PDA المساعد الشخصي الرقمي

عرض كامل الموضوع : تخيل انك بنت !!!!!!!!



الفارس الاعظم
24-01-2007, 12:29
تخيل انك صرت مثل البنت .. مع العلم ان شنبك يمشي عليه التيس
ككككككككككااااككككككككككك
خلونا نقرأ وش صار لما تخيلنا هالشي
( !!!! والله فشله )

هاهاهاهاها عاد أنا مت من الضحك على الموضوع
شي مو طبيعي

تتفاجأ في يوم وانت قاعد تقرا كتاب رومانسي و مشغل اغنية رايقة و سرحان في حبيبة مجهولة , الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع.
ترد انت بكل خوف : خير يمه؟
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت والكل يبيك. ها وش رايك؟
ثم تنزل انت راسك في الارض و تلعب باصبعك في شعرك (او شنبك) و ترد و انت مستحي و خدودك حمرة (هذا اذا كنت محلق اللحية) و تقول: ....
الشور شورك يا يمه إهئ إهئ

تقول امك: انا بصراحة ما اشوف في البنت شي. ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف السفر و الخربطة و ما تشرب خمر و لا تروح لاستراحات البنات. ولا دخااااان يعني بنت ما عليها.
تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)
تقول امك: هي شافتك و انت نازل من باص المدرسة بس و سألت عنك و قالو لها ولد سنع وتكانه ماهوب راعي أسواق ولا فيصليه ولا مملكه و كوفي شوب و ما يطلع الا مع ابوه. (والله فشيلة بس بكمل)
و تراها هي و امها جايين يوم الخميس علشان يشوفونك.
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ وش يعشينا.
تقول انت :اللي تشوفينه يمه.
وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع و تقول : اه اخيرا حست و خطبتني. ( لا لا لا والله ما يصير بس بكمل)
و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (ميش) و تحف حواجبك و تشيل شعر يدك و رجلك بحلاوة و تطلع زي فلقة القمر
وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة سقف قصدي فتحه من عند الساق و فتحه في الظهر و بدون اكمام (جبانيز) و ذاك المكياج وذاك العطر و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي
ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تخش المجلس اللي فيه البنت و تقول بصوت ناعم: احم احم الس سسسلام عليكم...... مشكله لو إنك دوسري كان على طووول تقوم تردح ههههههههههه (صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك)
و تقولها تفضلي
تقول هي: وش أحلى العصير الاحمر و لا الاصفر؟ بزعمها تبي تلطف الجو معك
تقول انت: كله حلو
تقول هي: اكيد كله حلو لانك انت اللي مسويه
ثم تحط الصينية بسرعة و يدك على فمك و تضحك و تروح داخل بسرعة
الا اخوانك يستنونك و يقولون: ها وشلون شكلها
تقول انت: واي واي تهبل تهبل حلوة و دمها خفيف و ذوق اهههههه
الا ابوك من المطبخ يلولش ويصاوي (يزغرط بالمصري) لللللللوووولللللوووووشششششششش مبروك يا ولدي
الا بدخلة اختك العربجية من بره و حاطه عبايتها على كتفها و معلقة السجارة في فمها و تقول : خير وش فيه
يقوله ابوك : قصري صوتك في وحده داخل خطبت اخوك
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن امها اللي جايه تخطب اخوي
الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات .
و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون وتروحون التحليه وتوقفون عند كوفي تايم وتطلب موكا بالكليجا قصدي بالشوكلاته بكل حيا و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام وأحلام وصيته والعنود قصدي على أنغام طيران فرقة الشاطئ للرجال و طبعا مافيه زبيدة او صيته او العنود و سارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) ههههههههه و تقولك: الله صاير مثل القمر
ثم تلف وجهك وانت مستحي
و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم
وتطلع من المستشفى الى بيت اهلك علشان ينفسك ابوك ( النفاس 40 يوم)
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك
و ترجع لبيتك تربي عيالك و تطبخ الغدا لزوجتك
وتتخانقون ساعات و تنام و دمعتك على شنبك تقطر اربع طعش سبع طعش ونص هههههههههههه
ويزيد حدة الخلاف و تاخذ شماغك و عيالك و تروح لبيت اهلك
و تصلح امك ما بينكم و ترجع الحياة مثل اول.
لا لا لا لا لا لا لا لا لا لا والف مليون لا

انا انتحر احسن لي
مانيب قادر اكمل
هل يا شباب تخيلتوا في يوم انكم تقولون : واي واي يهبل
انا رايح انتحر احسن لي
بس المشكلة اخاف اموت
بس كله في سبيل الشرف يهوووون ويموووون

:D :D :D :p :p :p

*دلوعة النجوم*
24-01-2007, 13:14
هههههههههههههههههههههههههههههههههههههههههههههههههه هه

مشان تعرفوا كيف البنوتات يتعبوا......................

وعن جد يسلمو كان نفسي اضحك...........

cute4ever
24-01-2007, 13:26
هههههههههههههههههههههههههههههههههههههه

موضوع يموت من الضحك

في الغرب البنت فعلا هي اللي تخطب الولد...... وتدفع المهر وكله

يعني ما يتضايقش اوي

ههههههه

سلام

Đαηkσηαh
24-01-2007, 14:24
خخخخخخخخخخخخخخخخخخخخخخخخ

موضوع رووووووووووعه وياليت البنات يخطبون فللللللللللللللللله

عشا نأدبكم ...

ليه البنت تتعب وانتم مرتاحين واي واي هع

ومشكوور على الموضوع..

تحيتي

im your angel
25-01-2007, 01:30
من جد حسوا فينا شويه كيف نتعب

مشكوررررررر اخوي على الموضوع,,,, واي واي يهبل

*STAR OF SKY*
25-01-2007, 07:11
يريت الرجال يساعدونا ونااااااسه يطبخون لنا ويرتبون لنا وناااسه خخخخخ

بنت الدار
25-01-2007, 10:40
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه اههه هههههههههههههههههههههههههههههههههههههههههههههههههه هههههههههههههه

خليكم تحسووهههههههه ن كيف البنات يتعبون سيرو سوق وشتروا وخذوا ماركات ما ويصكم احلى شنط .. شنط ماركة (( ديور )) كووووول اشتروهن اوكيه ..

ههههههههههههههههههههههههه

كوووول الموضووع ((بنات اتخيلنا طلعلنا شنب مثل الاولاد )) .. ويديه

ALEXANDRA
25-01-2007, 14:38
السلام عليكم ورحمة لله وبركاته

ههههههههههههههههههههههههههههههههههههههههههههههههه

يسلموو على الموضوع الرائع والله يعطيك االعافية

وشكراً