الاملـس
09-04-2008, 10:00
.............. كنا جالسين انا وخواني في بيتنا في حي عتيقه جنب سوق الخضره( السالفه قديمه)
جلسه خاثره نتجاذب فيها اطراف الحديث (حلوه) ونهايط على بعض وعارفين إنا نصابين
وجالسين في بطن الحوي اللي منبطح واللي بلعب بخشمه لين وصل مخه واللي جالس يكتب على الجدار وكانت الجلسه اكثر من رائعه حيث المروحه الجلاسي وارد الحقباني وغضاره المويه وتلفزيون عايدي (اسود وابيض)
نتفرج على حلقه من (( صح النوم))
شوي ونسمع خرفشه غوايش أمي لابسه سبع واربعين عوشه ورشرش وخماخم (( كنها منجم ذهب))) كل ذا تشخص للوجه ((أبوي)) (( فارس احلامها))
وداخله علينا بذيك الطوفريه الصفر عليها الشاهي التلقيمه وفي وسطها صحن حب مالح وبسكوت ميزان وعلوك طابع وبردقان ومراصيع حقت الصبح وجرجير وزراديه ولمبه 100شمعه (( تناقض)):
حطتها قدامنا وجلس نتشهشه (( نشرب شاهي)) ونأكل ما لذ وطاب
مادرينا إلا ابوي مقبل غير مدبر علينا يفح وتعبان يتصبب عرقا وعاض غترته ونعلته مقطوعه (( احسبها مطاقه))
طمرت اجيب العجرى من السطح
نادني وين قلت مشور قال تعال ريح يخمك.
رجهت اجر اذيال الهزيمه
جت أمي تركض خايفه من السرعه طاحت نص الغوايش
قال قومو بسرعه ورانا بكره عزيمه عمانكم وعيالهم
قالت أمي البيت صغير . وحريم ورجال
بيت صغير مسلح مافيه إلا ثلاث غرف وحده لنا وحده لمي وأبوي وحده لجدتي ( مافيه امل تدخلها اعظم من البنتاجون بالحراسه
قال الحل........ قالت البر
انبسطنا يوم درينا إن فيه بر
قمنا نساعده
انا رحت اجيب كراتين الخضره ( موز الشربتلي بردقان تفاح)
اخواني اللي راح يجيب جيوك المويه . كل شي تسلفناه من الجيران .إلاالبنات
وراح ابوي لسوق الغنم يجيب الذبايح وأمي تجمع القدور والمعاميل وحريم الجيران يساعدونه(( شيل وحط)
والاباريق والدلال والشاهي والقهوه والزغفران
ولا تسمع الا الصيحه
تصدق حتى الحاره اللي جنبنا درو أن عندنا عزيمه من الصراخ
حملنا سيارت ابوي الونيت هايلوكس 75م وعند اخوي وعند اخوي الكبير مازدا اسبور 74م حمرا اللون
ولا زينه في الرياض إلا حاطها
قال ابوي عط سيارتك جارنا وخذ سيارته الونيت
ضاق صدر اخوي
المهم غصب عليه. جلس اربع ساعات ينزل الزينه خايف عليها حتى لقيت صوره عايشه المرطي من كثر الصور اللي ملازقها
اول ما شفت سيارته احسبها ستديو
حملنا وربطنا العفش لين الصبح
مانام ابوي زين عشان العزيمه
جاء الفجر ويقومنا ابوي .لين أمي مجهزه الفطور (( مرقه طحينيه قشطه بسكر وشاهي
افطرنا وإنا واقفين من صراخ ابوي (( بوفيه مفتوح))
ركبنا ما غسلنا .
ركبت أمي مع أبوي ومعها في الغماره عشرين من الدلال والاباريق ماعرفت ابوي من الاباريق
واخوي هو واخوي الثاني في سيارة جارنا ( على فكره اخوي كان معه في مخباته صورة هيام يونس)
وانا واخواني الباقين في الصندوق مع العفش (( غنم)) وكل ما أكل مطب طحنا يرجع يأخذنا والحمد لله ماقد جانا شي (( ضد الكسر))
تحركنا واتجهنا الي (((( ديراب)))
ثلااث ساعات في الطريق لان ابوي يوقف فيكل محطه يفتح الكبوت يبرد على السياره ويشتري لنا عصير (( قها)) اللي يجي اطرفه مصديه
وصلنا بسلام ونزلنا مع ديراب لفينا يسار عند اشجار طويله خضرا تسر الناضرين
بدات صيحه تنزيل العفش والملاجد (( حط لا تحط)
نزلنا كل شي بعد عنا من أبوي................. أشغلنا
بدا ذبح الذبايح وشب النار وزل القهاوي وتخدير الشاهي وشب النار ورفع القدور على النار((( كننا عازمين المقوقس عضيم الفرس)))
شوي ونشوف طلائع عماني مقبلين وغبرتهم وراهم وتسمع صياح عيالهم وتصفيرهم (( قراوى يرجمونا بالحصي)) على بالهم ترحيب
على طول من نزلو تطاقيت مع ثلاثه وفلقت الرابع (( معروفه العزايم اول)
المهم جلسو بد القهوه والشاهي
وبعد اشوي
بدا الذباب يجي شوي شوي وكل ماله يزود نكش فيه ما ينفع (( وانتم عارفين ذبان ديراب الله من البثاره))
شبينا خيشه عشان الدخان إنا انكتمنا هم لا
صارو يمونون يجلسون معنا ويحوم حول القدور والدلال والاباريق
قال ابوي اتركوه(( الشكوى على الله))
شكلهم فهمو وش قال ابوي
جالسين عند عماني في راس المجلس ومشكلتهم كبار ولهم أسنان (( اول مره اشوف ذباب له اسنان))
وفيه بعضهم ما يقدر يمشي من السمنه وله كرشه ورجلينهم مورمه من السمنه((فيهم داء الفيل))نايمين تحت شجره واصدقائهم يجيبون لهم الاكل
قلاطنا الغداء دخلو مع الاولين وياكلون فاكهه
وانا وعيال عمي جالسين نأكل من القراره ونلحس باقي الجريش
واروح عند جدتي اعطيها مويه تحت الشجره لقيتها لابسه شيله في البر قلت يمه من تغطين عنه؟
قالت ما تغطى عن احد
يوم مادريت الا طارت الذبابيين من فوق راسها
صار كله ذبان
يوم جاء العصر جالسين يلعبون كوره مع الصغار ...حتي ذبانه ماعطه شعر اخوي
والله من كثر الذبان كل ساعه مطلع من فمي او غاص بوحده غير اللي في اذني
جاء المغرب وضفينا العفش وركبنا السيارات نبغي ننحاش (( ما ادري وش يسون فينا في الليل))
يوم تحركت السيارت وأناضر للشجر واشوف هم يقولون باااااااااااااااي
وحده منه قبل مانمشي ماده يدها لبوي بس ما شافها.
.......... اعوذ بالله من الشيطان
المهم رجعنا للبيت بس وحنا راجعين جلسنا في الطريق 6ساعات لان ابوي شوفه شجر ولا يشوف في الليل
ماتشوف وهو يسوق في الليل كل ساعه لازقه وجيهنا في القزازه من قع الفرامل
احد واحد من اخواني مابقى الا ضرسين له من الضرب في الحنايا
وصلنا البيت ((( خبز وزيت)) بزر
على طول أمي دخلتنا الحمام وفسختنا كلنا (( شاطي العراة))
ذبتنا بالطشت (( هدوم))
من الوساخه اللي فينا مروشتنا بتايد غير كلوريكس
انا يوم شفت الوضع قلت الله يستر لا تعلقنا على حبل الغسيل (( سراويل))
المهم انتفشت شعورنا من التايد وعيونا حمر كننا جاين من (( بار))
واجسامنا متشققه من الكلوريكس :D
طلعنا من الحمام لي العشاء جاهز مرقة قرع مع الرز باقي العزيمه مع شاهي بالحليب
من التعب اللي فيني نايم على طرف السماط ومتوسد خبز التميس :D
ويوم قمنا الصبح مافينا ولا شي كنا ثيران :D
ولا نقوم الا على صوت محل الرميزان للذهب ((أمي)) وهي جايه
ماهوب الحين يجلس الواحد اسبوع تعبان من رجليه وراسه
وين ايام اول
جلسه خاثره نتجاذب فيها اطراف الحديث (حلوه) ونهايط على بعض وعارفين إنا نصابين
وجالسين في بطن الحوي اللي منبطح واللي بلعب بخشمه لين وصل مخه واللي جالس يكتب على الجدار وكانت الجلسه اكثر من رائعه حيث المروحه الجلاسي وارد الحقباني وغضاره المويه وتلفزيون عايدي (اسود وابيض)
نتفرج على حلقه من (( صح النوم))
شوي ونسمع خرفشه غوايش أمي لابسه سبع واربعين عوشه ورشرش وخماخم (( كنها منجم ذهب))) كل ذا تشخص للوجه ((أبوي)) (( فارس احلامها))
وداخله علينا بذيك الطوفريه الصفر عليها الشاهي التلقيمه وفي وسطها صحن حب مالح وبسكوت ميزان وعلوك طابع وبردقان ومراصيع حقت الصبح وجرجير وزراديه ولمبه 100شمعه (( تناقض)):
حطتها قدامنا وجلس نتشهشه (( نشرب شاهي)) ونأكل ما لذ وطاب
مادرينا إلا ابوي مقبل غير مدبر علينا يفح وتعبان يتصبب عرقا وعاض غترته ونعلته مقطوعه (( احسبها مطاقه))
طمرت اجيب العجرى من السطح
نادني وين قلت مشور قال تعال ريح يخمك.
رجهت اجر اذيال الهزيمه
جت أمي تركض خايفه من السرعه طاحت نص الغوايش
قال قومو بسرعه ورانا بكره عزيمه عمانكم وعيالهم
قالت أمي البيت صغير . وحريم ورجال
بيت صغير مسلح مافيه إلا ثلاث غرف وحده لنا وحده لمي وأبوي وحده لجدتي ( مافيه امل تدخلها اعظم من البنتاجون بالحراسه
قال الحل........ قالت البر
انبسطنا يوم درينا إن فيه بر
قمنا نساعده
انا رحت اجيب كراتين الخضره ( موز الشربتلي بردقان تفاح)
اخواني اللي راح يجيب جيوك المويه . كل شي تسلفناه من الجيران .إلاالبنات
وراح ابوي لسوق الغنم يجيب الذبايح وأمي تجمع القدور والمعاميل وحريم الجيران يساعدونه(( شيل وحط)
والاباريق والدلال والشاهي والقهوه والزغفران
ولا تسمع الا الصيحه
تصدق حتى الحاره اللي جنبنا درو أن عندنا عزيمه من الصراخ
حملنا سيارت ابوي الونيت هايلوكس 75م وعند اخوي وعند اخوي الكبير مازدا اسبور 74م حمرا اللون
ولا زينه في الرياض إلا حاطها
قال ابوي عط سيارتك جارنا وخذ سيارته الونيت
ضاق صدر اخوي
المهم غصب عليه. جلس اربع ساعات ينزل الزينه خايف عليها حتى لقيت صوره عايشه المرطي من كثر الصور اللي ملازقها
اول ما شفت سيارته احسبها ستديو
حملنا وربطنا العفش لين الصبح
مانام ابوي زين عشان العزيمه
جاء الفجر ويقومنا ابوي .لين أمي مجهزه الفطور (( مرقه طحينيه قشطه بسكر وشاهي
افطرنا وإنا واقفين من صراخ ابوي (( بوفيه مفتوح))
ركبنا ما غسلنا .
ركبت أمي مع أبوي ومعها في الغماره عشرين من الدلال والاباريق ماعرفت ابوي من الاباريق
واخوي هو واخوي الثاني في سيارة جارنا ( على فكره اخوي كان معه في مخباته صورة هيام يونس)
وانا واخواني الباقين في الصندوق مع العفش (( غنم)) وكل ما أكل مطب طحنا يرجع يأخذنا والحمد لله ماقد جانا شي (( ضد الكسر))
تحركنا واتجهنا الي (((( ديراب)))
ثلااث ساعات في الطريق لان ابوي يوقف فيكل محطه يفتح الكبوت يبرد على السياره ويشتري لنا عصير (( قها)) اللي يجي اطرفه مصديه
وصلنا بسلام ونزلنا مع ديراب لفينا يسار عند اشجار طويله خضرا تسر الناضرين
بدات صيحه تنزيل العفش والملاجد (( حط لا تحط)
نزلنا كل شي بعد عنا من أبوي................. أشغلنا
بدا ذبح الذبايح وشب النار وزل القهاوي وتخدير الشاهي وشب النار ورفع القدور على النار((( كننا عازمين المقوقس عضيم الفرس)))
شوي ونشوف طلائع عماني مقبلين وغبرتهم وراهم وتسمع صياح عيالهم وتصفيرهم (( قراوى يرجمونا بالحصي)) على بالهم ترحيب
على طول من نزلو تطاقيت مع ثلاثه وفلقت الرابع (( معروفه العزايم اول)
المهم جلسو بد القهوه والشاهي
وبعد اشوي
بدا الذباب يجي شوي شوي وكل ماله يزود نكش فيه ما ينفع (( وانتم عارفين ذبان ديراب الله من البثاره))
شبينا خيشه عشان الدخان إنا انكتمنا هم لا
صارو يمونون يجلسون معنا ويحوم حول القدور والدلال والاباريق
قال ابوي اتركوه(( الشكوى على الله))
شكلهم فهمو وش قال ابوي
جالسين عند عماني في راس المجلس ومشكلتهم كبار ولهم أسنان (( اول مره اشوف ذباب له اسنان))
وفيه بعضهم ما يقدر يمشي من السمنه وله كرشه ورجلينهم مورمه من السمنه((فيهم داء الفيل))نايمين تحت شجره واصدقائهم يجيبون لهم الاكل
قلاطنا الغداء دخلو مع الاولين وياكلون فاكهه
وانا وعيال عمي جالسين نأكل من القراره ونلحس باقي الجريش
واروح عند جدتي اعطيها مويه تحت الشجره لقيتها لابسه شيله في البر قلت يمه من تغطين عنه؟
قالت ما تغطى عن احد
يوم مادريت الا طارت الذبابيين من فوق راسها
صار كله ذبان
يوم جاء العصر جالسين يلعبون كوره مع الصغار ...حتي ذبانه ماعطه شعر اخوي
والله من كثر الذبان كل ساعه مطلع من فمي او غاص بوحده غير اللي في اذني
جاء المغرب وضفينا العفش وركبنا السيارات نبغي ننحاش (( ما ادري وش يسون فينا في الليل))
يوم تحركت السيارت وأناضر للشجر واشوف هم يقولون باااااااااااااااي
وحده منه قبل مانمشي ماده يدها لبوي بس ما شافها.
.......... اعوذ بالله من الشيطان
المهم رجعنا للبيت بس وحنا راجعين جلسنا في الطريق 6ساعات لان ابوي شوفه شجر ولا يشوف في الليل
ماتشوف وهو يسوق في الليل كل ساعه لازقه وجيهنا في القزازه من قع الفرامل
احد واحد من اخواني مابقى الا ضرسين له من الضرب في الحنايا
وصلنا البيت ((( خبز وزيت)) بزر
على طول أمي دخلتنا الحمام وفسختنا كلنا (( شاطي العراة))
ذبتنا بالطشت (( هدوم))
من الوساخه اللي فينا مروشتنا بتايد غير كلوريكس
انا يوم شفت الوضع قلت الله يستر لا تعلقنا على حبل الغسيل (( سراويل))
المهم انتفشت شعورنا من التايد وعيونا حمر كننا جاين من (( بار))
واجسامنا متشققه من الكلوريكس :D
طلعنا من الحمام لي العشاء جاهز مرقة قرع مع الرز باقي العزيمه مع شاهي بالحليب
من التعب اللي فيني نايم على طرف السماط ومتوسد خبز التميس :D
ويوم قمنا الصبح مافينا ولا شي كنا ثيران :D
ولا نقوم الا على صوت محل الرميزان للذهب ((أمي)) وهي جايه
ماهوب الحين يجلس الواحد اسبوع تعبان من رجليه وراسه
وين ايام اول