ما أعرف ؟ مساعدة

[طيف فتاه]

كيف احط توقيع ؟
طبعا من جهازي للانترنت للمنتدى ما أعرف كيف ابى مساعدة :مذنب:
حاولت وااايد وما قدرت :بكاء:

[BadGuy]

عليك بمراجعة ( التعليمات (http://www.mexat.com/vb/faq.php?) ) :)

[Warm Heart]

سلام عليكم

(بالتفصيل الممل)
*^_^*
---

اول شي, اذا عندك صوره على جهازك و تبغي تنقلها في توقيعك
اتفضل انقلها في واحد من هالمواقع:

http://members.lycos.co.uk/raheeep/upload.php

http://members.lycos.co.uk/rabs4ever/upload.php

ملاحظه: ياريت يكون اسم الصوره بالانجليزي و ما يكون فيه رموز
*^_^*

----------------------

انزين الحين خلصنا من نقل الصوره على النت صح؟

الحين سير بالصفحه فوق فوق بتلقى مكتوب (المكتب)

اضغط عليه , يعني افتحه *^_^*

و بتشوف على جنب مكتوب (لوح التحكيم)

تحته يعني اول خيار مكتوب (تعديل التوقيع)

افتحه, بتلاقي مساحه فاضيه, اهني تقدر اتحط الي تبغيه

-----------------------------

تعال اول شي ناخذ لنك(عنوان الصوره) او كي؟

افتح الصفحه الي فيها الصوره الي نقلتها من جهازك , تذكر؟

اضغط على الصوره (right click ) يعني ماوس اليمين

اختار من الي بيطلع لك (properties) او خصائص

يتشوف عنوان طويل عريض ضلله كله من اوله لاخره

و بعدين انسخه (copy) او نسخ *^_^*

الحين ارجع لصفحة المنتدى

و بتشوف فوق المساحه الفاضيه الخاصه بالتوقيع

مربع اصفر مرسوم عليه جبل و مربع صغير, شفته؟

اضغط عليه و شوو فيه (past) او لصق *^_^*

و يعدين اضغط على ok

مبروك عليك التوقيع

*^_^*


يلا جربه و خبرني شو صار معاك

C U على خير