PDA المساعد الشخصي الرقمي

عرض كامل الموضوع : سوالف البنات في الطابور !!!



Fahad coOol
24-12-2006, 09:02
سوالف البناات في الطابور!!


--------------------------------------------------------------------------------

هلوووووووووووووووو
هذي حركاااااات البناات في الطابور شوفوها واحكموا!!
البداية مع التفتيش :

 ليش مريولك موديله كنه فستان عرس ؟ أبله هذا ستايلي ..

 ليش حاطة عدسات زرق ؟ أبلة عيوني هذا.. امي اوروبية .

 ليش كل هذا الكحل ؟ أبلة عيوني كحلية طبيعيا .. .

ليش المناكير ؟ أبلة هذا حنة سوداني مو مناكير .

 ليش ما ترددين تحية العلم ؟ أبلة حلقي تعورني . ههههه ومن الجهة الثانية صوتها و سوالفها واصل لآخر صف ..

ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة
ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله .!!
و طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه

وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.نمر للبنات اللي مبققات عيونهم على الأبلوات ..

 وين أبله سيتوبلازم ؟مواقفة جنب العمود أكيد غايبة اوكي الحصة الأولى فاضيين . يا سلااااااام

وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي

 وين أبله الحجم العائلي ؟ اوف كمان جاية .. لا وتشوف علي كمان شافها ملك الموت " عزرائيل " اليوم قولو آمين

 شوفوا معلمة عطيات تنورتها تحفة .. خيالية.. آخر موضة ..من وين اشترتها ؟

عاد معلمة دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات :
 أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .
 تدرين مع من سولفت أمس بالشات ؟مع لبناني وحاط صورته يمة يذوب شعر اشقر و عيون خضرا .
و نخلص بالبنات اللي اختصاصهم الحش :
 شفتي فلانة امس فاتحة شعرها كنه خرطوم حريق.
 ولا علانة اللي كانت عايشة في ماليزيا اليوم جايه بقميص صوف والحرار 40 درجة غبية وحدة .
 ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .
و في النهاية تجي معلمة قلم ماشي و تقول : وين انتوا في سوق سمك ؟ وحنا نقوم نضحك كالعادة
ولازم كل سبت واربعاء أنا واماني وباقي الشله عند المديره" دايما نلبس كوتش رياضي وهذا ممنوع "
وبعد اسبوعين استدعاء للطرد وهذا الطلوووووب



...............تحياتي لكم فهد كووووول...............

Shadows Miss
24-12-2006, 09:09
ههههههههههههههههههه ...

يقطع ابليسك ...

كيف تعرف كل هذا ...

انا بديت اشك انك بنت ... :مكر: ...

ههههههههههههههههه ...

يسلمووووووو ... كووووووووووووووول ...

HARD-GIRL
24-12-2006, 11:56
هههههههههههههههههههههههههههههههههههههههههههههههههه ههه

والله جبتها جيب

شكرا على الموضوع

*MAI*
24-12-2006, 12:00
مشكور

تسلم فضحت البنات بالمنتدى

هههههههههههههههه

شكلك كنت معنا أمس يوم نتفتش

بطاطس مقلي
24-12-2006, 12:17
ههههههههههههه

تسلم اخوي وصراحتا كل مواضيعك حلوه وضهرت كلها مره وحده

وانا بعد بديت اشك انك بنت بس مادري

((ان اغلب الشك ضن))

سيوووو

أنعم عربجية
24-12-2006, 12:51
مشكور أخوي ويعطيك الف عافية على الفضايح

Silant lOvE
24-12-2006, 14:53
ههههههههههههههههههههه اونه خبير سوالف بنات بعد من قدك


الصراحه احنه انسوي جذه اول هم انا بس حش شويه مو وايد مثل الاشياء اللي يقولونها

Fahad coOol
25-12-2006, 16:04
ههههههههههههههههههه ...

يقطع ابليسك ...

كيف تعرف كل هذا ...

انا بديت اشك انك بنت ... :مكر: ...

ههههههههههههههههه ...

يسلمووووووو ... كووووووووووووووول ...



مشكووووورة يالغالية على مرورك ويعطيك الف عافية....


لا يالغلا انا مو بنت أنا تمساااااااااااااااااااااااااااااح كبييييييييييير :D <<<<خخخخخخخخخخخ

تحياتي

فهد كوووووووول

Fahad coOol
25-12-2006, 16:05
هههههههههههههههههههههههههههههههههههههههههههههههههه ههه

والله جبتها جيب

شكرا على الموضوع


العفووووو ويعطيك ألف عافية على مرورك .....

تحياتي

فهد كوووووووول

kazaa
26-12-2006, 14:45
سلام

لا انا اقول عنده اخت مثل هالحركات اكيد

اللهم لك الحمد ماني من هاذا كلش

**hinata**
26-12-2006, 14:58
هههههههههههههههههههههههههههههههههههههههههه
رهههههههههههههههيبة
هههههههههههههههههههههههههههههههههههههههههه
كيف عرفت بهذه السوالف

stop3131
26-12-2006, 15:14
و الله يا يبها عدل

الي قول قاعد امدرسة بنات مو اصبيان