الـوحداني
04-08-2007, 11:07
السلام عليكم..
أنا اليوم جايب لكم قصة واقعية تموّت من الضحك.........:cool:
.................................................. ............
هذا واحد توه معرس وخلصت الزفة والأمور اللي في القصر.. أخينا في الله شغل (يعني أخذ) حرمته وركبوا في السيارة.. ودعس للقصيم يعني أهل العروسة بالرياض وهو ساكن بالقصيم.
والبنية تستحي ومبرطمة طول الطريق.. والرجال ما غير يسولف ويهذر والبنية سااااكتة.. ما حولك أحد.. والرجال يئس من البنت إنها تتكلم.. وقال يا ولد ما وراها هذرة أشغل الشريط وامسك الخط.
وفي الوقت نفسه كانت البنت حسرانة و متوهقة إنها بس تتكلم عشان تقوله أبي الحمام الله يكرمكم.
عاد هي طمرت إلى المرتبة اللي ورا عشان تنسدح ويخف عليها الوجع.. الين يوصلون محطة, المهم الرجال ما وعى إلا هذيك المحطة ويصفط عندها وينزل عند البقالة ويأخذ له كيس فصفص وكم ببسي حق الطريق, البنت على نزلة زوجها إلا وتقز هذيك الحمامات حقت الحريم اللي عند المسجد اللي جنب البقالة قالت يا بنت بيمد يني أطمر وأخلص وارجع قبل لا يرجع هو من البقالة.. المهم المسكينة راحت وأخذت وقتها.. أخينا في هذا الوقت قد رجع للسيارة وعلى باله مرتة في المرتبة اللي ورا وخبركم بايه سودا وآخر الليل ما انتبه إنها مهيب بالسيارة وهو شغل ودعسسس البنية المسكينة طلعت وهي مرتاااااااحة ونقص من وزنها كم كيلوووو وتناظر يا بنت وين السيارة.. وتتلفت ما تشوف إلا الهنود حقين المحطة وأبو يمن حق البقالة عاد تخيلوا الصدمة يوم عرفت إن زوجها دق سلف ومشى والبنت المسكينة حتى في نفسها مهيب راضية تصدق إنه مشى.. جالسة تتأمل يمكن راح منا ولامنا وبيرجع.. شوي ما وعت إلا ذاك الجمس اللي مقبل يوم وقفوا عند البقالة اللي جنبها وتقز الحريم اللي فيه... قالت زين عائلة, وتروح وترمي روحها على الحرمة اللي قدام.. وهي أم العيلة وتقول لها خالتي أنا داخلة على الله ثم عليكِ.. وهذي قصتي, والعجوز مسكت
راسها وقالت.. يا بنيتي انتي تعرفين سيارة زوجك.. قالت إيه أعرفها, قالت قومي اطمري نلحق على زوجك,
ويعبون بنزين ويدعسون وراه.. نعود الحين لصاحب الفصفص.. أخينا في الله مريح وماشي.. بعد ما لقوه على الخط على بعد نصف ساعة, عاد تخيل عزيزي القارئ إنك على طريق القصيم و فجأة وراك جيمس يكبس بالنور بشكل مخيف يبيك توقف.. وش ردة فعلك.:confused:
أكيد الرجال دعسسسسسسسس قال يا ولد هذولا مهابيل يبون يضربوني ومعي عروستي!.. ويا
فشيلة إذا انطقينا.. والجمس وراه داعس يحاول معه إنه يوقف.. المهم الذهين راعي اللي يسوق الجمس عرف وش يسوي.. فقام ولع نور الجمس اللي داخل عشان العريس يشوف إن في الجمس عائلة.
وأخيراًاًاًاًاًاً..انتبه ووقف.. قال وش عند ذا.. ونزل وهو معصب... عاد من اللي متوهق في هالموقف.. أكيد
هو راعي الجمس يقول في نفسه وشلون أقوله إن مرته معنا.
...يبي يجيبها بإسلوب تدريجي عشان العريس ما ينصدم..خبركم مثل هالموقف وش بيقولون عنك أهل العروسة... أخذت بنتنا وضيعتها, والله إن تلزق فيك السالفة طول عمرك والعالم يتمشون ولا عندهم
سالفة غيرك..:مكر:
تصير علك دايم الحلى..ولا تصف يم علك أبو سهم.. يتمشون فيك..المهم.. راعي الجمس سلم وقال له: أخوي ما كأنك مضيع لك شي؟.. قال العريس: لا والله ما ضيعت شي.. قال له تأكد.. قال العريس: وشلون؟.. قال راعي الجمس: رح طل في سيارتك شف في شي ناقص لك؟.. العريس قام يوسوس, والمشكلة مرته
ما جت على باله.. المهم راح ودخل خشته داخل السيارة.. وقال يا مرة في شي طاح مننا وحنا في المحطة؟.. محد رد عليه... ويوم لوّن وجهه بدا يميل للكرت الأحمر..ويييييييين راحت المرة؟.. ورجع لراعي الجمس,
وقال هات السالفة..::سخرية::
... قال يا ولد مرتك لقيناها عند المحطة أنا وأهلي, وقالت لنا.. إنها راحت للحمام وأنت مشيت ولا دريت عنها.. عاد العريس كل أنواع النفاضات نزلت عليه.. تلعثم ولا قدر يتكلم... المهم راعي الجمس راح وقال للعروسة يلااا طسي عند زوجك شوفيه متصومع عليك... المهم العروسة ركبت مع زوجها في السيارة وانطلق لسانها اللي كان مربوط وقامت تتعذر له...
.... وتقول لا تزعل مني أنا كنت مستحية إني أقولك أنا طول الخط حسرانة.. وأنت ما شاء الله عليك
ركبت السيارة وانطلقت,ههههه((يا شين التلميح)).. توه يتميلح.. عاد انقلب الوضع صار العريس هو اللي
مبرطم طول الطريق, والعروسة اللي قاعدة تبربر ما بقى إلا إنها تسوق.. عشان أخينا في الله مرتاع من اللي صار.
تحيه طيبه مني لكم
أخوكم / .....
الــــــوحــــدانـــــي....
منقول للأمانة
أنا اليوم جايب لكم قصة واقعية تموّت من الضحك.........:cool:
.................................................. ............
هذا واحد توه معرس وخلصت الزفة والأمور اللي في القصر.. أخينا في الله شغل (يعني أخذ) حرمته وركبوا في السيارة.. ودعس للقصيم يعني أهل العروسة بالرياض وهو ساكن بالقصيم.
والبنية تستحي ومبرطمة طول الطريق.. والرجال ما غير يسولف ويهذر والبنية سااااكتة.. ما حولك أحد.. والرجال يئس من البنت إنها تتكلم.. وقال يا ولد ما وراها هذرة أشغل الشريط وامسك الخط.
وفي الوقت نفسه كانت البنت حسرانة و متوهقة إنها بس تتكلم عشان تقوله أبي الحمام الله يكرمكم.
عاد هي طمرت إلى المرتبة اللي ورا عشان تنسدح ويخف عليها الوجع.. الين يوصلون محطة, المهم الرجال ما وعى إلا هذيك المحطة ويصفط عندها وينزل عند البقالة ويأخذ له كيس فصفص وكم ببسي حق الطريق, البنت على نزلة زوجها إلا وتقز هذيك الحمامات حقت الحريم اللي عند المسجد اللي جنب البقالة قالت يا بنت بيمد يني أطمر وأخلص وارجع قبل لا يرجع هو من البقالة.. المهم المسكينة راحت وأخذت وقتها.. أخينا في هذا الوقت قد رجع للسيارة وعلى باله مرتة في المرتبة اللي ورا وخبركم بايه سودا وآخر الليل ما انتبه إنها مهيب بالسيارة وهو شغل ودعسسس البنية المسكينة طلعت وهي مرتاااااااحة ونقص من وزنها كم كيلوووو وتناظر يا بنت وين السيارة.. وتتلفت ما تشوف إلا الهنود حقين المحطة وأبو يمن حق البقالة عاد تخيلوا الصدمة يوم عرفت إن زوجها دق سلف ومشى والبنت المسكينة حتى في نفسها مهيب راضية تصدق إنه مشى.. جالسة تتأمل يمكن راح منا ولامنا وبيرجع.. شوي ما وعت إلا ذاك الجمس اللي مقبل يوم وقفوا عند البقالة اللي جنبها وتقز الحريم اللي فيه... قالت زين عائلة, وتروح وترمي روحها على الحرمة اللي قدام.. وهي أم العيلة وتقول لها خالتي أنا داخلة على الله ثم عليكِ.. وهذي قصتي, والعجوز مسكت
راسها وقالت.. يا بنيتي انتي تعرفين سيارة زوجك.. قالت إيه أعرفها, قالت قومي اطمري نلحق على زوجك,
ويعبون بنزين ويدعسون وراه.. نعود الحين لصاحب الفصفص.. أخينا في الله مريح وماشي.. بعد ما لقوه على الخط على بعد نصف ساعة, عاد تخيل عزيزي القارئ إنك على طريق القصيم و فجأة وراك جيمس يكبس بالنور بشكل مخيف يبيك توقف.. وش ردة فعلك.:confused:
أكيد الرجال دعسسسسسسسس قال يا ولد هذولا مهابيل يبون يضربوني ومعي عروستي!.. ويا
فشيلة إذا انطقينا.. والجمس وراه داعس يحاول معه إنه يوقف.. المهم الذهين راعي اللي يسوق الجمس عرف وش يسوي.. فقام ولع نور الجمس اللي داخل عشان العريس يشوف إن في الجمس عائلة.
وأخيراًاًاًاًاًاً..انتبه ووقف.. قال وش عند ذا.. ونزل وهو معصب... عاد من اللي متوهق في هالموقف.. أكيد
هو راعي الجمس يقول في نفسه وشلون أقوله إن مرته معنا.
...يبي يجيبها بإسلوب تدريجي عشان العريس ما ينصدم..خبركم مثل هالموقف وش بيقولون عنك أهل العروسة... أخذت بنتنا وضيعتها, والله إن تلزق فيك السالفة طول عمرك والعالم يتمشون ولا عندهم
سالفة غيرك..:مكر:
تصير علك دايم الحلى..ولا تصف يم علك أبو سهم.. يتمشون فيك..المهم.. راعي الجمس سلم وقال له: أخوي ما كأنك مضيع لك شي؟.. قال العريس: لا والله ما ضيعت شي.. قال له تأكد.. قال العريس: وشلون؟.. قال راعي الجمس: رح طل في سيارتك شف في شي ناقص لك؟.. العريس قام يوسوس, والمشكلة مرته
ما جت على باله.. المهم راح ودخل خشته داخل السيارة.. وقال يا مرة في شي طاح مننا وحنا في المحطة؟.. محد رد عليه... ويوم لوّن وجهه بدا يميل للكرت الأحمر..ويييييييين راحت المرة؟.. ورجع لراعي الجمس,
وقال هات السالفة..::سخرية::
... قال يا ولد مرتك لقيناها عند المحطة أنا وأهلي, وقالت لنا.. إنها راحت للحمام وأنت مشيت ولا دريت عنها.. عاد العريس كل أنواع النفاضات نزلت عليه.. تلعثم ولا قدر يتكلم... المهم راعي الجمس راح وقال للعروسة يلااا طسي عند زوجك شوفيه متصومع عليك... المهم العروسة ركبت مع زوجها في السيارة وانطلق لسانها اللي كان مربوط وقامت تتعذر له...
.... وتقول لا تزعل مني أنا كنت مستحية إني أقولك أنا طول الخط حسرانة.. وأنت ما شاء الله عليك
ركبت السيارة وانطلقت,ههههه((يا شين التلميح)).. توه يتميلح.. عاد انقلب الوضع صار العريس هو اللي
مبرطم طول الطريق, والعروسة اللي قاعدة تبربر ما بقى إلا إنها تسوق.. عشان أخينا في الله مرتاع من اللي صار.
تحيه طيبه مني لكم
أخوكم / .....
الــــــوحــــدانـــــي....
منقول للأمانة