PDA المساعد الشخصي الرقمي

عرض كامل الموضوع : حوار الطرشان....<<<راح تنجن...



LAZY-BOY
30-11-2007, 18:55
السلااااااام عليكم..

شباب تخيلو لو أثنين مصريين (مع احترامي لجميع أخوانا المصريين بس أنا بغيت اللهجه الحلوه و دمهم الخفيف) سمعهم ثقيل تكلمو مع بعض!!

شنو ممكن يصير؟؟تعالو نشوف اثنين من هذي النوعيه ..

واقفين على محطة الاتوبيس و دار بينهم هالحوار..




الاول:الاتوبيس ده بيروح مصر الجديده؟؟

الثاني:على الحديده!!...ليه انت طالب احسان(احسان=صدقه)...

الاول:بذرة الكتان!!...لا..دي تلاقيها عند العطار..

الثاني:الجزار!!آه...قولي كده...عايز تشتري لحمه..

الاول:معك حق...الدنيا زحمه..علشان ده ميعاد خروج الموظفين..

الثاني:نور الدين!!..لا و الله...ما عرفهوش..

الاول:ما بتشربوش!!..ليه كفا الله الشر..؟؟

الثاني:راس البر..!!...ده مصيف هادي..

الاول:عايز تركب للمعادي..دي منطقه جميله..

الثاني:بليله!!انت شكلك كده جعان..

الاول:عيان!!...أي و الله انت باين عليك عيان..طيب ما تروح للدكتور..

الثاني:الحنطور!!ده احسن من الاوتوبيس..و بيوصلني لحد الباب..

الاول:هبـاب!! و أنا اللي كنت فاكرك محترم...

الثاني:اتخرم!!..هو مين؟؟..

الاول: عاوز اسبرين!ليه انت عندك صداع؟؟..

الثاني:قراع!!...ده مرض خطير..

الاول:لا والله مش عايز..و بعدين مابحبش الفطير..تقيل على المعده و تمنه غالي..

الثاني:خالي!!..انت تعرف خالي ؟؟...ده راجل كبير في السن..

الاول:الجن!!..نهارك مش فايت..انت عليك عفريت؟؟..

الثاني:لا و الله..ممعاييش..انت عايز الكبريت ليه..عايز تولع؟؟..

الاول:ادلع!!...ادلع عليك انت!؟..انت ما تملاش عنيا..

الثاني:يقبضوا عليا!!..ليه!؟..

الاول:انت غريب يا راجل انت..شكلك شحات(يدفعه من القميص)روح اشتغل شغله تاكل منها عيش..

الثاني:خيش !!.. ده صوف انجليزي...

الاول:بنتك زيزي!!..ربنا يخلي...

الثاني:انتاج محلي!!!..ده مستورد...

يمر عليهم ضابط من طقتهم(أطرش)...يلفت انتباهه الحوار:بتعمل ايه يا جدع منك له!!..

الاثنين:ايوه يا شويش...احنا مستنين الاوتوبيس...

الشويش:نهاركم مش فايت... جواسيس!!!!.....قدامي على القسم....

إنتهت...

اتمنى تكون عجبتكم القصه...

عصفور السلام
30-11-2007, 19:07
:D

ويعلك تسلم اخوي على اسالفه ما قصرت[/SIZE][/COLOR]:):o

فمان اله