Eng.boodi
02-05-2008, 16:36
السلام عليكم
هذا مقال حلو قريتو في جريدة عكاظ الأسبوعية
أسيبكم معاه
فوضى مو موضة
طول منت ماشي في شوارع جدة الا وتلاقي في كل شارع وزقاق موول أو مركز تجاري حتى صاروا الاوادم يقولوا صار لكل آدمي موول وهدا اللي حاصل وربنا يستر من كتر هادي المواويل والمصيبة الكبيرة انه كل ما فتح موول جديد تلاقي الاوادم عليه يا كترهم وعلى الفاضي والمليان وحقوون الفاضي اكتر من المليان بس تلاقيهم في المركز التجاري سردادي مردادي لا بيع ولا شراء هدا غير الشباب اللي واقفين على بوابة المركز وما عندهم شغله الا اذية خلق الله في الدخله والخرجه هدا غير اللي داخليين جوة المركز تشوف العجب العجاب مناظر تقزز وتقليعات غريبة وتقليد أعمى شباب طول بعرض تلاقيهم لابسين هاديك البنطلونات اللي بيقولوا عليها طيحني هدا غير البوكسر بالوانه الفاقعة اللي لابسه واللي يلفت النظر وعادي اخينا ماشي كانه مافي احد لا وفرحان ومصهلل ومو داري انه هادي البنطلونات ما يلبسها الا خريجي السجون الامريكية هدا غير البنطلونات الجديدة اللي انتشرت هادي الايام واللي السسته حقها من وراء هدا غير قصات الشعر الحريمي وتنتيف الحواجب والشعور الكدش والشعور الطويلة المربوطة ببكلة وتلاقي الشعور تلمع من كتر زيت الخروع اللي فيها لا وفي منهم صار يسوي بشعر دقنه حرفين وغيرهم عليهم تقليعات غريبة.. السكسوكة مرة على شكل جزمة ومرة على شكل سفينة وفي منهم مسوي بشعر دقنه خط رفيع تقول ملصك شطرطون كل شي يشوفووه يقلدوووه وكله من تحت راس هادي الفضائيات العربية الفاضحة اللي دمرت عقول الشباب وخلتهم ماشيين زي البغبغوات كل شي يشوفوه يقلدووه هدا غير لبس الاساور والسلاسل.. وكله كووم وبعض من البنات وخلوا بالكم من كلمة (بعض) اللي بيدخلوا هادي المولات كوم وتشوف الوحدة منهم داخله المول بكامل زينتها وريحة عطرها تفوح تقول هيه رايحة فرح والا رايحة عند احد من اقاربها لكن المصيبة انها نازلة سوق تشوفها حاطة في فمها لبانة ولابسة الكعب العالي وهات يا طرقعه في بلاط المول يا أرض انهدي ما عليكي قدي وتلاقي العيون مرسومة وعدسات وشي يربش (يعني شوفوني) والحطه اللي تلفت النظر هدا غير لبس العباية المخصرة والمزركشة وبعدين يجوا يقولوا (عمى الشباب يعاكسونا) والله يا ستي لو احترمتي نفسك محد يجيكي هدا غير كمان البلاوي والمصايب في بعض المعارض واللي بيصير فيها لا والمصيبة انه طول وقتها ويدها على الجوال وهاتك استقبال بلوتوث من اللي الواحد يستحي يتكلم عنه ولمن تجي تقولهم ليش تسوو كده يا شباب ويا بنات يردوا عليك بلسان طويل وعيون قوية هادي موضة انت ايش فهمك في الموضه.. أيوه قلتولي موضه هادي اسمها فوضى وقلة تربية عشان كده بقول يا آباء يا امهات يا اخوان أولادكم وبناتكم واخواتكم امانة في رقبتكم خافوا الله فيهم وبلاشي نتركهم كده من غير حسيب ولا رقيب والمثل بيقول امسكوا غنمتكم تيسنا ما يجيكم.. وعيشوا كتيير تشوفوا كتيير.
هذا مقال حلو قريتو في جريدة عكاظ الأسبوعية
أسيبكم معاه
فوضى مو موضة
طول منت ماشي في شوارع جدة الا وتلاقي في كل شارع وزقاق موول أو مركز تجاري حتى صاروا الاوادم يقولوا صار لكل آدمي موول وهدا اللي حاصل وربنا يستر من كتر هادي المواويل والمصيبة الكبيرة انه كل ما فتح موول جديد تلاقي الاوادم عليه يا كترهم وعلى الفاضي والمليان وحقوون الفاضي اكتر من المليان بس تلاقيهم في المركز التجاري سردادي مردادي لا بيع ولا شراء هدا غير الشباب اللي واقفين على بوابة المركز وما عندهم شغله الا اذية خلق الله في الدخله والخرجه هدا غير اللي داخليين جوة المركز تشوف العجب العجاب مناظر تقزز وتقليعات غريبة وتقليد أعمى شباب طول بعرض تلاقيهم لابسين هاديك البنطلونات اللي بيقولوا عليها طيحني هدا غير البوكسر بالوانه الفاقعة اللي لابسه واللي يلفت النظر وعادي اخينا ماشي كانه مافي احد لا وفرحان ومصهلل ومو داري انه هادي البنطلونات ما يلبسها الا خريجي السجون الامريكية هدا غير البنطلونات الجديدة اللي انتشرت هادي الايام واللي السسته حقها من وراء هدا غير قصات الشعر الحريمي وتنتيف الحواجب والشعور الكدش والشعور الطويلة المربوطة ببكلة وتلاقي الشعور تلمع من كتر زيت الخروع اللي فيها لا وفي منهم صار يسوي بشعر دقنه حرفين وغيرهم عليهم تقليعات غريبة.. السكسوكة مرة على شكل جزمة ومرة على شكل سفينة وفي منهم مسوي بشعر دقنه خط رفيع تقول ملصك شطرطون كل شي يشوفووه يقلدوووه وكله من تحت راس هادي الفضائيات العربية الفاضحة اللي دمرت عقول الشباب وخلتهم ماشيين زي البغبغوات كل شي يشوفوه يقلدووه هدا غير لبس الاساور والسلاسل.. وكله كووم وبعض من البنات وخلوا بالكم من كلمة (بعض) اللي بيدخلوا هادي المولات كوم وتشوف الوحدة منهم داخله المول بكامل زينتها وريحة عطرها تفوح تقول هيه رايحة فرح والا رايحة عند احد من اقاربها لكن المصيبة انها نازلة سوق تشوفها حاطة في فمها لبانة ولابسة الكعب العالي وهات يا طرقعه في بلاط المول يا أرض انهدي ما عليكي قدي وتلاقي العيون مرسومة وعدسات وشي يربش (يعني شوفوني) والحطه اللي تلفت النظر هدا غير لبس العباية المخصرة والمزركشة وبعدين يجوا يقولوا (عمى الشباب يعاكسونا) والله يا ستي لو احترمتي نفسك محد يجيكي هدا غير كمان البلاوي والمصايب في بعض المعارض واللي بيصير فيها لا والمصيبة انه طول وقتها ويدها على الجوال وهاتك استقبال بلوتوث من اللي الواحد يستحي يتكلم عنه ولمن تجي تقولهم ليش تسوو كده يا شباب ويا بنات يردوا عليك بلسان طويل وعيون قوية هادي موضة انت ايش فهمك في الموضه.. أيوه قلتولي موضه هادي اسمها فوضى وقلة تربية عشان كده بقول يا آباء يا امهات يا اخوان أولادكم وبناتكم واخواتكم امانة في رقبتكم خافوا الله فيهم وبلاشي نتركهم كده من غير حسيب ولا رقيب والمثل بيقول امسكوا غنمتكم تيسنا ما يجيكم.. وعيشوا كتيير تشوفوا كتيير.