PDA المساعد الشخصي الرقمي

عرض كامل الموضوع : وردة ذابلة .... في زمن الحب



***شوق***
17-12-2007, 11:13
في السوبر ماركت...
احمد وريان راحو السوبر ماركت عشان يشتروا مشروبهم المفضل ريد بول... احم احم <<<<<< قصدي بنت بول...
في داخل السوبرماركت ..تلاتة بنات و احمد و ريان و الهندي اللي يشتغل في السوبر ماركت( الهندي ..... خلقة ربي شريفة )
أحمد: السلام عليكم ..بسم الله الرحمن الرحيم..... ( انتبهوا للبنات )
ريان بيكلم الهندي : كيفك يا قمر ؟
أحمد: أية قمر يا آخي؟
ريان : معليش أبلعها شوية مضطر ....
أحمد بمكر : عندك عسل و سكر يا قشطة
الهندي ببلاهة : لا بابا كلو خلاس بكرة ايزي انساالله..
ريان : لا يا شيخ انا شايفو بعيني
احمد : من جد انك هندي
البنات بكل دلع : ههههههي
احمد : يا قلبي ما اقدر ... اموت انا..
ريان : الله يسمع منك
وحدة من البنات : حراااااااام والله انو عسل
ريان : الله يدينا الحظ
أحمد : المهم يا هندي يا منتف اذا جا العسل و القشطة و السكر ترى هادا رقمي ولا يردك اللا رصيدك ( *******055)
و طلعوا الشباب و نسيو الريد بول ( زي العادة )

ــــــــــــــــــــــــــــــــــــــــ
رجعوا الشباب والبنات من الدره وانبسطوا وكانت يومين حلوه.....
في بيت سامر..
ام هتان:ايوه ياهتان متى راجع امريكا.؟
هتان:وي يا امي دوبي جيت تبغى تفتكي مني ولا ايش؟؟..
ام هتان و هي تضحك:لا يا ولدي لو الود ودي انك تجلس جنبي على طول ... بس بسألك عشان ابغى اخطبلك ... شفتلك بنت فلقة قمر..
هتان:والله يا امي انا افكر اعيش و استقر هناك ..... ( و بتردد ) و احتمال اتزوج من هناك ....
ريان:ههه استنى الي حيجيك
ام هتان:نعم..؟ايت حلال الي راح تلاقيه هناك...لاياحبيبي انت تعيش هنا وتتزوج من هنا كمان..
تبيان:صح كلام ماما..
هتان:انت مالك دخل..انا باكلم امي..
تبيان:طيب..ايوه صح انا ايشلي دخل حياتك وانت حر فيها..على العموم انا طالعه فوق..
ام هتان:دحين انت من جد تتكلم..؟
ريان:امي ايت من جد الله يهديك..أكيد بيتريق
هتان:لا مابأتريق..ياامي
تقاطعه ام هتان:اقول كلمتي وقلتها ايش اللي يخليك تسيب بنات البلد وتطلع لبره بلا هم..ولا تكتروا كلام انا طالعه انام تعبانه خلاص الوقت اتأخر
ريان:طيب عن إذنكم انا خارج..
هتان:خلاص الساعه12 ونص فين رايح..
ريان:والله متفق مع اصحابي نلعب بلوت على البحر بس..يالله سلام عليكم
هتان:مع السلامه....
وقعد هتان يفكر في كلام امه ..... ( يا ترى مين اللي امه يتتكلم عنها .... هو يحسب انه امه تبغى تخطب له لبنى ...بس شكلها بتفكر في برة العيلة .. احسن برضه لبنى ما تلصح لي ولا اصلح لها .)

في بيت حسام:
ليال بتذاكر عشان كان عندها كويز بكره ولبنى قاعده على الانترنت بتتكلم مع رولا وتبيان و رانيا, واحمد خرج مع ريان واصحابهم راحو البحر..

الــزاحــــف؛؛
17-12-2007, 11:43
نكمـــــــــلل القصه بس ليس ذ1 مفصل وربي تعبنا نجمعها >> تقبلى مرورىا