PDA المساعد الشخصي الرقمي

عرض كامل الموضوع : أهل البران يقلطون هنا



*سالي*
20-12-2006, 12:15
السلام عليكم ورحمة الله وبركاته ...
شخباركم شباب وشابات بخير؟..عساه دوم ان شاء الله ..

البر فيه فرحه و وناسه و وساعت صدر و و و و و شي حلو مره ما أدري وشلون أوصفه <<<عليان وسعيدان على غفله ...
المهم السالفه وما فيها اني حبيت نتبادل حديث وآراء حول البر...
يعني كل واحد يقول وشو يعجبه في البر ..وشو اللي يتمنى يسويه وللحين ماسواه ..واذا كان فيه موقف حلو مضحك أو مخيف نتمنى انه ما يبخل فيه علينا ...

واتمنى من كل الأعضاء اللي دخلوا وقروا هذا الموضوع ما يطلعون الا بمشاركه <<نشبه هالبنت ههههههه...
يالله نبي نشوف الحماس




ابدأ انا طيب ::

مره كنا انا ويا اهلنا كلهم في البر فكنت منزعجه من وحده اشوي وروح اكفخها (( اشوي اشوي هههه
عاد انا يزعم بروح اوريها (( اول مره اسويها ترى .. وكنت لابسه الجلال الكامل ـ اللي له يدين ولفه متصله (( وكنت متغطيه وجهي فيه ـ عاد مشيت ورفعت اكمامي يعنني قويه مشيت والشرار يتطاير من عيني وشوي ونا امشي ولا الاقي ظل رفعت راسي ابي اشوف مين صاحبه لقيت واحد كان قريب من الخيمه ومهو امبين منهو شوي ولا انتبه انه واحد يقرب لي من بعيييد وتقريبا حولي بالعمر عاد انا ينقالي استحيت على وجهي ونزلت اكمامي وبسررعه هروووب خخخخخخ وبعدين مشيت عادي قدام الناس يعنني ما سويت شي ؟؟


يالله عاد وروني مواقفكم .. ولا تبخلون علينا ابي الكل هنا ..



اشوفكم على خير ..

بالتوفيق ..

اختكم سالي ..

.p.i.m.p.
20-12-2006, 21:00
الصراحة روحاتي للبر معدودة


واحسن منظر يعجبني لما اشوف الدبابات تطلع الطعس




والصراحة ما عندي ولا موقف



ومشكورة

غـ المـهــا ـزال
21-12-2006, 05:11
السلام عليكم

اللــــــــــــــــــه يا زين البر وريحته>>>>هو له ريحه هع هع

والله امنيتي اني اركب ناقه بس اهلي ما يرضون يا ربي

وامنيتي اني اسوق بالبر جــيــب هذا ودي تتحقق ادعي لي تكفين انها تتحقق>>>>>>>>>>>>>مسكينه البنيه هع هع

ايه الموقف

مره رحنا مع جماعتنا البر وكنت انا وامي وجدتي واختي رحنا بروحنا مكان ما يشوفنا احد والي يسوق امي وانا واختي كنا راكبين اخر شئ وكنا فاتحين الباب >>>>>>>>مرجوجات ههه

لمن صفطنا وقعدنا اشوي بعدين ركبا نبي نرد مكانا امي ما عرفت ترد السياره ليـ ورا >>>>>>>>>>فضيييييييييييييييييحه


عاد المصابن يمرون علينا بس ربي ستر

المهم شفنا ددسن ماره علينا بالبدي راكبين بزران والي يسوق واااااااااااااااااااااااو لابس عمامه ونظارات والله يطير العقل المهم استغفر الله عاد كان بعيد اشوي وعاد امي وجدتي قعدو يتناقشون نناديه ولا مانناديه

اخر شئ قالت ميدنا انا واختي نادوه انا الوحيد اقدر اصفر>>>>اذا ما فهمتو نفس الصبيان لمن يصفرون

المهم واختي تلوح بدينها ليمن جا

عاااااااااااااااااااااااااااااااااااد هو قال حق امي تزل وجدتي انزلت ما بقى بسياره الا انا واختي يوو ركب السياره وقام وحركها لين ورا وحنا ما تحركنا من مكانا >>>>>>فشيييييييييييييييييييييييييله
عاد هو يخز من المرايه مالت السياره والله فشله

ادري طولت ههههههههههههههههههههههه

وشكرااااااااااااااااااااااااااا

*سالي*
23-12-2006, 10:56
افرحني مروركم العطر ..

واتمنى لك اختي غزال المها (( تركبين ناقه ـ وتسوقين جيب ))

ومشكورررين ..

بالتوفيق ..

اختكم سالي ..

0ناروتو0
23-12-2006, 11:13
السلام عليكم



يا زين البر



لا موقف

ومشكورة

coco crazy
23-12-2006, 15:33
السلاااااااااااااام علاااااااااااااااكم
كيف الحال يابعدي ...
صراحه موضوعك يا اختي سالي مميز وروعه ..لانه انا ماقد شفت اي موضوع في مكسات يتكلم عن البر والبرّان

آآآآآآآآآآآه يالبر ماازينك .. فلّه ونفاه وتغيير جو وسعة صدر بعيدا عن المدينه واجوا المدينه الصاخبه _________اخس ,,نيويورك على غفله !!
المهم انا احس في البر ,, لا منّا حمّلنا القش ____على قولتنا !!
وطلعنا انا يالعائله الكريمه كلنا وعبرنا السهول والهضاب وبين المراعي والتلال ...(هايدي على غفله!!)
ووصلنا على خير ,, كل شي يصير غير ...وجده غير والله غير ....
حتى اخواني واخواتي (وهذا مسلسل كان يجي في شهر رمضان المبارك اعاده الله علينا وعليكم بالخير والمسرات وعيدكم مبارك)
نرجع الموضوعنا..حتى اخواني واخواتي وانا من ضمنهم يتغير مزاجهم ...
نقعد نلعب مع بعض ونحط قاروره والشاطر اللي يرجمها من بعيد (يعني رمايه !!)
ونرمي بالكوره فوق في السما والشاطر اللي يمسكها ونلعب سباق الهجن (يعني نتسابق) ونادرا انا ماافوز في الالعاب الالومبيه بس المسأله كلها وناسه وسعة صدر واذا كان نفود نتدحرج على الطعس ..
واهم شي في الموضوع اني انشب في حلق ابوي عشان اسوق ..وفعلا ..كل مارحنا البر لازم انّا يالبنات نسوق (عاد انا وسواقتي تقل واحد ماعنده رخصه !!!خخخخخ)
المهم بالنسبه للمواقف اللي قد صارت لي موقف ما انساه الا وهو اني مره يوم كنت صغيره كنت وش حليلي قاعده عند الموتر واحفّر في التراب والعب فيه وكلّي براءة (ياعيني علي!!)
المهم ومادريت الّا وذاك القبّون (وهي حشره تشبه الخنفساء بس ان موديلها غير !!)
مادريت الا والقبون يرررررركض عندي ... انا انغرف عقلي واقوم انحاش وادور حول السياره يمكن حوالي عشر دورات (طواف على غفله )!! والله انه رعب ما انساه !! ويوم وقفت وانا الهث مالقيت الحشره !! وقعدت اتلفّت يمنةً ويسره خوفي ان احد شاف هبالي عاد على طول عند اقرب شيخ يقرا علي _نسأل اللله السلامه _
يوه ياسالي والله عندي مواقف مره كثيره بس ..خانتني الذاكره والذاكره خوّانه ..آه ياليل ..
وماازين الشوي في البر ...طعمه غير والله ..
واذا كان موسم ربيع ووسمي هذا والله شي ثاني ..احسن من باريس ..ايه والله ..
وونااااااسه لو تمر من عندنا غنم ولّا تيوس او حتى بعارين ,,,,,, فللللله
ياحبني للبعارين ..وخصوصا البعارين الصغيره والنياق ..
بس للاسف ماقد امرحنا في البر (يعني نمنا فيه )
وياهي قصتنا قصه مع البنشر والتغريز .... بس والله ونااااااسه
الحين اهلي ماعد لهم خلق على البر , واخواني ماعد يتحمسون له ,,
اييييييييييييييه ياحزم الضامي

وفي الختام اعتذر عن الهرج الكثير مال انا
وتقبلوا تحياتي
اختكم في الله
انا

*سالي*
25-12-2006, 10:15
مشكووورسن اخوي ناروتو ..

واختي كوكو كريزي (( اذا ما خطأت في قرايتي للاسم شكلك تحبين البر لدرجه كبيييره ..

تدرين عاد انا اخيس شي عندي في البر ان الخرفان يكونون قريبين مننا .. واااع استغفر الله .. والله البر كل شي فيه يهبل الا الخرفان ؟؟


بالتوفيق ..

اختكم سالي ..

coco crazy
25-12-2006, 11:54
تدرين عاد انا اخيس شي عندي في البر ان الخرفان يكونون قريبين مننا .. واااع استغفر الله .. والله البر كل شي فيه يهبل الا الخرفان ؟؟

ههههههههههه وش الدعوه !!
بس لأني انا احب الحيوانات مرررررررررره, فهمتي علي !!
ولاني مااربي ولا حيوان عندي (يعني محرومه اهيء اهيء اهيء )
اقوم احط حرّتي في الحيوانات اللي في البر
بس مثلا قولي الكلاب هي اللي تخوف اذا شفتيها ,
ايه على طاري الكلب
مره قد شفت ثعلب في البر (ابا الحصين )
يوووووووه على الثعالب !!ياحبني لها !!
وبس !!
ماودّي اطوّل عليكم

*سالي*
07-01-2007, 11:32
وين الناس ؟؟


لهدرجه الموضوع مو حلو ؟؟

coco crazy
07-01-2007, 13:22
لا ياسالي موضوعك مره حلو وفله ويوسع الصدر وخصوصا فيه سوالف وذكريات

بس المشكله

مافيه تفاعل ........

الاعضاء اللله يهديهم مايعطون وجه !!!!!!

انا والله حبيت موضوعك

باااااااي سالي

امبراطورة نجد
08-01-2007, 21:20
مشكووووووووووووووووووووره على الموضوع

الصراحه يازين طلعت البران بس المشكله اهلي مو راعين بران يمكن في السنه مره
عاد اذا طلعنا إنا وعماني احلل الطلعه <<تقول ماعمرها شافت بر

ومره صارلي موقف كنا راكبين دبابات البنات والاولاد عاد كنت مركبه بنت عمتي معي ومرجوجه مثلي
وعاد تعرفون لازم عرض المهارات وكنت انا الي اسوق وكنا كلنا فوق جبل نطعس
عاد قلت خل انزل عند قسم الرجاجيل وكنا نتغطى بس قلنا انا وياها بر وحوسه خل نفتش اليوم هذا بس لانهم راكبين معنا دبابات وشلون نلعب وانا متغطين عاد عاقبنا ربي وإنا رايحين للقسم وكنا مسرعين تقول لاحقهم كلب وكنت ابي الف الجهه الثانيه الا مادريت الا الدباب منقلب وانا ناطه وكاني بمسبح وذي الي ناطه فوقي بنت عمتي عاد كان قدامنا ولد عمي من الفشيله عيني ماشلتها منه خفت يضحك علينا بس هو حس بفشيلتنا وراح عقب ما تكسرنا وتبهذلنا
بس ربي ستر وماشافونا الباقين ولا فتحوها مطنزه علينا لان اشكالنا جد تضحك وإنا عاد قمنا وكملنا معننا متجرحين بس عشان مايحسون ان ماعندنا سالفه بالسواقه

يمكن ماتحسون انه يفشل مره بس انا ما احب اطيح عند رجاجيل او اولاد

بس هذي الايام البر مره برد ما نقدر نخيم

وترى موضوعك مرررررره جنان للي يحب البر

*سالي*
09-01-2007, 11:57
** مشكورين على مروركم العطر **



:) :) :) :) :) :) :) :)

وننتظر الجميع ..

اختكم سالي ..