PDA المساعد الشخصي الرقمي

عرض كامل الموضوع : ::: تخيل نفسك أصبحت فتاة!!! :::



اتكـاءة حـرف
23-12-2003, 10:26
http://a22g3.jeeran.com/title_slam_n.jpg
هذا أول موضوع لي في هذا القسم..
وأتمنى أن يعجبكم ^ــ^


تخيل نفسك أصبحت فتاة !!!
قامت إحدى الدول العربية يإجراء هذا السؤال على طلاب المدارس إختبارا لهم..
فحبيت أسوي هذا الإختبار لأعضاء مكسات وأشوف ردودهم ::جيد::


تخيل أيها الفتى أنك غدا ستصبح فتاة!!^ـ^
تخيل معي كيف سيكون وضعك؟؟!!!
هل ستتأقلم مع الموضوع؟!!
أم أنك لا تستطيع التخيل؟؟
أعرف إن الموضوع صعب لكن يجب أن تتخيل وتخبرني عن حالتك ^ــ^


وأنتي أختي الفتاة تخيلي نفسكي انكي غدا أصبحتي فتي!!
تخيلي معي كيف سيكون وضعكي؟؟!!!
هل ستتأقلمين مع الموضوع أم ماذا؟!!


::::::::::::::::::::::::::

أبدأ بنفسي حتى أسهل عليكم الموضوع:

أنا لو صرت ولد بيب الدشداشة السنعة والغترة والسيارة الكشخة
وأمشي فيها الأهل >> صدقت نفسها لوووووووول
ونسيت أهم شئ لازم أقص شعري مب صرت ولد ^ـــ^
بعدين طبعا كل يوم بسير المسيد الله كشخة أصلي جماعة ويا الإمام^ــ^..إلخ
يعني بالنسبة لي عادي راح أتأقلم مع الوضع^ــ^



ها وإنتوا شو رايكم؟؟؟؟؟؟؟؟؟؟؟؟؟
أبغي أشوف ردودكم وخيالاتكم ـ__^

أليسا
23-12-2003, 11:01
السلام عليكم و رحمه الله و بركاته


العزيزة .. + مذهلــة أنــا + ..

موضوع خيالي جميـــل ...
لو كنت ولدا لتغيرت أشياء كثيرة ..
أطلع و أدخل مثل ما أريد ..
كل يوم طلعات و رحلات مع الربع ..
سيارة آخر موديل ..
أشترك في رياضات كثيرة .. ممممم ممكن احترف الكورة و آخذ الحزام الأسود في الكاراتيه <=== يا واد يا رياضي إنت :p
مجالات الدراسة بتكون أوسع بالنسبة لي بما أني ولد .. أقدر أسافر برع بدون ما احتاج محرم

ممممم .. في أشياء وااااايد بس هذا الي في بالي الحين ..:)

أشكرك عزيزتي .. مذهله انا .. على المشاركة الخيالية ...



تحياتي
أليســا

l@in
23-12-2003, 11:18
شعري ماراح أقصه

السياره ماأدري أي نوع
وبصيع
باروح البحرين في مجمع الدانه و السيف

وباأونس نفسي وباصير
حررررررررررره

واحد من الشباب
23-12-2003, 18:38
صعب كثيييييييييييييير اني اتاقلم مع الوضع

بس على طوووووووووووووووووووووول

بحط فل ميك اب وسواااااااااااااالف مع رفيجاتي اللي بالتليفون طوووووول اليوم

وووووووووو مادري

بس اكيد ما باتأقلم مع الوضع

وشكرا على الموضوع

R e E n A
23-12-2003, 18:48
خخخخخخخخخخ
ياحليلك ياواحد فل مايك اب هاه طيب بجيك احطلك اياه لانو ماعندك خبره بهذا الشي ايه عايش طول عمرك ولد وش دراك خخخ
ايه صح ماراح اقدر اتاقلم بس بونس روحي اكيد بسوق اسرع سياره باخوف حي<<<شجاعه البنت

وووو اممم بلف الدنيا واسافر لكل مكان وووو امممممممممممم افحط بالشوارع <<<<ودي افحط صدق
واهرب من المدرسه ههههه

وووو اشاياء كثيره
بس هذا اللي قدرت افكر فيه
شكرا عالموضوع الرهيب يامذهله صدق انتي

ليدي أوسكار
23-12-2003, 20:47
ههههههههه ادعس تخيلوا اصحى من النوم الاقي نفسي ولد

والله انا دايما كنت اتمنى لو كنت ولد بس من يوم ماانولدت

مو من الحين وفجأة تغيير وانقلاب وتحول

عالعموم حطلع في الشارع وامشي واروح الاسواق

واركب سياره وافرمل وافحط

يسلمووو على موضوعك الحلو يامذهلتنا

سيبو ماسكو ليه
23-12-2003, 21:12
اما اسير بنت مشكله بعدين بسير مغروره ها مغروره

وكمان السيكل حقي مين بياخذه قصدي السياره

والبس عبايه واخوي غطي يابنت وقلك وهذا يسير وهذا مايسر

يع قرف من جد

البنات مو مااااااااااسه

تحياتي

اتكـاءة حـرف
24-12-2003, 08:56
ما شاء الله كل هذي الردود مرة وحدة^ـ^
عيل خلوني أعلق على ردودكم واحد واحد ـ_^


أليسا:


السلام عليكم و رحمه الله و بركاته..
العزيزة + مذهلــة أنــا +
موضوع خيالي جميـــل
وعليج السلام ورحمة الله وبركاته أختي أليسا نورتي موضوعي ـ_^
يسعدني أن الموضوع أعجبك أما بالنسبة أنه خيالي هو ليس خيالي 100%
فكثير من الناس إنقلبوا بين عشية وضحاها من جنس إلى جنس..المهم لسنا
في صدد النقاش عن مدى إمكانية تحققه ^ـ^


لو كنت ولدا لتغيرت أشياء كثيرة..أطلع و أدخل مثل ما أريد ..كل يوم طلعات و رحلات مع الربع .سيارة آخر موديل..أشترك في رياضات كثيرة .. ممممم ممكن احترف الكورة و آخذ الحزام الأسود في الكاراتيه <=== يا واد يا رياضي إنت :p مجالات الدراسة بتكون أوسع بالنسبة لي بما أني ولد .. أقدر أسافر برع بدون ما احتاج محرم ممممم .. في أشياء وااااايد بس هذا الي في بالي الحين
ما شاء الله على خيالج خصب وأنا أشهد ::جيد::
تعرفين أنا بعد خاطري أشترك في كل النوادي وما أخلي نادي إلا واشترك فيه لقافة :لعق:


أشكرك عزيزتي .. مذهله انا .. على المشاركةالخيالية ..تحياتي أليســا
أنا أشكرج على مشاركتج الرائعة^ـ^
وليس بمستحيل تحقق هذا الموضوع ..تحياتي لج ;)


::::::::::::::::::::

:l@in


شعري ماراح أقصه
إذا كان شعرج قصير فمافي داعي تقصيه ..وإذا كان طويا أعتقد إنه لازم تقصيه ـ_^



السياره ماأدري أي نوع وبصيع باروح البحرين في مجمع الدانه و السيف
وباأونس نفسي وباصيرحررررررررررره
له له من أولها الصياعة بعدنا ما استوينا أولاد لووول>> أتغشمر^ـ^
ما شاء الله على خيالج أختي لين الله يوفقج وتسلمين على المشاركة الحلوة منج ::جيد::

:::::::::::::::::

واحد من الشباب:


صعب كثيييييييييييييير اني اتاقلم مع الوضع بس على طوووووووووووووووووووووول بحط فل ميك اب
ما شاء الله عليك من أولها فل ميك أب ـ__^
وإذا تبى مساعدة من أختنا Nughty Rikku



وسواااااااااااااالف مع رفيجاتي اللي بالتليفون طوووووول اليوم
هههههههههه طول اليوم والفاتورة على مين لووووووول^ـ^



بس اكيد ما باتأقلم مع الوضع وشكرا على الموضوع
ماشاء الله مبين عليك بتتأقلم ::جيد::
شكرا لك على المرور والرد الطيب ^ـ^

اتكـاءة حـرف
24-12-2003, 08:59
:Nughty Rikku



خخخخخخخخخخ
ياحليلك ياواحد فل مايك اب هاه طيب بجيك احطلك اياه لانو ماعندك خبره بهذا الشي ايه عايش طول عمرك ولد وش دراك خخخ
ما شاء الله عليج من إلحين تعرضين خدماتج :D



ايه صح ماراح اقدر اتاقلم بس بونس روحي اكيد بسوق اسرع سياره باخوف حي<<<شجاعه البنت وووو اممم بلف الدنيا واسافر لكل مكان وووو امممممممممممم افحط بالشوارع <<<<ودي افحط صدق ..واهرب من المدرسه ههههه
صدق إنج شقية المنتدى كل هذا تبين تسوينه لووووووووووول ::جيد::



وووو اشاياء كثيره بس هذا اللي قدرت افكر فيه
ليش إنتي خليتي شئ لووووووووووول *ــــ*


شكرا عالموضوع الرهيب يامذهله صدق انتي
تسلمين لي والشكر لج على طلتج الحلوة ^ـ^

::::::::::::::::::::::::::::::::::::

ليدي أوسكار:


ههههههههه ادعس تخيلوا اصحى من النوم الاقي نفسي ولد
هههه أعتقد إن ها الشئ يخوف أكثر من إنه يضحك لوووووووووول ـ_^


والله انا دايما كنت اتمنى لو كنت ولد بس من يوم ماانولدت
مو من الحين وفجأة تغيير وانقلاب وتحول
هذي فرصة يتحول حلمج لحقيقة بعد ما كبرتي ـ__^



عالعموم حطلع في الشارع وامشي واروح الاسواق
واركب سياره وافرمل وافحط
واااااااااااو ما تخافين على عمرج &ــ&


يسلمووو على موضوعك الحلو يامذهلتنا
تسلمين لي إنتي على الرد الحلو منج قائدة أوسكار ::جيد::

:::::::::::::::::::::::::::::::::::

سيبو:


اما اسير بنت مشكله بعدين بسير مغروره ها مغروره
هههههههه ليش يعني كل البنات مغرورات ـ__^



وكمان السيكل حقي مين بياخذه قصدي السياره
لا تحمل همه عطني إياه لووووووووووول :ضحكة:




والبس عبايه واخوي غطي يابنت وقلك وهذا يسير وهذا مايسر
كعكعكعك أتخيلك بالعباية لوووووووول ::سخرية::




يع قرف من جد
البنات مو مااااااااااسه
شفت معاناتنا حنا البنات :بكاء:
بي هي مو قرافة لهناك يعني مثل مافي سلبيات
في إيجابيات ::جيد::

سيبو ماسكو ليه
24-12-2003, 15:55
ههههههههههههههههه

الله يعينكم

على ولا خلاص مابي ادخل في العميق

والله انا ابدعيلكم

اتكـاءة حـرف
24-12-2003, 20:44
هههههههههههه
تقصد الله يعينك يوم تستوي بنت لوووووووووول ـ__^

الحلوة@_@
25-12-2003, 07:20
اما اناا لو سرت ولد كنت سويت عجايب
اول شي الصبح بروح احوط عند مدارس البنات
وثاني شي بروح المول بقعد احوط وارقم
وما برجع البيت الا الساعه 3 الفجر ولا اكثر
وبنزل وبدخل على كيفي


مع تحياتي
الحلوة@_@
ام عيون

اتكـاءة حـرف
25-12-2003, 16:54
هههههههههههه يعني الشباب إلي يرقمون ما ينلامون..
تحياتي لج أختي الحلوة على مشاركتج الحلوة ^ـ^

kawther
30-12-2003, 17:46
انا اتمنى لو اني اكون ولد ...


صح كشخة ...


تفحيط بالسيارة ...اروح و اغبر جنب مدارس البنات..


و البس الجينز و ذيك الحركات ..


و ارجع البيت و اسمع محاظرة الوالد او الوالدة ...


وووووو .. بعد شنو بقى بعد...

يعني زي ماتقولون .. من شباب هالأيام ...


و الثوب مابلمسه ... و لا الشماغ ...



ميرسي عالموضوع مذهلة انتي

فجــ العزيز ــر
30-12-2003, 18:08
مذهلة أنا


والله اتوقع انه اهلي .. ابوي وامي ... يحمدوا ربهم

اني ولد .... وما طلعت بنت ...


علشان لو اني بنت .. كانوا هما بينتحروا .. على طول ..

على الشئ اللي اسويه انا وولد ..

خخخخخخخخخخخخخخخخخخخخخخخخخخخخخخخخ

فا لو كنت بنت كنت تماما ,.. حعتبر نفسي ولد ..

مافيه مشكلة ..

شكرا على الموضوع

أشواااااقي ... فجـــ العزيز ــــــر

اتكـاءة حـرف
31-12-2003, 06:58
كوثر:
حليلش أختي كوثر^ـ^ تبين تسمعين محاضرات
من البابا والماما..عيل زين غنج بنية ^ـ^

فجر عزيز:
لا لا ما يستوي لازم تتخيل نفسك بنت وتتكيف على هذا الأساس
لأن أبوك وأمك ما راح يخلونك تتصرف تصرف الأولاد ^ــ^

فجــ العزيز ــر
31-12-2003, 11:45
فجر عزيز:
لا لا ما يستوي لازم تتخيل نفسك بنت وتتكيف على هذا الأساس
لأن أبوك وأمك ما راح يخلونك تتصرف تصرف الأولاد ^ــ^




مو انا ليش اقولك ..... انه اهلي ممكن ينتحروااااااااااااااااااااااا


لانه مارح اديلهم فرصة ... انه يمسكوني .. اصلا .. :ضحكة: :ضحكة:


الله يعينهم من جد .. ::جيد::

اشوااااااااااقي..

فجـــــ العزيز ــــــــر

اتكـاءة حـرف
05-01-2004, 06:58
الحل الوحيد في مثل حالتك أخوي فجر إنهم يربطوك ههههه ^ـ^
أشكرك على مشاركتك وإبداء رأيك ^ــــ^

نوار
13-01-2004, 12:00
انا لوكنت ولد
اول شئ اقط الشيلة طبعا
ما يصير صبي متحجب
ثاني شئ باطلع مع ربعي الى وقت متاخر
يمكن للفجر
باروح المسجد باصلي جماعة
باشرد من المدرسة
باسافر اي مكان ابغيه مع ربعي

و بس
هذا اللي في بالي احين

sweet flower
14-01-2004, 11:33
يا سلام ع الموضوع :p
اول شي شكرا مذهله ^_^

اوكي اتخيل عمري
اول شي طبعا بكشخ ع الآآآخر
والعطر من فوق لتحت
ويلسه ويا الربع لين نص الليل
وبعسكر في المول بس ما برقم البنات ولا بلحق وراهم
بخليهم هم يلحقون وراي :ضحكة: >>>ويييه مصدقه عمرها الاخت :تعجب:
وطبعا بكون شيطان :ضحكة: >>>واضح... انتي بس تتخيلين وبتسوين كل هذا.. عيل لو صدق شو بتسوين؟ :تعجب:
والسياره والموبايل اخر موديل
والنت في غرفتي
وبين اسبوع والثاني انا مسافر
وطبعا بكمل دراستي في الخارج :ضحكة: >>>انزين الا هي احلام :تعجب: بلاج متحمسه؟ ::مغتاظ::
يعني باختصار بسوي كل شي اباه ^_^


بس للاسف ههههههههههههه :p

اتكـاءة حـرف
18-01-2004, 16:39
نوار:
تسلمين علاى مشاركتج وردج وإنتي أول عضوة تذكر الصلاة جماعة ^ـــ^
بس في تناقض يوم قلتي بشرد من المدرسة ـ__^

سويت فلور:
هلا فيج أختي الغالية ..ومثل ما قلتي
أحلى شئ إن الواحد يكشخ ويتعطر من فوق لتحت
والسيارة والموبايل-لا عادي الموبايل حنا عندنا بعد-
والسفريات أما النت فأنا أخالفج أفضل شئ ما يكون في الحجرة ^ــ^
وإن شاء الله تتحقق أحلامج ـ__^

الحلوة@_@
19-01-2004, 06:00
البنات حياتهم مثل
الملكات

Roxanne
02-08-2005, 19:09
حلوووووووووووووووو يسلموووووووووووو ع الموضوع ^_*

اول اشي رح اعمله

اتشيك واسير كشخة و اتعطر ويا هوووووووو اربعة وعشرين ساعة بره البيت

والمعاكسات بالهبل و ول ول ول

على الاشي اللي رح اعملها

كله عااااادي

والسيارة كشخة وكووووووووووووووول


واااااااااااو



بس ووووووووووووووع



وععععععععععع

ما بدي اكون ولد بنت رقيقة حلوة غنوجة احسن



تشاو

Yami-Marik
03-08-2005, 10:20
انا اذا صرت بنت

بخلي وحده من الشباب(واحد من الشباب)بما أنها تأقلمت تعلمني

هذا اذا ما انتحرت