][ مُصطـلحات اهل جـده .. وكلآم عجيب و غريب ][ !!

[ماكسوي]

سلام عليكم ..

كنت طفشآن فقلت اكتب موضوع بالقسم الفرح ,
لكن قلت بخليه نادر من نوعه وفريد نوعآ ما ..
فريت في كم مُنتدى عن اهل وشباب جدهـ .. صراحه شفت انواع
الجنون والهبال والخرافات اللي يمتعونا فيهآ اهل جدهـ دايمآ ,,
ولطشت موضوع مع بعض الاضافات من عندي عليهـ ياويل حالي عليكي ياجده .. فديتك انتي واهلكِ ..
مُصطـلحات اهل جـده

أبو كلب -

ههههههههههههااااي .. وهادي الكلمة تنقال لما يكون في شي ما يعجبك ، يعني زي لما يكون جوالك قديم ومعدوم العافية

تقول عليه جوال أبو كلب ، ولمن يكون قلمك ما بيكتب زي الأوادم ويقطع تقول قلم أبو كلب



- أشكل -


جات فترة انتشرت دي الكلمة بصورة كبيرة وهيا بشكل عام معناها الطناش ، فلمن تجي تبغى تطنش شي .. تقول أديه

أشكل ، ومأخوذة من لعبة البلوت أو الورق للأخوان اللي ما يعرفوا معنى البلوت


- أطبعو -


ههههههههههههههاااي .. من الألفاظ المضحكة جداً وتنقال لمن الشخص ما يسمعك ويسأل إيش قلت ؟؟ وإنت مافيك تعيد

الكلام تاني فتقولو أطبعو .. بلاهة وربي بلاهة


- الـ ـ ـ ـ -

انتشرت بشكل رهيب إضافة أل التعريف من باب المبالغة في الفترة الأخيرة .. زي مثلاً لمن تشوف واحد غشيم تقول مو

بس غشيم .. الغشيم ههههههه .. ولمن شباب يعاكسو في السوق ما يقولوا بنات .. البنات << ماراح يفهمها إلا أهل

الحجاز وبصراحة لأنها تتنطق بطريقة مميزة .. << أموت في الطرق المميزة ههههههههه

- انبراش -

نعرف إنو لمن تلعب كورة واحد يدخل عليك معناتها انبرش عليك .. لكن عند الشباب سار لها معنى تاني ، انبراشة سار

معناها إنو دخلة غلط وسط الكلام ، يعني تكون إنت والشلة بتهرجوا في موضوع ويجي واحد يقول كلام مالو أي علاقة

بالموضوع هنا نقول فلان انبرش .. وهادي تسير انبراشة .. ولا لمن يكون الكل ساكت ويجي واحد يقول كلام مالو اي

داعي زي نكتة بايخة مثلاً هنا نقول على الحركة دي انبراشة

- بسط وهز وسط -

تخيلوا الفلم الهندي دا كلو عشان تجاوب على أحد يقولك كيف حالك


هههههههههههههههه أتحداكم تقولها عشرة مرات وبسرعة زي الصاروخ

- بلف -

هههههههههههههههههااااااااي ، من أضحك المصطلحات بصراحة ، طبعاً الشباب يعرفوا البلوف : معناه إنو شخص

ينبلف يعني يسوي الشي بسرعة بدون تفكير ، مثلاً لو شاف صاحبو اشترى سيارة جديدة وعجبتو قوام يجيب وحدة من

نفس النوع .. هنا نقول إنو بلف ينبلف بسرعة هههههههههههههه .. وكمان لما يكونوا اتنين بيتضاربوا ويجي واحد

يحرش نقولوا لا تبلف يعني لا تحرش .. ولا لما يكون واحد يجري بالكورة ولساعو بعيد عن المرمى ويجي واحد يقولو

شووووت يقوم يشوت كدا بسرعة دا نقول عليه انبلف ههههههههههههههااااااي .. أحس بعض الناس ما حتفهمها بس

هوا معناها كدا وخلاص

- تشبيك -

ودي الكلمة معروفة وانتشرت في مختلف أرجاء المعمورة .. ومعناها إنو لمن واحد يقول أنا شبكت فلانة يعني أنا خليتها

تعجب فيا وتحبني .. ولا تكلمني وزي كدا

- تغريز -

نعرف إنو التغريز للسيارة لمن تغرز في الرمل لكن بين الشباب المصطلح دا غير .. يعني لمن إنت تجي وتقول غرزت عند

فلانة يعني وقعت في دباديبها هههههههههههه .. أو تقول فلانة غرزت عندي يعني وقعت في دباديبي


إيش باللهي الكلام الفاضي دا نجيبلك ونش أحسنلك هههههههههههههههااااااااااي

- حمزة -

هادا اللفظ اللي المفروض يتلغى من قاموس الشباب بتاتاً البتة .. لأنو على اسم صحابي جليل وحرام نهين الاسم بالصورة

هادي حمزة هادا اللفظ معروف حالياً بين مجتمع الشباب بالشخص الركاب يعني الكداب فلمن تلاقي أحد يبكش قولولو بس

يا حمزة

- جنط -

الكل يعرف جنوط السيارات طبعاً ، لكن اليومين دول سار برضو للجنط معنى تاني .. يعني لمن واحد يطفشك ويقرفك من

كلامو يقولولك الشباب أعطيلو جنط يعني طناش ، وهادي ذكرناها فوق بمعنى أشكل

- دافور -

دافور معناها زمان في الحجاز الفرن ، ولكن دحين سار معناها البنت أو الولد الشاطر/ة في الدراسة نقول عنه/ا دافور/ة


اللي دايماً شغال ع الكتب ولا يسيبها زي ما يسموه المصارية عثة كتب

- دعس -

دي الكلمة تنقال للإقدام على الشي ، وتنفع مرادف لكلمة قدام .. يعني لمن مثلاً يجي أحد يقولك تجي نروح التحلية ؟ ترد

عليه وتقول والله دعس يعني ياللا معاك .. ولا هيا شباب نلعب كورة .. يقولوا دعس

- زي الكرتون -

تنقال للواحد الأهبل

- شاكوش -

معناها الأصلي طبعاً المطرقة ، لكن دحين سار معناها البنت ولا الولد اللي مو حلو هههههههههه .. نقول عنو شاكوش

- شباب في رحلة -

وهيا مرادف لكلمة مشي حالك اللي أستخدمها كتير في كلامي .. فلمن تعمل شي وما يطلع مرة مزبوط تقول للي جنبك

ياخي عادي شباب في رحلة ههههههههههههههه من فين جات هادي الله أعلم


ولا تسوي شي مو معتاد كدا وتحس إنو في أحد أستغرب فتقولو شباب في رحلة ياخي

- شوربة -

طبعاً كلنا نعرف الشوربة أحلى شي عندنا هنا شوربة الحب على الفطور يا سلام سلم


لكن هنا معناها غير .. فلمن إنتا تقول شوربة يعني شي سهل ، فلمن مثلاً يكون عندك اختبار ويكون سهل مرة تقول

الاختبار كان شوربة وكدا ولا مثلاً تكلم أحد وتقولو أنا أروح شوربة .. يعني أروح وطي هههههههههههههه


ولا تجي المدام تجيبلك الأكل تقوم تقولها حياتي من غيرك شوربة << كأنو إعلان

- صاروخ -

ههههههههههههه طبعاً نعرف الصواريخ .. ولكن هنا معناها شي تاني .. معناها البنت الحلوة فلمن الأولاد يشوفوا بنت

حلوة يقولوا عنها صاروخ

- طقطقة -

ودي الكلمة تنقال لمن تبغى تتسلى في واحد ، يعني تستعبط عليه وهوا أهبل يكون مسكين على نياتو فالشباب لو كانوا

متجمعين مثلاً يقولوا جا فلان نطقطق عليه ولا تلاقي واحد يجي يقول أمس طقطقنا على راس فلان وزي كدا

- في الألف ولا في المليون -

دي حلوه مره وهيا لمن تشوف شي يعجبك ويكون مميز مافي زيو يعني أو تعمل حركه مميزة أو شي زي كدا لنفرض

مثلاً جوال عجبك تقول والله جوال في الألف أو تقول جوال في المليون

- ما عندك احد -

هههاي كلمه فله ولمن مايكون عندك هرجة وتنقال للشي اللي مو تمام

- نمرة واستمارة -
ودي تنقال عند التأكيد وغالباً في الغباء والهبالة زي مثلا تقول فلان أهبل بنمرة واستمارة

- كاااااي -

وهادي هيا ضحكة الشباب الجديدة ويضحكوها وقت التريقة والشماتة و لا دحين


سار الضحك تقول كاااااي بصوت عالي وتمد الألف

- هبقة -

هبقة زمان أعتقد كان معناها سرقة لكن دحين اتغير المعنى فلمن تقول مثلاً والله هبقت أنا والشباب ورحنا الكباين مثلاً

فهبقة هنا معناها طلعة وليها معنى تاني بمعنى هروب زي لمن طالب يقول أمس هبقت من المدرسة يعني شردت منها أو

تسوي حاجة غريبة على حركاتك انتا تقول ياعمي هبقة

- يعطيييييك -

دي الكلمة من الكلمات الجديدة وتنقال للتشجيع يعني لمن تلاقي أحد عامل حاجة رهيبة تقوله يعطيييييييييك بمد الياء

التانية زي مثلاً يكون سجل قول ولا شي زي كدا

- أرنب .. ركبتي -

من الكلمات اللي تدل إني أنا بسمي بكشة قدامي ، فيعني قلك بيسوا إنهم محترمين ومايبغو يقولوا للي قدامهم إنو كداب

يقوموا يقولولوا كدا يعني زي واحد قاعد يتكلم ويحكي وكل كلامو بكش يقوم واحد يقول للتاني يووواد شوف شوف

أرانب

- يلعن أم الفله -


وهادي من الكلمات الي ماسكة في لساني ، لمن يكون في شباب وعجبتهم مره الطلعة ولا في أاولاد يبسطوا الواحد يقوموا

يقولوا على الطلعة مثلاً يلعن أم الفله

- أمّووو -

يعني مثلاً مين فين لأمو حلو .. يابن الناس سيب أمو في حالها هيا إشلها صلاح

- فُكّنا -

يعني تكون مافيك و واصلة معاك على النهاية .. وأحد مطفشك تقولوا ياشيخ فُكّنا

- فُكّها -

هههههههههههاي هادي المرة هوا حيفكها ، لمن الواحد تكون أخلاقو زفت ومرة طين تقولو ياشيخ خلاص فُكّها

- قوية -

لمن يسير شي مو عاجبك ولا شي كدا مو زي الناس .. تقول قويييييييييييييييييية بشد الياء

- خرّييييش -

دي الكلمة لمن تكون جالس بين الشباب ويجيك واحد يجلس يكدب ويلفق في الحكاية ويملح فيها تقوم تقول خرّييييييش

- كووول -

وتنقال على أي شي يعجبهم .. وهادي حكتّر منها

- جييييّييييد -



بشد الياء .. لمن يعجبك الشي الكول تقول عليه جيييّيييد


- باااااد -



لمن تشوف شي مو حلو ولا ولد منظرو سيء تقول عليه بااااد .. بمد الألف

- هيّااا خيــــر -

كلمتي المعتادة .. لما يسير شي مفاجئ ولا يكون في حاجة غريبة كدا .. ولا بسوي نفسي مستغرب ولا بستهبل إني مو

مستوعب فعلى طول هيّااا خيـــــــر

- كل فطير وطير -

يعني ياللا روح سرّي راحت عليك خلاص

- انشكاح -



ومعناها يعني لمن الواحد يسمع خبر حلو ولا عندو خرجة مرة خطيرة وفيها فله تلاقي طاير من الفرح ومين قدو .. تلاقيه

منشكح .. فتقولوا بطل انشكاح

- لا تدف -



كلمة حلوة وتنقال لمن تكون بتتكلم ومتحمس في الهرجة ومتفاعل في كلامك وبتأشر بيدك كدا وتطلع فيها وتنزل .. فأقولك

لا تدف .. ولا لو واحد معصب وبيهزئ في الكلام ولا كدا يقول يللا بسرعة سوي كدا دحين .. تقوم تقولو طيب لا تدف

زرقنة -



هههههههههههههههههههه كلمة جييّييدة .. واحد مخو ناشف يعني لو تقعد تقولو وتشرحلو وتترجى وهوا مُصِر كدا يعني

كدا .. فهادا يكون مزرقن بقوة

- قردنة -



هادي غالباً ما تنقال على الناس اللي مزرقنين ، مثلاً تبغى تخرج وأبوك مُصِر إنك اليوم معاقب مافي خروج ، على طول

يقولك صاحبك ياشيخ روح قردنو ، يعني روح جيب راسو .. مو تجيب راسو يعني تروح تقتل الرجال وتجيب راسو

ههههههههههههههه

لا لا يعني تجيب الموافقة ويقول طيب

واخر كلمتين السوق



اصحى لللون يواااااااااااااد < على قول.....

wake up for the color< على قول.....



ههههههههههههههههههههههااااااي



الكلمه التانيه



انفض اخت البابور الي نفضك < دي كلمه ...... لمن يكون متحمس



...
وربي اخواننا اللي برا السعوديه ماحيفهمو شي .. هادا ادا فهمو اهل السعوديه نفسهم ,,
دي المصطلحات لأهل جدهـ وبسس .. ويمكن باقي الحجاز يفهموهآ . !

..
نصه ملطوش .. ونصه انا كاتبه

طبعا انا من الرياض لكن سبق لي العيش في جده
..

تحيتي ,,

[فارس الظلام2010]

هههه

تسلم والله


المصطلحات روووووعة

[ماكسوي]

شكلك تتكلم كذا :D

مشكور على مرورك يالغالي

[2pac thug life]

هههههههههههههههههههههههههههههههههههههههههههههههههه هههههههههههههههههههههههه

هههههههههههههههههههههههههههههههههههه

ولله حلوه الكلمات بس انت توك ما شفت مصطلحات عيال غبيراء (غبيراء حي في الرياض)

بلعربي حي (العود)

ومشكور اخوي على الكلمات

2pac thug life

[wolf2008]

السلام عليكم
فيه خطأ هذي هذي مهب مصطلحات أهل جدة

أهل جدة أعلمك وش يقولون الكلمة التي كهير مايقولونها






























































(إشبك يبويا)

[ريان123]

السلام عليكم
فيه خطأ هذي هذي مهب مصطلحات أهل جدة

أهل جدة أعلمك وش يقولون الكلمة التي كهير مايقولونها




(إشبك يبويا)






















ياكلك هههههه :D

[~RuRiTa~]

ثانكس على المصطلحات
حلوة
هههه

[رقة المشاعر]

يسلموووووووووووووو موضوع روعه

[ماكسوي]

مشكورين على مروركم

[Lady Diana]

هههههههههههههههههههه

من جد اهل جده يتكلمو كدا ههههههههه

ثانكس ع الموضوع

تحياتي

[لوفي 2008]

نسيت سلق ويعني بدوي

[لوفي 2008]

وشكراً على الموضوع

[بي بي رود]

wow
خطيييييير ياوااااااااااااد فله الموضوع كوووووووووووول
وفعلا اخواني كدهههه :p:D:p:D

thanks relley

[رويـــــ,ـ,ـ,ال]

أنا لي خوال من أهل الحجاز ولهجتهم كذا والمشكله أن كلامهم صاير كأنه رساله مشفره بينهم ههههههههه عن جد أموت ضحك منهم لأني ماأفهم مصطلحاتهم شكله بتطلع لغه جديده هههه أيوه يابوي أديله وحده،،،أو أيوا يابوي أنا جاي دحين >>>فله والله فله
موضووووووووووووووعك رووووووووووعه تسلم وتقبل مروري وبعض مصطلحاتي المكسره ::سعادة:: ::سعادة::

[Sylviano]

حلووووووووووووووووهـ ..
يسلمووو ع الموووضوووعـ الخطيييييير ..