PDA المساعد الشخصي الرقمي

عرض كامل الموضوع : كلمات يقولوها شباب جده



EMO-GIRL-LOVE
03-02-2008, 19:50
-
ابو كلب
ههههههههههههااااي .. وهادي الكلمة تنقال لما يكون في شي ما يعجبك ، يعني زي لما يكون جوالك قديم ومعدوم العافية تقول عليه جوال أبو كلب ، ولمن يكون قلمك ما بيكتب زي الأوادم ويقطع تقول قلم أبو كلب




- أشكل -


جات فترة انتشرت دي الكلمة بصورة كبيرة وهيا بشكل عام معناها الطناش ، فلمن تجي تبغى تطنش شي .. تقول أديه أشكل ، ومأخوذة من لعبة البلوت أو الورق للأخوان اللي ما يعرفوا معنى البلوت


- أطبعو -


ههههههههههههههاااي .. من الألفاظ المضحكة جداً وتنقال لمن الشخص ما يسمعك ويسأل إيش قلت ؟؟ وإنت مافيك تعيد الكلام تاني فتقولو أطبعو .. بلاهة وربي بلاهة


- الـ ـ ـ ـ -

انتشرت بشكل رهيب إضافة أل التعريف من باب المبالغة في الفترة الأخيرة .. زي مثلاً لمن تشوف واحد غشيم تقول مو بس غشيم .. الغشيم ههههههه .. ولمن شباب يعاكسو في السوق ما يقولوا بنات .. البنات << ماراح يفهمها إلا أهل الحجاز وبصراحة لأنها تتنطق بطريقة مميزة .. << أموت في الطرق المميزة ههههههههه

- انبراش -

نعرف إنو لمن تلعب كورة واحد يدخل عليك معناتها انبرش عليك .. لكن عند الشباب سار لها معنى تاني ، انبراشة سار معناها إنو دخلة غلط وسط الكلام ، يعني تكون إنت والشلة بتهرجوا في موضوع ويجي واحد يقول كلام مالو أي علاقة بالموضوع هنا نقول فلان انبرش .. وهادي تسير انبراشة .. ولا لمن يكون الكل ساكت ويجي واحد يقول كلام مالو اي داعي زي نكتة بايخة مثلاً هنا نقول على الحركة دي انبراشة

- بسط وهز وسط
-

تخيلوا الفلم الهندي دا كلو عشان تجاوب على أحد يقولك كيف حالك
هههههههههههههههه أتحداكم تقولها عشرة مرات وبسرعة زي الصاروخ

- بلف -

هههههههههههههههههااااااااي ، من أضحك المصطلحات بصراحة ، طبعاً الشباب يعرفوا البلوف : معناه إنو شخص ينبلف يعني يسوي الشي بسرعة بدون تفكير ، مثلاً لو شاف صاحبو اشترى سيارة جديدة وعجبتو قوام يجيب وحدة من نفس النوع .. هنا نقول إنو بلف ينبلف بسرعة هههههههههههههه .. وكمان لما يكونوا اتنين بيتضاربوا ويجي واحد يحرش نقولوا لا تبلف يعني لا تحرش .. ولا لما يكون واحد يجري بالكورة ولساعو بعيد عن المرمى ويجي واحد يقولو شووووت يقوم يشوت كدا بسرعة دا نقول عليه انبلف ههههههههههههههااااااي ... أحس بعض الناس ما حتفهمها بس هوا معناها كدا وخلاص

- تشبيك -

ودي الكلمة معروفة وانتشرت في مختلف أرجاء المعمورة .. ومعناها إنو لمن واحد يقول أنا شبكت فلانة يعني أنا خليتها تعجب فيا وتحبني .. ولا تكلمني وزي كدا

- تغريز -

نعرف إنو التغريز للسيارة لمن تغرز في الرمل لكن بين الشباب المصطلح دا غير .. يعني لمن إنت تجي وتقول غرزت عند فلانة يعني وقعت في دباديبها هههههههههههه .. أو تقول فلانة غرزت عندي يعني وقعت في دباديبي
إيش باللهي الكلام الفاضي دا نجيبلك ونش أحسنلك هههههههههههههههااااااااااي

- حمزة -

هادا اللفظ اللي المفروض يتلغى من قاموس الشباب بتاتاً البتة .. لأنو على
اسم صحابي جليل وحرام نهين الاسم بالصورة هادي
حمزة هادا اللفظ معروف حالياً بين مجتمع الشباب بالشخص الركاب يعني الكداب فلمن تلاقي أحد يبكش يقولولو بس يا حمزة

- جنط -

الكل يعرف جنوط السيارات طبعاً ، لكن اليومين دول سار برضو للجنط معنى تاني .. يعني لمن واحد يطفشك ويقرفك من كلامو يقولولك الشباب أعطيلو جنط يعني طناش ، وهادي ذكرناها فوق بمعنى أشكل

- دافور -

دافور معناها زمان في الحجاز الفرن ، ولكن دحين سار معناها البنت أو الولد الشاطر/ة في الدراسة نقول عنه/ا دافور/ة
اللي دايماً شغال ع الكتب ولا يسيبها زي ما يسموه المصارية عثة كتب

- دعس
-

دي الكلمة تنقال للإقدام على الشي ، وتنفع مرادف لكلمة قدام .. يعني لمن مثلاً يجي أحد يقولك تجي نروح التحلية ؟ ترد عليه وتقول والله دعس يعني ياللا معاك .. ولا هيا شباب نلعب كورة .. يقولوا دعس

- زي الكرتون -

تنقال للواحد الأهبل

- شاكوش -

معناها الأصلي طبعاً المطرقة ، لكن دحين سار معناها البنت ولا الولد اللي مو حلو هههههههههه .. نقول عنو شاكوش

- شباب في رحلة -

وهيا مرادف لكلمة مشي حالك اللي أستخدمها كتير في كلامي .. فلمن تعمل شي وما يطلع مرة مزبوط
تقول للي جنبك ياخي عادي شباب في رحلة ههههههههههههههه من فين جات هادي الله أعلم
ولا تسوي شي مو معتاد كدا وتحس إنو في أحد أستغرب فتقولو شباب في رحلة ياخي

- شوربة -

طبعاً كلنا نعرف الشوربة أحلى شي عندنا هنا شوربة الحب على الفطور يا سلام سلم
لكن هنا معناها غير .. فلمن إنتا تقول شوربة يعني شي سهل ، فلمن مثلاً يكون عندك اختبار ويكون سهل مرة تقول الاختبار كان شوربة وكدا
ولا مثلاً تكلم أحد وتقولو أنا أروح شوربة .. يعني أروح وطي هههههههههههههه
ولا تجي المدام تجيبلك الأكل تقوم تقولها حياتي من غيرك شوربة << كأنو إعلان

- صاروخ -


ههههههههههههه طبعاً نعرف الصواريخ .. ولكن هنا معناها شي تاني .. معناها البنت الحلوة فلمن الأولاد يشوفوا بنت حلوة يقولوا عنها صاروخ

- طقطقة -

ودي الكلمة تنقال لمن تبغى تتسلى في واحد ، يعني تستعبط عليه وهوا أهبل يكون مسكين على نياتو فالشباب لو كانوا متجمعين مثلاً يقولوا جا فلان نطقطق عليه ولا تلاقي واحد يجي يقول أمس طقطقنا على راس فلان وزي كدا

- في الألف ولا في المليون -

دي حلوه مره وهيا لمن تشوف شي يعجبك ويكون مميز مافي زيو يعني أو تعمل حركه مميزة أو شي زي كدا لنفرض مثلاً جوال عجبك تقول والله جوال في الألف أو تقول جوال في المليون

- ما عندك احد -

هههاي كلمه فله ولمن مايكون عندك هرجة وتنقال للشي اللي مو تمام

- نمرة واستمارة -
ودي تنقال عند التأكيد وغالباً في الغباء والهبالة زي مثلا تقول فلان أهبل بنمرة واستمارة

- كاااااي -

وهادي هيا ضحكة الشباب الجديدة ويضحكوها وقت التريقة والشماتة و لا دحين
سار الضحك تقول كاااااي بصوت عالي وتمد الألف

- هبقة -

هبقة زمان أعتقد كان معناها سرقة لكن دحين اتغير المعنى فلمن تقول مثلاً
والله هبقت أنا والشباب ورحنا الكباين مثلاً فهبقة هنا معناها طلعة وليها معنى تاني بمعنى هروب زي لمن طالب يقول أمس هبقت من المدرسة يعني شردت منها أو تسوي حاجة غريبة على حركاتك انتا تقول ياعمي هبقة

- يعطيييييك -

دي الكلمة من الكلمات الجديدة وتنقال للتشجيع يعني لمن تلاقي أحد عامل حاجة رهيبة تقوله يعطيييييييييك بمد الياء التانية زي مثلاً يكون سجل قول ولا شي زي كدا

- أرنب .. ركبتي -

من الكلمات اللي تدل إني أنا بسمي بكشة قدامي ، فيعني قلك بيسوا إنهم محترمين ومايبغو يقولوا للي قدامهم إنو كداب يقوموا يقولولوا كدا يعني زي واحد قاعد يتكلم ويحكي وكل كلامو بكش يقوم واحد يقول للتاني يووواد شوف شوف أرانب

- يلعن أم الفله -
وهادي من الكلمات الي ماسكة في لساني ، لمن يكون في شباب وعجبتهم مره الطلعة ولا في أاولاد يبسطوا الواحد يقوموا يقولوا على الطلعة مثلاً يلعن أم الفله

- أمّووو -

يعني مثلاً مين فين لأمو حلو .. يابن الناس سيب أمو في حالها هيا إشلها صلاح

- فُكّنا -

يعني تكون مافيك و واصلة معاك على النهاية .. وأحد مطفشك تقولوا ياشيخ فُكّنا

- فُكّها -


هههههههههههاي هادي المرة هوا حيفكها ، لمن الواحد تكون أخلاقو زفت ومرة طين تقولو ياشيخ خلاص فُكّها

- قوية -

لمن يسير شي مو عاجبك ولا شي كدا مو زي الناس .. تقول قويييييييييييييييييية بشد الياء

- خرّييييش -

دي الكلمة لمن تكون جالس بين الشباب ويجيك واحد يجلس يكدب ويلفق في الحكاية ويملح فيها تقوم تقول خرّييييييش

- كووول -

وتنقال على أي شي يعجبهم .. وهادي حكتّر منها

- جييييّييييد -



بشد الياء .. لمن يعجبك الشي الكول تقول عليه جيييّيييد

- باااااد -

لمن تشوف شي مو حلو ولا ولد منظرو سيء تقول عليه بااااد .. بمد الألف

- هيّااا خيــــر -

كلمتي المعتادة .. لما يسير شي مفاجئ ولا يكون في حاجة غريبة كدا .. ولا بسوي نفسي مستغرب ولا بستهبل إني مو مستوعب فعلى طول هيّااا خيـــــــر

- كل فطير وطير -

يعني ياللا روح سرّي راحت عليك خلاص

- انشكاح -



ومعناها يعني لمن الواحد يسمع خبر حلو ولا عندو خرجة مرة خطيرة وفيها فله تلاقي طاير من الفرح ومين قدو .. تلاقيه منشكح .. فتقولوا بطل انشكاح

- لا تدف -



كلمة حلوة وتنقال لمن تكون بتتكلم ومتحمس في الهرجة ومتفاعل في كلامك وبتأشر بيدك كدا وتطلع فيها وتنزل .. فأقولك لا تدف .. ولا لو واحد معصب وبيهزئ في الكلام ولا كدا يقول يللا بسرعة سوي كدا دحين .. تقوم تقولو طيب لا تدف

- زرقنة -



هههههههههههههههههههه كلمة جييّييدة .. واحد مخو ناشف يعني لو تقعد تقولو وتشرحلو وتترجى وهوا مُصِر كدا يعني كدا .. فهادا يكون مزرقن بقوة

- قردنة -

هادي غالباً ما تنقال على الناس اللي مزرقنين ، مثلاً تبغى تخرج وأبوك مُصِر إنك اليوم معاقب مافي خروج ، على طول يقولك صاحبك ياشيخ روح قردنو ، يعني روح جيب راسو .. مو تجيب راسو يعني تروح تقتل الرجال وتجيب راسو ههههههههههههههه
لا لا يعني تجيب الموافقة ويقول طيب

- أخرشها -

يعني أصرفها .. ههههههههههههه كلمة في اللزيز .. عندك كدا كدبة ومنتا عارف تكدبها وخايف وعامل الولد اللي عمرو ما يكدب وإنت دحين في ورطة ولازم تكدب يقوم صاحبك يقولك ياشيخ خلاص أخرشها ولا أصرفها
ولا سويت مصيبة وتبغى نلف الموضوع فتبدأ تفكر كيف تخرشها ولا تصرفها

- نص كُم -



حركات النص كُم دي بطلوها .. تقعد تعملي إنك ولد كووول وفي النهاية إيش تبغى !! قول كدا من الأخير .. عندك شي تبغاه مصلحة تبغاها قول لكن لا تقعد تدّحلس عندي وتعمل حركات النص كُم


- أديلو-



تقال عند التعجب للشي..
وللتشجيع فعل المزيد..
بالعربي تحميييسه........



^^^^^^^^^^^^^ كيف حلو صح ::جيد::::جيد::::جيد::::جيد:::d:d:d:d

ياعديم الشوق
03-02-2008, 19:58
ههههههههههههههههههههه يسلمك ربي على الموضوع الحلو واصــلي ^^

Sukkar ~ jeddah
03-02-2008, 20:09
- لا تدف -



ههههههههههههه حلوه دي


مشكوووره EMO-GIRL-LOVE ع الموضوع الخطييييير ::جيد::::جيد::::جيد::

EMO-GIRL-LOVE
03-02-2008, 20:10
hi
شكرا على المرور الحلو بس كيف الكلمات اسمعو احفضوها لانها خطيره

H!LARY
03-02-2008, 20:12
ههههههههههههههـ

ثاااااااااااااانكس على الموضوع

The Lonely Lover
03-02-2008, 20:27
موضوع حلو....................
ههههههههههههههههههههههههههههه


احنا عنا مصطلحات تانية ..........
واهمها ......

طقع ........ من الاخر......... ولا اشي........... (للاشياء الحلوة واللي بتعجبنا)

على راسي كزدرة ...........( متل ما بدك حاضر بتأمر)

سلامتك من بجامتك......... الشخص المهوي يعني الاهبل

خسة.........شقفة............ للبنت الحلوة (زيي)

خف عقلو............ خاف واتفاجأ

حفرتلي.......... ضريب امواس...... للشباب الصايعين اللي بخوفو....

اطلع من راسي وسكر الباب....... حل عن امي(بضم الالف)........... ابعد عني او وحل عني

تحشيش .......(للكثرة يعني اشي صار منو كتير زي لما نحكي حششنا ضحك!!!)

فايع......... الشاب او البنت الانيقة والعصرية الكوووووووووووول يعني


طالع رحلة...........ما الو دخل بحدا

مزبهل............ واقع من الطيارة............. يعني اشي غريب يعني استغراب وصف لشخص

dragon_night
03-02-2008, 20:40
هههههههههههههههههههههههههههه

ما احتااج احفض الكلمات كل كلمة قلتيها نقولها في المدرسه خخخخخخخخخخخخخخخ :D:D:D:D


..لاتكوني تقولي هذه الكلماات من ورانا :D:D:D:D:D:eek::eek:



على العمووم مشكوره على الموضووووووع


ورايا اختبار فيزياء :مندهش::مندهش::مرتبك:

سلاااااااااااااام

strobary_b_cool
03-02-2008, 20:58
هههههههههههههههههههههههههههههههههههههههههههههههههه ههاي




والله يا كتر الكلام اللي نقولووو



وبالزات( فكينا يا شيخه) ههههههههههههههههه

ونص كم واديلوو وكووول وبااد والله كلماات كتيير تنقال عندنا هههههههههههههه



يسلمووو يا عسل
(( والله يسعد اهل جده داايمااا ))


وترا صح كلمات غريبه ههههههههه بس حلووه وتميزنا عن غيرنا والنعم بيكي ياجده ( متعصبه لبلدها جده) ههههههههههههههه

genoo
03-02-2008, 21:01
راااااااااااااااااااااااااائع يا أختى
فعلا كلمات لازم احفظها حتى لا تقال لى
وانا هناك وحينها لن افهم شئ :d

EMO-GIRL-LOVE
03-02-2008, 21:12
شكرا على المرور الحلو بس انا ترا انا وصحباتي في المدرسه كل كلامنا كده مع انا بنات بسس يلا عادي فله
[COLOR="Magenta"]ترا معلومه انا لبنانيه بس بكره شي اسمو لبنان وانا عايشه بجده وحياتي بجده الراءعه احم احم

kobi
03-02-2008, 22:28
السلام عليكم

و الله الموضوع حلو بنمرة و استمارة ...كاااااااااااااااااااااااااااااي:d

و مشكورة على الموضوع الـــــــــــــــــ حلو هادي نقولها::جيد::

و نقول بدل يعطيييييييييك ....يجييييييييييييي :)

و بدل حمزة ...... مسيلمة :مكر:


و شكككككككككككككرا

VAMPIER
04-02-2008, 00:18
قديمة مصطلحات قديمة قديمة جدا


عموما يسلموا

Misαŏ Chαň
04-02-2008, 05:53
كأني داخله موضوع للهنوووووووود ..؟!! http://www.mexat.com/vb/attachment.php?attachmentid=376312&d=1200624582 ..>>> شكلك انتي الهنديه يلي مو فاهمه شي ...http://www.mexat.com/vb/attachment.php?attachmentid=377880&d=1200995953 ..

والله النص الأول من موضوعك ... ما فهمت ولا حرف ...http://www.mexat.com/vb/attachment.php?attachmentid=378416&d=1201071864 ...

ههههههههههههههههههههههههههههههههه ...http://www.mexat.com/vb/attachment.php?attachmentid=378413&d=1201071864..

أما النص التاني ... فهمتلي كم حرف ...:D..>>> مكترتيهم والله ..http://www.mexat.com/vb/attachment.php?attachmentid=378413&d=1201071864 ..


على العموم .. تسلــــــــــــمي يا عســـــــــل عالموضوع التوووووووووووحفه ...http://www.mexat.com/vb/attachment.php?attachmentid=381565&d=1201721906 ...


سلااااااااااااااموووووووووووو

محب الأخضر
04-02-2008, 06:59
موضوع روعة مرة بس انا جداوي بس اقول كااااي

Ďắήĝếя ♪ ĜίяĻ
04-02-2008, 07:16
هههههههههههههههههههههههههه

يسلمووووووو على الموضوع

N I Đ O O
04-02-2008, 07:22
- زرقنة -



هههههههههههههههههههه كلمة جييّييدة .. واحد مخو ناشف يعني لو تقعد تقولو وتشرحلو وتترجى وهوا مُصِر كدا يعني كدا .. فهادا يكون مزرقن بقوة

ههههههههه

هذي الكلمة دايما على لساني ايام الاختبارات
اذاكر لصحباتي ولا وحدة تفهم
اقول لها لا تقول الا الا الا
ويجي السؤال في الاختبار وهي مزرقنه على جوابها
ههههههههه

مشكوووورة عالكلمات الررروعه
والله عجبتني صاروخ>>قليلة ادب بنت وتقول عالاولاد صواريخ
هههههههه

يلا مشكوورة تقبلي مروري وتحياتي

Eng.boodi
04-02-2008, 10:05
هادي الكلمات مو بس شباب جدة يقولها
أهل المدينة ومكة كمان
بس بعض الكلمات غلط معناها

هههههههه رووووووعة
مشكووووووورة

EMO-GIRL-LOVE
04-02-2008, 16:11
hi
هههههههههههههه شكرا على المرور الروعه بس ترا انا اتعزبت على كتابتو والله يدي اتكسرت يلا عليكم عادي نو بروبلم كمان عبود الودود انا عادي بس كتبتها كده انها كلمات يقولوها شباب جده بس على العموم شكرا على النصيحه بي معنا عام
وسكلاههههههه

meroooooooo
04-02-2008, 16:33
هههههههههههههههههههههههه

أغــلب الكــلمـات أعــرفها

وفي بعضهـا بصــراحـــه أول مرّه أسمعـــها

عـالعمــوم

مـــوضوع فلّـــــــــه

ومشكــوره ع المــــــوضوع الونــسه

ويعطيكي ألـــف عــافيـــه

تقبلي مروري

meroooooooo

أدريانو
04-02-2008, 16:38
مشكووووور أختي على الكلمات .......................................

بعدين كل الكلمات حفظناها وسمعناها على العيال في الحاره بس يالله ماقصرتي

ღ мαтєℓ∂α ღ
04-02-2008, 16:43
هههههههه موضوع روووووعه




عدد المتواجدون في هذا الموضوع » 2 , عدد الأعضاء » 1 , عدد الزوار » 1
&متيلدا&



ليش كل ماادخل موضوع يكون فيه زوار؟؟
خخخخخ
ما علينا

يسلمو اديكي على الكلمات بصراحه بدها حفظ يلا بحفظها احسن من امتحان العلوم ولا مدري التاريخ نسيت شو علي بكرا
خخخ
يلا سلاموووووز
ويسلمو على الموضوع الحلو ..ز
تحياتي الووووشة..