eternal-saudi
07-02-2002, 18:14
سلامي للجميع.....
أصبحنا وأصيح الملك لله
وهاتك تفريش أسنان وغسول الوجه لين اللون قرب يبهت
وتلبسنا وتعطرنا وخرجت من البيت متجه للماي كار اللمبرغيني ( الزوبا )
وأتفاجأ بكذا لومينا وكذا كراون فكتوريا من الدوريات وجيبين أبيض من المباحث واقفين جنب السياره
قلت يمه بسم الله علي وش سويت وأنا ما أدري
رجعت أخذت لفه بكل هدوء وعكست الإتجاه وراجع البيت
تقريباً مافي خطوه إلا والونان يشتغل وواحد فيهم ينادي يا أنت يا أنت
أنا قلت ياولد ما يبغالها...!! وأحط رجلي
وبالفعل بدون تفكير جريت
وين أروح ما أدري المهم أجري وبس
ماوصل آخر الشارع وأحصل واحد من الشباب جالس يسخن سيارته
قلت له يا مازن يا مازن أنقز على المرتبه الثانيه
قالي خير وش فيه وش ذا الصوووووت
قلت له يالله بسرررررررعه
وبالفعل نقز للمرتبه الثانيه وأنا على طول أركب محل السايق وأعشق الأول وهاتك مغط ومغيط بالسياره
توي ما وصلت لآخر الشارع وأناظر بالمرايه وألقى هيصه وراي مطارديني وأنا بسيارة خويي
توي بلف من الشارع وألقى لومينا بوجهي كاد يصدمني لاكن بفعل الخبره في السواقه فقد تم بحمدلله الفرار
منه وداااااااااااااااااااعس بكل ما عند السياره
لكن للأسف الشديد الإشاره حمره والدنيا زحمه مع هالصبح
وقفت ونفسي أدف السيارات إلي قدامي لكن مازن كل شوي يقولي يا تركي السياره باقي عليها أقساط خاف الله
فيني وش تسوي ياتركي وش تسوي ؟؟
الدوريات قربت والجيوب البيضه بعد معاهم
فكيت الباب قدام العالم الواقفه عند دوار الفلك وأول سياره لومينا قربت مني أنا شهرت إيديني
لفووووووووق
وأنتظرت حتى تم القبض علي وركبوني اللومينا وأخذوني على قسم المباحث أمام سوق البوادي
وأنا هناك بداخل غرفه لحالي أتسائل أنا وش سويت ياخذوني المباحث ؟؟
جالس أدعي بالفرج
وشوي الباب ينفك أنا بديت أخاف
دخل علي مقدم بالمباحث مو معلّق أسمه على البدلة ..!!
يوم ما شفت أسمه على البدله قلت الشغله فيها ضرب وتبكيس وخااااااااااااايف
إيديني مقيده والمقدم بوجهي ومعاه أثنين بثياب مدنين
قال المقدم أنت فلان الفلاني ؟؟
قلبي بدء ينبض وقلت شكلي أنا متهم بقضيه يا قتل يا مخدرات الله لا يقدر
وهذا المقدّم يقول : أنا ما أكلمك ؟؟
قلت له أيوه أنا هو خير وش فيكم مسوين زحمه مع الصباح لسيارتي ؟؟؟
قالي تتوقع ياتركي ليه أنت هنا ؟؟؟
قلت له الله يخليك أنا مالي غير الأنترنت والنوم
حتى العمل في إجازه أسبوع
يعني ماسويت شي غلط
قالي فكر أكثر
جلست شوي ساكت وقلت له متأكد ماسويت أي شي غلط غير إني من يوم ما شفت الزحمه هالصباح شردت من الخوف
قالي تدري يا تركي أنك مطلوب للعداله من زمااااااااااان وحنا كنا حاطينك من ذيك الفتره تحت المراقبه
تلفونات جوالات حديثك بالسياره حاطين لك واحد مخصوص بالعمل كأنه زميل عمل لسحب منك الكلام
قلت له وليه كل هذا
ياخي لا تخوفني
قالي ندخل بصلب الموضوع
قلت له طيب ممكن تفك القيود أول ؟؟
قالي أخاف تغلط لو فكيتها
قلت له يعني بقوم أضربك ؟؟؟ ياخي يدي تعورني من هالحديد فكها وأنا أخوك وخلنا نتفاهم
قال للعسكري فكها له
وبالفعل فكوها من إيدي
فتح المقدم الملف
وجالس يقرى ما بينه وبين نفسه
وأنا ودي لو أجلس جنبه وأقرى وش المكتوب
قالي السؤال الأول
وأنا سمّيت بالله
س/ وش علاقتك بحركة طالبان ؟؟؟
أنا ضحكت هههههههههههههههههههههههه
قلت له باله جايبني عشان هالسالفه ؟؟
رد علي بصوت عالي جاااااوب
قلت له من جدك تسولف ؟؟
وين أنا بأمريكا ولا بريطانيا ؟؟؟
قالي جااااااااااااوب
قلت له ياخي حيلك لا تصارخ
ما أعرف أصلاً ليه سموها حركة طاليان
قالي طيب بن لادن وش علاقتك فيه ؟؟
قلت له يا أبن الناس ماعمري سمعت صوت بن لادن في حياتي غير التسجيل إلي نقلته الجزيره قبل كم يوم
لديسمبر 98
قالي طيب تذكر يوم الأربعاء بعد التفجير بيوم وش سويت أنت ؟؟
قلت له لا فكرني
قال لي بالعمل
قلت له كون واضح معاي ولا تدخلني بمتاهات
قالي في يوم الأربعاء كانت هناك رحله إيرانيه ورحت تفتش هالرحله ومعاك أثنين من زملائك
قلت له أيوه فاكرها خير وش صار ؟؟
قالي يوم وصلتو للموقع طبعاً رحت تتفتش من رجال المباحث قبل صعود الطائره
قلت له صحيح كمّل
قال وش قلت لرجل المباحث ؟؟
قلت له أبد هو قالي لا يكون بتختطفون الطايره وأنا رديت عليه أيوه وش عرفك بنروح نخطفها ونهجم على برج
دله والسالفه كلها ضحك
قالي ليه بالذات أخترت برج دله ؟؟
ليه ماقلت برج الفيصليه ولا الوليد ؟؟
قلت يا ابن الحلال السالفه مزح
قالي لا أبي أعرف ليه قلت برج دله ؟؟
قلت له أنت إلا تبي تثبتها علي ؟؟
يا خي لو كانت السالفه براسك كذا كانت الكابينه فاضيه ومحد عندي وكان سويت إلي أنت تسئلني عنه
قالي وتقدر
قلت له وش إلي أقدر ؟؟؟
ياخي أنا ما أعرف أسوق طياره ولا عندي شهاده أساساً
قالي لو كانت عندك ؟؟؟
قلت له أعوذ بالله من هالأسئله
لو كانت عندي كان تحصلني موظف بالخطوط السعوديه طيار أو مساعد
قالي وتهاجم برج دله
قلت يا هالبرج إلي ماخذ عقلك
أقول لو هذي سالفتك أفضّل تفتحلي هالباب وتخليني أمشي
قالي هو دخول الحمام زي خروجه ؟؟
أنا من جد مليت منه ومن أسئلته قلت له أنت وش تبي فيني ؟؟؟
قالي أبيك تعترف بالزق عشان لا ندخل بالغصب ويكون هالشي ما يرضيك ؟؟
قلت له يعني كيف بالغصب ؟؟؟
تقصد بالتعذيب ؟؟
قالي إيوا
قلت له خلاص سوي إلي أنت تشوفه
على طول قال للعسكري المدني قيده
وذاك ما كذب خبر يمسك إيدي ويحط فيها الكلبشات
ياهو ما تصلوا على النبي
وش السالفه
والله دنا مظلوووووووووووووم
وتوه يجي الزراديه هذا الحيوان ويشلّح ( أكرمكم الله ) الحذيان
ويمسك بالزراديه أظفور أصباع رجلي الكريم
وأنا أقول له لحظه طيب وش سؤالك
قالي من دون سؤال
ويخلع الأظفور وأنا أصاااااااااااارخ وأصحى من النوم
أناظر لأصباع رجلي الكبير الحمدلله مافيه شي ....أختي الله يسامحها ....طق طقت أصابيعي .... :(
أناظر الساعه وألقاها 12.55 الظهر
قلت خلني أدش على هالمنتدى وأكتب فيه هالقصه قبل لا أنساها
إن شاءالله ما زعلتو مني ؟؟
أصبحنا وأصيح الملك لله
وهاتك تفريش أسنان وغسول الوجه لين اللون قرب يبهت
وتلبسنا وتعطرنا وخرجت من البيت متجه للماي كار اللمبرغيني ( الزوبا )
وأتفاجأ بكذا لومينا وكذا كراون فكتوريا من الدوريات وجيبين أبيض من المباحث واقفين جنب السياره
قلت يمه بسم الله علي وش سويت وأنا ما أدري
رجعت أخذت لفه بكل هدوء وعكست الإتجاه وراجع البيت
تقريباً مافي خطوه إلا والونان يشتغل وواحد فيهم ينادي يا أنت يا أنت
أنا قلت ياولد ما يبغالها...!! وأحط رجلي
وبالفعل بدون تفكير جريت
وين أروح ما أدري المهم أجري وبس
ماوصل آخر الشارع وأحصل واحد من الشباب جالس يسخن سيارته
قلت له يا مازن يا مازن أنقز على المرتبه الثانيه
قالي خير وش فيه وش ذا الصوووووت
قلت له يالله بسرررررررعه
وبالفعل نقز للمرتبه الثانيه وأنا على طول أركب محل السايق وأعشق الأول وهاتك مغط ومغيط بالسياره
توي ما وصلت لآخر الشارع وأناظر بالمرايه وألقى هيصه وراي مطارديني وأنا بسيارة خويي
توي بلف من الشارع وألقى لومينا بوجهي كاد يصدمني لاكن بفعل الخبره في السواقه فقد تم بحمدلله الفرار
منه وداااااااااااااااااااعس بكل ما عند السياره
لكن للأسف الشديد الإشاره حمره والدنيا زحمه مع هالصبح
وقفت ونفسي أدف السيارات إلي قدامي لكن مازن كل شوي يقولي يا تركي السياره باقي عليها أقساط خاف الله
فيني وش تسوي ياتركي وش تسوي ؟؟
الدوريات قربت والجيوب البيضه بعد معاهم
فكيت الباب قدام العالم الواقفه عند دوار الفلك وأول سياره لومينا قربت مني أنا شهرت إيديني
لفووووووووق
وأنتظرت حتى تم القبض علي وركبوني اللومينا وأخذوني على قسم المباحث أمام سوق البوادي
وأنا هناك بداخل غرفه لحالي أتسائل أنا وش سويت ياخذوني المباحث ؟؟
جالس أدعي بالفرج
وشوي الباب ينفك أنا بديت أخاف
دخل علي مقدم بالمباحث مو معلّق أسمه على البدلة ..!!
يوم ما شفت أسمه على البدله قلت الشغله فيها ضرب وتبكيس وخااااااااااااايف
إيديني مقيده والمقدم بوجهي ومعاه أثنين بثياب مدنين
قال المقدم أنت فلان الفلاني ؟؟
قلبي بدء ينبض وقلت شكلي أنا متهم بقضيه يا قتل يا مخدرات الله لا يقدر
وهذا المقدّم يقول : أنا ما أكلمك ؟؟
قلت له أيوه أنا هو خير وش فيكم مسوين زحمه مع الصباح لسيارتي ؟؟؟
قالي تتوقع ياتركي ليه أنت هنا ؟؟؟
قلت له الله يخليك أنا مالي غير الأنترنت والنوم
حتى العمل في إجازه أسبوع
يعني ماسويت شي غلط
قالي فكر أكثر
جلست شوي ساكت وقلت له متأكد ماسويت أي شي غلط غير إني من يوم ما شفت الزحمه هالصباح شردت من الخوف
قالي تدري يا تركي أنك مطلوب للعداله من زمااااااااااان وحنا كنا حاطينك من ذيك الفتره تحت المراقبه
تلفونات جوالات حديثك بالسياره حاطين لك واحد مخصوص بالعمل كأنه زميل عمل لسحب منك الكلام
قلت له وليه كل هذا
ياخي لا تخوفني
قالي ندخل بصلب الموضوع
قلت له طيب ممكن تفك القيود أول ؟؟
قالي أخاف تغلط لو فكيتها
قلت له يعني بقوم أضربك ؟؟؟ ياخي يدي تعورني من هالحديد فكها وأنا أخوك وخلنا نتفاهم
قال للعسكري فكها له
وبالفعل فكوها من إيدي
فتح المقدم الملف
وجالس يقرى ما بينه وبين نفسه
وأنا ودي لو أجلس جنبه وأقرى وش المكتوب
قالي السؤال الأول
وأنا سمّيت بالله
س/ وش علاقتك بحركة طالبان ؟؟؟
أنا ضحكت هههههههههههههههههههههههه
قلت له باله جايبني عشان هالسالفه ؟؟
رد علي بصوت عالي جاااااوب
قلت له من جدك تسولف ؟؟
وين أنا بأمريكا ولا بريطانيا ؟؟؟
قالي جااااااااااااوب
قلت له ياخي حيلك لا تصارخ
ما أعرف أصلاً ليه سموها حركة طاليان
قالي طيب بن لادن وش علاقتك فيه ؟؟
قلت له يا أبن الناس ماعمري سمعت صوت بن لادن في حياتي غير التسجيل إلي نقلته الجزيره قبل كم يوم
لديسمبر 98
قالي طيب تذكر يوم الأربعاء بعد التفجير بيوم وش سويت أنت ؟؟
قلت له لا فكرني
قال لي بالعمل
قلت له كون واضح معاي ولا تدخلني بمتاهات
قالي في يوم الأربعاء كانت هناك رحله إيرانيه ورحت تفتش هالرحله ومعاك أثنين من زملائك
قلت له أيوه فاكرها خير وش صار ؟؟
قالي يوم وصلتو للموقع طبعاً رحت تتفتش من رجال المباحث قبل صعود الطائره
قلت له صحيح كمّل
قال وش قلت لرجل المباحث ؟؟
قلت له أبد هو قالي لا يكون بتختطفون الطايره وأنا رديت عليه أيوه وش عرفك بنروح نخطفها ونهجم على برج
دله والسالفه كلها ضحك
قالي ليه بالذات أخترت برج دله ؟؟
ليه ماقلت برج الفيصليه ولا الوليد ؟؟
قلت يا ابن الحلال السالفه مزح
قالي لا أبي أعرف ليه قلت برج دله ؟؟
قلت له أنت إلا تبي تثبتها علي ؟؟
يا خي لو كانت السالفه براسك كذا كانت الكابينه فاضيه ومحد عندي وكان سويت إلي أنت تسئلني عنه
قالي وتقدر
قلت له وش إلي أقدر ؟؟؟
ياخي أنا ما أعرف أسوق طياره ولا عندي شهاده أساساً
قالي لو كانت عندك ؟؟؟
قلت له أعوذ بالله من هالأسئله
لو كانت عندي كان تحصلني موظف بالخطوط السعوديه طيار أو مساعد
قالي وتهاجم برج دله
قلت يا هالبرج إلي ماخذ عقلك
أقول لو هذي سالفتك أفضّل تفتحلي هالباب وتخليني أمشي
قالي هو دخول الحمام زي خروجه ؟؟
أنا من جد مليت منه ومن أسئلته قلت له أنت وش تبي فيني ؟؟؟
قالي أبيك تعترف بالزق عشان لا ندخل بالغصب ويكون هالشي ما يرضيك ؟؟
قلت له يعني كيف بالغصب ؟؟؟
تقصد بالتعذيب ؟؟
قالي إيوا
قلت له خلاص سوي إلي أنت تشوفه
على طول قال للعسكري المدني قيده
وذاك ما كذب خبر يمسك إيدي ويحط فيها الكلبشات
ياهو ما تصلوا على النبي
وش السالفه
والله دنا مظلوووووووووووووم
وتوه يجي الزراديه هذا الحيوان ويشلّح ( أكرمكم الله ) الحذيان
ويمسك بالزراديه أظفور أصباع رجلي الكريم
وأنا أقول له لحظه طيب وش سؤالك
قالي من دون سؤال
ويخلع الأظفور وأنا أصاااااااااااارخ وأصحى من النوم
أناظر لأصباع رجلي الكبير الحمدلله مافيه شي ....أختي الله يسامحها ....طق طقت أصابيعي .... :(
أناظر الساعه وألقاها 12.55 الظهر
قلت خلني أدش على هالمنتدى وأكتب فيه هالقصه قبل لا أنساها
إن شاءالله ما زعلتو مني ؟؟