$$ شبيه انريكي $$
05-02-2008, 17:40
نقاش حاد بين نصراوى وهلالى
نصراوى:مبروك السوبر والله بيضتو وجيهنا
هلالى:انت جاى تشمت؟
نصراوى:اتشمت؟ ليش الى صاريخلينى اتشمت وبس!
هلالى:ليه وش صار بطولة وخسرناها !
نصراوى:هههه اى بطولة الى صار فضيحه كارثه فشلتونا !
هلالى:ليش؟
نصراوى:سامسونج جاى بالرديف ومامعه الا14لاعب كلهم شباب والظاهر انهم عمال بعد وهزموكم استح على وجهك.
هلالى:حظ والله حظ !!!
نصراوى: اخر ناس يتكلمون عن الحظ انتم يالهلاليين.
هلالى:اقول وش تبى انت الهلال هو الزعيم ولاتنسى اننا جايبين 6بطولات اسيويه
نصراوى:اى زعيم واى بطيخ !! وبعدين لاتنسى انكم مشاركين 32مشاركه خارجيه يعنى اقرب فريق لكم ماشارك فى نص العدد وبعدين البطولات الاسيويه شوفة عينك فرق كوريا واليابان ماجابت خبرها دايم ترسل الفريق الرديف ياخى حتى القادسيه يوم شاركت فيها جابتها يعنى يدفونكم هنا وتروحون تشاركون مع رديف شرق اسيا.
هلالى:ياخى جيبو كثر بطولاتنا وتكلمو انتم ودولابكم ذا الفاضىالى مافيه الا ابواك عليها شعار النادى وسندات قبض !!!
نصراوى:عطنى الدعم الى يجيكم كل سنه من الرعايه والحكام والاعلام واجيب كثربطولاتكم مرتين.
هلالى:اى دعم حنا نشتغل صح وبالعكس الرعايه ضدنا !!!
نصراوى:ضدكم هذى نكتة الموسم لايسمعك احد بس.
هلالى:ياخى اغلب الى بالاتحاد السعودى نصراويين تبينى اقول لك اساميهم !
نصراوى:وهذى المشكله هم نصراويين بس انهم ينجرفون مع التيار واللوبى الهلالى.
هلالى:هذا انتم كل ماقلنا شى قلتو لوبى ولوبى وين حنابمجلس الكونجرس !
نصراوى:اللوبى الهلالى عندنا متحكم فى الكورة ويمشى الامور لمصلحة الهلال تبينى اقول لك المهازل والمؤامرات الى سواهامن بدت الكورة عندناياخى ماكفاك بطولة الدورى الاخيرة ؟!
هلالى: لاتنسى هدف حسين هادى باليد والعمر العمر الى ماحسب 4بلنتيات ونص .
نصراوى:انتم ماعندكم الاهدف حسين هادى والعمر ذا المسيكين الى خليتوه يكره عمره علشانه ماحسب تمثيل لاعبينكم حنا عندنا مجلدات واشرطه وفضايح لكل بطولاتكم.
هلالى:ياخى الاخطاء تصير بكل مكان فى العالم.
نصراوى:صح بس المشكله عندنا انها كلها تسير لصالح فريق واحد الهلال وبس ! وكل الانظمه والقرارات الى تطلع لصالح هالفريق!
هلالى:ايه هذا رايك انت بس !
نصراوى:لايااخ البطولة الاخيرة تكلمو عنها فى كل مكان وطلعت ريحتكم تحب اوريك منتديات فى عمان والكويت والبحرين وش كتبو عن البطوله يااخى فضيحتكم هالمرة تجاوزت الحدود المحليه ولله الحمد.
هلالى:هذولى كلهم يحسدون الزعيم وماعلينامنهم التاريخ بيسجل لنا هالبطولات
نصراوى:التاريخ بيسجل اشياء كثيرة مهوب البطولات وبس؟وبعدين هذولى من دول ثانيه وش يحسدون فريقكم والا تبى ترقع وبس !
هلالى:يااخى المنتخب كله هلال وش تبى بعد والى مختارهم مهوب حنا الى مختارهم مدربكم النصراوى الجوهر لاتقول لىانه هلالى!
نصراوى:ليت الى مدرب المنتخب انت والا الخراشى والله مايسوى لكم الى سوا الجوهر !
هلالى:الجوهر شاف الافضل ولعبهم.
نصراوى:قصدك الافضل للاعلام الهلالى علشان يضمن منصبه والحمدلله الى الله فضحكم بالثمانيات.
هلالى:الثمانيه مهيب لنا للمنتخب.
نصراوى:الحين تبريتو من المنتخب اجل ليش اذا فاز المنتخب قلتو الهلال فاز وسامى جاب لكم ونواف سجل لكم
هلالى:انت تنكر ان سامى جاب لكم كاس الخليج مرتين واهلكم لكاس العالم 3مرات!!
نصراوى:اقول سكر الباب لا يسمعك احد يضحك علينا صاحى انت؟
هلالى:ايه صاحى سامى قائد المنتخب وجاب كل هالبطولات.
نصراوى:شف يااخى سامىماسجل فى كل مشاركاته مع المنتخب عشرين هدف رسمى وشلون يصير هو الى سوا هالانجازات انتم تبون تطبلون وبس وبعدين وجود لاعب مهوب معناها انه هو الى اهل المنتخب او جاب بطوله اذا كان ماله حضور فى مباريات الحسم والنهائيات وشلون يصير هو الى وراها؟؟؟
هلالى:سامى هو الى اهلنا 3مرات وجاب الخليج مرتين.
نصراوى:تقدر تقول لى كم سجل سامى فى تصفيات 94؟
هلالى:ايه هدف مع ايران.
نصراوى:بس لاينشق حلقك ترى مافيه غيره وترى منصور الموسى مسجل هدف بعد
طيب تصفيات 98 كم سجل؟
هلالى:مااذكر.
نصراوى:تكفى عاد من كثر اهدافه مع المنتخب عشان ماتتذكر انا اقول لك ولاهدف وتراها لاعب كل المباريات الثمان ولاحظ انه راس حربه.
هلالى:عاد التصفيات الاخيرة هو الى جابها
نصراوى:اقول ترى الشيحان شارك4مباريات بس وسجل 5اهداف وسامى مسجل فى تايلند هدف مصاقيل وبلنتى خلاه الجوهر يشوته غصب وطب الجوهر فى وسط الملعب عشان يقول لسعد الدوسرى عط الكورة لسامى يشوت انت كفو تشوت وسمسم موجود!!ايه ونسيت الهدف البوز الى فى راس حربة البحرين الى مسك حارس!!
هلالى :والخليج تنكر انه جابها لكم
نصراوى:الخليج الله يسلمك الى فى الامارات جابها فؤاد انور والعويران الى سجلو اغلب الاهداف اما الاخيرة يوم جت مباراة الحسم مع قطر حسمها المحمدى والمشعل والبلنتى الى سببه سامى ترا الى مسوى المجهود الصح ماطر وخويكم زى العاده مثل ومشت على الحكم
هلالى:خلنا من المنتخب من زين فريقك ذا الى ماجاب ولا بطوله من 10 سنين ولاحتى طلع فيه لاعب يسوى؟
نصراوى:البطولات يبيلها حظ وتحكيم صح واللاعبين الى عندنا لولا تحطيم الجوهر لهم كان شفت وبعدين حنا نبنى فريق مهوب مثلكم كل فريقكم شياب والا شارينهم ووش سوولعيبتكم فى كاس العالم اشوف رئيس ريال مدريد مانام عقب مباراة المانيا وده يشترى كل لاعبينكم بس محتار من ياخذ هههههه.
هلالى:يخوى بفلوسنا حنا نشتغل صح نشرى لاعبين ونغير الاجانب اذا صارو فاشلين والمدرب نشيله اذا خنبق وانتم تبربون وبس وتتهمون العالم والحكام بالرشاوى مااحد سلم منكم وبعدين حنا نعطى فرصه للاعبينا اذا اخطئوا ياما غلطو لاعبينا فى حق الهلال وسامحناهم انتم ماتصدقون على الله اى لاعب يغلط وتمحونه من الوجود تبينى اقول لك كم لاعب طفشتوه وانهيتوه والظاهر الدور جاى على الخوجلى والحارثىوالبقيه فى الطريق.
نصراوى:فى هذى صدقت ولاتنسى ان الاعلام معكم ويساعدكم واذا شاف غلط يجلس يردده كل يوم لين يتصلح .
هلالى:اى اعلام حنا مامعنا الا الجزيرة والرياض انتم معكم عكاظ والمدينه والبلاد والندوة!
نصراوى:ضحكتنى وانا فينى النوم اى بلاد واى مدينه اذا كانت هالجرايد انصفت النصر يوم مهوب معناها انهانصراويه هى اما اتحاديه او اهلاويه بس مهيب متعصبه مرة انتم جرايدكم مسخرة 24ساعه لخدمة الهلال وهات ياحش ومؤامرات وهذا يكتب كذا والثانى منسق معه يطب فى فلان ويرقعون لفلان.
هلالى :ياحبكم للمؤامرات كل ماصار شى قلتو مؤامرات !
نصراوى:انت تنكر ان الاعلام الهلالى مسيطر على كل شى حتى التلفزيونات والفضائيات مانشوف فيها نصراويين الا بالسنه مرة وانتم تندحون فى كل قناة.
هلالى:يااخى اشتغلو زينا صح واوصلو زى ماوصلنا.
نصراوى:الضاهر انى انفخ فى قربة مقطوعه اقول لك اللوبى الهلالى مسيطر على كل شى وتقول اشتغلو !
هلالى:ردينا على لوبى ومؤامرات رح نم بس ماعندك الاهذى.
نصراوى:الضاهر انى بروح انوم واحلم ان الامو بتتعدل فى الرعايه وان التحكيم يكون عادل وان المنتخب مايكون فيه مجاملات وان الصحافه تصير للوطن مهيب لناديكم بس .
هلالى:ههههههههههههههههه الظاهر مطالبك هذىمنتب شايفها حتى فى الاحلام.
فديت كل النصراوين يا ناس
نصراوى:مبروك السوبر والله بيضتو وجيهنا
هلالى:انت جاى تشمت؟
نصراوى:اتشمت؟ ليش الى صاريخلينى اتشمت وبس!
هلالى:ليه وش صار بطولة وخسرناها !
نصراوى:هههه اى بطولة الى صار فضيحه كارثه فشلتونا !
هلالى:ليش؟
نصراوى:سامسونج جاى بالرديف ومامعه الا14لاعب كلهم شباب والظاهر انهم عمال بعد وهزموكم استح على وجهك.
هلالى:حظ والله حظ !!!
نصراوى: اخر ناس يتكلمون عن الحظ انتم يالهلاليين.
هلالى:اقول وش تبى انت الهلال هو الزعيم ولاتنسى اننا جايبين 6بطولات اسيويه
نصراوى:اى زعيم واى بطيخ !! وبعدين لاتنسى انكم مشاركين 32مشاركه خارجيه يعنى اقرب فريق لكم ماشارك فى نص العدد وبعدين البطولات الاسيويه شوفة عينك فرق كوريا واليابان ماجابت خبرها دايم ترسل الفريق الرديف ياخى حتى القادسيه يوم شاركت فيها جابتها يعنى يدفونكم هنا وتروحون تشاركون مع رديف شرق اسيا.
هلالى:ياخى جيبو كثر بطولاتنا وتكلمو انتم ودولابكم ذا الفاضىالى مافيه الا ابواك عليها شعار النادى وسندات قبض !!!
نصراوى:عطنى الدعم الى يجيكم كل سنه من الرعايه والحكام والاعلام واجيب كثربطولاتكم مرتين.
هلالى:اى دعم حنا نشتغل صح وبالعكس الرعايه ضدنا !!!
نصراوى:ضدكم هذى نكتة الموسم لايسمعك احد بس.
هلالى:ياخى اغلب الى بالاتحاد السعودى نصراويين تبينى اقول لك اساميهم !
نصراوى:وهذى المشكله هم نصراويين بس انهم ينجرفون مع التيار واللوبى الهلالى.
هلالى:هذا انتم كل ماقلنا شى قلتو لوبى ولوبى وين حنابمجلس الكونجرس !
نصراوى:اللوبى الهلالى عندنا متحكم فى الكورة ويمشى الامور لمصلحة الهلال تبينى اقول لك المهازل والمؤامرات الى سواهامن بدت الكورة عندناياخى ماكفاك بطولة الدورى الاخيرة ؟!
هلالى: لاتنسى هدف حسين هادى باليد والعمر العمر الى ماحسب 4بلنتيات ونص .
نصراوى:انتم ماعندكم الاهدف حسين هادى والعمر ذا المسيكين الى خليتوه يكره عمره علشانه ماحسب تمثيل لاعبينكم حنا عندنا مجلدات واشرطه وفضايح لكل بطولاتكم.
هلالى:ياخى الاخطاء تصير بكل مكان فى العالم.
نصراوى:صح بس المشكله عندنا انها كلها تسير لصالح فريق واحد الهلال وبس ! وكل الانظمه والقرارات الى تطلع لصالح هالفريق!
هلالى:ايه هذا رايك انت بس !
نصراوى:لايااخ البطولة الاخيرة تكلمو عنها فى كل مكان وطلعت ريحتكم تحب اوريك منتديات فى عمان والكويت والبحرين وش كتبو عن البطوله يااخى فضيحتكم هالمرة تجاوزت الحدود المحليه ولله الحمد.
هلالى:هذولى كلهم يحسدون الزعيم وماعلينامنهم التاريخ بيسجل لنا هالبطولات
نصراوى:التاريخ بيسجل اشياء كثيرة مهوب البطولات وبس؟وبعدين هذولى من دول ثانيه وش يحسدون فريقكم والا تبى ترقع وبس !
هلالى:يااخى المنتخب كله هلال وش تبى بعد والى مختارهم مهوب حنا الى مختارهم مدربكم النصراوى الجوهر لاتقول لىانه هلالى!
نصراوى:ليت الى مدرب المنتخب انت والا الخراشى والله مايسوى لكم الى سوا الجوهر !
هلالى:الجوهر شاف الافضل ولعبهم.
نصراوى:قصدك الافضل للاعلام الهلالى علشان يضمن منصبه والحمدلله الى الله فضحكم بالثمانيات.
هلالى:الثمانيه مهيب لنا للمنتخب.
نصراوى:الحين تبريتو من المنتخب اجل ليش اذا فاز المنتخب قلتو الهلال فاز وسامى جاب لكم ونواف سجل لكم
هلالى:انت تنكر ان سامى جاب لكم كاس الخليج مرتين واهلكم لكاس العالم 3مرات!!
نصراوى:اقول سكر الباب لا يسمعك احد يضحك علينا صاحى انت؟
هلالى:ايه صاحى سامى قائد المنتخب وجاب كل هالبطولات.
نصراوى:شف يااخى سامىماسجل فى كل مشاركاته مع المنتخب عشرين هدف رسمى وشلون يصير هو الى سوا هالانجازات انتم تبون تطبلون وبس وبعدين وجود لاعب مهوب معناها انه هو الى اهل المنتخب او جاب بطوله اذا كان ماله حضور فى مباريات الحسم والنهائيات وشلون يصير هو الى وراها؟؟؟
هلالى:سامى هو الى اهلنا 3مرات وجاب الخليج مرتين.
نصراوى:تقدر تقول لى كم سجل سامى فى تصفيات 94؟
هلالى:ايه هدف مع ايران.
نصراوى:بس لاينشق حلقك ترى مافيه غيره وترى منصور الموسى مسجل هدف بعد
طيب تصفيات 98 كم سجل؟
هلالى:مااذكر.
نصراوى:تكفى عاد من كثر اهدافه مع المنتخب عشان ماتتذكر انا اقول لك ولاهدف وتراها لاعب كل المباريات الثمان ولاحظ انه راس حربه.
هلالى:عاد التصفيات الاخيرة هو الى جابها
نصراوى:اقول ترى الشيحان شارك4مباريات بس وسجل 5اهداف وسامى مسجل فى تايلند هدف مصاقيل وبلنتى خلاه الجوهر يشوته غصب وطب الجوهر فى وسط الملعب عشان يقول لسعد الدوسرى عط الكورة لسامى يشوت انت كفو تشوت وسمسم موجود!!ايه ونسيت الهدف البوز الى فى راس حربة البحرين الى مسك حارس!!
هلالى :والخليج تنكر انه جابها لكم
نصراوى:الخليج الله يسلمك الى فى الامارات جابها فؤاد انور والعويران الى سجلو اغلب الاهداف اما الاخيرة يوم جت مباراة الحسم مع قطر حسمها المحمدى والمشعل والبلنتى الى سببه سامى ترا الى مسوى المجهود الصح ماطر وخويكم زى العاده مثل ومشت على الحكم
هلالى:خلنا من المنتخب من زين فريقك ذا الى ماجاب ولا بطوله من 10 سنين ولاحتى طلع فيه لاعب يسوى؟
نصراوى:البطولات يبيلها حظ وتحكيم صح واللاعبين الى عندنا لولا تحطيم الجوهر لهم كان شفت وبعدين حنا نبنى فريق مهوب مثلكم كل فريقكم شياب والا شارينهم ووش سوولعيبتكم فى كاس العالم اشوف رئيس ريال مدريد مانام عقب مباراة المانيا وده يشترى كل لاعبينكم بس محتار من ياخذ هههههه.
هلالى:يخوى بفلوسنا حنا نشتغل صح نشرى لاعبين ونغير الاجانب اذا صارو فاشلين والمدرب نشيله اذا خنبق وانتم تبربون وبس وتتهمون العالم والحكام بالرشاوى مااحد سلم منكم وبعدين حنا نعطى فرصه للاعبينا اذا اخطئوا ياما غلطو لاعبينا فى حق الهلال وسامحناهم انتم ماتصدقون على الله اى لاعب يغلط وتمحونه من الوجود تبينى اقول لك كم لاعب طفشتوه وانهيتوه والظاهر الدور جاى على الخوجلى والحارثىوالبقيه فى الطريق.
نصراوى:فى هذى صدقت ولاتنسى ان الاعلام معكم ويساعدكم واذا شاف غلط يجلس يردده كل يوم لين يتصلح .
هلالى:اى اعلام حنا مامعنا الا الجزيرة والرياض انتم معكم عكاظ والمدينه والبلاد والندوة!
نصراوى:ضحكتنى وانا فينى النوم اى بلاد واى مدينه اذا كانت هالجرايد انصفت النصر يوم مهوب معناها انهانصراويه هى اما اتحاديه او اهلاويه بس مهيب متعصبه مرة انتم جرايدكم مسخرة 24ساعه لخدمة الهلال وهات ياحش ومؤامرات وهذا يكتب كذا والثانى منسق معه يطب فى فلان ويرقعون لفلان.
هلالى :ياحبكم للمؤامرات كل ماصار شى قلتو مؤامرات !
نصراوى:انت تنكر ان الاعلام الهلالى مسيطر على كل شى حتى التلفزيونات والفضائيات مانشوف فيها نصراويين الا بالسنه مرة وانتم تندحون فى كل قناة.
هلالى:يااخى اشتغلو زينا صح واوصلو زى ماوصلنا.
نصراوى:الضاهر انى انفخ فى قربة مقطوعه اقول لك اللوبى الهلالى مسيطر على كل شى وتقول اشتغلو !
هلالى:ردينا على لوبى ومؤامرات رح نم بس ماعندك الاهذى.
نصراوى:الضاهر انى بروح انوم واحلم ان الامو بتتعدل فى الرعايه وان التحكيم يكون عادل وان المنتخب مايكون فيه مجاملات وان الصحافه تصير للوطن مهيب لناديكم بس .
هلالى:ههههههههههههههههه الظاهر مطالبك هذىمنتب شايفها حتى فى الاحلام.
فديت كل النصراوين يا ناس