت لقب لشلتنا وانا عيشت اجمل ايامي معاها وهي دومها طيبة وما تحب تدعي على احد خصوصا المعلمات احنا ندعي ونسب وهي تقول حرام عليها ايش رح تكسب لما تعمل كدة ..وجون صوتها يهبل في القران..انا اسفة طولت عليج والله يعينكم ياللي في العلمي وانا الحمدلله دخلت ادبي وريحت نفسي واتمنالكم النجاح في كل حياتكم وانا متاكدة انكم رح تصير لكم مكانة كبيرة في المجتمع باذن الله..مع اغلى تحياتي ..عاشقة جون او بالاصح اسيرة جارا....