لا تعصب و أنت تسوق (اسأل مجرب) [الارشيف]

عرض كامل الموضوع : لا تعصب و أنت تسوق (اسأل مجرب)

The Corazon

30-09-2007, 20:59

السلام عليكم ورحمة الله وبركاته

اليوم قررت اكتب قصه حصلت معي شخصيا وانا أسوق في احد الايام..

وهي غيرت مجرى حياتي في عالم السواقه

ولعلكم تتعضون قليلا

(ملاحظه .. الاشخاص في هذه القصه ناس حقيقيون .. وليس فلم كرتون) < يقلد دعاية ديتول

(لا تسوق وأنت معصب)

Chapter 1

البدايه

http://aycu05.webshots.com/image/28044/2001763292527060475_th.jpg

بدأت القصه يوم قررت يوم من الايام أطلع لاخوياي .. وفعلا , طلعت ورحت واستانسنا بذاك الملحق الي ما شاء الله من كبره .. ما يمديك الا تجلس ربع ركبه

تسمرنا وتعللنا وشفنا فيلم (ناسي وشو) بس الي يفوز به البطل اخر شي

البدايه الحقيقيه للقصه هي في طريق عودتي للبيت .. حيث كنت اسوق في احد شوارع الرياض وبالتحديد عند (كبري الخليج)

وكنت ماسك السيد اليمين *

تعريف السيد اليمين : وهو الطريق الي يمديك تمشي به وما عليك من احد .. يعني لو انت مهدي محد له دخل بك .

نكمل القصه .. كنت ماشي على السيد اليمين واذ بسياره من نوع (لكسز) تكبس وراي .. وتضرب بواري .. وانا بصراحه ما عطيته وجه لانه اذا يبي يتجاوز المفروض ينقلع للسيد اليسار .. المهم استمر الحال من التكبيس وضرب البواري ... وفجاه ..

Chapter 2

الغضب

http://aycu20.webshots.com/image/30139/2001732671737497506_th.jpg

وفجأه .. قفلت اخلاقي !! وعصبت !! واذا عصب الانسان يجي الشيطان يتولى قيادة عقله ..

وجيت بحركه خنفشاريه .. الا وهي اني دست بكل ما اتيت به من قوه على الفرامل وانا اضحك كذا :

مممموووهوهوهوهاهاهاهاهاهاااااااااااععــ << اكاد اجزم اني شفت قرون فوق راسي بالمرايه حقت السياره..

المهم .. طلع صوت فحط الكفرات حقت سيارتي .. وطلع صوت فحط سيارته لانه ايضا مسك فرامل ..

واشوف بالمرايه سيارته خرجت عن السيطره قليلا راحت يمين .. ثم شمال.. ثم قدر يسيطر عليها ..

وبعد الدوار هديت السياره ابي راعي اللكسز يجي جمبي عشان اسوي له الحركه المشهوره ( حركة الـ وش تبي؟) وهي انك تفرق اصابعك الخمس وتفرها عكس عقارب الساعه..

وفجأه ..

---------------------------------------------

فاصل اعلاني : حيخلصووه .. فيمتو يابويا :ميت:

انتهت الدعايه .. < ليت دعايات برامج رمضان قصيره مثل ذي
--------------------------------------------

Chapter 3

الجزع

http://aycu05.webshots.com/image/28044/2001715262005584191_th.jpg

هديت السياره .. وفتحت دريشة السياره على الاخير .. واقترب الخصم !!!

واقترب !!

وكانت سيارته مظلله .. لون فضي مع ان السياره كحليه .. << بغيت اهاوشه على لون التظليله مهب على التكبيس والبواري ..

وفجأه فتح دريشته !!!!!!!!!!!!!!!!!!

..

:mad: < وجهي اثناء ترقب وجه الخصم وهو يفتح دريشته

:confused: << وجهي عندما انتصفت دريشته في النص

:eek: << وجهي عندما فتح كامل دريشته !!

ويل عيني ؟

الدرايش الاربعه انفتحت !!! وماذا رأيت !!!

أربع خوال !!!!!!!!

تعريف الخال * وهو الشخص الاسمر البشره اسمرار مثل ظلام الليل وهو مثل النمر الاسود في الشجاعه < ترقيعه

اربع خوال طلعولي !! واجسام كبيره !!!! .. حتى الي جمب السواق ضخم الجثه .. وعظلات بجسمه بكل مكان حتى به عظلات بخشمه !!!! اول مره اشوف واحد به عظلات بخشمه !!!!

وكنت مطلع يدي على اساس اسويلهم حركة الـ "وش تبي" .. بس يدي تخدرت !!

وكلهم يناظروني واجسام كبيره !!

بصراحه انا ما خفت من الي اجسامهم كبيره .. انا خفت من الي جالس ورى جهة اليسار .. كان صغير وراسه كبير ولابس نظارات شمسيه مع اننا بالليل ..

وفجأه !!

Chapter 4

الهروب الكبير

http://aycu11.webshots.com/image/29890/2001991347421699686_rs.jpg

مسكت دركسون سيارتي .. ودعست بكل ما اتيت من قوه على البنزين !! وهم وراي !!! طردي .. طردي .. طردي ..

وانا اول مره اكتشف ان سيارتي سريعه !! << شكلها خايفه مثلي

وهجيت وانا اقود كالمجنون ... واشطف سيارات !!! وذولا تقل احد عصابات نيويورك .. وراي وراي ما تركوني !!!!!!!!!

Final Chapter

الطريق المسدود

http://aycu14.webshots.com/image/30653/2001925816074810921_rs.jpg

استمرت المطارده .. وقلبي يقول ( طمبق طمبق طمبيقه .. رحنا وطي الليله .. ووطمبق طمبق طمبيقه .. رحنا وطي الليله ) < مدري اذا بينكم دكتور ؟ هل هذا هو صوت القلب؟ ولا من الخوف اختلت الدوره الدمويه ؟

المهم وانا اسرع وهم مسرعين !!! وكنا بنفس السرعه !!! حتى كانت خطوط تطلع جمبي .. مثل افلام كرتون اذا جو يسرعون .. بس المفاجأه !! ان قدامي ..

اشاره حمراء !!!!!!

وزحمه عندها الى بكره !!!!!!!!!!!! واضطريت للوقوف !! ووقفوا هم وراي بالضبط !!!!

وسيارتهم تقترب شيئا فشيئا ... وفجأه !!

معجزه !!! .. لقيت فتحه صغيره بين سيارتين !! << وبما ان سيارتي صغيره قدرت اخش بينهم !!

الله يحفظك يا يبه يوم تقولي خذ لك سياره صغيره .. وانا ووجهي اتدلع ( لا يبه ابي جيب عشان اطاعس) << طعسوك بمنب قايل

وفعلا خشيت بين السيارتين وقطعت الاشاره !!!! وستر الله ان التقاطع مابه احد !!!!!

من خاف سلم يا جماعه

وهكذا رحت البيت بعد ان فقدوا اثري ... وقلت توبه ... لن أهايط بعد اليوم وانا اسوق

حتى لو انا معي الحق .. :D

نصائح Stewie

1- لا تغضب وان تسوق .. الا اذا تأكدت من هوية السائق الآخر

2- لا تمسك السيد اليمين

3- اشتر سياره صغيره

4- لا تقطع الاشاره .. وان كان لابد من قطعها .. فتأكد من ربط حزام الامام
الامام = الامان

5- ان كان (احد الخوال) يقرأ هذه القصه الان .. فأقوله .. ترى ما هجيت لاني خايف ... بس اوريكم سرعتي الخارقه هع هع :cool: < عاش مرقع

---

* القصه حقيقيه والسرد مني وهي غير منقوله

الى اللقاء مع قصص Stewie

sweet bro

30-09-2007, 21:43

@ mimi @

30-09-2007, 22:33

كنت بحسب انهم حيضربروك :p

بس الحمد لله انها مرت على خير ^^

و أنا لما اسوق و اشوف اي حد ورايا أبعد على الجهة التانية احسن :rolleyes:

و مشكووور على الموضوع :)

a7la-SoSo

30-09-2007, 22:35

ههههههههههههههههههههههه

مشكووووورر

Lord of Winter

30-09-2007, 22:47

1- لا تغضب وان تسوق .. الا اذا تأكدت من هوية السائق الآخر

ياخي انت من جد رهيييييييييييييييييييييييييب ضحتني ضحك

خال من جد عضله في خشمو ماهو انسان هذا خخخخخخخخخخخخخخخ

الحمد لله جات سليمه

2- لا تمسك السيد اليمين

انا ما اعرف غير ولد عمو اليسار

3- اشتر سياره صغيره

والله نشبه سيارتي كبيره ايش اسوي >>>>>بداء يخاف خخخخ

- ان كان (احد الخوال) يقرأ هذه القصه الان .. فأقوله .. ترى ما هجيت لاني خايف ... بس اوريكم سرعتي الخارقه هع هع < عاش مرقع

تعجبني يا الخواف ااااقصد يا القوي

يسلمووووووووووووووو خيوووووو ع القصه الخطيييييييييييره زيك

سلااااااااااااامووووووووووووووو

M!$$.P!i!nk

30-09-2007, 22:54

ههههههههههه

تستاهل مسوي لك فيها قوي وش تبي هاه

هع

بس الحمد لله عدت على خير

Northern Lights

30-09-2007, 22:54

ههههههههههه..

مشكوووووور عالنصايح

a7la-fofo

30-09-2007, 23:00

هههههههههههه

ياخي والله انك مرجوووووج ::سعادة::

وش ذا عندك

بس تدري احلى شي لما فتحو شباك السياره :ضحكة:

احسن خلك تتأدب مره ثانيه :mad:
لا تقعد تعصب على الفاضي :mad:

بس والله انك فللله ::سعادة::

والحمدلله مرت على خير :نوم:

والنصااااائح تووووحفه ::جيد::

اوعدك اسويها حرف حرف ;) <<< هذا لين سقت :ميت:

ويسلموووو على التحذير الخطيييييير :cool:

تحياتـــ a7la-fofo ـــــي

The Corazon

01-10-2007, 00:04

ههههههههههههه تحفة:::::
ممممممممم والله نصايحك مفيدة::::
أنا دايما أسرع وأحب سباق الشوارع::
يا أخي فجرتني ضحك في مقطع قلبك:::
حشى طيران ومش قلب::بس أنا عاذرك من
الخووووووووووووووووف:::
يللا باي

دايم شارع الدوران الي جمب بيتنا سباقات .. سارتن صفرا وسيارتن حمرا وسيارتن برتقاليه

لا يكون انت معهم ؟ :D

مشكوور على مرورك

كنت بحسب انهم حيضربروك :p

بس الحمد لله انها مرت على خير ^^

و أنا لما اسوق و اشوف اي حد ورايا أبعد على الجهة التانية احسن :rolleyes:

و مشكووور على الموضوع :)

انتي بنت :D يعني مهب مسوين لك شي

يمكن يلاحقونك عشان يعتذرون بعد ..

مشكوره على المرور

ههههههههههههههههههههههه

مشكووووورر

العفو

تعجبني يا الخواف ااااقصد يا القوي

يسلمووووووووووووووو خيوووووو ع القصه الخطيييييييييييره زيك

سلااااااااااااامووووووووووووووو

شفت القوه ؟ .. بغيت انزل امردغهم بس اشفقت على ابو نظارات شمسيه الي معهم ..

امردغهم = اوسعهم ضربا

مشكوور على مرورك

ههههههههههه

تستاهل مسوي لك فيها قوي وش تبي هاه

هع

بس الحمد لله عدت على خير

احس وانتي تقرين القصه تشجعينهم :mad:

مشكوره على مرورك

ههههههههههه..

مشكوووووور عالنصايح

العفو اختي :تدخين:

والحمدلله مرت على خير :نوم:

والنصااااائح تووووحفه ::جيد::

اوعدك اسويها حرف حرف ;) <<< هذا لين سقت :ميت:

ويسلموووو على التحذير الخطيييييير :cool:

تحياتـــ a7la-fofo ـــــي

بالمستقبل ان شاء الله لا تستعجلين..

يحدونك فرقة (ام علي) لاحياء الحفلات هم وونيتهم ويلاحقونك هن وبراقعهن..

مشكوريييييييييين على المرور

@ mimi @

01-10-2007, 00:14

انتي بنت :D يعني مهب مسوين لك شي
يمكن يلاحقونك عشان يعتذرون بعد ..

هههههههه هذا الي ناقص , لا خليهم بعيد احسن :p

مشكوره على المرور

العفوووو ^^

iA Z M

01-10-2007, 00:24

هههههههههههههههههه

مشكور على النصايح المفيده

تقبل مروري

M!$$.P!i!nk

01-10-2007, 00:31

احس وانتي تقرين القصه تشجعينهم :mad:

مشكوره على مرورك

هع هع اكيد

وخصوصا ابو جسم صغير وراس كبير

شجعته من كل قلبي

هع هع