PDA المساعد الشخصي الرقمي

عرض كامل الموضوع : ^^__^^*موااااقف اردنية *^^__^^



سيد البوكيمونات
29-07-2007, 14:09
السلام عليكم و الرحمه

طبعا اللي شاف الموضوع راح يعرف المقصود
و خاصه احنا في القسم الفكاهي

طبعا في مواقف عندنا احنا الاردنية تضحك شوي

اضحك يا عم فأنت في الاردن ...
> >الله ما احلاك يا بلدي ما احلى قعداتك و سهراتك و يا الله ما احلا عاداتك يا بلدي.

اذا بيوم من الايام حضرت عرس ... ونزلت الشباب عالدبكه وبلش العرق ينزل
...
وحميت مع أبو اسماعين ( عقيد متقاعد ) وسحب الكلاشنكوف وطررررررر ..
بلش طخ عن جنب وطرف وهو برقص وبدبك ... وسقط ثلاث شهداء من جراء القصف العشوائي ..... ابتسم .. انت بتحضر عرس اردني ..:D:D:D:D

و اذا كنت مارق بفارده صدفه و شايف الناس طالعين من الشبابيك ماسكين هالموبايلات و نازلين زوامير بين بعض بالعقل و الساعه كانت حوالي الثانيه عشره ليلا ......
ابتسم هذا فرحه الشعب بالفطبول ....:D:D:D:D

و يا عيني عليك لما تكون قاعد بالبرنده و سامع اشتباكات من هنا و هناك و انت محتمي تحت الشادر و شايف ابن الجيران نازل رص طخ و العاب ناريه كلاشينكوف
ابتسم ....هذا فرحه النجاح بالثانويه العامه:D:D:D


اذا تجوزت .. والناس واقفيتلك عالمسطره بتستنا أسبوع العسل لما يخلص
عشان يفيعو عليك ويهجموا هجمة رجل واحد .. وكل واحد فايت يا بجيبلك طقم
فناجين قهوه .. يا صينيه ...
وبالآخربتحوشلك سبعطعشر طقم قهوه .. واحدعشر صينيه .. واستنا مناسبات
عشان ترجعها لصحابها
بتكون بتمارس واجباتك الاجتماعيه بالاردن ..... ابتسم ..


اذا فتت انت ومرتك أو خطيبتك أو صاحبك على قهوه واجتك المنيو ...
القهوه بليره
والميلك شيك أبو فراوله بليرتين . وحضرتك طلبتهم ....
شو ثلاث ليرات ... ولا اشي ..
ولما اجت الفاتوره ولا هي بقدرة قادر خمس ليرات وثلاثين قرش .... كيف ما
بتعرف ..
ابتسم .... انت بتمارس الرفاهيه بالاردن ..


اذا كنت قاعد على مكتبك بوظيفتك .... وكل المراجعين اللي اجوك طلعو يا
قرايبك يا نسايبك يا مخاولك (سوم هاو) وكل واحد الا يسالك بتعرف فلان
الفلاني .... هذا ابن عم جدتها لبنت عم مرة أخوي اللزم هاتلك بوسه يا
زلمه اممممموا .. اممممممممممممممموا .. ابتسم حبيبي .. فانت في الاردن
.

اذاكنت ماش بسيارتك مستعجل بدك تلحق موعد .. ولا الشارع مليان سيارات
عن اليمين والشمال ... امشي .. امشي . امشي ... والسير يالله ماشي ...

فجأه بتشوف هالسياره المزينه ... وكلها ورد وشبر.. والعريس النضوه حاط
نيوتر وداحل ...

وليش السير شبه واقف .. لانه
كل واحد من المحترمين اللي بالفارده بده
يوقفله خمس دقايق جنب سيارة العروس يزقفلهم شوي وينظر النظره الاخيره
للعروس هنيال ابوها ..
اذا صار معك مثل هذا الموقف ... مش تبتسم بس ... اضحك واقلب ع ظهرك ..
انت بالاردن يا عمي ..


اذا كنت بصلاة الجمعه ... كلك ايمان وخشوع بعد الخطبه المؤثره ...
والامام صوته ما شاء الله بيدغدغ القلوب .. وأول ما سلم الامام ..
وخلصت الصلاه سمعت :
" أحمر يا زر البندوره .. ليره البكسه ليره "
" أصابع البوبو يا خياااااااااااار ... أربعه كيلو بليره .. يالله
يالله "
" عالسكين يا بطييييييييخ ... أحمر أحمر يا يا ابو قرعه "

وطار الخشوع ... وفقع قلبك ... وصحتين وعافيه ...
ابتسم .... وابتسم .... وخلي طواحينك يبينو ... انت على باب جامع
بالاردن .
:D:D:D:D:D