™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

[red roze]

™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™


عشاق الكورة

نفر (1) :: يا خووك احلى شي عاد لين العين تصدر الدوري
نفر (2) :: ايه .. جفت قول آيتوو عاد شق المرمى شق فديته هالريال
نفر (3) :: روحووو مناك .. بييكم الشبح المدريدي بينثـر هاليهال
نفر (1) :: روح روح .. مدريدك ذيله الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب

™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

المغازلجـيـه

نفر (1) :: اااخ يا الحبيب جفتهااا .. هذي قاعده صوب الدريول
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي العوي .. اللي عباتها الخفاش ..
نفر (2) :: هيه هذي كشخه يابووك بس يقولزن ما تعطي ويـه
نفر (1) :: ما عليك منها .. بتطيح بتطيح ..

عاد الاخو اييب تاريخ اهلها واجدادها على اساس ان انا اعرفها ترى !


™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

المطينزجـيـه ( راعيين المطنزه )

نفر (1) :: جووف جووف .. هذي ام عباة راس صدقني بطيح
نفر (2) :: شدراك انها بطيح ؟! الا اذا عينك فـرن
نفر (1) :: يا العله بتجووف احين

" البنت بتنزل من الباص "

نفر (1) :: حجيييييييييه عبااتج

طــــــــم طـــرااااخ ( طيحه على الويه )
:جرح:
نفر (1) & (2) :: هههههههههه

وتقعد تسب فيهم وتلعن وهم للحين يضحكون عليها


™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

عشاق الكتب ( ما يشيل راسه من الكتاب ساعه )

نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا


™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

صبيان على غير العاده " هاذيله في حالهم"

نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد


™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

عشاق البتـه و الاونو

نفر (1) :: العـــــب خل اكسر راسك .. تقط لي ثنتين الكلفس
نفر (2) :: عشان اتييك الاكـلـه العدلـه ( يلعبون كوت )
نفر (1) :: يا عمـــي .. بنجوف ترى الجوكـر يايك يايك
نفر (3) :: العب العب حبيبي يقولك جوكر ما عليك منه زين

والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب


™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

عشاق الاغانـي والطقطقه

نفر (1) :: دقني ودقني دق
نفر (2) :: شو فيك عبود ...
نفر (1) :: (( مطنش )) و دقني شبع في دق يا ناس بالخيزرانة
نفر (3) & (4) :: او دقني ..... او قدي ......
مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل !


™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

فئة الموضـه


نفر (1) :: شفت وائل كفوري شمسوي عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب يطلع كووول

ذيلين مساكين بعد .. اخرة هالقصات بيسوون تسريحة المطربة صباح !


™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

فئة البناتـيـه

نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك

™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

™₪₪----> ₪(واسمحولـــــــــي شباب وخذوها بروح رياضيه )₪<----₪₪™

ههههههههههههههههههههههههههههههههههه
خخخخخخخخخخخخخخخخخخخخخخخخ
ههههههههههههههههههههههههههههههه

[Feedo Deedo]

واااااااااااااااااااو مشكووووووووره

يو ار فري فللله
الموضوع صدق*صدق

[red roze]

مشكوووووره اختي على الرد الطيب

[Jenny Hewitt]

ههههههههههههههههههههههههههههههههااااااااااااااي والله كشخة
عاد انا معرف سوالفهم في الباص
والحيين عرفت <<<هع هع هع
يعطيك العافية خيتوو

[Ńo Limit]

ذيلين مساكين بعد .. اخرة هالقصات بيسوون تسريحة المطربة صباح !



هههههههههههههه
الله يقطع بليسك مـــت من الضحك


نفر (1) :: رقم 6 بس مب فاهمها .. تشرحها لي ؟!


اصلاً هــو نصاب فاهمها بس يسوي نفسه مايفهم قاله يعني محد يحسده :p


ومشكووووووووووور على الموضوع الحلو ::جيد::

[red roze]

مشكووووووووووورين حبايبي على الردود الطيبه

[ندى العمر]

هههههههههههه
حلوه واحلى شي
فئة البناتـيـه

نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك

هاذي رووعه ياهووو مره مابيجرح مشاعره
وحبيت اسال وش قصة نفر هنووود
ومشكوره ياعسل عالموضوع الفله

[lolo-coool]

خخخخخخ حلوة منك


مشكورة عالموضوع الذيذ زيك


وإلى الأمام

[بدوي وعزمي قوي]

الحمد الله انا بعيد تدرين ليش لاني ماركبت الباص


لانه المدرسه قريبه من البيت كنت اروح المدرسه مشي

على العموم تسلمين على هذا الموضوع الخطير

[red roze]

مشكووور اخوي جوني على الرد الطيب

[فانيليا]

هههههههههههههههههههه
ثانكس عالموضوع الحلو

[red roze]

العفو
مشكووره اختي على المرور

[دلع السعودية]

™₪₪----> ₪(ســــــوالف الشبـــاب فـــي البـــــــــــــــــــاص )₪<----₪₪™

عشاق الكتب ( ما يشيل راسه من الكتاب ساعه )

نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا


الله يكثر من هالنوعية
لأنه نادراً ما نشوف شباب زي كذا :D

وتسلمين يا عسل عالموضوع الحلو
الحمد الله طلعوا الشباب فاضيين وما عندهم سالفة
لا تحرمينا جديدك

[red roze]

الله يسلمك

مشكوور على الرد الطيب

[__tifa__]

ههههههههههه

مشكورة red roze على الموضوع..

دمتي لنا بمرحك

^_^

[red roze]

مشكووورة على ردك..
^_^

[حزوووم]

هههههه هههههاااااي


الحمد لله ماني حق بصااات


يابنت انتي قدها حلو حلو


إلى الوراء

((روح رياضيه))

[Ahmedgon]

مشكورة على الموضوع الروعة واحلى شي الشباب على غير العادة هههههههههههههههه



الحمد الله انا بعيد تدرين ليش لاني ماركبت الباص


لانه المدرسه قريبه من البيت كنت اروح المدرسه مشي

على العموم تسلمين على هذا الموضوع الخطير

والله اخوية من وين ما يحاولو معاك انت لهم بالمرصاد ما معطيهم اي فرصة ( صاكرهم ) حياك الله