PDA المساعد الشخصي الرقمي

عرض كامل الموضوع : مطرسة الاولاد في بداية المدرسة



كلادو
27-05-2007, 17:10
من العنوان واضح ان الموضوع للتنسيم.
بس ترى فيه فوائد جمة >> وش دعوى شامبو هو خخخ
بس قبل ما ادخل واتعمق واغرق في صلب الموضوع
حبيت اعلمكم معنى كلمة :
مطـــــــــرسه

لان فيه بعضكم مايعرفون وش معناها >> كلهم والله
مطرسه يعني يتمطرس >> لا ياشيخه ههههه
لا من جد .. مطرسه يعني كنك حاط شوربه وخبز ولبن وخالطهم مع بعض >> هذي يسمونها مطرسه ههههههه

يعني اذا جتك شغالتكم وقالت :
بابا مافيه سوي مطرسه

يعني لاتقعد تحوس المطبخ وانت من جنبها
ها فهمتوا معنى الكلمه >>> ايه هين


اما موقع الكلمه في عنوان الموضوع :

بصراحه ماله هدف >>> يعني بالعارضه ههه

من جد الموقع >> مقفل للصيانه

احس اني مصختها بلاحدود >> برنامج بالجزيرة

يعني موقع الكلمه ( مطرسه ) بعنوان الموضوع فقط لزبرقة العنوان وعشان يصير فيه سجق خخخخ >> تراها تقصد سجع .. بس جوعانه شوي وقلت سجق ( نقانق )

الحين ندخل في صلب الموضوع >> صلب ولا حديد

كلكم عارفين ان المدارس على الابواب بتنتهي>> اطيب اقفلوها خخخ

وبما ان المدارس على وشك الانتهاء وجرس الباب خربان.. فحبيت اتكلم عن الابواب هههه>> عفست ام الدنيا هههه


المهم .. لنتناقش عن قضية اليوم الاول للمدارس وبس

ولنبدأ بالمرحله الابتدائيه :

اليوم الاول لطلاب المرحله الابتدائية

اول يوم يجيك الطالب وثوبه نظيف وجزمته الله يعزكم تلمع والشعر مليان مويه ومكدود على جنب هههه
ومع كل هالاناقه.. تلاقي الخشه ( خشة الطالب >> اجل المدرس ههههه
تلاقيها مليانه خوف ورعب والم وطمأنينه >>هيييه انتي وين رحتي
وتلاقيه حاط الشنطه على ظهره وفيها صورة كابتن ماجد خخخخ>> عاد من زين هالشنطه .. فيها علبه تلوين ام 44 لون.. وخبز جبن وعسل هههه
.. وعصير سن كولا >> وش تبي ذي
اقصد عصير سن توب >> مقاطعين
وش باقي بالشنطه بعد .. اممم وشو 00وشو خخخ



ايوه نكمل الباقي بالشنطه .>> باقي مسدس ابو مويه هههه>> هذي لنا حنا ايام اول يوم كنا شياطين خخخ

المهم وعاد اول مايدخل الطالب للمدرسه بيشوف هالعالم صافين وبيجي وراهم وهو مايدري وش السالفه >> لو انه داخل البقاله مب داريهههههه
وعاد يقولون السلام الوطني خخخخ
وتمارين الصباح >>> اجل تمارين الليل خخخ
من جد يقهروني اذا قالوا تمارين الصباح
يعني فيه احد بيسوي تمارين بالصباح ويقول تمارين الليل هههه
وبعدها كل واحد يروح لفصله .. وبعد ساعتين بس .. نسمع صيااح ونيااح من طلاب اولى / ب خخخ

واللي يقول ابي ماما واللي يقول شنطتي ضاعت وعلى هالحال لمدة اسبوع <--- مرتين باليوم قبل العشاء <--- دواء خخخخ
والحين خلصنا من طلاب الابتدائي
فاصل إعلاني

مع تايد بالغسيل .. مافي مستحيل


عدنااا

a7la-fofo
27-05-2007, 17:26
خخخخخخ
حركه والله
مشكوره
بس
بليز كملي

كلادو
27-05-2007, 17:41
اليوم الاول لطلاب المرحله المتوسطه

عاد هنا الطالب مسوي كبير وصار يلبس طاقيه ههاااي

بس لازال فيه خوف شوي.. ومخه مازال متنك خخخ يعني يبيله فتره الين يستوعب
المهم يجي وعيونه تقول كنه قطو محشش ههه.. من جد عيونه قايله كذا.. من قل النوم .. عين خايفه ومبققه والثانيه مغمضه ونايمه هههه ..
وبيده شنطه بس مب كابتن ماجد.. لاالحين صار ياخذ شنطه حديد >>- مسوي فيها مهم
والشنطه فيد هندسه >> ايه خلاص صار رجال

اما اللبس مثل ماقلنا ثوب وطاقيه وبالجيب قلم ابو نص ومايكتب بعد ههه .. وفيه خمسه ريال رازها بصدره خخخ

ومع اول يوم بالمدرسه يروح لطابور الصباح وبعدها عاد يبتلش بعمره .. مايدري هو في اي صف
وعاد تغير الوضع عن الابتدائي .. الحين 1/1 مو 1/ب خخ

ويروح ويحوس ويدوس بهالمدرسه >>ايه كبيره مو ابتدائي ..
الين يلاقي فصله والوكيل وراه بالعصا >> معروف وكيل المتوسط عصبي خخخخ
وبعدها يأخذ الكتب ومبسوط لانه بيدرس E خخخخخخخخخخ
وبكذا ينتهي اول يوم للمتوسط ..

فاصل اعلاني :
لعشاااااق المهارة والفن الكروي .. تابعوا الدوري السوداني وماعليكم خخخخ

عدناااا

كلادو
27-05-2007, 17:43
اليوم الاول لطلاب المرحله الثانويه :

اووه عاد هنا قمة الرجوله ..
يجيك الطالب والشماغ على كتفه ومن قده يبي يدرس فيزياء وكيمياء خخخ

وطبعا عيونه مايحتااج .. انواع النوم

والمشي يووه .. تسحيب رجول خخخ > يبي يعلم الناس انه رجال خخخ
ويدخل باب المدرسه ومعه دفتر ابو 40 > ماسكه بطرف يده خخ

والقهر انه مع كل هالخرابيط اللي مسويها .. الا انك لو تدفه طاح وقام يتلوى صياح خخخ
وعاد اذا جا يبي فصله .. يروح للمدرس ويقول :
يابو الشباب ... ماادري وين الاقي فصلي >> الله يصلح جدتك بس .. هذا اسلوووب تتكلم به .. والله اللمهزله .. وبعدين فصلك وين بيكون .. اكيد بالمدرسه يالووح



اليوم الاول للمستجدين بالمرحله الجامعي

عاد هذولي يفشلوون من جد خخخخ

الواحد يجي ومرسم وكاشخ >>> اول مره يسمحون له يلبس عقال هههه

و اول مايدخل يروح ويسأل :

لو سمحت وين طابور الصباح ؟؟هههههه

>> مسيكين مايدري عن الجامعه .. كان 12 سنه بالطابور
ويروح ويدور فصله مسيكين >> اقولكم سبهه الله يخلف على من جابته
وبعد كم يوم عاد يستوعب الوضع ويعرف ان الجامعه مافيه فصول


وختاماللموضوع حبيت اعطيك هالشعر التنسمي

ياشين اول يوم
تجي وفيك النوم
والقلب مليان هموم
ومن كثر النوم
فمك مليان قضوم >>>-لاتفضحينهم هههه

اول يوم بالمدرسه
شنطودفاتر مقرطسه
وشعور نظيفة ومحوسه
وعيون مبققه وناعسه خخخ

بعد كم يوم ..
اجازة وصيف ودجه
بترجع لليوم المشهور ..
وانت لابس ثوب الدفه خخخ

والله كان ودي اكتب عن اول يوم للبنات بس مرة ثانية اذا شفت الموضوع نجح ابكتب عنا احنا البنات بس بيكون احلى من كذا انشاء الله

كلادو
27-05-2007, 17:46
[خخخخخخ
حركه والله
مشكوره

بس
بليز كملي
العفو يالغالية من عيوني عشانك بكمل ::جيد::
و مشكووووووووووووووووووووووووووووورة على المرور يا عسل

فارس بلا خيل
27-05-2007, 17:48
والله حركه يا كلادو
الموضوع خطيييييييييييييييييييييير مايتفوت والله
بس ممكن سؤال انتي ايش دراك عن مدارس الاولاد و الي يصير فيها انتي قد دخلتي مدارس الاولاد ؟

كلادو
27-05-2007, 17:54
والله حركه يا كلادو
الموضوع خطيييييييييييييييييييييير مايتفوت والله
توك تدري انه خطير ما يتفوت ادري قبلك هههههههههه
امزح معاك لا تزعل ok
بس ممكن سؤال انتي ايش دراك عن
مدارس الاولاد و الي يصير فيها انتي قد دخلتي مدارس الاولاد ؟
ههههههههههاااااااااااااااااااي سؤال زاحف
لا انا مادخلتها لكني البنت الوحيدة لأمي و ابوي و الباقي اولاد
عشان كذا طول الوقت اجلس مع الاولاد الي هم اخواني واسمع سواليفهم :D

a7la-fofo
27-05-2007, 18:48
وااااااااااااااااااااااااااااو
موضوعك رهيييييييييييييييييييييييييييييييييييييييب
بكل ما تحمله الكلمه من معنى
مشكوره على المجهود الرائع

فارس بلا خيل
07-06-2007, 17:08
بس ممكن سؤال انتي ايش دراك عن
مدارس الاولاد و الي يصير فيها انتي قد دخلتي مدارس الاولاد ؟
ههههههههههاااااااااااااااااااي سؤال زاحف
لا انا مادخلتها لكني البنت الوحيدة لأمي و ابوي و الباقي اولاد
[COLOR=#4169e1]عشان كذا طول الوقت اجلس مع الاولاد الي هم اخواني واسمع سواليفهم :D

اها والله انك داجه انتي واخوانك ياحظك عندك اخوان ماشاء الله انا وحيد امي ولي اخت صغيره