PDA المساعد الشخصي الرقمي

عرض كامل الموضوع : قصة أرنوبي



Cute poison
03-10-2007, 07:06
صباح الخير \ مساء الخير

اليوم جبتلكم قصة مدعمة بالصور عن قصة أرنبي اللي إلى الأن مو مصدقتها

المهم بقلكم القصة :

كان يا مكان في الإجارة الصيفية اللي تونا مودعينها ، كنت مرة طفشااااااانة سويت كل الأشياء لمنع الطفش بس ما فادت ، جاتني فكرة وقعدت أكلم نفسي:

أنا : فكرة ! ليش ما أزيد سمك عالسمك اللي عندي ؟

أنا : لا لا لا ما يسير الأسبوع الماضي إشتريت 10 سمكات وماتت 4 منهم ما ني ناقصة خسارة فلوس.

أنا : إي والله صح.

أنا: خلااااااااص أجيب كناري ولا كروان .

أنا: برضو لأ ما تتذكري لمن جبتيهم كيف كانو يتعذبو لمن ما تشتري لهم الأكل غير كل شهر << هههههه عالراتب. يعني أول الشهر أكلهم الخاص و حركات و بأخر الشهر فصفص ههههههههه

أنا : والله صح .

أنا: إيوة جبتها !

أنا :إيش؟

أنا : نجيب أرنب.

أنا : أرنب؟ بهذا الحر و الله غير ينسلخ

أنا : لا يا ذكية .

أنا : أجل إيش.

أنا : لا تحطيها بالصطوح.

أنا : أجل.

أنا : بالبيت.

أنا : كيف كيف كيف ؟ و الله أمي و أبويا يذبحوني .

أنا : لا مو تجيبي لهم مرة وحدة.تفجعيهم .

أنا : أها فهمت.

خلصت المحادثة <<<<< بتقولو هذي مجنونة تكلم نفسها :D

المهم وجى وقت تنفيذ العملية:

أولا ترضية الوالدة <<<<< ما أبغا أكتب المحادثة علشان ما أعور راصكم هههههههه.:رامبو:

وطبعا أفراد العائلة إتحمسو و قالو بيشترو معايا <<< ما يتركوني بحالي

ثانيا : ترضية أخويا يجيبو

طبعا ما رضي يتنازل ويروح

قلت مافي غير خالي

ورضى طبعا

و أعطيتو لستة بالمواصفات << ههههه
اللي هيا : أبيض - صغير - عيونو حمرا . و بس. و إخترت لو إسم ألى و هو : Luck = حظ.


المهم

لمن جابو : مرت إسبوعين و أخواني طفشو منها لأننا كنا نوكل كل يوم واحد يأكلها بعز الضهر <<<و هما يكونو نايمين , فكل واحد قرر يبيع حقو . طبعا أنا ما رضيت أبيعو .

وبعدين: لمن باعو قلت فرصة أنفذ خطتي وخلي في البيت
نزلتو في البيت بكرتون بس بعدين حزني قلت حرررررررام هو لوحدو و ما عندو أحد و كمان حابستو .

بس ما بعتو . خليتو في البلكونة يسرح ويمرح و لمن أمي و أبويا ينامو أخلي يدور في البيت براحتو



يعني من الصباح لين الليل أشيك عليه و لمن أمي و أبويا ينامو أطلعو برة.

وسار الأخ إجتماعي و أبدااااااااا ما يخاف مننا و كل اللي في البيت أعجبو بشجاعته ههههه<<<< بإستثناء الوالدين طبعا.:محبط:

المهم يوم من الأيامرحت البلكونة أشيك عليه و لمن فتحت باب البلكونة يترى إيش لقيت؟













ميت :ميت:


















لا







مسلوخ






























لا







































لقيتو
















إصبرو شوية أتذكر <<<<< هههههههههه



















فيلو جني
:eek:

















يمكن












لقيتو























لقيتو ماهو في :confused:

يعني بالعربي إختفــــــــــــــــــــــى

طبعا شطبت البيت كلو ما خليت أحد ما سألته حتى السواق
لأن شكيت إن الخدامة نسيت الباب مفتوح و طلع
لأني كذا مرة جى يسويها وأمسكو متلبس.
و سار ليا يومين أدور يمين يسار ما لقيتو .

حتى لمن أطلع أقول يمكن في الشارع ما راح بعيد و دورو

بس ما في أي أثر

::مغتاظ::


وهذي أولى جلسات التصوير و أخرها له::محبط:

"تلاحضو في الصورة إنو مايل للتخنة . طبعا مدلع مافي غبرو "

http://up17.******.com/1/f413ee0.jpg (http://up17.******.com)
خير هذي إيش تسوي شكلي لازم أعطيها بالعين الحمرى


http://up17.******.com/1/aa623bb.jpg (http://up17.******.com)

:D


http://up17.******.com/1/a77803d.jpg (http://up17.******.com)


http://up17.******.com/1/450ddd9.jpg (http://up17.******.com)

في هذي الصورة أستخف خلاص :rolleyes:






مدام Luck ضاع.

قررت أسوي إعلان

و قلت ما في غير حبايبي أعضاء منتدى مكسات هما اللي لازم يستفيدو منو.


http://up17.******.com/1/150d142.jpg (http://up17.******.com)

يالله أنا سويت اللي عليا البركا فيكم يا أعضاء مكسات.

إضافة

حبيت أهديلك يا Luky هذي الأغنيتين :محبط: :

بالعربي: الأماكن أاااااااااااا الإماكن أااااااااااا الأماكن كلها مشتااااااااااقة لك


بالإنجليزي:

Trust me, when we are apart
I wont break your heart
Wherever you are
I know you feel me
Baby, cause I can feel you too
No matter what you do
I think of you

:بكاء:

:D

Kaito-Kidd
03-10-2007, 07:51
*‘،.,.،‘*السلام عليكم ورحمة الله وبركاته*‘،.,.،‘*

*‘،.,.،‘*هلا وغلا ومرحبا اختي Cute poison*‘،.,.،‘*

*‘،.,.،‘*خلاص من عيوني ترا البحث جاري من اصدقائي اللصوص:D*‘،.,.،‘*

*‘،.,.،‘*بس انا خايف الاقيه مرررررررررره سار دبه لانو دلوووع زي ما تقولين واللصوص نحيفين يعني حيشيلونو حيطيحون بيه:p*‘،.,.،‘*

*‘،.,.،‘*واذا لقيناه نرجعلك هوا بشرط*‘،.,.،‘*

1)مليون ريال امريكي:D*‘،.,.،‘*

*‘،.,.،‘*ها موافقه على الشرط ولا نلغي الاتفاقيه:مكر:*‘،.,.،‘*

*‘،.,.،‘*يسلمووووو على موضوعك وانشاء الله تلاقينو فاسرع وقت ياخطيره:تدخين:*‘،.,.،‘*

*,*,*$Kaito-kidd$*,*,*

Kaito-Kidd
03-10-2007, 07:58
*‘،.,.،‘*ويشرفني اكون اول من رد عليكي*‘،.,.،‘*

*,*,*$Kaito-kidd$*,*,*

bloody tears
03-10-2007, 08:48
يا مسكينه قطعتي قلبي ..:مذنب:

لحظة ..

اذا اهلك عارفين انك سفاحه حيوانات ليش يخلونك تشترين ارنب ؟؟؟:مرتبك:

يحليلهم الارانب ظرييفيين لكن ارنبك وجهه شراني:ميت:

لكن محادثتك مع روحك تحححفه خخخخخخخخخ :لقافة:

سلاام

j the killer
03-10-2007, 11:34
مممممممم يمكن أحد من جيرانكم جا لبيتكم وأعجبه فسرقه لأنه تخيين ماشاء الله وسوى فيه ملوخية>>>فتان!!

خلاص انتي روحي لبيت جاركم وأكيد راح تشوفين بقايا الجريمة..يعني رجل من رجوله..فروى ما أدري ريش(اللي على جلد الأرنب).....

وبس هذا اللي أقدر أعمله لك
وإن شاء الله تلاقيه!!

the black drago
03-10-2007, 13:56
هوا هذا ارنبك انا حصلت في بيتنا يلعب مع اخواني الصغار

خلص لو بدكيا يرجعك انا اطالب بفدية قدرها مليون درهم على شرط يكون اماراتي
هههههههههههههههه


مشكووورة ع الموضوع

soso_55
03-10-2007, 14:16
هههههههههههههههههههههههههه
ياربي عليه عمى فوق مانك حاطتيه عندك يهرب توقعت كل شي الادة
ههههههههههههههههههه
بس خلاص انا حجبلك هوة
هههههههههههههههههههههههههههههههههه
يلا انشالله تلاقيه على خير

A.h**go
03-10-2007, 22:38
هههههههههههههه
ياحرام تحزني
بس أناحأدور علي وأجمع الأدلة<<<متفاعلة مع بريزن بريك
بس غريبة صراحة إختفاءو لايكون في جني
ههههههههه
مشكورة على الموضوع صراحة ضحكتيني <<<أقصد حزنتيني
المهم في جائزة للي يلاقي ولا لا
لو في جائزة بدور
هههههههه
وإنشالله تلاقي

يسلمو على الموضوع

@ mimi @
03-10-2007, 22:57
هههههههه و الله نفس قصتي :p

أنا من زمااااان كان عندي ارنب اسمه روبي , و دائما كنت بحطه في المخزن بالليل , و الصباح اخليه في حديقتنا يلعب و ياكل على كيفه :D

بعدين مرة قلت خليني احطه في الحديقة على طوووول حتى بالليل , فحطيته و رحت ساعتين و رجعت و بعدها لقيته (( اختفى )) !! :confused:

فقلت خلاص حدور عليه في الصباح لان بالليل كانت الحديقة كلها ظلام و مش شايفة شي و كمان لانه صغير فما حشوفه بسهولة , المهم تاني يوم دورت عليه كويس و برضو ما لقيته , فرحت كتبت اعلانات و حطيتها في الشوارع :p

و في النهاية برضو ما لقيته , بس اتوقع ان القطط أكلته ><

و مشكوووورة على الموضوع ^^

Cute poison
04-10-2007, 00:06
Kaito-Kidd


*‘،.,.،‘*بس انا خايف الاقيه مرررررررررره سار دبه لانو دلوووع زي ما تقولين واللصوص نحيفين يعني حيشيلونو حيطيحون بيه*‘،.,.،‘*

هذا شي أكيد :D



*‘،.,.،‘*واذا لقيناه نرجعلك هوا بشرط*‘،.,.،‘*

1)مليون ريال امريكي*‘،.,.،‘*

أوكي :لقافة: موافقة

bloody tears


اذا اهلك عارفين انك سفاحه حيوانات ليش يخلونك تشترين ارنب ؟؟؟
هههه أناهددتم , يعني الشغلة غصب :تدخين:


j the killer

خلاص انتي روحي لبيت جاركم وأكيد راح تشوفين بقايا الجريمة..يعني رجل من رجوله..فروى ما أدري ريش(اللي على جلد الأرنب).....
خلاص إذا لقيت بقايا له بدفنها :ميت:

the black drago


خلص لو بدكيا يرجعك انا اطالب بفدية قدرها مليون درهم على شرط يكون اماراتي

:eek: عندك و ما تبلغ عنو , هذي جريمة بحد ذاتها :ميت:

بس خلاص أنا موافقة :تدخين:


soso_55


بس خلاص انا حجبلك هوة

أستناكي ::سعادة::

A.h**go

بس أناحأدور علي وأجمع الأدلة<<<متفاعلة مع بريزن بريك

أوكي إنشالله تكوني زي مايكل :cool:


المهم في جائزة للي يلاقي ولا لا
لو في جائزة بدور

أكييييييد في جائزة ;) شوفي الإعلان اللي بالموضوع

@ mimi @

دورت عليه كويس و برضو ما لقيته , فرحت كتبت اعلانات و حطيتها في الشوارع

:رامبو: فكرة إعلان بالشوارع :D


و في النهاية برضو ما لقيته , بس اتوقع ان القطط أكلته ><

يعني مافي أمل :eek:


شكرا على ردودكم الحلوة ::جيد::

@ mimi @
04-10-2007, 00:33
:رامبو: فكرة إعلان بالشوارع :D



بس ما نفعت :p




يعني مافي أمل :eek:


للأسف لا ><

و بعده اشرينا عصافير و كناري و لا كروان و سلاحف صغير و ............ الخ , بس حاليا عندي قطة :D

Mr.C00l
04-10-2007, 00:50
طيب ليه

ما تشترين واحد جديد

وتبدي بداية جديدة

> يمكن مع الايام راح تتعلقي فيه وتنسي الاولاني

ويا رب تلقينه

::جيد::