PDA المساعد الشخصي الرقمي

عرض كامل الموضوع : الشنطة وانا و الشرقية



ولد شيوخ
16-04-2007, 08:34
سلام يالربع اتمنى اني ما اطول عليكم بس يالله مو مشكلة صح

هما اني اني داويه بس عادي <------- ماعنده

يوم جا ذاك اليوم والقى صديق العمر واروح انا وياه يعني ان قد حن شباب ياذاك ونروح انتمشى وقام الرجال يخبر لي من الشرقيه <-- ما تلاحظون ان مابعد حد جاب جده
ايوه يخبر لي من الشرقيه وان فيها وفيها وهو اصلا ما بعد خرج من الحسا عز الله شمعت في راسي وقلت اربني اروح للشرقيه اواصل دراستي <-- اخس ياللي يحضر الكفاءه
واواصل راستي وانبسط معا الشباب لان كل اخوياي سبقوني بسنه وقدهم في الشرقيه (قومك يومنت سقطه) وانا عمر ي ما طبيت الشرقيه ولاني بداري ويش اصلها
المهم اني سرحت للخطوط طبعا السعوديه ماكان رضيت اسافر الا عليها لان الخطوط الاخرى ماعليها ركنه
والله واحجز بالانترنت <---- كثر منها اما انترنت
لا والله الصدق غير رحت لواحد من ربعنا يعرف واحد من ربع واحد في الخطوط علي شان يحجز لي والله من شافني قال اني ابا اخطب عنده ما كني ابغا احجز لي على طياره
عز الله ما قصر الرجال وبيض الله وجهه حجز لي على الربوع والخميس بس انتظار
وانا ما كذبت خبر واكلم واحد من الشباب يشتغل في ارامكو قلت له تراني جايكم يوم الربوع وسهيت من الخميس وقم الرجال يرحب ويهلي <-- الا والله حزره يتكثح
ويوم جا يوم الربوع فما سافرت والرجال رقب لين انفقعت كبده قال هذا اكيد مقلب من مقالب دليع اللي لكون ما يسوي مقلب كل يوم ماطاعه يرقد ماهو بداري ان دليع ادلع صدق وسهي انه حاجز على الخميس
عزالله جا يوم الخميس ضحى ثم غير اروح للمغسله واجيب ثيابي وغتري ثم غير ادخل للغرفه واقعد اجهز في الشنطه لين اذن العصر تدرون ليه ؟؟؟؟
لان محتويات الشنطه شي خلوني اعطيكم اياه بالتفصيل الممل <-- اخس يالمثقف
محتويات الشنطه :
* كل ما املك واسلك من صور اخوياي وغرارينا كل بيهم ومزرعتنا ومواوي الغنم لاني من عادني غرير وانا الله مشقيني بلقاط الصور والصفر من شافني قال ذا بيهاجر ولا عاده بمعود يشوف صور ذا الوجيه الشينه .
* بيجي خمسمية شريط من جلسات طلال ومنوعات يمنيه وشرطان الحارثي كلها وابو بكر وايوب وعد واغلط
* ثياب للصيف وثياب للشتا وثياب للربيع وثياب للخريف وكلها ملونه <---ضد الجخر
* غترتين العقل مقاس سته واربعين وشالين يمنيه لزوم القحشه
* كتاب ابطال من الصحراء وكتاب لانيس منصور اسمه حول العالم في 200يوم وهذا الكتاب حول ستمية صفحه يعني اثقل منيش والمصيبه اني ما اقرا فيه ما بلا ماخذه لزوم الكشخه علي شان ليحد شافه يقول والله انذا الصبي مثقف
والشنطه براسها مالحد فيها كلام 4في 6 مجلس ولافيها الا كفره وثلاث قد فكوها الغران يلعبون بها
وجا وقت السفر عز الله واروح ثم غير اتوادع من كل اهلنا بدون استثناء وكل من جيرانا والشباب اللي يلعبون معنا كوره كلهم وشباب السمره والهندي اللي في البلاد ولكون جالي كان وادعت كل من اعرفه لكن الوقت ما يسمح
وعزالله خذني ولد عمي وروحني للمطار وانزل وقلت له خلاص ما فيه داعي تنتظر واقوم اجحجح بذا الشنطه الين دخلت صالة المطار وفتشوها وليني والحمد لله برااااااااااااااااااااااءه وادخل واروح لهل الكاونتر ولين قد الرجال اللي انتو خابرين موصيهم علي
عزالله ما بلا عطيتهم التذكره وهم عطوني البوردنق قالوا معك عفش قلت لا ما بلا شنطه وباشلها في يدي ويوم شبحوا في الشنطه قالوا وين بتحطها يادليع
قلت عادي باحطها في حضني
قالوا هات الشنطه هتوا علباك حطها في الشحن وانقلع وهي بتلقاك في الشرقيه <---- يعني ركنوني على الشنطه بس عادي ما حبيت ادقق عليهم
عز الله اركبنا الطياره ولينها اول مره اركب طياره لحالي واول مره اسافر للشرقيه
عزالله ما بلا ركبنا واقذا اللي جنبي بالاسئله عن الشرقيه <---- يعني فصلتها معه وعرفت ذا علي شانه تلثم ورقد
المهم ان الرحله تمر الرياض وانا ماعندي خبر ويوم وصلنا مطار الرياض فغير انزل واروح للسير وارقب الشنطه ولين خريييييييييط ما به شنطه ويوم اقنعت فاروح للموظف واعلمه <----- اعرف اتصرف المهم قال ياخي عود للطياره ولما وصلهنت مطار الظهران عينهنتها
قلت فين حن فين قال في الرياض قلت يارجال انا حاجز للظهران ويش يجيبني للرياض
المهم ان الرجال ما قصر فهمني القصه ورجعت للطياره ويوم قدني طالع قالوا وين البوردنق حقك
ولين وين البوردنق!!!!!!!!!!!! جعلته مزويه وزقرت به من حيث كاني راكب
قلت ما معي شي
قالوا فيش جايبك ؟؟
قلت ابغا اعود مكاني
قالوا ويش نزلك من مكانك
قلت ابغا الشنطه
وبعد ما فقعت اكبودهم دروا اني مواصل للضهران ولاهزؤني جدا ما بلا شوي ثم ردوني للطياره ودورت للبوردنق وعطيتهم اياه
واقلعت الرحله ووصلت مطار الضهران وقال المذيع نشكركم لاختياركم الخطوط العربيه السعوديه الجويه على امل ان نراكم على متن احدى رحلاتنا القادمه<--- اصلا من الاول قد قلنا لكم ماكان اخترنا غيرها
ونزلت وعينتي الشنطه ابشركم واشبح لخويي ولين ما حولي حد قلت في نفسي ما علي منهم باروح لهم على تكس مادام اسم شقتهم معي ما عندي مشكله
واجي ادور لي على تكس ويعني اني حاذق ياذاك رحت للتكاسي الصفر قلت اكيد انهم ارخص واروح واجوب على هنا عبد على ذا الكابرس اللي الله واعلم انه مديل 80والا حوله
قلت ابغاك توصلني المنيره (سكن الشباب )للي ماهم من الشرقيه<--- اخس يالعروف
قال باوصلك ب60قلت اي اما انت وستينك <--- يعني اني كاسرته
قال بخمسين قلت ok احاكيه انقليز علي شان ما يقول ذيا دعله
ولا امدانا نخرج من المطار زين الا قدحن واقفين عند هنا بوابه يعني خنا حول عشر دقايق بالكثير وقال انزل هذي المنيره واامزط له خمسينوراح وانا جيت بادخل قالوا السكرتيه وين تبغا يالحبيب
قلت ابغا خويي
قالوا وينهو ساكن
قلت في المنيره
قالوا اي عماره
قلت مدري
قالوا ما فيه مشكله ايش اسمه طيب ولين هنا الكارثه
الرجال ما اعرف الا اسمه اللي معنا في الملعب والحاره اثر مقصور العمر له اسم اخر يختلف اسمه واسم ابيه غير اللي انا اعرفها لكون ماني بذال افضح به كان علمتكم تشوفون الجهر عزالله دوروا الرجاجيل لين لغبوا في سجلاتهم قالوا ما فيه حد بذا الاسم ولين والله العبره يوم زقتني وحسيت اني زلقت لكن التهمت ان معه واحد اخر في الغرفه وقد خبر لي منه ومن سوالفهم سوا وااعلمهم باسم خويه ولينهم يوم عينوه...يالله لك الحمد المهم انهم قالوا ساكن في عماره تسعه وعشرين تقريبا بس سهيت ما انشدهم من الغرفه كم رقمها <--- ما قلت لكم دليع
وادخل واشادي ذي الشنطه اللي غفتها مثل ما حبيتها فجتني ويوم دخلت وليني بهنا سكن اكبر من ايش واقوم امشي 100متر شرق و100متر غرب ومثلها شمال ومثلها جنوب وكل ما مشيت ميه قلت لااااا حزرهم في الشق الاخر ويوم مازد احتلت اتحرك فاحط الشنطه واقعد جنبها
ولين هنا فلبيني يوم عرض من عندي واطمر فيه كني طايح عليه من عند ربي وانشده من رقم العماره طبعا نشدته بالفلبيني علي شان يفهم <---لاحد يصدق يالله به يتحاكا عربي وعاده يغلط فيه لتيغه
المهم انه رواني العماره ولينها في اخر السكن حسبي الله عليهم ما عينوا يحلون الا في تيك العماره اللي تحت الجبل واروح اشادي الشنطه السحقا ولين ماني بداري كم رقم غرفتهم وانا قد الموت فيني وجيت ولين ذا العماره اللي اما سته والا سبعه ادوار قد السهيا مني ولازد دريت ايش اسوي قلت ياولد مالك الا تشغل العقل الداهيه لاني خابر هل نجران الله اسكنهم بالكتاب على بيبان الغرف
(حضرت ولم اجدكم ) فلان
وقلت اكيد باعين غرفه عليها كتابه وبانشدهم من الشباب وفعلا حصلت غرفه وادق عليها ولين خريط ولين فيه غرفه في اخر السيب فيها صجه ولجه قلت بس هذولا الشباب مربعين ذلحين ومبسوطين واروح وادق عليهم وليني بشباب من هل الشمال عزالله قلطوني الشباب وانشدهم قلت تعرفون حد من هل نجران
قالوا نعرفهم كلهم مننت تبغا منهم قلت فلان وفلان ولين هنا واحد يوم بحض بي خذ فؤادي الله ياخذ فؤاده وانشب في حلقي قال هذولا اخوياي ووالله ماتروح الا بعد العشا اثر ذي كلها حفله وانا قلت ياولد حزر العيال مهادينه وبيحط الفله فيني واخر يا اعذار وداويه واهدار لين غصبا فكني قال ها الشباب برا ولا بعد جاو وانت الليله بتمسي عندي لين يجون قلت ماعليه انا باروح لهنا واحد في العماره اللي جنبكم وبارجع عليكم وانتوا خلوا شنطتي عندكم وحسكم عليها <------كل شي فيه وفيه الا ذا الشنطه
وانزل واقعد في هنا زيل عند الباب في روا العيال يجون وكل ما جات سياره هذولا هم ولين خريط ويوم جات الساعه 3 ولين والله ذا الكرلا اللي فيها سته يوم جات ودورت من عندي وابعدت ويوم هنا ولينها يوم وقفت ونزلوا منها الشباب ولين والله ماني انكرهم <---صقر فبغيت ابكي من الفحر والفرحه ويوم جاوني فما خليت عليهم كلمه <---- عصبي
عزالله طلعنا قلت ترا قدني باموت من الجوع <--- ما فيه مجال للسحا
وروحني خويي لمطعم الله العالم انه في الثقبه اسمه كوكميل ونلبدها ونتعشى ونضوي ونرقد ماعاد فيني عيضه

الصفحه ماعاد وسعت اكمل لكم الباقي ما قلتكم من اولها اني داويه بس باكملها في حلقه اخرى والنابي منكم

ابراهيمو
16-04-2007, 09:04
هههههههههههه
انتظر الحلقة القادمة

ولد شيوخ
16-04-2007, 09:29
لعيونك ابراهيمو الحلقة الثانية


طبعا رقدنا ذاك الليل ونسرح انا والشباب كل يوم لهنا مطعم عندهم في السكن ويدخلون الشباب ويحاكون هنا بلايات انقليز وانا كني حاشي في ساقة ابل والحاشي ماشي ماهو بداري ايش السالفه ...خذولهم العيال صحون وقالوا لي شل لك صحن وما خذنا منه فخذ لك مثله ولا نسمع كلمه <--- يتتيشون علي
ويم رحنا للطاوله ولين الشباب كل واحد معه سكين وملعقه وشوكه واخوكم في الله معه ثلاث سكاكين --------->ما قلت لكم دعله بس ما صدقتوا
المهم ان حن كل يوم نفطر سوا ويوم جا ذاك اليوم ولين الشباب يوم تنذلوا فيني وعيوا ما يسرحون معي وانا عقرني حب الفطور اللي ماني بداري ويشهو خاصه اهنا قرص مليان مربعات ويصبون فيها عسل
المهم اسرح لحالي ولاعندي فيهم وارقع الصحن وملعقه وشوكه وسكين وحده ويوم جيت ابغا القرص المبارك ولين بعد زينوه اثره ما يزين الا على الطلب ولا دريت ايش اقول على شان يعطون لي قرص له اسم غريب غير القرص المهم ارقب لين جا اول واحد يطلب له قرص قلت يا الاخو اطلب لي معك قرص وانا باحاسب عزالله ماقصر الرجال طلب القرص واروح ابغاادخل من عند المحاسب علي شان افطر فاقعد البلا يحاكيني انقليز وانا ما معي من دراستي كلها الا خمستعشر كلمه انلقيز فاهلها له كلبيها مثل المسبحه
Yes Idont no becuse welcom you can important very bad
الله الله
عزالله شبح فيني شبحة العباير فغير ابتسم له يعني اني امزح معه وان قدني انا وياه الشي واحد ----------------------->درى انه مخمل
قال لي you are very crazey

قلت له :yes i dont no .............الخ واهل اللي انتوا خابرين كلها
فاطرندني من المطعم درا اني ماني بموظف ولا حسني الا القرص اللي ما خلاني اكله
واروح للشباب واعلمهم باللي صار

واحد طاح تحت السرير يضحك هذا اللي يعني انه خويي
والثاني استحا مني وراح يضحك في غرفه اخرى
وادعس في بطن خويي شقاها والضحك ومن فحر القرص فسكت
قلت علمني ايش ملعون الفلبين يقول؟؟؟
فقرطب يضحك من جديد وانا فصلت معي قلت بتعلمني والا اروح العن ام الفلبيني
قال يارجال : لكون صاحبي حي تحاكا لكونك بتلعن امه ما جيهنتني غير فش فيها ...قلت طيب ايشهو قال
قال هذا يقول انك (.......) كلمه مالها داعي نكتبها
ولين ذا خوينا الاخر يوم جا ولينه جايب الفطور والقرص واللي به ولازد خلتني فرحة القرص التهم ايش الفلبيني قال
ويوم افطر والذي علي بالشور قلت لخوينا ايش معنا كلمة الفلبيني قال يقول انك اخبل من يدعس
قلت عادي اهم شي القرص وكلناه طرقن علي خشمه -------> والله وهنا خشم
ودارت الايام وناسه وسجه ولين قدني داري ايش اسم القرص وكل شي تمام
ويوم جا ذاك اليوم ولين الشباب يوم سرحوا صبح وارقب وارقب وارقب ولين خريط ما جاو اثر دوامهم لي للغيبه وانا كتلني الجوع والضما ولا معي ولا ريال والما حقهم مخنز اهنا بزبوز اضنه من البحر سيده المهم اقلب في الثلاجه وليني يقرطاسة فصفص مالح --------> احسك ياولد
واحسكها كلها ولين الضما يوم تزايد يا والله النشبه
قلت ياولد مالك حل الا ترقد لين يجون
اراوغ ابغا ارقد ولين خريط ما به نوم
ولين ما معي الا العقل الداهيه واشغل العقل <-------- ولين مافيه كهربه
وانزل وادق اصبع البطاريه <--------هييييييييييه ما عاد ذا بعقل اكذب شويش
فكرت والتهم ان الشباب لما اشترينا ايام الطخطخه من البقالات والمطاعم حقت سكنهم يردون لنا هلل وقروش ونحطها في درج
والله وامتعط كني والا اقول لكم مالها داعي اعلق على نفسي
لفلفت الهلل والقروش اللي في الدروج كلها واحطها في قرطاسه لين غدت كتها تيك اللي تجي في المسلسلات الدينيه اللي يجي واحد يمشي بتيشه ثم يقول خذ ويحك هذه خمسون دينارا واعتق هذه الفتاه
وارقع ذيعندك الصره وادعس للسوبر ويوم جيته قال اذهب قصدي قال رح اصرفها من عند هل الكبينه حقت التلفون وتعال
واروح لهل الكبينه واخر يا سبعه ريال ونص واعود ما يفقع راسي مدفع واشتري واحد ببس وبسكوت مالح -------> قلت لكم دليع بس ماحد صدق
واشتري لي بريالين ماء -------> اما ذي صراحه اني عاقل فيها
واشتر ي رياضيه ماله في الكوره بس يبغى ما يقطع وقته لين يجون الشباب
المهم رحت للغرفه والقم البسكوت واشرب الببس والماء حرسه في الثلاجه ازيد استهلك ماحد جاني
ولا خذت ساعه الا والجوع فيما هو فيه ولين لاعاد به هلل ولا عاد الا .......
المهم مالنا في طويل سالفه
جاو الشباب ولين كل شي يبطي الا الخصمه واهل عليهم من الخصم اللي كان وقر موتر ولينهم يوم كلموا هنا مطعم وجب لنا متاع للمغرب يعني ان عاده غدا
قالوا حن بنرقد وانت قومنا نروح للمطار فيه واحد من اخويانا جاي وجايين معه عيال عمه بنروح نستقبلهم
قومت الشباب على الوقت ولا احسن ساعه منبه وجابوا خويهم ولينه معهم في ارامكو ولين عيال عمه عواطليه بس ماهم بدارين اين روسهم يعني بكراتينهم ماهم بزيي وكل شي يجهرهم ذولاك الثنين والله ونغدي صداقه علي كيفك ياذا الثلاثه اللي مالهم حاضي والسفر----> انا داري انهم متلزقين فيني علي شان كاع ادلهم بس عادي
ويم جا ذاك الليل ونروح لكرنيش الخبر ياذا الثلاثه اللي مالنا رابع انا وعيال عم الرجال كوي خويي
ونروح يعني انقدحن مغزلجيه ياذاك وانا يعني اني الشخصيه حقهم ناكس العقال ومسوي حركة فراشه والشباب داقينها عصبه من ذيك اللي تجي من نصف الراس والمرزام طالع (الغتر مكويه )االمهم كل ماعرضنا على عايله قاعده قال الاول حمس قلبي
قال الثاني حمس قلبي لاحظونا يابشر ورفع صدره فوق
وانا جريت الصوت ادندن ابغاهم يقولون ذا رومانسي
والين العوايل كلهم اجانب فارشين لهم على البحر ومترتخين في الجبن والخيار والطماط ولاهم بدارين ايش حن نقول هذي وجهة نظري في الموضوع لانهم لو دروا ايش حن نقول كان ماتوا فينا
المهم رحنا لمحل اسكريم ونشتري ثلاثه اسكريم بسكوت
وانا ما خلاني حب الاستطلاع اكل مثل العرب ابغا ادري ايش في اخر ذا البسكوت
والله واول لقمه في اخر البسكوت ولينه فاضي طبعا قلت انهم غشاشين واعود اكل الاسكريم واسولف معا اخوياي الجدد ويم خذت ولين الثوب حق الصيف يوم قلب لونه احمر واصفر من الاسكريم خرب الشخصيه
قلنا ياولد ماعاد حد بشابح فينا خلنا نظوي
ونظوي وهات ياضحك معا الشباب طبعا ماهو بعلى الاسكريم
ويم جا ذاك اليوم ولين العلم يجيني قالوا رح لفلان اللي من ال فلان وهو بيتوسط لك
واجوب على الشباب قالوا رح تكس----------> يلعن ابو النذاله
وجا فجر واسرح لهنا مكان ماعادني بداري وينهو ذلحين المهم اني عينت تكس بيجو فيه مثل ذولاك اللي يجون في الافلام المصريه اللي شالين لهم اغراض وعزبه وريحهم ثوم وبصل واتجبر بالله واركب معهم قلت وصلني الحسا قال باولك الدمام وانت خذ ليموزين
وصلنا الدمام واخذ ليموزين ب 150 لاحد يقول ما اكذبه انه جالي معا العلم حواله
المهم ان الليموزين دعس علي خط الحسا ويوم قد حن لاعاد حن بهنا ولا بهناك فلين جزمان يوم بنشر ولين ما معه استبنه واقعد يشر لين وقف له اهنا خبش مثله ووصله للبنشر وانا راز وجهي في السياره لا مكيف ولاذي ولا بنت الذي
جا الرجال وصلح البنشر ومشينا ولين ماهو بداري اين الجامعه ويانشده وداويه واهدار لين وصلنا الجامعه
طبعا ابغا اشوف ايش العلم قبل اروح للرجال
عزالله وصلت الجامعه ويوم شافوا معدلي قالوا راجعنا يوم الاثنين
قلنا خيره
واروح لهنا حساوي دب قلت ممكن التلفون لو سمحت لان فيه شباب ماخذين صيفي في الحسا وقلت باكلمهم اثر الشباب يدرسون في الحسا وماخذين الصيفي في الدمام
وادق عليهم وكل ما دقيت قال اطلب اولا مفتاح المنطقه
ويم علمت الحساوي قال هات اشوف الرقم ويوم شافه قال
هذا الرقم موووبلحسا
قلت بلا يارجال كيف انا سارح من الشقه اللي ذا رقمها <------واثق
قال مره مووبلحسا
وقلت انه باللي يبغا يصرفني كل شي يطري لي انه صادق
فاخرج من هنا باب مقفل طمرت تعرفون كل شي يبطي الا الطمر واول ما وقعت ولين ذا التكس الاصفر ديييييييدقلت لااااا ابغا ليموزين
اثر مابه الا تكاسي في الحسا وارقب ارقب ولين خريييط
وهنا حر الله وكيكلكم كني قاعد عند ضو ..سمووووووم
عزالله امشي ولا وصلت اهنا اشاره الاقدني ياموت من الحر وادق على جنب هنا ددسن قلت توصلني واعطيك اللي ودك
قال وين تيغى
قلت اقرب فندق
قال بعشره
واروح معه ولا بلا فكت الاشاره ومشا شوي ونزلني قال هذا فندق المزروعيه وانزل واخذ لي غرفه وارقد ولا قمت الا مغرب
واخرج اتمشى ياذاك ويم خذت فلين قيامة الله يوم قامت ولين الهيئه متحاوليني من كل شق
قلت ياولد بس الحرب قامت
قالوا ايش جايبك في سوق النسوان
وياحلايف ونشبه اني ماني بداري وارويهم كرت الفندق وغصبا فكوني
واعود سيده للفندق المبارك واعطيه الرقم حق التلفون يعني ان قدني من رجال الاعمال قلت بالله دق على الرقم ذا وحوله لي للغرفه وانا مابلا قلت ياولد قدهم ابخس بارقامهم هو من الحسا والا مووووومن الحسا

ها وياشيني لغبت كتابه باكمل لكم في اجزاء اخرى

عاد يالله ابي المشاركات :D :D :D ::جيد::

اسومي
16-04-2007, 09:40
هههههههههه
مشكور ع الموضوع

برق 2008 الهوى
16-04-2007, 11:31
هههههههههههههههههههههههههههههه
مشكوووووووووووووووووووور