PDA المساعد الشخصي الرقمي

عرض كامل الموضوع : بنات الرياض



خفيفةدم وكلي هم
10-02-2008, 10:48
بنات الرياض


فيه بنات ( قراوى ) .. وفيه نوع ( يسوون نفسهم موب قراوى وهم قراوى ) .. وفيه نوع مسوين فيها ( يااى بزياده ) وعلى بالهم هاى كلاس مارا مارا ( يعنى مره مره بس بطريقتهم )
ان كان يهمك تعرف هالانواع ووش تصنيف كل وحده فيهم .. تعال اعلمك ردة فعلها على كل موقف ( بس كل معلومه بخمسه يورو )
المواصفات و المعلومات عامه

الياى :
ماتتغطى على بالها محد يهمها ( لكن ان كانت توها صاحيه من النوم اى هين تكشف انواع الخشوم والعيون المتفخه )
وعباية عليها كل نقشات العالم + بوت مشي
المشيه تنقز تنقز بزعمها جاقنق
ومن رواد شارع العليا العام والتحليه والدبلوماسي
ومطاعم السيزون والريف اللبنانى والايطالى والقلوب والكوارتو
اللى هى قرويه بس مسوى فيها موقرويه :
تتلثم .. وعباية مطرزه (يبيلها سيوف الننيجا ) ..والعيون ترسمها 3 ساعات + تنس شوز
المشيه حبه حبه بزعمها ناعمه مره
من رواد المملكه والفيصليه والسيفوى وصحارى سنتر
و المطعم البرازيلي ( الترازو ) و ستارباكس و دابينو والصينى

القرويه :
برقع + نقاب .. عباية مخصره + جزمه حمرا عاليه
المشيه فيها هزه كنها راكبه جمل..ماعندها توافق عقلى عصبي فمشيتها
من رواد اليورمارشيه والجزيره والفيصليه والمملكه والاندلس والعروبه بلازا
والمطاعم ..مكدونال وهرفي و كودو ويامال الشام
الاهتمامات
الياى :
فلانه خطبها امير ؟!!
تمارين رشاقه ودايت قبل الصيف
ودى اتحجب هالسنه
متى ابطل تشاكليت
اللى هى قرويه بس مسوى فيها موقرويه :
فلانه طلقها زوجها
ابي اروح السوق عندى مقاضي
مسلسلات مصريه وكويتيه
تكلم 24 ساعه
القرويه :
تروح زواجات
تروح الخياط
تحط حنا فشعرها ( يععع )
تطبخ
اول ماتعرفها .. نوعية المواضيع اللى تحكى فيها معك
الياى :
عن وين سافرت اجازة الحج .. عن انها تبي تاخذ تان(سمره) وتغير ستايلها .. عن ابوها وشركاته
اللى هى قرويه بس مسوى فيها موقرويه :
عن الشباب ومضايقاتهم .. عن انها دايم تغير موبايلها .. عن خطابها وكثرتهم
القرويه :
عن طلاق اختها .. عن ابها وجوها .. عن اخوها انه مايوديها للزواجات
لين جيت بتخربها معك
الياى :
تواعدك في الكواترو فى الفورسيزن .. والا تجيك بسيارتها ( والسواق وده يلعن خييرك )
اللى هى قرويه بس مسوى فيها موقرويه :
تواعدك فى الفيصليه ( ومعها كل خواتها ) .. والا تروح تاخذها من بيت صديقتها فى الروضه
القرويه :
تواعدك فى شاليهات الديره ( الثمامه ) ... والا تروح تاخذها من عرس( انواع الروائح بعد الرقص )
لين بغت تتفشخر و تدعى عليك
الياى :
تقول تصدق انو بابا يبي يغير البي ام حقى يقول خلاص له سنتين معك بس انا ماابي حبيت سيارتى خلاص احسها جزء منى ( بزعمها مايهمها )... والا تقول ههههاى الكردد حقى مافيه الا عشرين ريال انا مفلسه ( بزعمها واثقه من نفسها ) .. والا تقول ماما خيرتنى بين ساعه الماس والا تسفرنى ويك اند بيروت وش رايك؟
اللى هى قرويه بس مسوى فيها موقرويه :
تقول شركة الاتصالات حراميه بزود تونى مسدده فاتورة جوالى 5 آلاف... والا تقول هالسنه محتارين نسافر القاهره و دبي والا نروح ماليزيا و تركيا .. والا تقول كل اسبوع لازم نروح الاستراحه .. والا تقول انامليت وانااعزم صديقاتى فى الفيصليه ابي اغير وين اعزمهم ؟
القرويه :
تقول والله تونى شارية جوال نوكيــا كاميره ( بزعمها قوه ) .. والا تقول ابوى بيودينا لابها والشرقيه وحنا نبي سوريا .. والا تقول ياخى سواقنا ذا الاندنوسي وش زين سواقته ( بزعمها ماتطلع مع أخوها )
لين قلتلها عرفى بشخصيتك او ميولك
الياى :
انا انسانه ابحث عن كيانى .. اكره القيود .. محد له سلطه على الا عقلى .. اسمع فيروز و كاترين برادا وكلاسك ميوزك .. احب الرجل يكون شكله شرقى لكن له مايند غربي
اللى هى قرويه بس مسوى فيها موقرويه :
انا صريحه .. اسمع راشدالماجد ..واحب الشعر .. برغم كثر مايخطبونى لكنى ابي زوج مثل خالد الفيصل .. عيبي طيبتى .. واموت فى (احمد السقا ) الممثل المصري .الله يلوع كبدك لووول. غيوره حتى من نفسي
القرويه :
شف .. انا مانيب احب اللف والدوران يعنى احب الزبده .. ومنيب اجامل يعنى وجهى مغسول بمرق .. اه لو انك خالد عبدالرحمن .خخخخخخخخ. اتمنى الاقى زى زوج اختى الكبيره تهانى .. احب البس تفصيل مااحب الجاهز
كيف تكلمك على موبايلك ؟
الياى :
ترسلك مسج تقول هآى مس يو .. يعنى عشانك خفيف ومتاكده انك بتكلمها على طول
اللى هى قرويه بس مسوى فيها موقرويه :
تدق رنه وتسكر ..تقول اخاف يطلع رقمك في الفاتوره عند اهلها
القرويه :
تكلمك ربع دقيقه ..تقول كلمنى الحين مابقى في الرصيد الا 17 ريال ومخليتهم رسايل
كيف وضعها معك وباى طريقه تكلمك
الياى :
لازم تقول .. اها .. ولين طاح منها اى شيى تقول اوتش .. وطول ماهى تكلمك تحاكى الشغاله بالانقليزى.. تقولك مااعرف اكلم الا ومعى كوشنز .. ونص المكالمة تسمعك اغانى بايخه.. وقبل لاتسكر تقول تيك كير
اللى هى قرويه بس مسوى فيها موقرويه :
لازم تقولك انا متضايقه ابوى جايه خطيب كويس مره واخاف يجبرنى .. طول ماهى تكلمك امها تناديها بصوت عالى .. لين جتها اختها تحطك هولد تبي توريك عندهم سنترال ..لازم تقول تشاو قبل لاتسكر
القرويه :
لازم تقولك ابقوم احط لى عشاء.. تتصل عليك في اليوم 450 مره .. كل شوى تدبج فى ولد اختها وهى تكلمك .. تطلع السطوح تصلح الدش وانت معها عالخط .. ماتخلو اى مكالمه من الاهات والتنهدات.. تقولك ليش ماتتوظف ؟
لين بغت تتركك لاى سبب
الياى :
تقولك : ماعاد احس ان فيه بيننا كونكشن روحى .لوووول. وبليز اذكرنى بالذكر الكويس عند الناس واعتبرنى سحابة صيف
اللى هى قرويه بس مسوى فيها موقرويه :
انا انخطبت ..ولو سمحت رجع صوري اللى خذيتها في عيد الحب .. وحطها لى في المناسبات
القرويه :
اهلى كشفونى .. وتكفى رجع الدوب اللى شريته لك من اليورمارشيه
لين تركتك فتره طويل ورجعت الفضاوه واشتاقتلك
الياى :
تحط لك على الفويس ميل( ياى عالفويس ميل) اغنية ( هاو كان اى كاتش يو )
وترسل مسج مكتوب فيه:
اى نيد سم ون
هى ونت مى
بت .. ووال بتوين اص
وير ازت ؟
اى لوزت ؟
مو انجليش هذا ولآ حتى بروكين انجليش حتى هيهيهي
اللى هى قرويه بس مسوى فيها موقرويه
:تكلمك صديقتها تقولك كلم فلانه ضرورى مسئلة حياة او موت
وتتصل عليها .. تقولك انا ماكلمتك الا محتاجة لك فعلا .. عندى مشاكل وتعبانه نفسيا.. اعتبرنى اخت او صديقه
القرويه :
تسجلك اغنية .. ابصملك على العشره
وتدق عليك رنه وتسكر 250 مره .. لين كلمتها تقول وشدعوه هالتغلى .. ياخى العشره ماتهون الا على السمرمدى
في الأخيـــــــــــر احـــــــــــــب اقول اخـــتلاف الرأي لا يبدي لل....... قضيه


منقووووووووووووووول
أو ملطووووووووووش[/center]

princ KiKo
10-02-2008, 11:15
هههههههههههههه


يسلمو ع الموضوع الكول

وماشاء الله عليكي

خفيفةدم وكلي هم
10-02-2008, 11:21
مشكور اخوي على احلى مرور

princ KiKo
10-02-2008, 11:27
العفو^^

فراشة فوشية
10-02-2008, 12:10
خخخخخخخخ يسلمو ع الموضوع الروعة

خفيفةدم وكلي هم
10-02-2008, 13:12
يسلمووو فروشه على المروور


تحياتي
خفيفه دم وكلي هم

>!!< ميشوو >!!<
10-02-2008, 13:20
هههههههههههههههههههههههههه

يسلمووووووووووو

كتكوت مرعب
10-02-2008, 13:26
مشكورة على الموضوع وصراحة وايد ناس جذي مو بس بنات الي في الرياض

خفيفةدم وكلي هم
10-02-2008, 13:53
يسلموووو قطوطتي الحلوه<<<لا يفوتكم الدلع بسـ خخخخخخخ :d

كتكوووتي اكيد مو بسـ بنوتات الرياض>>>من الرياض :d


ويسلموو حبايبي عالمروور


تحياااتي
خفيفه دم وكلي هم

The Love Gate
11-02-2008, 21:45
هههههههههههههههههههههههههههههههههههههههههههههههههه ههههه


مبدعهـــ وحقت فضايح >>>>اوخصصــ خربها


يسلمووو على الموضووع

ودمتيـــ بود

خفيفةدم وكلي هم
12-02-2008, 01:12
العفو اخوي
ويسلموووو على المرور الاكثر من روعة


تحياتي
خفيفة دم وكلي هم

خفيفةدم وكلي هم
13-03-2008, 20:42
فين الردود