PDA المساعد الشخصي الرقمي

عرض كامل الموضوع : مقارنه بين الشباب والبنات



العاشق
18-12-2001, 18:25
سلااااااااااااام
لتقولون الموضوع قديم تراني ماحط شي الا وهالمشرف طامرن بحلقي وشايلة ههههههههههههه
ياالله ياشباب وبنات ابي ردودكم (( صح أو خطأ ))


هذي أوصاف ( معظم شباب اليوم)
_ نوعية من الشباب تشوفهم في البيت غير وعند الناس غير
أبسط مثال
يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه
والاا يافلان نبي خبز واللي يعافيك جب لنا يقول ماعلي منكم عمركم مااكلتوا سون ريجيم وعند اخوياه يطبخ لهم لاا ويغسل المواعين بعد
_ الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل شماغه
_ اذا تبون تعرفون الشاب فوضوي والاا مرتب
هذي بسيطه شوفوا سيارته
تجيك السيارة وصخه كلها غبار من يوم شراها ماغسلها لاا ويقول هذي غبار الوكالة أمحق وكاله لاوكاله ولازفت الاا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب
_ الدلع
بنت تدلع معقوله تنبلع بس ولد يتدلع ووووووووووه قهر
تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم
_ الشباب النصابيين
هذولا عد واغلط ياكثرهم يجيك الواحد يقول
يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييورك طاحت عليها ..وهو زين ان معه ددسن
ما شفتوا جوالي هذا جايبه من دبي والله ....وهو شاريه من الحراج
ماتدرون اختاروني لاعب باالمنتخب بس اعتذرت لهم لأني مصاب والدكتور الزهراني يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
لا ويزيد النصب اذا كان الطرف الآخر بنت
_ المعصب
وهذا مسوي فيها شخصيه يدخل ينفخ ويطلع ينفخ يدور المشاكل دوره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف
_ الدلخ
هذا كل من هب ودب يضحك عليه
_ الاا في شي دايم يصير
يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه ) على قولة المصاريا
والله بلشه مايدرون انهم بها الأسلوب يخوفونا منهم
_ المغرور
ماأدري بعضهم شايف نفسه على ايش شين وقوة عين
وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه
_ الضعيف
الضعيف ....... الضعيف والاا اقول مافيه ولا واحد منهم ضعيف كلهم ملاعين
_ اللي يتمسكن لين يتمكن
فإذا مو كل الشباب فهو أغلبهم وخاصة اذا كانت الضحيه بنت وماراح أقول ان الوصول الى هذه الصفحة غير مسموح بها لأن حتى لو حجبناها فانتم ماتقصرون راح تفتحونها بطريقة أو بأخرى لأن شعاركم كل ممنوع مرغوب
_ راعي التفحيط
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي
_ راعي الكنوت
تلاقيه 24 ساعه صاحي ماينام عيونه طايحه على الجهاز وغالبا اللي يستخدمونه هم الشباب اللي ما يعرفون يسكتون سوالفهم كثيرة على قلة سنع
_ راعي الطرب
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز
_ راعي الأرقام
هذولا ساكنين باالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون تروح توري كفيلها الرقم شوف شوف بابا هذا هديه
_ راعي الوانيت
وهذا .اوووووووه معليش غلطنا شبك الخط آآآآآآسفيين
_ أبو راس يابس
هذا ماتقدر عليه يموت باالعناد تجيه بالين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )
_ الحساس <<<<
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين


وهذي أنواع بنات اليوم
-نوعية من البنات تشوفها في البيت غير وعند الناس غير ..
على سبيل المثال:
في البيت لو يجي أحد ويناديها .. تقول : هااااااااااااه
لكن خارج البيت (السوق ، الجامعة ، لما ترد على التليفون .. الخ )
تقول: سم او سمي طال عمرك هلا حياتي عفواً ماسمعتك اهلين.... الخ
ليه كذا ليه !! خلك عادي قولي هااااااااه جوا البيت وبرى
2-الملابس:
أنواااااع الخلقنة في البيت .. يعني تلبس بنطلون بيجامة وبلوزة بيجامة !!
لكن اذا طلعت .. لو تدخل مسابقة كان فازت .. بملكة الأناقة..!!
3-خفة النفس:
ونسبتها قليلة جداً (ممكن يكون أكثر تواجدهم في القرى وبما ان الخرج ميب قرية .. ف حبيت اخصصها )
يعني أغلب بناتنا عجازات مثل شبابنا ..
بعض البنات من العجز .. حتى العباية ماتلبسها .. تخلي الشغالة تساعدها ..
4-اذا تبون تعرفون البنت فضوية وإلا مرتبة .. شوفوا شنطتها اليدوية اللي تاخذها معها باستمرار ..
مثلاً شنطت السوق .. بعض البنت الداخل شنطتها مفقود .. والخارج منه مرحوم !! يعني كل شي تلقونة فيذا الشنطة (مناديل ،قراطيس،علوك ، فواتير،غطا روج بدون روج ....الخ)
والبعض الآخر من البنات لااا .. شنطتها أنتكة مثلها
أنتكة= راعية ذوق
5-راعية الحق والواجب:
بعض النساء .. ماشالله عليها راعية حق وواجب مثلاً: زيارات عائلية .. مناسبات .. مساعدات للغير ...الخ ..كلها تقوم فيها
لكن البعض اللآخر .. تقوم بالحق والواجب على حساب زوجها وبيتها وعيالها .. على سبيل المثال:
تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب
طيب ورى ماتسوين حق وواجب في رجلك .. وتعفينه من الزيارت اللي مالها سنع
أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب
6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!!
يعني الميك اب لكل هالطلعات واحد والبس والشعر كذالك ... يعني وووووووووووين رايحة بالله .. وشوله هالكلافة !! لازم تفرقين بين كل طلعة والآخرى ...
لأن الزين زين لو قام من النوم .. والشين شين لو دعج عيونه (قاعدة ضروريه جداًًًًًًًًًًًً)
7- الدلع :
هذي غريزة في البنت .. يعني البنت اذا محد دلعها .. تدلع نفسها
لكن فيه دلع عن دلع
الدلع اللي يجي على سجيته ..يااااااااااااااااااااحلوة ((انا منهم))ههههه
لكن الدلع المصطنع ..وووووووووواااااااااااااااااع ع ع ع يحوم الكبد ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية .
8- البنات النصابات :
يمكن تستغربون لو قلتلكم ان فيه بنات نصابات ..لكن الصدق ينقال .. فيه وياشينهم .. عليهم نصبن موب صاحي ..!!
يعني بعطيكم أمثلة ..
** تدرين ان أسير الشوق بكبرة جا يخطبني .. ورفضت لأنه بيسكني مع اهلة..
** شرت هذي التيور من هارفي نكلز كان عامل دسكاونت .. وهي شاريته من المعيقلية
** سارة ليه ماجيتي امس للحفلة ..
أمس بصراحة كان زوراج بنت خالتي .. كان في نياره ..وهي نصابة جاينها خوالها من حريملا .. ولا قدرت تروح للحفلة
(أنواااااع النصب) بس مايجي قطرة في بحر نصب الشباب ( )
9- مصلحجيات :
وياااااكثرهم عندنا .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح .
10-تحمق :
فيه نوعية من البنات تحمق بسرررررعة .. مثلاً ..لو تقولها .. وش ذا اللون موب زين عليك (من باب المزح ) ..عصبت وحمقت
وقالت وش فهمك بالذوق يا قروي .. انت حدك جلابية من حلة القصمان
11-ابقولكم شي في صف بعض الشباب موب كلهم .. يعني يجيك شاب فـــــــــــــــــي حاااااااااالة موب يم أحد .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
تكفين شوفي شكلة بس انتي واغسلي يدك .. اصبري علي وبهزئه .. وهوووووو موب يمها الضعيف ... لكن تصير مع البنات كذا .. يظنون ظن سيء فيهم((انا مو منهم))
12-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف ماتعطي أحد فرصة انه يحكي وكن مافيه إلا هي ..
13- الضعيفة (دابتن سليمة)
فيه بنات ضعيفات لكن موكثير .. هذولي البنات يرضون بأي شيء ..
مالهم رأي ..
كل شي عندها ايه ..
ماتعرف كلمة لا ...
و اذا أحد سألها تكون اجابتها بكلمة (مادري)
ماتناقش .. ولا شي
شفت بنات زي كذا بس موكثير .
14-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم((انا منهم))
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك ههههه
15-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري؟؟؟
ماتكلم الناس إلا من طرف خشمها
واذا حكت مع أحد مستحيل تناظرة
واذا ردت ترد عقب الشين
غالباً هذي النوعية من البنات ماعندهم سالفة ..
16-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها ..
17-فتاااااانة .. هذي النوعية تحب تشعللها وتحب تشبها بين الناس .. يعني اذا صار موقف او مشكلة تزيد الطين بله
18-التبذير:
أغلب البنات مبذرات .. قليل البنات البخيلات واللي يحافظون على القرش ..
19- غيووووورة :
الغيرة وماأدراك ماالغيرة ..
كل البنات غيورات لكن نسبتها تختلف من وحدة للثانية ..
يعني بعضهم غيرتها شينة ويبان عليها اما بالنظرات أو بالكلام .. ولابعض الآخر لا
وفيه غيرة عن غيرة
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة
20-راعية السوق:
هذا دااااااايم دووووم بالسوق ..لو ماتشتري بس تروح للسوق هذي هي هوايتها
ونسبتها ماشالله كبيرة جداً
21-الطبيخة :
ماتسولف إلا عن الطبخ والمطبخ والمواعين
وماتروح عند احد إلا وصنف من أصناف الطبخ سابقها
22-تمســــــــكن لين تمكـــــــــن
مايحتاج تفسير لها
23-العناد :
بعض البنات عنيداااااااااااات وممكن انها تسوي شي يخالف عاداتها وتقاليدها عشان تنفذ اللي براسها ..كذا عناد بس
24-أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
المفروض تصير دمعتها عزيزة عليها موب أي شي يصيحها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب
25- ماتهااااااب:
بعض البنات شخصياتهم قوية مرررررة وماتهاب شي ابد ..

نداء
30-07-2003, 09:50
مشكورة على الموضوع

السفاح القاتل
16-08-2003, 15:54
خخخخخخخخ البنات دلوعات.. ما يبغالها أي شيء واضحة بس مد رجلك وهي طيح تبلبل كأنها بالتلفون.. حشا ويا التلفون لاصق فيها






خخخخخخخخخخخخخخخخخخخخخخخخخخخ

susu
16-08-2003, 18:42
انا اقول البنات صح دلوعات بس فيهم اشياء حلوه ولكن الشباب ما يهتمووه ابدا لا اي شىء ابداابدا ومشكورررررررررررررررررررين

إعصار المحيط
17-08-2003, 00:12
شكرا
على الموضوع

Sh@kira
17-08-2003, 01:29
خخخخخخخخخخخخخ :D :D :D

مشكوووووووووووور عالموضوع الكووووووووول...

للمعلومية ماقريت الا حقت الشباب بس...عشان اتشمَت :غول: :D :لعق:

حلللللللللللللللللللللوة ...هذي عاجبتني :D
7
7
7_ الدلع
بنت تدلع معقوله تنبلع بس ولد يتدلع ووووووووووه قهر
تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم ... :تدخين: :cool:

المهم....تسلم عالموضوع...مع ان الموضوع...

....

قدييييييييييييييييييييييييييييييييييم... :confused: :تعجب:



:D

:ضحكة:

وين راح قلبك؟!!! :تدخين: خخخخخخخخخخخخخخخااااااااااي<<<<يلعن ابو كذا ضحكة :ضحكة:

مشكوووووووووووووور ...سلااااااااااااااااااموووووووووووووووووووه..

بنت ولا كل البنات ::جيد::

haneen alro7
13-12-2003, 00:05
بالعكس الهنوووووود يجننون

هه

الاولاد مو كلهم اقويا انا الي هي انا اقدر امسك ولد افقع في وجهه لاني بنت ومايقدر يمسكني

هه
ولد حساس هذي مأبلعها

واال انا عادي لان الكل يعرفني >>>>>>>>>>> انشهرت من اول يوم

طيب تيغينا نخرج لسوق ببجامه

اي وانا ماتيهمني الا النظافه

لا والله اكرهه حاجه اسمها دلع انا صح اهلي مدلعيني لاني اصغر وحده بس مو دلع لدرجه اني ازعل اذا قالو كلمه علي

انا اكرهه الانوثه ولا احبها واذا قالوا كلمه اردها لهم

وانا اقولها بكل صرااااااحه انا مسترجله

ههه
لازم المصلحه ولا من غيرها من نعيش بس مع وحده ماتطقينها
لكن لو زميلتي ابد ماتمصلح معاها

انا اخذ النصيحه من البنات الي احبهم لكن لو من غيرهم اقول ماحد طلب رائك لانه لو من غيرهم اكيد اكون مضاربه معاها

ولا انا ماظن ظن السوء

ماطيق الي يسولف كثيييير بعض الاحيان اذا كنت مافي حيل اتكلم بس اقول اي اي اي اي بس

انا الحمد لله اقدر اقول لا والف لا حتى لو كان لمعلمه

انا من مجموعه الفرفوووووشه

ذكرتيني بوحده شايفه نفسها وهي تشبه للديناصور بس اتشمق علي المشكله انا مأعرفها المهم عصبت عليها قلتلها هه اني على ايش اتشمقين على بشاعتكي ولا على هبالتكي غباء ورحت من اليوم ذاك وهي ولا تقرب مني خخخخخخخخخخخخ

اكره الطبخ لانه شغل بنات

سلاحي ضد اعدائي العناد خخخخخخخخخخخ

ييوووووووووووووو اكره البنات الي زي كذا اخذهم حلاوه طول الوقت وانا انزل دمعتها لها

انا من مجموعه الماتهاب خخخخخخخخخخ

مشكووووووووره

Arabian^Knight
13-12-2003, 06:51
لووووول موضوع شيق بس صدق بعض البنات مصدقين عمرهم مرررره ولا احلى شي لمن تسوي ثقل تشوف خفة عقلهم لوين توصل يمكن هي الي ترقمك من القهر الي فيها عشان وش فيك زود عن الشباب ليش ماترقم ليش ماتناظر ونجز زي الطعوس مش حاطين ببالهم الولد محترم ومهوب حق ترقيم وبالاصح مهوب فاضي حق السخافات

الحلوة@_@
13-12-2003, 15:30
ههههههههههههههههههههههههههه
صراحه الموضوع عجيب
مشكورعلى الموضوع الروعه


مع تحياتي
الحلوة ام عيون

صدى الاحزان
29-12-2003, 08:58
مشكووووووووووووووووور على الموضوع

بس ترى الموضوع حلو مرررررررررررررررررررررررررررررررررة
بس من الاشياء اللي ذكرتها في منها الصح وف منها الخطأ

وشكرا................
ويعطيك الله الف عافية عشان تكتب لنا مواضيع حلوة غير