PDA المساعد الشخصي الرقمي

عرض كامل الموضوع : غرفتك مخيسة ادخل



ABU-3ZIZ
23-07-2007, 17:28
السلام هذا موضوع قريته واعجبني وحبيت افيد التماسيح هنا عندنا بالمنتدى
لذلك خلوني اطب بالموضوع مباشرة>>>>>>>>>متاثر بالجزيرة

أولا أسباب الخياس (ويفضل البعض أن يسميه "صنان"):

# تكتيم الغرفة
# الطمالة (وأقصد بها هنا طمالة الجسد)
# ترك مخلفات الأطعمة
# رائحة الفم
# الملابس المتسخة
# الفراش
# السجادة (فرشة الغرفة)
# وشئ آخر وأشياء أخرى... لاحد يسأل وشي




ثانيا الحلول:
1- مشكلة تكتيم العرفة:

بعض الشباب يحب الغرفة مكتمة وتلقاه يما مغطي الدرايش وبتجليدة سوداء ولا مدبس الستاير علشان أيس ينفتحن ولا إذا صار اقتصادي حط قصدير على الدرايش
وهذا في الحقيقة سبب رئيسي للريحة الشينة لأن نور الشمس يقتل البكتيريا اللي في الغرفة وهي من أسباب الروائح
فلذلك إذا قمت من النوم افتح الستاير وان حصل بعد افتح الدرايش علشان تتهوى الغرفة



2-الطمالة:

عاد هذي واضحة وما يبيلها معلم إذا كنت مخيس جميع من حولك سيخيس معك



3-ترك مخلفات الأطعمة:

بعض الشباب وخاصة في العطلة يجيب له عشا من مطعم ثم يروح لغرفته يتعشا وهو على الكمبيوتر ثم إذا قضا متعشي جدع البقايا جمب السرير ويدبخها نومة ....وما يحتاج شرح للمشكلة هذي



4- رائحة الفم:

طبعا كل الناس إذا قاموا من النوم رائحة الفم عندهم مش ولابد
لكن المشكلة هنا في اللي من الأصل ريحة فمة تصرع والمشكلة هنا مو فقط في الريحة وانما في عدم علم الشخص برائحة فمه
وهذي المشكلة مهب بس بالغرفة وانما ايضا في التعامل مع الناس
فلذلك تأكد من ريحة فمك لأنه أغلب اللي عندهم (بخر الفم) ما يدرون بمشكلتهم
وأيضا إذا لاحظت من أحد الشي هذا نبهه وصدقني راح تكون محسن إليه مع ان المسألة فيها بعض الاحراج
نرجع للموضوع
إذا كانت ريحة فمك شينة راح تزيد من الاخياس
والحل ان تفرش أسنانك يا شاطر...ايه الريحة هذي ما جتك إلا لأنك ماتفرش ...الريحة أصلا جاية من التهاب اللثة الناتج عن عدم التفريش
وفيه أيضا محلول يباع في الصيدليات اسمه غسول الفم يساعد على تنظيف الفم
وغالبا المسألة هذي يبيلها وقت شوي



5- الملابس والوسخة:

بعض الشباب إذا جاء يغير ملابسه جاء طاير لدولابه وغير اللي عليه وجدعهن ورا الباب وطلع <<< تراه مهب أنا
وطبعا معروف الملابس الوسخة وسخة (لا ياشيخ) فلذلك راح تبعث بعض الروائح في الغرفة




6- الفراش:

بعض الشباب يجي بعض الايام باخر الليل دايخ يا انه توه لاعب كورة ولا محملّه شي ولاقاعد يلعب مليحق مع اخوانه
ثم يهمد على طول بفراشه وهو مخيس طبعا ما نلومه ان ما تروش قبل لا ينام لأنه دايخ ومستديرن راسه
لكن الواحد يحط في باله ان الفراش يمسك الريحة فلذلك خل عندك فراشين وما بين كل فترة وفترة بدل بينهن
وفيه شي ثاني بعد خل عندك عطر في الغرفة ورشه على فراشك قسمن بتدعيلي إذا جيت تنام تحس براحة إذا شميت الريحة الحلوة




7-السجادة :

غالبا السجادة ما تسلم من ببسي ولابيرة ....إلخ بعض الشباب إذا انكب شي على سجادته جاب مناديل ومسح اللي منكب وبس
صحيح أنت شلت أكثره لكن فيه كمية منه مسكته السجادة وطبيعي انه بيطلع ريحة
فلذلك اذا انكب شي جب معك مويه وماد منظفة علشان تشيل البقعة عن بكرة أبيها




8 - من الحلول أيضا معطرات الجو ...مثل جليد(glade) الصراحة ريحة حلوة ورخيص...الدعاية مقصودة
وللأمانة الحل هذا أخذينه من اخت خوينا


9- اذا ما فادت معك كل الحلول المذكورة أعلاه حط كمامات جنب باب غرفتك



والحين يا شباب خلونا ندعي للرجال الله يجزاه خير ولا تحرمونا من حلولكم الثانية
وطبعا كما هي الديمقراطية الراي والراي الاخر<<<<<<<<<<<قايل لكم متاثر بالجزيرة بقوة

E m i k o
23-07-2007, 17:39
مشكووووووووووور اخوي ع الموضوع وان شاء يستفيدون

سلاااااااااااااااااام

m_ark
23-07-2007, 17:41
وع الله يغربل بلييسك لوعت لي جبدي


بس مشكور وان شا الله الشباب يستفيدو خخخخخخخخخخخ

ABU-3ZIZ
23-07-2007, 18:11
مشكورين على المرور الحلو
وبالنسبة لك يا مارك هذي الحقيقة وش تبينا نسوي

Aiή AŁ khtar
23-07-2007, 18:14
احم ... احم ... جاء الزعيم :cool:


هـــلا يا ولد المافيا ... شكلك زاحفففففففففففف

انا الحمد لله ..... غرفتي مرتبه ...

مشكووور على الموضوع ,,

xXx mexat
23-07-2007, 18:16
مشكوور اخوي وانا غرفتي مرتبة طبعا

ABU-3ZIZ
23-07-2007, 18:23
هـــلا يا ولد المافيا ... شكلك زاحفففففففففففف

افا عليك اهجدهم

غرفتي مرتبه ...

وانا غرفتي مرتبة طبعا

يعني انا لحالي الي غرفتي و<<<<<<<<<مهب ولد مافيا ولد فضيحة

ghost_rider
23-07-2007, 19:35
خخخخخخخخخخخخخ
مشكور اخوي على الموضوع الروعه بس
الحمد لله غرفتي نظيفه

سلملم

Kaito-Kidd
23-07-2007, 19:38
يسلموووووووووووووووووووووووووو على الموضوع بس انا الحمد لله غرفتي نظيفه ما يحتاج لها تنظيف

مع تحياتـ كايتو كيد ـي

abu_mshmsh
23-07-2007, 19:52
اوه

من انا

ايه ايه غرفتي نظيفه واحتمال أنظف من غرفتك
خخخخخخخخخخخخخخخخخخخ
ايه غرفتي نظيفه والحمد لله


مشكور على الموضوع