# الشاطر #
24-08-2007, 20:30
بدون مقدمات !!
الموضوع عبارة عن مواقف مُحرجة حدثت لنا <== أكيد لنا مو لبيت الجيران !!
أنا راح اكتب كم موقف!! وأتمنى كل نفر يدرعم في الموضوع يكتب إلينا موقف مُحرج صار أله ( شخصياً )!!
((( السكسوكه )))
السالفة صارت قبل أسبوعين تقريباً !!
دوامي يبدأ الساعة 8 !!
أصحى من النوم الساعة 7 !!
بعض الأيام أجلس بدري 6:45 إذا كنت بحلق اللحية : <== كأني قلت قصة حياتي؟؟
عادتاً احلق اللحية على الزيرو!! واخلي الشنب والسكسوكه (أخففهم) !!
وطبعاً لازم العب بوجهي قبل لا أخففهم!! مرات اخفف الشنب واخلي السكسوكه!! مرات اخفف جوانب الشنب ( زي شارلي شابلن ) ومرات اخلي الشنب خط ويصير وجهي كأنه علامة ممنوع الدخول !!في النهاية اخفف الشخابيط إلي سويتها ويزول أثر الشخابيط !! ولا كأن شيء حدث !!
بينما انا العب في وجهي – اتوقع أغلب الشباب يسوو جذي - قمت وخففت الشنب والسكسوكه في نص وجهي اليمين !! وخليت النص اليسار من وجهي بدون تخفيف!!
وفجأة http://www.9ateef.com/vb/images/smilies/eek.gif !!!
وقفت ( أختربت) مكينة الحلاقة ووجهي نص ونص !!
حاولت اشغلها ماميش فايدة !!
والحل !!..
أكيد مافي حلاق فاتح من الصبح بدري !!
ومو منطقي أروح العمل نص وجهي مخفف الشنب والسكسوكه والنص الثاني كأني سواق باص http://www.9ateef.com/vb/images/smilies/smoke1.gif !!
فكرت أروح إلى واحد من الجيران علاقتي فيه قويه!! بس مو منطقي اطلب منه مكينة الحلاقة حقته !!
انتظرت إلى الساعة 9 ورحت الحلاق ألي جنب البيت !!
الهندي النحيس يقول أليي / بابا انتا خلي كذا بعدين كلو نفر فكر هزا موضه جديد http://www.9ateef.com/vb/images/smilies/tongue.gif !!
ومنها تووووووووووووبه (أعوبل) بروحي مرة ثانية !!
((( البوفيه المفتوح )))
قبل فترة كان عندنا دورة تدريبية تابع البنك في أحد الفنادق الرزة <== كشخونا : !!
كعادة البنوك العمل فيها مختلط رجال ونساء !!
فترة بريك الغذاء دخلونا البوفيه المفتوح عشان نتغدى( ننبطن ) !..
أشي مقبلات ، أشي محاشي ، أشي حلويات ، <== أول ما شفت الأكولات ذكرت غدا البيت عبارة عن صفريتين وحده فيها العيش والفانية لودام !!
دخلنا البوفيه!!
وكل واحد مسوي روحه مو عاطي الأكل أهمية http://www.9ateef.com/vb/images/smilies/selfish.gif !! <== والحقيقة كلهم جواعه بس مسويين روحهم أتيكيت !!
الشباب مسبلين العواين http://www.9ateef.com/vb/images/smilies/sad2.gif <== يعني عاطفيين وحساسيين !!
والبنات شاحطين روحهم http://www.9ateef.com/vb/images/smilies/selfish.gif <== يعني شخصيتهم قوية!!
المكان باااااارد ....!
وهاااااااااادئ ......!
وريحة العطورات( أتفوتخ )على كل فصل ...!
وأصوات الملاعق والشوك تتصافق برقة ونعومة <== ماكانهم ياكلوا بأياديهم العيش الأبيض والصافي المقلي !!
وكل شوي تسمع ضحكة رقيقة جذي=> ههه ههه ، والشباب عواينهم(اتلاقط) يبغوا يشوفوا هدامن إلي يضحك !!
الطاولة إلي كنت جالس عليها ما كان عليها ( ملح وفلفل ) !!
كان في أطباق من الطعام تحتاج شوية ملح وفلفل <== وش رايكم فيني وأنا أقول أطباق ؟؟
ناديت على القرسون عشان يجيب أليي ملح وفلفل <== يا بخت الوالدة فيك يا ماكس وأنت أتقول قرسون!!
ودار بيني وبين القرسون الحوار التالي /
أنا –وبصوت عالي- / اكسيوزمي (EXCUSME) <== مسوي روحي أتكيت حالي حال الجماعة
القرسون / أتفضل يافندم عاوز حاجه ؟؟
انا / جيب (( فلح وململ )) <== كنت أبغى أقول ملح وفلفل http://www.9ateef.com/vb/images/smilies/embarrest.gif
كل الموجودين ضحكوا !!
وأنا انكتمت وسكت لنهاية الغدى من الفشيلة !!
((( الشوربة بالخلطة السرية )))
قد اعذر من انذر !!
القصة رزييييلة وتلوع الجبد !!
بتقول ويييع لا تقرأ السالفة !!
واحد من الشباب بيتهم سافروا !!
صار البيت سمردحه سراحاً براحاً للشباب قلبوا البيت قهوة !!
مكيف!! وتلفزيون!! وأفلام DVD !! ومعسل !!وبلوت!! وهيصه وزمبليطه
وطبخ <== هنا مربط الفرس !!
الطبخ !!
الساعة 3:30 الفجر !!
الشباب دقهم الجوع في بدنهم !!
ودار الحوار التالي بين واحد من الشباب اسمه حسين وصاحب البيت :-
حسين / جوعان !!
صاحب البيت / الفلاجة ما فيها إلا جيك ماي !!
حسين / طيب والحل !؟؟!
صاحب البيت / روح المخزن يمكن أتشوف شي قابل للأكل !!
راح حسيسين المخزن يدور على شي ينكل !!
عيش ، ساقو ، سكر ، طحين ، ملح <== أشياء صعبة الطبخ وغير صالحة للأكل !!
شاف علبة شوربا ماركة (كويكر) !! أكيد تعرفوه العلب !!
كانت العلبة مفتوحة وبدون غطاء!!
حط ماي في صفرية وفرغ علبة لكويكر في الصفرية !!
بعد 15 دقيقة استوت الشوربا !!
الشباب إلي بالمجلس (طاب طابو) على ديك الصفرية !! الحضيض إلي ترس باديته بالشوربة <== من حاش حاش لمه http://www.9ateef.com/vb/images/smilies/tongue.gif !!
كانوا كلهم متفاجئين من طعم الشوربة اللذييييذ !!
لا سيما أن خوينا حط في الشوربة بهارات وحركات !!
الغريب إن في الشوربة حاجات سوداء صغيرة تسبح فيها!!
سألوا الطباخ (حسيسين ) !!
وشو هذي الأشياء السوده إلي حطيتها بالشوربة ؟؟ لومي عماني ؟؟
قال مادري أنا ماحطيت شي غير الشوربة والبهارات!!
دققوا الشباب في الأشياء السودة إلي في الشوربة واتضح أنها!!!!!
قاقاقاقممممم <== موسيقى زي أفلام الأكشن !!
أتضح أنها /
(.زهيوية. ) صغااار + بيض قراريص بعده ما يفقش !!!
الشباب شربو شوربة زهيوية . شرصه . قراريص <== بجميع اللهجات http://www.9ateef.com/vb/images/smilies/embarrest.gif
الصراحة وييييييييييييييييييييييييييييييييييييييييييييييع http://www.9ateef.com/vb/images/smilies/wow11.gif
المصيبة أنهم اكتشفوا السالفة بعد ما قضوا على الشوربة كلها تقريباً !!
الحمد لله أنا ما كنت من ضمن آكلين الحشرات http://www.9ateef.com/vb/images/smilies/nosweat.gif !!
الطريف في الموضوع واحد من( آكلين الحشرات )توه متزوج قبل شهر تقريباً !!
يوم زواجه كنت واقف جنبه ، ساسرته في أدونه وقلت اله / وش رايك أنخبر المدام بسالفة شوربة الشرصه http://www.9ateef.com/vb/images/smilies/wink.gif ؟؟
قال / لاااااااا http://www.9ateef.com/vb/images/smilies/eek.gif كلشي ولا الليلة إن وصلها الخبر ما.................. <== تشفير http://www.9ateef.com/vb/images/smilies/bleh.gif
أخوكم
الموضوع عبارة عن مواقف مُحرجة حدثت لنا <== أكيد لنا مو لبيت الجيران !!
أنا راح اكتب كم موقف!! وأتمنى كل نفر يدرعم في الموضوع يكتب إلينا موقف مُحرج صار أله ( شخصياً )!!
((( السكسوكه )))
السالفة صارت قبل أسبوعين تقريباً !!
دوامي يبدأ الساعة 8 !!
أصحى من النوم الساعة 7 !!
بعض الأيام أجلس بدري 6:45 إذا كنت بحلق اللحية : <== كأني قلت قصة حياتي؟؟
عادتاً احلق اللحية على الزيرو!! واخلي الشنب والسكسوكه (أخففهم) !!
وطبعاً لازم العب بوجهي قبل لا أخففهم!! مرات اخفف الشنب واخلي السكسوكه!! مرات اخفف جوانب الشنب ( زي شارلي شابلن ) ومرات اخلي الشنب خط ويصير وجهي كأنه علامة ممنوع الدخول !!في النهاية اخفف الشخابيط إلي سويتها ويزول أثر الشخابيط !! ولا كأن شيء حدث !!
بينما انا العب في وجهي – اتوقع أغلب الشباب يسوو جذي - قمت وخففت الشنب والسكسوكه في نص وجهي اليمين !! وخليت النص اليسار من وجهي بدون تخفيف!!
وفجأة http://www.9ateef.com/vb/images/smilies/eek.gif !!!
وقفت ( أختربت) مكينة الحلاقة ووجهي نص ونص !!
حاولت اشغلها ماميش فايدة !!
والحل !!..
أكيد مافي حلاق فاتح من الصبح بدري !!
ومو منطقي أروح العمل نص وجهي مخفف الشنب والسكسوكه والنص الثاني كأني سواق باص http://www.9ateef.com/vb/images/smilies/smoke1.gif !!
فكرت أروح إلى واحد من الجيران علاقتي فيه قويه!! بس مو منطقي اطلب منه مكينة الحلاقة حقته !!
انتظرت إلى الساعة 9 ورحت الحلاق ألي جنب البيت !!
الهندي النحيس يقول أليي / بابا انتا خلي كذا بعدين كلو نفر فكر هزا موضه جديد http://www.9ateef.com/vb/images/smilies/tongue.gif !!
ومنها تووووووووووووبه (أعوبل) بروحي مرة ثانية !!
((( البوفيه المفتوح )))
قبل فترة كان عندنا دورة تدريبية تابع البنك في أحد الفنادق الرزة <== كشخونا : !!
كعادة البنوك العمل فيها مختلط رجال ونساء !!
فترة بريك الغذاء دخلونا البوفيه المفتوح عشان نتغدى( ننبطن ) !..
أشي مقبلات ، أشي محاشي ، أشي حلويات ، <== أول ما شفت الأكولات ذكرت غدا البيت عبارة عن صفريتين وحده فيها العيش والفانية لودام !!
دخلنا البوفيه!!
وكل واحد مسوي روحه مو عاطي الأكل أهمية http://www.9ateef.com/vb/images/smilies/selfish.gif !! <== والحقيقة كلهم جواعه بس مسويين روحهم أتيكيت !!
الشباب مسبلين العواين http://www.9ateef.com/vb/images/smilies/sad2.gif <== يعني عاطفيين وحساسيين !!
والبنات شاحطين روحهم http://www.9ateef.com/vb/images/smilies/selfish.gif <== يعني شخصيتهم قوية!!
المكان باااااارد ....!
وهاااااااااادئ ......!
وريحة العطورات( أتفوتخ )على كل فصل ...!
وأصوات الملاعق والشوك تتصافق برقة ونعومة <== ماكانهم ياكلوا بأياديهم العيش الأبيض والصافي المقلي !!
وكل شوي تسمع ضحكة رقيقة جذي=> ههه ههه ، والشباب عواينهم(اتلاقط) يبغوا يشوفوا هدامن إلي يضحك !!
الطاولة إلي كنت جالس عليها ما كان عليها ( ملح وفلفل ) !!
كان في أطباق من الطعام تحتاج شوية ملح وفلفل <== وش رايكم فيني وأنا أقول أطباق ؟؟
ناديت على القرسون عشان يجيب أليي ملح وفلفل <== يا بخت الوالدة فيك يا ماكس وأنت أتقول قرسون!!
ودار بيني وبين القرسون الحوار التالي /
أنا –وبصوت عالي- / اكسيوزمي (EXCUSME) <== مسوي روحي أتكيت حالي حال الجماعة
القرسون / أتفضل يافندم عاوز حاجه ؟؟
انا / جيب (( فلح وململ )) <== كنت أبغى أقول ملح وفلفل http://www.9ateef.com/vb/images/smilies/embarrest.gif
كل الموجودين ضحكوا !!
وأنا انكتمت وسكت لنهاية الغدى من الفشيلة !!
((( الشوربة بالخلطة السرية )))
قد اعذر من انذر !!
القصة رزييييلة وتلوع الجبد !!
بتقول ويييع لا تقرأ السالفة !!
واحد من الشباب بيتهم سافروا !!
صار البيت سمردحه سراحاً براحاً للشباب قلبوا البيت قهوة !!
مكيف!! وتلفزيون!! وأفلام DVD !! ومعسل !!وبلوت!! وهيصه وزمبليطه
وطبخ <== هنا مربط الفرس !!
الطبخ !!
الساعة 3:30 الفجر !!
الشباب دقهم الجوع في بدنهم !!
ودار الحوار التالي بين واحد من الشباب اسمه حسين وصاحب البيت :-
حسين / جوعان !!
صاحب البيت / الفلاجة ما فيها إلا جيك ماي !!
حسين / طيب والحل !؟؟!
صاحب البيت / روح المخزن يمكن أتشوف شي قابل للأكل !!
راح حسيسين المخزن يدور على شي ينكل !!
عيش ، ساقو ، سكر ، طحين ، ملح <== أشياء صعبة الطبخ وغير صالحة للأكل !!
شاف علبة شوربا ماركة (كويكر) !! أكيد تعرفوه العلب !!
كانت العلبة مفتوحة وبدون غطاء!!
حط ماي في صفرية وفرغ علبة لكويكر في الصفرية !!
بعد 15 دقيقة استوت الشوربا !!
الشباب إلي بالمجلس (طاب طابو) على ديك الصفرية !! الحضيض إلي ترس باديته بالشوربة <== من حاش حاش لمه http://www.9ateef.com/vb/images/smilies/tongue.gif !!
كانوا كلهم متفاجئين من طعم الشوربة اللذييييذ !!
لا سيما أن خوينا حط في الشوربة بهارات وحركات !!
الغريب إن في الشوربة حاجات سوداء صغيرة تسبح فيها!!
سألوا الطباخ (حسيسين ) !!
وشو هذي الأشياء السوده إلي حطيتها بالشوربة ؟؟ لومي عماني ؟؟
قال مادري أنا ماحطيت شي غير الشوربة والبهارات!!
دققوا الشباب في الأشياء السودة إلي في الشوربة واتضح أنها!!!!!
قاقاقاقممممم <== موسيقى زي أفلام الأكشن !!
أتضح أنها /
(.زهيوية. ) صغااار + بيض قراريص بعده ما يفقش !!!
الشباب شربو شوربة زهيوية . شرصه . قراريص <== بجميع اللهجات http://www.9ateef.com/vb/images/smilies/embarrest.gif
الصراحة وييييييييييييييييييييييييييييييييييييييييييييييع http://www.9ateef.com/vb/images/smilies/wow11.gif
المصيبة أنهم اكتشفوا السالفة بعد ما قضوا على الشوربة كلها تقريباً !!
الحمد لله أنا ما كنت من ضمن آكلين الحشرات http://www.9ateef.com/vb/images/smilies/nosweat.gif !!
الطريف في الموضوع واحد من( آكلين الحشرات )توه متزوج قبل شهر تقريباً !!
يوم زواجه كنت واقف جنبه ، ساسرته في أدونه وقلت اله / وش رايك أنخبر المدام بسالفة شوربة الشرصه http://www.9ateef.com/vb/images/smilies/wink.gif ؟؟
قال / لاااااااا http://www.9ateef.com/vb/images/smilies/eek.gif كلشي ولا الليلة إن وصلها الخبر ما.................. <== تشفير http://www.9ateef.com/vb/images/smilies/bleh.gif
أخوكم