PDA المساعد الشخصي الرقمي

عرض كامل الموضوع : كيف تصطادين زوج المستقبل؟ ( إليكـ الخطهـ )



حورية دبي
13-04-2008, 00:08
بسم الله الرحمن الرحيم

السلام عليكم و رحمة الله و بركاتهـ

رجاء خاص اي وحده متزوجه ....رجاءً ثم رجاءً ثم رجاء خاص اطلعي من الموضوع
معليش بدون إحراج

هذا موضوع بسيط أرجوا ان يساهم في حل العنوسة لدى ..الفتيات في الخليج

كيف تصطادين المعرس دون اللجوء إلى الاساليب السقيمة من المغازلات والترقيم والتلميح اللي ماله سنع والترزز بالاسواااق ......الخ

اليك ...فتاتي العزيزة...الخلطة السرية والسحرية :

اول شي خذي لك كوب شاي ثقيل او قهوه تركيه خليك من القهوه العربيه وركزي معي:

اولا: ركزي على العجوز اللي حاطه عينك على ولدها ثم نفذي مايلي:

1-خليكي مع امك ...ولا تروحين...ولا تجين مع البنات ...وتتهبلين ..اصبري عنهن كم شهر...لين تتم العملية بنجاح

2-إمشي وانتي حاطه راسك بين كتوفك....و لا ترفعينه ابد...حتى لو عورك ...خلي الفيكــس دائماً في متناول يدك

3-كلمة يا خالهـ....خليها دائماً على لسانك...خاصة لـ أم المعرس..علشان تحس بنوع من التميزعن باقي العجايز.

ملاحظة:لا مانع تنادين عجوز ثانية بـ خالة.. علشان..إذا ما نجحت الخطة مع العجوز :نمبر ون#..و الاحتياط واجب .

4- اذا بدت امك تتكلم ..انغزيها بكوعك علشان تدخلك بالسالفه ...تطبيقاً للمثل:كثر الدق يفك اللحام...ادري المثل ماله داعي بس ما لقيت غيره

5- اخوانك الصغار لاحقيهم ...وطامري معهم وين ما يروحون حتى لو ما هي عادتك ....بس تصرفي معهم كأنك أمهم...علشان العجوز ...تاخذ فكره انك حريصة على ذريتك

6-كل ما اكلت امك اكله زينه...خليها تقول:..نفس الاكله اللي تسويها بنتي ...حتى لو الاكل ..من مطعم صيني..او مكسيكي

7-اذا جيتي بتمدين ايدك...توجعي..وخلي امك تقول:...ماله داعي تنظفين البيت وملاحقه الخارجيه(اقول: نظفي غرفتك اول اللي تقولين ثايره فيها قنبله نوويه)

8-اذا تكلموا الحريم عن العرس.....اكتمي نفسك....لين تحمر خدودك...علشان يقولون العجايز : البنت تستحي ومالنا حق نتكلم عندها...( بس لا تكتمي نفسك مره اخاف تروحين فيها واصير جنيت عليك)

9-مهما كان موضوع الحوار حماسي لا تبدين رايك خليك مثل :..البكما..لأن اللقافه ..تجيب اجل الخطة

10-شعرك افرديه ...لا تخلينه طاير....ولا تجعدينه....مهما كانت الموضه...لان العجايز ما يدورون الا اللي....

شعورهم ناعمه

11-اذا ادلت العجوز..ام المعرس المتوهق.. بـ أي راي سواء سياسي والا اجتماعي او اقتصادي ....وافقي عليه...حتى لو كان ماسخ وماله داعي

مثال: تقول العجيز: جورج بوش متقهوي عندنا البارحه.........قولي لها : يا خاله ..نجي نساعدكم؟

12-في العرس...إضغطي على نفسك..واقضبي ارضك...ولا ترقصين........واعتبري الرقص عيب وشق جيب

13-اذا جاء طاري السوق...وهو لازم يجي طاريه...لانه ملح الجلسه عند الحريم...خلي امك تقول : ...بناتي ما يحبون يطلعون السوق ابوهم يجيب اغراضهم

الحين تكون العجوز وقعت في الفخ

ثانيا: نروح للمعرس الحين

1- اهجدي في بيت هلك ولا عاد تطلعين واذا جا المعرس...يبي يشوفك خلي ابوك يقول: ودي تشوف البنت بدون ما تدري علشان تاخذ راحتك وانا عمك ..وبعد تشوفها على الطبيعه

ما تقول: غشيتوني( ايه هين يا الشايب ودك تحط مكانها باسكال مشعلاني مدري شسمها)

2- قبل يجي اليوم اللي يبي يشوفك..بحوالي اسبوع او اكثر ( حسب شين الوجه) طامري من صالون لصالون ..صبغ ..فرد..تنظيف بشرة..الخ

3- اذا جاء المعرس خلي اخوكي يوقف جنبه علشان ما يطيل التبحلق ...ويبان المستخبي ...وذلك تطبيقاً لـ لمقوله المشهورة(...اللمحة...ذبحة...)

4- في نهاية المشهد..خلي ابوك يقول:..معليش وانا عمك....ترى البنت شويه محيوسه..( ماعليه يالشايب تنصب على المسكين

وبها اللحظه الولد الافدغ..بينط على راس عمه ويبوسه ...لين يشفط مخه ..ويقول ..متى العرس يا عم؟

( تحذيــــــــــــــــــــــــــــــــــــــــــــر مهـــــــــــــــــــــــــــــــــم)

ابتعدي عن امهات العيال المتعلمات ....راعيات الشنطه نفس لون الجوتي

هذولا يبي لهم خطط بعيدة المدى

م ه ف و ف !

اختكمـ:

حورية دبي

orochimaru 2008
13-04-2008, 06:53
و الله الموضوع مشوق و عشان كذا دخلت
أنا رجل و حبيت أعرف أفكار البنات لكن
هل أنت متزوجة؟ معذرة على السؤال...
لكن الطريقة ما راح تنجح أبد و الرجل هالايام ما راح يتزوج على رأي أمه!!!!!!!!
الشغلة ما هي بهالبساطة...
الرجل يكون محدد صفات لزوجة المستقبل و أولها الدين طبعا ثم الجمال
و الزواج قسمة و نصيب
وتقبلي مروري و العفو و السموح يا أختي اذا زعلتك بشئ

cool_girls
13-04-2008, 11:33
ههههههههههههههه

حلوة..بس الحمد لله..لا نبغى عريس ولاشي..


ناس جاريه ورا عريس .. وناس بتشرد من الاعراس والعزايم عشان لاحد يشوفها

ههههههههههههههههه

وفي بنات مصلحجيات..

اعرف وحده تبي تتزوج عشان يكون لها بيت لوحدها..غير كده ماتبغى

ههههههههههههههههه

مشكورة..بشوف اذا احد يحتاج هالنصايح الخراقيه!

M I L O
13-04-2008, 12:21
مشكوووووووور على الموضوع الرائع هههههههههههههههه والله أفكار غريبة ههههههههههههههههههه
thaaaaaaanx::جيد::

الفارسة الحمراء
13-04-2008, 13:08
هههههههههههههههههههههههه مشكورة على الموضوع الجهنمي
و
كان الله غفورا رحيما
مع تحياتي:بلايث هانتر

V З И U S
13-04-2008, 13:35
هههههههههههههههههههه


12-في العرس...إضغطي على نفسك..واقضبي ارضك...ولا ترقصين........واعتبري الرقص عيب وشق جيب

هذي ماتنفـع عندنـا :ضحكة:
لازم ترقصـي لا و لازم شـوط خـاص لك :ضحكة:
<<=--- شوط مو شـوط مبـاراه :p شوط يعنـي ارقص لوحـدي :p

اللي ماترقـص عنـدنا غير صالحـه للإستعمـال
اووبـس :واجم: أقصد للـزواج :p





يسلـموـوـوـو ياعسـل عالموضـوع ""^^



~ [ http://www.mexat.com/vb/image.php?u=8341&dateline=1201433435&type=profile ]

سانـــــــدي بل
13-04-2008, 14:35
حلوه الى مايرقص عندنا غيــــــــــــر صالح للاستعمال...

يعني انا غيــــــــــــــــــــر صالحه للاستعمال احســــــــــــــــــــــن والله،،،

فكه,,,من جد...

حورية دبي
13-04-2008, 22:13
×.. السلام عليكم ..×

لووول يس أنا متزوجهـ
بس الأخ اللي كتب أول رد ليش ماخذ الموضوع وايد جدي و ضرابهـ ؟؟ لووول هدي أعصابكـ

و تسلمون جميعاً على الردود

حورية دبي

Eyome
13-04-2008, 22:42
لوووووووووووووووووووووووول

وربي حدك خطيره عالموضوع



ملاحظة:لا مانع تنادين عجوز ثانية بـ خالة.. علشان..إذا ما نجحت الخطة مع العجوز :نمبر ون#..و الاحتياط واجب .



نص ساعه فالتتها ضحك



8-اذا تكلموا الحريم عن العرس.....اكتمي نفسك....لين تحمر خدودك...علشان يقولون العجايز : البنت تستحي ومالنا حق نتكلم عندها...( بس لا تكتمي نفسك مره اخاف تروحين فيها واصير جنيت عليك)


يا شيخه نهايه الموضوع تلقينهم يكحكحوا طول الوقت وام المعرس قرفت منها loool

ومشكوره حوريه عالموضوع الوناسه ^_^

$ MiSs- GuCci $
14-04-2008, 00:14
هههههههههههههههههههههههه
والله فكرة حدها جهنمية اعرف وحده تموت في هالسوالف
شكلها لما اقولها الخطة بتحب رجلي ههههههههههههههههههههه
مشكورة خيتووووو يعطيك العافية

freak girl
14-04-2008, 06:15
(ههههههههههههه)
والخطة جارية التنفيذ ونحن عند خطوط الدفاع
وإذا المهمة تمت بعطيج خبر (هههههههههههه)
لا تخبرون حد انا في مهمة سرية باي



ملاحظة:الموضوووع سوووو كوووول على راعيته الكوووول

fuy-chan
14-04-2008, 12:28
ههههههههههههههههه

و الله خطة روووعه ::سعادة::

جاري البحث عن زوج المستقبل ::جيد::

خخخخخخخخخخخخخخ

تحياتي :رامبو:

حورية دبي
15-04-2008, 21:51
السلام عليكم

لوووول يسلمو يا احلى اعضاء على الردود :)

حورية دبي

fula
15-04-2008, 22:39
ههههههههههههههههه

الموضوع بيضحك اوووووى

مشكور كتير يا عسل على الموضوع المضحك

أحلام البنفسج
16-04-2008, 06:55
::جيد::
ياحبي لك ::سعادة::

فطستيني من الضحك ::سعادة::
كاني اشوف وحده من جماعتنا وبناتها:مكر:
كله تمدح فيهن وهن مسدحات عند العجيز يهمزن ارجلهن :p
لا و يعني اني وش حليلي واعرف الطبخ والتنظيف (كله كذب );)
وفي الاعراس مؤدبات وروسهن ماترتفع ونعوووووووووووووومه (وعععع على هالكذب ماسخات ودي اولع فيهن :mad: )

واذا اسمعت الام عن وحده تبي تدور لولدها عروسه عليها بالزيارات والمدح والتمديح وصياني الحلى وشاقيه عمرها :rolleyes:

بس النتيجه حلوه كلهن اخذن اللي يبينه ::جيد::
يعني الخطه رهيبه لاتفوت البنات اللي يبون يعرسن :D
وشووووووووووووووووووكرا على الطبخه :)

حورية دبي
18-04-2008, 22:02
×.. السلام عليكم ..×

شفتوا كيف؟ اسمعوا راي مجرب هههههههههههه تسلمون على الردود

حورية دبي

ΞŚρÌŔŤ
19-04-2008, 01:40
خطييييييييييييير حده مره فله تسلمي

ماسة الحساسة
19-04-2008, 01:41
هههههههههههه خطة محكمة وغير بعيدة عن الواقعية
ليس لبنات الخليج فقط بل تمشي عندنا أيضاً
اذاً لا يأس مع العنوسة ولا عنوسة مع اليأس :رامبو:

حورية دبي
19-04-2008, 07:22
شكراً على الردود + المرور