PDA المساعد الشخصي الرقمي

عرض كامل الموضوع : @تخيلات محشش@



@ولد الديرة@
25-05-2007, 16:46
تخيل لو بطريقه ملتوية انسبوا اكتشاف الذره لك انت !!!!!!!
والله يافيه ناس يبون يتمصلحون معك وأولهم شركة الاتصالات تبي تصير فواتيرك ببلاش



تخيل لو تصير الدنيا ذي كل ابوها حلم !!!
كل شي حلم * الفيصليه والثمامه والحكير لاند الجديدة والسيارات وستاربيكس.... وتصحى من ذا الحلم تلقى نفسك من ايام العصر الحجري ولابس ورق شجر وبيدك حصاه وتحك رسمات على الجبال تكتب ذكرياتك ..... لا وشعرك جدايل



تخيل لو يطفى عليك الكهرب وانت قاعد تقرى رسالتي هذي !!!!!
اتحداك تكمل الباقي الليله * صدقني تبي تقفل معك وتقول بكرى انشالله فيها يحلها الف حلال



تخيل لو جاك الشايب وعطاك مليون ريال وقال لك : رح يا وليدي لأبها تمش بهالعطلة
والله يا فيه ناس بيجحدون ناس ..... والجوازت تبي تصير زحمة



تخيل لو في يوم وليله اكتشفت انك متزوج لا وعندك ولد وبنت ( الكلام هذا للعزوبيين ) ... والله يا انت تبي ترسل العيال عند جدهم وجدتهم اسبوع ( اقصد يعني عشان يتعرفون على عمانهم )



تخيل بعد لو وانت جالس الحين تقرى بهالرسالة ما يطفى عليك الكهرب يطيح الكمبيوتر وينكسرر ( تطلع وناسه لو كان لاب توب )والله يا بتحقد علي وبتضيفني على المسنجر عشان تقول انتا مو كويس



تخيل لو تدخل يوم غرفتك وتلقى ابوك او واحد من اخوانك الكبار ( اقصد يعني اللي ما تمون عليهم ) جالس على الكمبيوتر وفاتح على المسنجر وفيه اربعه اون لاين ثلاثه منهم صاقعهم بلوك ومستلم القيادة مع الرابعه ..... والله يا انت تبي تفل ام امها ..... لو تقول له ابي عصير منقا بالعسكريم قال ميخالف ( امحق تفكير )



تخيل لو انك راكب موترك ( كرسيدا او كورولا ) وماشي في امان الله .... فجأة وبدون اي مقدمات تلقى نفسك صاقع مرسيدس والا لكزس والا بي ام اخر موديل .. لا ومن زين الطبايع صاقعها من ورى ...
احس انه دكاكين ومؤسسات تبي تعلن افلاسها .... والبيع لأعلى سعر




( هالتخيل موب صاحي ) ..... تخيل لو اكتشفوا انه انت موب ولد امك وابوك وانه المستشفى غلطوا فيك .. وانه امك وابوك ما تدري وينهم .. بس انه هذولا موب اهلك
والله يا بتخنقك العبره .... كل ما دخلت بيتكم تقول ( يا ولد !!! ) ... ابوك ( اقصد اللي كان ابوك ) بيأخذ سيارتك اللي عطاك ....
تبي تطلع من البيت تدور اهلك .... وحاط مثلك الاعلى ( سالي )





تخيل تكتب موضوع وتعبان فيه ولا أحد يرد عليك ... ذيج الساعه والله أنك بتمووت من القهر

م@ن@ق@و@ل

B σ σ d ч
25-05-2007, 16:51
هههههههههههههههههههه تسلم اخوي

@ولد الديرة@
25-05-2007, 16:59
تسلم يا السااحر ع الرد

Ahmedgon
25-05-2007, 17:06
هههههههههههههه

والله تخيلات

وحاط مثلك الاعلى ( سالي )

هههههههههههههههه والله حلوة هذه

تسلم ايدك

@ولد الديرة@
25-05-2007, 17:08
هههههههههههههه

والله تخيلات

وحاط مثلك الاعلى ( سالي )

هههههههههههههههه والله حلوة هذه

تسلم ايدك


خخخخخ تسلم لي والله ع الرد