PDA المساعد الشخصي الرقمي

عرض كامل الموضوع : أيـ ـ ـ ـام زمـ ـ ـ ـان...



foxy girl
19-02-2008, 18:26
الله..

و الله حياتنا كلها حضارة و تقدم

مب مثل زمان

الله ياحلات ايام اول ذكريات الواحد ماينساها تعالو نذكر مع بعض

ياسلام على ايام زمان: و الا انتو اشرايكم:
1
- تذكرون البنات قبل لي حطوا دهن في شعرهم ولا حنه كانوا يلفون
راسهم بكيس جمعيه ولا كيس خبز لبناني ولازم شعار المطاحن يكون فوق
لوووول.
2- تذكرون لما اييلك واحد مليق من العايله اكبر منك ويقولك تبي
اسويلك ساعه وانت تمدله ايدك ويقوم يعضك ذيج العضه اللي توارص
منها.
3- تذكرون لما كنا نصور فوري عند مصور الجمعية وطبعا غصبن عليك
الخلفيه زرقه مو بكيفك ولازم تمشط شعرك بالمشط اللي عنده كله
شعر
ووصاخه وبعدين يقصلك الصورة بالآله اللي عنده ام ذراع والاطراف
مشرشره يعني يكون حركه .
4- تذكرون ايام حصة الموسيقى قبل كان الدرس لمدة سنه عباره عن
تــــــــــافــــــــــــاتيــــــــــي فـــــــــــي تاتي
والصفقه بصبعين بس .... صج كان منهج صعب.
5- تذكرون لي شفت واحد عنده سيارة مرسيدس كان يحوشك فضول الا تبي
تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج)

6- تذكرون اول يوم دوام بالمدرسه كانوا يسلمونا الكتب كلهم مع
بعض وصافينهم من الكبيييييييييير لي الصغير وطبعا الكبير كتاب العلوم
وكانوا يربطونهم بحبل عشان ما ينفلون مع 6 كشاكيل

7- تذكرون المعجون الصغير اللي ريحته تبط الراس ومعاه عود لونه
احمر
وكنا نبطله بالمقلوب ونرعصه ونلف العود عليه وننفخ عشان نسوي تفاخيه
وطبعا لاتفاخيه ولا قالها الله لين تطلع بلاعيمك منه.

8- تذكرون لما كانوا الاولاد يلعبون كره مبارات بالفريج واذا كان
واحد من الفريق ناقص لاعب بعد ما يبيله قولجي دفاع هجوم
ماشاءالله
قرندايزر مو قولجي وطبعا كان اللعب لــــــي اذان المغرب اول ما
يقول الله اكبر يعني الصفاره
9- تذكرون لما كنا نشوف افتح ياسمسم وانتأثر بكعكي اللي ياكل بسكوت
ونشتري بسكوت كاكاو ونقعد ناكل مثله والوالده تصارخ من قمة راسها
قطيــــــعه شنو هالشفاحه من لاحقكم خخخخخ .
10- تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب.
11- تذكرون لما كانوا بالصيف يسبحونا من الطشت والمغرافه الزرقه او
الحمره لوول وانت تتنافض من البرد وتنطر متى يكتون عليك ماي اي
بطل الدوش وفك عمرك....ياسلام على سياسة ترشيد المياه منذ القدم .

12- تذكرون اغنيه ياوردتي يانديه روحي لخلي هديه كانوا اهل الكويت
ميتيــــن ويشوفون ويه البنت اللي كانت ترقص لانها كانت تنزل شعرها
على ويهها لي يت صوب الكاميرا....ياعيني على الستر.
13- تذكرون تيلفون بوقرص اللي يخيب ثناك وانت تتصل
وياااااااويلك يطلع الرقم مشغول لان مافي ريدايل والله يعينك لي بغيت تدق
مكالمه حق خدامتكم تلاقي اصابيعك اتعربك.....صج كانت معاناة بالعيشه ...

14- تذكرون لما نرجع من الزواره كنا انتناجر منو اللي ينسدح ورى
بالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول

15- تذكرون لما كنا نربط الشرشف او الفله على رقبتنا يعني يكون
سوبرمان ونصعد فوق الكبت وانط على الدواشق واخر شي طاب غلط ومنكسره ايدك
16- تذكرون شريط الشراغي الاحمر اللي اذا اخترب المسدس ماله بعد
مايبيله كلام حول على كعب الوالده وكمل عليه بالكاشي ولا على عتبة الباب اخر شي الوالده مكمله عليك بالكعب لووووووول
17- تذكرون لما كنا نحط قوطي السانكست بالفريزر عشان يثلج مع العصير
الطوالي بونصين وكل ماتروح تبي تاخذه تلاقي الوالده منزلته تحت
وماثلج.....راحت الفرحه.
18- تذكرون لما كان الاولاد يغسلون الحوش بالويك اند قمة الوناسه
يمسك المساحه يعني يكون بيساعد واخر شي طايحله سكيتنج على
الكاشي لوووووول وبالليل رايح الاميري .
19- تذكرون لما كنا نستقبل الحجاج عند الحدود من زود الفرحه واللهفه
على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.
20- تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا
ورااااااك
وراااااااك واهوا يقول وينه وينه يميييييين يميييييين....ياعيني على الاستهبال ...
21- تذكرون عزايم قبل والصماط المفروش على كبر الحوش اللي على صورة
ميوه ( فواكه ) وريحته لازم ريحة مطبخ وقاعدين على المده اللي
لي قمت تلاقي ريلك كلها شخوط من المده....ياخي شنو هالزهد بس.

22- تذكرون لما هبينا في مجلة المجالس وبصفحة كريمة شاهين اللي
يكتبون فيها ...انا فتاة ابلغ من العمر 18 سنه واحببت شابا حبا جما
ولا استطيع ان افارقه وتقدم لي اكثر من مره ولكن اهلي رفضوا .
23- تذكرون لما هبينا في اغنيه البحريني سليمان الزيمان ولييييييييي
في ربوووووووع الشمال غرام حي وزنبقه طاهره وحاطين المسجل على
قاري منتزه الخيران وحد الصوت العالي وطيحله فراره بالمنتزه عشان
تأسر قلوب العذارى خخخخخخخخ.
24- تذكرون لما يبلشون الشباب يدخنون زقاير كل واحد حاط باكيت
بمخباته ولافه بكلينكس عشان ما يبين من الدشداشه الصيفيه ولي
شاف واحد من الربع يدخن يسأله السؤال المعهود (ها فلان تكنها ولا ما
تكنها ) لووول شدعوه شي زين عاد ..وكان لازم مالبورو احمر شعار الرجوله ...

25- تذكرون ايام الدراسه قبل يعني يكون بنشد حيلنا بالدراسه ونشتري
قلم فسفوري اصفر ولا برتقالي عشان نظلل على الشي المهم اخر شي
مظللين على كل الكتاب وين الشي المهم مادري لوووول.
26- تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم.
27- تذكرون لما تطوروا الشباب بالطلعه عقب سوق الديره والعماره
البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا
1.500 حق الرده يا بالتاكسي ولا وانيت .
28- تذكرون اول ما يبوق الصبيان سيارة الوالد كانت الريل اليمين على
البانزين والريل اليسار على البريك من الثواره .... ولازم طبعا يمر
على الربع بالفريج ايتشيحط عليهم.... واديلوووووو بريك وبانزين

29- تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه.

30- تذكرون لما يقول الاستاد ان هذي الصفحات ملغيه
ايوااااااااااا
تعال شوف التشخط اللي على الصفحه من فوووووووووق لي تحت ولا
نشقها خير شر من الكتاب.....شدعوه هالحقد عاد

31- تذكرون لما اتهاوش مع ولد جيرانكم وتقوله وخر عن بيتنا وعن
رصيفنا يقولك مو رصيفكم هذا رصيف الحكومه.....كلام منطقي الصراحه
لووول ويقعد يحوس جبال بيتكم ويمر يمك ويقولك ماحشتك ماحشتك
خخخخخ.

32- تذكرون كمبوتر صخر 170 لما حنينا على الوالد عشان يشتريه عشان
يساعدنا بالدراسه اخر شي محولين على لعبة الاميره ام الخواتم ورامبو
اللي يطير الطياره ولي دش الوالد حطينا شريط بنك المعلومات يعني استفاده لوووول.

33- تذكرون لما يروحون الصبيان السوق مع الوالد يشتري لهم خامات حق
العيد ..اخر شي شاري طاقه كامله نفس اللون
.... وتشوف باول يوم العيد من الوالد لي الاخو الصغير نفس الدشاديش ( تقول فرقة التلفزيون لوووووول.)

34- تذكرون الحريم قبل لما كانوا يلبسون حجاب بوربطه والنظارات هااااااااااااااااالكبر تقول داشين فلم 3 دايمنشن.....والحين قاموا
يخشون صورهم ولا يشقونهم من الفشله لووووول.

35- تذكرون شامبو درين اللي بغرشه حمره مادري ورديه يعني كان كشخه بس ياوووووووووويلك يحوش عيونك 3 ايام انت عمي لوووووول.

36- تذكرون لا بغوا الشباب يشيلون حديد قبل يعبون قواطي نيدو اسمنت
ويحطون بينهم بايب حديد وهووووووووبا واخر شي منكسر ه ظهورهم
لووووووووووول.

37- تذكرون المسجل السوده مالت استاد الانجليزي لي دش علينا فيها قمة
الوناسه اليوم ليسيننج يعني مافي اسئله ورووووح سكشن فايف
ترررررن تررررررن سكشن فايف.....هاي سوبر فالكون ههههههههه.

38- تذكرون السشوار البيج بو جنطه بيضه تقول لاب توب مع الهوز جنه
خرطوم طياره ( تشغله قبله بيوم عشان يصير حـــار .)..
لوووووووووول

39- تذكرون الكشكول الادعم اللي في صوره بابا جابر الله يرحمه ومن
ورى صوره بعير والمسجد اللي بالضاحيه .

40- تذكرون لما نقلد رقص مايكل جاكسون ونسوي حركه الرجعه وحركه الايد
اللي على الجام ونغني بيييييييييييلييييييييييه
بييييييييييلييييييييه شنو بيله مادري لووول ..

41- تذكرون لي طاح ضرسك قبل تقولك امك مسكه وقطه فوق وقول يارب اخذ
ضرس الحمار وعطني ضرس غزال........واخر شي طايح مره ثانيه يم
ريولك لوووووووووول.

42-تذكرون لما البنات كانو يلبسون ثوب الصلاه عشان يصلون وشباصاتهم
طامره تقول اذون فار ههههههههه

لا تنسون الردود::جيد::::جيد::

foxy girl
19-02-2008, 18:39
و الله الردود ........

ببلااااااااااااااااش ..

(مجاناً)

Mr.C00l
19-02-2008, 19:02
///////////
/////
يا سلامــ،، والله زمــ،ـن :rolleyes:

2- تذكرون لما اييلك واحد مليق من العايله اكبر منك ويقولك تبي
اسويلك ساعه وانت تمدله ايدك ويقوم يعضك ذيج العضه اللي توارص
منها.

خاصــ،،ــه هذهـ،--> كثير كنت مصدقها:D
والحيـ،ـن اطبقها :p
\\\\\\\\\\\\\\\
\\\\\\
ثانك
يو
عالموضوع
الـ كذا ::جيد::
من جد موضوع رهيبــ،،
////////////
/////

Miss.Ichigo
19-02-2008, 19:15
هههههههههههههههههههههههههههههههههههههههههههههههههه ههههههههه .. حـــــلوة ..
الله يرحم أيام الطفولة .. عدت علينا ..
وتذكرون يوم كان حد يقول شي جذب .. نقول حراام الله بيدخلكم النار .. لوووووووول ..

تذكرون يوم نشوف اعلان ف التلفزيون .. عن تايد ولا شامبو جونسون ولا معجبون ولا صابونة .. نركض ونيب الشي ونحطيه يدام التلفزيون عس يشوفون ان ها الشي عدنا .. خخخخخخ .. كنت دايما ايب شامبو جونسون .. هههههههههههههههههههههه " الاعتراف ب الحق فضيلة " ..

تذكروون يوم نشوف حيوان ونمسكة من ذيله ولا نلاحقة ليما تطلع روحه .. اتذكرني دخلت ف قفص دياي ..
وكنت باخذ بيضة ويمسكني الديج وينقمني ع راسي .. وكنت اصرخ .. اخر شي مسكته من رقبته لين ما ساوا وغ با غيق .. ومرة جفت صغار القطوة وحطيتهم ب الغسالة عسب يتغسلون ويتنظقون وهم يدورون ماتوو .. بعدين مسكتني لام تلحقني .. عاد كنت قوية .. مسكتها من ذيلهاو قعدت ادورها .. ههههههه

ώαтея Ĺіlў
19-02-2008, 19:24
هلا والله فوكسي

أخبارك قلبوا

عمله إيه

إن شاء الله بخير مع المتعسه؟؟;)

والله وصرتي تراثية وراعية ذكريات



5- تذكرون لي شفت واحد عنده سيارة مرسيدس كان يحوشك فضول الا تبي
تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج)
حلللللللللللوه


8- تذكرون لما كانوا الاولاد يلعبون كره مبارات بالفريج واذا كان
واحد من الفريق ناقص لاعب بعد ما يبيله قولجي دفاع هجوم
ماشاءالله
قرندايزر مو قولجي وطبعا كان اللعب لــــــي اذان المغرب اول ما
يقول الله اكبر يعني الصفاره
الله الله
مايحتاجون ساعة ولا شيء

والله ذكيين


14- تذكرون لما نرجع من الزواره كنا انتناجر منو اللي ينسدح ورى
بالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول
نصيحه لا أحد يسوي هذي السوات

مره سويتها ونسوني أهلي بالسيارة ودخلو البيت عني:(

تذكرون أول

أآآه زمان يافن...
والله وحركات أول كثيره

مشكور يأحلى قيرل على أحلى ذكريات

:::massari:::
19-02-2008, 19:43
ههههه

والله ايام

mAn-C4
19-02-2008, 19:54
ييييييييييييييييييييييييييييه

والله يا ايااااااام زماااااااااااااااااااااااااااااااااااااااااااااااا ااااااااان من جد

مشكورة على الموضوع