تعرف الى شخصيتك من جهازك؟

[نملة كشخة]

سلاااااااااام عليكم ورحمة الله وبركاته ... ياقوم مكسااااتو ...

وعدت اليكم من جديد ... ترا ترا ,,,:confused:

هيه :eek: لا تسوون نفسكم ماتعرفوني ... تحسبوني ماأسمعكم ... ايه .. تقولون هي راحت عشان ترجع ...

ماعلينا ... ما احد يلوم الغيرانيين .... اعداء الشهرة

:confused::confused:


اليوم بأجيب لكم ملاحظة ... وهذي الملاحظة مالحظها احد غيري ... والحين انا ماشية على حقوق الاختراع لها ...


انااا لاحظت ان اجهزة الكمبيوتر مع الوقت تتطبع على طباع صاحبها ... كييييف ... قووولوو كييييف ...

ايه قلتو لي كيييف .. <<<< ماهي راضية تخلص الحرمة :o

انا اخذ دروس في الحاسب الالي .... ولكل طالبه لها جهازها الخاص اللي تاخذه معاها....

والان مع النماذج الي قابلتها و التي تثبت صحة نظريتي ...

هدى :
الشخصية :

هدى صاحبة شخصية عنيدة ، تقولها يمين تروح لك يسار .. اذا علمتها انو الحل الي معاك هو الصح .. توجع راسك بالتبريرات التي تؤكد نظرياتها الخاطئة ... ولو ثبت لها فيما بعد انها مخطئة .. فأنها تعقد يديها و تلف وجهها معرضة ... وتقول (( ايه نفس اللي كنت اقوله بس فاهميني غلط )) على قولة مفرح (( كانت على طرف لساني )):rolleyes:

الجهاز المصاحب للشخصية :
جهازها الله يعين الي يجلس عليه .... تحط اي معادلة ولا تفتح اي برنامج يجلس سنة لما يفتح .. تضغط حفظ وتعيد تفتح الملف تلقاه ما حفظ ولا شي (( معند )) .. هذا غير صوت النفخة (( اوووووووووووووووووووووووف ) ) الي يطلع لك كل دقيقتين ... مو عاجبه الكلام ... بعض الاحيان تكتب فيه المعادلة صحيحة ... لكن الجهاز مصر انها غلط ... خخخخخخ .... ويأنا يإنتي .... الين تجي المدرسة بلمسة زر يصلح كل شي ... (( كانت على طرف Enter))


مها :

الشخصية:

انسانة فرفوشة مرررة وحبوبة .... بس تلاحظ انو معاها شنطة كبيررررة لدرجة اني كل شوي اقولها (( مها ممكن تشيليني في شنطتك ...)) وماعندها مانع

وهي انسانة تحب يكون كل شي في متناول يدها ... مها عندك كريم يد .. ايه خذي ...مها عندك قلم فسفوري للتحديد ... ايه خذي ... مها عندك دفتر كشكول .. ايه خذي ... مها عندك مقص اظافر .. ايه خذي :eek: ... ذيك المرة تراهنا ... مها عندك مقص وابرة وخيط ... حزروا ... ايه خذي ...:eek:

بس كون الشي عندها شي ... و الاستخراج قصة ثانية ... لانو لازم تفضي طاولة عشان تطلع اللي تبي .. صارت شنطة علاء الدين السحرية ....

الجهاز المصاحب لها الشخصية :
اول شي صفحة البرامج عندها قائمة لا تنتهي من البرامج الى درجة انو الجهاز يعطيك رسالة انو البرامج على سطح المكتب ليست هي البرامج كلها :confused: لازم تستنى الاصدار الثاني.

ثاني شي سطح المكتب بحد ذاته حوسه كللللله اختصارات ماعاد تشوف الخلفية الي ورا من الزحمة ... المشكلة الاصعب عندما نبحث عن شي معين ... فمع هذي النوعية... حتى (قطو اوفييس ) الي قاعد ينبش عشان يبحث لنا على التقرير الي كتبناه سوا ..... قعد نص ساعة يشقق ويخرمش في سطح المكتب ويفتح الادراج الييين طلع الواجب ...


هيفاء :

الشخصية :
شخصية حذرررة جدا ... الكل متهم حتى تثبت ادانته .. و بداية كل سالفة عندها ... (( ايييييييه .. اكيد كان قصدها كذا ... ولا ماسوت كذا )) ... والافلام المرعبة اللي تسويها معانا شي ما احد يتكلم عنه ... غسيل مخ على كيف كيفك ...

تهمس علينا ... سويتو النشاط الي قالت عليه الاستاذة ... هااااا ؟؟؟ ماسويتوه .. ترا اكيد قصدها تسوي كذا عشان تحدد من ينجح ومين لا ...

وهمس ثاني ... قدمتوا الواجب اليوم .. هاااا؟ بتستنو الين اخر موعد ... يمكن يجي حل يطابق حلكم وينقال عليكم غشاشات ... اقول قوموا .. قوموا .. قدموه معاي ..

الجهاز المصاحب لهذي الشخصية :
كأنه يوم انتجه المصنع .... سطح مكتب فاااضي مافيه الا مزرعة اكس بي المشهورة .. و اختصارين لجهاز الكمبيوتر والمستندات ...

مستنداتها تحتوي مواضيع تدور حول (( كيف تحمي جهازك من الهاكرز ، اقضي على الفايروسات ، اقوي برامج مكافحة ..... الخ الخ الخ))

وإذا اعطيتها ديسك ... فلا بد ان تفحصه على جهازك اول قدام عينها ... واذا اعطتك هي ديسك ... لازم لازم توريها التقرير الصادر من نورتون انتي فايروس ان جهازك خالي من الفايروسات ... وبعد تعطيك من باب (( مكره اخاك لا بطل )) :رامبو:


وهناك الكثير الكثيير من الشخصياااات ... والاجهزة المصاحبة لهذي الشخصيات ... لكني اترك لكم الفرصة للتعبير عن غضبكم او طرائفكم او قصصكم أو وجهة نظركم تجاه الاجهزة ...


لكم مني أجمل تحية ...

[حبيبة كوربيكا]

ييي كل ها يصير من ورانا ... يااااي انا لازم اخبر اخوي ( ولا هو مهتم اصلا)

سبحان الله كمبيوترنا معاااااااااند لدرجه إنه ييلس ساعه لما يفتحلي الموقع ونفس كمبيوتر هدى
اكيد ترى شوق معانده عشان جي وانا اقوووووووول ( شبه بينهم )

بس اللابتوب واايد كول شراتي ( اكيد لانه مالي :لقافة: )

وتسلمي على هالموضوع <<< وييه نسيت يشرفني اني اكون اول من يرد عليج

[نملة كشخة]

اهلين حبيبة كورابيكا ... شرفتي الموضوع ...

اكيد لازم تمدحين جهازك عشانه يشوفك ... تخافين يزعل ههههه

لك مني اجمل تحية