هجولتنا انا وبنات خوالي .. [الارشيف]

vjhhj

12-12-2007, 02:43

بسم الله الرحمن الرحيم ..

في هذا الموضوع بسولف لكم عن مغامره فتيات عائلتنا اللي البوس حقهم ..انا ..

في مره من المراريت رحنا لمزرعة العائله ..

وكانت ممله بشكل فظيع .. شفنا افلام .. ورقصنا .. وسوينا عرض ازياء فاشل ..

سبحنا .. << روتينيه يعني اعتياديه كل ما جينا سوينا الاشياء هذي ..

واقعد افكر لازم نسوي شي فيه تهور .. بما اننا باقي لنا يوم فيها ..

واننا امشي بعيد عن الفله مع الفتيات .. والمح شي ..

واقرب منه .. لاااا مستحييل ..

تتوقعون وش لقيت ..

سيارة العامل .. هايلوكس قديم معرعر شكلهم جايبينه من حرب ..

وتلمع فكره في راسي الجميل ..

واروح للبنات ..

بنات وش رايكم نسوق السياره ..

عادي بنات خوالي مهويات ايزي الوضع عندهم .. يا حبنيلهم ..
واجيب ادوات العمليه من المطبخ .. اللي هي :

ملعقه لتشغيل السياره << قايلة لكم دردعانه منتهيه علشان كذا اهم ذابينها في المزرعه ..

ثياب .. علشان اذا شافونا عيال خوالي يحسبوننا اولاد

وشيبسات وفواكه << نخاف نضيع ..

بما ان بنات خوالي اللي هم 4 فتيات ما ياعرفون يسوقون فانا اللي توليت هذي المهمه .. << على هوونك ..

بس فيه مشكله عويصه .. شوفو انا اعرف اسوق الا خمس دقايق ..

بس ما اعرف اريوس .. تتوقعون بنحتاج نريوس ..

ونلبس الثياب .. وكل وحده تضبط للثانيه لطمه بالشماغ ..

المهم .. ونشغل السياره .. طبعا شغلتها اسيل بنت خالي .. لاني خارت قواي من

الخوف ..

اشتغلت السياره بعد ما انعفطت الملعقه ..

وكلن يجلس بموووقعه ..

ححححححححححححن ..

التفت على البنات : ما اقدر عيت تمشي ..

وتذكرت انها مو اتوماتيك ..

وبنت خالي نوره تحووس تحووس في القيير وانا راصه البنزين ..

تعبنا .. وكل هذا ما اشتغلت ..

واضغط الكلتش .. :يله حوسي القير ..

وتحوس لين وصلت الاول .. << طبعا كل هذا مع المصارخ والهبال ..

واترك الكلتش واضغط بنزين بسرعه اخاف تطفي .. اللي ورى طبو قدام ..

وطفت السياره .. وانوااااااع الضحك .. والجروح والتمشيخاات بس يهوون ..

وجربنا مره ثانيه وبنت خالي اسيل تقوول فكي الكلتش بشوي شوي ..

واشوى مشينا .. بنزين .. فرامل .. بنزين .. فرامل .. بنزين .. فرامل ..

لين ما داخو البنات .. من الضحك والرجه ..

وبعدين طلعنا مع البوابه اللي ورى ..

اننا دايم نطلع منها بدون ما يدرون اهلنا بس الحين غير ..

الحين بسياره

المهم .. انه كان ليييييل يعني ما تشوف شي ..

طبعا اننا من الخوف .. قاعدين ندور حول البوابه نخاف نضيع ..

وهبااال .. وطبعا كل وحده خذت لها دور ..

اللي بغت تودينا بستين داهيه .. فيه احد يفحط بهايلوكس .. خراابه ..

لا وبعد اذا رقينا مطبه صغير طفت ..

وثمين نعيييد المعاناة مره ثانيه ..

وطولنا .. وما حسينا بالوقت ..

ورجعنا ..

ودخلنا المزرعه .. وحطينا السياره بمكانها ..

واخذنا ادواتنا .. واننا ميتين ضحك ..

ونظفنا مسرح الجريمه ..

ورحنا للحريم .. واننا نتضوحك ..

ولامن شاف ولا من درى ..

بس يوم جينا المزرعه مره ثاانيه مالقيناها .. الله ياخذهم ..

يله خيرها بغيرها ..

يلله ابي ردوووووود سنعه تليق بمقااامي ..

تحياااتي لكم ..

HUNTER OF IRAQ

12-12-2007, 03:21

مشكووووووووووووووووووووووووووووووررررررررررررررررر

زيـــــــــكو

12-12-2007, 03:27

يعطيك العافيه حمد مسوي شغول في المزرعه

HUNTER OF IRAQ

12-12-2007, 03:34

freind

.][ عبادي ][.

12-12-2007, 16:30

اخوي حمد مرحبا فيك مره ثانيه وفين اخوك نادر

Kla$h.07

14-12-2007, 06:34

مشكوووووووووووووووووووووووووور ع الموضوع