واحد من الشباب
16-01-2004, 12:29
سوالف ام علي 2004
تنزيلات
سلام عليكم طبعا التنزيلات مب عندنا هني في مكسات لكنها في اسواق الدوحه مافي محل ما مسوي تنزيلات حتى المعاصر مسويين تنزيلات
طبعا انا اول ما سمعت هذا الشي استانست وقررت قانون رقم 367 البند 57 اروح مع صديقاتي ام سعيد وام احمد نشتري كل شئ جديد لكن المفاجأة كانت في اكتشافي
تصدقون اني اكتشفت ان كل المحلات اللي مسويه تنزيلات مسويتها على البضاعه القديمه اللي عندها ولا منزلين شي جديد كل بضاعتهم قديمه واذا لقيت شي يعجبك مالقيت مقاسك يقول لك البياع :
ماعندنا الا اللي معروض في المحل مافي اي شي في المخازن
شدعوه عيل ليش عندهم مخازن يمكن حق النخي والباجله
اتمنى من البلدية يكون لها موقف مع الناس وتراقب تنزيلاتهم مب يقصون على الناس يقولون تنزيلات وينزلون الاشياء القديمة وقبل العيد بكم يوم ينزلون الاشياء الجديده ويرفعون السعر دبل
الناس صارت تفهم وتعرف الجديد من القديم لكن بعض التجار يحسبون الناس مثل قبل مايعرفون اللي يشوفونه في المحلات ويعتقدون ان للحين ممكن تبيع لهم باعه بانكوك على انها من فرنسا
الحين خلونا من التنزيلات وهاكم نصايح ام علي :
1-كيوتل (او شركه الاتصالات اللي ببلادكم ) : كل الدوائر الحكومية والشركات بينزلون الرواتب بل العيد وكل الناس يبغون ينزلون الاسواق يسترون او يبغون يسافرون في عطله الربيع
شرايكم تعطون الناس هديه هالشهر وتأجلون دفع الفواتير للشهر الجاي والله فكرة ... ادري !!
2- البلدية : انا ما ادري من اللي اقترح عليكم تحطون مطبات في الشوارع ظهري عورني كل ما طار البيكم عن الارض بسبب المطبات بعدين يا جماعه ارسوا لكم على حجم معين في كل شارع في 20 حجم وشكل والله اني خايفة يوم من االيام الدريول ما يشوف مطبه من هالمطبات ويوصلني كوكب زحل
3- الخياط : عندي سؤال غريب لكل محلات الخياطه ليش الكل معلق لوحه برع ويقول انه ما يقدر يخيط فساتين وجلابيات قبل العيد
لكن اذا الوحده دخلت عنده وقالت له خلصه لي بسرعه وبعطيك فلوس زيادة يقول لها : خلاص ماما ثلاثه يوم بعدين في جاهز !!!
والاسبوع الجاي نلتقي مع سوالف ام علي
تنزيلات
سلام عليكم طبعا التنزيلات مب عندنا هني في مكسات لكنها في اسواق الدوحه مافي محل ما مسوي تنزيلات حتى المعاصر مسويين تنزيلات
طبعا انا اول ما سمعت هذا الشي استانست وقررت قانون رقم 367 البند 57 اروح مع صديقاتي ام سعيد وام احمد نشتري كل شئ جديد لكن المفاجأة كانت في اكتشافي
تصدقون اني اكتشفت ان كل المحلات اللي مسويه تنزيلات مسويتها على البضاعه القديمه اللي عندها ولا منزلين شي جديد كل بضاعتهم قديمه واذا لقيت شي يعجبك مالقيت مقاسك يقول لك البياع :
ماعندنا الا اللي معروض في المحل مافي اي شي في المخازن
شدعوه عيل ليش عندهم مخازن يمكن حق النخي والباجله
اتمنى من البلدية يكون لها موقف مع الناس وتراقب تنزيلاتهم مب يقصون على الناس يقولون تنزيلات وينزلون الاشياء القديمة وقبل العيد بكم يوم ينزلون الاشياء الجديده ويرفعون السعر دبل
الناس صارت تفهم وتعرف الجديد من القديم لكن بعض التجار يحسبون الناس مثل قبل مايعرفون اللي يشوفونه في المحلات ويعتقدون ان للحين ممكن تبيع لهم باعه بانكوك على انها من فرنسا
الحين خلونا من التنزيلات وهاكم نصايح ام علي :
1-كيوتل (او شركه الاتصالات اللي ببلادكم ) : كل الدوائر الحكومية والشركات بينزلون الرواتب بل العيد وكل الناس يبغون ينزلون الاسواق يسترون او يبغون يسافرون في عطله الربيع
شرايكم تعطون الناس هديه هالشهر وتأجلون دفع الفواتير للشهر الجاي والله فكرة ... ادري !!
2- البلدية : انا ما ادري من اللي اقترح عليكم تحطون مطبات في الشوارع ظهري عورني كل ما طار البيكم عن الارض بسبب المطبات بعدين يا جماعه ارسوا لكم على حجم معين في كل شارع في 20 حجم وشكل والله اني خايفة يوم من االيام الدريول ما يشوف مطبه من هالمطبات ويوصلني كوكب زحل
3- الخياط : عندي سؤال غريب لكل محلات الخياطه ليش الكل معلق لوحه برع ويقول انه ما يقدر يخيط فساتين وجلابيات قبل العيد
لكن اذا الوحده دخلت عنده وقالت له خلصه لي بسرعه وبعطيك فلوس زيادة يقول لها : خلاص ماما ثلاثه يوم بعدين في جاهز !!!
والاسبوع الجاي نلتقي مع سوالف ام علي