angel_night
19-01-2007, 18:43
مذكرات راسب توجيهي
لا تحاول تجاملني يا صاحبي و عينيّ الدموع قطره ما ظل فيها
و تقولي على ايش زعلان ؟ علشان في التوجيهي رسبت شو فيها
لو بنت رسبت بالامتحان بقدر صاحبها بكلمة حلوة يواسيها
أنا في التوجيهي يما سقطت و دمعتي الغالية يما مين بدو يدفيها
قاعد حزين انا على باب الدكان و القاعة يا اخوك انا قاعد بتخيل فيها
و يجيك معصب صاحبك و زعلان و الاسئلة يقعد هو يوصفلك فيها
تفوت انت على قاعة الامتحان والاسئلة مثل البس تغش فيها
و تصير تقول لحالك في الامتحان الشهادة بالمستقبل شو بدي اعمل فيها
بكرة الحكومة بتوظفني استاذ و مرتي من وين بدي اطعميها
اختصرها و روح على امريكا بجوز تلاقيلك شغلة محترمة فيها
و احلق مارينز و امزع بنطلونك ووقف على المواقف مع معلمينها
و امزع كم البلزوة والبس سنسال و كزدر في فلوريدا و فيع بشواطيها
و تروح على الامتحان زعلان حامل كبريتة و الكتب تحرق فيها
احسنلك يا اخي بيع الكتب و اتعلم البلياردو بمصاريها
و روح على الدار زهقان الدنيا و البهدله ما نعرف من وين نلقيها
امي تصيح و تقول رسب الولد و امي يا ريت اقدر انسيها
انا بالتوجيهي رسبت شو يعني هو انا اول واحد برسب فيها
انا سقطت ما طارت الدنيا و على ايش يا يما الدمعة تذرفيها
ما يما من اول يوم فيه على المدرسة رحت و انت النتيجة تعرفيها
كنت كل يوم اسهر لقاع الفجر و صفحة يما ما كنت اعرف اوفيها
اروح على الامتحان اليوم الثاني نعسان و الدنيا عجل و انا بلف فيها
نقد ثقافة ادبية و دين و ادب عربي و الرياضيات يا عالم شو اعمل فيها
يا خسارة تعبت يا استاذي ليال طوال سهران و هو يدرسني فيها
لوغاريتم و بيرسون و سبيرمان مالنا و مال هالناس و حكاويها
كل السبب يما تاريخ الادب و معلقة عنتر بن شداد شو بدو فيها
والله بسببه لاحرم الشعر و احرم كل القصايد العربية و قوافيها
و الا الثقافة العلمية يا بشر عاملين حالهم فهمانين فيها
و الدول الغربية وصلت القمر و احنا ندرس المرآة و صورتك فيها
والا الادب الانجليزي يا اخو العرب و لغة الغرب ليش بدرسونا فيها
و التربية الاسلامية كتاب وزنه رطل و فن العمارة شو بدو فيها
ما بكفيهم احكام الشرع الاسلامي مالطلاق والزواج هاي مقدور عليها
و ما تقولي يا اخوي تاريخ العرب و العرب هالدنيا شو عملوا فيها
ما ناقصنا والله كلام و امجاد مر الزمان عليها و ما سأل فيها
مرة يقولوا وصلنا لحدود الصين والقدس و بير السبع من رجعوها
و يقولوا جغرافية اقتصادية كذب قال يقولوا الصومال اكل ما فيها
والله عندهم الموزة قد الفرشة تقعد اسبوع و انت توكل فيها
ويقولوا نفط العرب زي الذهب والعراق لولاه شو الي جوع اهاليها
و فاعل و مفعول و مبتدا وخبر والهمزة اكتبها تكسب اجر فيها
و موضوع انشاء اكتب باختصار عن زمبابوي والوضع المالي فيها
و بعد السقوط من الدار انطردت والوردة الي زرعتها مين بدو يسقيها
و ابوي يقول سقط الولد الهامل ما قلتلك يابا الصياعة شو بدك فيها
ليالي طوال سهرتهن والدنيا و انت طفران يخوي ما اطول لياليها
و لابوي اليوم رجعت انا غلطان قلتله بس هالمرة يابا مشيها
و العصا من جنبه حملها و قال الي روح من قدامي لاسلم روحك لباريها
و انا رايح من بعيد يا يما لمحت غرفتي ما بعرف مين بلعب فيها
و ابوي من الشباك متاكد اني شفت مكتبتي هو الي قاعد بنبشلي فيها
مزع كل رواياتي وكتب الشعر الي كنت انا في التوجيهي مشتريها
و في الاخر عرفت يا صاحبي انه الحياة بدون توجيهي ما بينشرا فيها
و انا هالقصيدة اليوم كتبت بس للي في التوجيهي ساقطين فيها
اهدي سلامي لاخواني الساقطين والي الدنيا بعمرهم ما سالوا فيها
موفقين و انتوا مفيزين على امريكا و رايحين تفيعوا و تنشروا الفياعه فيها
مع تمنياتي بالسقوط للجميع
وإنشاللةالموضوع يعجبكم ::جيد:: ::جيد:: ::جيد:: ::جيد::
لا تحاول تجاملني يا صاحبي و عينيّ الدموع قطره ما ظل فيها
و تقولي على ايش زعلان ؟ علشان في التوجيهي رسبت شو فيها
لو بنت رسبت بالامتحان بقدر صاحبها بكلمة حلوة يواسيها
أنا في التوجيهي يما سقطت و دمعتي الغالية يما مين بدو يدفيها
قاعد حزين انا على باب الدكان و القاعة يا اخوك انا قاعد بتخيل فيها
و يجيك معصب صاحبك و زعلان و الاسئلة يقعد هو يوصفلك فيها
تفوت انت على قاعة الامتحان والاسئلة مثل البس تغش فيها
و تصير تقول لحالك في الامتحان الشهادة بالمستقبل شو بدي اعمل فيها
بكرة الحكومة بتوظفني استاذ و مرتي من وين بدي اطعميها
اختصرها و روح على امريكا بجوز تلاقيلك شغلة محترمة فيها
و احلق مارينز و امزع بنطلونك ووقف على المواقف مع معلمينها
و امزع كم البلزوة والبس سنسال و كزدر في فلوريدا و فيع بشواطيها
و تروح على الامتحان زعلان حامل كبريتة و الكتب تحرق فيها
احسنلك يا اخي بيع الكتب و اتعلم البلياردو بمصاريها
و روح على الدار زهقان الدنيا و البهدله ما نعرف من وين نلقيها
امي تصيح و تقول رسب الولد و امي يا ريت اقدر انسيها
انا بالتوجيهي رسبت شو يعني هو انا اول واحد برسب فيها
انا سقطت ما طارت الدنيا و على ايش يا يما الدمعة تذرفيها
ما يما من اول يوم فيه على المدرسة رحت و انت النتيجة تعرفيها
كنت كل يوم اسهر لقاع الفجر و صفحة يما ما كنت اعرف اوفيها
اروح على الامتحان اليوم الثاني نعسان و الدنيا عجل و انا بلف فيها
نقد ثقافة ادبية و دين و ادب عربي و الرياضيات يا عالم شو اعمل فيها
يا خسارة تعبت يا استاذي ليال طوال سهران و هو يدرسني فيها
لوغاريتم و بيرسون و سبيرمان مالنا و مال هالناس و حكاويها
كل السبب يما تاريخ الادب و معلقة عنتر بن شداد شو بدو فيها
والله بسببه لاحرم الشعر و احرم كل القصايد العربية و قوافيها
و الا الثقافة العلمية يا بشر عاملين حالهم فهمانين فيها
و الدول الغربية وصلت القمر و احنا ندرس المرآة و صورتك فيها
والا الادب الانجليزي يا اخو العرب و لغة الغرب ليش بدرسونا فيها
و التربية الاسلامية كتاب وزنه رطل و فن العمارة شو بدو فيها
ما بكفيهم احكام الشرع الاسلامي مالطلاق والزواج هاي مقدور عليها
و ما تقولي يا اخوي تاريخ العرب و العرب هالدنيا شو عملوا فيها
ما ناقصنا والله كلام و امجاد مر الزمان عليها و ما سأل فيها
مرة يقولوا وصلنا لحدود الصين والقدس و بير السبع من رجعوها
و يقولوا جغرافية اقتصادية كذب قال يقولوا الصومال اكل ما فيها
والله عندهم الموزة قد الفرشة تقعد اسبوع و انت توكل فيها
ويقولوا نفط العرب زي الذهب والعراق لولاه شو الي جوع اهاليها
و فاعل و مفعول و مبتدا وخبر والهمزة اكتبها تكسب اجر فيها
و موضوع انشاء اكتب باختصار عن زمبابوي والوضع المالي فيها
و بعد السقوط من الدار انطردت والوردة الي زرعتها مين بدو يسقيها
و ابوي يقول سقط الولد الهامل ما قلتلك يابا الصياعة شو بدك فيها
ليالي طوال سهرتهن والدنيا و انت طفران يخوي ما اطول لياليها
و لابوي اليوم رجعت انا غلطان قلتله بس هالمرة يابا مشيها
و العصا من جنبه حملها و قال الي روح من قدامي لاسلم روحك لباريها
و انا رايح من بعيد يا يما لمحت غرفتي ما بعرف مين بلعب فيها
و ابوي من الشباك متاكد اني شفت مكتبتي هو الي قاعد بنبشلي فيها
مزع كل رواياتي وكتب الشعر الي كنت انا في التوجيهي مشتريها
و في الاخر عرفت يا صاحبي انه الحياة بدون توجيهي ما بينشرا فيها
و انا هالقصيدة اليوم كتبت بس للي في التوجيهي ساقطين فيها
اهدي سلامي لاخواني الساقطين والي الدنيا بعمرهم ما سالوا فيها
موفقين و انتوا مفيزين على امريكا و رايحين تفيعوا و تنشروا الفياعه فيها
مع تمنياتي بالسقوط للجميع
وإنشاللةالموضوع يعجبكم ::جيد:: ::جيد:: ::جيد:: ::جيد::