أول تقرير مانجا هاهاهاها لا تفوتكم قصة pretty face

[shin-2]

السلام عليكم
من زمان مانزلتلي موضوع في المنتدى علشان جذي فكرت أعرفكم على هذه المانجا الروعة لأن قصتها حلوة و متروسة أحداث كوميدية من أولها ليييييييييين آخرها و مارح تقدرون توقفون ضحك أولا راح احط القصة بعدين تتدرج الشخصيات و لا تحبطوني و ردوا عالموضوع .

القصة :راندوه ولد مشاغب و كان معجب ببنت معاه بالمدرسة بس يستحي منها و بيوم كان راجع البيت من بطولة الكاراتيه إللي فاز فيها بالمركز الاول ركب الباص وودع ربعه و راحوا بيوتهم بقى إهو و جم شخص بالباص و مرة وحدة إتيي سيارة طايرة و تدعم الباص و ينفجر!!!!!!!!!!!!!!!!!!!!!
يفتح راندوه عينه حتى يكتشف إنه بمستشفى و جدامه طبيب و الطبيب كان منصدم لمن شافه يقوم و قاله :
(( أخيرا قمت من الغيبوبة ما توقعتك راح تقوم منها ))
إكتشف راندوه إنه بمستشفى الدكتور مانابي الطبيب إللي إهتم فيه طول ما كان بغيبوبه لمدة سنة و بسرعة طلب من الدكتور منظره حتى يشوف شكله و هني راندوه إنصدم !!! بدال الويه إللي كان يرعب الطلاب و ينحشهم كان ويه بنت !!!!! و أي بنت البنت إللي كان معجب فيها وبدال شعره السبايكي الأسود كان شعر طويل أشقر مع هذه الصدمة كان الدكتور في زاوية الصفحة يتفاخر بإبداعه بويه راندوه و شلون إنه قدر يسويه جذي لمن إستلم بوكس محترم من راندوه إللي مو قادر يصدق إللي يصير له و سئل الدكتور شلون إعتقد إن هذا يمكن يكون ويهه و سواه جذي؟؟؟؟ طلعله الدكتور صورة كانت مع راندوه يوم الحادث( كانت الصورة السرية إللي محتفظ فيها صورة البنت إللي معجب فيها) و طلب من الدكتور ( بصراخ و تهديد طبعا ) يرجع له الويه القديم هني وراه الدكتور شكله لمن وصل العيادة كان ويه راندوه محترق لدرجة إنه مافيه تفاصيل و يخرع سئل الدكتور عن مكان اهله فقاله إن أهل راندوه أخذوا جثة محترقة و قالوا إنها جثة ولدهم ( آخر زمن أهل مايعرفون شكل ولدهم ) بس راندوه قام و ركض حق الباب حتى يروح يبشر أهله إنه ما مات إهني وقفه الدكتور مانابي !!!! لأنه راندوه كان مو لابس و لاشي و بيطلع حق الشارع بعد !!! و هني بطل الدكتور مانابي الخزانه إللي عنده و إللي كلها ملابس بنات و قام يقول حق راندوه نوع الملابس إللي تليق فيه و هني أخذ الدكتور بوكس ثاني و راندوه ركض مثل الصاروخ حق بيتهم لمن إكتشف شي و إهو إن أهله باعوا البيت و إنتقلوا و قام يبجي و مره وحده شاف البنت إللي يحبها و ماعرف شيسوي مرة وحدة قامت حضنته و تناديه بإختها الكبيرة و شنو صار بعدين ؟؟؟؟؟؟؟؟ لازم تشوفونها بروحكم ترى تخترب عليكم.

الشخصيات الأساسية


http://www.tahmeel.com/up/05/1068650264.bmp


راندوه : عمره 18 سنة و طالب ثنوية مشاغب و عنده سوابق مع الشرطه معروف بالمرعب بين الناس و إهو رئيس نادي الكاراتيه و الطلاب إللي يدربهم ماكلين طق اليهد منه بس هم إهو إنسان حساس و حب بنت معاه بالثنوية و يستحي منها (مو راكب عليه الحياء ) و بعد ما إنفجر الباص إللي كان فيه و أثناء الغيبوبة غير الدكتور مانابي شكله من صبي إلى ولد (ملاحظه بس و يهه) و إنصدم بأن أهله إنتقلوا و ما بقاله احد إلى أن صارت له نقطة تحول في حياته لمن رينا البنت إللي حباها بالغلط تعتقد إن راندوه إختها التوأم إللي إنحاشت من البيت قبل سنتين و يحاول راندوه إنه ياخذ مكان إختها علما يلقاها و يجمع فلوس عملية الجراحة البلاستيكية حتى يرجعله
ويهه القديم و لازم طبعا يقضي الأيام هذه يتصرف و يتحرك و يتكلم مثل البنات حتى لا ينكشف سره الخطير.


http://www.tahmeel.com/up/05/1068650759.jpg
رينا : رينا عمرها 17 أو يمكن 16 سنة و مع راندوه في نفس الثنويه و إهي أخت يونا التوأم إللي إنحاشت من البيت تحاول تعرف سبب نحشت إختها من البيت و إهي بنفس الوقت تحب أختها حب ماينوصف و بالسر كانت تحب راندوه إلى أن سمعت بخبر وفاته و لكنها للحين وفية حقه و ماحبت غيره ( مسكينة ماتدري إنه للحين عايش لا و عايش وياها بعد ) تفرح رينا لمن تشوف أختها و إهي منصدمه من شلون تغيرت و تحاول بكل الطرق إنها ترضي أختها و تموت من البجي لمن ماتلقاها .

http://www.tahmeel.com/up/05/1068650985.jpg
يونا : و إهي أخت رينا التوأم بس إهي الأكبر و هي الشخصية المجهوله في القصة يونا كانت تحلم دايما إنها تكون مصففة شعر بصالون، و محد يدري وين راحت بس هذه مهمة راندوه إللي راح يلحقها حتى يوصل لها .الشخصيات الباقية حسب ظهورها

http://www.tahmeel.com/up/05/1068651232.jpg
مانابي جون : الدكتور المجنون صاحب الفكرة الغبية إنه يعطي راندوه ويه بنت هذه الدكتور المنحرف عقليا هو سبب مصايب و عذاب راندوه اليومي مع إن راندوه ما ينكر فضله لأنه أنقذه و رقع ويه بس مارح ينسى هذه الفعلة الشنيعة المهم مانابي دكتور جراحة عنده عيادة خاصة و هناك يعالج راندوه لا تغركم عيادته مافيها مرضى غير راندوه و لا حتى ممرضات بس الدكتور يحاول دايما يساعد راندوه في كل مشاكله و خصوصا في البحث عن يونا و نلقاه في أغلب الأجزاء مكفوخ و مطقوق من قبل راندوه.يتبع في الرد القادم

[shin-2]

أسفة على التأخير في وضع تكملة الموضوع لأن الجزء الأول منه تعرض للمشاكل :بكاء: أتمنى تسامحوني و ألحين أكمل :
http://www.tahmeel.com/up/05/1068919635.jpg
http://www.tahmeel.com/up/05/1068919922.jpg
الأم و الأب :
مالهم دور وايد بس يقعدون يناقشون نحشت يونا من البيت معاها ( يعني مع راندوه ) و يحاولون يفهمون تصرفاتها اليديدة .

http://www.tahmeel.com/up/05/1068920086.jpg
يوكي:
هذه كانت من رفيجات يونا القدم لمن تشوفونها تحسون شلون إهي لطيفة و حساسة بس لا تغركم المظاهر لأنها لمن تعصب(تصير :رامبو: ) على أتفه الأسباب تكسر راس إللي يمها و تفقد إحساسها و للاسف لمن تفقد أعصابها مافي احد غير راندوه يكون واقف يمها ( واه حزني عليك يا راندوه )

http://www.tahmeel.com/up/05/1068920425.jpg
ميدوري :
أكبر مغازلجيه ;) في المجموعة همها في الحياة إن الصبيان يعجبون فيها و و دايما تعاير يونا ( راندوه ) بإنها تشبه الصبيان.

http://www.tahmeel.com/up/05/1068920507.jpg
كيكو :
تحب أفلام الديناصورات و في سرداب بيتهم مليون حيوان محنط و عندها سنجاب ذكر ( نصيحتي تشوفون القصة أحسن ما اقدر أشرح عنه ) و كانت من اصدقاء يونا القدم و تلعب في نادي كرة الطائرة .

http://www.tahmeel.com/up/05/1068920609.jpg
الأغبياء الثلاثة :
هذيل نفسهم جماعة راندوه و ربعه أيام كان عايش ( ذبحت الصبي :ميت: ) و كانوا طلاب عنده في نادي الكاراتيه و كانوا يتظاهرون إنهم يعزونه و يقدرونه و إهم من داخل ودهم ينتفونه بس إهو كان وايد قوي و لمن شافوا يونا لأول مرة ( راندوه ) أعجبوا بشكلها بس لمن كفختهم يونا أعجبوا بعد بقوتها و حاولوا المستحيل يدخلونها تشترك معاهم في نادي الكاراتيه و يسوون اي شي علشان يونا ( راندوه ) و يخافونها خوف بس مو مثل راندوه هذاك كان إرهابي :تدخين: و هم دايما يحوطونها لمن تدخل المدرسة حتى لحد يقرب صوبها و تعاقبوا مليون مرة عشانها ( راندوه عرف يستغل ويه البنت إللي عليه )

http://www.tahmeel.com/up/05/1068920903.jpg
كوبوياكاوا :
مدرس الرياضيات المثالي في المدرسة من حيث الشكل و المظهر و الشعر العجيب ::جيد:: و معروف عند أغلب الناس بأكبر مغازلجي و يموت على البنات :ضحكة: و يكره راندوه كره العمى و يكره حتى أحد يذكر إسمه و صادف و إلتقى يونا ( راندوه ) وراندوه بما أنه يعرف حب الإستاذ للبنات قعد نص ساعة يمسح فيه يعني أنا احبك يا أستاذ و أنا بنت حلوة و ما أعرف راندوه و من ورا هالسالفة تبدي العداوة بين يونا ( راندوه ) و الإستاذ .

http://www.tahmeel.com/up/05/1068921091.jpg
ميوا :
بنت عم يونا و رينا تفاجأ راندوه إنه بطل عينه و شافها بفراشه ( الله يعينك يا راندوه ) بعدين عرف إنها كانت دايما تشارك يونا بفراشها و ميوا كانت أعز صديقات يونا و تعرف عنها أكثر من أمها و أبوها و تشك براندوه من أول ما تدخل البيت و دايما تحاول تمسك عليه شي حتى مرة دشت عليه بالحمام بس إهو سمع صوتها جان يلبس ملابسه و ينط من الدريشه و تتجسس عليه ليل نهار و إهي محبوبة بين الطلاب و سبب ثاني لعذاب راندوه .

http://www.tahmeel.com/up/05/1068921202.jpg
ميكي :
المسؤول عن مجلس الطلاب إللي مشتركه فيه رينا و كل الطالبات يتمنون يصيرون صديقاته :cool: و الصراحة وايد مغرور بالاول لمن راندوه سمع إشاعات البنات حواليه ( يا كثر إشاعات البنات ) إن راح يصير رفيج رينا إنفجرت فيوزات راندوه و راح له وووووولازم تشوفون القصة تعرفون شصار فيه اهم شي عندنا إنه بالأخير بطل عن رينا و اعجب بيونا .

http://www.tahmeel.com/up/05/1068921257.jpg
يئيدا :
بنت يموتون عليها صبيان المدرسة كلهم و يتمنون يصيرون رفجانها قررت ترك الصبيان و قررت تحب البنات !!!!! و أكيد إستنتجتوا حبت منو أكيد يونا ( راندوه المسكين ) مثل الذباب حوالي العسل تلحقه وين مايروح تبي تروح وياه و تهدد كل إللي يفكرون يقربون :قاطع: صوبه خصوصا الأغبياء الثلاثة و تلعب في نادي التكاواندو للبنات إللي تمتلكه عائلتها .

http://www.tahmeel.com/up/05/1068921374.jpg
يوريكو :
رئيسة مجلس الطلبة في مدرستها الثانوية تلتقي بيونا ( راندوه ) في يوم المسابقات الرياضية لمن يبدا التنافس في جميع أنواع الرياضه بينهم و تحاول يونا ( راندوه ) الفوز بالكاس علشان خاطر رينا و لأن مدرستهم بحياتها ما فازت بهالمسابقة و لا زم يتخطون يوريكو للفوز بالكأس :مكر: .

http://www.tahmeel.com/up/05/1068921489.jpg
كوهاياشي :
عجوز آخر منحرف :صيني: يحب الحريم :ضحكة: :ضحكة: و الأسوأ إنه يشتغل في معبد و هذه المعبد هو الموقع إللي يتدربون فيه أعضاء نادي الكراتيه كل سنة و بما أن الأغبياء الثلاثة رايحين هناك أكيد لازم يسحبون معاهم أحد و هذا الشخص لازم يتنافس مع كوهاياشي و يفوز عليه و إلا إضطروا يرجعون للمدرسة بدون تدريب أو يخلون ميوا تشتغل عنده و تهتم فيه :واجم: .

http://www.tahmeel.com/up/05/1068921548.jpg
جيناي :
:لقافة: هذا المخترع العبقري هو صديق مانابي الدكتور و دايما يعطيه إختراعاته إللي في الأخير يستفيد راندوه منها في حياته اليومية و في تغطية سره المشكلة فيه إنه ما يحس بالبشر حتى لو حرقهم بماي يغلي و لا خلاهم يركضون 20 الف كيلومتر لمن تقرون القصة بتفهمون .

http://www.tahmeel.com/up/05/1068921760.jpg
أغبياء ثلاثة ثانيين ؟ :confused: :
هذه المجموعة البائسة تلتقي فيها يونا ( راندوه ) في طريج البحث عن يونا لهم دور فعال في مساعدتها خصوصا بعد ما إنطقوا على إيدها و كما هو متوقع طلعوا من طلاب نادي الكراتيه و أعجبوا بيونا و قوتها( كالمعتاد ;) ) .

http://www.tahmeel.com/up/05/1068921936.jpg
يوشيدا :
لمن يشوف رينا اول مرة حسباله إختها يونا و يساعدها بس العصابة :تدخين: إللي كان يشتغل فيها ماتخليه و يقبضون عليه و تاتي يونا ( راندوه ) حتى تنقذه :رامبو: و يكتشف راندوه إن هالولد كان له علاقة مع يونا في الماضي و إهو يعرفها و يحاول يعرف منه .

http://www.tahmeel.com/up/05/1068922088.jpg
هاجا :
رئيس العصابة إللي كان يشتغل فيها يوشيدا و كان إسمها الكرمسونز هاجا كان قاعد يتفاخر بإللي سواه في يوشيدا لمن وصلت الإمدادات :مكر: وتمت عملية الإنقاذ و كفخه راندوه .

http://www.tahmeel.com/up/05/1068922203.jpg
ماياكو :
دورها أقصر دور بالقصة و إهي أم يوشيدا و إللي كانت تعتني بيونا في الفترة إللي كانت موجوده فيها عندهم بس دورها خلص .


و هني راح أكتب رأي أنا في القصة :
أولا أعتقد إن القصة حلوة و قريبة للواقع يعني لأن عملية التجميل البلاستيكية ممكن تغير الويه و بعد الرسومات روعة أحب هالنوع من الرسم بسيط بس دقيق و القصة تحط كل شي ممكن يصادف بالحياة اليومية أحلى شخصية عندي هي راندوه ::سعادة:: قبل لايتغير ويهه و يصير ويه بنات و طباعه قبل لمن كان كله يتهاوش و يكفخ و يهدد بس عليه حركات و إهو بنت هاهاهاها المهم كتبوا رايكم إنتوا بعد في القصة و الشخصيات ::جيد::

معلومات عن القصة :
القصة إلى ألحين صارت 33 شابتر و مستمرة للحين ماصارت أنمي و هذه السلسة أعتقد إن الرسام هو ( كانو ياسوهايرو ) هذه المانجا لسن من 18 إلى فوق بسبب اللهجة القوية و بعض الكلام إللي مايناسب الصغارو هذه النوع من القصص تناسب البنات أكثر من الصبيان و إنشاءالله كل ما تطلع شخصية جديدة راح أضيفها للموضوع.

إضافات :
جم صفحة من المانجا حتى تستمتعون فيهم و تشوفون البداية و إللي يبي المانجا و تنطبق عليه الشروط إللي فوق يدزلي رسالة خاصة و انا أبعث له الموقع.

و في النهاية :
أسفة بخصوص حجم الصور مالقيت مواقع حاطه صورهم صغيرة فاضطريت انسخهم من المانجا عندي ( وااااااااي ياكثر ما اقرق و أكتب :p أتمنى في احد تحمل كل هالقرقه ) و ألحين خلص الموضوع ^^ إنشاء الله عجبكم و اتمنى أشوف ردود و قبل لا احط الصفحات أشكر المراقب كونان العرب على تعديل الموضوع ::جيد:: و أشكر كل من إقترح و ساهم في موقع تحميل الصور إستفدت منه وايد و مشكورين ::سعادة:: .
















الصفحات كلها بالإنجليزي .

[Pichu]

مشكوره اختي شنتو على المانجا

بس اللي مستغرب منه من متى صار مدرس الرياضيات حلو جذي ( كوبوياكاوا)^_^

شرح رائع -ويموت من الضحك- وفكره حلوة انج تكتبين عن مانجا

المانجا وايد حلو وانا شفت الصفحات ويعطيج العافيه على الموضوع الرائع ^.~

تحياتي

[Angel on Earth]

مرحباً shin-2

أشتقنا لك ولمشاركاتكِ
و شكراً على تقديم المانقا .... الحقيقة لم أسمع بها من قبل لذا شكراً لكِ على تعريفي بها
و أشكركِ على أسلوبكِ الشيق والممتع ... أعجبني جداً
و أود متابعة الأحداث فمن فضلكِ أبعثي لي روابط المانقا ...
و ألف شكر لكِ shin-2

[shin-2]

CeLeBi أشكرك على الرد في الموضوع وييي فشلتني >>>>> مو مصدقة أحد مادحها
العفو و إنشاءالله يكون صج عجبك أنا كان في ودي من زمان اكتب تقرير عن مانجاو طاح إختياري على هذه المانجا و إنشاءالله عجبوك الصفحات
Angel on Earth
أشكرك أخوي أينجل على الرد في الموضوع
إشتقنا لك و لمشاركتك >>>>>>>>>>>>>>> ويييييي ماشاءالله عليك للحين تتذكر إني كنت أشارك
و أنا آسفة لأني قصرت بحق المنتدى و من زمان ماشاركت و لا تابعت اخباركم>>>> قلبتي الموضوع سوالف بسج
المهم أنا بعثت الروابط و إنشاءالله تعجبك
بس ماأدري ليش الموضوع موجود في ميجا تون لأن هذه مانجا المفروض في مانجا تون ؟ مو مهم المهم تستمتعون بالتقرير

[tama]

السلام عليكم
مشكورة اختي ليمونة عالموضوع واااااااااااااااايد حلو ::جيد:: وان شاء ما توقفين عن هالمجهود الطيب

[PureAura]

مرحبا

مشكووورة اختي العزيزة على التقرير الرائع ..الله يعطيج ألف عافية على الجهود....

القصة روعه ..عجبتني وااايد...أحب هذي الأنواع من القصص الغريبة ki ki ki ^-^

وفي خاطري اقراء بقية القصة .......@-@

في موقع لتحميل الشابترات أبغي احمل باقي الأجزاء ... :D


ومشكوورة مرة ثاانية وتسلمين على المشاااركة الحلوة ... ::جيد::


بالتوفيق ;)

[love & peace 2]

تشكرات إختي شن تو على الموضوع
وعلى العموم آنا أعرف هذه المانجا ( الفضل يعودلوحدة من قريباتي )
بس هم شكرا والله يعطيج ألف عافية ::سعادة::

[shin-2]

:D وعليكم السلاااااااااااااام شلونج تاما شخبارج شمسويه الحمدالله عجبج الموضوع و أنا بالمنتدى إسمي shin-2 مو ليمونه

MIZUKI
اهلا ياهلا بالغالية و إنتي مشاركتج أحلا و أحلا بعد الحمدالله إن الموضوع عجبج و طلعتي تحبين هالنوع من القصص المهم أنا بعثت لج الروابط إنشاءالله وصلوا بالسلامة و تزورينا دايما ( هذه الجملة بس جذي يت في بالي فكتبتها )


مين ؟؟؟ love & peace 2 عندنا يا أهلا و سهلا و مرحبا
ويييييييييي فضيحة طلعتي تعرفين القصة :p بس انا متأكدة إنج مو جايفتها كلها :D المهم إذا جذي تعرفينها ممكن إذا لقيتي غلط في التقرير تدليني عليه ؟
و بعدين تعالي إنتي إيرانية و انا ماادري ؟ كشفتج نياهاها تقولين تشكرات :نظارة:

[GueSs?whO]

قهر ماطلعت ولا صورة

تحياتى

شكرا

[shin-2]

؟؟؟؟؟؟؟ ماطلعت ولا صورة ::مغتاظ::
ولا حتى حقي انا أعتقد هذه مشكلة بموقع التحميل لاني كل ما أدخل يكتبولي الصفحة غلط خلاص أنا راح اروح منتدى المشاكل و الإقتراحات و اشوف السالفة :مذنب:
و مشكورة يا اخت guss who على التنبيه ::جيد::

[Takyto]

والله حسافه قريت الموضووع جذيه من دون أشوف الشخصيات ولا شي
A loss a hope that I see the pictures
Anyway Thank you Shin-2-Sama

[shin-2]

العفو يا Takyto
الله صورتك الشخصية تهبل هذا هسوكا صح ؟؟
إللي عنده حل حق الصور يقولي إذا تبوني أحملهم مرة ثانية أو أحطهم بملف أو أي طريقة ثانية أنا أتقبل إقتراحاتكم بس مو بالموضوع رجاءا

[الكتكوت]

مشكوورر يا ليمونة موضووعك حلووو يا غالية ولك تحياتي الكتكوت

[shin-2]

هلا بالكتكوت إللي للحين ما صار دياية و قلنالكم إسمي shin-2 مو ليمونه فضحتونا المهم الموضوع عجبك و أتمنى أحد يرد على الإقتراح إللي فوق اوكي

[الكتكوت]

أهللين يا shin-2 لا لسة ما صرت دجاجة يا ليمونة و بعدين انا ما شفت أقترراح مكتوووب فوووق يا ليموونة وووووووووووووشكر

[mhm73]

السلام عليكم

انا اول مره اكتب في المنتدى :مرتبك:

اختي shin-2 شفت موضوعك واعجبني كثير

بس حسافه ما ظهرت الصور لي :بكاء:

المهم وين لقيتي هذا الشريط وين لقيتيه

واتمنى انك تفيديني

mhm73

[الروح الغريبة]

مشكورة

[shin-2]

بالترتيب :
كتكوت بس فضحتنا و قلبت موضوعي جات ليمونه تفاحة بطيخه خلاص كيفك و العفو مرة ثانية

mhm73
أهلا أختي و يشرفني يكون موضوعي اول موضوع تردين فيه و الأحين لازم ارحب فيج بمكسات أهلا و سهلا و مرحبا و إنشاءالله تفيدين و تستفيدين

kilua
العفو

راح اعيد الإقتراح مرة ثانية حق إللي مالهم خلق يصعدون فوق و يشوفونه إني احط الصور بملف و انزله أو أحط الصور في رد بروحه و إللي عنده إقتراح غير جذي الله لا يهينه خل يحطه و إهو المستفيد

[l@in]

موضوع رائع جدا والقصه الفتت أنتباهي جدا جدا

صراحه روعه بس الي أغمه عليه سنه
زي مسلسل مو متأكده من أسمه (ذا ديد أوف زون ...مو متأكده)


والشخصيات حلوه مره بس القصه ما طلعت معاي


وشكرا

[whatever!!]

انا طلبته من موقع ياباني على النت لأن القصه عجبتني في الموقع
توقعت انه كوميدي حلو و Cross Dressing
بس للأ سف طلع مو بجوده
Hanazakari No Kimitachie
For You In Full Blossom
والمشكله انه موب جزء واحد اللي طلبته
الى خمسه طلبت
المهم في صور كثيرة معيبة (تفشل) مرة
وأستغربت ان الموضوع هنا
على العموم شكرا لشرح الشخصيات

[shin-2]

أهلا يا l@in

أشكرك على مرورج بالموضوع و الحمدالله عجبتج القصة ;)
و هي الصراحة الكل قاعد يقولي ان أشياء من هالقصة مقتبسة بس أعتقد إنها مصادفة المهم انا اسفة على سالفة الصور لاني ما اقدر اعدل الرد :محبط: و أحطهم مرة ثانية لذلك للأسف ما اقدر اعرضهم و اتمنى إللي يدخلون في الموضوع يقرون هالشي لأني من صج حملت الصور و بعدين موقع التحميل صار فيه شي و ما قامت تطلع و أسفة على الإزعاج :محبط:

إلى whatever!!

طلبته من موقع ياباني ؟ طلبته بالياباني قصدك ؟ ماشاءالله تعرف تقرا ياباني ياليت أتعلم :بكاء:
المهم
القصة صج كوميدية إنت متأكد إنك ما ضحكت ولا شوي حتى ؟؟؟ أنا إنفجرت من الضحك
أنا أوافق معاك إنها مو بجودة هاناكيمي لأن هذيك القصة اسطورة ::جيد:: و ما تتكرر
في صور تفشل لأن القصة لسن 18 و فوق مثل ما ذكرت و إنها مفضلة اكثر من قبل البنات مو الصبيان و إللي اصغر من هالسن لازم ما يقراها علشان جذي قلت إللي يبي الأجزاء يدزلي رسالة خاصة و ما حطيت الموقع
ليش استغربت القصة موجودة هني حتى لو كانت القصة صج تفشل مثل ما تقول هذا ماله شغل بمانجا تون أهم شي هو تعريف الأعضاء بالقصص حتى ياخذون عنها فكرة
و العفو أخوي \ إختي لأن الصراحة مو مبين بنت ولا ولد

[-~PiNk DrEaM~-]

ماطلعت ولا صورة معاي يا(.......................)
:بكاء:
http://www.ta7meel.com/up/35/1088483002.jpg

[YoH]

مشكوره اختي شنتو على المانجا

بس اللي مستغرب منه من متى صار مدرس الرياضيات حلو جذي ( كوبوياكاوا)^_^

شرح رائع -ويموت من الضحك- وفكره حلوة انج تكتبين عن مانجا

المانجا وايد حلو وانا شفت الصفحات ويعطيج العافيه على الموضوع الرائع ^.~

تحياتي

[* العبقــري *]

shin-2

يعطيــج العــافيــة ..

عالتقــريــر .. الشيــق .


تحياتي .

[RoYaL.StyLe]

تم قفل الموضوع لتأخذ المواضيع الجديده حقها في الردود