PDA المساعد الشخصي الرقمي

عرض كامل الموضوع : دافع عن جنسك.....!



طفش جداااا
06-12-2006, 10:45
السلام عليكم........
كيف الحال شباب وصبايا؟؟؟؟؟؟؟؟ عساكم مرتحاين؟؟؟!! ان شالله دوووم
عالعموم حبيت اطرح الموضوع عشان ابغى آخذ رايكم في قضية تهمنا كلنا......
على الرغم من وجود العادات والتقاليد في حياتنا ,,, الا انو مااحد يقدر ينكر وجود علاقات تكون بين اثنين مايعرفون بعض (( بنت وولد طبعا!!)))) فتبدأ المكالمات ويبدا اللقا ......... الخ
لكن اللي يقهرني واللي يبي يفقع كبدي ، ليش انو أكثر هالعلاقات اللتي تكون بين البنت والولد هي مجرد بالنسبة له أو لها مو أكثر من تقضية وقت ,,, ويكون أو تكون ماخذه هالعلاقة مجرد لعب ووناسة وموضة وبس......
عشان كذا انا أقول اذا كان لابد من وجود هالعلاقات في مجتمعنا ليش على الأقل ماتكون علاقات صادقة ....؟؟؟!!!
ليش ماتكون العلاقة الموجودة بين اثنين علاقة صدق وعاطفة ومشاعر واحاسيس ورومانسية و تضحية وانسانية .... وفوق هذا كله ليش ماتكون هذي العلاقة بكل ماتحمله الكلمة من معنى..... علاقة حب.....؟!
ليش الدعوة بس مجرد وقت ضايع بين ذول الاثنين ؟؟؟
ابعطيكم مثال عشان افتح لكم المجال...........
كنت اعرف واحد من اخوياي كان متعرف على وحدة وكان يكلمها يوميا وبعض المرات كل يومين واستمر هالوضع لمدة 4شهور ,,,,,,,, بعد 4 شهور جحدها ،،،،،، ليش؟؟!! لأن الأخ يوم طلع معها أول مرة وشاف وجهها .... ماعجبته ، مو حلوة كفاية لحضرة جنابه....
طيب لعلبو دارك 4 شهور وانت تعطيها من الكلام والحلو والسوالف والاسلوب الاوكي ،، بعدين تجحدها زي السلام عليكم....
و وترا فيه غيره وزيه كثير ،،، وما أبغى أتكلم عن حركات البنات بعد ، عشان السطور والله ماراح تكفي للاثنين : للولد والبنت...
لهذا ارجو انكم تعطون رايكم بصراحة.... من هو اللي غلطان وليش ، ولا احد يدافع عن جنسه عشان هذا جنسه لا ، كلنا اخوان عطونا الصدق وبس .
ويعطيكم العافية وسلاااااااااااااااااااااااااااااااااام.........

.: Snow White :.
06-12-2006, 10:58
السلام عليكم........موضوعك رائع اخي...وانا ما راح دافع عن جنسي بس راح احكي الصدق واللي عم شوفو ببساطة...الجانب الاقوى في هيك علاقات هو الولد وبس...لانه اللي يقدر يترك ويضل ويحب ويرفض...حسب مزاجو وذوقو وانت جبت مثال وخير مثال والله..يعني لانو شكلها ما عجبوو خلاص دعسها وتركها ..يعني ما شاف فيها شي حلو غير الشكل...وهو بعد شكلو شو احلى من القمر يعني؟..هن كلن هيك كل الشباب مع اني ما بعطي فرصة ولا بسمح لحدى يتلاعب فيني او حتى اعطيه وجه بالشارع...لاني بعرف انه كل هيدا لعب في لعب من طرفن طبعا..البنت والله وبكل صراحة بقولها بتحب عن جد اذا حبت...حتى لو شكل الولد مو ولا بد بتضل متمسكة فيه اذا شافت منه طيبة، رقة، تعامل حلو ،احترام انو شي...بتنسى الشكل عطول...في حين الولد الشكل بيضل بيطاردو لانه بيعرف انه علاقة وبتنتهي فبيقول مع حالو خليني اتباهى قدام رفاقي انه عندي صديقة حلوة وانيقة وشيك كتير..بس يوم يجي يتزوج غصبن عن عيونو بياخذ المتزنة العاقلة، والشكل احتمال يجي بالدرجة التالتة ومو شرط تكون قمر لا حلوة وبس او مقبولة او انو شي المهم انها بنت ناس وعالم ومتخلقة..على كل الحكي بيطول بهالموضوع...مع انه الحكي ما راح ينفع عشان العلاقة بين شاب وبنت محرمة اساسا....ويسلمووو عالموضوع المفيد للطرفين...دمت بخيييييييير.::جيد:: ::جيد::

ώαтея Ĺіlў
06-12-2006, 11:21
معليش أخوي تكلم باسم الإسلام مو بالعادات والتقاليد

بعدين هذا الشي منبوذ عند كل عاقل وعاقلة لأنه ماحرمه الإسلام بالتأكيد فيه مصلحة للمسلمين
يعني فكر أو فكري شوي لوكان هذا الولد يحب البنت صدق كان ليه يكلمها من أساس وهو يدري إن هذا يضر بها وبه
لو كان يحبها وحب بأخلاص كان جاء عند باب بيتها وخطبها أو مولازم إذا كان توه صغير يجي عند باب البيت ويقول والله أبي فلانة تنزل ليه مايقولها علنا لأنه داري إن اللي مسويه غلط
وهي المسكينة (إلا من رحم ربي) ماتفكر إنه كذاب
لو كان هو صدق راح يحبها كان مايقول خذي كلمي صدقي يبي يسمع صوتك لو أنه يحبها صدق كان غار عليها مثل مايغار الرجال على حرمته
الغرب اللي هم الغرب يغارون على حبيباتهم من البنات
بعدين تعال هنا أهو وشلون يحب وحده ماشافها ولا يعرف عنها شي وهي الثانية بعد وشلون تحب واحد مايعرفها وما تفكر أهو على أي أساس يحبهاولا هو تقليد أعمى وبس

ماراح أطول بالكلام
و أخر شي أبي أقول إن أي أحد أو أي وحده بالأخص تطيح في مسمى الحب الزائف هذا غبي(ه):تدخين:

وسلام سنو وايت:)

@ mimi @
06-12-2006, 11:36
.: Snow White :. + (--نــارتــو--)


كلامكما كله صحيح ;)

و شكرا على الموضوع يا طفشان ^^

DEVIL.LEN
06-12-2006, 11:54
ممم

انا قلتها مره بقولها ثانيه

مثل ماللبنت باب تطلع فيه من ورى اهلها لها باب بعد يقدر الولد يطقه ويخطبها

وبس
اما عن العلاقات ليه مو جديه
لانها خاطئه وهي بطرق خاطئه والنتائج خاطئه
لامكالمات ولا طلعات ولا شي

بالطريقه الصح بيكون كل شي صح

وتسمل على طرح هالموضوع

ώαтея Ĺіlў
06-12-2006, 13:02
.: Snow White :. + (--نــارتــو--)


كلامكما كله صحيح ;)

و شكرا على الموضوع يا طفشان ^^


تسلمين حبيبتي على التأيد

طفش جداااا
06-12-2006, 17:34
أولا يعطيكم العافية كلكم على ردودكم..........
ثانيا: انا يوم حطيت الموضوع والله العظيم كنت عارف ان البداية راح تكون عند البنات لأن هالقضية تضر البنت أكثر من انها تضر بالولد .....
يعني كلام سنو وايت في اعتقادي انو صحيح مئة بالمئة........ لأن البنت هي اللي تاخذها العاطفة اكثر من الولد ، وكلامها برضو صحيح عن انو اهم شي بالنسبة للولد انو يشوف الجمال في البنت ، بعيد عن الشخصية والروح والتعامل وكل هالاشيا، أنا ما أنكر هذا لكن أبغى أقول ان أصابع ايدينك مو سوى..... ((ولو كانو نوادر فهذا مايمنع وجودهم))...
الشي الثاني اللي ابغى أقوله للأخت نارتو : انه صحيح كلامك ، هي اولا وأخيرا عقيدتنا بعدين تجي العادات والتقاليد اللي تمنع هالشي ، لكن زي ما قلت من قبل أنو مستحيل أحد ينكر وجودهالعلاقات وأنا أتحدى لو ماكان من بين كل 3 شباب على الأقل شاب واحد يكلم بنت أو يعرف واحد غيره يكلم بنت ، والعكس برضو صحيح للصبايا.....
وللأخت ديفيل لين أقول : مو معقول انو العلاقة ماتكون جدية عشان بدايتها خاطئة ، وعشان الشي اللي بدايته غلط نتيجته غلط,,,,,,,,,,,,,,,,,,,,,,,,,,
يعني اللي بدايتهم زي ماقلت مكالمات ولقا وطلعات وانتهت بزواج وعايلة وبيت ، هذول كلهم نتائجهم غلط؟؟؟؟!/

ώαтея Ĺіlў
13-12-2006, 22:39
زي ما قلت من قبل أنو مستحيل أحد ينكر وجودهالعلاقات وأنا أتحدى لو ماكان من بين كل 3 شباب على الأقل شاب واحد يكلم بنت أو يعرف واحد غيره يكلم بنت ، والعكس برضو صحيح للصبايا.....
كل هذا من المراهقه
ومن الأهل
ويجي أولا من التربية السيئة
وأخيرا من الرفقة السيئة
يعني أنت شف صديقك هذا وش تسميه من هذي الأشياء


يعني اللي بدايتهم زي ماقلت مكالمات ولقا وطلعات وانتهت بزواج وعايلة وبيت ، هذول كلهم نتائجهم غلط؟؟؟؟!/
معليش أنا ماقد سمعت عن اثنين تخبو وتلاقو من خلف الكواليس وكل واحد مكتم وإذا بغت البنت تعلن الولد يرفض او العكس أنتهت علاقتهم على خير

طفش جداااا
14-12-2006, 10:26
مسا الخير
اولا نارتو مشكورة حبيبتي على ردك........
ثانيا انا شكلي باطول معاك،،،،،،،،،،
انا موضوعي مو عن اسباب وجود العلاقات عشان تقولين التربية والرفقة ...الخ ,,, ولو اني بازيد سبب على الاسباب اللي كتبتيها وهو ان الشخص ممكن انو يكون وحيد ومحتاج احد يفهمه ويمكن ما يلقى هالشي الا عند الجنس الثاني ....
بعدين انا يوم كتبت ان العلاقة ممكن تنتهي بالزواج ماكنت اقصد مكان محدد لأنو كلامك عن الكواليس والتكتيم يخليني اتوقع انك تقصدين هالشي عندنا في السعودية ، وهذا صحيح لانو في السعودية العلاقة ممكن تطول لكن نادر جدا تنتهي بالزواج ، الا اذا كان الطرفين منفتحين شوي ،،، وانا ماابغى اقول اني اعرف اثنين كانت بينهم علاقة ما شالله عليهم استمرت وانتهت بالزواج عشان مااتوقع انك بتصدقيني...................
لكن عالعموم مشكوورة على ردك و ويعطيك العافية....

ka$h5a
14-12-2006, 13:09
انا اقول مثل (__ ناروتو __) و ميمي
ومشكووووووووور ع الموضوع

لونــــا
14-12-2006, 15:43
و أنا اقلك انه الولد هو الي يضحك على البنت انه يبغا يتزوجها و من دا الكلام كله..

و الله رأيي انه زيما في شباب بيلعبو في بنات بيلعبو..

يجي الشاب يلعب مع البنت الي تبغا تلعب مو يضحك على انسانة و يوعدها و بعدين يجحدها!!

خلاص يروح للبنت الي تبغا لعب و يقلها انا بالعب و يطقطقو معبعض و السلام ليش يعني الا و الا يبغا البريئة..
!!

و المشكلة انه اللعابين وجههم كلح!

يعني مافي رجال لعاب يقبل انه يتعامل مع بنت لعابة!!

الا و الا ياخد البريئة!!



و انا من كل قلبي اقول:

الله لا يسامح أي شاب ضحك على بنت..

و لا يسعده يا رب في حياته..

زيما اتعسها و بكاها و مرّضها..

حسبي الله على كل الرجال الي من دي الشاكلة!!

و اصلا في كل الاحوال..

انا انصح انه البنت و الولد يبعدو عن دا الطريق..

ربنا ما حرم شي الا و له اسبابه..




و شكرا على طرحك للموضوع..

طفش جداااا
14-12-2006, 16:26
مشكور حبيبي عميد على مرورك الحلو,,,,,,
ومشكورة حبيبتي لونا على الكلام اللاذع .............
واحب اردد وراك آميييييييييييييين
وابغى اقول لك اللي نساك انسيه ............
ومشكورين مرة ثانية على ردودكم!!!!!!!!!!!!!!!!!!!

ka$h5a
14-12-2006, 18:20
مشكور حبيبي عميد على مرورك الحلو,,,,,,
العفو يا حبيبي
موضوعك روووووووووووووووعة؛؛؛؛؛؛؛؛

ka$h5a
14-12-2006, 18:23
بس انا استغرب
ليش انتا اسمك طفشان
كيف تطفش في هاذا المنتدى

نزف الأحاسيس
14-12-2006, 21:43
اسمحلي اخوي انابتكلم على منهج الشريعه مو منهج عادات وتقاليد
ومارح اطول كلها كلمتين
اخوي هذا الشئ لو كان في صالح البنت او الولد كان حطه ربي من زمان
صح ولا انا غلطانه
واضن ما فيه شي اسمه علاقه بي بنت ولد وتكون علاقة صداقه تدري ليش
لان كل واحد فيهم بيناظر نظره جنسيه اكثر من انها مجرد علاقه صح ولا لا
لا تقولي لا ومدري كيف والدول الغربيه
لأن في اول الامر بتسير علاقه صداقه بعدين شوي شوي لين تسير زي ما يقولون المصيبه الكبرى
الله يستر علينا وعلى بنات المسلمين
وثانيا كيف تقول علاقه بين بنت ولد والاسلام اصلن محرم عليها انها تخطلط او تكشف لولد عمها
هو ولد عمها مب انسان غريب
فعشان كذا اخوي اوزن كلامك وانتبه له قبل لا تكتبه لان كلام بجد ماله داعي وكله غلط في غلط يعني ما فيه من الصحه شي او الايجابيه حتى واسمحلي على هذا الكلام
ولو كان هذا الشي فيه مصلحه كان ربي حطه

سلطان السعودي
15-12-2006, 01:12
المهم انا سعووووووووووووودي وبي هذا الي يهم
يلا باااااااااااااااااي

طفش جداااا
15-12-2006, 13:23
مشكورين كلكم على ردودكم وطبعا لي وقفة مع كل رد :
اولا حبيبي عميد ، هذا الاسم كتبته عشان كنت مستعجل يوم اني اسجل في هالمنتدى الروعة وبعدين ندمت لاني مااقدر اغيره ........
ثانيا مساري السعودية ،، احنا في وادي وانت ياخوي في وادي ,,,,,,,,,,,,,,
ثالثا وهو الرد المهم,,,, اختي نزف الاحاسيس ترا مو ذنبي مادام هالعلاقات موجودة وانا قلت من البداية بالرغم من وجود كل شي سواء كانت الشريعةاو العادات والتقاليد الا انو مااحد يقدر ينكر وجودها و كل اللي انا سويته اني سلطت الضو عالموضوع. انا ادري ان هالشي محرم ، ولكن تحريمه مايمنع وجوده ، زي الاغاني مو هي حرام ؟؟ لكن شوفي كم شخص يسمع اغاني ، او يشرب دخان او او او او ...........................
عشان كذا ارجوك انك ماتزعلين لاني مقتنع تماما بالموضوع اللي انا طارحه وهدفي من طرحه:< مادام انو الغلط موجود ليه مانحاول نخفف ضرره> ؟! ,,, وترا ما اتوقع اني قلت اي شي غلط عشان تكتبين كلام موزون وماكلام موزون,,,,,,
لكن ارجع واقول انو لكل واحد وجهة نظر خاصة فيه,,,,,,,,
ومشكورة اختي على مرورك ،، ويعطيكم العافية
ولسا استنى منكم المزيد.......

.: Snow White :.
15-12-2006, 14:32
معليش أخوي تكلم باسم الإسلام مو بالعادات والتقاليد

بعدين هذا الشي منبوذ عند كل عاقل وعاقلة لأنه ماحرمه الإسلام بالتأكيد فيه مصلحة للمسلمين
يعني فكر أو فكري شوي لوكان هذا الولد يحب البنت صدق كان ليه يكلمها من أساس وهو يدري إن هذا يضر بها وبه
لو كان يحبها وحب بأخلاص كان جاء عند باب بيتها وخطبها أو مولازم إذا كان توه صغير يجي عند باب البيت ويقول والله أبي فلانة تنزل ليه مايقولها علنا لأنه داري إن اللي مسويه غلط
وهي المسكينة (إلا من رحم ربي) ماتفكر إنه كذاب
لو كان هو صدق راح يحبها كان مايقول خذي كلمي صدقي يبي يسمع صوتك لو أنه يحبها صدق كان غار عليها مثل مايغار الرجال على حرمته
الغرب اللي هم الغرب يغارون على حبيباتهم من البنات
بعدين تعال هنا أهو وشلون يحب وحده ماشافها ولا يعرف عنها شي وهي الثانية بعد وشلون تحب واحد مايعرفها وما تفكر أهو على أي أساس يحبهاولا هو تقليد أعمى وبس

ماراح أطول بالكلام
و أخر شي أبي أقول إن أي أحد أو أي وحده بالأخص تطيح في مسمى الحب الزائف هذا غبي(ه):تدخين:

وسلام سنو وايت:)

كلامك سكر..والله...وسلام الك ياقمر.::سعادة:: ..وتسلمي حبيبتي ميمي عالتاكيد..::جيد::

GREAT BAHMOOT
15-12-2006, 15:12
رأي مثل عميد تسلم أخوي على الموضوع الروعة

غزال الريم
15-12-2006, 15:39
انا مارح ادافع عن جنسي
لان الطرفين اثنينهم غلطانين
الولد لانة يلعب على بنات الناس
ولبنت لانها رضيت بهذي العلاقة
وما عندي كلام اقولة لانكم ما قصرتوا
وسلام

طفش جداااا
15-12-2006, 16:07
مشكورين حبايبي اسطورة وسنو وايت وغزال الريم على مروركم ويعطيكم العافية,,,,,,,,,,,,,,,,,,,,,

miss _ fa
15-12-2006, 16:59
انا عن نفسي الاثنين بس الاول البنت طبعا لانها عارفة وضعها في المجتمع حقنا
و تسوي كده يا تكون ما تستحي او انها ما عندها شخصية و تقلد باقي البنات على انه موضة و بعدين لا تفكروا انو انا بدافع عن الاولاد لا الاولاد غلطهم انو كمان هما عارفين وضعها بس مو فارقة معاه هو بيتسلى مو خصران شي حتى لو الناس اتكلم عليه ما حيكون زي لمل يتكلمو عن البنت والولد لازم يعرف انو عندو اخوات و حيسرلوا بنات فلازم على الاقل يتقي الله فيهم


و شكرا على الموضوع الحلو ولو في بكلامي غلط اتكلمو عادي
يلا باي

Miss _ Fa

طفش جداااا
15-12-2006, 20:15
مشكورة مس فيا على ردك الروعة ويعطيك العافية...

طفش جداااا
16-12-2006, 14:28
الزبدة ياعالم تكفى ابغى اسمع اراء ثانية بعد
ياللا

أمير الرياض
16-12-2006, 14:49
انا اوااااااااااااافق وأأيد ديفل لين ونارتوو
صحيح الاسلام ما حرم شئ الا وهو فيه مصلحه
لأن الإنسان دين الفطره
ويا طفشاان تخيل هذا الشئ صار في بنتك ولا اختك
بتقووول عادي
أتحداك وإن قلتها ترا ميب من قلبك
وشكرا علي الموضوع الجميل
ولا تزعل مني؟؟بس شكرا علي الموضوع

طفش جداااا
16-12-2006, 14:57
يعيطك العافية اخوي............
وبعدين سواء كنت ارضى هالشي او لا ، ابغاكم ياعالم تفهموني تكفى ،،، انا بس اللي ابغاه هو ارائكم حول الموضوع ،، وش فيكم احس انكم حاقدين علي وكارهيني عشاني طرحت ذا الموضوع؟؟؟1

yuna^-^
16-12-2006, 15:04
انا ماراح ادافع عن احد الاثنين غلطانين


وببايو

طفش جداااا
16-12-2006, 15:09
يعطيك العافية على ردك المتواضع

طفش جداااا
17-12-2006, 10:27
يا رب احد يعطينا رايه يارب.......
نبغى ناس تكتب يالله اكتبوا.................
يزعط احمسكم<<<<<<<<<<<

طفش جداااا
17-12-2006, 16:05
هلا هلا

أغلى الأسرار
18-12-2006, 10:09
اخوي طفشاان جدااا

اولا اشكرك عالطرح

وثانيا جميع الاعضاء الي رفضوا طرحك وشافوا ان ماله داعي
اقولهم ماعندكم سالفه

لان فعلا هالشي موجوود وماحد يقدر ينكر

اما عن سؤالك ليه ماتكون العلاقات صادقه
منهم الاثنين
البنت موقادره انها تثق بالولد
لانه هو ماعطاها هالثقه
لسبب انه مو مصدق انها بريئه
او انها ماتكلم غيره
ومعذور بهالشي
لانه مافي وحده تكلم شخص الا اكيد انها كلمت غيره
والا ليه ايزي عندها كلمته
سواء بالتليفون او الشات او المسن
ولو افترضنا انه مصدقها
وانها هي صادقه
اكيد بتقول بينها وبين نفسها
معقوله ما يكلم غيري
معقوله يحبني

وغير هذا
انهم مو واثقين بحبهم
بمعنى
ان المثل يقول الممنوع مرغوب
ولما كان ممنوع انه يكون بينهم اتصال
وسوو الشي ذا من ورى اهلهم
حسوا بنشوة التحرر والاختيار الذاتي المتفرد
لكن لو ان الاتصالات بين الجنسين مسموحه

كان البنات والاولاد جميعا

في بينهم نوع من الصراحه
يعني البنت ماتصطنع شي ولا الولد
وبامكانهم يتعرفون على بعض كصداقه
ويشوفون مدى توافقهم
ادري كلام مومنطقي وتفكير غربي منفتح
لكنه واقع ومن تجربه

واكيد لكل قاعده شواذ
وبرضه لكل شخص اسلوبه وتفكيره
عيوبه ومميزاته

عموما الغلط مو من البنات ولا من الاولاد
ولكن رايي الشخصي ان التحريم الشرعي نعمه

وشكرا اخوي على طرحك مره اخرى
واعذرني عالاطاله

اغلى الاسرار

طفش جداااا
18-12-2006, 10:34
اعذرك عالاطالة؟؟؟؟
الاطالة حقتك هذي حروف من ذهب.........
ماشالله عليك رد ولا اروع ....
يعني غطيتي النقاط المهمة تقريبا كلها....
مشكورة حبيبتي على مرورك الحلو وردك الرائع ......

طفش جداااا
19-12-2006, 07:24
ويعطيكم العافية كلكم......