***شوق***
17-12-2007, 10:59
وفي العزا في بيت اهل ايمن ...(عند الحريم)
كان الحزن طاغي على كل الموجودين....رولا كانت جالسة في صف العزا و جنبها ام ايمن إللي كانت منهاره على ولدها الي ضاع في زهرة شبابه....
ام ايمن بكل ألم:ااااه...ااااه ياضنايا.. ياولدي..اه ياايمن فينك ياحبيبي
وجنبها رولا تواسيها رغم انه هي اللي تحتاج اللي يواسيها و يوقف جنبها
....وفي وسط العزا دار حوار وقح بين بنات عم ايمن...
سارة وهي تطالع في رولا : شوفي شوفي كيف التمثيل على أصول..
خلود:من جد دموع التماسيح...
الاء بكل استهزاء :بنات اتقوا الله ايش تمثيل وايش الهبل دا منتوشايفين عيونها مسكينه قد الفنجان من كتر البكاء..
سارة:هههههه حرام عليكي ظلمتي الفنجان..
خلود:من جد...
سارة بكل غرور : بالله كان مااخدني انا؟...بدل وجه النحس
تبيان مرت من جنبهم وسمعت كلمتها : ممكن اعرف ايش بتقولي..؟
سارة وهي بتطالع في تبيان بكل و قاحة : خير..
خلود:اقول خلينا نقوم نشرب قهوه بدل القعده مع البزران
تبيان و هي معصبة بس ماسكة نفسها : تعالي هنا انتي وهيه أول شي احب افهمك هوه انو ياريت تكبري عقلك وتعرفي توزني كلامك وياريت تتكلمي في الوقت المناسب...ومااظن انو دحين وقتو كلامكم.
الاء :ههه وي وي وي استني ياماما اصبري على نفسك شويه ايشبك ايشبك انتي لسه ماخرجتي من البيضه جيه تتكلمي..
تبيان : لوسمحتي اتكلمي عدل...على العموم انتو شكلكم ناس مره ماتنعطو وجه لكن ياريت تفهمو الكلام الي قتلكم هوه...مع انو مااظن انكم تفهمو...
خلود : ايش..؟
تبيان مشيت ولاكأنها سمعت شي عشان ماحبت تكبر الموضوع.....
العزا...عند الرجال..
عمر ندمان وحاسس بالذنب : انا كنت مسرع..
وائل : لا انت ماكنت مسرع ولاشي...عبدالله هوه الي كان غلطان بس مانقدر نقول غير الله يرحم ايمن ويقوم عبدالله بالسلامه....
عمر بصوت مكتوم : الله يرحمك..الله يرحمك ياايمن..
وائل : ياخي الله يعين أمه الله يرحمه كان ولدها الوحيد..
عمر : من جد...الله يعلم كيف حالتها دحين هيه وبناتها....
ويقطع كلامهم وليد اخو رولا...
وليد : السلام عليكم
الشباب : وعليكم السلام
وليد : عظم الله اجركم ...
وائل : جزاك الله خير...وكيف حال الاهل دحين..؟
وليد يتنهد :اااه الحمدلله..الله يكون في عون الجميع
ومرت ايام العزا على خير.....
يا ترى ايش حيكون مصير رولا ؟؟؟؟
و هل حترجع رولا زي اول ؟؟؟؟ .........( اول وردة ذبلت )
كان الحزن طاغي على كل الموجودين....رولا كانت جالسة في صف العزا و جنبها ام ايمن إللي كانت منهاره على ولدها الي ضاع في زهرة شبابه....
ام ايمن بكل ألم:ااااه...ااااه ياضنايا.. ياولدي..اه ياايمن فينك ياحبيبي
وجنبها رولا تواسيها رغم انه هي اللي تحتاج اللي يواسيها و يوقف جنبها
....وفي وسط العزا دار حوار وقح بين بنات عم ايمن...
سارة وهي تطالع في رولا : شوفي شوفي كيف التمثيل على أصول..
خلود:من جد دموع التماسيح...
الاء بكل استهزاء :بنات اتقوا الله ايش تمثيل وايش الهبل دا منتوشايفين عيونها مسكينه قد الفنجان من كتر البكاء..
سارة:هههههه حرام عليكي ظلمتي الفنجان..
خلود:من جد...
سارة بكل غرور : بالله كان مااخدني انا؟...بدل وجه النحس
تبيان مرت من جنبهم وسمعت كلمتها : ممكن اعرف ايش بتقولي..؟
سارة وهي بتطالع في تبيان بكل و قاحة : خير..
خلود:اقول خلينا نقوم نشرب قهوه بدل القعده مع البزران
تبيان و هي معصبة بس ماسكة نفسها : تعالي هنا انتي وهيه أول شي احب افهمك هوه انو ياريت تكبري عقلك وتعرفي توزني كلامك وياريت تتكلمي في الوقت المناسب...ومااظن انو دحين وقتو كلامكم.
الاء :ههه وي وي وي استني ياماما اصبري على نفسك شويه ايشبك ايشبك انتي لسه ماخرجتي من البيضه جيه تتكلمي..
تبيان : لوسمحتي اتكلمي عدل...على العموم انتو شكلكم ناس مره ماتنعطو وجه لكن ياريت تفهمو الكلام الي قتلكم هوه...مع انو مااظن انكم تفهمو...
خلود : ايش..؟
تبيان مشيت ولاكأنها سمعت شي عشان ماحبت تكبر الموضوع.....
العزا...عند الرجال..
عمر ندمان وحاسس بالذنب : انا كنت مسرع..
وائل : لا انت ماكنت مسرع ولاشي...عبدالله هوه الي كان غلطان بس مانقدر نقول غير الله يرحم ايمن ويقوم عبدالله بالسلامه....
عمر بصوت مكتوم : الله يرحمك..الله يرحمك ياايمن..
وائل : ياخي الله يعين أمه الله يرحمه كان ولدها الوحيد..
عمر : من جد...الله يعلم كيف حالتها دحين هيه وبناتها....
ويقطع كلامهم وليد اخو رولا...
وليد : السلام عليكم
الشباب : وعليكم السلام
وليد : عظم الله اجركم ...
وائل : جزاك الله خير...وكيف حال الاهل دحين..؟
وليد يتنهد :اااه الحمدلله..الله يكون في عون الجميع
ومرت ايام العزا على خير.....
يا ترى ايش حيكون مصير رولا ؟؟؟؟
و هل حترجع رولا زي اول ؟؟؟؟ .........( اول وردة ذبلت )