~ Dana ~
26-02-2008, 16:29
سلااااااااااااام عليكم ورحمه الله وبركاااته
يالله لاتصبح ذالوجيه الا بالخير
وشلونكم وش اخباركم واخبار نتايجكم سبع ولا ضبع :D
المهم ندخل بالموضوع
تعرفون حوالي قبل 3 اسابيع واكثر كان موسم اختبارات وانا من طبعي لازم اروح للمكتبه قبل الاختبارات علشان اشري قلم ازرق ورصاص ومسطره ومساحه :D من يوم اني باول ابتدائي وانا تسذا
المهم وروح انا واختي ونقعد نفرفر بالمكتبه ونفحط :D
حديث جانبي :
اختي : مسطوله <- اسمها بالمنتديات الثانيه مافيها حيل تغير :ميت:
المهم يا دانا ودي اشتري ستكرات ( وفي روايه لزقات :D)
انا : اقوووول اهجدي للعن شكلتس لزقات بالاختبارات وشوله لاجا الترم الثاني اشري لزقات لميين تملين :D
اختي : طيب اشري قلم ازرق ناشف ولا سايل
انا : لا اشري جامد ونا وش علي منتس انا الي بكتب بووه ولا انتي :D
اختي : طيب ابلا حصه تقول لاتنسون الهندسه تراه محد اخذن من احد كل وحده تجيب هندسته معه واهم شي المنقله والفرجار
انا : طيب خوذي هندسه ياعلتس تتزوجين مهندس قولي ااااااااااااامين
اختي: ااااااااااااااااااااااااااااامين من بؤتس لباب السما
<<<< حتى اخته شفقه على الزواج :D
انا : وجع عيب يابنت استحي توتس فطفوطه مابعد طلعتي من البيضه
اختي : انتي الي دعيتي وش اسوي لتس
انا : طيب خلاص لايكثر انا قصدي في المستقبل البعيد مهب الحين يالغبيه :D
<<<< عاش مرقع :D
مير يقطع حوارنا الشيق والمفيد واحد مدري امه يوم جابته وش تبي :D
قطع علينا جونا الرومنصي الله يقلع شكله
<<<< تسمع بالاجواء الرومنصيه :D
قاعد يكاسر ( بالعنقليزي يسوي دسكافري قصدي دسكاوند:D )
تخيلوا وش عليه يالله لاتفضحنا
ماسك علبه قلم رصاص الي مخطط اصفر واسود ومساحته حمرا ويقول لا غالي نزل السعر
وجع الناس وصلت القمر وانت تهايط على قلم رصاص يالخايس :D
مدري وراه الساني ذاك اليوم صار طويل:D ولا انا طول عمري ماهرج الا همس بس
مير اقول لاختي شوفي ذالدبشه يكاسر على قلامة رصاص بطننننننننننننننننننني
الا وذالمهبول سمعناااااااااااااا
عز الله راح شبابتس يادانا وانكتب عنتس بالجرايد ومير يجلس يخزنا بذيك العين يمممممممممممه ويوم حاسب وخلص ماطلع من المحل وقف باول المحل عند الباب ينتظرنا نطلع وانا قسم بالله عظامي اتصاااافق من الخووووف مدري وش بيسوي لنا
قلت هيييه انتي وش بيسوي ذا قالت مدري الله يقلعتس انتي السبب قلت انطقي انتي منب ناقصتتس الحين ماينفع اللوم قولي وش نسوي قالت دقي على ابوي يجي ياخذنا قلت مجنونه انتي بيقول المكتبه جنب البيت وش اقوله اقول فيه واحد سمعنا وحنا نتكلم عنه قسم بالله ان يعلقنا بالمروحه اليوم :D
حاسبنا وانا قلبي يقول طق طق طق طق بقوووووووووووووووووه مدري شكلي عطيته 500 والله اني كنت مفهيه بقوووه ولا ادري عن شي واشوف ذالعلله واقف برااا جنب ددسنه القرمبع ويسولف مع خويه
قلت لا بالله راحت عليتس يامسيطيله اكيد يتفق معه على مصيبه حشا جمل وحقد الله يعين :بكاء:
واجلس اقلب شوي بالشناط الي عند الباب ابيه يركب سيارته ويمشي ولا فيه فايده لازق :(
قلت هيه انتي مالنا الا نطلع والي يصير يصير بس افتحي الجوال وخليه على رقم ابوي علشان لاصار شي على طوول انغزي الخضرا :بكاء:
ومير نطلع وقسم بالله وجهي كذا بعز الشتا :بكاء:
لاعادت على هالسنا الي يبيله قص :(
ونتسحبل لمين وصلنا الباب
ياهول ما ارى واسمعه
لقد انه يغازل :D
يوم شافنا ويقول هلا بالقمر
انا طارت عيوني ياملحي طلعت قمر طيب تعال اخطبن :D
قسم بالله اني ارتحت يوم قال كذا على اني اخاف من ذالحركات بس هالمره طلعت تهبببل ارتحت يوم اني عرفت انه مانوى شر بس يبي يتميلح عندي
يلعن شكله ليته قايله من زماااااان مهب يعيشن برررعب نفسي
مير يوم دريت ان ماعنده ماعند جدتي ناظرته بنص عين وقلت ياربي لك الحمد والشكر واكمل طريقي متجهه للبيت :D
فاصل <<< بيت العز يابتنا ...... الخ :D
<<<<< لا يالذروووقه الحين صرتي قووويه
والله لو يدري عن الرعب الي سببه تسان مامشا لتس هالكلمه بالساهل :D
بس تراه يسمع بالمغازل الحين يالقعيطي تكاسر على قلم رصاص وتغازل
تسمع بالمغازل يابو الشباب
بس تراه ماخلانا يوم رحنا نمشي ركب ددسنه القرمبع ولحقنا بيشوف وين نروح ومير يرجع الرعب مره ثانيه قلت هيه انتي امشي نمشي على الرصيف لا يصير بنيته يدعسنا :بكاء:
بس اشووى الظاهر انه كان بيشوف وين البيت وبس :Dفداك البيت ياشيخ بس انت اهجد وخلنا بحالنا :D ويوم وصلنا لشارع بيتنا وهو يكمل طريقه ويتركنا
الله يجزاه خير صار بودي قارد لنا
يوم وصلنا للبيت رجعنا نكمل حديثنا الي قطعه علينا ذالغبي :D
بس مدري تقول اختي يمكن انه ماسمعتس يوم انتس تقولين قعيطي يكاسر بس شكله مغازلجي خلقه
هذا والله اعلم :D
مايستفااااد من الموضوع
1/ يابنات الله يستر عليكن لاتطلعن بلحالكن علشان محد يتحرشبكن :(
2/ لابغيتي تهرجين عن احد بالمحل وطي صوتتس على قد ماتقدرين اخاف يصير سمعه قوووي مثل ذاك :D
3/ اشتري اغراضتس قبل الاختبارات بوقت علشان لاصار لتس مشاكل بذيك الطلعه ماتاثر على نفسيتس وقت الاختبارات :D
4/ ياليت كل مكساتي ومكساتيه يتحفونا بمواقف شبيهه اذا عندهم
5/ القصه حقيقيه وليست من نسج الخيال لكن لابد بعضا من الاملاح المعدنيه :D
حكمه :
مد رجولك على قد لحافك ولاصار لحافك قصير عطنياه اسويله وصله :D
<<<< تسجيل حضور اند خروج
بررررررررررررب
~ Dana ~
يالله لاتصبح ذالوجيه الا بالخير
وشلونكم وش اخباركم واخبار نتايجكم سبع ولا ضبع :D
المهم ندخل بالموضوع
تعرفون حوالي قبل 3 اسابيع واكثر كان موسم اختبارات وانا من طبعي لازم اروح للمكتبه قبل الاختبارات علشان اشري قلم ازرق ورصاص ومسطره ومساحه :D من يوم اني باول ابتدائي وانا تسذا
المهم وروح انا واختي ونقعد نفرفر بالمكتبه ونفحط :D
حديث جانبي :
اختي : مسطوله <- اسمها بالمنتديات الثانيه مافيها حيل تغير :ميت:
المهم يا دانا ودي اشتري ستكرات ( وفي روايه لزقات :D)
انا : اقوووول اهجدي للعن شكلتس لزقات بالاختبارات وشوله لاجا الترم الثاني اشري لزقات لميين تملين :D
اختي : طيب اشري قلم ازرق ناشف ولا سايل
انا : لا اشري جامد ونا وش علي منتس انا الي بكتب بووه ولا انتي :D
اختي : طيب ابلا حصه تقول لاتنسون الهندسه تراه محد اخذن من احد كل وحده تجيب هندسته معه واهم شي المنقله والفرجار
انا : طيب خوذي هندسه ياعلتس تتزوجين مهندس قولي ااااااااااااامين
اختي: ااااااااااااااااااااااااااااامين من بؤتس لباب السما
<<<< حتى اخته شفقه على الزواج :D
انا : وجع عيب يابنت استحي توتس فطفوطه مابعد طلعتي من البيضه
اختي : انتي الي دعيتي وش اسوي لتس
انا : طيب خلاص لايكثر انا قصدي في المستقبل البعيد مهب الحين يالغبيه :D
<<<< عاش مرقع :D
مير يقطع حوارنا الشيق والمفيد واحد مدري امه يوم جابته وش تبي :D
قطع علينا جونا الرومنصي الله يقلع شكله
<<<< تسمع بالاجواء الرومنصيه :D
قاعد يكاسر ( بالعنقليزي يسوي دسكافري قصدي دسكاوند:D )
تخيلوا وش عليه يالله لاتفضحنا
ماسك علبه قلم رصاص الي مخطط اصفر واسود ومساحته حمرا ويقول لا غالي نزل السعر
وجع الناس وصلت القمر وانت تهايط على قلم رصاص يالخايس :D
مدري وراه الساني ذاك اليوم صار طويل:D ولا انا طول عمري ماهرج الا همس بس
مير اقول لاختي شوفي ذالدبشه يكاسر على قلامة رصاص بطننننننننننننننننننني
الا وذالمهبول سمعناااااااااااااا
عز الله راح شبابتس يادانا وانكتب عنتس بالجرايد ومير يجلس يخزنا بذيك العين يمممممممممممه ويوم حاسب وخلص ماطلع من المحل وقف باول المحل عند الباب ينتظرنا نطلع وانا قسم بالله عظامي اتصاااافق من الخووووف مدري وش بيسوي لنا
قلت هيييه انتي وش بيسوي ذا قالت مدري الله يقلعتس انتي السبب قلت انطقي انتي منب ناقصتتس الحين ماينفع اللوم قولي وش نسوي قالت دقي على ابوي يجي ياخذنا قلت مجنونه انتي بيقول المكتبه جنب البيت وش اقوله اقول فيه واحد سمعنا وحنا نتكلم عنه قسم بالله ان يعلقنا بالمروحه اليوم :D
حاسبنا وانا قلبي يقول طق طق طق طق بقوووووووووووووووووه مدري شكلي عطيته 500 والله اني كنت مفهيه بقوووه ولا ادري عن شي واشوف ذالعلله واقف برااا جنب ددسنه القرمبع ويسولف مع خويه
قلت لا بالله راحت عليتس يامسيطيله اكيد يتفق معه على مصيبه حشا جمل وحقد الله يعين :بكاء:
واجلس اقلب شوي بالشناط الي عند الباب ابيه يركب سيارته ويمشي ولا فيه فايده لازق :(
قلت هيه انتي مالنا الا نطلع والي يصير يصير بس افتحي الجوال وخليه على رقم ابوي علشان لاصار شي على طوول انغزي الخضرا :بكاء:
ومير نطلع وقسم بالله وجهي كذا بعز الشتا :بكاء:
لاعادت على هالسنا الي يبيله قص :(
ونتسحبل لمين وصلنا الباب
ياهول ما ارى واسمعه
لقد انه يغازل :D
يوم شافنا ويقول هلا بالقمر
انا طارت عيوني ياملحي طلعت قمر طيب تعال اخطبن :D
قسم بالله اني ارتحت يوم قال كذا على اني اخاف من ذالحركات بس هالمره طلعت تهبببل ارتحت يوم اني عرفت انه مانوى شر بس يبي يتميلح عندي
يلعن شكله ليته قايله من زماااااان مهب يعيشن برررعب نفسي
مير يوم دريت ان ماعنده ماعند جدتي ناظرته بنص عين وقلت ياربي لك الحمد والشكر واكمل طريقي متجهه للبيت :D
فاصل <<< بيت العز يابتنا ...... الخ :D
<<<<< لا يالذروووقه الحين صرتي قووويه
والله لو يدري عن الرعب الي سببه تسان مامشا لتس هالكلمه بالساهل :D
بس تراه يسمع بالمغازل الحين يالقعيطي تكاسر على قلم رصاص وتغازل
تسمع بالمغازل يابو الشباب
بس تراه ماخلانا يوم رحنا نمشي ركب ددسنه القرمبع ولحقنا بيشوف وين نروح ومير يرجع الرعب مره ثانيه قلت هيه انتي امشي نمشي على الرصيف لا يصير بنيته يدعسنا :بكاء:
بس اشووى الظاهر انه كان بيشوف وين البيت وبس :Dفداك البيت ياشيخ بس انت اهجد وخلنا بحالنا :D ويوم وصلنا لشارع بيتنا وهو يكمل طريقه ويتركنا
الله يجزاه خير صار بودي قارد لنا
يوم وصلنا للبيت رجعنا نكمل حديثنا الي قطعه علينا ذالغبي :D
بس مدري تقول اختي يمكن انه ماسمعتس يوم انتس تقولين قعيطي يكاسر بس شكله مغازلجي خلقه
هذا والله اعلم :D
مايستفااااد من الموضوع
1/ يابنات الله يستر عليكن لاتطلعن بلحالكن علشان محد يتحرشبكن :(
2/ لابغيتي تهرجين عن احد بالمحل وطي صوتتس على قد ماتقدرين اخاف يصير سمعه قوووي مثل ذاك :D
3/ اشتري اغراضتس قبل الاختبارات بوقت علشان لاصار لتس مشاكل بذيك الطلعه ماتاثر على نفسيتس وقت الاختبارات :D
4/ ياليت كل مكساتي ومكساتيه يتحفونا بمواقف شبيهه اذا عندهم
5/ القصه حقيقيه وليست من نسج الخيال لكن لابد بعضا من الاملاح المعدنيه :D
حكمه :
مد رجولك على قد لحافك ولاصار لحافك قصير عطنياه اسويله وصله :D
<<<< تسجيل حضور اند خروج
بررررررررررررب
~ Dana ~