العجاايز والشيبااان .. "" نكهة الجلسه وحلاوة السوالف ""

[K ! L L 3 R]

..

السلام عليكم ورحمة الله وبركاته..

كيف حالكوا ..كباب ..and Girls ..؟

آخ آخ ...!!لي زمن ما نزلة موضوع ..!! قصدي آسالف معكمـ..صحيح..؟ً!

بيني وبينكم البارحه وانا منسدح على السرير حسيت إن دوده الشطرنج مدري الشريطيه بدت تتغذى وتأكل في مخي .. (( هذا إن بقى مخ ينؤكل )) ... وهذا يفسر لي ريحة الشوّي كل ليله .:D .اثاري هالدوّد مسوي حفله داخل هالكوخ الفارغ .. المهم ماعلينا منهم .. هم الخسرانين لآنها بالنهايه بتطلع لأقرب مركز صحي بعد مايكتشفون:D أن فيها تسمم تغذيه ..:تدخين: ..


ياأخواني واخواتي ..

طبيعي مافي بيت لا يخلوا من الشيبان أو العجز .. واغلب الاحيان يكونوا هم نكهة الجلسه الصدقيه وبدونهم الجلسه ماتسوى

كعادتي لاقمت من النوم مبكراً .. وقبل ماأتناول طعام الإفطور انقز لجدتي .. وأحب راسها عشان اقول لهاا .. صباح الخير يا جدتي العزيزه .. واقعد افطر معها .. وبعدين اطلع للدوام .. وأعتقد ان دعواتها لي دايمن هو السبب الرئيسي اللي يخلي الناس متحمليني وصابرين عليّ وعلى مصالتي ويقولون " كتييير مهضووم << ملعوّب عليه ))

ومع رجعة الدوام وعلى الجلسة العصريه مع القهوه بحضور جدتي .. تبدى السوالف اللي ماودك تقوّم من عندها .. وتبدى السواليف السنعه تطلع حبه حبه .. وان تسانك تبي تفتح سالفتن ماتنصك قل .. " شلون اعرس عليتس جدّي " همن تبدى تسمع التنهيدااات والونيييين .. وتطلع اصوّات تقل صوّت بعير هايج .. أول مره سمعتهاا دقيت على الاسعاف .. على باللي جاها شي ..

طبعاً كل وحده تقول أنا مافي مثل ضفري " يعني مافي مثل شطارتها " .. وكنت مزيونه وحلوه وانا صغيره (( ضامنه انك ماشفتها )) .. وكان باب بيتناا مايركد من الخطااب لين شفت جدك وكان معجبني من أول وكان يصرع كل شباب القبيله .. اييييه انا مانيب ماخذه الا الشجااع .. ووافقت من غير تفكيير .. وتحملت غثااه وبثاارته .. بس وش تقول الوحده ياوليدي .. حمد لله على كل شي ..


وأجيك انا أسئلها سؤال مباغت .. !!!

يعني انتي ماتحبينه .. !! أو مغصوبه عليييه ؟؟

عضت أصبعها وتنظر لجدار السقف همن فكت غطى أبريق الشاي وتاخذ لها قطعة نعناااع وتشمـّـه وتتنهد وتهز راسها ببطء بزعم انها رومنسيه وتنظر فيني وتقول .. كان جدك يحبني موّت .. ماكان يشوف زيي من بين كل الحريييم ..

وأدخل عليهاا بسؤال آخر مباغت .. !!

كان ...!!! ؟ يعني الحين مايحبتس .. ؟

حطت ورقة النعناع على الصحن همن ضمت كراعينها وتناظر أطراف اصابع رجولها على بالها خجلانه .. وتقول .. والله مادري عنه .. ثم سكتت شوي وقالت .. في مره من المرات دخلت على جدك وكان يتابع مباراة الدوري الأوروبي وكان مبسوط مره .. وقعد ذيك الليله كلها يسولف لي عن فريقه يوم فاز ..

قلت ماشالله شكله يحبك مره .. !!

قالت وذيك السنه لما ذبح الخروف وزع لحمها كله وجاب لي تسبد الخروف هديه .. الله العالم انه يموت فيني .. !!


ومن سواليف الحب والغراام بين شيباننا والعجز .. حوّلت لأسلوبهم بالعزاايم بالأول .. تقول كنا في العزايم الحريم يتجمعون ويرقصون قدام الرياجيل .. وكانوا الشياب كلن يتفاخر برقص زوجته .. وبعـودها وطولها .. حتى ماكانت البنت اللي ترقص حاطه برقع ولا شي .. بس ساده فمها بشيلتها وتقعد تهز وترقص ويوسعون صدورهم .. همن سكتت شوي ونظرت فيني وكملت تقول مقولتهم المعهوده "" احنا من أول قلوبنا طيبه وصافيه ومافيها حقد ولا حسد وكان أي شي يقنعنا "" ابد كأننا هالحين ملاعين جدّف الواحد قلبه أسود مثل الفحم ..

قلت لها طيب غنّي لي من أغانيكم الأوله .. وتبدى تحلوّ الجلسه معهاا مع الأشعار والمحاورات .. وحافظه كل اشعاار زماان .. وتعلمني في مغامراتها مع الخرفان والنيااق ورى الوديان والتلال .. وكانوا بالأول يخوفون ورعانهم بقصص خرافيه .. وكانوا ابطال هالقصص (( مصبغ أذانيه بالدم ، السعلي ، الجني الأزرق ..... :D والكثييير))

وسواليفهم كلهاا وناااسه وفله .. :D ماودك الواحد يقوم لاقعد .. :D

لكل عجوز وشايب على كوكب الآرض .. :تدخين: .. بحبكوووووون كليااتكوووووون .. ..


يالله عاد ياجمااعه شاركونا باللي عندكم من سوالف العجز والشيباان .. ودنا نخلي هالموضوع لسواليفهم بس .. وكلن يطرشش اللي بمخه هناا من سوالف سنعه .. واللي ماعنده عجوز .. يطلع يدور له أي عجوز بحارتهم ويقرق معها همن يجيب من سوالفهاا ..


و السلامو عليكو ..

وبالمناسبه ..: المررره الجايه لا أسمع أحد يقول..!!((الفرعون (يوغي) غير كوميدي ..))

اوكي!!

..

[K ! L L 3 R]

..

وش سالفتكمـ أعضاء مكسات ..؟!

ما تعرفون تسالفون ..؟!

..