.. ][.. مواقف خفتوا منها - شاركونا بمواقفكم ..][ ..

[A.N.G.E.L]

الســلام عليكم ..

اخباركم علومكم ان شاء الله بخير

اخبار الاجازه وياكم ان شاء الله مستانسين وناجحين كلكم ..

المهم بدخل في الموضوع على طوول ..

الله يسلمكم .. اليوم وانا ورفيجي نتمشى في فيلاجيو ( مجمع في قطر ) عند المطاعم جفنا يهال يلعبون واحنا نسولف ( في كنتاكي يوزوعون لعبه ما اعرف شسمها المهم الشي هاي يوم نحذفه يرد صوبنا مثل مال ماوكلي ) المهم مره وحده اجوف واحد من اليهال حذف واحد صوبنا وانا ما ادري انه يرد صوبهم .. وكان حاذفه بقو .. قلت هاي لو صادني بيبط عيني .. قلت حق رفيجي هيييي حاسب .. وما وعيت اله اجوف رفيجي دنع وحط يده جدام ويهه .. شكله تغير شكله من الخرعه وشنو ضحكني ذبحني يقولي والله خرعتني .. هالسالفه دخلت فكرة هالموضوع

بالعربي كل واحد يدخل ويقولنا شنهي اكثر مواقف فيها نقز او خاف منها .. واحنا رادين بيوتنا قعدت اتذكر بعض المواقف الي خفت منها

(1)
كنت في الامارات .. وقت النتايج في صف اول ثنوي وانا ما كنت متأكد من النجاح كنت متوقع 70 % انه علي دور ثاني .. اختي اتصلت الدوحه حق ابوي عشان تاخذ النتيجه انا خفت اكلم ابوي واطلع ساقط ويزفني .. خليتها هي تكلمه .. وانا كنت متكي ع الباب .. واختي كانت تمشي ومعطتني ظهرها واسمعها وهي تتكلم تقول مادتين .. حسيت انه ريلي ما تقدر تشيلني زلقت ع الباب وقعدت .. واحس انه خلاص الدنيا ادور حولي .
ما ادري شبسوي .. اله تفتر الاخت وتقولي لا تخاف بس مادتين على الحفه ناجح .. هاي من اكثر المواقف الي خفت فيها في حياتي كان صج صج موقف

(2)
في الدوحه .. كنت رايح المسيد صلاة الفير كان عمري تقريبا 10 سنين كنت في صف رابع اظن .. طبعا ظلااام
وانا ياهل وهدووء وانا اطالع الارض وهالحزه محد كان ساكن في فريجنا .. ومره وحده جلب نبح في ويهي كان جدامي بمتر تقريبا .. نقزت نقزه بدرجه اني ما قدرت اوقف مسكت عصايه وتكيت عليها .. قعدت ع الرصيف
لي ما خفت الرقاله مني .. صج صج صج صج صج صج يومها خفت .. تخرعت من قلب

(3)
تقريبا قبل شهر وانا وربعي كنا نتمشى رفيجي تقريبا كان ماشي 170 .. واحنا ع الخط السريع
ومره وحده اجوف سياره تطلع في ويهنا .. يوم جفتها انا قلت الله يستر رحنا فيها
واسمع صوت ربعي وهم يتكلمون تغير وسمعت صوت البريك صج يومها اجوف ربعي اشكالهم تغيرت اقول حق ربعي زيدوا ع المكيف احس بحرررررر .. والله نتمشى ونحس انه حرررررررررررررررررررر ..

بل ادري اني تكلمت وايد ..

يلا ننطر مواقفكم :)

سي يووو

[S a L i]

وعليكم السلام ورحمة الله وبركاتـــه..،،

كشفتك:مكر: ..تجي موضوع حق الصراحة وتسير..أكيد هالولد يبى يسوي شيء:لقافة: ..<<جريمة ولا شيء:موسوس:

ولا طالعلي بموضوع يديد:o ..بريء:p

صراحة موضوع كشخة وااااايد..

ماشي علوم ..بخير دامك بخير أخويو الحمدلله..انت شو أخبارك..؟

ناجحين والحمدلله::سعادة:: ..وانت بشّـر..؟!

و الإجازة حلوة بدون المدرسة ..بس ملل

بقول واحد من مواقفي اللي صدق تخوف:( ..تراني أنسى بسرعة:p

المهم..

(1)

كنت قاعدة ع النت أحوط عند مكسات..<<ليش هو كورنيش:D

واختي قاعدة تفتش كتبها..صراحة طالبة علم:لقافة:

وأمي يالسة عدالنا..ولا أقول في أحد يطق الجرس..وراح أخوي الصغير أونه يبي يفتح الباب وامي سارت وراه..

وانا سرت أييب لها ماي..وقاعدة أفكر في المطبخ..شو لو كان حرامي ..بيخطف أمي..؟!!

لو كان جي بتصرخ امي:rolleyes: ..والله تفكير غبي صراحة:D ..

كان ولد ييرانا..وأختي تركض من الغرفة للمطبخ..وتناديني..صراحة صوتها يدل على شيء صار يخوف..

وانا أركض..يارب اللي فكرت فيه مب هو:مرتبك: ..؟

لا عاد كذي ينيت:p ..حريييييييييقه:مندهش: ..شوووووووو:eek: ..؟

وانا صراحة كنت خايفة على امي واخواني..الكل طلع وباقي انا::مغتاظ:: ..وامي تدور عليّ:بكاء: ..

وقاعدة أركض من ورا الحوش..امـــــي:بكاء: ..<<فلم هندي:مرتبك:

والله سالفة طويلة..بس مرت على خير..طلع في أحد حرق الواير ورا التلفزيون حق الميلس:مندهش: ..كنت شاكه واحد من أخواني..طلعوا كلهم كانوا عند الييران::مغتاظ::

والله عقب رحت أسوي تحقيق عليهم واحد واحد:لقافة:..<<طالعة المحقق كونان:D

بس طلع حريق بسيط والحمدلله:) ..أدريبه مب ذاك الزود يخوف..

(2)

وأتذكر يوم ياب أبوي الشهادة..الله يطول بعمره..تقريبا نفس موقفك..صارلي السنة اللي طافت

دخل وتم ساكت..شو هذا..؟

ليش هالدرجات..؟

وراسبة ليش..؟

كانت صدق صدمة..ويبست في مكاني:مندهش: ..

قلت وانا مخنوقة..عادي:محبط: ::مغتاظ:: ..وعقب..طالعت في عيونه..ساكت بعده..

هاااااااا أبوي..

قصيت عليج ..نجحت:p ..الله يسامحك يا بوي وقفت قلبي..

عاد هذا اللي تذكرته..ويوم أتذكر شيء..بحطه هني:)


سلاااام..^^..

[Silver^_^Hawk]

ههههههههههههه شكرا عالموضوع الحلو

مواقفي

مرة كنت ألعب CounterStrike بالبيت بالليل وكنت قعد لوحدي بالغرفة راح طلع فيروس ورتعبت

[ندى العمر]

خخخ
انا كثيره المواقف
واكثرها او اغلبها من الصراصير الحشررات هههه
ومشكور اخوي

[مِـدرار]

مواقفي مع الخوف كثيرة ماافتكر منها شي

شكرا جزيلا عالموضوع

تحياتــــــــــــــــــــــــــــــــــــــــي

[A.N.G.E.L]

خطيبة جيني


وعليكم السلام ورحمة الله وبركاتـــه..،،
هلا ..


كشفتك ..تجي موضوع حق الصراحة وتسير..أكيد هالولد يبى يسوي شيء ..<<جريمة ولا شيء :confused: شسالفه ... لا تخافين ما ابي اسوي شي


ولا طالعلي بموضوع يديد ..بريء :مكر: هع


صراحة موضوع كشخة وااااايد..ثانكس


ماشي علوم ..بخير دامك بخير أخويو الحمدلله..انت شو أخبارك..؟الحمد لله والله بخييير


ناجحين والحمدلله ..وانت بشّـر..؟!الحمد لله نجحت


و الإجازة حلوة بدون المدرسة ..بس مللمب ملل وايد والاجازه حلوه .. بس التفكير في الياي اييب الارق


بقول واحد من مواقفي اللي صدق تخوف ..تراني أنسى بسرعة هالمواقف ما تنسي


المهم..

كنت قاعدة ع النت أحوط عند مكسات..<<ليش هو كورنيش :eek: توني ادري :)


واختي قاعدة تفتش كتبها..صراحة طالبة علم نفسنا يعني


وأمي يالسة عدالنا..ولا أقول في أحد يطق الجرس..وراح أخوي الصغير أونه يبي يفتح الباب وامي سارت وراه..
وانا سرت أييب لها ماي..وقاعدة أفكر في المطبخ..شو لو كان حرامي ..بيخطف أمي..؟!!
لو كان جي بتصرخ امي ..والله تفكير غبي صراحة ..وايد تجوفين افلام هنديه .. واثرت فيج


كان ولد ييرانا..وأختي تركض من الغرفة للمطبخ..وتناديني..صراحة صوتها يدل على شيء صار يخوف..هاي شلي يايبه نص الليل ..


وانا أركض..يارب اللي فكرت فيه مب هو ..؟لووول


لا عاد كذي ينيت ..حريييييييييقه ..شوووووووو ..؟
وانا صراحة كنت خايفة على امي واخواني..الكل طلع وباقي انا ..وامي تدور عليّ ..
وقاعدة أركض من ورا الحوش..امـــــي ..<<فلم هندي
واللحن مال الافلام بعد وصج يستوي فلم هندي


والله سالفة طويلة..بس مرت على خير..طلع في أحد حرق الواير ورا التلفزيون حق الميلس ..كنت شاكه واحد من أخواني..طلعوا كلهم كانوا عند الييران
حريق متعمد يمكن في حد مستقصدكم >> ليش تخرع البنيه


بس طلع حريق بسيط والحمدلله ..أدريبه مب ذاك الزود يخوف..لول


وأتذكر يوم ياب أبوي الشهادة..الله يطول بعمره..تقريبا نفس موقفك..صارلي السنة اللي طافت
دخل وتم ساكت..شو هذا..؟
ليش هالدرجات..؟
وراسبة ليش..؟
لا انا لو ابوي ما بيقول ليش هالدرجات على طوول .. بيقول هاي من دراستك و و و و بيصارخ على طوول


هاااااااا أبوي..
قصيت عليج ..نجحت ..الله يسامحك يا بوي وقفت قلبي..لووول .. انا محد جرب علي .. مع اني وله مره جبت شهادتي اله العام


عاد هذا اللي تذكرته..ويوم أتذكر شيء..بحطه هني حياج اني تايم


سلاااام..^^..باي
وثانكس ع المرور

[A.N.G.E.L]

Silver^_^Hawk

ههههههههههههه شكرا عالموضوع الحلو
مواقفي
مرة كنت ألعب CounterStrike بالبيت بالليل وكنت قعد لوحدي بالغرفة راح طلع فيروس ورتعبت
العفوو اخوي وثانكس ع المرور

ندى العمر

خخخ
انا كثيره المواقف
واكثرها او اغلبها من الصراصير الحشررات هههه
ومشكور اخوي
لوول حلوه هاي مع الحشرات
العفو وثانكس ع المرور

سوشي ميكو

مواقفي مع الخوف كثيرة ماافتكر منها شي
شكرا جزيلا عالموضوع
تحياتــــــــــــــــــــــــــــــــــــــــي
حياك اني تايم اذا تذكرت شي
العفوو

[Fun Sahab]

حاليا مو متذكر شي
اذا تذكرت علطوول بكتبه هني

وشكرااا عالموضووع الحلوووووو

[missme]

اخباركم علومكم ان شاء الله بخير
اي تمام والحمدلله ^_^ ..


في كنتاكي يوزوعون لعبه ما اعرف شسمها المهم الشي هاي يوم نحذفه يرد صوبنا مثل مال ماوكلي )
في كنتاكي في فيلاجيو ؟ :مرتبك:
انا اخبر فرايدز وستار بكس والمطعم اللي يم كارفو ::مغتاظ::
صج اني مال اول


كنت في الامارات .. وقت النتايج في صف اول ثنوي وانا ما كنت متأكد من النجاح كنت متوقع 70 % انه علي دور ثاني .. اختي اتصلت الدوحه حق ابوي عشان تاخذ النتيجه انا خفت اكلم ابوي واطلع ساقط ويزفني .. خليتها هي تكلمه .. وانا كنت متكي ع الباب .. واختي كانت تمشي ومعطتني ظهرها واسمعها وهي تتكلم تقول مادتين .. حسيت انه ريلي ما تقدر تشيلني زلقت ع الباب وقعدت .. واحس انه خلاص الدنيا ادور حولي .
ما ادري شبسوي .. اله تفتر الاخت وتقولي لا تخاف بس مادتين على الحفه ناجح .. هاي من اكثر المواقف الي خفت فيها في حياتي كان صج صج موقف
اوف اوف .. مب شي :ميت:

وانا كنت داخلة ماعندي سوالف ..
بس سوالفك ذكرتني :D

لم كنت في الروضة ..
كانت الساعه 5 ونص اظن ..
واتذكر ابوي اليوم اللي قبله شرى زحلاقية حقنا ..
فكنت ابي العب فيها من الصبح ..
كنت طالعه الحوش وكان باب الحوش مبطل لن للحين ابوي مارجع من المسيد ..
انزين
ماوعيت الا جلب يطلع لي وينبح في ويهي ..
وقمت اصاااااااااااارخ ..
لا واتذكر وهو ينبح انا من الخوف ايوده من خشمة :مرتبك: :ميت: وادزه
وهو ينبح ..
ومن صراخي امي اطلعت تشوف شسالفه :p
وتيود النعال وتصفقه بيه :تدخين:
وتميت متصرقعه ..
حتى امي كانت بتغيبني هاليوم ..بس انا كنت وايد احب الروضة فمارضيت
ولم رحت ..في ولد رسم جلب .. والابله علقت رسمته
قعدت اصييح ميتة من الخوف من الرسمة :ميت: <<رسمة؟!:تعجب:

وبعد مرة ..

انا واختي كنا نبي نخرع اختي الكبيرة
ان نسوي اصوات جدام حجرتهـا ..
وهي حجرتها جدام حجرة امي وابوي :ميت:
انزين ..عاد احنا نسوي اصوات وجي عشان تخاف
فجأة يطلع اخوي الصغير ويقول : وااا ::سخرية::
عاد انا صرخت .. تحسبت يني .. :ميت:
وعلى طول رحت الحجرة .. وميتة من الخوف ..
بس والله ماطافت السالفه
لن امي وابوي اسمعو صراخي وكانت وحده في الليل
وتحسبو صار فيني شي .. مالت علي:ميت:
ولم ابوي درا ان ماصار شي هاوشني .. وقال لاتسهرين مرة ثانية وحتى اخواني اللي كانو سهرانيين خلاهم يروحون يرقدون ..فكل حد حاط حرته فيني .. :موسوس:

في وايد سوالف ..بكملهم بعدين :p
شكرا انجل عالموضوع اللي يخرع :p

[squal]

سلامن عيكم:p

يعطيك العافيه ع الموضوع الفنتك::جيد::

مواقفي كثيره..بس حاليا بذكر هالموقف:مرتبك:
.
.
الله يسلمكم كان عمري يمكن 5 سنين وكنت ألعب مع اخواني في الرمل ورا البيت:D
وكان عندنا حمام صغير(وانتوا بكرامه) قدييييييييم..مانستخدمه..

عاد انا قلت بدخل اغسل يدي فيه ..وقاموا اخواني وسكروا علي الباب..وماقدرت افتحه..

عاد المفاجأه ان الحمام فيه قطوتين كبار..شرسين من قلب..:ميت: :ميت:

تميت اصارخ واصيح..وهالقطاوه يناقزون من الخوف ويدورون حولي..
عاد يوم بطلو الباب لقوني ويهي صاير ازرق زين ماوقف قلبي من الخرعه :eek:


وبششش:ميت:

تشااااووو فور ناااووو:تدخين:

[لؤلؤه الحنونه]

وعليكم السلام
الحمدلله بخير والاجازة اشوي ملل

انا مفتكرة قصة وحدة هيا الي خوفتني

انا كان عمري 7 سنوات واختي 12 المهم وكانت ايام مدارس طبعا لازم ننام بدري رحنا انا واختي سوينا خطة عشان نسهر ويريتنا ما سويناها المهم انوا نخلي امي تنام وبعدين نقوم نتفرج على التلفزيون المهم امي نامت خرجت انا واختي من الغرفة ورحنا نتفرج فيلم مرعب وانا من الخوف ابغى اروح الحمام (الله يكرمكم) بعدين قلتلها تعالي معايا مارضيت توي فيا نذالة جلست ابكي الين رضيت رحنا ودخلنا المطبخ نشرب مويا سمعنا شي يدقدق في الشباك انا خلاص كنت خايفة ومع ده خلاص اشوي واموت الا نشوف شي دخل من بين الشباك زي السيف سكينه انا اقول لاختي حرامي حرامي رمينا الكاسات انكسرت اكيد وجري على امي في حرامي حرامي امي فتحت الشباك اتشوف ايش هوا طلع ريشة حمام ههههههه بس هذا نتيجة السهر من ورى الام تسلم اخوي على الموضوع الروووووووووعة

[A.N.G.E.L]

missme


اي تمام والحمدلله ^_^ ..
دوم ان شاء الله


في كنتاكي في فيلاجيو ؟
انا اخبر فرايدز وستار بكس والمطعم اللي يم كارفو
صج اني مال اول
في كنتاكي وهارديز وماكدونالز وجم من مطعم بعد


اوف اوف .. مب شي
شنسوي بعد


وانا كنت داخلة ماعندي سوالف ..
بس سوالفك ذكرتني :D جفتي شلون


واتذكر ابوي اليوم اللي قبله شرى زحلاقية حقنا ..
فكنت ابي العب فيها من الصبح ..من الصبح عااااد .. عندنا اليهال بالغصب يقومون


ماوعيت الا جلب يطلع لي وينبح في ويهي ..
وقمت اصاااااااااااارخ ..
لا واتذكر وهو ينبح انا من الخوف ايوده من خشمة وادزه
وهو ينبح .. خخخخخخخخ شدخل تيودينه من خشمه .. انا اذكر مره جلب لمسني على طوول رحت بدلت ثوبي وحذفته في الغسيل وتسحبت .


ومن صراخي امي اطلعت تشوف شسالفه
وتيود النعال وتصفقه بيه
كفوو :)


ولم رحت ..في ولد رسم جلب .. والابله علقت رسمته
قعدت اصييح ميتة من الخوف من الرسمة <<رسمة؟!هع هع .. ايه على ايام اليهال



انا واختي كنا نبي نخرع اختي الكبيرة
ان نسوي اصوات جدام حجرتهـا ..
كبيره ما اظن انه تخاف من هالسوالف


فجأة يطلع اخوي الصغير ويقول : وااا
عاد انا صرخت .. تحسبت يني .. ما شاء الله ..


يروحون يرقدون ..فكل حد حاط حرته فيني ..
اي والله تستاهلين .. خربتي عليهم من قلب


في وايد سوالف ..بكملهم بعدين
شكرا انجل عالموضوع اللي يخرع
العفوو وشدخل يخرع
وحياج اني تايم

[A.N.G.E.L]

squal


سلامن عيكم وعليكم السلام يا هلا


يعطيك العافيه ع الموضوع الفنتك الله يعافيك ويخليك ..


مواقفي كثيره..بس حاليا بذكر هالموقف سمعنا


الله يسلمكم كان عمري يمكن 5 سنين وكنت ألعب مع اخواني في الرمل ورا البيت
وكان عندنا حمام صغير(وانتوا بكرامه) قدييييييييم..مانستخدمه..
عاد انا قلت بدخل اغسل يدي فيه ..قديم هاي احسه مغبر حده .. بدال ما تغسل يدك توصخ يدك


وقاموا اخواني وسكروا علي الباب..وماقدرت افتحه..حلوه الحركه .. بس مب شي وانت ياهل


عاد المفاجأه ان الحمام فيه قطوتين كبار..شرسين من قلب..
تميت اصارخ واصيح..وهالقطاوه يناقزون من الخوف ويدورون حولي..وما شاء الله من صراخك اجوفهم قاموا يناقزون من الخوف


عاد يوم بطلو الباب لقوني ويهي صاير ازرق زين ماوقف قلبي من الخرعه الحمد لله ما وقف قلب :) ..


وبششش
تشااااووو فور ناااووو
يلا بباي وحياك اني تايم

[A.N.G.E.L]

فن سحاب


حاليا مو متذكر شي
اذا تذكرت علطوول بكتبه هني
حياك الله اخوي اي وقت


وشكرااا عالموضووع الحلوووووو
العفوو ...

\\

//

لؤلؤه الحنونه


وعليكم السلام
هلا ..


الحمدلله بخير والاجازة اشوي ملل
استانسو في الاجازه لانها بتخلص بسرعه


انا مفتكرة قصة وحدة هيا الي خوفتني
بصراحه قصتج صج تخوف وتضحك بعد


ويريتنا ما سويناها
هع هع .. علامات الندم


المهم امي نامت خرجت انا واختي من الغرفة ورحنا نتفرج فيلم مرعب وانا من الخوف ابغى اروح الحمام (الله يكرمكم)صارلكم فلم مرعب .. بدال هالفلم الي كنتوا تجوفونه فلمين في يوم واحد :)


جلست ابكي الين رضيت رحنا حركات والله


ودخلنا المطبخ نشرب مويا سمعنا شي يدقدق في الشباك انا خلاص كنت خايفة ومع ده خلاص اشوي واموت الا نشوف شي دخل من بين الشباك زي السيف سكينه انا اقول لاختي حرامي حرامي رمينا الكاسات انكسرت
بل بل .. صج احسكم متأثرين من الفلم ..


اكيد وجري على امي في حرامي حرامي امي فتحت الشباك اتشوف ايش هوا طلع ريشة حمام هههههههانا توقعت قطوه والله .. :)


بس هذا نتيجة السهر من ورى الام تسلم اخوي على الموضوع الروووووووووعة الله يسلمج ويخليج
وثانكس ع المرور الحلو

[missme]

العفوو وشدخل يخرع
وحياج اني تايم
هه اي والله شدخل يخرع :مرتبك:
لا بس يمكن انا اتذكرت اشياء تخرع <<بعد شدخل :تعجب: !

---

امس في الليل قبل مانام قلت بقعد اتذكر اشياء خوفتني وجي (عشان اكتبهم في الموضوع).. :rolleyes: ماشاء الله :p تف تف
ماتذكرت غير سوالف تخرع وماقدرت ارقد الا الساعه 4 وشي :ميت:

انزين ..


من اسبوعين تقريبا

عقب ماصليت الفجر رحت فوق السطح عشان اصور الشروق :نظارة:
انزين ..عاد انا متسندة على الدرام وانطر الشمس تطلع <<الحمدلله والشكر :تعجب: !

عاد في سطحنا في مخزن .. وهالمخزن شوية في طوفته فتحات صغار يعني تقريبا قد كف اليد .. واصغر بعد
انزين..عاد في قطوة كانت قاعده قريب مني وكنت اصورها ..
كانت نظراتها شوي تخرع :مرتبك:
((القطوة اللي حاطة صورتها في فلكر .. اللي كانت تطالع الوردة ))
انزين ..مرة وحدة ..
طارت القطوة (بالاحرى نقزت)
ودخلت في الفتحة مالت المخزن .. جي على طول
يعني نفس اللي في السرك يوم الاسد يدخل من الحلقة
هي جي دخلت بسرعه .. وكانت حركاتها حركات انسان ..
المهم كنت مشغلة الكيمرا وجاهزة اني اصورها..بس من الخوف انشليت
لن حركاتها حركات انسان .. يعني شلون دشت وجي ><
فقلت اكيد يني :D
ومن ذاك اليوم ماقرب منهـا .. :مرتبك: :ميت: الله يغربلها (قصدي الله يغربل ابليسهـا ) <<المشكلة انها بروحها ابليس ::مغتاظ::

يمكن تقولون شي عادي
بس انا اعرف القطوة شلون حركتها لم تبي تنقز ..وشتسوي .. وجي
هاي لا .. نطت ودشت على طول مع انها اكبر من الفتحة بوايد :ميت:

سوري عالاطاله.. :مرتبك: :ميت:

باي