PDA المساعد الشخصي الرقمي

عرض كامل الموضوع : قصة شاب مسكييييييييييييييييييييييييييييين



خصر نمله
01-10-2007, 01:08
السلام عليكم ورحمة الله وبركاته..

هذي قصه شاب شفتها واعجبتني..
وحبيت أنقلها لكم ..
وياليت ماتكون تكررت !!
.................................................. ......................

البدايه :

الله الله

عزيزي الشاب :

إذا كنت تحوس تدور بيت لأهلك

أو تبحث مع عروسك عن مقر للعشة الزوجيه :

أو حتى كرشوك أهلك من البيت ووصلت لحاله مزريه من التلحيط وناوي تسترجل وتسكن لحالك فــ إنتبه !!!!

نعم أنتبه!!

ومرة ثالثه أنتبه !!

تسكن جنب (("ابتدائية بنات"))!!!! :

مهما كانت الظروف و المغريات ومهما كان اجار الشقة رخيص

حتى لو قالوا لك اسكن جنب بليس وافق بس بلاش ابتدائيه بنات

اسمع كلامي

أنا زي أخوك واعرف مصلحتك

و الكلام ذا ما جا من عبث

بل بعد معاناة ثــلاث سنــوات:

وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن في انحاء الرس

أذا بتلك الشقه المثيره للسعبله والشفقة <<<<<< ياعمري يالاسلوب خخخخخخخ

قلت بس جاك الموت يا تارك الصلاة <<<عندي مشكله في الأستشهاد هههههههههههههه

هذي هي فتاة احلامي

اللي مرت فوق الحصان الأسود :

وصفقتني بالعجراء فدخت من حبها

ولكن الحلو مايكمل

واااااا حسرتاه ، الشقه طلعت عوايل ، لكن هيهات 18 سنه دشره على الفاضي ، اكيد لازم تفيدني في هالموضوع

وفعلا ، رحت لخويي ولــد الديرهـ طيب الله ثراه <_ طبعا بالعلوم الشينه

وقلت له تكفى يا ولــد طالبك ، قالي ما عليك كلها بطاقة عايله مزوره وينتهي الموضوع ، قلت بس تزوير،

انا مستعد اذبح نص الـرس بس اخذ الشقه

و صدقوا او لا تصدقوا

مشت الفكره : و دخلت الشقه وانا مزهو بنشوة الأقحوان والعااصفير ترقص في فضاء الشقق وهي تغني سكارى <_ متعوب ع الجملهـ هههه

فـتاحي ياوردهـ : و انا مبسوط قاعد اغني مع هالطيور الرقيقه

لين ما اشرق الفجر قلت يالله يا عصفور منك له اقضبوا الباب ابي أنــام

و بعد سبع دقايق من وضع راسي على المخده ، كنت على موعد مع الكارثه المأساويه :

قمت مفزوع ، وش ذا يا نـاس زلزال ركزت شوي و اذا والله الدعوه طلعت النشيد الوطني بصوت بزران ابتدائية

لا حوووووول بنبتل كذا ، قلت يا ولد خلك انت الكبير و اصبر لين يقضي الطابور وكل بزر يذلف على فصله

لكن هذا كله تسخين <<< ااجل هي مباراه النصر


وللاسف مصيبتي بدأت يوم دخلوا البزران الفصل المقابل لغرفتي << حظ زفــت

يا ربي وش سويت بدنياي تصدقون

انا لي 14 سنه وانا ادرس ما حفظت سارعي الا يوم سكنت بالشقه << دااج الــولد ههههههههههههههه

و ياليتها جت على سارعي ، حفظت كورتي كورتي ما أحلاها ، و هري يلعب فوق السطحي

ويرتفــع الضغط عندي وتنهار أعصابي ألا اذا دخلت أبله فاطمه فصل ثاني ابتدائي

اللي هو الفصل اللي جنب غرفتي ) << شكل غرفته في المقصف هههههههههههههههه

لأن ابله فاطمه تعشق الصياح عشق جنوني و هذا يعطي البنات دفعه معنويه فيصيرون يصيحون اشنع من أي وقت

<< وين وزارة التربيه عنها هههههههههههههه

هذا بالأضافه لأن ابله فاطمه تخلي البنت تعيد النشيد من أول اذا اخطت

( طيب اخترعوا البراشيم ليه مو عشان المواقف المحرجه اللي زي هذي بس عاد وش تقول الجيل الجديد مضروب ) خخخخخخخخخخخخخخخخخخخخخخخخخخخخ

بعد السنه الأولى تأزم الوضع

لأن اول كانت ابله فاطمه تسيير على الفصل في اليوم حصه و لا اثنين

الحين الأبله صارت المشرفه على الفصل و مبلطه كل الوقت وطاقة لها خيمة بوسط الفصل

خخخخخخخخخخخخخخخخخخخخخخخخخ

في السنه الثانيه صار عندي تبلد حسي خصوصا بعد ما بديت استخدم سدادات الأذن بالأضافه لشعور غبي هو اني

حسيت اني أعيد ثاني ابتدائي ( طيب على الأقل غيروه و حطو جنبي ثالث )

لكن في السنه الثالثه

بديت اخش جو صراحه ( الشكوى لله )

وصار عادي انك تشوفني ماشي في الشارع وانا اغني

في مدرستي دار الحب ..... العب اجري انا وصحبي

لا وتدرون متى اكيف الى منه دخلت ابله فاطمه الفصل وقالت

السلام عليكم.......عاد ارد انا مع البزارين ونقول وعليكم السلام ورحمة الله وبركاته << انهبل خخخخخخخخخخ

كيف حالكم يا اطفال

بخير مادمنا شفنا خشتكِ

الين جا ذاك اليوم الأغبر ( مثل باقي الأيام اللي راحت )

وكنت ابحتفل بمناسبه حلوه وراجع الشقه بدري و انا مبسوط

دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت

( حافظ الجدول حقهم المسيكين ) خخخخخخخخخخخخخخخخخخ

و الله و اشغل المسجل وافتح الدريشه لان الجو كان حلو و دخلت اتروش و اتزبط المهم بعد فتره

سمعت جرس الباب ، استغربت منذا اللي جاي هالحزه ، فتحت الباب وانا لابس الفوطه

واخرخر مويه

و اذا والله فراش المدرسه و معه ورقه ومدها لي اناظر الورقه وطاللع محتواها :

أخي الفاضل الرجاء التكرم بخفض الصوت مراعاة للطالبات في المدرسه اللي جنبك يا لوح وشكرا

<------ بدت تمون تقولي يالوووووووووح

التوقيع الأساتذه الفاضله عاشقة الصياح \\ فاطمه

الصراحة لم اشعر بنفسي تلك اللحظات حسيت بحريييييييييييييقه بركااااااااااااااان

جمره خبيثه شبت في داخل اعصابي <<<< افلونزا

طيور كل شي ههههههههههههههه

و ما اذكر وش صار.. اللي اعرفه ان خويي (ولــد الديــرهـ) دق عليه القسم و قالوا له تعال اكفل خويك ، قال خير اللهم

اجعله خير ، قالوا ابد لحق الفراش يبي يذبحه ( بالفوطه ) وعقبها حاول اقتحام مدرسة البنات ( برضه بالفوطه )

وكان يقول عبارات غير مفهومه مثل : يا انا يا انتي في هالمدرسه ..!!!

عقبها مر ولــد الديــرهـ على القسم عشان يستلمني

حزرو فزرو وش صار ، طلعوا مرحليني للصحه النفسيه ( يبي يقتحم مدرسة بنات بالفوطه اكيد وضعه صعب )

ههههههههههههههههههههههههههههههههههههه

المهم دخل ولــد الديــرهـ على الطبيب النفسي يبيهم يطلعوني قال له الدكتور: انسى ، الرجال داخل علينا وهو يقول :

هري .. هري .. يلعب فوق السطحي ..

و قواه العقليه ما فيها ولا وحده منهن مداومه و تبينا نطلعه << ابوك يالووصف ههههههههههههههههههه

طبعا ولد الديرهـ باسلوبه الدبلوماسي صرف الموضوع و طلعني

وقمت اشكي على ولـد الديــرهـ وانا اخرخر دمووووووووع

أجل 3 سنين وانا قاعد مثل التيس الوديع و كاتم في نفسي ويوم شغلت المسجل دقايق هبوا فيني

ولا شف من يتكلم عاد الصوت الجريح ، عاشقة الهدوء و السكينه والوقار (الأبــله فاطمه)

طيب احترموا مشاعري يااااااااخي خلوا المديره هي اللي ترسل على الأقل

آآآآآآآهـ يا ولـد الديرهـ بولع في المدرسه باللي فيها ولا تدري

كلم لنا ربعك حقين مكافحه الارهاب وقل لهم يرسلون قناصه و ابحطهم فوق سطحنا و الوعد وقت الطلعه

ابيهم يقنصون المديره و الوكيله و المساعدات و المدرسات و الطالبات وأولياء الأمور و أي واحد يمر في الشارع

حزتها أبغى مجزره ، مجزرررررررررررره

قال ولد الديرهـ هدي اعصابك انا عندي فكره نرسل خطاب للرئاسه باي اسم نقوله ان المدرسه غير صالحه

للاستخدام و انها تتداعى للسقوط بل وسقط منها جزء على رويس بنيتي الضعيفه و مرفق بالخطاب تقرير طبي

بالحادثه قلت لحظه ؟ واذا طلع المبنى كويس ؟ قالي مافيه امل كل مباني الوزاره رايحه فيها ، قلت طيب و

التقرير الطبي من وين بندبره ، قال وانت مصدق ارسل أي تقرير باي اسم يعني ظنك بيقرونه

و من جديد صدقوا او لا تصدقوا مشت الفكره

وحطوا اعلان على باب المدرسه ان هذي هي اخر سنه للمدرسه قبل اغلاقها

طبعا انا <<<<<< بدأ شغل الشمااااااااااااتهـ خخخخخخخخخخخخخ

لان في اخر يوم دراسه ، قعدت قدام باب المدرسه وهات يا ذبايح ، و ياليت جت على كذا جبت رابطة نادي الاتحاد

وكل ما طلع احد من باب المدرسه قلت للرابطه يشيلونها : برا .. على برا .. وأعدين ليه ما تقوموا تروحوا ..

و أخيرا

هم وانزاح وبعد يوم كرنفالي حطيت راسي عالمخده بحثا عن الراحه الأبديه وماهي الا سبع دقايق و حسيت ان

دريل يشق مخي قلت في نفسي يا ولد هذا كابوس لان ماتعودت على الهدوء من زمان

الا الموضوع كبر واسمع جدران تهد وبلاوي زرقا

طلعت مثل المهبول في الشارع والقى شلة عمال مجتمعين قدام المدرسه

قلت لواحد منهم وش السالفه ..؟؟

قالي : صديق حنا في هددد هزا مدرسه صغير عشان يبني مدرسه كبيررررررررررررر ..

(( *** أقدم شاب سعودي على الأنتحار بعد ان قفز من كبري وقد تبين للسلطات انه يعاني من حاله نفسيه تعرف باسم أبلة فاطمه.. ***))

<------ نشره اخبار الجزيره هههههههههههههههههههه

الزبده يعيال ان الدين النصيحه ونا نصحتكم <------ متاثر المسيكين هههه ..

النهاية ..
__________________________

وهذي القصه وأتمنى تكون عجبتكم ..
منقووووووووووووووووووووووووووووووووووووووول

Lord of Winter
01-10-2007, 01:19
(( *** أقدم شاب سعودي على الأنتحار بعد ان قفز من كبري وقد تبين للسلطات انه يعاني من حاله نفسيه تعرف باسم أبلة فاطمه.. ***))

هههههههههههههههههههههههههخخخخخخخخخخخخخخخخخخخخخخخخخ اااااااااااااااااااااااااااااااااااااااااااااااااا اااااي



بطنننننننننننننني اخ السحور بيخرج بره خخخخخخخخخخخ



وابله فاطمه كككككككككككااااااااااااااااااي



رجل نمله اااقصد خصر نمله والله قصه رهيييييييييييييييييييبه من جد خطييييييييييره انتي:D



انا جنب بيتنا مدرسه متوسطه وثنوي بس انا في الجامعه مادري عن شي نشيد وطني طابور صباحي مااسمع



يسلمووووووووووووو ع القصه الحلووووووووووه زيك




سلاااااااااااااامووووووووووووو

~ღ Bnnonyღ~
01-10-2007, 01:29
خخخخخخخخخخخخخخخخخخخخ الله يسعدك والله انهل قصه تجنن ويعطيك العافيه لنقلك لها والله ونستينها واسعدتينا ^_^.......

مشكووووووووووووووووره يا عسوله على موضوعك الحلو ^.^........

اللؤلؤ الأحمـر
01-10-2007, 01:55
ههههههههههههههههههههههههههههههههههههههههههههههه

استمتعت اكتير في قرائتها :D

من جد حاله :o

يسلمووو

...L O R D...
01-10-2007, 03:33
خخخخخخخخخخخخخخخخخخخخ

اخس حاله <<خخ

مشكوره على الموضوع خيتـــــــــــــــــو

(جون سينا)
01-10-2007, 04:39
ههههههههه

مشكورة

طيوف نجد
02-10-2007, 20:49
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه


مسكيييييييييييييييييييييييييييييييييييين من جد رحمته

الله يعطيك الف عافيه ظحكتيني من قلب

ولا تحرمينا من جديدك ومواضيعك الحلوه الي عودتيني عليها ;)

ننتظر جديدك على احر من الجمر


تقبلي مروري:تدخين: