PDA المساعد الشخصي الرقمي

عرض كامل الموضوع : تحدي في المقبره



B.M.B&M.J
23-05-2004, 17:40
تحدي في المقبرة


الحقيقه ان الخوف موجود في الكائن الحي بشكل فطري00 وكلن يخاف00

وتتفاوت درجة الخوف من شخص لأخر0

وبعض الناس يكون الخوف عندهم مرضي الله يعافينا وياكم

مثل اللي يخاف من الاماكن المرتفعةاو المغلقه اومن الطياره

وغيرها00 وتظهرعليه علامات الخوف والاضطراب00 مثل تغير لون الوجه

وسرعة نبضات القلب والتعرق00(محسوبكم اخصائي نفسي)

المهم00 يقولون ان فيه ناس عيارين وماعندهم شغل

واجتمعوا في هاك المحل جنب مقبره00 وقال واحد منهم: من اللي يقدر يدق

وتد بين القبور في الليل؟؟؟ وهم بيون واحد خواف معهم00 وحطوا الجائزه

مغريه عشان يتشجع ويقبل التحدي

لين الرجال ضعيف وعلى قد حاله00 قال في نفسه: ورى ما افبل التحدي

واطلع من وراهم بكم ريال تفك زنقه؟ وكلها دقايق00

قبل التحدي ابو الشباب وخذ الوتد تالي الليل وراح للمقبره 00وهو

يتراقل من الخوف00 وخوياه جالسين برا المقبره عشان يتأكدون 0

دخل خوينا وقلبه يردع00 ويناظر في القبور وبينه وبين نفسه يقول:

الحين لو يطلع واحد من هالموتى وش ابسوي ؟؟ يالله وش خلاني اوفق على

التحدي00 وقلبه خطر يطلع من صدره من الخوف000 جا عند المحل اللي

حددوه له يطق الوتد فيه00 وركز الوتد وبدا يطق شوي شوي 00والوتد

يتزالق بين يديه من العرق00 ويروح يمين ويسار00 وفي هالوقت كانت

اصوات الكلاب تجي من كل محل حول المقبره مما زاد الطين بله0

كمل خوينا دق الوتد اثره ماناظر محله زين ودق الوتد على ثوبه00 بعدما

خلص00 جا بيركض عشان ينحاش اثره عثر في ثوبه وطاح

توقع ان احد مسكه000

صرخ ذيك الصرخه اللي لجت وفي المفبرة 00 تراكضوا خوياه له00 يوم

ناظروا لينه طايح وشعره ابيييض من الروعه00 وعقبها انهبل

لمشكلة انهم ماتابوا وتحدوا واحد ثاني من ربعهم00

بس خوينا ذا شقردي مايعرف الخوف (يذكرني بنفسي) <== الله من الصدق

انماهو 00 قالوا للرجال نتحداك تطبخ كبسه بين المقابر00 ولين استوت

تطلع وتعشينا منها00 قال :تم

وهم عارفين انه مايخاف00 قال واحد منهم:

نا دواه اما خليته ينهبل مثل خوينا الأول ما اكون رجال0

جا الليل يوم00 جاك الرجال و معه معاميله00 والحطب00 ويهيجن ماعنده00

ويدخل المقبرة ويشب النار 00و نصب القدر 00وكشن البصل00 وحّك ذيك

الكبسه اللي ريحتهاتنجنج

لو يشمها الجايع يشبع من الريحه 00

يوم هقوا انه خلص وبيطلع جاه اللي قال قال ابخليه ينهبل مثل الاول00

ولف نفسه في كفن وقام يتدربى( يتدحرج) لين وصل عنده00 وهومطلع يده

برا الكفن وماسك معه غضاره(طاسه- قدر صغير ينشرب فيه الماء00لزيادة

التوضيح)

المهم00 يوم وقف عنده مد له الغضاره عشان كنه ميت طالع من القبر ويبي

من الكبسه00 يبغى الرجال يخاف التفت عليه خوينا وقال : رح بس00

مالقينا شي للحيين يجونا الموتى بغضايرهم0

وضف قدره ومعاميله وطلع لهم وفاز بالتحدي

وصارت مثل يضرب للتعبير عن شدة الحاجه000

وسلامتكم00

Roll
24-05-2004, 08:28
هههههههههههههههههههه

عجيبة القصة .........

مشكووووووووووووووووووووووووووووور

B.M.B&M.J
24-05-2004, 11:50
ألف شكر لك Roll على ردك الحلو !!

ذاكرة القمر
24-05-2004, 17:14
هههههههههههههههه

جمييييييلة جداً
:) :)

B.M.B&M.J
26-05-2004, 18:42
الف شكر لك ذاكرة القمر على الرد الحلو!!;) :cool:

Loreen
26-05-2004, 21:38
تسلم يدك على القصه الروعه ::جيد::

عاشق التحدي
27-05-2004, 21:16
مشكور أخوي على القصة الرئعة







أخوك
عاشق التحدي

ياقوت
27-05-2004, 21:43
السلام عليكم قصة غريبة
الف شكر

عاااااشق توباك
28-05-2004, 08:38
هههههههههههههههههههه
قصة حلوة
بس انا لو قالولي روح القبر في وقت متأخر من الليل
وطل بس من اول طلة الله يسترها معاي
حمووووووووت من الخوف

B.M.B&M.J
29-05-2004, 10:02
الف شكر على ردوووودكم كلكم !

همس المحبه
07-04-2005, 20:45
القصه حلوه

بس
بس
بس
بس
بس
بس
بس
بس
بس
بس
بس
بس
بس
بس
بس
7
7
7
7
7
7
7
7
7
7
7
7
7
7
7

انتالاحلى ::جيد:: ::سعادة:: :مرتبك: :ميت:

Q8 Valkyrie
07-04-2005, 21:52
هههههههههههههههههههههه

هاهاهاهيهيهيييي

مشكوووووووور اخوي على القصه ::جيد::

MISHKO
24-04-2005, 18:47
::جيد:: ::جيد:: القصه حلوه مشكور أخوي على القصة الرئعة

B.M.B&M.J
16-07-2005, 00:51
العفو

SPY GIRL
18-07-2005, 15:56
امممممممممممممممممممممممممممممم

القصة حلوة :)


بس قريتها حوالي فوق ال10 مرات يلا يلا اسوتعبت :مرتبك: :مرتبك:
لاني مو فاهمه على اللغة :(
اعتقد انها اللغة السعودية :لقافة:
بس ما ادري اشفيني متنحه غصب افهم الكلمات ::مغتاظ::
ياي اخي لغتكم صعبة :d

ومشكووور على كل حال ::جيد::

بايبايو :)